සටහන : ගජබා නාහවත්ත
1988 – 89 අතුරුදහන් වූවන් ගේ පවුල්වල සංවිධානය” රණසිංහ පේ‍්‍රමදාස ජනාධිපතිවරයාගේ සමයේ අතුරුදන් වූවන් සම්බන්ධයෙන් සාධාරණත්වය ඉටුකරවා ගැනීමේ අරමුණින් පසුගිය 14 වැනිදා විහාර මහා දේවී උද්‍යානය ඉදිරිපිටදී උද්ඝෝෂණයක නියැලිණි. පසුව ඔවුන් සටන් පාඨ කියමින් පස්වරු 4.30ට පමණ අරලිය ගහ මන්දිරය ඉදිරිපිටට පැමිණ නැවත සිය උද්ඝෝෂණය ආරම්භ කළහ. මේ අවස්ථාවේ අගමැතිවරයා සිටියේ බණ්ඩාරනායක සම්මන්ත‍්‍රණ ශාලාවේ පැවැති ග‍්‍රන්ථයක් දොරට වැඞීමේ උත්සවයකට සහභාගි වෙමිණි.
1988 – 89 අතුරුදහන් වූවන් ගේ පවුල්වල සංවිධානය” රණසිංහ පේ‍්‍රමදාස ජනාධිපතිවරයාගේ සමයේ අතුරුදන් වූවන් සම්බන්ධයෙන් සාධාරණත්වය ඉටුකරවා ගැනීමේ අරමුණින් පසුගිය 14 වැනිදා විහාර මහා දේවී උද්‍යානය ඉදිරිපිටදී උද්ඝෝෂණයක නියැලිණි
උද්ඝෝෂකයින්ට කිරිකෝපි
සිද්ධිය සම්බන්ධයෙන් දැනුම්වත් වූ අග‍්‍රාමාත්‍යවරයා වහාම අග‍්‍රාමාත්‍ය ලේකම් ගාමිණී සෙනරත් මහතාසමග දුරකතනය හරහා සම්බන්ධ විය.
‘ගාමිණි, උද්ඝෝෂණයේ යෙදිලා ඉන්න අයට කිසිම හිරිහැරයක් වෙන්න දෙන්න එපා. මේකට පොලීසිය කොහෙත්ම මැදිහත් කර ගන්න එපා. ඒ අයට කියන්න මම උත්සවයකට සහභාගි වෙලා ඉන්නේ කියලා. ඒ අයගේ ගැටලු ගැන සාකච්ඡා කරන්න‘
අගමැතිවරයාගේ උපදෙස් ලැබීමත් සමග වූ ගාමිණී සෙනරත් මහතා අග‍්‍රාමාත්‍ය අතිරේක ලේකම්වි හර්ෂ විජේවර්ධන මහතාට උද්ඝෝෂණකරුවන් හමුවට ගොස් ඔවුන් සම සාකච්ඡා කරන ලෙස දැනුම් දුන්නේය.
ඒ අනුව උද්ඝෝෂණකරුවන් වෙත ගිය හර්ෂ විජේවර්ධන මහතා ඔවුන්ගේ ඉල්ලීම් සම්බන්ධයෙන් විමසා සිටියේය. අතුරුදහන් වූ පුද්ගලයෙකු වෙනුවෙන් රුපියල් 6000ක දීමනාවක් ලබා ගැනීම, අතුරුදහන් වූවන් වෙනුවෙන් වන්දි ලබා ගැනීම, රජයේ රැකියා ලබා දීමේදී අතුරුදහන් වූවන්ගේ පවුල්වල සාමාජිකයෙකුට අවස්ථාවක් ලබා ගැනීම, ඉඩම් හා නිවාස ලබා ගැනීම, අතුරුදහන් වූ තැනැත්තන් පිළිබද කාර්යාංශයේ කටයුතු කාර්යක්ෂම කිරීම, යුක්තිය ඉටුකරවා ගැනීම ඇතුළු ඉල්ලීම් හතක් මුල් කරගනිමින් මෙම උද්ඝෝෂණ ව්‍යාපාරය දියත් කොට ඇතැයි එහිදී දැනගන්නට ලැබිණි.
පසුව උද්ඝෝෂණකරුවන් අරලියගහ මන්දිර පරිශ‍්‍රයට කැදවා ඔවුන්ගේ ඉල්ලීම් අගමැතිවරයාට යොමු කරන‍ෙබව පවසා උද්ඝෝෂණකරුවන්ට ජල බෝතල් ලබා දීමටත්, කිරිකෝපිවලින් සංග‍්‍රහ කිරීමටත් පියවර ගත්තේය. මේ අතරතුර අග‍්‍රාමාත්‍ය ලේකමවරයා අගමැතිවරයා අමතා සිය ̈ තොරතුරු අගමැතිවරයාට දැනුම් දී තිබිණි.
‘ගාමිණි, මේ උත්සවය තවමත් අවසන් වෙලා නැහැ. මම ගාමිණී ලොකුගේ ඇමැතිතුමාව පුළුවන් ඉක්මනට උද්ඝෝෂණකරුවෝ ළගට එවන්නම්” යි කීවේය.
ඉතාම කෙටි කාලයක් ඇතුළත උද්ඝෝෂණකරුවන් හමුවට පැමිණී ගාමිණී ලොකුගේ ඇමැතිවරයා ඔවුන්ගේ‍ෙඉල්ලීම් අගමැතිවරයාට යොමුකර ඔවුන් වෙනුවෙන් සාධාරණත්වය ඉටු කිරීමට පියවර ගන්නා බව දැනුම් දුන්නේය.
බණ්ඩාරනායක සම්මන්ත‍්‍රණ ශාලාවේ සිට නැවතත් අරලිය ගහ මන්දිරයට පැමිණි අගමැතිවරයා එහි සංවිධානය කොට තිබූ බැංකු නිලධාරීන්ගේ හමුවකට එක්විය. වන විටත් බැංකු නිලධාරීන්ගේ සාකච්ඡාව අරඹා තිබිණි.
දේශීය ව්‍යාපාරිකයින් අගමැතිගේ අවධානයට
තනි වෘත්තීය සමිතියක් දෙකඩ වුණාම කේවල් කිරීමේ බලය නැති වෙනවා. ආණ්ඩුවකට බලපෑම් කරන්න නම් වෘත්තීය සමිති දෙකඩ වෙන්න හොද නැහැ. මෙතන වෙලා තියෙන්නේ ඔයාලාගේ වෘත්තීය සමිතිය දෙකඩ වෙන එක මිසක් මගේ නම අවභාවිතා කරන එකක් නෙවෙයි
‘දේශීය ව්‍යාපාරිකයින්ට අත දෙන එක නම් ලංකාවේ සිද්ධ වෙන්නේ නැහැ. මම ගියා පොතක් එළි දක්වන උත්සවයකට. ඒ පොතේ තියෙන්නේ අපේ ව්‍යාපාරිකයෙක් බොහොම උත්සාහවන්ත විදියට ඉදිරියට ආපු විදිය. ඔය ගොලලෝ ඒ වගේ දේවල් ගැනත් සාකච්ඡා කරන්න.”
සාකච්ඡාවට සහාගිව සිටි අයෙක් ඒ අවස්ථාවේදීම ‘අපි ඒ ගැන ඇරෙන්න අනිත් හැම දේ ගැනම කතා කළා” යැයි කීවේය.
‘ඒකනේ කියන්නේ ඔය ගොල්ලේ අවශ්‍යම දේවල් සාකච්ඡා කරන්නැනේ හැ.” යි අගමැතිවරයා එක්වරම කීවේය.
බැංකු සේවකයින්ගේ වෘත්තීය සමිතියක් නියෝජනය කරමින් සාකච්ඡාවට එක්ව සිටි අයෙක් මෙහිදී සදහන් කරන්නේ සිය සංගමයේ පිරිසක් තවත් සංගමයක් පිහිටුවා ගෙන අගමැතිවරයාගේ නම අවභාවිතා කරමින්
සිටින බවයි.
‘තනි වෘත්තීය සමිතියක් දෙකඩ වුණාම කේවල් කිරීමේ බලය නැති වෙනවා. ආණ්ඩුවකට බලපෑම් කරන්න නම් වෘත්තීය සමිති දෙකඩ වෙන්න හොද නැහැ. මෙතන වෙලා තියෙන්නේ ඔයාලාගේ වෘත්තීය සමිතිය දෙකඩ වෙන එක මිසක් මගේ නම අවභාවිතා කරන එකක් නෙවෙයි” අගමැතිවරයා ක්ෂණිකව කීවේය.
සාකච්ඡාව අවසානයේ පැමිණ සිටි අය සමග සුහදදව කතා කරමින් සිටි අගමැතිවරයා අතුරුදන් වූවන්ගේ‍ෙ ඥාතීන් අරලිය ගහ මන්දිරයට පැමිණීම සම්බන්ධයෙන් ද අදහස් පල කලේය.
අතුරුදන්වූවන්ගේ ප‍්‍රශ්නයට විසදුම් ඕනේ
‘‘අවුරුදු හතරක් පහක් තිස්සේ කිසිම තොරතුරක් හොයා ගන්න නැති අයට ජාති බේදයක් නොසලකා මරණ සහතිකයක් සහ වන්දියක් දෙන වැඩපිළවෙලක් කි‍්‍රයාත්මක කරන්න තිබුණා නම් හොදයි. මේ අයගේ ප‍්‍රශ්නයට විසදුමක් දෙන්නත් ඕනේ. ඒ වුනාට මේ එන්.ජී.ඕ එක්ක මොකුත් කරන්න බැහැනේ“ මේ අවස්ථාවේදී අගමැතිවරයාගේ මුවින් නිකුත් විය.
හජ් වන්දනා නියාමනය කිරීම සම්බන්ධයෙනුත් පසුගිය සතියේ අරලිය ගහ මන්දිරයේදී හජ් කමිටුවේ සහභාගීත්වයෙන් සාකච්ඡාවක් පැවැත්වුණි. මේ අවස්ථාවට විදේශ සංචාර නියෝජිතයින් පිරිසක්ද එක්ව සිටියහ.
දුම්මලසූරිය පල්ලියේ ගැටුම
දුම්මලසූරිය පල්ලියේ ඇතිවු යම් සිද්ධියක් සම්බන්ධයෙන් මෙහිදී පැමිණ සිටි අය අගමැතිවරයාගේ අවධානය යොමු කලේය. පාරම්පරික මුස්ලිම්වරුන්ට පල්ලියට ඇතුල් වීමට අවස්ථාව නොදීමක් මෙම ගැටුමට හේතු වී තිබණි.
අගමැතිවරයා වහාම දුම්මලසූරිය පොලීසියට ඇමතුමක් ගෙන, ‘මේ ගැටුම දුරදිග යවන්න එපා. ඉක්මනින්ක මැදිහත් වීමක් කරන්න. නැත්නම් මේවා අනවශ්‍ය විදියට දුරදිග ගිහින් මිනිසුන්ගෙන් ජීවිත වලටත් බලපාන්න
ඉඩ තියෙනවා” යැයි පැවසීය.
ඒ සමගම ආණ්ඩුකාරවරයා ඇමතූ අගමැතිවරයා මෙම සිද්ධිය සම්බන්ධයෙන්
සොයා බලා වහාම මැදිහත් විමක් කරන්නැයි ආණ්ඩුකාරවරයාට ද දැන්වා සිටියේය.
හජ් වන්දනාවේ යෙදෙන මුස්ලිම් ජාතිකයන්ගෙන් හිතුමතේ මුදල් අයකිරීම සම්බන්ධයෙන් මෙහිදී සාකච්ඡා විය. රුපියල් පන්ලක්ෂ හැත්තෑ පන්දහසක මුදලක්ප මණක් හජ් වන්දනාවේ යෙදෙන මුස්ලිම් ජනතාවගෙන් අය කරන ලෙස මේ අවස්ථාවේ අගමැතිවරයා සංචාරක නියෝජිත ආයතන වෙත දැනුම් දුන්නේය. නමුත් සංචාරක නියෝජිත ආයතන නිලධාරීන්ගෙන් යහපත් ප‍්‍රතිචාරයක් නොලැබුණි.
මේසයට තදින් පහරක් එල්ල කළ අගමැතිවරයා, ඕගොල්ලන්ට මේ ගානට ගියා කියලා පාඩුවක් වෙන්නේ නැහැ. ඔයාලාට කරන්න බැරි නම් කියන්න. ඔය ගානට කරන්න පුළුවන් අය ඕනේ තරම් ඉන්නවා.” යැයි කීවේය.
ශී‍්‍ර ලංකා නිදහස් පොදුජන සන්ධානයේ පක්ෂ නායකයින්ගේ පළමු හමුව
ශී‍්‍ර ලංකා නිදහස් පොදුජන සන්ධානයේ පක්ෂ නායකයින්ගේ පළමු හමුව ඉකුත් දා (18) අරලිය ගහ මන්දිරයේදී පැවැත්විනි. මේ අවස්ථාවට හිටපු ජනාධිපති මෛත‍්‍රිපාල සිරිසේන, දිනේෂ් ගුණවර්ධන, නිමල් සිරිපාල ද සිල්වා, මහාචාර්ය ජී එල් පීරිස්, හිටපු අමාත්‍ය බැසිල් රාජපක්ෂ, ඩග්ලස් දේවානන්ද, ආරුමුගම් තොණ්ඩමන්, ඩලස් අලහප්පෙරුම, වාසුදේව නානායක්කාර, ඩිව් ගුණසේකර, තිස්ස විතාරණ, අතුරලියේ රතන හිමි, මහින්ද අමරවීර, සී.බී රත්නායක, රාජා කොල්ලුරේ, මහින්ද යාපා අබේවර්ධන, ගාමිණී ලොකුගේ,
පවිත‍්‍රා වන්න්ආරච්චි, අසංක නවරත්න, එස්.එම් චන්ද්‍රසේකර, දයාසිරි ජයසේකර, ජයන්ත සමරවීර යන පිරිස සහභාගි වූහ.
මේ රැස්වීම ඇරඹීමට පෙර හිටපු ජනාධිපති මෛති‍්‍රපාල සිරිසේන ඇතු ̈ ශී‍්‍ර ලංකා නිදහස් පක්ෂ නියෝජිතයින් අරලිය ගහ මන්දිර පරිශ‍්‍රයේදීම අගමැතිවරයා හා බැසිල් රාජපක්ෂ මහතා හමුවිය. මේ අවස්ථාවට රාජ්‍ය අමාත්‍ය දුමින්ද දිසානායක මහතාත් සහභාගි වී සිටියේය. නමුත් දුමින්ද දිසානයක පක්ෂ නායකයින්ගේ හමුවට සහභාගී වූයේ නැත.
මේ සුහද හමුව අවසානයේ, දුමින්ද දිසානායක මහතා අගමැතිවරයාගෙන් ඉල්ලීමක් කළේය. මෙවර අනුරාධපුරයේ පැවැත්වෙන ජාතික කී‍්‍රඩා උළෙලට සහභාගි වෙන ලෙස අග‍්‍රාමාත්‍යවරයාගෙන් කළ ඉල්ලීමට ප‍්‍රතිචාර දක්වමින් අගමැතිවරයා ‘දුමින්ද, මම ඒකට එන්නම්. ඒ ගමන් ඔයාලාගේ ගෙවල් පැත්තටත් ඇවිත් යන්නම්‘ කීවේය.
එදින රාති‍්‍ර 7ට පමණ අගමැතිවරයාගේ ප‍්‍රධානත්වයෙන් පක්ෂ නායක හමුව ආරම්භ විය. මේ අවස්ථාවේදී එක්වරම අගමැතිවරයා අමතමින් වාසුදේව අමාත්‍යවරයා සදහන් කරන්නේ,
‘ බඩු මිල, එළවළු මිල නම් හොදටම වැඩියි. මේ ගැන අවධානය යොමු කරන්න ඒ වගේම පොහොර හිගයකුත් තියෙනවා. මට හිතෙන්නේ මුදල් අමාත්‍යංශය මේ සම්බන්ධයෙන් හරියට කි‍්‍රයාත්මක වෙන්නේ නැහැ” යනුවෙනි.
ඒ අවස්ථාවේදීම දුරකතනයෙන් මුදල් අමාත්‍යංශ ලේකම්වරයා සම්බන්ධ කරගත් අගමැතිවරයා වාසුදේව ඇමැතිවරයා සදහන් කළ කරුණු සම්බන්ධයෙන් විමසීය. ‘පොහොර බෙදාදීමේ වැඩපිළිවෙලේ යම් යම් අඩුපාඩු තියෙනවා. මේ සම්බන්ධයෙන් සොයා බලලා අවශ්‍ය පියවර ගන්නැයි අගමැතිවරයා මුදල් අමාත්‍යාංශයේ‍ෙලේකම්වරයාට දැනුම් දුන්නේය.
ඉදිරි මහ මැතිවරණයේදී පක්ෂ සමග එක්ව කටයුතු කරන ආකාරයත්, නාම යෝජනා සම්බන්ධයෙනුත්මෙ හිදී දීර්ඝ වශයෙන් සාකච්ඡා විය.
ෆයිල් බන්ඩලයක් බැසිල් පොහොට්ටුව වෙනුවෙන්
ශී‍්‍ර ලංකා පොදුජන පෙරමුණේ නිර්මාතෘෘ බැසිල් රාජපක්ෂ මහතා මේ අවස්ථාවට සහභාගි වී සිටියේ විශාල ෆයිල් තොගයක්ද සමගිනි. කුරහන් පැහැ රිබන් පටි දෙකකින් එම ෆයිල් මිටිය බැද තිබණි. බැසිල් රාජපක්ෂ මහතා මැතිවරණ ඉතිහාසය,ඡන්ද ප‍්‍රතිශතයේ වෙනස් වීම් ඇතුළු පහුගිය මැතිවරණ තොරතුරු සංඛ්‍යා ලේඛණ සහිතව රැගෙන මෙම රැස්වීමට සහභාගීව සිටියේ ́ඕනෑම ප‍්‍රශ්නයකට මුහුණ දීම සදහා පෙර
සූදානමකින්ද යුතුවයි.
මැතිවරණයට ඉදිරිපත් වන ලකුණ සම්බන්ධයෙන් සිය ̈ පක්ෂ නායකයින් දැඩි උනන්දුවකින් පසුවිය. අතුරලියේ රතන හිමියන්,
‘සන්ධානය මොක වුණත්,ලකුණ මොකක්ද කියලා පැහැදිලි කරන්න‘ යැයි කීවේය.
මේ අවස්ථාවේ ෆයිල් ගොනුව දිග හැර ගත් බැසිල් රාජපක්ෂ මහතා මැතිවරණ දත්ත එකින් එක ගෙනහැර දක්වමින් ඡන්ද දායකයින්ගේ හැසිරීම සම්බන්ධයෙන් කරුණු දැක්වීමක් කලේය. අවසානයේ මැතිවරණයට ඉදිරිපත් වන ලකුණ ලෙස සියලු දෙනාගේ එකගත්වයෙන් ‘පොහොට්ටුව” තෝරා ගත්හ.
මහ මැතිවරණයට බැසිල්ගේ නායකත්වය
‘මේ මැතිවරණයටත් බැසිල් රාජපක්ෂ මහතාගේ නායකත්වය අවශ්‍යයි. බැසිල් රාජපක්ෂ මහතාගේ‍ෙනායකත්වයේ ප‍්‍රතිඵල මේ වන විටත් අපිට ලැබී තිබෙනවා.” මේ අවස්ථාවට සහභාගි වී සිටි බන්දුල ගුණවර්ධන ඇමැතිවරයා පැවසීය.
‘අපි පොහොට්ටුවෙන් තරග කරනවා වගේම සන්ධානගත වෙන සුළු පක්ෂ ගැනත් හිතන්න වෙනවා. උතුරු – නැගෙනහිර පළාතේ අපිත් එක්ක සන්ධානගත වෙන සුළු පක්ෂ වලට අවශ්‍ය නම් ඒ පලාත්වල වෙනම
මැතිවරණය සදහා ඉදිරිපත් වීමේ අවස්ථාව ලබා දෙන්න ඕනේ” ඩලස් අලහප්පෙරුම මහතා එහිදී අදහස්ද ක්වමින් පැවසිය.
‘ඒක හරි ඩලස්. අතාවුල්ලා අපිත් එක්ක මැතිවරණයට ඉදිරිපත් වුනාම අපේ අය තේරෙනවා. හැබැයි එතුමාට පාර්ලිමේන්තුව නියෝජනය කරන්න අවස්ථාව නැති වෙනවා. ඒ නිසා පක්ෂවලින් ඉල්ලිමක් අවොත් අපි ඒ ගැන සලකා බලන්න ඕනේ” ඊට ප‍්‍රතිචාර දක්වමින් බැසිල් රාජපක්ෂ මහතා සදහන් කළේය.
මෛතී‍්‍රට හින්ට් එකක්
‘ඒක හරි සර්. ගියපාර අපේ දිස්ති‍්‍රක්කවල ඡන්දවලට ජාතික ලයිස්තුවෙන් ලැබුණු මන්තී‍්‍රධූරත් අපිට නැති වුණා” අතාවුල්ලා මහතා ද ඊට ප‍්‍රතිචාර දක්වමින් සදහන් කලේය.
මේ අවස්ථාවේදී සංවාදයට එක්වු අගමැතිවරයා,
‘අතාවුල්ලා ඒ කාලේ ලොකු මහත්තයා මෙතන ඉන්නවා‘ යැයි කියමින් හිටපු ජනාධිපති මෛතී‍්‍රපාල සිරිසේන මහතා දෙසට අත දිගු කලේය.
‘ ඔව් සර්, ඒ මහත්තයා තමයි ඒ කාලේ හිටියේ.” යැයි අතාවුල්ලා මන්තී‍්‍රවරයාද පෙරළා කීවේය.
