2015 වර්ෂයේ ආණ්ඩු වෙනස් කල ලක්ෂ 62ක අහිංසක ජනතාවගේ ඒකායන බලාපොරොත්තුව වූ දූෂණයෙන් තොර අතිමහත් සංවර්ධනයක් නව ආණ්ඩුව විසින් රටට උදාකර දේවි යන්නයි.ඒ බලාපොරොත්තුව ඉටුකිරීම වස් ජනපති අගමැති ප්‍රමුඛ රජය විසින් මෙගාපොලිස් ඇමති ලෙස ප.ච. රණවක පත්කලේ සුපිරි වැඩ ගොඩක් රටට කරන්න බව අමුතුවෙන් කිව යුතු නැත.
අසීමාන්තික ලෙස රුපියල් කෝටි ගනන් වැය කලද මෙම අමාත්‍යාංශයෙන් මේ වනතුරුත් කිසිදු වැඩක් වී නොමැති බව පෙනී යන අතර සිදුකරන එකම වැඩය වන්නේ බස් මංතීරු ඇති කිරීමයි. ඒ නිසා මාර්ග තදබදයේ වැඩිවීමක් මිස අඩු වීමක් දක්නට නොලැබේ.
එයට හේතුව ලෙස තතු දන්නෝ පවසන්නේ ඇමති සහ පිරිවර විසින් මුදල් ගැරීමේ පරමාර්ථයෙන් මොනයම්ම හෝ ව්‍යාපෘතියක් කිරීම ගැන පමණක් අවධානය යොදන බවයි.ඒසේ සිදුකරන ව්‍යාපෘති වලින් කිසිදු සුභදායක ප්‍රතිඵලයක් නොලැබෙන බවට කදිම උදාහරණයක් ලෙස මහජන මුදල් කෝටි ගනනින් ගෙවා උපදේශකයින්ගෙන් ගන්නා උපදෙස් අනුව දැනට සති දෙකකට පමණ පෙර බත්තරමුල්ල – බොරැල්ල මාර්ගයේ එක් පැත්තක ඇති මංතීරු තුනෙන් එක් මංතීරුවක් බස් මංතීරුවක් කිරීම නිසා බත්තරමුල්ල සිට බොරැල්ලට මාර්ග තදබදය වැඩිවී ඇති බවත් වෙනදා පැය බාගයකින් බත්තරමුල්ල හන්දියේ සිට බොරැල්ල හන්දියට ගියත් මේ වන විට එයට පැය එකහමාරක පමණ කාලයක් ගතවීම සැලකිය හැක.
මෙම තදබදයට ආසන්නම හේතුව ලෙස කලින් කොටාපාරේ ගිය බස් මෙම බස් මංතීරුව නිසා පාර්ලිමේන්තු පාරේ ගියත් මිනිසුන් ඉන්නේ කොටා පාරේ බැවින් ඒසේ කොටා පාරේ සිට පාර්ලිමේන්තු පාරටත්,පාර්ලිමේන්තු පාරේ සිට කොටා පාරටත් මිනිසුන්ට දෙපැත්තට මාරු වීමට සිදුවීමත් නිසා බව කිව හැකිය.මෙවන් සරල කාරනා වෙනුවෙන් මහජන මුදල් කෝටි ගනන් වියදම් කරන මෙගා පොලිස් ඇමති ප්‍රමුඛ නඩයට සරල සාමාන්‍ය බුද්ධියක් නොමැති වීම පුදුමයට කරුණකි.
කෙටියෙන්ම පවසනවානම් මෙගාපොලිස් යනු ජනතාවගේ සල්ලි හිතුමතේ වියදම් කර සුළු පිරිසක් අතර එම මුදල් බෙදා ගැනීම සඳහා ජනතා මුදලින් නඩත්තු කරන සුදු අලියෙකි.ඉතිං ජනතාවනි ඔබ දහඩිය මහන්සියෙන් හම්බකරන මුදල් වලින් මෙවන් සුදු අලින් නඩත්තු කරනවාද ඒහෙමත් නැත්නම් එයට එදිරිව සිටගන්නවාද? තීරණය ඔබ සතුයි….
