පොලිස් මාධ්‍ය ප‍්‍රකාශක පොලිස් අධිකාරී රුවන් ගුණසේකර සදහන් කළේ මෙසේ තිබියදී උදයංග වීරතුංග සමාජ ජාලා වෙබ් අඩවි මගින් විවිධ මාධ්‍ය නිවේදන නිකුත් කරමින් මෙරට යුක්තිය පසිදලීමේ කි‍්‍රයාවලිය සම්බන්ධයෙන් වැරදි ප‍්‍රතිරූපයක් ඇති කිරීමේ උත්සාහයක නිරත වන බවයි. ඔහු කළ යුත්තේ අධිකරණය වෙත ඉදිරිපත් වී තම නිර්දෝශීභාවය ඔප්පු කිරීම බවද පොලිස් මාධ්‍ය ප‍්‍රකාශකවරයා පැවසුවා.
විමර්ශන කිරීම සදහා යුක්රේනයට පැමිණි නිලධාරීන් තමාගෙන් කිසිදු ප‍්‍රකාශයක් ලබානොගත් බව උදයංග වීරතුංග ඉකුත්දා ප‍්‍රකාශ කළා. කෙසේවෙතත් පොලිස් අධිකාරී රුවන් ගුණසේකර සදහන් කළේ විමර්ශන කණ්ඩායම රාජකාරියේ නියැලෙන අවස්ථාවේ උදයංග වීරතුංග යුක්රේනයේ සිට නොමැති බවයි. එම විමර්ශන කණ්ඩායම් වෙත විදේශ ගතවීමේදී රාජකාරී සදහා සාමාන්‍ය රජයේ නිලධාරියෙකුට කරන ගෙවීම්වලට අමතරව වෙනත් කිසිදු මුදලක් ගෙවා නොමැති බවද මෙහිදී තහවුරු කෙරුණා.
