අද (04) විවාදයට ගැනෙන විශ්වාසභංග යෝජනාව පිළිබඳ තීරණයක් ගැනීමට ඊට අදාළ ඡන්ද විමසීමේදී අවශ්ය වන්නේ පාර්ලිමේන්තුවේ සරළ බහුතරයක් පමණ ය. ඒ මොහොතේ පාර්ලිමේන්තුවේ සිටින මන්තී්රවරුන්ගේ බහුතර කැමැත්ත එහි අවසන් තීන්දුව වනු ඇත.
යම් හෙයකින් ඡන්දයේදී සම තත්ත්වයක් ඇතිවුවහොත් තීරක ඡන්දය වන්නේ කතානායකවරයාගේ හෝ මූලාසනයේ ඡන්දය වේ.
මේ අතර අපි රනිල් වික්රමසිංහ අගමැතිතුමාගෙන් ඉල්ලුවේ එක්සත් ජාතික පක්ෂය ප්රතිසංවිධානය කරන ලෙසයි. නමුත් එතුමා පක්ෂය ප්රතිසංවිධානය කරනවා වෙනුවට වාහන හා මුදල් ලබාදීලා ප්රශ්නය යටගහන්න හදනවා යැයි වාරිමාර්ග රාජ්ය අමාත්ය, පුත්තලම දිස්ත්රික් පාර්ලිමේන්තු මන්ත්රී පාලිත රංගේ බණ්ඩාර මහතා (03) ප්රකාශ කළේය.
රනිල් වික්රමසිංහ මහතාගේ නායකත්වය යටතේ පක්ෂයට තවදුරටත් ඉදිරියට යා නොහැකි නිසා එතුමා අගමැති තනතුරින් හා පක්ෂ නායකත්වයෙන් ඉවත් කරනතුරු සටන ඉදිරියටම ගෙන යන බවද ඒ මහතා අවධාරණය කළේය.
රනිල් වික්රමසිංහ මහතාට එරෙහි විශ්වාසභංග යෝජනාව සම්බන්ධයෙන් කළ විමසීමකදී මේ බව ප්රකාශ කල රංගේ බණ්ඩාර මහතා වැඩිදුරටත් අදහස් දක්වමින් මෙසේද කීය.
එක්සත් ජාතික පක්ෂය මේ වන විට ජනතාව අතර දැඩි අසීරුතාවයට පත්වෙලා. පක්ෂ නායකත්වය එයට වග කියන්න ඕනෑ. ඒ නිසයි අපි පක්ෂය ප්රතිසංවිධානය කරන්න කියලා කිව්වේ. ඒකට කරන්නේ අපි ගෙන්නලා එක එක තනතුරු වාහන සල්ලි දීලා සනසන්න හදනවා.
රනිල් වික්රමසිංහ මහතා අගමැති කමෙනුත් පක්ෂ නායකත්වයෙනුත් ඉවත්ව යා යුතුය යන මතයේ මමත් එජාපයේ තවත් මන්ත්රීවරුන් පිරිසකුත් ඉන්නවා. අපි අපේ මතය වෙනස් කරන්නේ නැහැ. මටත් පෞද්ගලිකව හමුවෙන්න කියලා අගමැතිතුමා දැනුම් දුන්නා. ඒත් මට එහෙම වැඩක් නැහැ. අපිට පෞද්ගලිකව විසද ගන්න ප්රශ්නයක් නැහැ. අගමැතිතුමා සමග මට පෞද්ගලික ප්රශ්ණයක් ඇත්තෙත් නැහැ. පක්ෂය ප්රතිසංවිධානය නොකර මොන දේ කළත් වැඩක් නැහැ.
අපි දිගටම අපේ මතයේ ඉන්නවා. මේ නායකත්වය වෙනස් විය යුතුයි. එහෙම නොවුණොත් එක්සත් ජාතික පක්ෂයට දෙවියන්ගේම පිහිටයි, යනුවෙන්ද රංගේ බණ්ඩාර මහතා කියා සිටියේය.
