Author: Editor

අධ්‍ය­යන පොදු සහ­තික පත්‍ර සාමාන්‍ය පෙළ විභා­ගය මේ මස 17 වැනිදා සිට 26 වැනිදා දක්වා පැවැත් වෙන බව විභාග කොම­සා­රිස් ජන­රාල් අමිත් ජය­සු­න්දර මහතා පවසයි. විභාග මධ්‍ය­ස්ථාන 3663දී අපොස සාපෙළ විභාගය පැවැත්වෙන බව ද විභාග කොමසාරිස් ජනරාල්වරයා පැවසුවේය. මෙවර විභා­ග­යට අපේ­ක්ෂ­ක­යන් 474,147 දෙනකු පෙනී සිටින අතර විභාග අපේ­ක්ෂ­ක­යන්ගේ ප්‍රවේ­ශ­පත්‍ර මේ වන විට තැපෑ­ලට යොමු කර අව­සන් බව ද ඔහු වැඩි දුරටත්ව ­සු­වේය. පාසල් අය­දු­ම්ක­රු­වන්ගේ ප්‍රවේ­ශ­පත්‍ර විදු­හ­ල්ප­ති­ව­රු­න්ටත් පෞද්ග­ලික අයැ­දු­ම්ක­රු­වන්ගේ ප්‍රවේ­ශ­පත් ඔවුන්ගේ පෞද්ග­ලික ලිපි­න­ව­ල­ටත් යොමු කර ඇති බව කී විභාග කොම­සා­රිස් ජන­රා­ල්ව­රයා, එහි යම් සංශෝ­ධ­න­යක් කර ගැනී­මට ඇත්නම් online ඔස්සේ මේ 10 වැනි­දාට පෙර www.doenets.lk වෙබ් අඩ­වි­යට පිවි­සී­මෙන් සිදු කර­ගත හැකිය. සියලු පාසල් සිසුන්ගේ ප්‍රවේ­ශ­පත් ඉක්ම­නින් ඔවුන් වෙත දෙන ලෙස ද විභාග කොම­සා­රි­ස්ව­රයා විදු­හ­ල්ප­ති­ව­රුන්ට උප­දෙස් දී තිබේ. විභා­ගයේ ප්‍රවේ­ශ­පත් නොලැ­බුණු පාසල් සිසු­වකු වේ නම් විදු­හ­ල්ප­ති­ව­රයා මඟින් විභාග දෙපා­ර්ත­මේ­න්තු­වෙන් විම­සන ලෙසත් පෞද්ග­ලික අය­දු­ම්ක­රු­වකු වේ නම් තැපැල් කාර්යා­ල­යෙන් හෝ විභාග දෙපා­ර්ත­මේ­න්තු­වෙන් හෝ විම­සන ලෙසත් විභාග කොම­සා­රි­ස්ව­රයා දැනුම් දෙයි.

ජනාධිපති අනුර කුමාර දිසානායක මහතා සහ අධ්‍යාපන අමාත්‍යාංශයේ නිලධාරීන් අතර සාකච්ඡාවක් අද (06) ජනාධිපති කාර්යාලයේදී පැවැත්විණි.

2025 අයවැය යෝජනා මගින් අධ්‍යාපනය වෙනුවෙන් වෙන් කරන ලද ප්‍රතිපාදන සහ එම කටයුතුවල ප්‍රගතිය පිළිබඳව මෙහිදී සාකච්ඡා විය.

එසේම අධ්‍යාපන ක්ෂේත්‍රයේ මතුව ඇති ගැටලු පිළිබඳවද අවධානය යොමු කෙරුණු අතර ඊට අදාළව සිදු කළ යුතු නව ප්‍රතිසංස්කරණ සම්බන්ධයෙන්ද සාකච්ඡා කෙරිණි.

පාසල් අධ්‍යාපනය, උසස් අධ්‍යාපනය සහ වෘත්තීය අධ්‍යාපනය යන ක්ෂේත්‍රයන්හි ප්‍රවර්ධනය වෙනුවෙන් ගත යුතු ඉදිරි පියවර සම්බන්ධයෙන්ද මෙහිදී අවධානය යොමු විය.

අග්‍රාමාත්‍ය හා අධ්‍යාපන, උසස් අධ්‍යාපන හා වෘත්තීය අධ්‍යාපන අමාත්‍ය හරිනි අමරසූරිය, අධ්‍යාපන, උසස් අධ්‍යාපන නියෝජ්‍ය අමාත්‍ය මධුර සෙනෙවිරත්න, වෘත්තීය අධ්‍යාපන නියෝජ්‍ය අමාත්‍ය නලින් හේවගේ, ජනාධිපති ලේකම් ආචාර්ය නන්දික සනත් කුමානායක, අධ්‍යාපන, උසස් අධ්‍යාපන හා වෘත්තීය අධ්‍යාපන අමාත්‍යාංශයේ ලේකම් නාලක කලුවැව, විභාග කොමසාරිස් ජනරාල් අමිත් ජයසුන්දර, ජනාධිපති ජ්‍යෙෂ්ඨ අතිරේක ලේකම් කපිල ජනක බණ්ඩාර යන මහත්වරු සහ අධ්‍යාපන ක්ෂේත්‍රයේ නිලධාරීහු පිරිසක් මෙම සාකච්ඡාවට එක්ව සිටියහ.

යල කන්නයේ වගා කටයුතු ආරම්භ කිරීම සඳහා ගොවි බිම්වලට අවශ්‍ය පොහොර හිඟයකින් තොරව අඛණ්ඩව ලබා දීමේ අවශ්‍යතාව ජනාධිපති අනුර කුමාර දිසානායක මහතා අවධාරණය කළේය.

ජනාධිපතිවරයා මේ බව සඳහන් කර සිටියේ යල කන්නයට අවශ්‍ය පොහොර සැපයුම පිළිබඳ අද (06) ජනාධිපති කාර්යාලයේ පැවති සාකච්ඡාවේදීය.

යල කන්නයේ වී ගොවිතැන සහ අනෙකුත් කෘෂිකාර්මික කටයුතු සඳහා පවතින පොහොර අවශ්‍යතාව පිළිබඳව මෙහිදී දීර්ඝ ලෙස සාකච්ඡා කෙරුණු අතර අපහසුතාවකින් සහ බාධාවකින් තොරව ගොවීන්ට යල කන්නයේ වගා කටයුතු ආරම්භ කිරීමට හැකි පරිසරය සකස් කර දීමට කටයුතු කළ යුතු බව ජනාධිපතිවරයා වැඩිදුරටත් අවධාරණය කළේය.

කෘෂිකර්ම, පශු සම්පත්, ඉඩම් හා වාරිමාර්ග අමාත්‍ය කේ.ඩී. ලාල්කාන්ත, ඉඩම් හා වාරිමාර්ග නියෝජ්‍ය අමාත්‍ය වෛද්‍ය සුසිල් රණසිංහ, ජනාධිපති ලේකම් ආචාර්ය නන්දික සනත් කුමානායක, කෘෂිකර්ම, පශු සම්පත්, ඉඩම් හා වාරිමාර්ග අමාත්‍යාංශයේ ලේකම් ඩී.පී. වික්‍රමසිංහ, ජනාධිපති ජ්‍යෙෂ්ඨ අතිරේක ලේකම් කපිල ජනක බණ්ඩාර, කෘෂි තාක්ෂණ අංශයේ අධ්‍යක්ෂ ජනරාල් ආර්.ඩී. චිත්‍රානයනා, ගොවිජන සේවා කොමසාරිස් ජනරාල් යූ.බී. රෝහණ රාජපක්ෂ, ජාතික පොහොර ලේකම් කාර්යාලයේ අධ්‍යක්ෂ චන්දන ලොකුහේවගේ යන මහත්ම මහත්මීහුද, කෘෂිකර්ම, පශු සම්පත්, ඉඩම් හා වාරිමාර්ග අමාත්‍යාංශයේ සහ මුදල් අමාත්‍යාංශයේ ජ්‍යෙෂ්ඨ නිලධාරීහුද, පෞද්ගලික අංශයේ පොහොර සැපයුම් සමාගම්වල නියෝජිතයෝ පිරිසක්ද මෙම සාකච්ඡාවට එක්ව සිටියහ.

ජිනීවාහි පැවැත්වෙන එක්සත් ජාතීන්ගේ මානව හිමිකම් කවුන්සිලයේ (UNHRC) සැසිවාරයන් ශ්‍රී ලංකාව සඳහා නිරන්තරයෙන් මතභේදාත්මක කේන්ද්‍රස්ථානයක් වී ඇත. තිස් වසරක අභ්‍යන්තර යුද්ධය අවසන් වූ 2009 වසරේ සිට, යුද්ධය අතරතුර සහ ඉන් පසුව සිදුකරන ලද මානව හිමිකම් උල්ලංඝනය කිරීම් සහ යුද අපරාධ සම්බන්ධයෙන් කටයුතු කිරීම අරමුණු කරගත් බහුවිධ යෝජනාවලට රට මුහුණදී ඇත.

මෙම යෝජනාවලට අනුප්‍රාප්තික ශ්‍රී ලංකා ආණ්ඩු දැඩි විරෝධයක් එල්ල කර ඇති අතර, ඔවුන් UNHRC හි ද්විත්ව ස්ථාවරයන් සහ රටේ අභ්‍යන්තර කටයුතුවලට බාහිර මැදිහත්වීම් සම්බන්ධයෙන් චෝදනා කර ඇත. ජාතිකවාදී දේශපාලන කණ්ඩායම් බොහෝ විට UNHRC හි ක්‍රියාවන් ශ්‍රී ලංකාව තුළ අන්තර්ජාතික ප්‍රජාවට සහ වාර්ගික සුළුතරයන්ට එරෙහිව කෝපය ඇවිස්සීම සඳහා පෙළගැස්වීමේ ලක්ෂ්‍යයක් ලෙස භාවිත කර ඇති අතර, එමඟින් රට තුළ බෙදීම් තවදුරටත් ගැඹුරු කර ඇත.

කෙසේවෙතත්, දැනට පැවැත්වෙන UNHRC සැසිවාරවලදී ශ්‍රී ලංකාවේ ප්‍රවේශයේ කැපීපෙනෙන වෙනසක් දක්නට ලැබේ. රජයේ නියෝජිතයන් UNHRC නියෝජිතයන් සමඟ විවෘතව ගැටුම් ඇති කරගත් පෙර වසරවල මෙන් නොව, රජයේ නියෝජිතයෝ අන්තර්ජාතික මානව හිමිකම් සම්මතයන් සඳහා ශ්‍රී ලංකාවේ කැපවීම අවධාරණය කරමින් දේශන පැවැත්වූහ. පශ්චාත් යුධ සමයේ ජාතික සංහිඳියාව පිළිබඳ ගැටළු විසඳීම සඳහා ව්‍යවස්ථාමය රාමුව තුළ ස්වාධීන සහ විශ්වසනීය දේශීය යාන්ත්‍රණ සඳහා ශ්‍රී ලංකාවේ කැපවීම විදේශ අමාත්‍ය විජිත හේරත් නැවත තහවුරු කළේය. අතුරුදහන්වූවන් පිළිබඳ කාර්යාලය (OMP), වන්දි ගෙවීමේ කාර්යාලය (OR) සහ ජාතික සමගිය හා සංහිඳියාව සඳහා වූ කාර්යාලය (ONUR) වැනි ආයතන ශක්තිමත් කරන බව ඔහු අවධාරණය කළේය.

විදේශ අමාත්‍ය විජිත් හේරත් එහිදී මෙසේ ද පැවැසීය. “ජනාධිපති අනුර කුමාර දිසානායකගේ නායකත්වයෙන් යුත් රජය, ජාතිය, ආගම, පංතිය සහ කුලය මත පදනම් වූ කිසිදු භේදයකින් හෝ වෙනස්කම් කිරීමකින් තොරව තම ජනතාවගේ විවිධත්වයට ගරුකරන සහ එය සමරන එක්සත් ශ්‍රී ලංකාවක් කරා ගමන් කිරීමට කටයුතු කිරීමට දැඩි ලෙස හා අවංකව කැපවී සිටී. අපේ රට තුළ භේදකාරී ජාතිවාදය හෝ ආගමික අන්තවාදය නැවත ඇතිවීමට අපි ඉඩ නොදෙමු. අපගේ ආණ්ඩුක්‍රම ව්‍යවස්ථාවේ දක්වා ඇති ප්‍රජාතන්ත්‍රවාදය සහ නිදහස පිළිබඳ මූලික හා දිගුකාලීන මූලධර්මවලට සම්පූර්ණයෙන්ම ගරුකරනු ලබන අතර, ඒවා ආරක්ෂා කරමින්, සියලුම පුරවැසියන්ගේ මානව හිමිකම් ආරක්ෂා කරනු ඇත. සෑම පුරවැසියකුටම තම ආගම ඇදහීමට, තම භාෂාව කතාකිරීමට සහ තම සංස්කෘතික වටිනාකම් අනුව බියෙන් හෝ වෙනස්කම් කිරීමකින් තොරව ජීවත්වීමට නිදහස තිබිය යුතුය. තම විශ්වාසයන්, සංස්කෘතිය හෝ දේශපාලන බැඳියාවන් නිසා ඔවුන් අනවශ්‍ය පීඩනයකට හෝ අගතියකට ලක්වනු ඇතැයි කිසිවකුට හැඟිය යුතු නැත.”

නවාස් කොමිසම

කෙසේවෙතත්, එම කතාව ශ්‍රී ලංකාවට ආඩම්බරයක් ගෙනදුන්නද, එමගින් බොහෝදුරට, රටේ උතුර හා නැගෙනහිර ප්‍රදේශවල යුද අපරාධ, බලහත්කාරයෙන් අතුරුදහන් කිරීම් සහ හමුදාකරණය පිළිබඳ නිශ්චිත චෝදනා ආමන්ත්‍රණය කිරීමට වඩා, මානව හිමිකම් සඳහා පුළුල් කැපවීම් කෙරෙහි අවධානය යොමුකර ඇති බව පෙනේ. උදාහරණයක් ලෙස, 2014 දී සම්මත කරන ලද UNHRC 25/1 දරන යෝජනාව, යුද්ධයේ අවසාන අදියරේදී මානව හිමිකම් උල්ලංඝනය කිරීම් පිළිබඳ චෝදනා සම්බන්ධයෙන් ස්වාධීන පරීක්ෂණයක් පැවැත්වීමට මානව හිමිකම් පිළිබඳ මහකොමසාරිස් කාර්යාලයට (OHCHR) නියෝග කළේය. වඩාත් මෑතකදී, 2021 දී, අනාගත නඩු පැවරීම් සඳහා යුද අපරාධ පිළිබඳ සාක්ෂි එකතු කර සංරක්ෂණය කිරීමට එක්සත් ජාතීන්ගේ මානව හිමිකම් කාර්යාලයට වරමක් ලබාදුන් යෝජනාවක් සම්මත කරන ලදී. අනුප්‍රාප්තික ශ්‍රී ලංකා ආණ්ඩු මෙම යෝජනා ප්‍රතික්ෂේප කර ඇති අතර, ඒවා දේශපාලනික වශයෙන් අභිප්‍රේරණය වූ සහ අසාධාරණ ලෙස රටේ හමුදා සහ දේශපාලන නායකත්වය ඉලක්ක කරගත් ඒවා ලෙස සළකා තිබිණි.

මෙම විවේචන නොතකා, අන්තර්ජාතික ප්‍රජාව වගවීම සඳහා ශ්‍රී ලංකාවට අඛණ්ඩව බලපෑම් කර ඇත.

2024 ඔක්තෝම්බර් මාසයේදී OHCHR විසින් ශ්‍රී ලංකාවේ වගවීමේ ව්‍යාපෘතිය දීර්ඝ කිරීම මගින්, අතීතයේ සිදු වූ බවට චෝදනා එල්ලවූ කරුණුවල සත්‍යතාව තහවුරු කරගැනීමට සහ යුද සමයේදී යුද අපරාධ හා දරුණු මානව හිමිකම් උල්ලංඝනයන් සිදුකළ අයට එරෙහිව පියවර ගැනීමට ශ්‍රී ලංකාව ප්‍රමාණවත් ලෙස කටයුතු කර නොමැති බවට වන අන්තර්ජාතික මතය ඉස්මතු විය. මෙයට ප්‍රතිචාර වශයෙන් විදේශ අමාත්‍ය විජිත හේරත් ජිනීවාහිදී පැවසුවේ “සියලු ශ්‍රී ලාංකිකයන්ගේ විශ්වාසය දිනාගත් ක්‍රියාවලියක් සහතික කිරීම සඳහා, එය ක්‍රියාත්මක කිරීමට පෙර, සත්‍යය සහ සංහිඳියා රාමුවක ස්වභාවය පිළිබඳව, ඒ හා සම්බන්ධවන කොටස්කරුවන් සමඟ තවදුරටත් සාකච්ඡා කරනු ඇති” බවයි.

සත්‍යය සහ සංහිඳියා කොමිසමක විසඳුම රට තුළ මුල් බැසගත් සහ පරිණාමය වූ සංකල්පයකි. ශ්‍රේෂ්ඨාධිකරණ විනිසුරු ඒ.එච්.එම්.ඩී. නවාස්ගේ සභාපතිත්වයෙන් යුත්, මානව හිමිකම් පිළිබඳ පෙර විමර්ශන කොමිසම්වල සොයාගැනීම් විමර්ශනය කිරීම සඳහා වූ ජනාධිපති කොමිසමේ නිර්දේශ මෙය පැහැදිලි කරයි. පෙර ජනාධිපති විමර්ශන කොමිසම්වල සොයාගැනීම් ඇගැයීම සහ ඒවා ක්‍රියාත්මක කිරීම තක්සේරු කිරීමේ දැවැන්ත කාර්යයක් මෙම කොමිසමට පැවරී තිබිණි. 2022 සහ 2023 දී ප්‍රකාශයට පත්කරන ලද කොමිසමේ අතුරු වාර්තා සහ 2024 ජනවාරි මාසයේදී ඉදිරිපත් කරන ලද එහි අවසන් වාර්තාව මගින්, ශ්‍රී ලංකාවේ මානව හිමිකම් භූ දර්ශනය පිළිබඳ පුළුල් විශ්ලේෂණයක් සපයයි. අතීත අසාධාරණකම් විධිමත් ලෙස විසඳීමට, වින්දිතයන්ට යුක්තිය ඉටුකිරීමට සහ අනාගත ගැටුම් වැළැක්වීමට ශ්‍රී ලංකාව සත්‍ය සහ සංහිඳියා කොමිසමක් ස්ථාපිත කළ යුතු බවට වාර්තාව පැහැදිලි පිළිතුරක් සපයා ඇත.

අවිශ්වසනීයභාවය ජයගැනීම

නවාස් කොමිසමේ ප්‍රධාන නිර්දේශය වන්නේ සත්‍යය සහ සංහිඳියා කොමිසමක් පිහිටුවීමයි. වාර්තාවේ 1043 ඡේදයේ දක්වා ඇති පරිදි: “නිසැකවම, සත්‍යය සහ සංහිඳියා කොමිසමට බරපතල මානව හිමිකම් සහ අන්තර්ජාතික මානුෂීය නීතිය උල්ලංඝනය කිරීම් පිළිබඳ ඓතිහාසික වාර්තාවක් සැපැයිය හැකි අතර, මානව හිමිකම් ප්‍රවර්ධනය කිරීම සහ ආරක්ෂා කිරීම සඳහා නීතියේ සහ භාවිතයේ ආයතනික ප්‍රතිසංස්කරණවලට බලපෑම් කළ හැකිය. විවේචනාත්මකව, එමගින් බරපතල උල්ලංඝනයන් සඳහා වගවීම සහතික කිරීමට සහාය වන අතර, එය අනාගත උල්ලංඝනයන් වැළැක්වීම, නීතියට අනුකූල වීම ප්‍රවර්ධනය කිරීම සහ වින්දිතයන් සඳහා යුක්තිය සහ සහන ලබාදීමේ මාර්ග සැපයීම සඳහා මූලික වේ.” බලධාරීන්ට ඒ ඔස්සේ ඓතිහාසික මැදිහත්වීමක් සිදුකිරීමෙන්, සත්‍යය සහ සංහිඳියා කොමිසමට වැරදි තොරතුරු ඉවත්කිරීමට, වින්දිතයන්ගේ දුක් වේදනා පිළිගැනීමට සහ අර්ථවත් ප්‍රතිසංස්කරණ සඳහා මාර්ගය නිර්මාණය කර දිය හැකිය.

ශ්‍රී ලංකාවේ ඉතිහාසය තුළ බොහෝ විමර්ශන කොමිෂන් සභා ස්ථාපනය කර ඇති අතර, ඒ සෑම එකක්ම නිශ්චිත සිදුවීම් හෝ නොසන්සුන්තා පැවැති කාලපරිච්ඡේද විමර්ශනය කිරීමේ අරමුණින් පිහිටුවා තිබේ. නවාස් වාර්තාව ඒ සෑම එකක්ම ඉතා වෙහෙස මහන්සි වී පරීක්ෂා කර ඇත. එලෙස පරික්ෂාවට ලක්කෙරුණු කොමිෂන් සභා වාර්තා පහත පරිදි වේ. 1987 සිට 1990 දක්වා උල්ලංඝනයන් විමර්ශනය කළ නමුත් අකාලයේ නතර කරන ලද 1994 ජනාධිපති කොමිෂන් සභා තුන; පෙර විමර්ශන මත ගොඩනැගී 2002 දී අධිකරණ ක්‍රියාමාර්ග ඉල්ලා සිටිමින් වාර්තාවක් නිකුත් කළ 1998 සමස්ත ලංකා ජනාධිපති කොමිසම; 1983 කෝලාහල විමර්ශනය කළ 2001 ජනවාර්ගික ප්‍රචණ්ඩත්වය පිළිබඳ ජනාධිපති සත්‍ය කොමිසම (1981-84). 2004 දී මෙමගින් ඇතැම් වින්දිතයන්ට වන්දි ලැබුණද, අපරාධකරුවන්ට වගවීමක් නොතිබිණි; ත්‍රිකුණාමලයේ සිසුන් පස්දෙනා සහ ACF මානුෂීය සේවකයන් 17 දෙනා වැනි නඩු විමර්ශනය කළ නමුත් පසු විපරමක් නොමැති 2006 උදලාගම කොමිසම; 2002 සිට 2009 දක්වා සිදුවීම් සමාලෝචනය කර ක්‍රියාත්මක නොකළ බොහෝ නිර්දේශ ඉදිරිපත් කළ 2010 උගත් පාඩම් සහ ප්‍රතිසන්ධාන කොමිසම (LLRC); යුද්ධයේ අවසන් වසරවලදී අතුරුදහන්වූවන් සහ සිවිල් වැසියන්ට සිදු වූ හානි පරීක්ෂා කර 2016 දී අතුරුදහන්වූවන් පිළිබඳ කාර්යාලය (OMP) පිහිටුවීමට මඟ පෑදූ 2013 පරණගම කොමිසම.

මෙම කොමිෂන් සභා හරහා ඉස්මතුවන ප්‍රධාන තේමාව වන්නේ, වින්දිතයන් සහ බහුතරයක් පිඩාවට පත් ජනතාව අතර පැතිර යන කලකිරීමේ හැඟීමයි. ඒවා විස්තරාත්මකව පරීක්ෂා කළ නවාස් කොමිසම තියුණු ලෙස නිරීක්ෂණය කර මෙසේ පවසා ඇත. “අපේ දූපත් රාජ්‍යයට කොමිෂන් සභා රාශියක් තිබිණි. මෙම කොමිසම ඉදිරියේ සාක්ෂි දුන් බොහෝ සාක්ෂිකරුවන් පෙර කොමිෂන් සභා ඉදිරියට ගොස් කිසිවක් ලබාගැනීමට නොහැකිවීම ගැන ඔවුන්ගේ කලකිරීම විස්තර කළහ.” මෙම හැඟීම සත්‍යය සහ සංහිඳියා කොමිසමක තීරණාත්මක අවශ්‍යතාව ඉස්මතු කරයි. එමගින් විමර්ශනය කිරීම පමණක් නොව, එහි නිර්දේශ ක්‍රියාත්මක කිරීම සහතික කරයි. එමඟින් සංක්‍රාන්ති යුක්තිය පිළිබඳ යාන්ත්‍රණයන් කෙරෙහි මහජන විශ්වාසය නැවත ඇති කරයි. නවාස් කොමිසම අභ්‍යන්තර යාන්ත්‍රණයක් වේ. ශ්‍රී ලංකා රජය විසින් සම්පූර්ණයෙන්ම ඊට අරමුදල් සපයන ලද සහ සහාය දක්වන ලද අතර, අනෙකුත් ජාතික කොමිෂන් සභා විසින් ද රැස්කරන ලද කරුණු ලේඛනගත කර විශ්ලේෂණය කරන ලදී. මෙමගින් විවිධ අවස්ථාවල ප්‍රකාශ වන අන්තර්ජාතික කුමන්ත්‍රණයක් පිළිබඳ ඕනෑම අදහසක් දුරුකරනු ඇත.

කඩිනම් ක්‍රියාමාර්ග

එක්සත් ජාතීන්ගේ මානව හිමිකම් කවුන්සිලයේ දී රජයේ මෑතකාලීන ප්‍රවේශය රාජ්‍යතාන්ත්‍රිකව ඊට සම්බන්ධවීමට ඇති කැමැත්ත ප්‍රදර්ශනය කරයි. කෙසේවෙතත්, එහි විශ්වසනීයත්වය වර්ධනය වීමට නම්, මෙම සම්බන්ධතාවට නිවැරදි ක්‍රියාමාර්ග මගින් සහාය විය යුතු අතර, ප්‍රධාන කොටස්කරුවන්ගේ කණ්ඩායම් ඇතුළත් කිරීම සඳහා එහි විෂයපථය වඩාත් පුළුල් විය යුතුය. රජය සාමාන්‍ය ප්‍රකාශවලින් ඔබ්බට ගොස් අන්තර්ජාතික ප්‍රජාව විසින් මතුකරන ලද ගැටළු විසඳීම සඳහා ස්ථාවර පියවර ගත යුතුය. එහිදී ප්‍රධාන පියවර අතරට, අවතැන් වූ ප්‍රජාවන්ට ඉඩම් ආපසු ලබාදීම ඇතුළත් විය හැකිය. උතුර සහ නැගෙනහිර පළාත්වල බොහෝ පිරිසක් හමුදාව විසින් අත්පත් කරගත් ඉඩම් හේතුවෙන් අවතැන්ව සිටිති. ජීවනෝපායන් යථාතත්ත්වයට පත්කිරීම සහ සංහිඳියාව ප්‍රවර්ධනය කිරීම සඳහා රජය මෙම ඉඩම් ඒවායේ නියම හිමිකරුවන්ට ආපසු ලබාදීමේ ක්‍රියාවලිය කඩිනම් කළ යුතුය.

දිගුකාලීන රැඳවියන් නිදහස් කිරීමෙන් මෙය තහවුරු කළ යුතුය. ත්‍රස්තවාදය වැළැක්වීමේ පනත (PTA) යටතේ සැළකිව යුතු පිරිසක් රඳවා තබා ඇති අතර, සමහරුන්ට විධිමත් චෝදනා ඉදිරිපත් කර නොමැත. නිසි ක්‍රියාදාමය සහතික කිරීම සහ විශ්වාසදායක සාක්ෂි නොමැති අය නිදහස් කිරීම මගින් යුක්තිය සහ මානව හිමිකම් සඳහා සැබෑ කැපවීමක් පෙන්නුම් කරයි. අවසාන වශයෙන්, රජය උතුර හා නැගෙනහිර හමුදාව යෙදවීම අඩුකිරීමට ද කටයුතු කළ යුතුය. සිවිල් ප්‍රදේශවලට අඛණ්ඩව හමුදාව යෙදවීම ආතතීන් අවුස්සන අතර, එමගින් ප්‍රතිසන්ධාන උත්සාහයන් අඩපණ කරයි. පළාත් පාලන ව්‍යුහයන් බලගැන්වීම සමඟ හමුදාකරණය ඉවත් කිරීම, මෙම කලාපවල ජීවිතය සාමාන්‍යකරණය කිරීම සඳහා තීරණාත්මක පියවරක් වනු ඇත.

එක්සත් ජාතීන්ගේ මානව හිමිකම් කවුන්සිලය සහ අනෙකුත් අන්තර්ජාතික හා ජාතික පාර්ශ්වකරුවන් සමඟ රාජ්‍යතාන්ත්‍රික සම්බන්ධතා පවත්වා ගනිමින්  සැබෑ, සහතික කළ හැකි ක්‍රියාමාර්ග සමඟ රජය ඉදිරියට යායුතුය. ඉඩම් ප්‍රතිසංස්කරණය, රැඳවියන් නිදහස් කිරීම සහ හමුදාකරණය ඉවත් කිරීම වැනි මූලික ගැටළු විසඳීම අන්තර්ජාතික ප්‍රජාව සමඟ විශ්වාසය නැවත ගොඩනඟා ගැනීමට පමණක් නොව, ජාතික සමගිය සහ සංහිඳියාව සඳහාද අභ්‍යන්තරිකව දායක වනු ඇත. සියලුම පාර්ශ්වකරුවන් සමඟ සාකච්ඡා කර අව්‍යාජ ලෙස ක්‍රියාත්මක කරන ලද සත්‍යය සහ සංහිඳියා කොමිසමක් පිහිටුවීමෙන් පසුව මෙය අවශ්‍ය වේ.

සාමාන්‍යයෙන්, සමහර රජයේ ආයතනවලට, පාර්ශ්වකරුවන් යන පැහැදිලි කිරීමට, වින්දිතයන් සහ දිවි ගලවාගත් කණ්ඩායම් පමණක් සීමා වේ. පරමාදර්ශී පාර්ශවකරුවන් අතරට සත්‍යය සහ සංහිඳියා ක්‍රියාවලියක අවශ්‍යතාවය හඳුනාගන්නා ජනමාධ්‍ය සහ ජනමාධ්‍යවේදීන්, අධිකරණ සහ නීති ආයතන, සිවිල් සංවිධාන, රාජ්‍ය නොවන සංවිධාන සහ ආගමික සහ ප්‍රජා නායකයන් ද ඇතුළත් විය යුතුය. නවාස් කොමිෂන් වාර්තාව මෙම වැදගත් මුලපිරීම සඳහා අඩිතාලම දමා ඇති අතර, එහි සාර්ථකත්වය සහතික කිරීම ඔවුන් සියලුදෙනාගේම වගකීමකි. අන්තර්ජාතික සම්මතයන් බිඳවැටීමෙන් වඩවඩාත් කරදරයට පත්වන ලෝකයක, හෘද සාක්ෂියේ හඬ වීමට ශ්‍රී ලංකාවට හැකියාව තිබේ. ලෝකයේ සුවකිරීමේ ක්‍රියාවලීන් සඳහා දායකවීමට ශ්‍රී ලංකාවට තම කොටස ඉටුකළ හැකිය.

ජපන් ජනතාව Hara Hachi Bu ලෙස හඳුන්වන ආහාර ගැනීමේ ක්‍රමයක් අනුගමනය කරති. මෙම ආහාර ගැනීමේ පුරුද්ද කුමක්ද ? සහ එය ඔබේ සෞඛ්‍යයට ප්‍රයෝජනවත් වන්නේ කෙසේදැයි දැන ගැනීමට මෙම ලිපිය කියවන්න.

ජපන් ජාතිකයින් දිගු හා සෞඛ්‍ය සම්පන්න ජීවිතයක් ගත කරන අතර, ඒ සඳහා ඔවුන්ගේ ජීවන රටාව ගෞරවයට පාත්‍ර වේ. ඔවුන්ගේ ආහාර පුරුදුවල සිට ඉවුම් පිහුම් විලාසයන් සහ අනෙකුත් ඒවා දක්වා, මෙම සියලු සාධක ඔවුන්ගේ දීර්ඝායුෂ සඳහා වැදගත් කාර්යභාරයක් ඉටු කරයි. ජපන් ජාතිකයින් Hara Hachi Bu ලෙස හඳුන්වන ආහාර ගැනීමේ ක්‍රමයක් ද අනුගමනය කරන අතර එය ප්‍රයෝජනවත් යැයි ද සැලකේ.

Hara Hachi Bu යනු කුමක්ද?

මෙය ජපන් යෙදුමක් වන අතර එහි තේරුම “ඔබ 80%ක් පිරෙන තුරු කන්න” යන්නයි. එය ඔකිනවාන් සංස්කෘතිය තුළ මුල් බැස ඇත. Hara Hachi Bu සිහිකල්පනාවෙන් ආහාර ගැනීම ප්‍රවර්ධනය කරන අතර අධික ලෙස ආහාර ගැනීම වැළැක්වීමට උපකාරී වේ. සම්පූර්ණ තෘප්තියට පත්වීමට පෙර ආහාර ගැනීම නැවැත්වීම හේතුවෙන්, මෙම ආහාර ගැනීමේ තාක්ෂණය ඔබේ සෞඛ්‍යයට කිහිප ආකාරයකින් ප්‍රයෝජනවත් වේ.

Hara Hachi Bu වල ප්‍රතිලාභ

ජීර්ණය වැඩි දියුණු කිරීම – 80%ක් පිරෙන තුරු පමණක් ආහාර ගැනීමෙන්, ශරීරයට ආහාර දිරවීමේදී අඩු වෙහෙසක් ඇති වේ. මෙම පිළිවෙත ආමාශයට ආහාර වඩාත් කාර්යක්ෂමව ජීර්ණය කිරීමට ඉඩ සලසයි, එමඟින් අපහසුතාව සහ ඉදිමීම අඩු කරයි.

බර කළමනාකරණය – අඩුවෙන් ආහාර ගැනීම කැලරි ප්‍රමාණය කළමනාකරණය කිරීමට උපකාරී වන අතර එමඟින් සෞඛ්‍ය සම්පන්න ශරීර බරකට මඟ පෑදිය හැකිය. Hara Hachi Bu මධ්‍යස්ථභාවය ප්‍රවර්ධනය කරන අතර එමඟින් අධික ලෙස ආහාර ගැනීම වැළැක්වීම සහ තරබාරුකමේ අවදානම අඩු කරයි.

දීර්ඝායුෂ සඳහා සහය දක්වයි – Hara Hachi Bu බහුලව භාවිතා වන ඔකිනාවන් සංස්කෘතිය තුළ, මිනිසුන් බොහෝ විට දිගු ආයු කාලයක් ගත කරති. මධ්‍යස්ථව ආහාර ගැනීමෙන් හෘද රෝග සහ දියවැඩියාව වැනි නිදන්ගත රෝග ඇතිවීමේ අවදානම අඩු කර ගත හැකි අතර එමඟින් සෞඛ්‍ය සම්පන්න සහ දිගු ආයු කාලයක් ප්‍රවර්ධනය කළ හැකිය.

පරිවෘත්තීය වැඩි දියුණු කරයි – අඩු ආහාර පරිභෝජනය කිරීමෙන් ශරීරයට එහි පරිවෘත්තීය ක්‍රියාවලිය වඩාත් ඵලදායී ලෙස නියාමනය කිරීමට අවස්ථාවක් ලැබේ. Hara Hachi Bu රුධිර සීනි මට්ටම ස්ථාවරව පවත්වා ගැනීමට සහ අධික ලෙස ආහාර ගැනීම හා සම්බන්ධ පරිවෘත්තීය ගැටළු වළක්වා ගැනීමට උපකාරී වේ.

සිහිකල්පනාවෙන් ආහාර ගැනීම

මෙම පිළිවෙත මගින් මිනිසුන්ට තම ශරීරයට සවන් දීමට දිරිගන්වන අතර එමඟින් කුසගින්න සහ තෘප්තිමත් බව පිළිබඳ සංඥා කෙරෙහි ඔවුන් වඩාත් අවධානයෙන් සිටී. මෙම සිහිකල්පනාව ආහාර සමඟ සෞඛ්‍ය සම්පන්න සම්බන්ධතාවයක් වර්ධනය කරයි, මානසික යහපැවැත්ම වැඩිදියුණු කර ආහාර ගැනීමෙන් ඇතිවන ආතතිය අඩු කරයි.

ආර්තවහරණය අතරතුර, ඔබේ ශරීරය හෝමෝන වෙනස්කම් කිහිපයකට භාජනය වන අතර එමඟින් ශාරීරික රෝග ලක්ෂණ කිහිපයක් ඇති වේ. ඔබ දැනගත යුතු ආර්තවහරණයේ පොදු රෝග ලක්ෂණ කිහිපයක් මෙන්න.

ආර්තවහරණය / menopause යනු අඛණ්ඩව මාස 12ක් ඔසප් වීම සිදු නොවන කාලයකි. මෙය සාමාන්‍යයෙන් අවුරුදු 40 සහ 50 ගණන් වලදී සිදු වේ. මෙය ස්වාභාවික ක්‍රියාවලියකි, කෙසේ වෙතත්, එයට සැලකිය යුතු ශාරීරික රෝග ලක්ෂණ තිබිය හැකිය. ආර්තවහරණයට තුඩු දෙන මාස සහ අවුරුදු පෙරිමෙනෝපෝස් / perimenopause ලෙස හැඳින්වෙන අතර මෙය අවුරුදු 2 සිට 8 දක්වා පැවතිය හැකි අතර සාමාන්‍ය වයස අවුරුදු හතරක් පමණ වේ.

ආර්තවහරණය අතරතුර, ඔබේ ශරීරය හෝමෝන වෙනස්කම් කිහිපයකට භාජනය වන අතර එමඟින් ශාරීරික රෝග ලක්ෂණ කිහිපයක් ඇති වේ. ඔබ දැනගත යුතු ආර්තවහරණයේ පොදු රෝග ලක්ෂණ කිහිපයක් මෙන්න.

උණුසුම් දැල්වීම් / Hot Flashes: උණුසුම් දැල්වීම් යනු ආර්තවහරණයේ වඩාත් ප්‍රසිද්ධ රෝග ලක්ෂණයකි. ඒවාට හදිසියේ දැඩි තාපයක් දැනීම ඇතුළත් වේ. සාමාන්‍යයෙන් ඉහළ ශරීරයේ, මුහුණේ සහ පපුවේ ලක්ෂණ දැකගත හැකි වේ. මෙම සංවේදනය දහඩිය දැමීමට හේතු විය හැකි අතර තත්පර කිහිපයක සිට මිනිත්තු කිහිපයක් දක්වා පැවතිය හැකිය. ශරීරයේ උෂ්ණත්ව නියාමනයට බලපාන හෝමෝන මට්ටම්වල, විශේෂයෙන් එස්ටජන් මට්ටම්වල වෙනස්වීම් හේතුවෙන් උණුසුම් දැල්වීම් ඇති වේ.

අක්‍රමවත් ඔසප් චක්‍ර / Irregular Period – ආර්තවහරණයට පෙර වසරවලදී, බොහෝ කාන්තාවන්ට අක්‍රමවත් ඔසප් වීම අත්විඳීමට සිදුවිය හැකිය. මෙයින් අදහස් කරන්නේ ඔසප් වීම අතපසු වීම, සැහැල්ලු හෝ අධික රුධිර වහනයක් හෝ සාමාන්‍යයට වඩා කෙටි හෝ දිගු චක්‍ර ඇති වීමය. මෙම වෙනස්කම් සිදුවන්නේ ඩිම්බ කෝෂ ක්‍රමයෙන් අඩු ඊස්ට්‍රජන් නිපදවීම හෙතුවෙන් එමඟින් ඔසප් චක්‍රයේ උච්චාවචනයන් ඇති වීම නිසාය.

මනෝභාවය වෙනස්වීම් / Mood Changes – ආර්තවහරණයේදී සිදුවන හෝමෝන උච්චාවචනයන් මනෝභාවයට සැලකිය යුතු බලපෑමක් ඇති කළ හැකිය. කාන්තාවන්ට කෝපය, දුක, කාංසාව හෝ මානසික අවපීඩනය පවා වැඩි විය හැකිය. ඊස්ට්‍රජන් මනෝභාවය නියාමනය කරන සෙරොටොනින් වැනි ස්නායු සම්ප්‍රේෂක නිෂ්පාදනයට බලපෑම් කරන අතර එහි අඩුවීම මනෝභාවය වෙනස් වීමට හෝ චිත්තවේගීය අස්ථාවරත්වයට හේතු විය හැකිය.

රාත්‍රී දහඩිය – රාත්‍රී දහඩිය දැමීම උණුසුම් දැල්වීම් වලට සමාන නමුත් නින්දේදී සිදු වේ. ඒවා අධික දහඩිය දැමීමට හේතු විය හැකි අතර, එමඟින් සුවපහසුව පවත්වා ගැනීමට හෝ රාත්‍රිය පුරා නිදා ගැනීමට අපහසු වේ. රාත්‍රී දහඩිය දැමීම සාමාන්‍යයෙන් හෝමෝන මට්ටම්වල උච්චාවචනයන් නිසා ඇතිවේ. විශේෂයෙන් ඊස්ට්‍රජන් නිසා නින්දේදී උෂ්ණත්වය නියාමනය කිරීමට ශරීරයට ඇති හැකියාව කඩාකප්පල් කළ හැකිය.

යෝනි මාර්ගයේ වියළි බව – ඊස්ට්‍රජන් මට්ටම අඩු වන විට, යෝනි ප්‍රදේශයේ පටක වියළි, ​​තුනී සහ අඩු ප්‍රත්‍යාස්ථතාවයක් ඇති විය හැකිය. මෙය ලිංගික සංසර්ගය අතරතුර අපහසුතාවයක්, කැසීමක් හෝ සාමාන්‍ය වියළි බවක් දැනීමට හේතු විය හැකිය. යෝනි මාර්ගයේ වියළි බව මුත්‍රා ආසාදන (UTIs) සහ අපහසුතාවයට පත්වීමේ අවදානම ද වැඩි කළ හැකිය.

නින්ද බාධා – උණුසුම් දැල්වීම් හෝ රාත්‍රී දහඩිය නිසා නින්දට බාධා ඇති විය හැකි අතර මනෝභාවයේ හෝ කාංසාවේ වෙනස්වීම් ද ඊට හේතු විය හැකිය. නින්දට යාමේ අපහසුතා, නින්දේ රැඳී සිටීම හෝ ඉක්මනින් අවදි වීම යන සියල්ල ආර්තවහරණය අතරතුර බහුලව දක්නට ලැබේ.

මතකය හා සම්බන්ධ ගැටලු – බොහෝ කාන්තාවන් ආර්තවහරණය අතරතුර මතකය අඩුවීම හෝ අවධානය යොමු කිරීමේ අපහසුතාවයක් වාර්තා කරයි. මෙය “මොළයේ මීදුම / brain fog” ලෙස හඳුන්වන අතර එය බොහෝ විට හෝමෝන මාරුවීම් නිසා ඇති වන අතර විශේෂයෙන් මොළයේ ක්‍රියාකාරිත්වයට දායක වන ඊස්ට්‍රජන් මට්ටම අඩුවීම නිසා ඇති වේ.

ජෙහාන් පෙරේරා

ප්‍රජාතන්ත්‍රවාදී දේශපාලනයක් තුළ, ජනතා වරම දිනාගත් තැනැත්තකුට, නැවැත්විය නොහැකි අන්ත බලවේගයක් බවට පත්විය හැකි ආකාරය එක්සත් ජනපදයේ ජනාධිපති ඩොනල්ඩ් ට්‍රම්ප් ලොවට පෙන්වාදෙමින් සිටී. ජාතික ජන බලවේග ආණ්ඩුවේ විවේචකයන් රජයේ ආර්ථික ප්‍රතිපත්තිය නිතර නිතර සමච්චලයට ලක්කරන්නේ, මෙය හිටපු ජනාධිපති රනිල් වික්‍රමසිංහගේ ආර්ථික ප්‍රතිපත්තියේ ලක්ෂණ සහිත, එහි දිගුවක් ලෙස හඳුන්වාදෙමිනි.

ප්‍රධාන විවේචනය වන්නේ, මැතිවරණයට පෙර පොරොන්දු වූ පරිදි රැඩිකල් වෙනසක් සිදුකරනවා වෙනුවට, හිටපු ජනාධිපතිවරයා සාකච්ඡා කළ අන්තර්ජාතික මූල්‍ය අරමුදලේ(IMF) බෙහෙත් වට්ටෝරුම අනුගමනය කරන බවයි. IMF ගිවිසුම පිළිබඳව නැවත සාකච්ඡා කිරීමට, මැතිවරණ ව්‍යාපාරයේදී ජාතික ජන බලවේගයේ කථිකයන් පොරොන්දු වූ නමුත් එය සිදුකර ඇත්තේ සීමිත ආකාරයෙන් වන අතර, එම ප්‍රකාශ හැර, විවේචකයන්ට ඉදිරිපත් කිරීමට වෙනත් විකල්ප නොමැත.

ජාතික ජන බලවේග ආණ්ඩුව හිටපු ජනාධිපති රනිල් වික්‍රමසිංහගේ ආදර්ශය අනුගමනය කරන තවත් ක්ෂේත්‍රයක් ද තිබේ. අගමැති සහ ජනාධිපති යන දෙඅංශයෙන්ම රනිල් වික්‍රමසිංහ සිය ධුර කාලය තුළ සැහැල්ලු ස්පර්ශයකින් පාලනය කළේය. ඔහු රටේ ජනතාව බියගැන්වීමට රාජ්‍යයේ බලය භාවිත කළේ නැත. ඒ වෙනුවට, පශ්චාත් අරගල කාලය තුළ ඔහු වීදි විරෝධතාවලට ඉඩනොදුන් අතර එවැනි විරෝධතාවල නියැලුණු අය අත්අඩංගුවට ගෙන රඳවා තබාගත්තේය. ඒ සමඟම රාජ්‍ය බලය අවම වශයෙන් භාවිත කිරීමෙන් ඔහු අස්ථාවර සමාජයකට ස්ථාවරත්වයක් ගෙන ආවේය. වික්‍රමසිංහ පාලනයෙන් පසු පැමිණි ජාතික ජන බලවේග ආණ්ඩුව සම්බන්ධයෙන් ද එම සැහැල්ලු ස්පර්ශයක් සහිත රීතිය සත්‍ය වේ. වෙනස නම්, ජනාධිපති අනුර කුමාර දිසානායකට ජනාධිපති වික්‍රමසිංහට බලයේ අවසාන කාලය තුළ නොතිබූ මැතිවරණ ජනවරමක් ඇති අතර, ජනාධිපති ට්‍රම්ප් මෙන් ඔහුගේ බලය සම්පූර්ණයෙන්ම භාවිත කළ හැකි නමුත් එසේ නොකිරීමට තීරණය කර තිබීමයි.

එකක් පසුපස එකක් ලෙස පැවැති ජාතික මැතිවරණ දෙකක දී, ජාතික ජන බලවේගය රටේ ජනතා වරම ලබාගත් අතර, විශේෂයෙන් දෙවැනි මැතිවරණය වූ, පාර්ලිමේන්තු මැතිවරණයේදී, ඔවුහු අතිමහත් 2/3 ක බහුතර ආසන සංඛ්‍යාවක් දිනාගත්හ. මෙම ජනවරම සමඟ, සෙනෙට් සභාවේ සහ නියෝජිත මන්ත්‍රී මණ්ඩලයේ බහුතර බලය දිනාගත් ජනාධිපති ඩොනල්ඩ් ට්‍රම්ප් යටතේ අද එක්සත් ජනපදයේ දක්නට ලැබෙන ‘කම්පන සහ විස්මිත’ උපක්‍රම ඔවුන්ට අනුගමනය කළ හැකිව තිබිණි. එක්සත් ජනපද ජනාධිපතිවරයා නතර කළ නොහැකි බලවේගයක් බවට පත්ව ඇති අතර, රට තුළ සහ විදේශ සබඳතා සම්බන්ධයෙන්, සමහර විට ආපසු හැරවිය නොහැකි ලෙස නාටකාකාර වෙනස්කම් සිදුකිරීමට ඔහුගේ බලතල භාවිත කරයි. ඔහුට අවශ්‍ය වන්නේ, ලෝකයේ ධනවත්ම මිනිසා වන එලොන් මස්ක්ගේ සහාය ඇතිව, එක්සත් ජනපදය හැකි තරම් ශක්තිමත්, ආරක්ෂිත සහ සමෘද්ධිමත් කිරීමට ය. මෙම යුගලය ඕනෑම වියදමක් දරා එය සිදුකරන බව පෙනෙන අතර, ඔවුන්ගේ ඉදිරියට යෑම නතර කළ නොහැකි බව පෙනේ.

අධික බලය

ලෝකයේ බොහෝ කලාපවල, විශේෂයෙන් ප්‍රජාතන්ත්‍රවාදී රටවල, ප්‍රජාතන්ත්‍රවාදී පාලනයේ ආදර්ශයක් ලෙස අමරිකා එක්සත් ජනපදය අගය කර ඇත. රජයේ එක් ශාඛාවක් අනෙක් ශාඛාවල බලය සීමාකරන ‘සංවරණ සහ තුලන’ ක්‍රමය සහ ‘බලතල වෙන්කිරීම’ යන සංකල්ප එක්සත් ජනපදයේ ඉහළම ස්ථානයට ළඟා වී ඇති බව පෙනෙන්නට තිබිණි. එහෙත් ජනාධිපති ට්‍රම්ප්ගේ ජනප්‍රියතාව සහ ඔහුගේ අදහස්වල නිවැරදිභාවය මෙන්ම එලොන් මස්ක්ගේ විශ්වාසය හේතුවෙන් මෙම ක්‍රමය අවම වශයෙන් වර්තමානයේ ක්‍රියාත්මක වන බවක් නොපෙනේ. ජනතා වරම ලබාගන්නා දේශපාලන නායකයන්ට ලැබිය හැකි අසීමාන්තික බලය වර්තමානයේ එක්සත් ජනපදයේ වඩාත් හොඳින් දැකිය හැකිය. ට්‍රම්ප් පරිපාලනය ජනාධිපතිවරයාගේ ප්‍රජාතන්ත්‍රවාදී වරම සම්පූර්ණයෙන් භාවිත කරමින් සිටියි. කෙසේවෙතත් පැහැදිලිතාවක් නොමැත්තේ, එය කොපමණ කාලයකටද යන්නයි. ඔවුන්ට රට තුළ ශක්තිමත් මහජන සහයෝගයක් ඇත. එහෙත් ගැටලුව වන්නේ, ඔවුන් ඉතා ශක්තිමත් විරෝධයක් ද ජනනය කරන අතර, එය එක්සත් ජනපදය එක්සත් කිරීමට වඩා බෙදීමට ලක්කිරීමයි.

වෙනස් ලෙස සිතන, සමාජයේ සෑම තරාතිරමකම ඔවුන්ගෙන් බොහෝදෙනෙක් සිටින, එක්සත් ජනපදයේ ජනයාට ඇති අභියෝගය නම්, එක්සත් ජනපදය මුහුණදෙන ගැටළුවලට නිවැරදි පිළිතුරු තමා සතුව ඇති බවට ජනාධිපති ට්‍රම්ප්ගේ විශ්වාසය තහවුරු කරගැනීමයි. එය ඇමරිකානු ඡන්දදායකයන්ගෙන් බහුතරයක් දැනට ඔහු කෙරෙහි විශ්වාසය තැබීමට ජනාධිපති ට්‍රම්ප්ගේ විශ්වාසය ඉවහල් වී ඇත. එක්සත් ජනපදය ශක්තිමත්, ආරක්ෂිත සහ සමෘද්ධිමත් කිරීම සඳහා ජනාධිපති ට්‍රම්ප් සහ ඔහුගේ කණ්ඩායම ගෙන ඇති තීරණ අතරට, සමාජයේ වඩාත් අවාසි සහගත අංශ ආරක්ෂා කිරීම සඳහා පිහිටුවන ලද පාරිභෝගික මූල්‍ය ආරක්ෂණ කාර්යාංශය (CFPB), රෝග පාලන හා වැළැක්වීමේ මධ්‍යස්ථාන (CDC) සහ ආහාර හා ඖෂධ පරිපාලනය (FDA) වැනි රජයේ ආයතන අහෝසි කිරීම සහ ඒවායේ සේවකයන් සේවයෙන් පහකිරීම ඇතුළත් වේ. එම ඉලක්ක අතරට අන්තර්ජාතික සංවර්ධනය සඳහා වූ එක්සත් ජනපද ඒජන්සියද (USAID) ඇතුළත් වන අතර, එය ශ්‍රී ලංකාවට සහ ලෝකයේ තවත් බොහෝ අවාසි සහගත ප්‍රදේශවලට බැරෑරුම් ප්‍රතිවිපාක ඇති කරදී තිබේ.

විදේශ සම්පත් දෙපාර්තමේන්තුවෙන් ලබාගත් දත්තවලින් හෙළිවන්නේ, 2019 සිට USAID ආයතනය ශ්‍රී ලංකා රජයේ ව්‍යාපෘති සඳහා රුපියල් බිලියන 31ක මූල්‍ය පහසුකම් ලබා දී ඇති බවයි. මෙය විවිධ ජනාධිපතිවරුන් සහ දේශපාලන පක්ෂ යටතේ සිදුකර ඇත. මෛත්‍රීපාල සිරිසේන පාලනය විසින් 2019 දී අමෙරිකානු ඩොලර් මිලියන 20.4ක ව්‍යාපෘති අත්සන් කරන ලදී. ගෝඨාභය රාජපක්ෂ පාලන කාලය තුළ ඇමරිකානු ඩොලර් මිලියන 41.9 ක් ද, රනිල් වික්‍රමසිංහ පාලන කාලය තුළ ඇමරිකානු ඩොලර් මිලියන 26 ක් ද, අනුර කුමාර දිසානායක පාලන කාලය තුළ මේ දක්වා ඇමරිකානු ඩොලර් මිලියන 18.1 ක් ද වෙනුවෙන් ගිවිසුම් අත්සන් කර ඇත. අරමුදල් අත්හිටුවන අවස්ථාවේ දී, අධිකරණ අමාත්‍යාංශය, මුදල් අමාත්‍යාංශය, පරිසර අමාත්‍යාංශය සහ බලශක්ති අමාත්‍යාංශය සමඟ ව්‍යාපෘති ක්‍රියාත්මකව තිබිණි. මෙය ව්‍යාපාර සංවර්ධනය සඳහා පෞද්ගලික අංශයට සහ සමාජ සංවර්ධනය හා යහපාලන කටයුතු සඳහා රාජ්‍ය නොවන සංවිධානවලට සංවරණ සහ තුලන පද්ධති මෙන්ම බලතල වෙන්කිරීම ඇතුළුව ලබාදෙන සහයෝගයට අමතරව වේ.

මධ්‍යස්ථ දේශපාලනය

USAID අරමුදල්වලින් ප්‍රතිලාභ ලැබූ ශ්‍රී ලංකාවේ පාර්ශ්වයන්ට ඇති අභියෝගය නම්, USAID අරමුදල්වලින් ඔවුන් ක්‍රියාත්මක කරමින් සිටි කටයුතු සඳහා විකල්ප මූල්‍ය ප්‍රභවයන් සොයාගැනීමයි. නීති පද්ධතිය වැඩිදියුණු කිරීම සඳහා සහාය වීම වෙනුවෙන් අරමුදල් සැපැයීම, නඩු කළමනාකරණය වැඩිදියුණු කිරීම සඳහා අධිකරණ පද්ධතියට ඩිජිටල් තාක්‍ෂණය ලබාදීම, තොරතුරු තාක්ෂණ උපකරණ සැපයීම සහ විනිසුරුවන්, අධිකරණ කාර්ය මණ්ඩලය සහ ශ්‍රී ලංකා නීතිඥ සංගමයේ සාමාජිකයන් පුහුණු කිරීම මේ අතර විය. රජයේ දෙපාර්තමේන්තු සියලුම පුරවැසියන් ආවරණය වන ආකාරයෙන් තම සේවාවන් ලබාදීමේ වැදගත්කම පිළිබඳව දැනුවත් කිරීම සහ ආර්ථිකය ශක්තිමත් කිරීම සඳහා අන්තර්-වාර්ගික ව්‍යාපාර සහයෝගීතාවය වෙනුවෙන් අවස්ථා ලබාදීම ද එයට ඇතුළත් විය. USAID අරමුදල් පිළිබඳ වාර්තාවක් ඉදිරිපත් කරන ලෙස ඉල්ලා සිටින රජයේ රාජ්‍ය නොවන සංවිධාන ලේකම් කාර්යාලයට මේවා සඳහා විකල්ප අරමුදල් ප්‍රභවයන් සොයාගැනීමට සහ USAID අරමුදල් අහිමිවූවන්ට සහාය වීමට අවශ්‍ය වේ.

පාර්ලිමේන්තු මැතිවරණයේදී ජනාධිපති ට්‍රම්ප් ලබාගත් ජනවරමට වඩා ආකර්ෂණීය ජනවරමක් ලබාගත්තද, ජනාධිපති අනුර කුමාර දිසානායකගේ ආණ්ඩුව ආර්ථිකය හෝ විදේශ සබඳතා සම්බන්ධයෙන් ශ්‍රී ලංකාවේ ගැටළු සමඟ කටයුතු කිරීමට දරන උත්සාහයන්හිදී වඩාත් මධ්‍යස්ථ වී ඇත. ව්‍යාපාරික ප්‍රජාව, දුගී ජනතාව, සිවිල් සමාජය හෝ බහුතර සහ සුළුතර ජනවාර්ගික හා ආගමික ප්‍රජාවන් වේවා, සමාජයේ සියලුම කොටස්වල අවශ්‍යතා සපුරාලීමට ජාතික ජන බලවේග පාලනය උත්සාහ කරයි. ඔවහු ජනතාවගේ අවශ්‍යතා ඔවුහු සතුව ඇති හිඟ ආර්ථික සම්පත් සමඟ සමතුලිත කිරීමට උත්සාහ කරති. මේ අවස්ථාවේ දී බහුතර ජනතාව මුහුණදෙන ආර්ථික දුෂ්කරතාවන්ට අනුරූප වන පරිදි, ඔවුන්ගේ තනතුරුවලින් ලැබෙන ප්‍රතිලාභ අනුව, ජාතික ජන බලවේග ආණ්ඩුව තමන්ගේම සාමාජිකයන්ගෙන් කැපකිරීමක් සිදුකරන ලෙස ඉල්ලා තිබේ.

අමෙරිකා එක්සත් ජනපදයේ ජනාධිපති ට්‍රම්ප්ගේ සහ ශ්‍රී ලංකාවේ ජනාධිපති දිසානායකගේ පාලන විලාසයන් අතර වෙනස, ප්‍රජාතන්ත්‍රවාදී නායකයන්ට ගතහැකි විවිධ මාර්ග ඉස්මතු කර පෙන්වයි. ජනාධිපති ට්‍රම්ප් එක්සත් ජනපද විදේශ ප්‍රතිපත්තිය තීරණාත්මක ලෙස නැවත සකස් කිරීමට උත්සාහ කරමින්, සමස්ත රජයේ දෙපාර්තමේන්තු සහ සාම්ප්‍රදායික පාලන ව්‍යුහයන් ඉවත්කරයි. ජනාධිපති දිසානායක යටතේ ඇති ජාතික ජන බලවේග පාලනය ස්ථාවරත්වය පවත්වා ගනිමින් ආර්ථික අභියෝග සහ පාලන ගැටළු විසඳීමට පියවර ගනිමින් වඩාත් සමබර, සියල්ල ආවරණය වන මාර්ගයක් සොයමින් සිටී. අතීතයේ පැවැති දූෂණය සහ අපරාධකාරීත්වය වැනි කරුණුවලදී ඔවුහු දැඩිව කටයුතු කරති. එමගින්, සමාජය ධ්‍රැවීකරණය නොකර රජයකට තම ජනවරම භාවිත කළ හැකි ආකාරය සහ එමඟින් තිරසාර වෙනසක් සඳහා අවශ්‍ය එකඟතාව ලබාගත හැකි ආකාරය ශ්‍රී ලාංකිකයන්ට සහ අන්තර්ජාතික ප්‍රජාවට පෙන්වාදෙන බැවින් ඔවුන්ට සහාය විය යුතුය.

වර්තමානයේ කාන්තාවන්ගේ ජීවන රටාවේ විශාල වෙනස්කම් සිදුවී ඇති අතර, එහි ප්‍රතිඵලයක් ලෙස ඔවුන්ගේ ඔසප් වීම / periods සමහර විට නියමිත වේලාවට සිදු නොවන අතර මෙය බරපතල ගැටලුවක ස්වරූපයක් ගත හැකිය. වැඩි විස්තර දැන ගැනීමට මෙම ලිපිය කියවන්න !

සෑම කාන්තාවකගේම ජීවිතයේ ඔසප් වීම / periods වටිනා කාර්යභාරයක් ඉටු කරයි. ප්‍රමාදයන් හෝ මුල් ඔසප් වීම කාන්තාවකගේ අභ්‍යන්තර සෞඛ්‍යය ස්වභාවය පෙන්නුම් කරයි. කාන්තාවන්ට වයස අවුරුදු 12 න් පසු ඔසප් වීම ආරම්භ වන අතර මෙය වයස අවුරුදු 40 සිට 45 දක්වා පවතී. සෑම කාන්තාවකටම ඔසප් වීම සමාන නොවේ. සමහරුන්ට එය සෑම මසකම දින තුනක් පවතින සාමාන්‍ය ක්‍රියාවලියක් විය හැකි අතර සමහරුන්ට එය දින පහක් පවතින වේදනාකාරී ක්‍රියාවලියක් විය හැකිය.

ඔසප් කාලය තුළ කාන්තාවන්ගේ ශරීරයේ හෝමෝන වෙනස්කම්, මනෝභාවය වෙනස්වීම්, දරාගත නොහැකි වේදනාවන් වැනි බොහෝ වෙනස්කම් සිදු වේ. බොහෝ විට කාන්තාවන් ඔසප් කාලය තුළ සිදුවන කුඩා දේවල් නොසලකා හරින අතර එය ඉතා නරක ප්‍රතිවිපාක ඇති කළ හැකිය.

ආශා ආයුර්වේද රෝහලේ අධ්‍යක්ෂ සහ නාරිවේද විශේෂඥ වෛද්‍ය චන්චල් ෂර්මා පැවසුවේ වර්තමානයේ කාන්තාවන්ගේ ජීවන රටාවේ බොහෝ වෙනස්කම් සිදුවී ඇති බවත්, එහි ප්‍රතිඵලයක් ලෙස ඔවුන්ගේ ඔසප් වීම බොහෝ විට නියමිත වේලාවට නොපැමිණෙන බවත්ය.

‘මෙය බරපතල ගැටලුවක මුල විය හැකියි’ ඔහු වැඩි දුරටත් පැවසුවේය.

අක්මාව ආශ්‍රිත ගැටලු ඇති විය හැකිය

කාන්තා සෞඛ්‍ය පිළිබඳ එක්සත් ජනපද කාර්යාලයේ වාර්තාවකට අනුව, අක්‍රමවත් ඔසප් වීම අක්මාව ආශ්‍රිත රෝග සඳහා ද හේතු විය හැකිය. සාමාන්‍යයෙන් කාන්තාවකගේ ඔසප් චක්‍රය දින 24 සිට 38 දක්වා පවතී. අක්‍රමවත් ඔසප් චක්‍රයක් ඇති කාන්තාවන් දින 26 සිට 30 දක්වා ඔසප් චක්‍රයක් ඇති කාන්තාවන්ට වඩා මධ්‍යසාර නොවන මේද අක්මා රෝගයෙන් /non-alcoholic fatty liver disease පීඩා විඳීමට ඉඩ ඇත. කාන්තාවකගේ ශරීරයේ ඇති එස්ටජන් සහ ටෙස්ටොස්ටෙරෝන් සමතුලිතතාවයට බාධා ඇති වූ විට, එය කාන්තාවගේ අක්මාවට හානි කරයි.

නිතිපතා ඔසප් වීම ලබා ගැනීමට ක්‍රම

• ඔබේ ඔසප් වීම නියමිත වේලාවට තබා ගැනීමෙන් ඔබට මෙම රෝගයෙන් මිදිය හැකිය. මේ සඳහා ඔබට මෙම සියලු ක්‍රම භාවිතා කළ හැකිය.
• ඔබේ බර පාලනය කර ගැනීමට උත්සාහ කරන්න.
• මත්පැන් සහ සිගරට් වැනි මත් ද්‍රව්‍ය පරිභෝජනය නොකරන්න.
• නිතිපතා ව්‍යායාම කරන්න.
• නිසි ප්‍රමාණයෙන් පෝෂ්‍ය පදාර්ථ පරිභෝජනය කරන්න.

කාන්තාවන් තම ඔසප් කාලය පිළිබඳ වාර්තාවක් තබා ගත යුතු අතර අවශ්‍ය නම් වහාම විශේෂඥයෙකු හමුවිය යුතු බව වෛද්‍ය චන්චල් ෂර්මා පවසයි.

වයස අවුරුදු 40 ඉක්මවූ වහාම මුහුණේ රැළි ඇති වීමට පටන් ගනී, සම ලිහිල් වීමට පටන් ගනී, මුහුණ මහලු විය මෙන් පෙනෙන්නට පටන් ගනී. කොලජන් නොමැතිකම නිසා මේ සියල්ල ඊටත් වඩා වේගයෙන් සිදුවීමට පටන් ගනී. එම නිසා, මෙම වයසේදී, ඔබේ සම නිරෝගීව හා තරුණ පෙනුමක් ලබා ගැනීම සඳහා ඔබ කොලජන් බහුල ආහාර අනුභව කළ යුතුය.

කොලජන් යනු අපගේ සම ශක්තිමත්, දීප්තිමත් හා තරුණ කරන ප්‍රෝටීනයකි. එහි ඌනතාවය නිසා, වයසට යාම කාලයට පෙර මුහුණේ පෙනෙන්නට පටන් ගනී. එම නිසා, ඔබ ඔබේ ආහාර වේලට කොලජන් බහුල දේවල් එකතු කළ යුතුය. එබැවින් ඔබ ඔබේ ආහාර වේලට ඇතුළත් කළ යුතු කොලජන් බහුල ආහාර මොනවාදැයි දැන ගනිමු.

අලිගැටපේර – අලිගැටපේර වල විටමින් C සහ E අඩංගු වන අතර එය කොලජන් නිෂ්පාදනයට උපකාරී වේ. අලිගැටපේර සම නිරෝගීව හා දීප්තිමත් කිරීමට සහ සමේ දැවිල්ල අඩු කිරීමට ද උපකාරී වේ. එය සමේ කොලජන් ප්‍රවර්ධනය කරන අතර එමඟින් රැළි අඩු කරයි.

ආමන්ඩ් – ආමන්ඩ් වල අඩංගු ප්‍රතිඔක්සිකාරක කොලජන් ප්‍රවර්ධනය කරයි. මේ හැරුණු විට, එහි අඩංගු විටමින් E සමේ සෞඛ්‍යයට ඉතා ප්‍රයෝජනවත්ය.

මාළු – සැමන්, ටූනා සහ මැකරල් වැනි මාළු ඔමේගා-3 මේද අම්ල වලින් පොහොසත් වන අතර එය කොලජන් නිෂ්පාදනයට උපකාරී වේ.

සිට්‍රස් පලතුරු – සිට්‍රස් පලතුරු වල විටමින් C සහ ප්‍රතිඔක්සිකාරක ගුණ අඩංගු වන අතර එමඟින් ශරීරය ඔක්සිකාරක ආතතියෙන් ආරක්ෂා කරන අතර වයස්ගත වීම වැළැක්වීමට ඉතා ප්‍රයෝජනවත් වේ. මේ සමඟම, එහි අඩංගු විටමින් C සමේ කොලජන් ප්‍රවර්ධනය කරන අතර එමඟින් රැළි අඩු කර සම නිරෝගී කරයි.

බිත්තර – බිත්තර වල ලුටීන් සහ සීඇක්සැන්ටින් වැනි කැරොටිනොයිඩ් අඩංගු වන අතර ඒවා සම නිරෝගීව හා දීප්තිමත් කිරීමට උපකාරී වේ. මෙම කැරොටිනොයිඩ් සමේ රැළි අඩු කිරීමට ද උපකාරී වේ.

යෝගට් – යෝගට් පරිභෝජනය කිරීමෙන් සමේ රැළි අඩු කරන අතර සම නිරෝගී කරමින් හා දීප්තිමත් පෙනුමක් ලබා දෙයි. මීට අමතරව, යෝගට් පරිභෝජනයෙන් දද, කුරුලෑ සහ වියළි සම වැනි සමේ ගැටලු අඩු වේ. මීට අමතරව, යෝගට් වල විටමින් B12 සහ විටමින් D අඩංගු වන අතර එය සමේ සෞඛ්‍යය ප්‍රවර්ධනය කරන අතර වයසට යාම වැළැක්වීමට ඉතා ප්‍රයෝජනවත් වේ.

2011 අංක 42 දරන මුදල් ව්‍යාපාර පනතේ 10(2) උප වගන්තියට අනුව, මුදල් සමාගමක් හෝ පනතේ 10(6) උප වගන්තියෙහි නිශ්චිතව සඳහන් වන ආයතනයක් හැර, වෙනත් තැනැත්තකු විසින්, ශ්‍රී ලංකා මහ බැංකුවේ පූර්ව ලිඛිත අනුමැතිය ලබා මිස, ‘මුදල්’, ‘මුල්‍යකරණය’ හෝ ‘මුල්‍ය’ යන වචන තනිව හෝ වෙනත් වචන සමඟ එක්ව හෝ ඉන් සෑදුන යම් වචනයක් හෝ එහි යම් අන්වක්ෂරිකරණයක් හෝ වෙනත් භාෂාවක ඊට සමාන වචනයක් හෝ, ඒ තැනැත්තාගේ නමේ හෝ විස්තරයේ හෝ ව්‍යාපාර නාමයේ කොටසක් ලෙස භාවිතා කරනු නොලැබිය යුතු බව ශ්‍රී ලංකා මහ බංකුව නිවේදනය කර සිටී.

මෙහිදී වැඩිදුරටත් ශ්‍රී ලංකා මහ බැංකුව පවසන්නේ ඉහත ප්‍රතිපාදනය උල්ලංඝණය කරන හෝ ඊට අනුකූල වීමට අපොහොසත් වන ඕනෑම පුද්ගලෙයකු මෙම පනතේ 56(4) උප වගන්තිය ප්‍රකාරව පනත යටතේ වරදකට වරදකරුවක් වන බවයි.

එබැවින් ඉහත කී නීතිමය අවශ්‍යතාවය පිළිපදින ලෙස ශ්‍රී ලංකා මහ බැංකුව මහජනතාවට තරයේ අවවාද කර සිටී.

“බහු සංවේදීතාවන් මධ්‍යයේ වුව ද ව්‍යාපාර විශ්වාසය එහි සර්ව කාලීන ඉහළම මට්ටමට ළඟා වීමට ඉහළ ගොස් ඇති” බව ප්‍රමුඛ පෙළේ ව්‍යාපාරික සඟරාවක් වන LMD නිකුත් කළ මාධ්‍ය නිවේදනයක දැක්වේ.

2025 මාර්තු සංස්කරණයේ LMD මෙසේ සඳහන් කරයි: “LMD-PEPPERCUBE ව්‍යාපාර විශ්වාසනීය දර්ශකය (Business Confidence Index – BCI) පෙබරවාරි මාසයේදී එහි සියලු කාලීන ඉහළම මට්ටමට ළඟා විය. ඒ අනුව ජනවාරී මාසයේ දී BCI අගය 198ක් වූ අතර පෙබරවාරී මාසයේ දී එම අගය 204 දක්වා පදනම් ලකුණු හයක් ඉහළ ගියේය”.

මහ මැතිවරණයෙන් සහ සභාග රජයක් පිහිටුවීමෙන් පසු ව්‍යාපාර විශ්වාසනීය දර්ශකය (BCI) 2015 සැප්තැම්බර් මාසයේ දී එහි ඉහළම මට්ටම ළඟා වූ අතර පසුගිය පෙබරවාරී මාසයේ එහි ඉහළම අගය වාර්තා විය” නිවේදනයේ වැඩි දුරටත් සඳහන් විය.

LMD ට අනුව, BCI මේ වන විට එහි ඓතිහාසික මධ්‍යන්‍යය වන 123 ට වඩා ලකුණු 81කින් ඉහළ ගොස් ඇති අතර එය මාස 12ක සාමාන්‍යය වන 129 ට වඩා ලකුණු 75කින් ඉහළ ය. “සන්දර්භය සඳහා, BCI පසුගිය වසරේ එම අවස්ථාවේදීම පදනම් ලකුණු 81ක් ලියාපදිංචි කළේය,” නිවේදනය වැඩි දුරටත් සඳහන් කරයි.

 

මේ අතර, PepperCube Consultants ප්‍රකාශ කළේ “පෙබරවාරි BCI මගින් ආර්ථික අපේක්ෂාවන් සහ ව්‍යාපාර ක්‍රියාකාරිත්වය අතර පටු පරතරයක් පිළිබිඹු වන අතර එය ඉහළ යන විශ්වාසය සහ ශක්තිමත් විකුණුම් ප්‍රක්ෂේපණ මගින් මෙහෙයවනු ලැබේ” යනුවෙනි.

කෙසේ වෙතත්, PepperCube Consultants  තවදුරටත් මෙසේ පවසයි: “ශුභවාදී බව දිගු කාලීන ස්ථාවරත්වය බවට පරිවර්තනය වීමට නම්, බදුකරණය, උද්ධමනය සහ රජයේ අකාර්යක්ෂමතාවන් වැනි තීරණාත්මක ගැටලු විසඳිය යුතුය.”

අනාගතය සම්බන්ධයෙන්, LMD සඟරාවේ ප්‍රකාශිකාවක් මෙසේ පැහැදිලි කළාය: “ලොකුම ප්‍රශ්නය වන්නේ අයවැයෙන් පසු දර්ශකය එහි සියලු කාලීන ඉහළම මට්ටම පසු කරයිද යන්නයි. පෙබරවාරි 17 වන දින ඉදිරිපත් කරන ලද රජයේ මූල්‍ය සැලසුම් මගින් BCI මෙතැන් සිට කොතැනට යනවාද යන්න තීරණය කරනු ඇත.”

මූලාශ්‍රය – ft.lk

• ඉන්කියුබේටර් ආර්ථික වර්ධනයට තීරණාත්මක පියවරක්
• SMEs සහාය වීමට උත්සාහ කරන බව NEDA සභාපති ලක්ෂ්මන් අබේසේකර අවධාරණය කරයි.
• කුඩා හා මධ්‍ය පරිමාණ ව්‍යවසාය ඉන්කියුබේටර් ව්‍යාපාරය රාජ්‍ය-පෞද්ගලික හවුල්කාරිත්ව (PPP) ආකෘතියක් හරහා ක්‍රියාත්මක කෙරේ.
• SMEs අරමුණු කරගත් අනෙකුත් උපාය මාර්ග අතරට SMEs සංවර්ධන බැංකුවක් පිහිටුවීමේ හැකියාව සහ ණය සඳහා ණය ඇපකර ඇතුළත් වේ.

කර්මාන්ත අමාත්‍යාංශය විසින් රට පුරා කුඩා හා මධ්‍ය පරිමාණ ව්‍යවසාය ඉන්කියුබේටර් වැඩපිළිවෙළක් (SMEs incubator campaign) දියත් කිරීමට සූදානම් වන බවත් ඒ සඳහා 2025 අයවැයෙන් රුපියල් බිලියනයක් වෙන් කර ඇති බවත් ජාතික ව්‍යවසාය සංවර්ධන අධිකාරියේ සභාපති ලක්ෂ්මන් අබේසේකර මහතා පැවසුවේය.

පසුගිය සතියේ කොළඹ ටාජ් සමුද්‍රා හිදී පැවති CMA අයවැය සංසදයේදී ඔහු මේ බව ප්‍රකාශ කළේය.

ජාතික ව්‍යවසාය සංවර්ධන අධිකාරියේ (National Enterprise Development Authority – NEDA) සභාපති ලක්ෂ්මන් අබේසේකර මහතා පැවසුවේ මෙම වැඩසටහන් මුලින් රාජ්‍ය-පෞද්ගලික හවුල්කාරිත්ව (public-private partnership – PPP) ආකෘතියක් හරහා ක්‍රියාත්මක කරන බවත්, පසුකාලීන අදියරවලදී මහජන හවුල්කාරිත්ව සංරචකයක් ඇතුළත් කරන බවත්ය.

“නවෝත්පාදන වාණිජකරණයට සහාය වීම අපගේ අරමුණයි. මෙම වැඩසටහන දියත් කිරීම සඳහා අපි විශ්වවිද්‍යාල සහ පෞද්ගලික සමාගම් සමඟ සහයෝගයෙන් කටයුතු කිරීමට බලාපොරොත්තු වෙනවා. මෙය මෙම වසර සඳහා අපගේ මූලාරම්භය වේවි” ඔහු පැවසීය.

ඉන්කියුබේටර් වැඩසටහනට අමතරව, කර්මාන්ත අමාත්‍යාංශය ආසියානු සංවර්ධන බැංකුවේ සහාය ඇතිව කුඩා හා මධ්‍ය පරිමාණ ව්‍යාපාර සංවර්ධනය පුනර්ජීවනය කිරීමට උත්සාහ කරයි.

ආසියානු සංවර්ධන බැංකුවට අනුව, රටේ සියලුම ක්‍රියාකාරී ව්‍යවසායන්ගෙන් 75%ක් පමණ කුඩා හා මධ්‍ය පරිමාණ ව්‍යාපාර වන අතර ඒවා රටේ දළ දේශීය නිෂ්පාදිතයට ආසන්න වශයෙන් 52%කට දායක වන අතර ජනගහනයෙන් 45%ක් පමණ සේවයේ යොදවයි. ආසියානු සංවර්ධන බැංකුව 2024 දී ශ්‍රී ලංකාවේ MSME ව්‍යවසායන්ට සහාය වීම සඳහා ඩොලර් මිලියන 100ක ණයක් අනුමත කළේය. මූල්‍ය ආයතනවලට සහභාගී වීමෙන්, එය සේවා ඌන කුඩා හා මධ්‍ය පරිමාණ ව්‍යාපාර සඳහා ඩොලර් මිලියන 50ක ණය මාර්ගයක් විවෘත කර තිබුණි. කාන්තාවන් විසින් මෙහෙයවනු ලබන කුඩා හා මධ්‍ය පරිමාණ ව්‍යාපාර සඳහා සහතික කළ සහනාධාර ආවරණය කිරීම සඳහා ඩොලර් 500,000ක විශේෂ පහසුකමක් ද ස්ථාපිත කරනු ඇත.

“මෙම පියවර නවෝත්පාදනයන් සහ රැකියා උත්පාදනය සඳහා මග පාදනු ඇති අතර, අවසානයේ දේශීය ඉල්ලුම උත්තේජනය කරනු ඇත. කුඩා හා මධ්‍ය පරිමාණ ව්‍යවසායකයින් සඳහා මූල්‍ය ඇතුළත් කිරීම යන්නෙන් අදහස් කරන්නේ ශ්‍රී ලංකාවේ දළ දේශීය නිෂ්පාදිතයට තවදුරටත් සාර්ථකව දායක වීමට සහ ආර්ථික වර්ධනයට දායක වීමට ඔවුන්ට බලය ලැබෙන බවයි,” අබේසේකර මහතා වැඩි දුරටත් පැවසුවේ ය.

කුඩා හා මධ්‍ය පරිමාණ ව්‍යවසාය අරමුණු කරගත් අනෙකුත් උපාය මාර්ග අතරට මූල්‍යකරණ විකල්ප සඳහා වැඩි දියුණු කළ ප්‍රවේශයක් හරහා ව්‍යවසායකත්වය ප්‍රවර්ධනය කිරීම අරමුණු කරගත් කුඩා හා මධ්‍ය පරිමාණ ව්‍යවසාය සංවර්ධන බැංකුවක් පිහිටුවීමේ සැලසුම් ද ඇතුළත් වේ. ඊට අමතරව, ජාතික ණය ඇපකර ආයතනය (National Credit Guarantee Institution – NCGI), ආසියානු සංවර්ධන බැංකුව සමඟ එක්ව සහභාගී වන මූල්‍ය ආයතන හරහා කුඩා හා මධ්‍ය පරිමාණ ව්‍යවසායකයින් සඳහා ණය සඳහා ණය ඇපකර ලබා දෙනු ඇත. සහතික කළ ප්‍රතිසාධන මෙහෙයුම් සහතික කිරීම සඳහා ඇපකර සහතික කිරීම, අවදානම් මත පදනම් වූ මිලකරණය හරහා අවදානම් කළමනාකරණය කිරීම වැනි සේවාවන් ද ආයතනය විසින් සපයනු ඇත.

මුලපිරීම් පිළිබඳව කතා කරමින් NEDA සභාපතිවරයා අවධාරණය කළේය.

“අපි දැනට මෙම අරමුදල පිහිටුවීමේ ක්‍රමවේද පිළිබඳව කටයුතු කරමින් සිටිනවා. ඊට සමගාමීව, අමාත්‍යාංශය බැංකු සමූහයක් සමඟ කුඩා හා මධ්‍ය පරිමාණ ව්‍යාපාර ණය පහසුකමක් පිහිටුවීමට උත්සාහ කරනවා. මේ සම්බන්ධයෙන් ලංකා බැංකුව (BOC) දැනටමත් රුපියල් බිලියන 5ක ණය පහසුකමකට එකඟ වී තිබෙනවා. ඒ හා සමාන පහසුකමක් සඳහා අපි ප්‍රාදේශීය සංවර්ධන බැංකුව සමඟ සාකච්ඡා කරමින් සිටිනවා. ඒ හා සමානව, අමාත්‍යාංශය මහජන බැංකුව, ජාතික ඉතිරිකිරීමේ බැංකුව වැනි අනෙකුත් රජයේ බැංකු සමඟ සාකච්ඡා කිරීමට බලාපොරොත්තු වෙනවා. මෙය කුඩා හා මධ්‍ය පරිමාණ ව්‍යාපාර සඳහා ඇප රහිතව මූලික අරමුදල් සැපයීම සඳහා වනු ඇත,” ජාතික ව්‍යවසාය සංවර්ධන අධිකාරියේ (NEDA) සභාපති ලක්ෂ්මන් අබේසේකර මහතා වැඩි දුරටත් පැවසුවේය.

Vivo මෑතකදී සිය නවතම ස්මාර්ට් ජංගම දුරකථනය වන Vivo V50 එළිදැක්වූ අතර එය ජනප්‍රිය V Series පෙළට එක් කළේය. Vivo V50 සඳහා පෙර ඇණවුම් ලබා ගැනීම ආරම්භ වී ඇති අතර, එය ලබන සතියේ විකුණුම් ආරම්භ කිරීමට නියමිතය.

චීන වෙළඳපොළේ එළිදැක්වීමෙන් පසුව, Vivo V50 ප්‍රමුඛ පෙළේ X ශ්‍රේණිය සිහිපත් කරන බොහෝ විශේෂාංග ගෙන එයි.

Vivo V50 ස්මාර්ට් ජංගම දුරකථනය ගැන ඔබ දැනගත යුතු සියල්ල මෙන්න.

• Vivo V50 ගබඩා වින්‍යාස / storage configurations තුනකින් ලබා ගත හැකිය: 8GB RAM + 128GB, 8GB RAM + 256GB, සහ 12GB RAM + 256GB.
• පළමු අලෙවිය 2025 පෙබරවාරි 25 වන දින Amazon සහ Flipkart වැනි ප්‍රධාන විද්‍යුත් වාණිජ වේදිකා හරහා මෙන්ම Vivo හි නිල මාර්ගගත සහ නොබැඳි අලෙවි නාලිකා හරහා ආරම්භ වේ.
• පෙර-වෙන්කිරීම් අද (17) ආරම්භ විය.

Vivo V50 පිරිවිතර  / Vivo V50 specifications

Vivo V50 ස්මාර්ට් ජංගම දුරකථනය Titanium Gray, Starry Night සහ Rose Red යන ආකර්ෂණීය වර්ණ විකල්ප තුනකින් පැමිණේ.

IP68 සහ IP69 ශ්‍රේණිගත කිරීම් සහිත මෙම ස්මාර්ට් ජංගම දුරකථනය ජලයට සහ දූවිලි වලට ඔරොත්තු දෙන පරිදි නිර්මාණය කර ඇති අතර කල්පැවැත්ම සහතික කරයි.

එය Android 15 මත පදනම් වූ FuntouchOS 15 මත ක්‍රියාත්මක වන අතර UFS 2.2 හරහා 512GB උපරිම ගබඩා ධාරිතාවක් සමඟින් 12GB දක්වා LPDDR4X RAM සඳහා සහය දක්වයි.

Vivo V50  ස්මාර්ට් ජංගම දුරකථනය අඟල් 6.77ක 3D වක්‍ර AMOLED සංදර්ශකයකින් සමන්විත වන අතර එය 120Hz ඉහළ high refresh rate සඳහා සහය දක්වයි.

පික්සල 2392 x 1080 විභේදනයකින් යුත් මෙම සංදර්ශකය තුළම fingerprint sensor ද ඇති අතර උපරිම දීප්තිය 4,500 nits දක්වා ළඟා වේ.

Vivo V50 ද්විත්ව කැමරා සැකසුමකින් සමන්විත වන අතර, 50MP ප්‍රධාන ස්වයංක්‍රීය නාභිගත කැමරාවක් 50MP අල්ට්‍රා-වයිඩ්-කෝණ කාචයක් / ultra-wide-angle lens සමඟ යුගලනය කර ඇත.

සෙල්ෆි සහ වීඩියෝ ඇමතුම් සඳහා 50MP කැමරාවක් ද ඇත.

අමතර විශේෂාංග අතර USB Type-C සම්බන්ධතාවය සහ Wi-Fi සහාය ඇතුළත් වේ.

මේ සියල්ල බලගන්වන්නේ 90W වේගවත් ආරෝපණයට සහය දක්වන ශක්තිමත් 6,000mAh බැටරියකින් වන අතර එමඟින් ඔබ දවස පුරා සම්බන්ධව සිටින බව සහතික කරයි.

දකුණු කොරියානු නිළි කිම් සේ-රොන් / Kim Sae-ron මියගොස් සිටියදී සොයාගෙන ඇති බව පොලිසිය දකුණු කොරියානු පොලිසිය පවසයි.

2000 දී සෝල් හි උපත ලැබූ ඇය මිය යන විට 24 වැනි වියේ පසු වූවාය.

ඇයගේ දේහය ඉරිදා පස්වරු 4:55ට පමණ සෝල් නගරයේ සියොංසු-ඩොං දිස්ත්‍රික්කයේ ඇගේ නිවසේදී මිතුරෙකු විසින් සොයා ගන්නා ලදී.

නිලධාරීන් පැවසුවේ කිසිදු සැක කටයුතු දෙයක් හමු නොවූ බවත් මරණයට හේතුව සොයා බලන බවත්ය.

කිම් ළමා නිළියක ලෙස සිය වෘත්තීය ජීවිතය ආරම්භ කළ අතර දකුණු කොරියාවේ වඩාත්ම දීප්තිමත් අනාගතයක් හිමි තරුණ නිළියන්ගෙන් කෙනෙකු ලෙස සැලකේ.

කිම් 2009 දී කෑන්ස් චිත්‍රපට උළෙලේදී වඩාත් අවධානයක් දිනාගත් “A Brand New Life” චිත්‍රපටයේ ඇගේ පළමු රංගනය සමඟ ප්‍රසිද්ධියට පත් වූවාය.

ඉන්පසු ඇය 2010 වසරේ දකුණු කොරියාවේ වැඩිම ආදායමක් උපයාගත් චිත්‍රපටය වන The Man from Nowhere සහ 2012 වසරේ ත්‍රාසජනක චිත්‍රපටයක් වන The Neighbour හි රඟපෑ අතර, ඒ සඳහා ඇයට සම්මාන පිළිගැනීමක් ලැබුණි.

කිම්ගේ අනෙකුත් කැපී පෙනෙන චරිත අතරට 2014 චිත්‍රපටය වන A Girl at My Door සහ 2016 දී Mirror of the Witch වැනි රූපවාහිනී චරිත ඇතුළත් වේ.

2022 දී බීමතින් රිය පැදවීමේ සිද්ධියක් හේතුවෙන් ඇය බොහෝ දුරට මහජන අවධානයෙන් ඉවත් වූ අතර, ඒ සඳහා 2023 අප්‍රේල් මාසයේදී ඇයට වොන් මිලියන 20ක දඩයක් නියම විය.

කිම් අවසන් වරට රංගනයෙන් දායක වූයේ 2023 Netflix’s හි කොරියානු නාට්‍යයක් වන Bloodhounds හි ය. රිය පැදවීමේ සිද්ධිය හේතුවෙන් ඇගේ භූමිකාවෙන් වැඩි කොටසක් සංස්කරණය කර ඇති බව මාධ්‍ය වාර්තා කළේය.