මේ දිනවල දිවයින පුරාම ව්‍යප්තව ඇති උණ සහ සෙම්ප්‍ර‍තිශාව A H1N1 වෛරසය ඇතුළු රෝග කාරක කිහිපයක් හේතුවෙන්ම ඇති වන බව මේ වනවිට කරන ලද පර්යේෂණ වලින් සොයාගෙන ඇත. මේ දිනවල කිවිසුම් යෑම, සොටු දියර ගැලීම, උණ යන රෝග ලක්ෂණ පහල වන්නේ නම් සුදුසුකම් ලත් වෛද්‍යවරයකු හමුවන ලෙස පවසන විශේෂඥ වෛද්‍යවරු රෝගය බෝ වීම අවම කිරීම සඳහා ගතයුතු ක්‍රියාමාර්ග කිහිපයක් සිහිපත් කළා.
නිතරම දෑත් හොඳින් සෝදා පිරිසිදුව තබා ගැනීම, ලේන්සු වෙනුවට ටිෂූ භාවිතය සහ එ්වා නිසිපරිදි ඉවත් කිරීම, කිවිසුම් යනවිට අත්ල නාසයට ළං කිරීම වෙනුවට වැලමිට පෙදෙසින් නාසය ආවරණය කර ගැනීම ඉන් ප්‍ර‍ධාන වනවා. කුඩා දරුවන් දිවා සුරැකුම් මධ්‍යස්ථාන සහ ළදරු පාසල් වැනි පොදු පරිසරයන්ට යොමු කිරීම හැකිතාක් අවම කරගන්නා ලෙසද උපදෙස් ලබාදී ඇත.
එමෙන්ම වයස අවුරුදු 02ට අඩු දරුවන්, වයස අවුරුදු 60 ඉක්මවූ වැඩිහිටියන් සහ ගැබිණි මව්වරුන් මෙවැනි උණ රෝගී තත්වයකට ගොදුරුව ඇතිනම් ඒ සම්බන්ධයෙන් වඩාත්ම සැලකිළිමත්වන ලෙසයි පෙන්වා දෙන්නෙ.
[rns_reactions]
