ට්‍රම්ප් සිරියාවට මිසයිල 59කින් සලකයි.

Spread the love

ඊයේ (7) සිකුරාදා ග්‍රීනීච් වේලාවෙන් පෙරවරු 1.40 ට ඇමරිකානු නාවික හමුදා නැව් දෙකක් මගින් සිරියාව වෙත විශාල ප්‍රහාරයක් දියත් කර තිබේ. ට්‍රම්ප් ජනපති පදවියට පත්වීමෙන් පසු ඇමරිකාව සිරියාවට එරෙහිව යුද්ධය ප්‍රකාශ කිරීමක් ලෙස මෙම ප්‍රහාරය හැඳින්වෙන අතර ටොමහෝක් කෲස් මිසයිල පනස් නවයක් සිරියාවේ ගිනිකොණ දිග හා ඊසානදිග ප්‍රදේශවලට එල්ල කර ඇත්තේ ගුවන් යානා පඝ සන්නිවේදන කුළුණු  ආදිය ඉලක්ක කරගෙනයි.

මෙම ප්‍රහාරයෙන් හයදෙනෙකු මියගිය බව තහවුරුවී ඇතැයි සිරියානු හමුදාව දන්වා ඇත.ප්‍රහාරය එල්ල කරන්නට හේතුවූ කරුණු පැහැදිලි කරමින් ඇමරිකානු ජනපතිවරයාද ප්‍රකාශයක් නිකුත් කර ඇත.
මෙම ප්‍රහාරයට ආසන්න හේතුව වන්නේ සිරියානු කැරලි කරුවන්ට එරෙහිව එරට හමුදාව පසුගිය අඟහරුවාදා එල්ල කරන ලදැයි කියන රසායනික අවි ප්‍රහාරයකි. ලෝක අනුමත නොකරන යුද්ධයේ රීතිවලට පටහැණි මානව හිමිකම් කඩකරන ප්‍රහාරයක් ලෙස එම අවි ප්‍රහාරය ට්‍රම්ප් ඇතුළු ලෝක නායකයින් හෙළාදැක තිබුණි. එම ප්‍රහාරය නිසා 58 දෙනෙකු ජීවිතක්ෂයට පත් විය. ඔවුන් මියගියේ රසායනික අවි නිසා බව පසුව හෙලිදරව් විය. ට්‍රම්ප් ප්‍රතිප්‍රහාර සිදුකරන ලද්දේ එහෙයිනි.

Loading...

[rns_reactions]

Loading...