යෞවනයෙකුගේ මානසික තත්වය නොසලකා අධික සමාජ මාධ්‍ය භාවිතය ඍණාත්මක යහපැවැත්මට හා ආත්ම අභිමානයට සම්බන්ධ වී ඇති අතර වැඩි ගැහැනු ළමයින් මානසික අවපීඩනය හා බලාපොරොත්තු රහිත හැඟීම් අත්විඳිති.
අධික සමාජ මාධ්‍ය භාවිතයෙන් යෞවනයන්ගේ මානසික සෞඛ්‍යයට හානි සිදුවෙමින් පවතින බව වාර්තාවක් සොයාගෙන තිබේ.
අධ්‍යාපන ප්‍රතිපත්ති ආයතනයේ සහ ප්‍රින්ස් ට්‍රස්ට් හි (Education Policy Institute and The Prince’s Trust) පර්යේෂණවලින් හෙළි වූයේ ප්‍රාථමික පාසල් වයසේ පසුවන සියලුම දරුවන් තුළ යහපැවැත්ම සහ ආත්ම අභිමානය සමාන බවයි.
පිරිමි සහ ගැහැණු ළමයින්ගේ යහපැවැත්මට වයස අවුරුදු 14 දී බලපාන නමුත් ගැහැනු ළමයින්ගේ මානසික සෞඛ්‍යය ඊට පසු පහත වැටේ. ව්‍යායාම නොමැතිකම තවත් දායක වන සාධකයකි
පර්යේෂණයට අනුව
- ගැහැනු ළමයින් තිදෙනෙකුගෙන් එක් අයෙකු වයස අවුරුදු 14 වන විට ඔවුන්ගේ පෞද්ගලික පෙනුම ගැන නොසතුටින් සිටී. (ප්‍රාථමික පාසල අවසානයේ හත්දෙනෙකුගෙන් එක් අයෙකුට සාපේක්ෂව)
- මානසික රෝගවලින් පෙළෙන තරුණ තරුණියන්ගේ සංඛ්‍යාව 2017දී වාර්තා වූ 9/1 සාපේක්ෂව 2020දී 6/1 දක්වා හයෙන් එකක් දක්වා ඉහළ ගොස් ඇත.
- ප්‍රාථමික පාසලේ පහළ කොටසේ සිටින පිරිමි ළමයින්ට ඔවුන්ගේ සම වයසේ මිතුරන්ට වඩා 14 ක් අඩු ආත්ම අභිමානයක් තිබුණි
නව යොවුන් වියේදී ස්ත්‍රී පුරුෂ දෙපාර්ශවයේම යහපැවැත්ම පහත වැටී ඇති අතර ගැහැනු ළමයින් විශාල අඩුවීමක් අත්විඳින බව වාර්තාව පවසයි.
කෙසේ වෙතත්, ගැහැනු ළමයින් ඔවුන්ගේ යෞවන වියට පා තබන විට ඔවුන්ගේ ආත්ම අභිමානය සහ යහපැවැත්ම ස්ථාවර වන බව එය හඳුනාගෙන ඇති අතර පිරිමි ළමයින් සඳහා එය දිගටම පහත වැටේ.
‘සැනසිල්ල හෝ ප්‍රජාව’
යෞවනයෙකුගේ මානසික තත්වය නොසලකා අධික සමාජ මාධ්‍ය භාවිතය ඍණාත්මක යහපැවැත්මට හා ආත්ම අභිමානයට සම්බන්ධ වී ඇති අතර වැඩි ගැහැනු ළමයින් මානසික අවපීඩනය හා බලාපොරොත්තු රහිත හැඟීම් අත්විඳිති.
කේම්බ්‍රිජ් විශ්ව විද්‍යාලයේ එම්මානුවෙල් විද්‍යාලයේ පර්යේෂණ සහායක වෛද්‍ය ඇමී ඕර්බන් පැවසුවේ “නරක යැයි හැඟෙන අය සැනසිල්ල හෝ ප්‍රජාව සඳහා සමාජ මාධ්‍ය වෙත යොමුවිය හැකියි. එය රික්තයක් නොවේ, එය දෙයාකාරයෙන්ම ක්‍රියා කරයි.”
පර්යේෂණය එංගලන්තයේ තරුණයින් 5,000කගේ දත්ත විශ්ලේෂණය කර ඇත.
මෙම වයස් කාණ්ඩවල කොවිඩ්-19 වෛරස් වසංගතයේ බලපෑම පරීක්ෂා කිරීම සඳහා නාභිගත කණ්ඩායම් ද නොවැම්බර් මාසයේ දී සිදු කරන ලදී.
පවුලේ ආදායම, ව්‍යායාම සහ මාතෘ සෞඛ්‍යය දුර්වල වීම ද යෞවනයන්ගේ මානසික තත්ත්වයට හේතු වී ඇති බව අධ්‍යයනයෙන් අනාවරණය වී තිබේ.
නමුත් නිතිපතා ව්‍යායාම කිරීම ස්ත්‍රී පුරුෂ දෙපාර්ශවයටම ධනාත්මක බලපෑමක් ඇති කළ බව වාර්තාව පවසයි.
“පාසැල් වැසීම සහ වසා දැමීම හේතුවෙන් ක්‍රියාකාරකම් හා ක්‍රීඩාවලට සහභාගී වීම සැලකිය යුතු ලෙස පහත වැටෙනු ඇති අතර එය මානසික සෞඛ්‍යයට හා යහපැවැත්මට අහිතකර ලෙස බලපානු ඇත.
“ළමා වියේ සිට නව යොවුන් විය දක්වා මාරුවීම කැලඹිලි සහිත විය හැකි අතර, වසංගතයේ බලපෑම දිග හැරෙන විට යෞවනයන්ගේ මානසික සෞඛ්‍යයට ආමන්ත්‍රණය කිරීම හා සහාය දීම වඩාත් තීරණාත්මක වන්නේ මන්දැයි මෙම වාර්තාවේ සොයාගැනීම් මගින් අවධාරණය කෙරේ” යනුවෙන් එක්සත් රාජධානියේ ප්‍රින්ස් හි ප්‍රධාන විධායක ජොනතන් ටවුන්සෙන්ඩ් පවසයි.
“වසංගතයෙන් දැඩි ලෙස පීඩාවට පත්ව ඇත්තේ යෞවනයන් ය. එබැවින් ඔවුන්ගේ ජීවිතයේ මෙම තීරණාත්මක කාලය තුළ ඔවුන්ගේ මානසික සෞඛ්‍යයට සහය ලබා ගැනීම වෙන කවරදාටත් වඩා වැදගත් ය.”
බී.බී.සී. වාර්තාවකි – සැකසුම – තීක්ෂණ වෙළෙන්එගොඩ
