තිස්ස මහාරාම ප්රාදේශීය සභාව සදහා පොහොට්ටුව ලකුණින් තරග වැද වැඩිම මනාප ප්රතිශතයක් වාර්තා කරමින් ජයග්රහණය කල හර්ෂ ජයවීර හිටපු සභාපතිවරයාට නැවතත් සභාපතිධූරය ලබා නොදී චමල් රාජපක්ෂගේ සමීපතමයෙකු වන ඩබ්.ඩී.උපුල් නැමැති හිටපු උප සභාපතිවරයාට ලබාදීමට චමල් ගන්නා උත්සාහයත් සමග පොදුජන පෙරමුණ නියෝජනය කරන දිනේෂ් ගුණවර්ධන දැඩි කලකිරීමකට ලක්ව සිටින බව වාර්තාවේ.
මැතිවරණයට පෙර ඇතිකරගත් එකගතාවයන් මත දිනේෂ් නායකත්වය දරන මහජන එක්සත් පෙරමුණට තිස්සමහාරාම ප්රාදේශීය සභාවේ හා සීතාවක ප්රාදේශීය සභාවේ සභාපතිධූරයන් ලබාදීමට එකගතාවක් පැවැතියද ඒකාබද්ධ විපක්ෂය තුල වෙනම මතවාදයක් ගෙන යාමට රාජපක්ෂවරුන් දරන ප්රයත්නය නිසා පක්ෂය අර්බුදයකට ලක්ව ඇති බවත් වාර්තාවේ.
මේ ගැටළුව සමථයකට පත් කිරීමට අද දිනයේ මහින්ද රාජපක්ෂද සෘජුව මැදිහත් වී ඇතත් චමල් මහින්දගේ බසට පවා නතු නොවෙන තත්වයක් කාල්ටන් නිවසේදී දකින්නට ලැබිණ. තත්වය මේ ආකාරයෙන්ම පැවතියහොත් ඉදිරි දින කිහිපයේදී තමන් බරපතල දේශපාලන තීන්දුවකට යන බවද දිනේෂ් ගුණවර්ධන පාර්ශවය පවසයි. මැතිවරණයෙන් පසු උදය ගම්මන්පිලටද බැසිල් රාජපක්ෂ සිදුකල බැන වැදීමක් සම්බන්ධයෙන්ද වාර්තා විය.
