Author: Editor

වීසා රහිත රටවල් 38 සඳහා  ‘One chop’ ක්‍රමයක් වහාම ක්‍රියාත්මක වන පරිදි ක්‍රියාත්මක කිරීමට අමාත්‍ය මණ්ඩලය අනුමැතිය ලබා දී ඇති බව සංචාරක අමාත්‍යාංශයේ උපදේශක හරීන් ප්‍රනාන්දු මහතා පැවසීය.

හරීන් ප්‍රනාන්දු පැවසුවේ සිංගප්පූරුව විසින් අනුගමනය කරන ලද  One chop ක්‍රමය’ යනු අයදුම්කරුගේ විදේශ ගමන් බලපත්‍රයේ එක් නිල මුද්දරයක් හෝ මුද්‍රාවක් (‘චොප්’) සමඟ වීසා බලපත්‍රයක් හෝ වීසා දිගුවක් නිකුත් කිරීමේ වඩාත් විධිමත් ක්‍රියාවලියක් බවයි.

“මෙයින් පෙන්නුම් කරන්නේ අමතර අනුමැතිය හෝ සංකීර්ණ ක්‍රියා පටිපාටි අවශ්‍ය නොවී වීසා බලපත්‍රය අනුමත කර ඇති බවයි. මෙම ප්‍රවේශය සැලසුම් කර ඇත්තේ ක්‍රියාවලිය කඩිනම් කිරීම සඳහා අයදුම්කරුවන්ට එය ඉක්මන් සහ සරල කිරීම සඳහායි” ඔහු වැඩිදුරටත් පැවසීය.

2024 ඔක්තෝබර් 1 වැනිදා සිට රටවල් 35කට වීසා රහිතව ශ්‍රී ලංකාවට පැමිණීමට අවසර දීමට කැබිනට් මණ්ඩලය මීට පෙර තීරණය කළ අතර එහි දිගුවක් ලෙස මෙම වැඩපිළිවෙළ ක්‍රියාත්මක වෙයි.

වීසා සන්දර්භය තුළ, “One-Chop” යන්නෙන් අදහස් කරන්නේ අවශ්‍ය සියලු විධිවිධාන එක් පියවරකින්, බොහෝ විට තනි අධිකාරියක් විසින් සම්පූර්ණ කර වේගවත් අනුමැතියක් ලබා දෙන ක්‍රියාවලියකි.

පෙර ප්‍රකාශයේ රටවල් 35ක් නොමිලේ වීසා සඳහා සුදුසුකම් ලබා ඇති බවට ලැයිස්තුගත කර තිබියදී, ශ්‍රී ලංකා බලධාරීන් දැන් ජාතිකයින් 38ක් සඳහා වීසා බලපත්‍ර නිදහස් කිරීමක් ප්‍රකාශ කරන්නේ කුමන ජාතීන්ටද යන්න නිශ්චිතව සඳහන් නොකරමිනි.

ආරම්භක ලැයිස්තුවේ රටවල් 35 පහත පරිදි “විය”:

ඕස්ට්‍රේලියාව, ඔස්ට්‍රියාව, බහරේනය, බෙලරුස්, බෙල්ජියම, කැනඩාව, චීනය, චෙක් ජනරජය, ඩෙන්මාර්කය, ප්‍රංශය, ජර්මනිය, ඉන්දියාව, ඉන්දුනීසියාව, ඉරානය, ඊශ්‍රායලය, ඉතාලිය, ජපානය, කසකස්තානය, මැලේසියාව, නේපාලය, නෙදර්ලන්තය, නවසීලන්තය, ඕමානය, පෝලන්තය කටාර්, රුසියාව, සෞදි අරාබිය, ස්පාඤ්ඤය, ස්වීඩනය, ස්විට්සර්ලන්තය, තායිලන්තය, එක්සත් අරාබි එමීර් රාජ්‍යය, එක්සත් රාජධානිය සහ එක්සත් ජනපදය.

• කාර්යාල සහායක තනතුරේ විවිධ ශ්‍රේණි සඳහා රු. 5450 සිට රු.13, 980 දක්වා.
• රියදුරන් සඳහා රු.6960 සිට රු.16,340 දක්වා.
• සමෘද්ධි සංවර්ධන නිලධාරීන්/ කෘෂිකර්ම පර්යේෂණ සහ නිෂ්පාදන සහකාර නිලධාරීන් සඳහා රු.8,340 සිට රු.15,685 දක්වා.
• කළමණාකාර සහකාර තනතුර සඳහා රු.10,140 සිට රු.17,550 දක්වා.
• සංවර්ධන නිලධාරී තනතුර සඳහා රු.12,710 සිට රු.25,150 දක්වා.
• මහජන සෞඛ්‍ය පරීක්ෂක/පවුල් සෞඛ්‍ය සේවිකා තනතුරු සඳහා රු.12,885 සිට රු.25,275 දක්වා.
• විකිරණවේදී/ ඖෂධවේදී තනතුරු සඳහා රු.13,280 සිට රු.25,720 දක්වා.
• හෙද නිලධාරී තනතුර සඳහා රු.13,725 සිට රු. 26,165 දක්වා.
• විදුහල්පති තනතුර සඳහා රු.23,425 සිට රු. 39,595 දක්වා.
• ගුරු සේවය සඳහා රු.17,480 සිට රු.38,020 දක්වා.
• පොලිස් නිලධාරී තනතුර සඳහා රු.10,740 සිට රු.23,685 දක්වා.
• ග්‍රාම නිලධාරී සේවය සඳහා රු.11,340 සිට රු.23,575 දක්වා.
• පරිපාලන සේවය සඳහා රු.28,885 ක්.
• නියෝජ්‍ය අධ්‍යක්ෂ/ නියෝජ්‍ය කොමසාරිස් තනතුරු සඳහා රු.43,865 ක්.
• ප්‍රදේශීය ලේකම්/අධ්‍යක්ෂ/කොමසාරිස්/ජ්‍යෙෂ්ඨ සහකාර ලේකම් තනතුරු සඳහා රු.57,545ක්.
• වෛද්‍ය නිලධාරී තනතුරු සඳහා රු.35,560 සිට රු.53,075 දක්වා.
• වාර්ෂිකව හිමි වැටුප් වර්ධක දෙගුණ කිරීමට පියවර.
• රාජ්‍ය සංස්ථා, මණ්ඩල හා ව්‍යවස්ථාපිත ආයතන, විශ්ව විද්‍යාල සහ ත්‍රිවාධ හමුදාව සඳහා ද 2025 ජනවාරි 01 වනදා සිට වැටුප් වැඩි කෙරේ.

රාජ්‍ය සේවක වැටුප් විෂමතා සම්බන්ධයෙන් සොයා බලා ක්‍රියාමාර්ග ගැනීම සඳහා ජනාධිපති රනිල් වික්‍රමසිංහ මහතා විසින් පත් කළ උදය ආර්. සෙනෙවිරත්න මහතාගේ සභාපතීත්වය දරණ ජනාධිපති විශේෂඥ කමිටුවේ නිර්දේශ ක්‍රියාවට නැඟීමට අමාත්‍ය මණ්ඩල අනුමැතිය ලැබී ඇත.

ඒ අනුව 2025 ජනවාරි 01 වනදා සිට රාජ්‍ය‍ සේවයේ මූලික වැටුප, පහළම ශ්‍රේණි සඳහා අවමය 24%කින් හා ඊට අනුරූපීව සියළුම රාජ්‍ය සේවා වෘත්තිකයින් සඳහා 24% සිට 50% ට වැඩි අගයක් දක්වා වූ මූලික වැටුප ඉහළ නැංවීමට නියමිතය.

ඒ අනුව, කාර්යාල කාර්ය සහායක සේවයේ තුන්වන ශ්‍රේණියේ වැටුප රුපියල් 5,450කින්, දෙවන ශ්‍රේණිය සඳහා රුපියල් 8,760ක් හා පළමු ශ්‍රේණිය සඳහා රුපියල් 10,950කින් වැටුප් වැඩිවීම සිදු වේ. එම සේවයේ විශේෂ ශ්‍රේණියේ වැටුප රුපියල් 13,980කින් ඉහළ නැංවේ.

එසේම රියදුරු සේවයේ තුන්වන ශ්‍රේණියේ වැටුප රුපියල් 6,960කින් ඉහළ දමා ඇත. රියදුරු සේවයේ දෙවන ශ්‍රේණියේ වැටුප රුපියල් 9,990කින් වැඩිවන අතර පළමු ශ්‍රේණියේ වැඩිවීම රුපියල් 13,020කින් සහ විශේෂ ශ්‍රේණිය සඳහා රුපියල් 16,340ක් ලෙස වැටුප් වැඩිවීම සිදු වේ.

තවද සමෘද්ධි සංවර්ධන නිලධාරී තුන්වන මට්ටම සඳහා වැටුප රුපියල් 8340කින්ද, දෙවන ශ්‍රේණියට රුපියල් 11,690කින් සහ පළමු ශ්‍රේණියට රුපියල් 15,685කින් ද වැටුප් වැඩිවීම සිදු වේ.

කළමනාකරණ සේවා නිලධාරී/ කළමනාකරණ සහකාර තුන්වන ශ්‍රේණියේ වැටුප රුපියල් 10,140කින් වැඩිවන අතර එහි දෙවන ශ්‍රේණිය සඳහා රුපියල් 13,490කින් ද පළමු ශ්‍රේණියේ වැටුප රුපියල් 17,550කින්ද වැඩි වීමට නියමිතය.

එසේම සංවර්ධන නිලධාරී තුන්වන ශ්‍රේණියට රුපියල් 12,710ක වැටුප් වැඩිවීමක් හිමි වන අතර දෙවන ශ්‍රේණියට රුපියල් 17,820ක් හා පළමු ශ්‍රේණියට රුපියල් 25,150ක වැටුප් වැඩිවීමක් සිදු වේ.

මහජන සෞඛ්‍ය පරික්ෂක හා පවුල් සෞඛ්‍ය සේවිකා තුන්වන ශ්‍රේණිය සඳහා වැටුප් රුපියල් 12,885කින් වැඩි වන අතර එහි දෙවන ශ්‍රේණිය සඳහා රුපියල් 17,945ක් සහ පළමු ශ්‍රේණිය සඳහා රුපියල් 25,275ක වැටුප් වැඩිවීම සිදු වේ.

විකිරණවේදී සහ ඖෂධවේදී තුන්වන ශ්‍රේණියට සිදුවන වැටුප් වැඩිවීම රුපියල් 13,280කි. එහි දෙවන ශ්‍රේණියට රුපියල් 18,310ක් සහ පළමු ශ්‍රේනිය වෙනුවෙන් රුපියල් 25,720කින් වැටුප් වැඩිවීමක් හිමිවේ.

තවද හෙද නිලධාරී තුන්වන ශ්‍රේණියේ වැටුප රුපියල් 13,725කින් වැඩි කිරීමට නිර්දේශ වී ඇති අතර දෙවන ශ්‍රේණිය සඳහා රුපියල් 18,835කින් සහ පළමු ශ්‍රේණිය සඳහා රුපියල් 26,165ක වැටුප් වැඩිවීමක් හිමි වනු ඇත.

තවද විදුහල්පති සේවයේ තුන්වන ශ්‍රේණිය සදහා රුපියල් 23,425කින් වැටුප් වැඩිකිරීමටත්, එහි දෙවන ශ්‍රේණියට රුපියල් 29,935ක් හා තුන්වන ශ්‍රේණියට රුපියල් 39,595ක වැටුප් වැඩි කිරීම සිදු වේ.

ගුරු සේවයේ විද්‍යාපීඨ ගුරුවරුන් සඳහා රුපියල් 17,480ක වැටුප් වැඩිවීමක් හිමිවේ. උපාධිධාරී ගුරුවරුන් සඳහා රුපියල් 19,055ක වැටුප් වැඩිවීමක් ද, දෙවන ශ්‍රේණිය සඳහා රුපියිල් 20,425ක් සහ පළමු ශ්‍රේණිය සඳහා රුපියල් 38,020කින් වැටුප් වැඩි වීම සිදු වේ.

පොලිස් කොස්තාපල්වරයකුගේ වැටුප් රුපියල් 10,740 කින් වැඩි වන අතර පොලිස් සැරයන්වරයෙකුගේ වැටුප් වැඩිවීම සිදු වන්නේ රුපියල් 13,210කිනි. එසේම උප පොලිස් පරික්ෂකවරුන්ගේ වැටුප රුපියල් 14,050කින් වැඩිවන අතර පොලිස් පරික්ෂකවරයෙකුගේ වැටුප රුපියල් 18,290කින් වැඩිවේ. එමෙන්ම ප්‍රධාන පොලිස් පරික්ෂවරයෙකුගේ වැටුප රුපියල් 23,685කින් වැඩි වීමට නියමිතය.

ග්‍රාම නිලධාරී පළමු ශ්‍රේණිය සඳහා රුපියල් 11,340කින් ද එම සේවයේ දෙවැනි ශ්‍රේණිය සඳහා රුපියල් 14,690ක් සහ පළමු ශ්‍රේණිය සඳහා රුපියල් 18,750කින් වැටුප් වැඩිවේ. පරිපාලන ග්‍රාම නිලධාරියෙකුගේ වැටුප ද රුපියල් 23,575කින් වැඩි වේ.

සහකාර ලේකම්, සහකාර අධ්‍යක්ෂ, ගණකාධිකාරී, සහකාර ප්‍රාදේශීය ලේකම් සහ සහකාර කොමසාරිස් යන තනතුරු සඳහා වැටුප රුපියල් 28,885කින් වැඩිවේ. නියෝජ්‍ය අධ්‍යක්ෂ හා නියෝජ්‍ය කොමසාරිස්වරුන්ගේ ආරම්භක වැටුප රුපියල් 43,865කින් ඉහළ නැංවීමට නියමිත අතර ප්‍රාදේශීය ලේකම්, අධ්‍යක්ෂ, කොමසාරිස් හා ජ්‍යෙෂ්ඨ සහකාර ලේකම් යන තනතුරු සඳහා වැටුප් රුපියල් 57,545කින් වැඩිවනු ඇත.

එසේම ප්‍රාථමික ශ්‍රේණියේ වෛද්‍යවරුන්ගේ වැටුප රුපියල් 35,560කින්ද දෙවන ශ්‍රේණියේ වෛද්‍යවරුන්ගේ වැටුප 39,575කින් වැඩිවේ. පළමු ශ්‍රේණියේ වෛද්‍යවරුන් වෙනුවෙන් රුපියල් 53,075ක වැටුප් වැඩි වීමක් සහ අතිරේක ලේකම් සහ විශේෂඥ වෛද්‍ය යන තනතුරුවල රුපියල් 70,200කින් වැටුප ඉහළ නැංවීමට නියමිතය.

මීට සමගාමීව වසරක් පාසා සියලුම රාජ්‍ය සේවකයින්ට හිමිවන සියලු වැටුප් වර්ධක අගයන් දෙගුණ කිරීමට ද නිර්දේශ වී තිබේ. එමෙන්ම රාජ්‍ය සංස්ථා, මණ්ඩල හා ව්‍යවස්ථාපිත ආයතන, විශ්වවිද්‍යාල සහ ත්‍රිවිධ හමුදාව සඳහා ද ඉහත ආකාරයටම 2025 ජනවාරි 01 වනදා සිට වැටුප් වැඩිකිරීමට කටයුතු යොදා ඇත.

• අදාළ නිර්දේශ මුදල් අමාත්‍යාංශය හරහා ක්‍රියාත්මක කරනවා.
• සියලුදෙනාගේ ආදායම් වැඩිකර දීම මගේ අපේක්ෂාවයි- ජනපති.
• සියලු නිර්දේශ ජාත්‍යන්තර මූල්‍ය අරමුදල සමඟ පවතින එකඟතා ගිවිසුමෙහි කොන්දේසිවලට අනුකූලයි.
• 2025 ජනවාරි 01වනදා සිට රාජ්‍ය සේවයේ වැටුප් හා දීමනා ඉහළ නැංවීම සඳහා අවශ්‍ය මූල්‍ය ප්‍රතිපාදන ලබාදීමට මහා භාණ්ඩාගාරයේ එකඟතාව සහ අමාත්‍ය මණ්ඩල අනුමැතිය ලැබී තිබෙනවා.
• සැකයක් ඇති කර ගැනීමට කිසිඳු අවශ්‍යතාවයක් නැහැ.
• මූලික වැටුප් 24% සිට 50%-60% දක්වා වූ පරාසයකින් වැඩි වෙනවා.
• වැටුප් වැඩිවීමේ වාසිය විශ්‍රාමිකයන්ටත් හිමි වෙනවා- කමිටු සභාපති උදය ආර්. සෙනවිරත්න මහතා.

2025 වසරේ ජනවාරි මස 01 දා සිට ක්‍රියාත්මක වන පරිදි රාජ්‍ය සේවයේ වැටුප් හා දීමනා ඉහළ නැංවීම සඳහා වූ නිර්දේශ ඇතුළත් ජනාධිපති විශේෂඥ කමිටුවේ අවසන් වාර්තාව එම කමිටුවේ සභාපති උදය ආර්. සෙනෙවිරත්න මහතා ඇතුළු කමිටු සාමාජිකයින් විසින් අද (03) ජනාධිපති කාර්යාලයේ දී ජනාධිපති රනිල් වික්‍රමසිංහ මහතා වෙත භාර දෙනු ලැබීය.

ශ්‍රී ලංකා රජය සහ ජාත්‍යන්තර මූල්‍ය අරමුදල අතර පවතින එකඟතා ගිවිසුමෙහි ඇතුළත් කොන්දේසිවලට අනුකූලව මෙන්ම ඒ සඳහා අවශ්‍ය කෙරෙන මූල්‍ය ප්‍රතිපාදන ලබාදීම පිළිබඳ මහා භාණ්ඩාගාරයේ එකඟතාව සහ අමාත්‍ය මණ්ඩල අනුමැතිය මත මෙම වාර්තාව සකස් කර තිබෙන බව එහිදී කමිටු සභාපති උදය ආර්. සෙනවිරත්න මහතා පැවසීය.

රාජ්‍ය අංශයේ වැටුප් හා දීමනා ප්‍රතිව්‍යුහගතකරණය සම්බන්ධයෙන් වූ විශේෂඥ කමිටුව අමාත්‍ය මණ්ඩලයේ අනුමැතිය ඇතිව රාජ්‍ය සහ පුද්ගලික අංශයේ සාමාජිකයන් 10 දෙනෙකුගෙන් සමන්විතව 2024 ජූනි 12 වනදා ජනාධිපති රනිල් වික්‍රමසිංහ මහතා විසින් පත් කරන ලදී.

හිටපු ජනාධිපති ලේකම් උදය ආර්. සෙනෙවිරත්න මහතාගේ සභාපතිත්වයෙන් යුතු එම කමිටුවේ සෙසු සාමාජිකයන් ලෙස ජාතික අයවැය දෙපාර්තමේන්තුවේ අධ්‍යක්ෂ ජනරාල් ජූඩ් නිලුක්ෂාන්, කළමනාකරණ සේවා දෙපාර්තමේන්තුවේ අධ්‍යක්ෂ ජනරාල් හිරන්සා කලුතන්ත්‍රි, ඒකාබද්ධ සේවා අධ්‍යක්ෂ ජනරාල් එස්. ආලෝක බණ්ඩාර, ආයතන අධ්‍යක්ෂ ජනරාල් එච්.ඒ. චන්දන කුමාරසිංහ, සෞඛ්‍ය අමාත්‍යාංශයේ විශ්‍රාමික නියෝජ්‍ය අධ්‍යක්ෂ ජනරාල්, වෛද්‍ය ටෙරන්ස් ගාමිණී ද සිල්වා, ලංකා වාණිජ මණ්ඩලයේ සභාපති දුමින්ද හුලංගමුව, BCS International Technology PTY LTD හි ප්‍රධාන මහජන නිලධාරි චන්දි එච්. ධර්මරත්න, කොමර්ෂල් බැංකුවේ නියෝජ්‍ය සාමාන්‍යාධිකාරී (මානව සම්පත්) ඉසුරු තිලකවර්ධන, ජනාධිපති අතිරේක ලේකම් ජී.එල්. වර්ණන් පෙරේරා යන මහත්ම මහත්මීහු කටයුතු කරනු ලැබීය.
මාස 03ක් ඇතුළත අදාළ අවසන් වාර්තාව ලබාදීමට කමිටුවට නියම කෙරුණු අතර කරුණු 18ක් යටතේ රාජ්‍ය සේවයේ සිදු කළ යුතු ප්‍රතිසංස්කරණ සම්බන්ධයෙන් සහ වැටුප් වර්ධක වැඩි කිරීම සම්බන්ධයෙන් අනුගමනය කළ යුතු ප්‍රතිපත්තිය අදාළ වාර්තාවෙන් ඉදිරිපත් කර තිබේ.

මෙහිදී අදහස් දැක්වූ ජනාධිපති රනිල් වික්‍රමසිංහ මහතා සඳහන් කර සිටියේ අදාළ කමිටු වාර්තාවේ නිර්දේශ මුදල් අමාත්‍යාංශය හරහා ක්‍රියාත්මක කරන බවත්, එම වාර්තාවේ නිර්දේශවල සඳහන් වන ආකාරයට සියලු දෙනාගේ ආදායම් වැඩිකර දීම තමන්ගේද අපේක්ෂාව වන බවත්ය.

මෙහිදී අදහස් දැක්වු ජනාධිපති රනිල් වික්‍රමසිංහ මහතා වැඩිදුරටත් මෙසේද පැවසීය,

පසුගිය ආර්ථික කඩා වැටීම හමුවේ රජයේ ආදායම් ඉහළ නංවා ගැනීමට පියවර රැසක් ගැනීමට සිදු වුණා. එම අවස්ථවේදී රාජ්‍ය සේවකයන්ට ද ජීවන බර පිළිබඳ විශාල ප්‍රශ්නයකට මුහුණ දුන්නා. කොතරම් ප්‍රශ්න තිබුණද සියලුදෙනාම තමන්ගේ කාර්යන් නිසි ලෙස ඉටු කළා. ඒ නිසාම 2023 වසරේ මෙරට දළ ජාතික නිෂ්පාදනය ඉහළ නංවා ගැනීමට හැකි වූ අතර රටේ ආර්ථික තත්ත්වය දියුණු වුණා.

2023 වසරේ රජයට ලැබුණු මුදලින් අස්වැසුම වැඩසටහන ගෙනවිත් අඩු ආදායම්ලාභී ජනතාවට සහන සැලසිමට අප කටයුතු කළා. 2024 වසරේ සිදු වු ආර්ථික දියුණුව සමඟ රාජ්‍ය අංශයේ වැටුප් සහ දීමනා ප්‍රතිව්‍යුහගත කිරීම පිළිබඳ අපේ අවධානය යොමු වුණා.

ඒ අනුව එම වාර්තාව උදය ආර්. සෙනෙවිරත්න මහතා ඇතුළු සාමාජිකයන් අපට ලබා දී තිබෙනවා. එම නිර්දේශ අනුව ක්‍රියා කිරීමට මම බලාපොරොත්තු වෙනවා. ඒ පිළිබඳ වාර්තාවක් ලබාදීමට මුදල් අමාත්‍යාංශයට භාර දෙනවා. මෙමගින් බලාපොරොත්තු වන්නේ අදාළ කමිටු වාර්තාවෙන් යෝජනා කර තිබෙන අන්දමට සියලුදෙනාගේ ආදායම් වැඩි කර දීමටයි. මෙම වාර්තාව සකස් කර ලබාදීම පිළිබඳ උදය ආර්. සෙනෙවිරත්න මහතාටත් එම කමිටුවේ සියලු සාමාජිකයන්ටත් මම ස්තූතිවන්ත වෙනවා.

මෙහිදී අදහස් දැක්වූ කමිටු සභාපති උදය ආර්. සෙනෙවිරත්න මහතා,

රාජ්‍ය අංශයේ වැටුප් හා දීමනා ප්‍රතිව්‍යුගහකරණය සම්බන්ධයෙන් විශේෂඥ කමිටුවක් අමාත්‍ය මණ්ඩලයේ අනුමැතිය ඇතිව 2024 ජූනි 12 වනදා පත් කරනු ලැබුවා. එම කමිටුව රාජ්‍ය අංශයත්, පුද්ගලික අංශයත් නියෝජනය කරමින් සාමාජිකයන් 10 දෙනෙකුගෙන් සමන්විත වූවා.

මාස 03 ක් ඇතුළත ආදාළ වාර්තාව ලබා දෙන ලෙස අපට උපදෙස් ලබා දුන් අතර ඒ අනුව අගෝස්තු 12 වනදා අතුරු වාර්තාව ඉදිරිපත් කළා. කරුණු 18ක් යටතේ රාජ්‍ය සේවයේ සිදු කළ යුතු ප්‍රතිසංස්කරණ සම්බන්ධයෙන් සහ වැටුප් වර්ධක වැඩි කිරීම සම්බන්ධයෙන් අනුගමනය කළයුතු ප්‍රතිපත්තිය අප ඉදිරිපත් කළා.

ඒ සඳහා අමාත්‍ය මණ්ඩල අනුමැතිය අගෝස්තු මස 12 වනදා ලබා දුන්නා. එම අනුමැතියට අනුකුලව සමස්ථ රාජ්‍ය සේවයේ සියලුම ව්‍යවස්ථාපිත මණ්ඩල සහ සංස්ථා, විශ්වවිද්‍යාල ඇතුළු සියලුම රාජ්‍ය තන්ත්‍රීය අංශ ආවරණය වන ලෙස සමස්ථ රාජ්‍ය සේවයේ වැටුප් සංශෝධනයක් අප විසින් සකස් කළා.

විශේෂයෙන් මූලික වැටුප 24% සිට 50%-60% දක්වා වු පරාසයකින් වැඩි වෙනවා. ආරම්භක වැටුප රුපියල් 30,000ක් ලෙස මෙයට පාදක කරගත් අතර, 1 ට 6 යන අනුපාතය අනුව මෙම මූලික වැටුප සංශෝධනය කෙරෙනවා.

ඒ අනුව මිලියන 1.5කට ආසන්න රාජ්‍ය සේවකයන් සහ එයට අනුරූපීව විශ්‍රාමිකයින්ටත් මෙම වැටුප් වැඩිවීමේ වාසිය ලබාදීම සඳහා රාජ්‍ය සේවකයන්ට වගේම විශ්‍රාමිකයන්ටත් ලබාදෙන ජීවන වියදම් දීමනාව 50%ක් ලබාදීමට නිර්දේශ කළා.

මාස 03 කාල සීමාව ඉක්මවා යාමට සතියකට පෙර අවසන් කමිටු වාර්තාව අපි ගරු ජනාධිපතිතුමාට භාර දුන්නා. ඒ අනුව සමස්ත රාජ්‍ය සේවකයන් සඳහා විශාල සහනයක් මේ තුළින් ලැබෙන බව තහවුරුයි. අප මෙම නිර්දේශ ඉදිරිපත් කළේ මේ සඳහා අවශ්‍ය මූල්‍ය ප්‍රතිපාදන සකස් කර ගැනීමට භාණ්ඩාගාරයේ ද එකඟතාව ලබා ගෙනයි. ඒ වගේම ජාත්‍යන්තර මූල්‍ය අරමුදලේ කොන්දේසිවලට අනුකූලව අප මෙම නිර්දේශ ඉදිරිපත් කර තිබෙනවා.

ඒ නිසා ඒ පිළිබඳ කිසිවෙකු සැකයක් ඇති කර ගැනීමට කිසිදු අවශ්‍යතාවයක් නැහැ. මහා භාණ්ඩාගාරයේ එකඟතාව සහ අමාත්‍ය මණ්ඩලයේ අනුමැතිය ඇතිව මෙම වැඩපිළිවෙළ 2025 ජනවාරි 01 වනදා සිට ක්‍රියාත්මක කිරීමේ හැකියාව තිබෙනවා.

මීට අමතරව රාජ්‍ය සේවයේ කළයුතු තවත් සංශෝධන සහ ප්‍රතිසංස්කරණ රාශියක් අප යෝජනා කර තිබෙනවා. ඉදිරි වර්ෂවල මේ ප්‍රතිසංවිධාන නිසි ලෙස ක්‍රියාත්මක කළහොත් විශිෂ්ට රාජ්‍ය සේවයක් රට තුළ නිර්මාණය කළ හැකියි. ඒ තුළින් විශිෂ්ඨ මහජන සේවාවක් සලසමින් රටේ ආර්ථික සංවර්ධනයට දායකත්වය ලබාදීමට රාජ්‍ය යාන්ත්‍රණයට හැකියාව ලැබෙනවා.

ඉදිරි ජනාධිපතිවරණයේදී විපක්ෂ නායක සජිත් ප්‍රේමදාස මහතාට සහය දැක්වීමට පක්ෂය විධිමත් තීරණයක් ගෙන නොමැති බව ඉලංකෙයි තමිල් අරසු කච්චි / Ilankai Tamil Arasu Kachchi – ITAK ජ්‍යෙෂ්ඨ නායක මාවෙයි සේනාධිරාජා මහතා පැවසීය.

ITAK ප්‍රේමදාසට සහය දෙන බවට පසුගියදා නිකුත් කළ නිවේදනය තනිකරම පාර්ලිමේන්තු මන්ත්‍රී එම්ඒ සුමන්තිරන් විසින් සිදු කරන ලද්දක් බවත් එය නිල පක්ෂ ස්ථාවරයක් පිළිබිඹු නොකරන බවත් ඔහු පැහැදිලි කළේය.

මෙම තීරණය ගත් බව කියන රැස්වීමට ශිවඥානම් ශ්‍රීදරන්, චාල්ස් නිර්මලනාදන් යන මන්ත්‍රීවරුන් ඇතුළු ප්‍රධාන පක්ෂ නායකයින් මෙන්ම එස්.යෝගේෂ්වරන්, ජී.ශ්‍රීනේෂන් වැනි ජ්‍යෙෂ්ඨ සාමාජිකයන්ද පැමිණ නොසිටි බව ඔහු පැවසීය.

සංචාරක ශ්‍රී ලංකා පිල හා එංගලන්තය අතර ලෝඩ්ස් ක්‍රිඩාංගණයේ පැවැති දෙවැනි ටෙස්ට් ක්‍රිකට් තරගයෙන් ලකුණු 190ක ජයක් එංගලන්ත පිල හිමිකර ගත්තේය. තරග 3කන් සමන්විත ටෙස්ට් තරගාවලිය තරගයක් ඉතිරිව තිබියදීම 2- 0 ක් ලෙස තරගාවලිය ජය ගැනිමට එංගලන්තය සමත් විය.

ජයග්‍රහණය වෙනුවෙන් එල්ල වූ ලකුණු 483ක දැවැන්ත ඉලක්කය හඹාගිය ශ්‍රී ලංකා පිල තරගයේ සිවුවැනි දිනය නිමාවීමට පෙර සියලු දෙනා ලකුණු 292කට දැවී ගියහ. ඊයේ අයහපත් ආලෝක තත්ත්වය හමුවේ තෙවැනි දිනය නිමාවන විට ශ්‍රී ලංකා පිල කඩුලු 2ක් දැවී ලකුණු 53ක් ලබා සිටි අතර, ‘නයිට් වොච්මන්‘ ලෙස පිටියට පිවිසි ප්‍රභාත් ජයසූරිය අද දිනයේ ලකුණු 4ක් ලබා දැවී ගියේය.

ආරම්භක පිතිකරු දිමුත් කරුණාරත්න තම 38 වැනි ටෙස්ට් අර්ධ ශතකය වාර්තා කර සිටියදී ස්ටෝන්ගේ පන්දුවකට ලකුණු 55කට දැවීගිය අතර, අනතුරුව එක්වූ චන්දිමාල් හා මැතිව්ස් දෙදෙනා 5වැනි කඩුල්ලට පන්දු 73කදී ලකුණු 59ක සම්බන්ධාවක් ගොඩනඟා තිබියදී මැතිව්ස් ලකුණු 36කට දැවී ගියේය. පන්දු 62කදී හතරේ පහර 11ක් සමඟ ලකුණු 58ක් ලබා තම 28 වැනි ටෙස්ට් අර්ධ ශතකය වාර්තා කළ චන්දිමාල්ගේ කඩුල්ල දවා ගැනීම පන්දු යැවූ ඇට්කින්සන්ගේ අපමන ප්‍රීතියට හේතු විය.

ශ්‍රී ලංකා දෙවැනි ඉනිමට තවත් ලකුණු 8ක් එකතු වෙද්දී මෙම සංචාරයේ ලකුණු අතර සිටි කමිඳු මෙන්ඩිස් දැවී යෑම ශ්‍රී ලංකා පිලට බලවත් පාඩුවක් විය. කමිඳු, ඇට්කින්සන්ගේ වේග පන්දුවට එල්ල කළ පහර දෙවැනි ස්ලිප්හී සිටි ඩකට්ගේ අතටම උඩ පන්දුවක් ලෙස පැමිණි අතර, එවිට ඔහු ලකුණු 4කට සීමාවී ගියේය.

අනතුරුව 8 වැනි කඩුල්ලට නායක ධනංජය සමඟ මිලාන් රත්නායක එක්වූ අතර, පන්දු 95කදී ලකුණු 73ක් එක් කර ගැනීමට සමත්ව තිබියදී  ධනංජය ලකුණු 50ක් ලබා සිටියදී දැවී ගියේය. පන්දු 71කදී හතරේ 7ක් සමඟ නායකයා රැස්කළ ඉනිම තම ටෙස්ට් දිවියේ 16 වැනි ටෙස්ට් අර්ධ ශතකය විය.

පළමු ඉනිමේ එංගලන්තයට වඩා ලකුණු 231ක් ශ්‍රී ලංකා පිල පිටුපසින් සිටි අතර, අද (31) තෙවැනි දිනය නිමාවෙද්දී දෙවැනි ඉනිමට එංගලන්ත පිල තවත් ලකුණු 251ක් ලබා ගත්තේය. පළමු ඉනිමට ලකුණු රැස්කල ශ්‍රී ලංකා ක්‍රීඩකයෝ ලකුණු 196කට දැවී ගිය අතර, එංගලන්ත පිල පළමු ඉනිමට සියලු දෙනා දැවී ලකුණු 427ක් රැස්කර ගත්තේය.

ක්‍රිකට් ක්‍රීඩාවේ රන් දෙවොල ලෙස ප්‍රචලිත ලොඩ්ස් ක්‍රීඩාංගණයේ ඉනිම දෙකේදීම ශතක රැස්කරගත් සිවුවැනි පිතිකරු ලෙස ඉතිහාසයට එක්වූ ජෝ රුට් පළමු ඉනිමේදී ලකුණු 143ක් හා දෙවැනි ඉනිමේදී නොදැවී ලකුණු 103ක් රැස්කරමින් ක්‍රිකට් වාර්තා පොතට එක් විය. මෙයට පෙර ලෝඩ්ස් පිටියේදී මෙවැනි දස්කමක් දක්වා ඇත්තේ 1939දී කොදෙව් ක්‍රීඩක ජෝජ් හේඩ්ලි ලකුණු 106ක් හා 107ක්, 1990දී එංගලන්තයේ ග්‍රෙහෑම් ගූජ් ලකුණු 333ක් හා 123ක්, 2004දී එංගලන්තයේ මයිකල් වෝන් ලකුණු  103ක් හා 101ක් ලබා ගෙනය.

ශ්‍රී ලංකාවේ සුපිරි පිතිකරු කුමාර් සංගක්කාර ටෙස්ට් ලකුණු 12400ක් ලබා ලොව වැඩිම ටෙස්ට් ලකුණු ලැබූ ලොව 6 වැනි පිතිකරු බවට පත්ව සිටින අතර, එම ස්ථානය ගැනීමට ජෝ රූට් තවත් ලකුණු 23ක් ලබාගත යුතු වේ. රූට් 50 වැනි ජාත්‍යන්තර ශතකය ලෝඩ්ස් පිටියේ වාර්තා කළ අතර, එය එක්දින තරගවලදී 16ක් හා ටෙස්ට් තරගවලදී ශතක 34ක් ලෙස වාර්තා පොතේ ලියැවුණි.

ශ්‍රී ලංකා අංක 7 පිතිකරු කමිඳු මෙන්ඩිස් පළමු ඉනිසේදී පන්දු 120කදී හයේ 3ක් හා හතරේ 8ක් සමඟ ලකුණු 74ක් ලබාගත් අතර, එංගලන්තය වෙනුවෙන් වේගයෙන් ලකුණු අතරට පිවිසි ඇට්කින්සන් සිය මංගල ටෙස්ට් ශතකය වාර්තා කළ අතර. එය හයේ 4ක් හා හතරේ 14ක් සමඟ පන්දු 115කදී  ලකුණු 118ක් විය.

කාසියේ වාසිය දිනාගත් ශ්‍රී ලංකා පිල මුලින් පන්දුවට පහරදීමට එංගලන්තයට ආරාධනා කළ අතර, තරගය පුරා කඩුලු 7ක් බිදහෙලූ ගස් ඇට් කින්සන් තරගයේ වීරයා සම්මානය දිනා ගත්තේය.

මූලාශ්‍රය – sri lanka cricket.lk

ක්ලබ් වසන්ත ඝාතනය සඳහා අත්අඩංගුවට ගත් හිටපු පළාත් සභා මන්ත්‍රී අමල් සිල්වා ඇතුළු සැකකරුවන් 12 දෙනා මේ මස 13 වෙනිදා දක්වා රක්ෂිත බන්ධනාගාර ගත කිරීමට කඩුවෙල මහේස්ත්‍රාත්වරයා අද (02) නියෝග කළේය.

ඒ ඔවුන් අද (02) දින කඩුවෙල මහෙස්ත්‍රාත් අධිකරණයට ඉදිරිපත් කිරීමෙන් අනතුරුවය.

සුරේන්ද්‍ර වසන්ත පෙරේරා හෙවත් ක්ලබ් වසන්ත ඝාතනය කිරීමේ සිද්ධිය සම්බන්ධයෙන් පසුගිය 29 වැනිදා බස්නාහිර දකුණ අපරාධ කොට්ඨාසය විසින් බස්නාහිර පළාත් සභාවේ හිටපු මන්ත්‍රීවරයෙකු වන අමල් සිල්වා අත්අඩංගුවට ගෙන ගත්තේය. ඒ ක්ලබ් වසන්ත ඝාතනය සිදුකිරීමට පැමිණි පිරිසට නවාතැන් පහසුකම් හා ආධාර අනුබලදීමේ චෝදනාව මතය.

2024 – ජනාධිපතිවරණය සඳහා තැපැල් ඡන්ද සලකුණු කිරීම හා ඒ සඳහා වලංගු හැඳුනුම්පත් පිළිබඳව මැතිවරණ කොමිෂන් සභාව විසින් නිල නිවේදනයක් නිකුත් කර තිබේ. මැතිවරණ කොමිෂන් සභාව විසින් පසුගිය 29 වැනිදා නිකුත් කරන ලද එම නිල නිවේදනය පහත දැක්වේ.

කොළඹ පාරිභෝගික මිල දර්ශකය පසුගිය 2024 ජූලි මාසයේ පැවති සියයට 2.4හි සිට 2024 අගෝස්තු මාසයේ දී  සියයට 0.5ක් දක්වා තියුණු ලෙස පහළ ගිය බව ශ්‍රී ලංකා මහ බැංකුව පසුගිය 30 වැනිදා නිකුත් කළ නිවේදනයක සදහන් වේ. 

එම නිවේදනය සම්පූර්ණයෙන්ම මෙසේ ය,

කොළඹ පාරිභෝගික මිල දර්ශකයෙහි (කො.පා.මි.ද., 2021=100) වාර්ෂික ලක්ෂ්‍යමය වෙනස මගින් මනිනු ලබන මතුපිට උද්ධමනය,  2024 ජූලි මාසයේ පැවති සියයට 2.4හි සිට 2024 අගෝස්තු මාසයේ දී  සියයට 0.5ක් දක්වා තියුණු ලෙස පහළ ගියේය. මතුපිට උද්ධමනයේ මෙම පහළ යෑම, ශ්‍රී ලංකා මහ බැංකුව විසින් සිදු කරන ලද පුරෝකථනයන්ට බොහෝ දුරට අනුකූල වේ.

• රට යළි ගොඩනඟන විට ගත් අසීරු තීරණ ජනතාව ඉවසා නොගත්තා නම් අද මේ රටත් බංග්ලාදේශයක්.
• අඩු ආදායම් ලාභීන්ට සහන පොලියට නිවාස ණයක්.
• කඳුකර ජනතාවට වතු ගම්මාන සමඟ ඉඩම් අයිතිය – සණස ව්‍යාපාරයේ වැඩිහිටි විශ්‍රාම රක්ෂණ ක්‍රමය හඳුන්වා දීමේ අවස්ථාවට එක්වෙමින් ජනපති පවසයි.

ජනතාවගේ අයිතිය සුරක්ෂිත වන ආකාරයට රාජ්‍ය වත්කම් ඇතුළත් කර නව ආයෝජන සමාගමක් ඉදිරියේදී ඇති කරන බවත් ඒ සඳහා නව නීති ගෙන ඒමට කටයුතු කරන බවත් ජනාධිපති රනිල් වික්‍රමසිංහ මහතා පැවසීය.

එමඟින් වත්කම් උපයන නව ආයෝජන සඳහා යොමුවීමට මෙන්ම විධිමත් විශ්‍රාම සැලසුම් ක්‍රමවේදයක් ක්‍රියාත්මක කිරිමට හැකි වන බවද ජනාධිපතිවරයා සඳහන් කළේය. ජනාධිපති රනිල් වික්‍රමසිංහ මහතා මෙම අදහස් පළකළේ , සණස ව්‍යාපාරය මගින් ආරම්භ කරන වැඩිහිටි විශ්‍රාම රක්ෂණ ක්‍රමය හදුන්වා දීම වෙනුවෙන් කොළඹ දී අද (02) පෙරවරුවේ පැවැති උත්සවයට එක්වෙමිනි .

ජනාධිපති රනිල් වික්‍රමසිංහ මහතා අතින් වැඩිහිටි රක්ෂණ හයක් සංකේතාත්මකව ලබාදීම ද මෙහිදී සිදුවිය.

ආර්ථිකය කඩා වැටී රට අස්ථාවරව තිබූ මොහොතක තමන් රට භාරගෙන අසීරු තීන්දු තීරණ ගෙන යළි ගොඩනැගූ බව සඳහන් කළ ජනාධිපතිවරයා එදා ජනතාව ඉවසීමෙන් කටයුතු නොකළා නම් අද බංග්ලාදේශයට අත්ව ඇති ඉරණම ශ්‍රී ලංකාවට ද අත්වන බව පෙන්වා දුන්නේය.

මෙහිදී වැඩිදුරටත් අදහස් දැක්වූ ජනාධිපති රනිල් වික්‍රමසිංහ මහතා මෙසේද පැවසීය,

1977 වසරේ පත් වූ එක්සත් ජාතික පක්ෂ ආණ්ඩුව මේ රටේ ආර්ථිකය විවෘත කළා. ඒ අනුව අලුත් ආයතන, අලුත් ව්‍යාපාර ඇති කිරීමට එක් එක් කණ්ඩායම් ඉදිරිපත් වුණා. පී.ඒ.කිරිවන්දෙණිය මහතා සණස ව්‍යාපාරය ආරම්භ කිරීමට එදා කටයුතු කළා. ඒ අනුව මේ වැඩපිළිවෙළ ව්‍යවස්ථානුගත කිරීමට එදා පියවර ගනු ලැබුවා. නිෂ්පාදනය සහ බෙදා හැරීම මේ රටේ සියළු ජනතාව අතරේ බෙදී යා යුතු බවට වන යෝජනාව 1962 වසරේ ඩඩ්ලි සේනානායක සහ ජේ. ආර්. ජයවර්ධන යන මහත්වරුන් ගෙන එනු ලැබුවා. එය අයිතිය බෙදා හැරීමේ යෝජනාව ලෙසද ව්‍යවස්ථාවට ඇතුළත් කළා. ඒ අනුව මෙවැනි සණස ව්‍යාපාර වැනි සංවිධාන දිරිගැන්වීම සිදු කෙරුණා. එමඟින් ශ්‍රී ලාංකේය ආර්ථිකයටත් විශාල දායකත්වයක් ලැබී තිබෙනවා. 21වන ශත වර්ෂයේ දී 20 වන ශත වර්ෂයට වඩා වෙනසක් ඇතිවුණා. කුඩා ව්‍යාපාර බිහි වී ආර්ථිකය පුළුල් වුණා. ත්‍රීරෝද රථ කර්මාන්තය හා සංචාරක ක්ෂේත්‍රය ආශ්‍රිත කුඩා ව්‍යාපාරය වේගයෙන් ඉදිරියට පැමිණියා. නමුත් 2022 වසරේදී ශ්‍රී ලංකාවේ ආර්ථිකය කඩා වැටුණා . මා රට භාර ගත්තේ එලෙස ආර්ථිකය කඩාවැටී රට අස්ථාවර වූ අවස්ථාවකයි. එදා ජනතාවට ඉවසීමක් තිබුණේ නැතිනම් අද මේ රටේ විශාල අරාජිකත්වයක් නිර්මාණය වෙනවා.

මිනිස්සු පාරේ ඉඳගෙන රට පාලනය කරන්න ගියා නම් අද බංගලාදේශයට අත්ව තිබෙන ඉරණම ලංකාවටත් අත්වෙනවා. රටේ ආර්ථිකය ගොඩනැඟීමේදී අසීරු ජනප්‍රිය නොවන තීන්දු ගැනීමට සිදුවනවා. ජාත්‍යන්තර මූල්‍ය අරමුදල සමඟ සාකච්ඡා කර මේ රටේ ආර්ථිකය ගොඩනැඟීම සඳහා අවශ්‍ය පියවර ගත්තා. වාහනයක්, නිවසක්, නවීන විදුලි උපකරණයක් මිලදී ගැනීම ජනතාවට සිහිනයක් බවට පත්ව තිබුණා. අප එවැනි අසීරු අවස්ථාවක් පසුකර පැමිණ තිබෙනවා. ආර්ථිකය දැන් යම් ස්ථාවර තත්ත්වයකට පැමිණ තිබෙන නිසා ජනතාවගේ මිලදී ගැනීමේ හැකියාවද වැඩිවී තිබෙනවා. ඒ සමග කුඩා ව්‍යාපාර ආයෝජකයන් ලෙස ඉදිරියට ගෙන යාමට අපේක්ෂා කරනවා.

“අයිතිය“ ජනතාවට ලබාදීමේ වැඩපිළිවෙළද ආරම්භ කර තිබෙනවා. ඒ අනුව මෙරට ජනතාවගේ ඉඩම් අයිතිය තහවුරු කිරිමට සින්නක්කර ඔප්පු ලබාදීමට තීරණය කළා. ඒ අනුව ලක්ෂ විස්සකට සින්නක්කර ඔප්පු ලබා දීම මෙමඟින් සිදු කරනවා. කොළඹ නාගරික මහල් නිවාස ජනතාවට සින්නක්කරව ලබාදීමේ වැඩපිළිවෙළක්ද අප ආරම්භ කළා. කඳුකරයේ ජනතාව වෙනුවෙන් වතුගම්මාන ඇති කරමින් පවුලකට පර්චස් හතක බිම් කොටසක් ලබාදීමටද සැලසුම් කර තිබෙනවා. මේ ක්‍රමවේදය අනුව ජනතාවට “අයිතිය“ පවරාදීම කඩිනමින් සිදුකරමින් පවතිනවා.

ඒ වගේම අඩු ආදායම්ලාභීන්ට සහන පොලිය මත නිවාස ණය ලබාදීමට අවධානය යොමු කරමින් තිබෙනවා. මෙතෙක් සේවක අර්ථසාධක අරමුදල සහ සේවක භාරකාර අරමුදලේ මුදල් යෙදවූයේ බැඳුම්කර මිලදී ගැනීම සඳහායි. දැන් අප ගෙන යන වැඩපිළිවෙළ අනුව රාජ්‍ය වියදම් අඩු කර තිබෙනවා. රාජ්‍ය ආදායම් වැඩි කිරීමට සැලසුම් කර තිබෙනවා. ආදායම වැඩූ විට බැඳුම්කර මිලදී ගැනීමට අර්ථසාධක අරමුදලේ මුදල් අවශ්‍ය වන්නේ නැහැ. එම මුදල් ආයෝජනය සඳහා යෙදවීමට සාකච්ඡා කරමින් තිබෙනවා. මේ පිළිබඳව වෘත්තීය සමිති සහ හාම්පුතුන් සමඟද සාකච්ඡා කිරීමට බලාපොරොත්තු වෙනවා.

රජයේ වත්කම් වලින් ආයෝජන සමාගමක්, (National Wealth Fund) ඇති කිරීමටද ඉදිරියේදී බලාපොරොත්තු වෙනවා. නෝර්වේ, කටාර්, සිංගප්පුරු වැනි රටවල්ද රාජ්‍ය ආදායමෙන් එන ලාභය සුභසාධනය සඳහා යෙදවීමට මෙවැනි සමාගමක් නිර්මාණය කර තිබෙනවා. එමඟින් ජනතාවගේ “අයිතිය“ සුරක්ෂිත කළ හැකියි.
මේ සණස ව්‍යාපාරය මඟින් ද සිදු කරන්නේ එවැනි සමාජ ආයෝජන වැඩපිළිවෙලක් බව කිව යුතුයි. විවිධ සේවා සමූපකාර සමිතිවෙතින් ද සිදු කරන්නේ මෙවැනි සමාජ ආයෝජන ක්‍රමවේදයක් බව කිව යුතුයි. මේ සඳහා නව නීති ගෙන ඒමට අවශ්‍ය අතර ඩෙන්මාර්කය හා ස්විඩනය යන රටවල තිබෙන නීති දෙස අවධානය යොමු කර එම නීති සකස් කළ යුතුයි. එමඟින් ආයෝජන හෝ විශ්‍රාම සැලසුම් වෙත ද යොමු විය හැකියි.

නව ඩිජිටල් ආර්ථිකයට පැමිණෙන තරුණ ව්‍යවසායකයින්ට වෙනම සණස ව්‍යාපාරයක් ඇති කළ යුතුයි. කෘෂිකාර්මික අංශය හා ධීවර අංශය නවීකරණය කිරීම මඟින් ඵලදායී ලෙස ආර්ථිකය දියුණු කළ හැකියි. ඒ සියල්ලටම පෙර ගමන් සහකරු වන්නේ සණස ව්‍යාපාරය බව මා කියන්න කැමතියි. සණස ව්‍යාපාරය කියන්නේ වැස්සට තිබෙන කුඩය වගෙයි. හිසට තිබෙන වහල වගෙයි. මෙම ව්‍යාපාරය සඳහා ඉදිරියටත් සහයෝගය දැක්වීමට බලාපොරොත්තු වෙනවා

බ්‍රසීලයේ විදුලි සංදේශ නියාමකයා (Brazil’s telecommunications regulator) එලොන් මස්ක්ගේ X සමාජ ජාලයට ප්‍රවේශ වීම අත්හිටුවන බව ඊයේ (30) නිවේදනය කළේය. මෙය සිදු වූයේ බ්‍රසීලයේ මාස ගණනාවක් පුරා පැවති ආරවුලකින් සිරවී සිටින විනිසුරුවරයෙකුගේ නියෝගයකට අනුව ය.

ජනප්‍රිය සමාජ මාධ්‍ය වේදිකාවක් වන X පසුගිය බ්‍රහස්පතින්දා සවස බ්‍රසීලයේ නීත්‍යානුකූල නියෝජිතයෙකු නම් කිරීම සඳහා උසාවිය විසින් පනවා තිබූ කාල සීමාව මග හැරි අතර, එය මෙම අත්හිටුවීමට හේතු විය.

ශ්‍රේෂ්ඨාධිකරණ විනිසුරු ඇලෙක්සැන්ඩ්‍රේ ද මොරායස් / Alexandre de Moraes අසාධාරණ වාරණයක් ක්‍රියාත්මක කිරීමට උත්සාහ කරන බව මස්ක් තර්ක කර ඇති අතර විනිසුරුවරයා සමාජ මාධ්‍යවලට වෛරී ප්‍රකාශන රෙගුලාසි අවශ්‍ය බව අවධාරණය කර ඇත.

“ඔවුන් බ්‍රසීලයේ සත්‍යයේ අංක 1 මූලාශ්‍රය වසා දමයි,” මස්ක් සිකුරාදා X හි සටහනක පැවසීය.

වේදිකාව සඳහා ප්‍රචාරණ ආදායම සමඟ මස්ක් අරගල කර ඇති අවස්ථාවක, විනිසුරුවරයාගේ තීන්දුව X හට එහි විශාලතම සහ වඩාත්ම ප්‍රිය කරන වෙළඳපොළක් අහිමි වීමට හේතු විය හැකිය.

සමහර බ්‍රසීලියානුවන් X වෙත ප්‍රවේශය දැනටමත් අවහිර කර ඇති බව වෙනත් වේදිකාවල පළ කළ ද X සිකුරාදා අගභාගයේදී බ්‍රසීලයට ප්‍රවේශ විය හැකි විය. ප්‍රාදේශීය ප්‍රවෘත්ති ආයතනයක් වන UOL හි වාර්තාවකට අනුව, මධ්‍යම රාත්‍රියේ සිට (සෙනසුරාදා GMT 0300) ප්‍රවේශය අවහිර කිරීමට පටන් ගන්නා බව රටේ ඉහළම විදුලි සංදේශ වාහකයින් තිදෙනෙක් පැවසූහ.

මෙම ආරවුල මෙම සතියේ බ්‍රසීලයේ චන්ද්‍රිකා අන්තර්ජාල සැපයුම්කරු Starlink හි අදායමට ද ඍජුව ඍණාත්මක බලපෑම් කිරීමට හේතු වී තිබේ. Starlink යනු Musk ප්‍රමුඛ රොකට් සමාගම SpaceX හි ඒකකයකි.

බ්‍රසීලියානුවන්ට අවශ්‍ය පරිදි ඩොලර් මිලියන 3කට වඩා දඩ මුදල් ගෙවීම මෙන්ම ප්‍රාදේශීය නියෝජිතයකු නම් කිරීම ඇතුළු සියලුම අදාළ අධිකරණ නියෝගවලට අනුකූල වන තෙක් X (කලින් Twitter) බ්‍රසීලයේ අත්හිටුවන ලෙස මොරේස් සිය තීන්දුවේ දී නියෝග කළ අතර අත්හිටුවීමේ නියෝගය ක්‍රියාත්මක කරන ලෙස ශ්‍රේෂ්ඨාධිකරණ විනිසුරු මොරායස් විදුලි සංදේශ නියාමක ඇනටෙල්ට ද නියෝග කළේය.

ඒජන්සිය කාලසටහනක් සඳහන් නොකරමින් රොයිටර් වෙත පැවසුවේ එය අනුකූලව ඉදිරියට යන බවයි.

බ්‍රසීලයේ X ඵලදායී ලෙස වසා දැමීම සඳහා, විදුලි සංදේශ සමාගම් ජාලයේ ගමනාගමනය රැගෙන යාම නැවැත්වීමට අවශ්‍ය වනු ඇත, එසේම වෙබ් අඩවියේ පරිශීලකයින් ඔවුන්ගේ ස්ථාන අතථ්‍ය පුද්ගලික ජාල හෝ VPNs සමඟ සඟවා එය මගහැරීම වළක්වයි.

VPN හරහා X ප්‍රවේශය දිගටම කරගෙන යන අයට දිනකට ඩොලර් 9,000 දක්වා දඩයක් පැනවීමට Moraes නියෝග කළේය.

ලැප්ඩෝග්ස් සහ ඒකාධිපතියන්?

වෙනත් බොහෝ රටවල මෙන් නොව, බ්‍රසීලයේ ශ්‍රේෂ්ඨාධිකරණ විනිසුරුවරුන්ට ඒකපාර්ශ්වික තීරණ ගැනීමට පුළුල් බලතල භාවිතා කිරීමට හැකි වේ. නමුත් X සම්බන්ධයෙන් ඇති වූ ආරවුලේදී, අගවිනිසුරු රොබර්ටෝ බැරෝසෝ ඇතුළු 11 දෙනෙකුගෙන් යුත් අධිකරණයේ බහුතරයකගේ සහාය මොරායස්ට ලැබී ඇත.

Musk, X සහ SpaceX හි  කොටස් අයිතිසයෙන් 40% හිමිකර ගැනීමට අමතරව, විදුලි වාහන යෝධ ටෙස්ලා (TSLA.O) හි ප්‍රධාන විධායක නිලධාරියා වේ.

X පිළිබඳ ආරවුල එහි මූලයන් ඇත්තේ මෙම වසර මුල සිට මොරායස් කළ නියෝගයක් හේතුවෙන් වන අතර එමඟින් විකෘති පුවත් සහ වෛරය පැතිරවීම සම්බන්ධයෙන් විමර්ශනයට සම්බන්ධ ගිණුම් අවහිර කිරීමට වේදිකාවට අවශ්‍ය විය.

මස්ක් නියෝගය වාරණයක් ලෙස හෙළා දුටුවේය. ඔහු බ්‍රසීලයේ සමාගමේ කාර්යාල වසා දැමීමෙන් ප්‍රතිචාර දැක්වූ නමුත් වේදිකාව තවමත් රට තුළ පවතින බව සහතික කළේය.

“මෙම කාරණය විසඳන තුරු” ස්ටාර්ලින්ක් බ්‍රසීල වැසියන්ට නොමිලයේ සේවය කරන බව ඔහු පවසා ඇත.

මෙම තීරණය සම්බන්ධයෙන් විමසූ බ්‍රසීලයේ ජනාධිපති ලුයිස් ඉනාසියෝ ලුලා ද සිල්වා අවධාරණය කළේ රට තුළ ක්‍රියාත්මක වන සියලුම ව්‍යාපාර ඔවුන්ගේ නීතිමය බැඳීම්වලට අනුකූල විය යුතු බවයි.

“මිනිසෙකුට විශාල මුදලක් ඇති පමණින් ඔහුට නීතියට අගෞරව කළ හැකි බවක් අදහස් නොවේ”, ජනාධිපතිවරයා සිකුරාදා ප්‍රාදේශීය ගුවන් විදුලියට පැවසීය.

මස්ක් බ්‍රහස්පතින්දා සටහනක ශ්‍රේෂ්ඨාධිකරණ විනිසුරු මොරායස්ගේ “ලැප්ඩෝග්” ලෙස ජනාධිපතිවරයා සමච්චලයට ලක් කළේය, එහි ඔහු විනිසුරුවරයා “ඒකාධිපතියෙකු” ලෙස ද හැඳින්වීය.

සිකුරාදා පැවති උත්සවයකදී මොරායස් පසුබැසීමේ කිසිදු සලකුණක් නොපෙන්නුවේය.

“පෞද්ගලිකව හෝ සමාජ මාධ්‍ය හරහා ප්‍රජාතන්ත්‍රවාදය උල්ලංඝනය කරන, මූලික මානව හිමිකම් කඩ කරන අය ඊට වගකිව යුතුයි,” ඔහු පැවසීය.

මූලාශ්‍රය – රොයිටර්

ශරීරයේ රුධිර සීනි වැඩි වන විට මිනිසුන් බොහෝ විට නොසලකා හරින බොහෝ රෝග ලක්ෂණ උදෑසන දක්නට ලැබේ. සීනි වැඩිවීමේ මුල් ලක්ෂණ හඳුනා ගන්නේ කෙසේද ? සහ මෙම මාරාන්තික රෝගය පාලනය කරන්නේ කෙසේදැයි දැන ගන්න අවශ්‍ය නම් මෙම ලිපිය දිගටම කියවන්න.

දියවැඩියාව ‘නිහඬ ඝාතකයෙකු‘ ලෙස හැඳින්වේ. ශරීරයේ සීනි ප්‍රමාණය වැඩි වී ඉන්සියුලින් හිඟ වූ විට දියවැඩියාව වැනි රෝගයක් ඇති වේ. දියවැඩියාව ඉතා භයානක ලෙස සැලකෙන්නේ එය ක්‍රමයෙන් අපගේ ශරීරයේ අනෙකුත් කොටස් ද ගිල ගන්නා බැවිනි. මීට පෙර දියවැඩියාව වැනි රෝගයක් සමහර අයට වයස සමඟ පමණක් ඇති වූ නමුත් දැන් කුඩා දරුවන් පවා එහි ගොදුරු බවට පත්වෙමින් තිබේ.

වර්තමානයේ ළමුන් සහ තරුණයින් පළමු වර්ගයේ දියවැඩියාවෙන් / type 1 diabetes පීඩා විඳිති. වයස අවුරුදු 40න් පසු මිනිසුන් දෙවන වර්ගයේ දියවැඩියාවට type 2 diabetes ගොදුරු වේ. බොහෝ විට මිනිසුන් දිගු කලක් දියවැඩියාවේ රෝග ලක්ෂණ නොසලකා හරිති. නමුත් මෙය භයානක විය හැකිය.

දියවැඩියා රෝගීන්ගේ රුධිරයේ සීනි මට්ටම ඉහළ මට්ටමක පවතින විට උදෑසන අවදි වූ විට දැනෙන රෝග ලක්ෂණ මොනවාදැයි දැන ගැනීම ඔබට ඉතා වැදගත් වේ.

දියවැඩියාවට හේතු මොනවාද ?

ආසාදනයට එරෙහිව ශරීරයේ ආරක්ෂක යාන්ත්‍රණය වන ප්‍රතිශක්තිකරණ පද්ධතිය ඉන්සියුලින් නිපදවන අග්න්‍යාශයේ බීටා සෛල ඉලක්ක කර මරා දමයි. එහි ප්‍රතිඵලයක් ලෙස පළමු වර්ගයේ දියවැඩියාව ඇතිවේ. වඩාත්ම ප්‍රචලිත දියවැඩියාව වන දෙවන කාණ්ඩයේ දියවැඩියාව ජාන සහ ජීවන රටා තේරීම් ඇතුළු විචල්‍ය කිහිපයක් මගින් ගෙන එයි.

දියවැඩියාවේදී රුධිරයේ සීනි වැඩි වන විට රෝග ලක්ෂණ

වියළි මුඛය සහ පිපාසය – උදෑසන ඔබේ මුඛය වියළි නම් සහ ඔබට දැඩි පිපාසයක් දැනේ නම්, මෙය රුධිරයේ සීනි වැඩි වීමේ ලකුණක් විය හැකිය. සීනි මට්ටම වැඩි නිසා දියවැඩියා රෝගියෙකුගේ උගුර උදෑසන වියළී යයි.

නොපැහැදිලි පෙනීම – සමහර විට උදෑසන පෙනීම බොඳ වේ. ඔබටත් මෙවැනි හැඟීමක් ඇත්නම්, එය රුධිරයේ සීනි වැඩිවීම නිසාද විය හැකිය. වෛද්‍යවරුන් පවසන පරිදි දියවැඩියාව ඇස්වලට බලපාන අතර කාචය විශාල වීම නිසා පෙනීම බොඳ වේ.

තෙහෙට්ටුවක් දැනේ – මුළු රාත්‍රිය පුරාම නිදා ගැනීමෙන් පසු ඔබට තෙහෙට්ටුවක් සහ දුර්වල බවක් දැනේ නම්, එක් වරක් ඔබේ රුධිර සීනි පරීක්ෂා කරන්න. ශරීරයේ සීනි මට්ටම ඉහළ යාම තෙහෙට්ටුව සහ ආතතිය වැඩි කරයි.

මිනිසුන් බොහෝ විට බැරෑරුම් ලෙස නොසලකන දේවල්

අත් වෙව්ලීම –  බොහෝ විට මිනිසුන්ගේ දෑත් වෙව්ලීමට පටන් ගනී. සීනි මට්ටම 4 mmol ට වඩා අඩු වූ විට, කුසගින්න, අත්වල වෙව්ලීම සහ අධික ලෙස දහඩිය දැමීම වැනි බොහෝ රෝග ලක්ෂණ මතු වේ. ඔබටත් මෙම රෝග ලක්ෂණ ඇත්නම් වහාම වෛද්‍යවරයෙකු හමුවී සීනි මට්ටම පරීක්ෂා කරවා ගන්න.

(මෙම ලිපිය සාමාන්‍ය තොරතුරු සඳහා වේ. කරුණාකර කිසියම් පිළියමක් අනුගමනය කිරීමට පෙර වෛද්‍යවරයෙකුගෙන් විමසන්න)

 

කීර්තිමත් රාජකීය පවුලක උපත ලද සයිෆ් අලි ඛාන් යනු ජනප්‍රිය ක්‍රිකට් ක්‍රීඩක මන්සූර් අලි ඛාන් කුමාරයාගේ සහ ප්‍රකට නිළි ෂර්මිලා තාගෝර්ගේ පුත්‍රයාය.

විවිධ රංගන කුසලතා සඳහා ප්‍රසිද්ධියට පත් ඔහු බොලිවුඩයේ අද්විතීය ස්ථානයක් සනිටුහන් කර ඇත. මුල් කාලයේ මුහුණ දුන් විවිධ පසුබෑම් ජය ගනිමින්  ඔහු කීර්තිමත් නළුවෙකු සහ නිෂ්පාදකයෙකු බවට පත්විය.

එම අරගලයේ සිට සුපිරි බොලිවුඩ් තරුවක් වීම දක්වා ගමන් මග පුරා ඔහුට බොලිවුඩයේ සහ ඉන් ඔබ්බෙහි ආදරණීය සහ ගෞරවනීය ස්ථානයක් ලබා දී ඇත.

සයිෆ් පසුගිය දා ඔහුගේ තවත් උපන් දිනයක් පසු කළේය. ඔහු ගැන ඔබ බොහෝ විට නොදන්නා කරුණු කිහිපයක් ගැන අපි මෙතැන් සිට සොයා බලමු.

1. ඔහුගේ සැබෑ නම සයිෆ් නොවේ – සජිඩ් අලි ඛාන් / Sajid Ali Khanනමින් උපත ලද ඔහු බොලිවුඩයට පිවිසීමත් සමඟ ඔහුගේ නම සයිෆ් අලි ඛාන් / Saif Ali Khan ලෙස වෙනස් කළේය.
2. ඔහු ජාතික සම්මාන ලාභියෙක් – Hum Tum (2004) චිත්‍රපටයේ ඔහුගේ විශිෂ්ට රංගනය වෙනුවෙන් සයිෆ් හොඳම නළුවාට හිමි ජාතික චිත්‍රපට සම්මානය දිනා ගත්තේ ඔහුගේ වෘත්තීය ජීවිතයේ වැදගත් සන්ධිස්ථානයක් සනිටුහන් කරමිනි.
3. ඔහු විශිෂ්ට සූපවේදියෙක් – තාරකාව විවිධ ආහාර පිසීම් සහ අත්හදා බැලීම් වලට කැමතියි. ඔහු බොහෝ විට සම්මුඛ සාකච්ඡා වලදී සඳහන් කර ඇත්තේ ඉවුම් පිහුම් චිකිත්සක සහ විවේක ගැනීමට හොඳ ක්‍රමයක් සොයා ගන්නා බවයි.
4. ඔහුට දෙවන සහෝදරියක් සිටී – ඔහුගේ නිළිය සොහොයුරිය වන සෝහා අලි ඛාන් ගැන බොහෝ දෙනෙක් දන්නා අතර, සයිෆ්ට දක්ෂ ස්වර්ණාභරණ නිර්මාණකරුවෙකු වන සබා අලි ඛාන් / Saba Ali Khanනම් තවත් සහෝදරියක් ද සිටී.
5. ඔහු උද්යෝගිමත් ගිටාර් වාදකයෙකි – සයිෆ් දැඩි සංගීත ලෝලියෙක් වන අතර ගිටාර් වාදනය කරයි. ඔහු සුප්‍රසිද්ධ රොක් සංගීත කණ්ඩායමක් වන Parikrama සමඟ පවා ප්‍රසංග පැවැත්වූ අතර රොක් සංගීතය කෙරෙහි දැඩි ආශාවක් ප්‍රකාශ කර ඇත.
6. ඔහු චිත්‍රපට නිෂ්පාදකයෙක් ද වේ – Love Aaj Kal සහ Cocktail වැනි ජයග්‍රහණ පිටුපස ඇති නිෂ්පාදන සමාගමක් වන Illuminati Films හි සයිෆ් සම හිමිකරු වේ.
7. ඔහු අසුනි පිටයාමට දැඩි කැමැත්තක් දක්වයි – ඔහුගේ පියා මෙන් සයිෆ් ද අශ්වයන් පිටයාමට සහ පෝලෝ ක්‍රීඩාව සඳහා දැඩි ඇල්මක් දක්වයි. ඔහු බොහෝ විට පෝලෝ තරඟවලට සහභාගී වන අතර විවේක ක්‍රියාකාරකමක් ලෙස අශ්වයින් පිට යාමට ප්‍රිය කරයි.

Femina.in ඇසුරිණි

 

 

ශ්‍රී ලංකා හිටපු ටෙස්ට් ක්‍රිකට් ක්‍රීඩක දුලිප් සමරවීර ක්‍රීඩිකාවකට බරපතල විෂමාචාරයක් සිදු කළ බවට චෝදනා එල්ල වී ඇති අතර ඔස්ට්‍රේලියානු ක්‍රිකට් පරීක්ෂණයකට මුහුණ පා සිටින බව ජාත්‍යන්තර මාධ්‍ය වාර්තා කළේය.

ඔස්ට්‍රේලියානු ක්‍රිකට් ආයතනය මේ සම්බන්ධයෙන් කටයුතු කරමින් සිටින අතර, එම ආයතනයම වාර්තා කරන්නේ චර්යාධර්ම සංග්‍රහයක් ඉදිරියේදී පැවැත්වෙනු ඇති බවයි.

52 හැවිරිදි දුලිප් සමරවීර ඔස්ට්‍රේලියානු A කාන්තා කණ්ඩායම ඉන්දීය A කණ්ඩායමට එරෙහිව පැවැත්වෙන තරඟාවලියේදී පුහුණුකරු තනතුරක් දැරීමට නියමිතව සිටි නමුත් එම චෝදනා අනාවරණය වීමත් සමඟම ක්‍රිකට් ක්‍රීඩාවෙන් ඉවත් විය.

‘ක්‍රිකට් වික්ටෝරියා ක්‍රිකට් ආයතනයට දැනට ක්‍රියාත්මක වන බැවින් ක්‍රිකට් ක්‍රියාදාමයන් පිළිබඳව ප්‍රකාශයක් කිරීමට නොහැකි වී ඇත, අපි නියමිත වේලාවට නඩු කටයුතු පිළිබඳව අදහස් දක්වන්නෙමු,’ ක්‍රිකට් වික්ටෝරියා ප්‍රධානී නික් කමින්ස් හෙරල්ඩ් පැවසීය.

ක්‍රීඩකයෙකු ලෙස විශ්‍රාම ගැනීමෙන් පසු සමරවීර ඕස්ට්‍රේලියාවට ගිය අතර එහිදී ඔහු දශකයකට වැඩි කාලයක් පුහුණුකරුවෙකු ලෙස කටයුතු කළේය.

ඔහු ශ්‍රී ලංකාව වෙනුවෙන් ටෙස්ට් තරග පහකට සහ එක්දින තරග හතකට ක්‍රීඩා කළේය.

ජනාධිපතිවරණයේදී ඡන්දය ප්‍රකාශ කිරීමේ පිළිවෙළ මැතිවරණ කොමිෂන් සභාව විසින් අද (30) දින නිල වශයෙන් ප්‍රසිද්ධ කර තිබෙනවා. මැතිවරණ කොමිෂන් සභාව විසින් මේ සම්බන්ධයෙන් නිකුත් කළ මාධ්‍ය නිවේදනය පහත පළ වෙනවා. 

එක්සත් ජාතික පක්ෂයේ මහ ලේකම් පාලිත රංගේ බණ්ඩාර මහතා වහාම ක්‍රියාත්මක වන පරිදි එම ධුරයෙන් ඉවත් කිරීමට එජාප නායකත්වය තීරණය කර ඇති බව වාර්තා වේ. ඔහුගෙන් හිස් වන තනතුරට පසුගිය දා සමගි ජන බලවේගයේ සිට එජාපයට එක් වූ තලතා අතුකෝරාළ මහත්මිය පත්වනු ඇතැයි එජාපයේ ජ්‍යෙෂ්ඨයෙක් පැවසුවේය.

එජාප ජ්‍යෙෂ්ඨයෙකු වන රවී කරුණානායක මහතා සහ රංගේ බණ්ඩාර මහතා අතර දීර්ඝ කාලයක් පුරා පැවැති ගැටුමක් මෙම ඉවත් කිරීමට හේතු වූ බව වාර්තා වේ.

එක්සත් ජාතික පක්ෂයේ හිටපු මහ ලේකම්වරයෙකු වූ ගාමිණී අතුකෝරාළ මහතාගේ නැගණිය වන තලතා අතුකෝරාළ මහත්මිය එම ධුරයට පත් වුවහොත් එජාපයේ මහ ලේකම් පුටුවට එකම පවුලක දෙදෙනකු පත් වීමක් ලෙස එය සැලකිය හැකි වනු ඇත.

 

වැඩබලන පොලිස්පතිවරයා සහ ශ්‍රේෂ්ඨාධිකරණයට සහ අභියාචනාධිකරණයට විනිසුරුවරුන් පත් කිරීමට අපොහොසත් වූ බවට කරන ලද ප්‍රකාශයන් මත පදනම්ව ජනාධිපතිවරණයට ඉදිරිපත් වීමට ජනාධිපති රනිල් වික්‍රමසිංහ මහතාට ඇති සුදුසුකම් අභියෝගයට ලක් කළ පෙත්සමක් ශ්‍රේෂ්ඨාධිකරණය විසින් අද (28) ප්‍රතික්ෂේප කළේය.

ජනාධිපති මාධ්‍ය අංශය (PMD) පවසන පරිදි රුපියල් 50,000 උසාවි ගාස්තු ගෙවන ලෙස ද පෙත්සම්කරුට ශ්‍රේෂ්ඨාධිකරණය නියෝග කර ඇත.

මෙම මූලික අයිතිවාසිකම් පෙත්සම වෙනුවෙන් පෙනී සිටි නීතිපතිවරයාගේ නියෝජිත අතිරේක සොලිසිටර් ජනරාල් නෙරින් පුල්ලේ තර්ක කළේ පෙත්සමේ අසත්‍ය තොරතුරු අඩංගු බවත් ආණ්ඩුක්‍රම ව්‍යවස්ථාවේ 92 වැනි වගන්තිය උල්ලංඝණය කර ඇති බවත්ය.