කාර්යාලයේදී ‘ලිංගික විහිළු‘ කරන පිරිමි ගැන ගෝලීය සමීක්ෂණයක්

කාර්යාලයේදී ‘ලිංගික විහිළු‘ කරන පිරිමි ගැන ගෝලීය සමීක්ෂණයක්
Spread the love

ලොව පුරා පිරිමින් හතර දෙනෙකුගෙන් එක් අයෙකු (28%) රැකියාවේදී ලිංගික විහිළු තහළු කිරීම පිළිගත හැකි බව විශ්වාස කරන බව ගෝලීය සමීක්ෂණයකින් හෙළි වී තිබේ.

මේ සදහා රටවල් 27 ක පුද්ගලයන් 20,000 කට අධික පිරිසක් යොදා ගෙන ඇති අතර සමීක්ෂණය සිදු කළ ලන්ඩනයේ කිංග්ස් කොලේජ් හි King’s College London පර්යේෂකයින් කියා සිටියේ පිළිගත හැකි සේවා ස්ථාන හැසිරීමක් ලෙස පුරුෂයින් හා ස්ත්‍රීන් වටහා ගත් දෙයින් “සැලකිය යුතු වෙනස්කම්” ඇති බවයි.

Loading...

ප්‍රධාන සොයා ගැනීමක් නම්, පුරුෂයින් අට දෙනෙකුගෙන් එක් අයෙකු (13%) වැඩ කරන ස්ථානයේ ලිංගික ස්වභාවයක් පෙන්වීම පිළිගත හැකි යැයි සිතන අතර, කාන්තාවන්ගෙන් 16%ක් පමණ රැකියාවේදී ලිංගික ස්වභාවය පිළිබඳ විහිළු හෝ කථා පැවසීම පිළිගත හැකි බව සිතු බවයි.

ඕස්ට්‍රේලියානු හිටපු අගමැති සහ කිංග්ස් විද්‍යාලයේ කාන්තා නායකත්ව පිළිබඳ ගෝලීය ආයතනයේ සභාපතිනි ජූලියා ගිලාර්ඩ් සීඑන්එන් වෙත පැවසුවේ මෙම හෙළිදරව්ව “පුදුමාකාර” බවයි.”වසර ගණනාවක් තිස්සේ වෙනසක් සඳහා වූ උද්ඝෝෂණවලින් පසුව, විශේෂයෙන් ගෝලීය Me Too ව්‍යාපාරයෙන් පසුව එය අසාමාන්‍ය යැයි මම සිතමි‘ ජූලියා ගිලාර්ඩ් පැවසුවාය.

සමීක්ෂණයේ වඩාත්ම පුදුම සහගත ප්‍රතිඵලවලින් එකක් නම් ගිලාර්ඩ් සීඑන්එන් වෙත පැවසුවේ චීනයේ පිරිමින්ගෙන් තුනෙන් එකක් පමණ රැකියා ස්ථානයේ ලිංගික අන්තර්ගතයන් පෙන්වීම පිළිගත හැකි බව සිතන බවයි.

මාර්තු 8 වන දින ජාත්‍යන්තර කාන්තා දිනයට පෙර නිකුත් කරන ලද පර්යේෂණයකින් හෙළි වූයේ, ගෝලීය වශයෙන් සමීක්ෂණයට ලක් කළ පිරිමින්ගෙන් 15%ක් (කාන්තාවන්ගෙන් 9% ක් හා සසඳන විට) සගයකු මීට පෙර එපා යැයි පවසා ඇත්නම් දිනයක් ඉල්ලා සිටීම පිළිගත හැකි බව සිතන බවයි.

නුසුදුසු හැසිරීම් ගැන කතා කිරීමට කාන්තාවන්ට අඩු විශ්වාසයක් ඇති බව සමීක්ෂණයෙන් හෙළි වී ඇති අතර, කාන්තාවන්ගෙන් 48% ක් පවසන්නේ (පුරුෂයින්ගෙන් 58% ක් සමඟ සසඳන විට) ලිංගික සාවද්‍ය ප්‍රකාශයක් කිරීම සඳහා ජ්‍යෙෂ්ඨ සගයකුට පැවසීමට විශ්වාසයක් ඇති බවයි. සමීක්ෂණයට දැක්වූ ප්‍රතිචාර බොහෝ කාන්තාවන්ගේ ජීවන අත්දැකීම් නියෝජනය කරන බව ගිලාර්ඩ් පැවසුවාය.

“ළමයින් රැකබලා ගැනීමේ වගකීම් තිබීම, වැඩ කරන වේලාවෙන් පිටත සගයන් සමඟ ආශ්‍රය කිරීමට අපොහොසත් වීම හෝ අකමැති වීම සහ දිනයක් හෝ ආදර සම්බන්ධතාවයක් අවශ්‍ය සගයකු ප්‍රතික්ෂේප කිරීම කාන්තා වෘත්තියට හානියක් විය හැකි බව ජනතාව පවසනවා. ලොව බොහෝ රටවල බොහෝ සේවා යෝජකයින් පැමිණිලි ක්‍රමයකට යොමු වී ඇති අතර යමෙකු පැමිණිලි කළහොත් ඔවුන් පියවර ගනු ඇත” ඇය පැවසුවාය.

මෙම සමීක්ෂණය මඟින් යම්කිසි වැරැද්දක් සිදුවනු ඇතැයි බලා සිටීම වෙනුවට, කාන්තාවකගේ වෘත්තියට යම් ආකාරයකින් හානියක් සිදුවීමට හෝ ඇයට ලිංගික හා අතිශය දුක්ඛිත සිදුවීමකට මුහුණ දීමට සිදුවිය හැකි ක්‍රියාකාරී වෙනසක් සඳහා වූ රුචියක් පෝෂණය කළ හැකි යැයි අපි බලාපොරොත්තු වෙමු.

රැකියාවේදී ගෞරවනීය සබඳතා ගොඩනඟා ගැනීම කෙරෙහි අවධානය යොමු කරන්න.

Loading...