Author: Editor(T)

අද සජිත් ප්‍රේමදාසලා මහින්දට ණය ය. රනිල්ට එරෙහිව පිටකෝට්ටේ පාර බ්ලොක් කිරිමට යුඇන්පි කාරයන් ආ දවසේ පිට කෝට්ටේ පාරට තාර දැමීමට පාර වසා රනිල් බේරුවේ මහින්ද විසිනි. ඒ උදව්වට රාජපක්‍ෂලාගේ සියථ දූෂණ රනිල් වික්‍රමසිංහ විසින් යටපත් කළේය. විරවංශ බේරුවේත් රනිල්මය. අර්ජුන් මහේන්ද්‍රන් රට පටවා නිතියෙන් බේරුවේද රනිල්මය. මේවා අවකල් ක්‍රියා වෙති. ඔවුන් බලය එකිනෙකාගේ වාසියට හුවමාරු කර ගනිමින් සිටිති.

නීතිඥ චන්ද්‍රසිරි සෙනෙවිරත්න විසිනි

රාජපක්‍ෂලා නිරාවරණය වෙමින් පවතී. රාජපක්‍ෂවරු  රාජ්‍ය පාලනය සඳහා තුනෙන් දෙක ලබා ගැනීමට කඩිමුඩියේ පාර්ලිමේන්තුව විසුරුවා හැරියාහ. රාජපක්‍ෂලා රාජ්‍ය සේවක පුහුණුව ආරම්භ නො කර ඡන්දයක් දිනන්න බැරි තැනට  පත්ව ඇත. එය  බෙහෙවින් ඛේදජනකය.  පුහුණුව නතර කළ පසුව ජනාධිපති ගෝඨාභය රාජපක්‍ෂ මැතිවරණ කොමිෂන් සභාවට ටිකක් සැරෙන් කතා කළේ ය.

ඊටත් වඩා සැර කතාවක් හෙතෙම  නිදහස් දවසේ ජාතිය අමතමින් කිය. එහි අර්ථය රටේ ජනතා අවශ්‍යතා ඉටු කිරිමේදී රාජ්‍ය සේවය ව්‍යවස්ථාදායකය හෝ අධිකරණය බාධාවක් නොකළ යුතු බවය. එසේම ශ්‍රී ලංකා නීතිඥ සංගමය අමතා පසුගිය පෙබරවාරි 14 වෙනිදා මීගමුවේදි සංවර්ධනය සඳහා විධායකය ගනු ලබන ප්‍රයත්නවලදි අධිකරණය බාධා නොකළ යුතු ය යන  බරපතල පණිවිඩය නිකුත් කළේය.  

මැතිවරණ කොමිෂම පාලකයන්ගෙන් අපූරු ප්‍රශ්නයක් ඇසීය. ඔය වැඬේ ඉවර කර පාර්ලිමේන්තුව විසුරුවා නො හැරියේ ඇයි? එයින් කියැවෙන්නේ  අතපය හයියෙන් සහ ඔළුවෙන් කළ හැකි දේ පටලවා නො ගත යුතු බවය. හෝ වෙනම තේරුම් ගත යුතු බව ය. රටේ නීතියක් පවත්නා බව සහ ඊට ඉහළින් කිසිවෙකුට යා නොහැකි බව ගෝඨාභය රාජපක්‍ෂ නො දන්නවා නොවේ. වීරකැටිය සොහොනට වැය කළ රාජ්‍ය මුදල් පරීක්‍ෂණ ආරම්භ කළ වහාම ආපසු ගෙවන ලද්දේ ඒ නිසාය.  එය විනයකි. වරද තේරුම් ගැනිමකි.  පරම්පරා නාමය රාජපක්‍ෂ වුණාට මහින්ද කළ දේ ගෝඨාභයගෙන් මේ රටේ මිනිස්සු අපේක්‍ෂා නො කරති. එසේම කරන්නත් බැරිය. රටේ ජනාධිපති මහින්ද නො වන බව රටම දනිති. ගෝඨාභය රාජපක්‍ෂත් ඒ ටික දැනටම යම් ප්‍රමාණයකට තේරුම් ගත යුතුවේ. නීතිය අතට ගත් මහින්දට වැරදුණේ ඒ ටික නො දැන සිටි නිසාය. පාලකයන් ලෙස රාජපක්‍ෂලාගේ කැරැට්ටුව යහපත් නැත. රනිල් වික්‍රමසිංහට පින් සිද්ධ වෙන්න එකදු රාජපක්‍ෂ කෙනෙකු හෝ හිරේ විලංගුවේ නො වැටුණේ නැත. ඒත් නඩු කෝටියකි. මේ කතා කරන්නේ දේශපාලනය නොවේ.

තෝමස් හොබ්ස්ට අනුව ලෝකයේ ආණ්ඩු ක්‍රම තුනකි. ඒ රාජාණ්ඩු රදළ ආණ්ඩු සහ ප්‍රජාතන්ත්‍රවාදි ආණ්ඩු යනුවෙනි. හොබ්ස් මේ න්‍යායන් දක්වා සිය ලෙවියානන් කෘතියෙන් වඩාත් යහපත් යයි වර්ණනා කළේ රාජාණ්ඩු ක්‍රමයයි. හොබ්ස් අගය කළ රාජාණ්ඩු ක්‍රමයේ ලාංකේය අත්දැකීම කුමක්ද? ශ්‍රී වික්‍රම රාජසිංහ කුදලා එංගලන්තයේ රජුට භාරදී,  රටේ අයිතිවාසිකම් ගිවිසුමකකින් තහවුරු කර ගැනීමට රටේ ජනතාවට සිදුවිය.  විනිසුරුවන් එළවා, විවේචකයන් මරා පවත්වා ගෙන ගිය මහින්ද රාජපක්‍ෂගේ රදළ ආණ්ඩුව 2015දී ජනතාව විසින් පළවා හැරියාහ.  අද රටේ ඇත්තේ ව්‍යවස්ථාදායකය, අධීකරණය විධායකය වෙන්ව පවත්නා ප්‍රජාතන්ත්‍රවාදි ආණ්ඩු ක්‍රමයකි. කුඹුරක් වපුරා අස්වැන්න ගෙට ගැනීමේ  ක්‍රියාවලිය ගොවියාට භාරය.  එහෙත් මීයාටත් වවුලාටත් ගැඩවිලාටත් පැවරුණ  කුඹුරේ කිසිදු රාජකාරියක් ගොවියා පවරා නොගත යුතු බව තුන් සිංහලයම දනිති.

පසුගිය නොවැම්බර් මැතිවරණය ප්‍රතිපලය සාධාරණ මෙන්ම නිදහස් නිවහල් එකකි. හේතුව රටේ මැතිවරණ නීතිය හරියටම ක්‍රියාත්මක වීමය. ඒ ගෞරවය එළඹෙන මහ මැතිවරණය ප්‍රතිපලයට  නො ලැබෙන බවට කරුණු පෙළ ගැසෙනු පෙනේ. බත් දන්සැල් විවෘත වේද? සිල් රෙදි බෙදයිද? ජනාධිපති මැතිවරණය දිනුවේ රටේ නිතියක් පැවති නිසාය. ඒ නෛතික රාමුව තුළ මහ මැතිවරණය ජයගත යුතුව ඇත. රටේ නිතිය එයයි.

2010දී මහින්දට තුනෙන් දෙක නො ලැබිණ. අල්ලස්දී රනිල්ගේ ගෝලයන් බාගෙන තුනෙන් දෙක හදා ගත්හ. 18 වෙනි සංශෝධනය හරහා  රාජපක්‍ෂවරු ස්වාධීන කොමිෂන් සභා අහෝසි කළහ. 19 වෙනි සංශෝධනය හරහා යළි ස්වාධින කොමිෂන් සභා නැවත ස්ථාපිත විය. ඒ කොමිෂන් සභා ක්‍රියාත්මක රටේ ඡන්ද නීතියට  අත තැබීමට 2015 බැංකු කඩා අසුවූ  රනිල්ලාට නොහැකි විය. ඒ හපන්කම 2020 කර පෙන්විිමට 2015ට පෙර බැංකු කැඩූ රාජපක්‍ෂලා සැලසුම් කරමින් සිටිති.

17 වෙනි සංශෝධනයේ ගෙළ මිරිකිමට පෙර  මහින්ද රාජපක්‍ෂ කීවේ වීරකැටියේ පොලිසියේ ඕඅයිසි මාරු කිරීමට මට බැරි නම් ඒ නිතියෙන් පලක් නැති බවය. ශිරානි බණ්ඩාරනායක සිද්ධියේදි කීවේ අපේ මිනිහෙක් නම් මම ශේප් කරලා දානවා කියාය. නීතිය යනු පාලකයා කැමති දේ කිරිමට නොහැකි කමය. පාලකයාට නීතිය යටත් විය යුතුද? අකුරැස්සේ සාරුව සුනිල්ලා හිච්චි කෙල්ලන් විනාස කර පාටි දැමුවේ මහින්ද රාජපක්‍ෂගේ ඕඅයිසී මාරු කරන ක්‍රමය යටතේය. එය නැවත මේ රටේ ඇති නොවිය යුතු බව ගෝඨාභය රාජපක්‍ෂ තේරුම් ගත යුතුව ඇත. නිදහස් දින ප්‍රකාශ කළ පරිදි  ජන වරමක් ලැබි ඇති බව සැබෑය. ජන වරම යනු ගම් දනව් විනාස කරන ලැව් ගින්නක් නොවේ. ජනාධිපති පත් වුණේ රටේ නීතියට අනුවය.  

නීතියට අනුව පත්වූ ජනාධීපති රටේ නිතියට යටත් ය. හෙතෙම  රටේ නිතිරිති ගණන් ගත යුතු නැතැයි කෙහේවත් ලියා නැත.  ගෝඨාභයගේ ලොකු අයියා මාව විදුලි පුටුවට ගෙනියන්න හදනවෝ කියා කෑ ගැසුවා මතකද? ඒ රටේ නීතිය කඩා සෙල්ලම් පෙන්නූ මහින්ද ලෝක නීතියක් පවත්නා බව පිළිගත් හෙයිනි. ප්‍රංශ ජනතාව කැරළි ගසා රජු සහ පවුල මරා දැමීය. හිට්ලර් සිය පවුලට වස කවා වෙඩි තබා දිවි නසා ගත්තේය. ඉතිහාසය යනු නැවත නැවත නොවෙනස්ව සිද්ධවන ක්‍රියාදාමයකි. ව්‍යවහාර වසර පනහක් යනු ඉතිහාසයේ සමහර විට එක දවසකි. ඒ අර්ථයෙන් විධායක ජනාධිපතිගේ සිව් අවුරුදු කාලය ඉතිහාසය අනුව නම් තත්පර ගණනකි.

යම් නීතියකින් බැරි නම්…….? එහි අර්ථය කුමක්ද? අර්ථය කුමක් වුනත් සිරිසේන වැනි කඩ මාල්ලක් වනවා, ජනතාව මහින්ද ගෙදර ඇරියේ ඒ අවකල් ක්‍රියා නිසාය. නීතියක් ඇති නිසාය. නැවත එතැනට තල්ලු වෙන්නේ මහින්ද නොවේ. ගෝඨාභය රාජපක්‍ෂ ය. ගෝඨා ඊට කැමතිද? වියත් මග ඊට කැමතිද? එළිය ඊට කැමතිද? සිංහල බෞද්ධයන් ඊට කැමතිද? මල්වත්ත අස්ගිරිය  ඊට කැමතිද? කාදිනල් මැල්කම් රන්ජිත් ඊට කැමතිද? මේ කී සියලු පාර්ශ්ව නොවැම්බරයේ පොහොට්ටුවට කතිරය ගසා බලය දුන්නේ ගෝඨාභය රාජපක්‍ෂටය.

ස්වාධීන කොමිෂන් සභා හරහා කොණ්ඬේ දිග ගැහැනු  ශ්‍රේෂ්ඨාධිකරණයට පත් කළ නොහැකි විය. විධායක ජනාධිපත සිරිසේනට අගමැති මාරු කිරිමට තබා පොලිස් කාරයෙකු මාරු කිරිමට ඉඩ නො ලැබිණ. එය නරකද? මේ අවස්ථාවේ ඉල්ලා සිටින තුනෙන් දෙක ගැනද යමක් කිව යුතුවේ. පාර්ලිමේන්තුව ඒකමතිකව බල ගැන්වූ 17 වෙනි සංශෝධනය අහෝසි කොට  18 සංශෝධනය පාස් කර ගත්තේ  කුලියට ගත් එජාප මන්ත්‍රී කට්ටන් ලවාය. 19 වෙනි සංශෝධනයට තුනෙන් දෙක ගෙනාවේ පාර්ලිමේන්තුවේ එකෙක් පමණක් විරුද්ධ වූ අති බහුතරයක් විසිනි. ඒ ටික නැවත සිද්ධ වෙනවාට රටේ ජනතාව කැමති නැත.

මහින්ද චින්තනය යනු බණ්ඩාරනායක චෙල්වනායගම් ගිවිසුම මෙන් ඉතිහාසය ඉරා විසි කළ කොළ කිහිපයකි. යහ පාලනයත් වචන හරඹයක් පමණක් බව රනිල් වික්‍රමසිංහ තහවුරු කළේය. රනිල් වික්‍රමසිංහලා සජිත්ලා පරදවා ගොඨාභය රාජපක්‍ෂ පත් කළේ යහ පාලනය අහවර කිරිමට නොවේ.   දේශපාලනඥයන්ගේ අව කල්ක්‍රිය නතර කිරිමටය. අවකල් ක්‍රියා යනු කුමක්ද? දුලාංජලී ප්‍රේමදාස  අත පැවති හොර සල්ලි කොළ සිද්ධියෙන් ඇය බේරුණේ මහින්දගේ අවකල් ක්‍රියා හෙවත් නීතිය යටපත් කිරිම  නිසාය.

අද සජිත් ප්‍රේමදාසලා මහින්දට ණය ය. රනිල්ට එරෙහිව පිටකෝට්ටේ පාර බ්ලොක් කිරිමට යුඇන්පි කාරයන් ආ දවසේ පිට කෝට්ටේ පාරට තාර දැමීමට පාර වසා රනිල් බේරුවේ මහින්ද විසිනි. ඒ උදව්වට රාජපක්‍ෂලාගේ සියථ දූෂණ රනිල් වික්‍රමසිංහ විසින් යටපත් කළේය. විරවංශ බේරුවේත් රනිල්මය. අර්ජුන් මහේන්ද්‍රන් රට පටවා නිතියෙන් බේරුවේද රනිල්මය. මේවා අවකල් ක්‍රියා වෙති. ඔවුන් බලය එකිනෙකාගේ වාසියට හුවමාරු කර ගනිමින් සිටිති.

ගෝඨාභය දිනූ දවසේම 19 වෙනස් කිරිමට එජාපය කැමති බව ලක්‍ෂමන් කිරිඇල්ල කීවේ ඒ නිසාය. එහි තේරුම් සජිත් ආවත් රනිල් ආවත් 19ට එරෙඑිව තුනෙන් දෙක දෙන බවය. ඒ නිසා එන මහ මැතිවරණයේදී එජාපයේ ලක්‍ෂ ගණනක් ජනතා විමුක්ති පෙරමුණට කතිර ගසනවාය. ජවිපෙය ආසන 10ක් ලැබුණත් ඔවුන් ආසන සියක හයියෙන් විරුද්ධ වෙනවාය. ඒ රටට නිතිය යහ පාලනය උවමනා නිසාය.  රනිල් සජිත් සමග ආසන සියක් දිනුවත් ඒ සියලු දෙනාම රාජපක්‍ෂලාට අත ඔසවනවාය. රනිල් ආවත් සජිත් ආවත් දෙන්නාම මැදමුලනට හීලෑ අපතයන් බව රහසක් නොවේ. පෝලිං ගස්වා හිර කාරයන් මැරූ කාලය නැවත අවශ්‍ය නැත

සටහන – ගජබා නාගහවත්ත

මිනිස්සු කළබල වෙලා. ඒ අස්සේ ඡන්ද තියන්න ගියොත් මිනිස්සු දේශපාලකයන්ට දොස් කියාවි. ඡන්ද කල් යන එකේ වැඩිම අවාසිය ආණ්ඩුවටයි එ.ජා.ප යට අභියෝග කරන අනිත් කණ්ඩායමටයි. ඡන්ද පත්‍රිකා ලක්ෂ 150 ක ජනතාව අල්ලනවා. ඒවා ගණන් කරන නිලධාරින් අල්ලනවා. ග්ලවුස් දාලා මේවා කරන්න බෑ. මැතිවරණ කොමිසමටයි තීන්දුව ගන්න තියෙන්නේ.” නායකයා කීවේය

මහා මැතිවරණයේ නාම යෝජනා කැදවීමේ අවසන් දිනය අත ලගටම පැමිණ තිබුණ ද මාස තුනක් තිස්සේ පැවැති එ.ජා.ප සීතල අරගලය තවමත් නිම නැත. දෙපාර්ශවයේ කඹ ඇදිලි හා සාකච්ඡා තවමත් පවතී.

“අපි එකතු වෙලා යන්න තමයි හදන්නේ. සමහරු කඹ අදිනවා”. එ.ජා.ප නායකයා බ්‍රහස්පතින්දා සිය නිවසට පැමිණි අයට කීවේ එවැන්නකි.

“එකතු වෙන්න තියෙන බාධාව මොකක්ද? මාස ගාණක් කතා කරලා කෙරුවේ මොනවාද?” චම්පිකා ප්‍රේමදාස ඇසුවේ නායකයාගෙනි.

“එ.ජා.ප ලකුණ අලියායි. දශක ගාණක් මහ මැතිවරණයට ඉදිරිපත් වෙච්ච ලකුණට පයින් ගහලා ලකුණකින් යන්න මන්ත්‍රීවරු වගේම පාක්ෂිකයොත් කැමති නෑ. අලියාගෙන් යමුයි කියන්නේ ඒකයි.” නායකයා පිළිතුරු දුන්නේය.

“එකට ගියත් බෙදිලා ගියත් දැන් නොමිනේෂන් සුදානම් වෙන්න ඕනා නේද?” දයා ගමගේ ඇසුවේය.

“ඔව් නාමයෝජනා හදාගෙන යනවා. එහේ ගිය සමහරු යළි හිතන්න පටන් අරන් කියලාත් පේනවා. අන්තිම දිනය දක්වා අපේ නාම යෝජනා විවෘතයි. රට පිළිගත් කණ්ඩායමක් අපි ඉදිරිපත් කරනවා.” එ.ජා.ප නායකයා කීවේය.

“මන්ත්‍රීවරු වැඩි පිරිසක් සජිත් පිලට හිටියට පහළ කොටස්වලින් බහුතරයක් ඔවුන් එක්ක නෑ. එ.ජා.ප නායකත්ව අරගලය වසර 10 ක් පක්ෂයට අවාසි ගෙනාවා. නායකයා ඡන්දය ඉල්ලලා පැරදුනාම එයාට ඉවත් වෙන්න කියනවා. වෙන කෙනෙක් ඡන්දය ඉල්ලලා පැරදුනාමත් නායකයාට යන්න කියනවා. මේක පුදුම වැඩක්නේ.” වජිර අබේවර්ධන කීවේ එවැන්නකි.

“මම දක්ෂයන්ට පක්ෂයේ අනාගතය හදලා දීලා යන්න හිතාගෙන ඉන්න කෙනෙක්. දේශපාලනයේ දිගටම ඉන්න හිතන අය පක්ෂයට අවංක වෙලා දක්ෂ ටීම් එකක් හදා ගන්න ඕනේ. පක්ෂය බෙදුනොත් ඊට අනුබල දෙන සියළු දෙනාට එහි වගකීම බාරගන්න වෙනවා.” එ.ජා.ප නායකයා කීවේ එවැන්නකි.

“කොරෝනා ලංකාවටත් අභියෝග කරනවා. පිටරට ඉදලා එන අපේ කට්ටියගෙන් රුපියල් 7500 ගානේ එකතු කරන බංකොලොත් ආණ්ඩුවක් මේක. සල්ලි එකතු කරන්නේ එයාලට කට්ටලස් පැටිස් කන්න කියලා කෙහෙළිය කියනවා.” චම්පිකා ප්‍රේමදාස කීවේ සිනා මැදය.

“කොරෝනා පැතිරුනොත් මහ ඡන්දයට මොකද වෙන්නේ. වසංගත මැද ඡන්ද පවත්වන්න පුළුවන්ද?” නවීන් දිසානායක ඇසු ප්‍රශ්නයට කාගේත් අවධානය යොමු විය.

“මිනිස්සු කළබල වෙලා. ඒ අස්සේ ඡන්ද තියන්න ගියොත් මිනිස්සු දේශපාලකයන්ට දොස් කියාවි. ඡන්ද කල් යන එකේ වැඩිම අවාසිය ආණ්ඩුවටයි එ.ජා.ප යට අභියෝග කරන අනිත් කණ්ඩායමටයි. ඡන්ද පත්‍රිකා ලක්ෂ 150 ක ජනතාව අල්ලනවා. ඒවා ගණන් කරන නිලධාරින් අල්ලනවා. ග්ලවුස් දාලා මේවා කරන්න බෑ. මැතිවරණ කොමිසමටයි තීන්දුව ගන්න තියෙන්නේ.” නායකයා කීවේය.

“පළාවෙනි වතාවට අපේ කොටස් වෙළෙද පොල වහලා. මේ රටේ ආයෝජනකයෝ රු. කෝටි 800 රටෙන් ගෙනිහිල්ලා. සංචාරක ව්‍යාපාරය අඩපණයි. මේ ආණ්ඩුව එල්ලෙන්න හිටපු චීනයත් අනාථ නිසා විශාල ආර්ථික අහේනියක් අත ලගයි. අපි ඉවත් වෙනකොට ඩොලර් 74 ට තිබුණු තෙල් බැරලය දැන් 30 ට බැහැලා. ඒකේ වාසියවත් ජනතාවට නොදෙන තරමට මේ ආණ්ඩුව බංකොලොත් අඩියක ඉන්නේ.” නවීන් දිසානායක කීවේය.

“බදාදා නුවර පැවැති විවාහ උත්සවයකට පැමිණි එ.ජා.ප නායකයා කෙලින්ම ගොස් වාඩි වූවේ මෑතකදී සජිත් පිලට එක්වූ ලක්ෂ්මන් කිරිඇල්ලට සමීප අසුනේය.

“මේ පාර බිග් මැච් යනවාද?” කිරිඇල්ල ඇසුවේය.

“කොරෝනා නිසා පරිස්සම් වෙන්න වෙනවා. බිග් මැච් ගැන වෙනම හිතන්න ඹ්නේ.” නායකයා කීවේය.

“සන්ධානයට එ.ජා.ප යත් එකතු වෙලා මේ මල් වට්ටියට අත ගහන්න නැත්නම් රටේ පැරණිම පක්ෂයට හානි වෙන්න බැරි නෑ.” ලක්ෂ්මන් කිරිඇල්ල නායකයාගෙන් ඉල්ලුවේය.

“අද හවස මලික් හම්බ වෙනවා. එකතු වෙලා යන්න තමයි අපිටත් ඕනේ”. නායකයා පිළිතුරු දුන්නේය.

තවත් විවාහ උත්සවයකදි මෑතකදී සජිත් පිලට එකතු වූ දකුණු ආසියාවේ විශාලතම බුදු පිළිමය මතුගම දී ඉදිකළ එ.ජා.ප පළාත් සභා මන්ත්‍රී ජගත් විතාන හමුවිය.

“කළුතර තත්ත්වය කොහොමද? ඔයා ඉතින් හොද ව්‍යවසායකයෙක් නිසා ඡන්දය කරන්න සල්ලිවල ප්‍රශ්නෙකුත් නැහැනේ.” කිරිඇල්ල කීවේ සිනාසෙමිනි.

“ඔබතුමා සභානායක ලෙස අපේ ආණ්ඩුවට කළ සේවය විශිෂ්ටයි. පක්ෂය හා නායකයා වෙනුවෙන් කැප වුනත් හිටපු ජනාධිපතිගෙන් කැපිලි ආපු වෙලාවේ ඔබතුමා බලාගන්න කෙනෙක් හිටියේ නැතිවිම ගැන මටත් පුදුමයි. නුවර අධිවේගේ හදන්නත් අපේ ආණ්ඩුවෙන් ඔබතුමාට ලැබුණු සහාය මදි බව ජනතා මතයයි” ජගත් විතාන කීවේ එවැන්නකි.

සටහන – ගජබා නාගහවත්ත

අපෝ මෙයාගෙන් තමයි බේරිල්ලක් තිබ්බෙම නැත්තේ තනිවම ඉල්ලමු කියලා. අපි තීන්දුව ගන්නත් ඉස්සර මෙයා තීන්දුව අරගෙන මිනිස්සුන්ට කියලත් ඉවරයි. අන්තිමට අපිට ගන්න වෙන්නේ මෙයාට ඕනේ තීන්දුව” බැසිල් කීවේ සිනාසෙමිනි.

මාධ්‍යවේදී ධනුෂ්ක ගොඩකුඹුර විසින් රචනා කරන ලද “ප්‍රසන්න – පොදුජන අරගලයේ නොකී කතාව ග්‍රන්ථය ‍පසුගිය බදාදා එළිදැක්වුණේ බැසිල්ගේ ප්‍රධානත්වයෙනි. 2015-2019 කාල පරිච්ඡේදය තුළ විපක්ෂයේ සිටිමින් මහින්ද රාජපක්ෂ මහතා නැවත බලයට ගෙන ඒම සඳහා ප්‍රසන්න රණතුංග දැක් වූ දායකත්වය ඇසුරෙන් සකස් කර ඇති මෙම ග්‍රන්ථය එළිදැක්වීමේ උළෙල මිනුවන්ගොඩ, නයිවල ජයසිංහ සිටි සෙන්ටර්හි දි පැවැත්විණි.

මෙම උළෙල පැවැත්වීමට අදහස් කර තිබුණේ අගමැති මහින්දගේ ප්‍රධානත්වයෙනි. එහෙත් එදින  විශේෂ සාකච්ඡා කිහිපයක් නිසා මහින්දට උත්සවයට සහභාගී වන්නට නොහැකි බව කලින් දැනුම් දී තිබුණේය. අගමැති මහින්ද සහ දිස්ත්‍රික් නායකයන් නාමයෝජනා පත්‍රයට අත්සන් තැබීමේ උත්සවයේ දී ප්‍රසන්නට මහින්ද මුණගැසුණේය. මහින්ද ප්‍රසන්නගේ වැඩේ ගැන එහිදී මතක් කළේය.

“ප්‍රසන්නගේ වැඩෙත් අද නේද? බලන්නකෝ ප්‍රසන්න නාමයෝජනා ගැන සාකච්ඡා වගයක් නිසා අද හවස් වරුවම කොළඹ ඉන්න‍ වෙලානේ” මහින්ද පැවසීය.

“මම දන්නවා සර්. පොතේ වැඩේට නාවට කමක් නැහැ සර් කොළඹ ඉඳලා ඔය වැඩ ටික කරගන්නකෝ” ප්‍රසන්න කීවේය.

“ඒ වුණාට ප්‍රසන්නගේ වැඩකට මම නොගිහින් ඉඳලම නැහැ. මම තාමත් කල්පනා කරනවා මොකද කරන්නේ කියලා” මහින්ද පැවසීය.

“ආයෙත් ඒ ගැන කල්පනා කරන්න දෙයක් නැහැ සර්. ඔබතුමා වැඩ ටික කරගන්න. බැසිල් මහත්තයා ආවම ඇති මගේ වැඩේට” ප්‍රසන්න යළි කීවේය.

“බැසිල් නම් කොහොමත් එයි. ප්‍රසන්නගේ වැඩක් කිව්වම අපි කාටත් මගහරින්න බැහැ. ප්‍රසන්නත් අපේ සටනේ පෙරමුණේ රාළ කෙනෙක්නේ” මහින්ද සිනාසෙමින් පැවසසීය.

බැසිල් කීවේ තමන් යම්කිසි තීන්දුවක් ගැනීමට පෙර ප්‍රසන්නගේ ඉරියව් දෙස විමසිල්ලෙන් බන බවය. ජනතාව සමග සිටින ප්‍රායෝගික නායකයකු වශයෙන් ප්‍රසන්න නිතරම නිවැරැදි තීන්දු ගන්නා බව පැවසූ බැසිල් තමා තීන්දුවක් ගැනීමට පෙර ප්‍රසන්න දෙස බලනුයේ ඒ නිසා බවත් පැවසීය. තනිව තරග කිරීමේ තීන්දුව මෙන්ම පොහොට්ටුවෙන් තරග කිරීමේ තීන්දුත් ප්‍රසන්නගේ ඉරියව් මත තීරණය වූ ඒවා බවත් බැසිල් පැවසීය

පොදු ජන අරගලයේ නොකී කතාව අතර අපූරු දේශපාලන කතා

එදින සවස පහට ප්‍රසන්න – පොදු ජන අරගලයේ නොකී කතාව එළිදැක්වීමේ උළෙල ආරම්භ කෙරිණි. බැසිල් සමඟ උදය සහ වාසු ද මෙම උත්සවයට එක්ව සිටියහ. උළෙලේ ප්‍රධාන දේශනය පවත්වනු ලැබුවේ මහාචාර්ය ඉඳුරාගාරේ ධම්මරතන හිමියන් විසිනි. උන්වහන්සේ සිය දේශනයේ දී කීවේ රට පාලනයට උගතුන් අවශ්‍ය යැයි නියමයක් නැති බවය. දේශපාලනයේ දී අවශ්‍ය මූලික සුදුසුකම උගත්කම නොව රටට ඇති ආදරය බවත් උන්වහන්සේ පෙන්වා දුන්හ.

බැසිල් කීවේ තමන් යම්කිසි තීන්දුවක් ගැනීමට පෙර ප්‍රසන්නගේ ඉරියව් දෙස විමසිල්ලෙන් බන බවය. ජනතාව සමග සිටින ප්‍රායෝගික නායකයකු වශයෙන් ප්‍රසන්න නිතරම නිවැරැදි තීන්දු ගන්නා බව පැවසූ බැසිල් තමා තීන්දුවක් ගැනීමට පෙර ප්‍රසන්න දෙස බලනුයේ ඒ නිසා බවත් පැවසීය. තනිව තරග කිරීමේ තීන්දුව මෙන්ම පොහොට්ටුවෙන් තරග කිරීමේ තීන්දුත් ප්‍රසන්නගේ ඉරියව් මත තීරණය වූ ඒවා බවත් බැසිල් පැවසීය.

තමා පළමු වතාවට පළාත් සභාවට තේරී පත් වූ විට සෑම මන්ත්‍රීවරයකුම තමා දෙස බැලුවේ ගෙට ඇතුළු වී ගේ විනාශ කිරීමට ආ රකුසකු දෙස බලන ආකාරයෙන් බව ගම්මන්පිල මෙහිදී කීවේය. ඊට හේතු වී තිබුණේ තමා දැඩිව පළාත් සභා ක්‍රමයට විරෝධය පළ කළ නිසා යැයි කී ගම්මන්පිල ඒ සියල්ල නොසලකා මන්ත්‍රීවරුන් සමඟ මුහු වීමට අවස්ථාව උදා කර දුන්නේ ප්‍රසන්න බවත් කීවේය. එසේම සියලු මන්ත්‍රීවරුන් කී පරිද්දෙන් තමා උඩුගම්පොළ උපාධිය සමත් වූ බවත් ගම්මන්පිල කීවේ සිනාසෙමිනි‍

රස කතාවලින් හෙබි උත්සව සභාවේ ග්‍රන්ථය එළිදැක්වීමේ අවස්ථාවේ දී මුල්ම පිටපත ධනුෂ්ක ගොඩකුඹුර විසින් ප්‍රසන්න පිළිගැන්වීමටත් අනතුරුව ප්‍රසන්න අනෙක් පිටපත් මැති ඇමැතිවරුන්ට පිළිගැන්වීමටත් නියමිතව තිබුණේය. එහෙත් පළමු පිටපත ධනුෂ්කගේ අතින් ගත් ප්‍රසන්න අනෙක් ආරාධිතයන්ට පිටපත් පිළිගැන්වීමේ කටයුත්තත් ධනුෂ්කටම පැවරුවේය.

කෝ තාම මටත් බලන්න බැරි වුණානේ. අද ගිහින් තමයි බලන්න ඕනේ. අපේ කාර්ය මණ්ඩලයේ අය මේ පොත රත්තරන් වගේ පරිස්සම් කළා පොත එළිදක්වනකම්. අඩු ගාණේ මටවත් බලන්න දුන්නේ නැහැ” ප්‍රසන්න

මටවත් මගේ පොත බලන්න දුන්නෑ – ප්‍රසන්න

උත්සවය අවසන් වීමෙන් අනතුරුව බැසිල් ඇතුළු පිරිස සමඟ ප්‍රසන්න රාත්‍රි ආහාරය ගැනීමට ගියේ අසළ තිබුණු හෝටලයකටය. එහිදී විපක්ෂයේ සිටි වසර පහේ දී මුහුණපෑ රස කතා රාශියක්ම මැති ඇමැතිවරුන්ගෙන් කියැවිණි. බැසිල් කීවේ තනිව තරග කරමු, පොහොට්ටුව විතරයි කියමින් ප්‍රසන්න දිවා රෑ තම්නට වද දුන් හැටිය.

“අපෝ මෙයාගෙන් තමයි බේරිල්ලක් තිබ්බෙම නැත්තේ තනිවම ඉල්ලමු කියලා. අපි තීන්දුව ගන්නත් ඉස්සර මෙයා තීන්දුව අරගෙන මිනිස්සුන්ට කියලත් ඉවරයි. අන්තිමට අපිට ගන්න වෙන්නේ මෙයාට ඕනේ තීන්දුව” බැසිල් කීවේ සිනාසෙමිනි.

“ඒ කතා ටිකත් මේ පොතේ ඇති නේද? ඩුලිප් ඇසුවේය.

“කෝ තාම මටත් බලන්න බැරි වුණානේ. අද ගිහින් තමයි බලන්න ඕනේ. අපේ කාර්ය මණ්ඩලයේ අය මේ පොත රත්තරන් වගේ පරිස්සම් කළා පොත එළිදක්වනකම්. අඩු ගාණේ මටවත් බලන්න දුන්නේ නැහැ” ප්‍රසන්න කීවේ සිනාසෙමිනි.