පර්පෙචුවල් ට්රෙෂරීස් බැදුම්කර ගනුදෙනු සම්බන්ධව අත්අඩංගුවට ගත් බන්ධනාගාර රෝහල්ගත කළ කසුන් පලිසේන රෝහලේ ප්රතිකාර වලින් පසු යළි බන්ධනාගාර ගතකර ඇතැයි වාර්තාවේ.
සාමාන්යයෙන් බන්ධනාගාර රෝහලට යාම යනුවෙන් අදහස් වන්නේ ඔහු සිරෙන් නිදහස්වීම දක්වා රෝහලේ සිටීම වුවත් මෙම සැකකරු සම්බන්ධයෙන් එලෙස ක්රියාත්මක වී නැත.
මේ අතර ඔහු සමග රෝහල් ගතවූ අර්ජුන් ඇලෝෂියස් තව දුරට ත් බන්ධනාගාර රෝහලේ ප්රතිකාර ලබන බව බන්ධනාගාර මාධ්ය ප්රකාශක තුෂාර උපුල්දෙණිය පවසයි.
අර්ජුන් ඇලෝෂියස් හා කසුන් පාලිසේන යන අය රෝහල් ගතකරන ලෙස බන්ධනාගාර රෝහලට අනුයුක්තව මැගසින් බන්ධනාගාරයේ රෝගීන් පරික්ෂා කරන වෛද්යවරයා නියෝග කර තිබුනේ පසුගිය බ්රහස්පතින්දා පෙරවරුවේදී ය.
කසුන් පලිසේනට කොන්දේ ඇති වේදනාවක් හේතුවෙන් මෙම වෛද්ය පරීක්ෂණ නිර්දේශ කර ඇති අතර අර්ජුන් ඇලෝසියස්ට මුත්රා අමාරුවක් සහ හිස රුදාවක් හේතුවෙන් වෛද්ය පරීක්ෂණ නිර්දේශ කර තිබේ.