Category: සුපිරි News

කොවිඩ් – 19 හේතුවෙන් අවදානම් කලාප ලෙස හුදකලා කර තිබු කළුතර දිස්ත්‍රික්කයේ බේරුවල ප්‍රදේශයේ, පන්නිල හා චීනකොරටුව සහමහනුවර දිස්ත්‍රික්කයේ අකුරණ ප්‍රදේශයට පනවා තිබු හුදකලා බවින් ඉවත් කරන ලද අතර, එම ප්‍රදේශ අද (03) දින සිට අනෙකුත් ප්‍රදේශ මෙන් සාමාන්‍ය තත්ත්වයට පත්වන බව ආරක්‍ෂක මාණ්ඩලික ප්‍රධානී, යුද්ධ හමුදාධිපති සහ කොවිඩ්-19 පැතිරීම වැළැක්විමේ ජාතික ක්‍රියාන්විත මධ්‍යස්ථානයේ ප්‍රධානී ලුතිනන් ජෙනරාල් ශවේන්ද්‍ර සිල්වා මහතා මාධ්‍ය නිවේදනයක් නිකුත් කරමින් පවසනවා.

එම මාධ්‍ය නිවේදනයේ වැඩි දුරටත් සදහන් වන්නේ ලන්ඩන් (London) සිට ශ්‍රී ලංකන් මගී ගුවන් යානයක් මගින් සිසුන් සහ රාජ්‍ය සේවකයින් ඇතුළුව පුද්ගලයින් 207 දෙනෙකු අද (03) දින මධ්‍යම රාත්‍රියේ දිවයිනට පැමිණීමට නියමිතව ඇති බවයි.

එසේ පැමිණෙන ඔවුන් සියළු දෙනා ත්‍රිවිධ හමුදාව විසින් පාලනය කරනු ලබන නිරෝධායන මධ්‍යස්ථාන වෙත නිරෝධායන ක්‍රියාවලිය සඳහා යොමුකිරීමට මේවන විට සියළු කටයුතු සූදානම් කර ඇති බවයි යුද්ධ හමුදාපතිවරයා පවසන්නේ.

ත්‍රිවිධ හමුදාව විසින් පවත්වාගෙන යනු ලබන නිරෝධායන මධ්‍යස්ථාන වන දම්මින්න වෙතින් පුද්ගලයින් 09 දෙනෙකු හා වැලිකන්ද රෝහල වෙතින් 02 දෙනෙකු ඇතුළුව පුද්ගලයන් 11 දෙනෙකු නිරෝධායන ක්‍රියාවලියෙන් අනතුරුව, PCR පරික්‍ෂණය සිදුකර අද (03) දින තම නිවෙස් වෙත පිටත් කරන ලද බව ද යුද්ධ හමුදාපතිවරයා විසින් නිකුත් කළ මාධ්‍ය නිවේදනයේ සදහන්.

අද (3) දිනය වන විට ත්‍රිවිධ හමුදාව විසින් පවත්වාගෙන යනු ලබන නිරෝධායන මධ්‍යස්ථාන තුළින් පුද්ගලයින් 4917 දෙනෙකු නිරෝධායන ක්‍රියාවලිය අවසන්වී තම නිවෙස් වෙත පිටව ගොස් ඇති අතර මේවන විට නාවික හමුදාවේ වෛරසය ආසාදිත වූවන්ගේ පවුල්වල සාමාජිකයන් සහ ඔවුන් සමීපව ඇසුරු කරනු ලැබු පුද්ගලයින් 1023 දෙනෙකු නිරෝධායන ක්‍රියාවලිය සඳහා නිරෝධායන මධ්‍යස්ථාන වෙත යොමුකර තිබෙන බවයි එම මාධ්‍ය නිවේදනයේ වැඩි දුරටත් සදහන් වන්නේ.

ඒ අනුව ත්‍රිවිධ හමුදාව මගින් පාලනය කරනු ලබන නිරෝධායන මධ්‍යස්ථාන 36 ක් තුළ පුද්ගලයින් 4635 දෙනෙකු මේ වන විට නිරෝධායනය වෙමින් සිටින බව ද සදහන්.

ශ්‍රී ලංකාවෙන් අද (2) දිනය තුළ (ප.ව 22.05 වන විට) කොවිඩ්-19 ආසාදිතයින් 12 දෙනකු වාර්තා වූ බව සෞඛ්‍ය ප්‍රවර්ධන කාර්යාංශයේ නිල වෙබ් අඩවියේ සදහන් වෙනවා. ඒ අනුව ලංකාවේ කොවිඩ්-19 ආසාදිතයින් සංඛ්‍යාව 702 දක්වා වර්ධනය වී තිබෙනවා.

මේ අතර ජෝන්ස් හොප්කින්ස් විශ්වවිද්‍යාලය විසින් අද (2) දිනය අවසානයේ නිකුත් කළ වාර්තාවල ගෝලීය වශයෙන් කොවිඩ්-19 ආසාදිතයින් හා මරණ පිළිබද නිල දත්ත දක්වා තිබෙනවා.

එම වාර්තාවට අනුව අද දිනය අවසන් වන විට ගෝලීය වශයෙන් කොවිඩ්-19 ආසාදිතයින් 33,86,519ක් වාර්තා වී ඇති අතර වැඩිම ආසාදිතයින් සංඛ්‍යාව ඇමෙරිකාවෙන් වාර්තා වී තිබෙනවා. මරණ සංඛ්‍යාව 240.654ක් වන අතර වැඩිම මරණ සංඛ්‍යාවට ද හිමිකම් කියන්නේ අමෙරිකාවයි.

කොළඹ තැපැල් කාර්යාල හා උප තැපැල් කාර්යාලවලට භාර දෙන ලිපි ඇතුළු සියලු තැපැල් භාණ්ඩ ආරම්භක හා ගමනාන්ත කාර්යාලවලදී විෂබීජහරණය කිරීමට  පහසුකම් සපයන තුරු තැපැල් කාර්යාල හා උප තැපැල් කාර්යාල විවෘත නොකිරීමට තැපැල් ඒකාබද්ධ වෘත්තිය සමිති පෙරමුණ ඒකමතිකව තීරණය කළ බව එම පෙරමුණ විසින් තැපැල්පතිවරයා වෙත ලිපියක් මගින් දන්වා යවා තිබෙනවා.

එම ලිපියේ සදහන් වන්නේ රජය විසින් ගත් තීරණය අනුව කොළඹ හා තදාසන්න ප්‍රදේශවල තැපැල් කාර්යාල කාර්ය මණ්ඩල හතර වැනිදා සේවයට වාර්තා නොකරන බවට තීන්දු කර ඇති බවයි.

කොළඹ තැපැල් කාර්යාල හා උප තැපැල් කාර්යාල විවෘත කරන ලෙස දන්වා ඇතත් කිසිදු උප තැපැල් කාර්යාලයක් මේ වනතුරු විෂබීජහරණයකට ලක්කර නැති බවත් බොහෝ තැපැල් කාර්යාලවල තත්ත්වය ද එයම බවත් සදහන් කරන තැපැල් ඒකාබද්ධ වෘත්තීය සමිති පෙරමුණ සෞඛ්‍යාරක්ෂිත පරිසරයක කටයුුතු කිරීම තුල රට වැසියන්ගේ ආරක්ෂාව ද සහතික වන බවත් ඵලදායි සේවයක් සැපයිය හැකි වන බවත් එම ලිපියේ වැඩි දුරටත් සදහන් කර තිබෙනවා.

මහ මැතිවරණය පවත්වන දිනය සම්බන්ධයෙන් නිශ්චිත තීන්දුවක් ගැනීම සදහා තව සති දෙකකින් මැතිවරණ කොමිසම රැස්වන බව මැතිවරණ කොමිෂන් සභාව අද (2) පැවසුවා. දේශපාලන පක්ෂ ලේකම්වරුන් සමග මැතිවරණ කොමිෂන් සභාවේදී අද පැවැති සාකච්ඡාවේ දී මේ සම්බන්ධයෙන් තීරණය ගත් බවයි වාර්තා වන්නේ.

දේශපාලන පක්ෂ ලේකම්වරුන් සහ මැතිවරණ කොමිෂන් සභාවේ සාමාජිකයින් අතර අද පැවැති සාකච්ඡාවේදී නියම කළ පරිදි ජූනි 20 වැනිදා මහ මැතිවරණය පැවැත්වීමට ආණ්ඩුවට සහාය දෙන දේශපාලන පක්ෂ ලේකම්වරුන් සිය එකගතාව පළ කළත් විපක්ෂයේ ලේකම්වරුන් ඊට දැඩි විරෝධය පළ කළා. ඔවුන් අවධාරණය කළේ කොවිඩ්-19 වසංගතය ගැන නිවැරදි සහතිකයක් සෞඛ්‍ය අංශ වෙතින් ලබා දෙන තෙක් මහ මැතිවරණය පැවැත්වීමට තමන් දැඩිව විරුද්ධ වන බවයි.

මේ ගැටලුකාරී තත්ත්වය මතයි තවත් සති දෙකකට පසු මැතිවරණ කොමිෂම රැස්වී ඒ ගැන තීන්දුවක් ගැනීමට පියවර ගෙන ඇත්තේ.

අද (01) දින ප.ව 22.05 වන විට ශ්‍රී ලංකාවෙන් කොවිඩ්-19 ආසාදිතයින් 25 දෙනකු වාර්තා වූ බවත් ඒ සමග ලංකාවේ සමස්ත කොවිඩ් -19 ආසාදිතයින් සංඛ්‍යාව 690 දක්වා වර්ධනය වූ බවත් සෞඛ්‍ය ප්‍රවර්ධන කාර්යාංශයේ නිල වෙබ් අඩවියේ සදහන් වෙනවා.

එහි වැඩි දුරටත් සදහන් වන්නේ අද දිනය අවසන් වන විට රෝහල් තුළ රෝගීන් 521ක් ප්‍රතිකාර ලබමින් සිටි අතර රෝහල් තුළ විමර්ශනය යටතේ පුද්ගලයින් 145 දෙනකු සිටින බවයි. සුවය ලබා පිටව ගිය රෝගීන් සංඛ්‍යාව අද දිනය අවසන් වන විට 162 ක් වන අතර මරණ සංඛ්‍යාව 07ක් ලෙස ස්ථාවරව පවතින බවයි සෞඛ්‍ය ප්‍රවර්ධන කාර්යංශයේ නිල වෙබ් අඩවියේ වැඩි දුරටත් සදහන් වන්නේ.

ගෝලීය තත්ත්වය

ජෝන්ස් හොප්කින්ස් විශ්වවිද්‍යාලයේ කොරෝනා වෛරස් සම්පත් මධ්‍යස්ථානයේ නවතම යාවත්කාලීන කිරීම් අනුව අද දිනය අවසන් වන විට ගෝලීය වශයෙන් ආසාදිතයින් 3,303,296ක් වාර්තා වූ අතර මරණ සංඛ්‍යාව 235,290ක් ලෙස වාර්තා වෙනවා. වැඩිම ආසාදිතයින් සංඛ්‍යාව තව දුරටත් ඇමෙරිකා එක්සත් ජනපදයෙන් වාර්තා වන අතර එය 1,082,411ක්. වැඩිම මරණ සංඛ්‍යාව ද ඇමෙරිකා එක්සත් ජනපදයෙන් වාර්තා වන අතර අද දිනය අවසන් වන විට එය 63,127ක් දක්වා වර්ධනය වී තිබෙනවා.

ස්පාඤ්ඤය – රෝගීන් 215,216 ක්, මරණ 24,824 ක්

ඉතාලිය – රෝගීන් 205,463 ක්, මරණ 27,967 ක්

එක්සත් රාජධානිය – රෝගීන් 172,481 ක්, මරණ 26,842 ක්

ප්‍රංශය – රෝගීන් 167,303 ක්, මරණ 24,410 ක්

ජර්මනිය – රෝගීන් 163,009 ක්, මරණ 6,623 ක්

තුර්කිය –   රෝගීන් 120,204 ක් ,  මරණ 3 , 174 ක්

රුසියාව – රෝගීන් 114,431 ක්, මරණ 1,169 ක් 

ඉරානය – රෝගීන් 95,646 ක්, මරණ 6,091 ක් 

බ්රසීලය – රෝගීන් 87,187 ක්, මරණ 6,006 ක්

චීනය – රෝගීන් 83,958 ක්, මරණ 4,637 ක්

කැනඩාව – රෝගීන් 54,457 ක්, මරණ 3,310 ක්

බෙල්ජියම – රෝගීන් 49,032 ක්, මරණ 7,703 ක්

නෙදර්ලන්තය – රෝගීන්  39.988   මරණ 4.909

පේරු – රෝගීන් 36,976 ක්, මරණ 1,051 ක්

ඉන්දියාව – රෝගීන් 35,043 ක්, මරණ 1,154 ක්

ස්විට්සර්ලන්තය – රෝගීන් 29,705 ක්, මරණ 1,737 ක්

පෘතුගාලය – රෝගීන් 25,351 ක්, මරණ 1,007 ක්

ඉක්වදෝරය – රෝගීන් 24,934 ක්, මරණ 900 ක්

සෞදි අරාබිය – රෝගීන් 22,753 ක්, මරණ 162 ක්

ස්වීඩනය – රෝගීන් 21,520 ක්, මරණ 2,653 ක්

අයර්ලන්තය – රෝගීන් 20,612 ක්, මරණ 1,232 ක්

මෙක්සිකෝව – රෝගීන් 19,224 ක්, මරණ 1,859 ක්

පකිස්ථානය – රෝගීන් 17,439 ක්, මරණ 391 ක් 

සිංගප්පූරුව – රෝගීන් 17,101 ක්, මරණ 15 ක්

චිලී – රෝගීන් 16,023 ක්, මරණ 227 ක්

ඊස්රායලය – රෝගීන් 16,004 ක්, මරණ 223 ක්

ඔස්ට්‍රියාව – රෝගීන් 15,531 ක්, මරණ 589 ක්

බෙලාරුස් – රෝගීන් 14,917 ක්, මරණ 93 ක්

ජපානය – රෝගීන් 14,088 ක්, මරණ 430 ක්

කටාර් – රෝගීන් 14,096 ක්, මරණ 12 ක්

පෝලන්තය – රෝගීන් 13,105 ක්, මරණ 651 ක් 

එක්සත් අරාබි එමීර් ර – රෝගීන් 13,038 ක්, මරණ 111 ක්

රුමේනියාව – රෝගීන් 12,567 ක්, මරණ 726 ක්

දකුණු කොරියාව – රෝගීන් 10,774 ක්, මරණ 248 ක්

යුක්රේනය – රෝගීන් 10,861 ක්, මරණ 272 ක්

ඉන්දුනීසියාව – රෝගීන් 10,551 ක්, මරණ 800 ක්

ඩෙන්මාර්කය – රෝගීන් 9,509 ක්, මරණ 460 ක්

පිලිපීනය – රෝගීන් 8,772 ක්, මරණ 579 ක්

නෝර්වේ – රෝගීන් 7,759 ක්, මරණ 210 ක්

බංග්ලාදේශය – රෝගීන් 8,238 ක්, මරණ 170 ක්

චෙක් ජනරජය – රෝගීන් 7,689 ක්, මරණ 237 ක් 

ඩොමිනිකන් ජනරජය – රෝගීන් 6,972 ක්, මරණ 301 ක්

ඕස්ට්‍රේලියාව – රෝගීන් 6,765 ක්, මරණ 93 ක්

සර්බියාව – රෝගීන් 9,009 ක්, මරණ 179 ක්

පැනමාව – රෝගීන් 6,532 ක්, මරණ 188 ක්

කොලොම්බියාව – රෝගීන් 6,507 ක්, මරණ 293 ක්

මැලේසියාව – රෝගීන් 6,071 ක්, මරණ 103 ක්

දකුණු අප්‍රිකාව – රෝගීන් 5,647 ක්, මරණ 103 ක්

ඊජිප්තුව – රෝගීන් 5,537 ක්, මරණ 392 ක්

ෆින්ලන්තය – රෝගීන් 5,051 ක්, මරණ 218 ක්

මොරොක්කෝව – රෝගීන් 4,529 ක්, මරණ 171 ක්

ආර්ජන්ටිනාව – රෝගීන් 4,428 ක්, මරණ 218 ක් 

කුවේට් – රෝගීන් 4,377 ක්, මරණ 30 ක්

ඇල්ජීරියාව – රෝගීන් 4,006 ක්, මරණ 450 ක් 

මෝල්ඩෝවා – රෝගීන් 3,897 ක්, මරණ 122 ක්

ලක්සම්බර්ග් – රෝගීන් 3,784 ක්, මරණ 90 ක්

කසකස්තානය – රෝගීන් 3,551 ක්, මරණ 25 ක්

බහරේනය – රෝගීන් 3,040 ක්, මරණ 8 ක් 

තායිලන්තය – රෝගීන් 2,960 ක්, මරණ 54 ක්

හංගේරියාව – රෝගීන් 2,863 ක්, මරණ 323 ක්

ග්‍රීසිය – රෝගීන් 2,591 ක්, මරණ 140 ක්

ඕමානය – රෝගීන් 2,447 ක්, මරණ 11 ක්

ඇෆ්ගනිස්ථානය – රෝගීන් 2,335 ක්, මරණ 68 ක්

ඉරාකය – රෝගීන් 2,085 ක්, මරණ 93 ක්

ක්‍රොඒෂියාව – රෝගීන් 2,085 ක්, මරණ 75 ක්

ඝනාව – රෝගීන් 2,074 ක්, මරණ 17 ක් 

ආර්මේනියාව – රෝගීන් 2,148 ක්, මරණ 33 ක්

උස්බෙකිස්තානය – රෝගීන් 2,075 ක්, මරණ 9 ක්

කැමරූන් – රෝගීන් 1,832 ක්, මරණ 61 ක්

අසර්බයිජානය – රෝගීන් 1,804 ක්, මරණ 24 ක්

අයිස්ලන්තය – රෝගීන් 1,797 ක්, මරණ 10 ක්

බොස්නියාව සහ හර්සගොවිනා – රෝගීන් 1,757 ක්, මරණ 69 ක්

නයිජීරියාව – රෝගීන් 1,932 ක්, මරණ 58 ක්

එස්තෝනියාව – රෝගීන් 1,694 ක්, මරණ 52 ක්

බල්ගේරියාව – රෝගීන් 1,541 ක්, මරණ 66 ක්

කියුබාව – රෝගීන් 1,501 ක්, මරණ 61 ක්

ගිනියාව – රෝගීන් 1,495 ක්, මරණ 7 ක්

නවසීලන්තය – රෝගීන් 1,479 ක්, මරණ 19 ක්

උතුරු මැසිඩෝනියාව – රෝගීන් 1,494 ක්, මරණ 81 ක්

ස්ලොවේනියාව – රෝගීන් 1,434 ක්, මරණ 92 ක්

ස්ලොවැකියාව – රෝගීන් 1,403 ක්, මරණ 23 ක්

ලිතුවේනියාව – රෝගීන් 1,399 ක්, මරණ 45 ක්

අයිවරි කෝස්ට් – රෝගීන් 1,275 ක්, මරණ 14 ක් 

බොලිවියාව – රෝගීන් 1,167 ක්, මරණ 62 ක්

ජිබුටි – රෝගීන් 1,097 ක්, මරණ 2 ක්

ටියුනීසියාව – රෝගීන් 994 ක්, මරණ 41 ක්

සෙනෙගල් – රෝගීන් 1,024 ක්, මරණ 9 ක්

ලැට්වියාව – රෝගීන් 870 ක්, මරණ 16 ක්

සයිප්‍රසය – රෝගීන් 850 ක්, මරණ 15 ක්

ඇල්බේනියාව – රෝගීන් 773 ක්, මරණ 31 ක්

හොන්ඩුරාස් – රෝගීන් 804 ක්, මරණ 75 ක්

කිර්ගිස්තානය – රෝගීන් 756 ක්, මරණ 8 ක්

ඇන්ඩෝරා – රෝගීන් 745 ක්, මරණ 42 ක්

ලෙබනනය – රෝගීන් 729 ක්, මරණ 24 ක්

කොස්ටාරිකාව – රෝගීන් 719 ක්, මරණ 6 ක්

නයිජර් – රෝගීන් 719 ක්, මරණ 32 ක්

ශ්‍රී ලංකාව – රෝගීන් 671 ක්, මරණ 7 ක්

බුර්කිනා ෆාසෝ – රෝගීන් 645 ක්, මරණ 43 ක්

උරුගුවේ – රෝගීන් 643 ක්, මරණ 17 ක්

සෝමාලියාව – රෝගීන් 601 ක්, මරණ 28 ක්

ග්වාතමාලාව – රෝගීන් 599 ක්, මරණ 16 ක්

සැන් මරිනෝ – රෝගීන් 580 ක්, මරණ 41 ක්

ජෝර්ජියාව – රෝගීන් 566 ක්, මරණ 6 ක්

කොසෝවෝ – රෝගීන් 799 ක්, මරණ 12 ක්

කොංගෝ ප්‍රජාතන්ත්‍රවාදී ජනරජය – නඩු 572 ක්, මරණ 31 ක්

මාලි – නඩු 490 ක්, මරණ 26 ක් 

ටැන්සානියාව – රෝගීන් 480 ක්, මරණ 16 ක්

මෝල්ටාව – රෝගීන් 467 ක්, මරණ 4 ක්

ජෝර්දානය – රෝගීන් 453 ක්, මරණ 8 ක්

සුඩානය – රෝගීන් 442 ක්, මරණ 31 ක්

තායිවානය – ‍රෝගීන් 429 ක්, මරණ 6 ක්

ජැමෙයිකාව – රෝගීන් 422 ක්, මරණ 8 ක්

කෙන්යාව – රෝගීන් 396 ක්, මරණ 21 ක්

මාලදිවයින – රෝගීන් 475, 1 මරණය

එල් සැල්වදෝරය – රෝගීන් 424 ක්, මරණ 10 ක්

වාඩිලාගෙන සිටින පලස්තීන ප්‍රදේශ – රෝගීන් 344 ක්, මරණ 2 ක්

මොරිෂස් – රෝගීන් 332 ක්, මරණ 10 ක්

වෙනිසියුලාව – රෝගීන් 333 ක්, මරණ 10 ක්

මොන්ටිනිග්‍රෝ – රෝගීන් 322 ක්, මරණ 10 ක්

සමක ගිනියාව – රෝගීන් 315 ක්, 1 මරණය

ගැබොන් – රෝගීන් 276 ක්, මරණ 3 ක් 

වියට්නාමය – රෝගීන් 270 ක්

පැරගුවේ – රෝගීන් 266 ක්, මරණ 10 ක්

රුවන්ඩාව – රෝගීන් 243 ක්

කොංගෝ ජනරජය – රෝගීන් 220 ක්, මරණ 9 ක්

ගිනියා-බිස්සව් – රෝගීන් 205 ක්, 1 මරණය

මියන්මාරය – රෝගීන් 151 ක්, මරණ 6 ක්

ලයිබීරියාව – රෝගීන් 141 ක්, මරණ 18 ක්

බ une නායි – නඩු 138, 1 මරණය

ඉතියෝපියාව – රෝගීන් 133 ක්, මරණ 3 ක්

මැඩගස්කරය – රෝගීන් 132 ක්

සියරා ලියොන් – රෝගීන් 136 ක්, මරණ 7 ක්

කාම්බෝජය – රෝගීන් 122 ක්

කේප් වර්ඩ් – රෝගීන් 122, 1 මරණය

ටෝගෝ – රෝගීන් 116 ක්, මරණ 9 ක්

ට්‍රිනිඩෑඩ් සහ ටොබැගෝ – රෝගීන් 116 ක්, මරණ 8 ක්

සැම්බියාව – රෝගීන් 106 ක්, මරණ 3 ක් 

එස්වාටිනි – රෝගීන් 100 ක්, 1 මරණය

මොනාකෝ – රෝගීන් 95 ක්, මරණ 4 ක්

ලිච්ටෙන්ස්ටයින් – ‍රෝගීන් 82 ක්, 1 මරණය

උගන්ඩාව – රෝගීන් 83 යි

බහමාස් – රෝගීන් 81 ක්, මරණ 11 ක්

බාබඩෝස් – ‍රෝගීන් 81 ක්, මරණ 7 ක්

ගයනා – 82 ක්, මරණ 9 ක්

හයිටි – 81 ක්, මරණ 8 ක්

මොසැම්බික් – රෝගීන් 76 යි

බෙනින් – රෝගීන් 64 ක්, 1 මරණය

ලිබියාව – රෝගීන් 61 ක්, මරණ 3 ක්

නේපාලය – රෝගීන් 59 ක්

චැඩ් – රෝගීන් 73 ක්, මරණ 5 ක්

මධ්‍යම අප්‍රිකානු ජනරජය – රෝගීන් 64 ක්

සිරියාව – රෝගීන් 43 ක්, මරණ 3 ක්

සිම්බාබ්වේ – ‍රෝගීන් 40 ක්, මරණ 4 ක්

එරිත්‍රියාව – රෝගීන් 39 යි

මොන්ගෝලියාව – රෝගීන් 38 ක්

මලාවි – රෝගීන් 37 ක්, මරණ 3 ක්

දකුණු සුඩානය – රෝගීන් 35 ක්

ඇන්ගෝලා – රෝගීන් 27 ක්, මරණ 2 ක්

ඇන්ටිගුවා සහ බාබුඩා – රෝගීන් 24 ක්, මරණ 3 ක්

නැගෙනහිර ටිමෝරය – ‍රෝගීන් 42 යි

බොට්ස්වානා – රෝගීන් 23 ක්, 1 මරණය

ග්‍රෙනාඩා – රෝගීන් 20 ක්

ලාඕසය – රෝගීන් 19 ක්

බෙලීස් – රෝගීන් 18 ක්, මරණ 2 ක්

ෆීජි – රෝගීන් 18 යි

ශාන්ත ලුසියා – ‍රෝගීන් 17ක්

ඩොමිනිකා – රෝගීන් 16 යි

නැමීබියාව – රෝගීන් 16 ක්

අල් ජසීරා වාර්තාවක් ඇසුරිණි

අප රටේ පවතින කොවිඩ් – 19  රෝගය සම්බන්ධව බරපතල තත්ත්වය හේතුවෙන් මෙවර වෙසක් උත්සවය වෙනස් ආකාරයනට සැමරිය යුතු වේ.සෞඛ්‍ය හා දේශීය වෛද්‍ය අමාත්‍යාංශය විසින් සියලුම බෞද්ධාගමික නායක ස්වාමීන්වහන්සේලා ප්‍රමුඛ සංඝයා වහන්සේලා හා බෞද්ධයින් මෙවර  වෙසක් උත්සවය සැමරීමේදී අනුගමනය කළයුතු ආකාරය පිළිබඳව උපදෙස් මාලාවක් ඉදිරිපත් කරන්නෙමු.

මෙම උපදෙස් ඔබ අප සියලුදෙනා  කොවිඩ් – 19  රෝගයෙන් ආරක්ෂාවීම පිණිසයි.

හැකිතාක් දුරට නිවස මූලික කරගත් ආමිස හා ප්‍රතිපත්ති පූජා වල නිරත වන ලෙසත් පුද්ගල දුරස්ථභාවය පවත්වා ගනිමින් ශබ්ද විකාශන යන්ත්‍ර භාවිතා කරමින් පිරිත් දේශනා,ධර්ම දේශනා වැඩසටහන් සංවිධානය කිරීම සුදුසු වේ.

වෙසක් කලාප,දන්සැල්,තොරණ් ආදිය  ඇතුළු සියලුම මහජනතාව ඒකරාශී වන වැඩසටහන් පැවැත්වීමෙන් වළකින ලෙසටත්,වෙසක් දිනයේදී නිවසින් පිටත අනවශ්‍ය ගැවසීම් හා වෙසක් එළි බැලීම සඳහා නොයන ලෙසටත් සෞඛ්‍ය අමාත්‍යාංශයේ ලේකම් භද්‍රාණි ජයවර්ධන මහත්මිය අවධාරණය කරයි.ඒ අනුව,

විහාරස්ථානය තුළ

පුද්ගල දුරස්ථභාවය තබා ගැනීමට අසීරු වන, පිරිස් ගැවසෙන ආමිස හා ප්‍රතිපත්ති පූජා පැවැත්වීමෙන් වළකින්න.මේවා නිවසේ සිට කිරීමට අනුබල දෙන්න.

දාන,ශීල ,භාවනා ව්‍යාපාර ,දන්සැල්,සල්පිල්,තොරණ්,පෙරහැර සංවිධානය කිරීමෙන් වැළකිය යුතුයි.

නිවස තුළ

ශීල භාවනා වැඩසටහන් නිවසේ සිට පැවැත්වීමට කටයුතු සූදානම් කරන්න.

වෙසක් සැරසිලි,වෙසක් කූඩු,පහන් පූජා නිවාස පරිශ්‍රයේ සිදු කළහැක.

වෙසක් සමයේ සිදු කරන වෙළඳාම් සඳහා ( වෙසක් කූඩු, වෙසක් සැරසිලි සහ අමුද්‍රව්‍ය)

සියලුම වෙසක් සම්බන්ධව කරන වෙළඳාම් කටයුතු පුද්ගල දුරස්ථභාවය තබා ගනිමින් කොවිඩ් – 19  පැතිරීම වැළැක්වීමට ගතයුතු ක්‍රියාමාර්ග අනුගමනය කරමින් සිදු කරන ලෙසය ඉල්ලා සිටී.(මෙය සෞඛ්‍ය වෛද්‍ය නිලධාරීනගේ අධීක්ෂණ්‍ය යටතේ මහජන සෞඛ්‍ය පරීක්ෂක විසින් පරීක්ෂා කරනු ඇත.)

අවශ්‍ය නම් දිනකට සිදුකරන PPR පරීක්ෂණ සංඛ්‍යාව 3000 ක් දක්වා වැඩිකිරීමේ සැලසුමක්

බස්නාහිර පලාතේ කොරෝනා ( කොවිඩ් -19) තත්වය පාලනයට යටත් කොට  කොට තිබෙන බව සෞඛ්‍ය සේවා  අධ්‍යක්ෂ ජනරාල්වරයා පවසයි. මේ වන විට බස්නාහිර පලාතේ විශාල වශයෙන් පී. සී. ආර් . පරීක්ෂණ සිදුකරයි.

මේ වන විට විවිධ අවදානම්  කණ්ඩායම තෝරා ගෙන පී. සී. ආර් .පරීක්ෂණ සිදු කරමින් පවතී. එහෙත් තත්වය තවමත්  100% ක්  පාලනය කොට ඇති බව පැවසිය නොහැකිය. පාලනය අප අතින් ගිලිහී නොමැති අතර පාලනය අප අතට ගෙන ඇති බව වගකීමෙන් ප්‍රකාශ කල හැකිය.

එලඹෙන මැයි මස  04 වනදා ,සඳුදා වනවිට  රට යථා තත්වයට පත් කල හැකි වීම හෝ නොවීම පිලිබදව දැනට අනාවැකි පලකල නොහැකිය. කෙසේවෙතත් වෙසක් සමය දක්වාම මෙම අධික සුපරීක්ෂාව පවත්වාගෙන යාමට සිදුවනු ඇතැයි සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ මහතා පෙන්වාදෙයි. ඉන් අනතුරුවද තවත් කලක් ගතවන තුරු සෞඛ්‍ය උපදෙස් පිලිපදිමින් යම් පාලනයකට යටත්ව දෛනික කටයුතු සිදු කිරීමට සිදුවීම අනිවාර්ය ය.

ඊයේ (30) දිනයේදී පී.සී.ආර්. පරීක්ෂණ 1397 ක් සිදු  කර ඇත. පරීක්ෂණ වලට සාපේක්ෂව රෝග ආසාදිතයින් අමු වන්නේ සුළු වශයෙනි. කෙසේ වෙතත් පී.සී.ආර්. පරීක්ෂණ  දෛනිකව සිදුකරන සාමාන්‍ය ප්‍රමාණය 1500 මට්ටමක දිගටම පවත්වාගෙන යනු ලැබේ.

එම පරීක්ෂණවලට ලක් කරන්නේ කුමන කණ්ඩායම්ද යන්න එලඹෙන තත්වයන් අනුව තීරණය කරනු ලැබේ. අවශ්‍යතාවයක් සිදු වුවහොත් දිනකට සිදුකරන පී.සී.ආර්. පරීක්ෂණ ප්‍රමාණය 3000 දක්වාද වැඩි කිරීමට මේ වන විට හැකියාව පවතී. විශ්ව විද්‍යාල පද්ධතියද මෙම පරීක්ෂණ සිදු කිරීම නිසා දිනකට සිදුකරන පරීක්ෂණ ප්‍රමාණය මෙසේ ඉහල නැංවීමට හැකියාව ලැබී තිබේ.

චීනයෙන් පරිත්‍යාග වශයෙන් ලැබුනු කට්ටල මෙන්ම ,භාවිත කරන කුමන පී.සී.ආර්. පර්‍ර්ක්ෂණ කට්ටලයක් වුවද එහි නිරවද්‍යතාව පිළිබඳව නිරන්තරයෙන් පරීක්ෂා (Validate)  කෙරේ. එබැවින් පරීක්ෂණ වල ප්‍රතිඵල සම්බන්ධයෙන් තමන් සෑහීමට පත්වන බවද විශේෂඥ වෛද්‍ය අනිල් ජාසිංහ මහතා ප්‍රකාශ කරයි.

කෙසේවෙතත් රෝගය පාලනය පිණිස බලපාන ප්‍රධාන සාධකයක් වන්නේ මහජනතාව විසින් තවදුරටත් සෞඛ්‍ය උපදෙස් නිසි ලෙස පිලිපැදීම බව සෞඛ්‍ය සේවා අධ්‍යක්ෂ ජනරාල්වරයා යලිත් අවධාරණය කරයි

COVID-19 වෛරසය මැඩලීම, ව්‍යාප්තිය පාලනය, සෞඛ්‍ය ප්‍රතිකාරක සේවාවන් සහ ඉදිරි සැළසුම් පිළිබදව සෞඛ්‍ය හා දේශීය වෛද්‍ය සේවා අමාත්‍ය පවිත්‍රා වන්නිආරච්චි මහත්මිය විදේශීය සෞඛ්‍ය අමාත්‍යවරුන් සහ ලෝක සෞඛ්‍ය සංවිධානයේ බලධාරීන් සමග විශේෂ සාකච්ඡාවක් ඊයේ දින (2020.04.30)  රාත්‍රියේ දී පැවැත්විනි.

කොළඹ පිහිටි ලෝක සෞඛ්‍ය සංවිධානයේ නේවාසික නියෝජිතවරියගේ කාර්යාලයේ දී පැය 02 කට ආසන්න කාලයක් නවීන වීඩියෝ තාක්ෂණය ඔස්සේ මෙම සාකච්ඡාව පැවැත්විනි.

රටවල් 15 ක සෞඛ්‍ය අමාත්‍යවරුන් සහභාගි වූ මෙම සාකච්ඡාවේ දී විශේෂයෙන්ම COVID-19 වසංගත උවදුර තුරන් කිරීමට ගත යුතු ඉදිරි පියවරයන් පිළිබදවත් ඒ ඒ රටවල් ගනු ලබන විධිමත් ක්‍රියාමාර්ග සහ අත්දැකීම් පිළිබදවත්, වෛරසයට අදාල ප්‍රතිකාර සේවාවන් ශක්තිමත් කිරීම පිළිබදවත් අමාත්‍යවරුන් මෙහිදී අදහස් හුවමාරු කර ගන්නා ලදි. සෞඛ්‍ය අමාත්‍ය පවිත්‍රා වන්නිආරච්චි මහත්මිය විසින් ශ්‍රී ලංකාවේ COVID-19 මර්දන වැඩපිළිවෙල සම්බන්ධයෙන් මෙතෙක් රජය සහ සෞඛ්‍ය අංශ විසින් ගෙන ඇති ක්‍රියාමාර්ග පිළිබදවත්, ඉදිරියේ දී ක්‍රියාත්මක කිරිමට නියමිත ආරක්ෂිත ක්‍රමවේද පිළිබදවත් කරුණු පැහැදිලි කරමින් අදහස් හුවමාරු කරගන්නා ලදි.

නිදහස් සෞඛ්‍ය සේවාව ක්‍රියාත්මක වන රටක් ලෙස ශ්‍රී ලංකාව COVID-19 වෛරසය මර්දනයට මෙතෙක් ගෙන ඇති වැඩපිළිවෙල ඉතාමත් සාර්ථක වැඩපිළිවෙළක් බවත්, ලෝකයේ දියුණූ රාජ්‍යයයන් මෙම වෛරසය මර්දනයේ දී ප්‍රමාද වී තීන්දු තීරණ ගෙන ක්‍රියාත්මක කළ බවත්, එම සමහර තීන්දු තීරණ ශ්‍රී ලංකාව කළින් ක්‍රියාත්මක කිරීම හේතුවෙන් මෙම වෛරසය ව්‍යාප්තියේ මර්දනයක් ලගා කරගෙන තිබෙන බව ද විදේශ රටවල සෞඛ්‍ය අමාත්‍යවරු මෙහිදී පෙන්වා දෙන ලදි.

මෙම අවස්ථාවට ලෝක සෞඛ්‍ය සංවිධානයේ ශ්‍රී ලංකාවේ නේවාසික නියෝජිතවරිය වන වෛද්‍ය රාසියා පෙන්ඩ්සේ මහත්මිය (Dr Razia Pendse) , සෞඛ්‍ය අමාත්‍යාංශයේ අතිරේක ලේකම් ජනක චන්ද්‍රගුප්ත මහතා, වසංගත රෝග විද්‍යා අංශයේ අධ්‍යක්ෂ වෛද්‍ය සුදත් සමරවීර මහත සහ ගරු අමාත්‍යතුමියගේ සම්බන්ධීකරණ ලේකම් වෛද්‍ය අජිත් මෙන්ඩිස් මහතා ද එක් විය.

කොළඹ, ගම්පහ, කළුතර සහ පුත්තලම දිස්ත්‍රික්කවල ඇඳිරි නීතිය තිබියදී ජන ජීවිතය සහ ආයතන ක්‍රියාකාරිත්වය යථා තත්වයට පත් කිරීම මැයි 11, සඳුදා ඇරඹෙයි.

මේ දිස්ත්‍රික්කවල අත්‍යාවශ්‍ය සේවා පවත්වා ගැනීම ඇතුළු ජනජීවිතය සහ ආර්ථිකය යථා තත්ත්වයට පත් කිරීම පිණිස රාජ්‍ය, පෞද්ගලික දෙඅංශයේ ආයතන සඳුදා සිට විවෘත කොට පවත්වාගෙන යා යුතුය. සේවා අවශ්‍යතා සැලකිල්ලට ගනිමින් ඒ සඳහා අවශ්‍ය සැලසුම් දැන් සිටම සකස් කරන ලෙස ආයතන ප්‍රධානීන්ට දැනුම් දෙනු ලැබේ. ආයතන විවෘත කොට පවත්වාගෙන යාමේදී කොවිඩ් 19 වසංගතය පාලනය කිරීම සඳහා සෞඛ්‍ය සේවා අධ්‍යක්ෂ ජනරාල්වරයා ප්‍රමුඛ සෞඛ්‍ය බලධාරීන් නියම කර ඇති මාර්ගෝපදේශ මුළුමනින්ම පිළිපදින බවට ආයතන ප්‍රධානීන් වගබලාගත යුතුය.

දෙපාර්තමේන්තු, සංස්ථා, මණ්ඩල ඇතුළු රාජ්‍ය ආයතනවල සේවයට කැඳවිය යුතු සේවක සංඛ්‍යාව සහ සේවයට කැඳවන්නේ කුමන සේවකයන්ද යන්න ආයතන ප්‍රධානියාගේ අභිමතය අනුව තීරණය කිරීමට පිළිවන. පෞද්ගලික අංශයේ ආයතන විවෘත කළයුතු වේලාව උදේ 10.00 ලෙස නියම කර තිබේ.

වෛරස ව්‍යාප්තිය පාලනය කිරීම සඳහා ජනයා අනවශ්‍ය ලෙස මහාමාර්ගයට පැමිණීම සහ වෙනත් ස්ථානවල එක්රැස්වීම නතර කළයුතුව ඇත. ගමනාගමන මණ්ඩල බස්රථවල සහ දුම්රිය මැදිරිවල මගී ප්‍රවාහනය රැකියා සදහා යන එන අයට පමණක් සීමා කෙරේ.

අවශ්‍යයෙන්ම සේවයට වාර්තා කළයුතු අය හැර සෙසු ජනයාගෙන් රෝග නිවාරණයට සහාය වනු පිණිස නිවෙස්වලම රැඳී සිටින්නැයි ඉල්ලීමක් කෙරේ. කවරකු හෝ නිවසින් බැහැර යා යුත්තේ ආහාර හා ඖෂධ වැනි අත්‍යාවශ්‍ය භාණ්ඩ හා ද්‍රව්‍ය මිලට ගැනීමට පමණි. මේ සෑම අවස්ථාවකම කොරෝනා පාලන සෞඛ්‍ය නිර්දේශ අකුරටම පිළිපැදිය යුතුය. පොලිස් බලධාරීන් විසින් නිකුත් කර ඇති ඇඳිරි නීති බලපත් වලංගුවන්නේ රියැදුරු සහ රථයේ ගමන් කරන අය මුඛ ආවරණ පැළඳ සිටින්නේනම් පමණි.

කොළඹ, කළුතර, ගම්පහ සහ පුත්තලම දිස්ත්‍රික්ක හැර සෙසු දිස්ත්‍රික්කවල ඇඳිරිනීතිය මැයි 06, බදාදා දක්වා ක්‍රියාත්මක වනුයේ කලින් පරිදි රාත්‍රී 8.00 සිට අලුයම 5.00 දක්වාය.

මේ දිස්ත්‍රික්කවල මැයි 06, බදාදා රාත්‍රී 8.00ට පනවනු ලබන ඇඳිරි නීතිය මැයි 11 සඳුදා අලුයම 5.00 දක්වා දිගටම ක්‍රියාත්මකව පවතී.

මෙම ප්‍රවෘත්තිය ජනාධිපති මාධ්‍ය අංශය විසින් අද (01) දින ප.ව 8.25ට නිකුත් කළ මාධ්‍ය නිවේදනයක සම්පූර්ණ උපුටා ගැනීමකි.

ශ‍්‍රී ලංකාව තුළ කොවිඩ්-19 ආසාදතයින් සංඛ්‍යාව අද දින ප.ව 23.04 වන විට 663දක්වා වර්ධනය වූ බව සෞඛ්‍ය ප‍්‍රවර්ධන කාර්යාංශය සදහන් කරයි. ඒ අනුව අද දිනය තුළ නව ආසාදිතයින් 14දෙනකු වාර්තා වී ඇත.

මේ අතර අද දිනය වන විට ගෝලීය වශයෙන් වාර්තා වන කොවිඩ්-19 ආසාදිතයින් හා මරණ සංඛ්‍යාව ගැන ජෝන්ස් හොප්කින්ස් විශ්වවිද්‍යාලයේ කොරෝනාවෛරස් සම්පත් මධ්‍යස්ථානයේ නවතම වාර්තා දක්වන්නේ ගෝලීය වශයෙන් කොවිඩ්-19 ආසාදිතයින් 3,231,701ක් වාර්තා වී ඇති අතර මරණ සංඛ්‍යාව 229,447ක් වන බවයි.

තව දුරටත් ලෝකයේ වැඩිම ආසාදිතයින් හා මරණ සංඛ්‍යාව ඇමෙරිකා එක්සත් ජනපදයෙන් වාර්තා වන අතර එහි ආසාදිතයින් සංඛ්‍යාව 1,046,022ක් වන අතර මරණ සංඛ්‍යාව 61,288කි.

ගොවියා, පාරිභෝගිකයා සහ නිෂ්පාදන සැපයුම්කරු අතර යාන්ත්‍රණයට ඩිජිටල් තාක්ෂණය යොදා ගැනීමේ හැකියාව පිළිබඳව ජනාධිපති ගෝඨාභය රාජපක්ෂ මහතාගේ අවධානය යොමු වෙයි.

කෘෂිකර්ම, අභ්‍යන්තර වෙළෙඳ, පාරිභෝගික සුබසාධන, වැවිලි හා  අපනයන අමාත්‍යාංශ ලේකම්වරු සහ හෙක්ටර් කොබ්බෑකඩුව ගොවි කටයුතු පර්යේෂණායතනය ඇතුළු තවත් ආයතන කිහිපයක නිලධාරීන් සමග විමර්ශන සාකච්ඡාවක් අද (30) දහවල් ජනාධිපති කාර්යාලයේ දී පැවැත්විණි.

වෙළෙඳ, අපනයන, පොහොර ඇතුළු සේවා සැපයුම්, තොග සැපයුම්කරුවන්,තොග ගැනුම්කරුවන්, භාණ්ඩ එකතුකරන්නන්, හෝටල් වැනි මහා පරිමාණ ගැණුම්කරුවාගේ සිට දෛනික පාරිභෝගිකයා දක්වා වූ කෘෂි බෝග අලෙවිකරණයට ඩිජිටල් තාක්ෂණය යොදා ගැනීමේ හැකියාව  දීර්ඝ ලෙස සාකච්ඡාවට ලක් කෙරිණ. 

කෘෂි අස්වැන්න සඳහා ඉහළ මිලක් වෙනුවෙන් ගොවියාට තරග කිරීමේ හැකියාව ලබා දීමටද මින් අපේක්ෂා කෙරේ. පහසු සහ සරල තාක්ෂණය භාවිත කරමින් ඕනෑම අයෙකුට ඩිජිටල් හුවමාරුවට සම්බන්ධවීමේ හැකියාව තිබිය යුතු බව ජනාධිපතිවරයා අවධාරණය කළේය. මෙහි අවසන් ප්‍රතිඵලය භව බෝගයෙන් ස්වයංපෝෂිත ශ්‍රී ලංකාවක් බිහි කිරීම බව ජනපතිවරයා පැවසීය. 

ප්‍රාදේශීය ලේකම් කොට්ඨාස, තාක්ෂණය මගින් යා කරමින් ගොවියා සහ ගැනුම්කරුවා පහසුවෙන් සම්බන්ධ කිරීමට ද ඩිජිටල් තාක්ෂණය උපයෝගි කර ගත හැකිය. එමගින් අතරමැදියාගෙන් ලැබෙන මුදලට වඩා වැඩි මිලක් ගොවියාට ලබා ගැනීමට ද හැකිවනු ඇතැයි අපේක්ෂා කෙරේ.

රටේ පාරිභෝගික අවශ්‍යතා සමීක්ෂණයට ද මේ ක්‍රමය දායක කරගත හැකිය. මධ්‍යම ගමනා ගමන මණ්ඩලය, දුම්රිය සහ තැපැල් දෙපාර්තමේන්තුවද ඩිජිටල් තාක්ෂණ මෙහෙයුම් ප්‍රවාහන ක්‍රියාවලියට එක් කරගත යුතු බව ජනාධිපතිතුමා සඳහන් කළේය.

අමාත්‍ය චමල් රාජපක්ෂ, ජනාධිපති ලේකම් පී.බී. ජයසුන්දර යන මහත්වරු ද සාකච්ඡාවට එක් වූහ.

ශ්‍රී ලංකාවට පැමිණීමට අපේක්ෂාවෙන් සිටින විදෙස් ගත ශ්‍රමිකයන් ද කඩිනමින් දිවයිනට ගෙන්වා ගැනීමට රජය කටයුතු කරමින් සිටන බව කාර්මික අපනයන, අයෝජන ප්‍රවර්ධන, සංචාරක හා ගුවන්සේවා ඇමති ප්‍රසන්න රණතුංග මහතා පවසයි. ඔහු පෙන්වා දෙන්නේ දැනටමත් ඔවුන් පිළිබද තොරතුරු රැස් කිරීම විදේශ කටයුතු අමාත්‍යංශය මගින් සිදු කරනු ලබන බවයි.

පසුගිය සතියේ සාක් රටවල සිටින  ශ්‍රී ලාංකික සිසු සිසුවියන් ගෙන්වා ගැනිමට ප්‍රමුඛතාවය ලබා දුන් බවත් සෙසු රට වල සිටින විශ්ව විද්‍යාල සිසු සිසුවියන් ගෙන්වා ගැනීම ඉදිරි දිනවලදී සිදු කෙරෙන බවත් ඇමතිවරයා සදහන් කරයි. එම සිසු සිසුවියන් ගෙන්වන අතරතුරම එම රටවල් වල ශ්‍රී ලංකාවට පැමිනීමට අපේක්ෂාවෙන් සිටින ශ්‍රමිකයන් ගෙන්වා ගැනීම කෙරෙහි රජයේ අවධානය යොමුව තිබේ. ඒ අනුව විදේශ කටයුතු අමාත්‍යංශය ඊට අදාල ඉදිරි පියවර ගනිමින් සිටින බව ඇමතිවරයා සදහන් කරයි.

මේ වන විට විදේශගත ශ්‍රී ලාංකිකය සිසු සිසුවියන් දහසකට අධික පිරිසක් මෙරටට පැමිණ තිබේ. ඔවුන් සියළු දෙනා නිරෝධායන කටයුතු සදහා ආරක්ෂක අංශ විසින් පවත්වාගෙන යනු ලබන නිරෝධායන මධ්‍යස්ථාන වෙත යොමුකර ඇත. මෙලෙස දිවයිනට පැමිණියේ ඉන්දියාව, පාකිස්ථානය, බංගලාදේශය, මාලදිවයින, වැනි රට වල උසස් අධ්‍යාපනය හැදැරීම සදහා ගොස් කෝවිඩ් 19 වසංගතය හේතුවෙන් එම රටවල විශ්ව විද්‍යාල වල සිරව සිටි  සිසු සිසුවියෝයි.

කොවිඩ් 19 වසංගතය හේතුවෙන් ලොව පුරා ගුවන් ගමන් අඩාල වී ඇති අතර ගුවන් තොටුපොල රැසක් වසා දමා තිබේ. මේ නිසා විදේශගත ශ්‍රී ලාංකිකයන් නැවත දිවයිනට ගෙන්වා ගැනීමේදී රාජ්‍ය තාන්ත්‍රික මැදිහත් වීම පවා සිදු කිරීමටද සිදුව තිබෙන බව ඇමති ප්‍රසන්න රණතුංග මහතා පවසයි.

ජනාධිපති ගෝඨාභය රාජපක්ෂ මහතාගේ හා අගමැති මහින්ද රාජපක්ෂ මහතාගේ අදහස වී ඇත්තේ විදේශයන් හි පීඩාවට පත්ව සිටින ශ්‍රී ලාංකිකයන් මෙරටට ගෙන්වා  ගැනීමට හැකි සියලු පියවර ගැනීමයි. මෙලෙස ගෙන්වා ගනු ලබන සියලුම විදේශගත ශ්‍රී ලාංකිකයන් නිරෝධායන මධ්‍යස්ථාන වෙත යොමු කිරීමට ද රජය තීරණය කර තිබේ.

එක් අතෙකින් රට තුළ කෝවිඩ් 19 වසංගතය පැතිර යාම වලක්වන අතරතුරම රටට කෝවිඩ් 19 වසංගතය නැවත ඇතුළු වීම වැලැක්වීමද රජය පියවර ගනිමින් සිටියි. ඒ නිසා මෙම විදේශගත ශ්‍රමිකයන් ගෙන්වා ගැනීම සිදු කල යුතුව ඇත්තේද ක්‍රමානු කූලව බවද ඇමතිවරයා පෙන්වා දෙයි.

මේ දිනවල දෙමව්පියන් විසින් අන්තර්ජාලය හරහා දරුවන් ඉගෙනුම් ඉගැන්වීම් ක්‍රියාවලියට යොමු කිරීමට උනන්දු වීම හේතුවෙන් බොහෝමයක් දරුවන් මෙය අවස්ථාවක් කරගනිමින් අන්තර්ජාලය සහ සමාජ මාධ්‍ය තුළ අනිසි ලෙස හැසිරීමට කටයුතු කරන බවක් ශ්‍රී ලංකා තොරතුරු තාක්ෂණ සංගමයට පෙනීගොස් ඇත.

විශේෂයෙන්ම දෙමව්පියන් තුළ තාක්ෂණය සහ අන්තර්ජාලය පිලිබදව ඇති අනවබෝධය නිසා කුඩා ළමුන් අන්තර්ජාලය තුළ සිදුකරන්නේ මොනවාදැයි කියා නිසි සොයාබැලීමක් සිදු නොකරන නිසා කුඩා ළමුන් ඉතා පහසුවෙන් සයිබර් අපරාධ කරුවන්ගේ ගොදුරක් බවට පත්විය හැකිය.

තවද කුඩා ළමුන් ඔවුන්ගේ නොදැනුවත් භාවය මත අන්තර්ජාලයට සහ සමාජ මාධ්‍ය වෙත එක්කරනු ලබන විවිධ වීඩියෝ පට සහ විවිධ අන්තර්ගතයන් වෙනත් ළමුන් විසින් අනුකරණය කිරීමේ ඉහළ හැකියාවක් තිබෙනා අතර මේ දිනවල එවැනි ආකාරයේ වීඩියෝපට කිහිපයක් සමාජ මාධ්‍ය වෙබ් අඩවි හරහා ඉතා වේගයෙන් සමාජ මාධ්‍ය පරිශීලකයන් අතර සංසරණය වේ.

මෙම තත්ත්වය පිලිබදව අවධානය යොමු කිරීමට කටයුතු කරනා ලෙස අප කාන්තා හා ළමා කාර්යංශයෙන් ඉල්ලා සිටින අතර කුඩා දරුවන් අන්තර්ජාලය භාවිතා කරමින් සිදුකරන්නේ මොනවාදැයි කියා නිරන්තරයෙන් සොයාබැලීමට කටයුතු කරන ලෙස අප ශ්‍රී ලංකා තොරතුරු තාක්ෂණ සංගමය ලෙස දෙමව්පියන්ට දැනුම් දෙමු.

අඩු පාඩු සහ මගහැරීම් සැලකිල්ලට ගනිමින් කොරෝනා වෛරසය රට තුළ මර්දනයට ගෙන ගිය වැඩපිළිවෙළ සාර්ථක කරගත යුතුව ඇතැයි ජනාධිපති ගෝඨාභය රාජපක්ෂ මහතා අවධාරණය කරයි.

රජය වෛරසය මර්දනයට ගත් ක්‍රියාමාර්ග ලොව සියලු රටවල් අභිබවා ඉදිරියෙන් ඇති බව වසංගත රෝග පිළිබඳ ලොව ප්‍රධාන පෙළේ ප්‍රවීණයෙකු වන හොංකොංහි වෙසෙන විශේෂඥ වෛද්‍ය මහාචාර්ය මලික් පීරිස් මහතා පෙන්වා දී ඇතැයි වෛද්‍යවරු පැවසූහ.

ඊට දායක වූ සෞඛ්‍ය හා ආරක්ෂක අංශ ඇතුළු සෙසු සියලු කණ්ඩායම් ඇගයීමට ලක් කළ ජනාධිපතිවරයා එම තත්ත්වය තවදුරටත් ආරක්ෂා කරගනිමින් පවත්වා ගත යුතු බව සඳහන් කළේය. වෛරසය මර්දනයේදී ජනතාව කණ්ඩායම් වශයෙන් ජීවත්වන ප්‍රදේශ සහ විශේෂිත වූ පිරිස් පිළිබඳව පොදු ක්‍රමයෙන් බැහැරව සැලසුම් සකස් කිරීමේ අවශ්‍යතාවද ජනාධිපතිවරයා අවධාරණය කළේය.

නාවික හමුදාවේ 997 දෙනෙකු PCR පරීක්ෂණයට යොමු කර ඇත. ඉන් වෛරසය ආසාධිත බවට තහවුරු වී ඇත්තේ 159 දෙනෙකු පමණි. ඔවුන්ගෙන් 80%ක් කිසිදු රෝග ලක්ෂණයක් පෙන්වා නැත. ඊට හේතුව ප්‍රතිශක්තීකරණ හැකියාව බව වෛද්‍යවරු පෙන්වා දෙති. ජනතාවගේ ද ප්‍රතිශක්තීකරණ වර්ධනයට දේශීය ඖෂධ මඟින් ලබාගත හැකි දායකත්වය පුළුල් වශයෙන් අධ්‍යනය කළ යුතුව ඇතැයි ජනාධිපතිවරයා පැවසීය.

දේශීය වෛද්‍යවරුන්ගේ සහ බටහිර වෛද්‍යවරුන්ගේ මැදිහත් වීමෙන් ඒ  සඳහා මේ වන විටත් පරීක්ෂණ සිදු කෙරෙමින් පවතී. වෛරසය මර්දනයට එන්නතක් සොයාගන්නා තෙක් ඉන් මිදීමට මෙහි ඇති වැදගත්කම ජනාධිපති සහ අගමැති පෙන්වා දුන්හ.

දැනටමත් වෛද්‍යවරු මෙන්ම වෛරසය මර්දනයට දායක වී සිටින ආරක්ෂක අංශ ඖෂධ දූමායනය මෙන්ම කැඳ පානය කෙරෙහි විශේෂ අවධානයක් යොමුකර ඇති බවද සාකච්ඡාවේදී සඳහන් කෙරිණ.

ආයතන පවත්වාගනෙ යාමේදී රජය ලබා දී ඇති නිර්දේශ ක්‍රියාත්මක වන්නේද යන්න පිළිබඳව දැඩි ලෙස අවධානය කළ යුතු බව ජනාධිපතිවරයා අවධාරණය කළේය. නොකළ යුතු දෑ අවබෝධ කරගෙන සාමාන්‍ය ජීවිතය පවත්වාගෙන යා යුතුය. සියලු පාර්ශ්ව ඒ සඳහා වගකීමෙන් ක්‍රියාකිරීමට බැඳී සිටින බවද ජනාධිපතිවරයා පැවසීය.

ඇඳිරි නීති කාලසීමාවේදී ළමයින්ගේ මානසික සුවතාවය ආරක්ෂා වන අයුරින් වැඩිහිටියන් ක්‍රියාකිරීමේ වැදගත්කම අග්‍රාමාත්‍ය මහින්ද රාජපක්ෂ මහතා දීර්ඝ ලෙස පෙන්වා දුන්නේය.

මේ වන විට විසි එක්දහසකගේ (21,000) PCR  පරීක්ෂණ සිදු කර ඇත. ඉන් වෛරසය ආසාධිත බවට තහවුරු කරගෙන ඇත්තේ 3%ක පිරිසකගේය. මෙය රජය ගෙන ගිය නිරෝධායන වැඩපිළිවෙළේ සාර්ථක පැතිකඩක් බව වෛද්‍යවරු පැවසූහ. තවදුරටත් පර්යේෂණ කිරීමට අවශ්‍ය පරීක්ෂණ කට්ටල රට තුල නිෂ්පාදනය කිරීම අරඹා ඇත. එය මෙරට සෞඛ්‍ය කේෂ්ත්‍රය අත්කර ගත් සුවිශේෂි ජයග්‍රහණයකි. එම නිෂ්පාදන ප්‍රවර්ධනයට බලපාන අඩුපාඩු දැනුම් දෙන ලෙස ජනාධිපතිවරයා පැවසීය.

වෙළෙද පොළෙහි අලෙවි කිරීමට ඇති විෂබීජහරණයට යොදාගන්නා රසායනික ද්‍රව්‍යවල ප්‍රමිතිය කෙරෙහි  අවධානය යොමු කරන ලෙස ද වෛද්‍යවරු ඉල්ලා සිටියහ. නිරෝධායන ක්‍රියාවලියට දායක වී සිටින සෞඛ්‍ය සහ ආරක්ෂක අංශවල භාවිතයට ගැනෙන විශේෂිත වූ ඇගළුම් කට්ටලවල ප්‍රමිතිය ද විමර්ශනය කරන්නැයි ජනාධිපතිවරයා දැනුම් දුන්නේය.

සෞඛ්‍ය ඇමතිණි පවිත්‍රා වන්නිආරච්චි, ජනාධිපති ලේකම් පී.බී. ජයසුන්දර, අග්‍රාමාත්‍ය ලේකම් ගාමිණී සෙනරත්, ආරක්ෂක ලේකම් කමල් ගුණරත්න, සෞඛ්‍ය ලේකම් භද්‍රාණී ජයවර්ධන, ආරක්ෂක මාණ්ඩලික ප්‍රධානී සහ ත්‍රිවිධ හමුදාපතිවරු, වැඩබලන පොලිස්පතිතුමා සහ විශේෂඥ වෛද්‍යවරු ඇතුළු කොරෝනා මර්දන කාර්ය සාධන බලකායේ සාමාජිකයෝ සාකච්ඡාවට එක්ව සිටියහ.

රජයේ වෛද්‍ය නිලධාරීන්ගේ සංගමය විසින් සිදුකළ ප්‍රකාශ දෙරණ මාධ්‍ය ජාලය යටතේ ඇති ‘අරුණ පුවත්පත‘ විසින් විකෘති  කර පළ කර ඇති බවට රජයේ වෛද්‍ය නිලධාරීන්ගේ සංගමය චෝදනා කරනවා. ඒ සම්බන්ධව රජයේ වෛද්‍ය නිලධාරීන්ගේ සංගමය විසින්  අරුණ පුවත්පතේ ප්‍රධාන කර්තෘ වන කුල ශ්‍රී  කාරියවසම් වෙත ඊයේ (29) ලිඛිතව දැනුම් දී තිබෙනවා.

මීට දින කිහිපයකට පෙරද රජයේ වෛද්‍ය නිලධාරීන්ගේ සංගමය දෙරණ මාධ්‍ය ජාලයේ දෙරණ රූපවාහිනී නාලිකාවේ මාධ්‍යකරුවෙකු වන චතුර අල්විස් නැමැත්තාට ද මේ ආකාරයෙන්ම චෝදනා කරමින් එහි ප්‍රධාන විධායක නිලධාරියාට ලිඛිත පැමිණිල්ලක් කළා.

ඊයේ රජයේ වෛද්‍ය නිලධාරීන්ගේ සංගමය අරුණ ප්‍රධාන කතුවරයාට යොමු කළ ලිපිය සම්පූර්ණයෙන්ම පහත පළ වෙනවා.