වෝහාරික විගණන වාර්තාව මහබැංකුව විසින් සකස් කළ හෙයින් ඒ සම්බන්ධයෙන් තමන්ට නඩු පැවැරීමට හැකියාවක් නොමැති බවත් නඩු පැවැරීමට හැකියාව ඇත්තේ ශ්‍රී ලංකා මහබැංකුවට බවත් ජනපති ලේකම්වරයා තමාට ලිපියක් මගින් දැනුම් දුන් බව කෝප් සභාපති සුනිල් හඳුන්නෙත්ති මහතා පැවසුවා.
අද (20) පාර්ලිමේන්තුවේදී අදහස් දැක්වූ සුනිල් හඳුන්නෙත්ති මහතා සඳහන් කළේ එම ලිපිය තමන් හැන්සාඩ් ගතකරන බවයි. කෝප් කමිටුවේ සභාපතිවරයා ලෙස තමන් ජනපති ගෝඨාභය රාජපක්ෂ මහතාට යොමු කළ ලිපියකට පිළිතුරු ලිපියක් ජනපති ලේකම්වරයා විසින් යොමුකරමින් මේ බව සඳහන් කළ බවයි කෝප් සභාපතිවරයා කියා සිටියේ.
එසේම ජනපතිවරයාගේ ලිපිය අනුව මහබැංකුව කෝප් කමිටුවට කැඳවා අදාළ වාර්තාව සම්බන්ධයෙන් නඩු පැවැරීමට අවස්ථාවක් ලැබී ඇති බවත් ඒ අනුව ඉදිරියේදී අදාළ පියවර ගන්නා බවත් ඔහු පැවැසුවා.
