පානදුර අරුක්‌ගොඩ ප්‍රදේශයේ පිහිටි නිවසේදී ගායන ශිල්පිනි ප්‍රියානි ජයසිංහ මහත්මිය ඇයගේ සැමියා විසින් ඊයේ (08 වැනිදා) රාත්‍රි පිහියෙන් ඇන ඝාතනය කර ඇත.
මෙම ඝාතනය ඊයේ රාත්‍රි 8.50 ට පමණ සිදුව ඇති අතර පවුල් ආරවුලක්‌ මෙම ඝාතනයට හේතුවී ඇති බව මූලික පොලිස්‌ විමර්ශනවලින් හෙළිවී ඇත. ප්‍රියානි ජයසිංහ මහත්මිය ඝාතනයට ලක්‌වන විට 53 වැනි වියෙහි පසුවූ අතර ජනප්‍රිය ගීත රැසක්‌ ගායනා කර ඇත.
කඳුළ නිවන්නම් සිත නොරිදනවා නම් යන ගීතය ඇය ගායනා කළ ජනප්‍රිය ගීතයකි.
දෙදරු මවක වූ ඇය ඝාතනයට ලක්‌වන විට සිය දියණියද සමඟ පානදුර අරුක්‌ගොඩ නිවසේ පදිංචිව සිට ඇත.
පානදුර ජ්‍යෙෂ්ඨ පොලිස්‌ අධිකාරි සේනානායක මහතාගේ උපදෙස්‌ මත වැඩිදුර පරීක්‍ෂණ පැවැත්වේ.
