බැඳුම්කර කොමිසමේ අවසන් වාර්තාව සම්බන්ධයෙන් ජනාධිපති මෛත්රීපාල සිරිසේන මහතා (03) ඉදිරිපත් කළ කරුණු සම්බන්ධයෙන් තමන් එකග වන බව නියෝජ්ය අමාත්ය, ආචාර්ය හර්ෂ ද සිල්වා පවසනවා. මෙම වාර්තාව මගින් එක්සත් ජාතික පක්ෂයේ කීර්තිනාමයට හානියක් සිදුව ඇත්දැයි මෙහිදී ප්රශ්න කෙරුණා. ඊට ද නියෝජ්ය අමාත්යවරයා ප්රතිචාර දැක්වුවා.
එහිදී සඳහන කෙරුණේ, “හොරකම් කරන මිනිස්සුන්ට පක්ෂයක්..පක්ෂ භේදයක් නෑ.. මොනා හරි දේශපාලන පක්ෂයකට මේ මිනිස්සු අයිති වෙනවා.. මෙම කරුණේදී දේශපාලන පක්ෂයකට වඩා මේකට සම්බන්ධ වෙච්ච පුද්ගලයින්ටයි ඇඟිල්ල දිගු කරන්න ඕනේ. ඔවුනුයි ඔවුන්ට ඕන දේශපාලන පක්ෂය හොයාගෙන එන්නේ.” යනුවෙනි
හිටපු මුදල් අමාත්ය රවී කරුණානායකට මෙම වාර්තාව මගින් එල්ල වී ඇති චෝදනා පිළිබඳ තමන් කණගාටුවන බව නියෝජ්ය අමාත්ය, ආචාර්ය හර්ෂ ද සිල්වා මෙහිදී කියා සිටියා.
