Category: සුපිරි Walks

අද මේ මාධ්‍ය සාකච්ඡාව විශේෂයෙන් පවත්වන්නේ වර්තමාන අගමැති මහින්ද රාජපක්ෂ මහත්මයා නිකුත් කළ නිවේදනයකින් ජනතා විමුක්ති පෙරමුණත් සම්බන්ධ කරගෙන අමූලික බොරු කරුණු දැක්වීමක් පිළිබඳව අපේ පැත්තෙන් නිවැරදි තොරතුරු එළිකරන්න.

2015 පැවති ආණ්ඩුව ජිනීවා මානව හිමිකම් කොමිසමට ඇමෙරිකා එක්සත් ජනපදයත් එක්ක සම අනුග‍්‍රහයෙන් ඉදිරිපත් කළ යෝජනාවට ජනතා විමුක්ති පෙරමුණත් සහයෝගය දක්වන ලද බවට අමූලික බොරුවක් ප‍්‍රචාරය කර තිබුණා. මෙම අසත්‍ය ප‍්‍රකාශය අපි තරයේ ප‍්‍රතික්ෂේප කරන අතර, මෙබඳු බොරු නිර්මාණය කර ප‍්‍රචාරය කිරීම පිළිබඳ දැඩි විරෝධය පළ කරනවා.

වර්තමාන හමුදාපති ශවේන්ද්‍ර සිල්වා මහතාට ආමෙරිකාවට ඇතුල්වීම තහනම් කිරීම පදනම් කරගෙන ඒ තත්වය මතු වුණේ 2015 මානව හිමිකම් කොමිසමට ඉදිරිපත් කළ යෝජනාව නිසා බවත් ඊට එක්සත් ජාතික පක්ෂය සමග ජනතා විමුක්ති පෙරමුණත්, ද්‍රවිඩ ජාතික සන්ධානයත් සහයෝගය දුන් බවටත්, වගකිම් විරහිත ප‍්‍රකාශකර තිබෙනවා. අනික් අය සම්බන්ධයෙන් අපිට වගකීමක් දරන්න බැහැ. ජනතා විමුක්ති පෙරමුණ පිළිබඳව ඔහු ඒ ඉදිරිපත් කර තිබෙන අදහස් සියල්ලම සාවද්‍ය තොරතුරු. එනිසා අපේ විරෝධය පළ කරන ගමන්, මේ වගකිම් විරහිත ප‍්‍රකාශය හෙළා දකිනවා.

අවුරුදු 5කට කළින් ඉතිහාසය මහින්ද රාජපක්ෂ මහත්තයාට අමතක වෙලා නැතිව ඇති කියලා අපි හිතනවා. මතක තියෙද්දී තක්කඩිකමක් කරනවා කියලයි අපි හිතන්නේ. 2015 සැප්තැම්බර් මාසයේ මානව හිමිකම් කොමිසම ජිනීවාවල රැුස්වුණු වෙලාවේ ඇමෙරිකා එක්සත් ජනපදය තමන්ගේ යෝජනාවක් ලංකාවේ එවකට තිබුණු හවුල් ආණ්ඩුවේ සම දායකත්වයෙන් ඉදිරිපත් කළා. ජනතා විමුක්ති පෙරමුණ ඒ ආණ්ඩුවේ කොටස් කාරයෙක් නොවෙයි. අනෙක් පැත්තෙන් ඒ සම දායකත්වය දක්වන්න ආණ්ඩුව ඉදිරිපත් වීම ගැන අපේ විරෝධය පළ කළා. ඒ සම්බන්ධයෙන් පැවැත්වූ ප‍්‍රවෘත්ති සාකච්ඡුාවලදී අපි දැක්වූ අදහස් ඔබේ මාධ්‍ය ආයතනවල සුරක්ෂිතව ඇති කියලා හිතනවා.

මුලින්ම 2015 සැප්තැම්බර් 22 මේ සම්බන්ධයෙන් පළවැනි මාධ්‍ය හමුව පවත්වමින් ආණ්ඩුව ගන්නා මෙම කි‍්‍රයාමාර්ගයේ බරපතළ වැරැුද්ද පිළිබඳව පැහැදිලි කළා. අනාගතයේ බරපතළ අනතුරු ගණනාවක් ඒ නිසා නිර්මාණය කෙරෙන බව රටට කිව්වා. ඊට පස්සේ 2015 ඔක්තෝබර් මාසයේ 04 වැනිදා දෙවැනි මාධ්‍ය හමුවක් පවත්වමින් මේ තත්වය නැවත අවධාරණය කළා. ඊටත් අමතරව මේ කරුණු පිළිබඳව දීර්ඝ ලෙස පැහැදිලි කරමින් 2015 ඔක්තෝබර් 13 වැනිදා කොළඹ මහජන පුස්තකාල ශ‍්‍රවනාගාරයේදී ”ජිනීවා ඊයේ අද සහ හෙට” කියලත් දේශනයක් පැවැත්වූවා. ඊට අමතරව පාර්ලිමේන්තුවෙත් කතා කරලා තියෙනවා. මේ සියලූ අවස්ථාවලදී ඉතා පුළුල් ලෙස අපේ ස්ථාවරය පැහැදිලි කරමින් රට හමුවේ කරුණු හෙළිකළා.

මේ වෙලාවේ අගමැති මහින්ද රාජපක්ෂ මහත්මයා වගකීම් විරහිතව එවකට පැවති ආණ්ඩුව සම දායකත්වයෙන් ඉදිරිපත් කළ ජිනීවා යෝජනාවට ජනතා විමුක්ති පෙරමුණ සහිත ආණ්ඩුවක් ලෙස නම්කර, ඒ යොජනාව අනුමත කළා කීම මහින්ද රාජපක්ෂ මහත්තයාගේ තනතුරට, වයසට අනුව කටයුතු කිරීම ගැන නැවත හෙළා දකිනවා. යුද්ධය අවසන් වන විට තිබුණු මහින්ද රාජපක්ෂ මහත්තයාගේ ආණ්ඩුවටත් ඊට පස්සේ බලයට පත්වුණු හවුල් ආණ්ඩුවටත් අපේ ස්ථාවරය පැහැදිලි කරමින් බලකර සිටියේ එක්සත් ජාතීන්ගේ මානව හිමිකම් කොමිසම ලංකාවට විරුද්ධව නිර්මාණය කෙරෙන අහිතකර යෝජනාවලින් ගැලවීමේ මාර්ග ගැනයි. ලංකාව තුළ මානව හිමිකම් රැුකීම, ප‍්‍රජාතන්ත‍්‍රවාදය ආරක්ෂා කිරීම, වගේම යුද්ධයෙන් පීඩාවට පත්වුණු අයට ඇහුම්කන් දීලා, ඔවුන්ට සහන දීලා, යුද්ධයෙන් සිදුවුණු තුවාල සුවපත්කරන්න වහාම කි‍්‍රයාත්මක විය යුතු බවයි. මානව හිමිකම් කඩවීම් ගැන චෝදනා තිබෙනවා නම්, ලංකාව තුළ පරීක්ෂණ පවත්වලා ලංකාවේ නීතියට අනුව කටයුතු කරනවා මිස, අපේ රටේ අභ්‍යන්තර ප‍්‍රශ්නවලට විදේශ බලවේගයන්ගේ මැදිහත්වීම වළක්වන ලෙසයි, අපි ආණ්ඩුවට බල කළේ.

ඒ නිසා ඔය කිසිම ගිවිසුමකට, යෝජනාවකට අත්සන් කරන්න අපි සම්බන්ධ වෙලා නැහැ. දෙමුහුන් උසාවි හදන්න ඉඩ නොදිය යුතු බව අපි අවධාරණය කළා. ඇමෙරිකාව ඇතුළු අධිරාජ්‍යවාදී බලවේග මේ රට තුළ අභ්‍යන්තර ප‍්‍රශ්නවලට අත පෙවීමට සියලූ මාර්ග පක්ෂයක් ලෙස අධ්‍යයන කර, එය වළක්වා ගන්න ඕනෑ කරන බලපෑම් පැවති ආණ්ඩුවලට අපි දිගටම සිදුකළා. මහින්ද රාජපක්ෂ මහත්තයා සහ ඔහු වටේ ඉන්නා අයට යළිදු සිහිපත් කිරීමක් සඳහා අතීතය සිහිපත්කර විය යුතුයි. 2015 සැප්තැම්බර් මාසයේ ජිනීවා මානව හිමිකම් කොමිසමට ඇමෙරිකාව එක්ක සම අනුග‍්‍රාහකත්වයෙන් යෝජනා ඉදිරිපත් කළ, ආණ්ඩුවේ සංයුතිය මොකක්ද? මහින්ද රාජපක්ෂ මහත්තයා සිහිබුද්ධියෙන් ඉන්න වෙලාවක කල්පනා කරලා බලන්න, කියලා අපි අවධාරණය කරනවා. එවකට ජනාධිපතිවරයා කවුද? මෛතී‍්‍රපාල සිරිසේන මහත්තයා. අගමැති රනිල් වික‍්‍රමසිංහ මහත්තයා. එදා හිටි ඇමති මණ්ඩලයේ විශාල පිරිසක් අද මහින්ද රාජපක්ෂ මහත්තයත් එක්ක ඉන්නවා.

ජනාධිපතිවරයා හැටියට එක්සත් ජාතීන්ගේ මහා මණ්ඩලය ආමන්ත‍්‍රණය කරන්න නිව්යෝර්ක් නුවරට මෛතී‍්‍රපාල මහත්තයා ගිහින් ආවා. ඒ එනකොට අද මහින්ද රාජපක්ෂ මහත්තයාත් එක්ක ඉන්න ඇමතිවරු එදා කටුනායකට ගිහින් පිළිගත්තේ ”රට බේරා ගත්තු නායකයා” කියලා. ඒ ජනාධිපති දැන් කොහේද ඉන්නේ ? මහින්ද රාජපක්ෂ මහත්තයලා අලූතින් හදාගත්තු පක්ෂයේ සභාපති වෙලා ඉන්නවා. මහින්ද මහත්තයා නායකයා, දෙවැනියා හැටියට ඒ කියන්නේ සභාපති හැටියට මෛතී‍්‍රපාල මහත්තයා ඉන්නවා. ඒ වගේම ඒ යූ.එන්.පී. ශී‍්‍ර ලංකා ආණ්ඩුවේ හිටිය දැන් මේ වෙලාවේ මහින්ද රාජපක්ෂ මහත්තයා වටේ ඉන්න නිමල් සිරිපාල සිල්වා මහත්තයලා, එස්.බී. දිසානායක මහත්තයලා, දුමින්ද දිසානායක මහත්තයලා, මහින්ද අමරවීර මහත්තයලා, ඩිලාන් පෙරේරා මහත්තයලා, දයාසිරි ජයසේකර මහත්තයලා, ඇතුළු මුළු නඩයම ඒ ආණ්ඩුවේ කැබිනට් ඇමතිවරු. ඒගොල්ලෝ තමයි මේ යෝජනාව අනුමත කළේ.

මේ හැමෝම දැන් ඉන්නේ රාජපක්ෂ මහත්තයා අලූතින් අටවා ගත්තු සන්ධානයේ. එදා ඒ අය කළේ පාවාදීමක් නම්, ඒ අයට තමන්ගේ අලූත් සන්ධානයේ තනතුරු දී ගෙන, ඒ යෝජනාවට කිසිම සම්බන්ධයක් නැති ජනතා විමුක්ති පෙරමුණට චෝදනා කරන එක අතිශය බරපතළ කාරණයක්. මේක දේශපාලන තක්කඩිකමක්. අපේ රටට විදේශ මැදිහත්වීම සඳහා පාර කපන පළවෙනි පියවර ගත්තේ මහින්ද රාජපක්ෂ මහත්තයලා බව ඒ අයටත්, ඒ අය වෙනුවෙන් ලියන කියන මහත්තුරුන්ට සිහිපත් කරලා දෙන්න ඕනෑ. 2009 යුද්ධය අවසන් වන විටම එවකට එක්සත් ජාතීන්ගේ මහා ලේකම්ව සිටි බෑන්කී මූන්ට ලංකාවට එන්න කියලා ආරාධනා කළේ මහින්ද රාජපක්ෂ මහත්තයා. ඒ අනුව මහා ලේකම්වරයා ලංකාවට ආවා. ඒ මැයි මාසයේ 22 එතුමත් එක්ක මහින්ද රාජපක්ෂ මහත්තයා ඒකාබද්ධ ප‍්‍රකාශයකට අත්සන් කළා. ඒකාබද්ධ ප‍්‍රකාශයෙන් ආරාධනා කළා, එක්සත් ජාතීන්ගේ මානව හිමිකම් කොමිසමේ එවකට සිටි නවනීදන් පිල්ලේ සභාපතිවරියට ලංකාවට එන්න කියලා.

ලංකාවේ මානව හිමිකම් රකින බවටත්, යුද්ධය අවසාන සමයේ කරුණු සොයා බලන බවටත්, ප‍්‍රජාතන්ත‍්‍රවාදය තහවුරු කරන බවටත්, ඇතුළු කොන්දේසි ගණනාවකට ඒකාබද්ධ ප‍්‍රකාශයෙන් එකඟ වුණා. නමුත් බෑංකී මූන්ට පොරොන්දු වූ කිසිවක් ඒ මහින්ද රාජපක්ෂ ආණ්ඩුවෙන් ඉටුකළේ නැහැ. මේ නිසා පොරොන්දු ඉටු නොකිරීම ගැන සොයන්න දරුස්මාන් කමිටුව පත්කළා. දරුස්මාන් කමිටුවෙන් ලංකාවට හානිකර වාර්තාවක් නිකුත් කළා. මෙවැනි වාර්තාවක් නිකුත් කරන්න ඉඩ හැදුවේ මහින්ද රාජපක්ෂ මහත්තයලා. ඒ නිසා මේ ගොල්ලෝ දිගින් දිගටම එක්සත් ජාතීන්ගේ මහා ලේකම්වරයාට අත්සන් කරදුන් කොන්දේසි කඩකළා. මේ තත්වය ඇමෙරිකාව ඇතුළු අධිරාජ්‍යවාදීන් වගේම එක්සත් ජාතීන්ගේ සංවිධානයත් ලංකාවට විරුද්ධව පාවිච්චි කළා. මහින්ද රාජපක්ෂ මහත්තයාගේ ආණ්ඩුවෙන් පස්සේ බලයට පත්වුණු හවුල් ආණ්ඩුවත් ඒ තත්වය දිගටම පවත්වාගෙන ගියා. යුද්ධයෙන් ඇතිවුණු තුවාල සුවකරන්න හවුල් ආණ්ඩුවත් මැදිහත් නොවී එක්සත් ජනපදයට සහ අධිරාජ්‍යවාදී ආයතනවලට මේ රටට ඇඟිල් ගහන්න අවස්ථාව දිගටම ලබාදුන්නා. මේ නිසා දිගින් දිගටම එන විදේශ ඇඟිලි ගැහීම්වලට මහින්ද රාජපක්ෂ මහත්තයලාගේ ආණ්ඩුව පාර කපා දුන්නා.

මේ සමස්ත ඉතිහාසය වළදාලා දැන් හදිසියේ ජනතා විමුක්ති පෙරමුණට චෝදනා ඉදිරිපත් කරන්නේ මහින්ද රාජපක්ෂ මහත්තයාගේ සිහිය අවුල්වෙලා නොවෙයි. වෙන දේශපාලන උප්පරවැට්ටියකට. ශවේන්ද්‍ර සිල්වා මහත්තයාට එක්සත් ජනපදයට ඇතුල්වීම තහනම් කිරීමට විරෝධය පළ කරමින්, සම අනුග‍්‍රාහකත්වයෙන් ඉදිරිපත් කළ යෝජනාවෙන් ඉවත් වුණාට මේ යෝජනාව අවලංගු වන්නේ නැහැ. මේ වෙනකොටත් එක්සත් ජනපදය මානව හිමිකම් කොමිසමෙන් අයින්වෙලා. මහින්ද මහත්තයලා මෙහෙන් සම අනුග‍්‍රාහකත්වයෙන් අයින් වෙන බව නිවේදනය කළාට, යෝජනාව අහෝසි වන්නේ නැහැ. මහින්ද මහත්තයාගෙන් අපි අහන්නේ අපි අභියෝග කරන්නේ මේ යෝජනාව ඉවත් කර ගන්නා කි‍්‍රයාමාර්ග රටට හෙළිකරන්න කියලයි. ඒ වගේම එක්සත් ජනපදයට විරෝධය පළ කරන්න මේ නිවේදන නිකුත් කරනවා වෙනුවට ගෝඨාභය රාජපක්ෂ මහත්තයලාගේ පවුලේ අයට එක්සත් ජනපදයේ තියෙන පුරවැසිකම් අත්හරින්න කියලා අභියෝග කරනවා. බැසිල් රාජපක්ෂ මහත්තයාට සහ පවුලේ අයට එක්සත් ජනපදයේ තිබෙන පුරවැසිකම් අත්හරින්න කියලා අභියෝග කරනවා. එක්සත් ජනපදයට රිදෙන වැඩ ඒවානේ. ජනාධිපති පවුලේ කට්ටියගේ එක්සත් ජනපද පුරවැසිකම් අත්හරින්නේ නැහැ. ඒගොල්ලන්ගේ පක්ෂයේ ලේකම් බැසිල් රාජපක්ෂ මහත්තයාගේ ඇමෙරිකානු පුරවැසිකම් අත්හරින්නේ නැහැ. ඒ පුරවැසිකම් ආරක්ෂාකර ගනිමින් මෙහේ ජනතාවට එක එක ජාතියේ කතා කියලා බොරු වීරයෝ වෙන්න උත්සාහ කරමින් ඉන්නවා.

එහෙම නැත්නම් මහින්ද මහත්තයා ලෑස්තිද ඔය විරෝධය පළ කරළා, එක්සත් ජනපදය සමග අත්සන් කළ ‘ඇක්සා’ ගිවිසුම ඉරාදාන්න. 2007 මාර්තු මාසයේ ලංකාවට අහිතකර ඇක්සා ගිවිසුමක් අත්සන් කළේ එවකට ආරක්ෂක අමාත්‍යාංශයේ ලේකම්, ගෝඨාභය රාජපක්ෂ මහත්තයායි, ලංකාවේ හිටි ඇමෙරිකානු තානාපති රොබට් ඕ බ්ලේක් මහත්තයායි. එක්සත් ජාතික පක්ෂය වසර 10කට පස්සේ ඒ ගිවිසුම දීර්ඝ කළා. එක්සත් ජනපදය මේ කලාපයේ සිදුකරන යුධමය මැදිහත්විම්වලදී අපේ රටේ භූමිය සහ පහසුකම් සලසන්න බැඳිලා ඉන්නේ ඇක්සා ගිවිසුම නිසයි. එහෙම නම් ඒ ගිවිසුම ඉරාදාන්න. අනික් පැත්තෙන් ඡුන්දය කාලේ ලොකුවට කෑ ගහපු ඵක්‍ක්‍ ගිවිසුම අත්සන් නොකරන බවට ප‍්‍රකාශ කරන ලෙසත් අපි කියනවා. එහෙම කියන්නෙත් නැහැ. ඒක අත්සන් කරන්න හොරගල් අහුල අහුල ඉන්නවා. රට පාවාදීපු අලූත් පාවා දීමේ ගිවිසුම් අත්සන් කරන්න පෙරුම් පුරමින් ඉන්න ගමන් ජනතා විමුක්ති පෙරමුණට චෝදනා කිරීම තක්කඩි දේශපාලන කි‍්‍රයාවක්.

ආණ්ඩුව මේ කරමින් යන්නේ ඉදිරි මහා මැතිවරණයට අලූතින් තුරුම්බුවක් සෙවීම. ජනාධිපතිවරණය කාලේ කියූ බේගල් දැන් අතේ පත්තුවෙලා තියෙන්නේ. ජනාධිපතිවරණයට කලින් දැවැන්ත මුස්ලිම් විරෝධයක් නිර්මාණය කළා. නමුත් දැන් මද්‍රාසා පාසල් ලියාපදිංචි කරන්න, ශරියා විශ්විවිද්‍යාල පවත්වාගෙන යන්න කටයුතු කරමින් ඉන්නවා. සායින්දුමරුදුවලට වෙනම නගර සභාවක් දෙන්න ගැසට් කරලා ආයෙ ඒක තාවකාලිකව ඉවත් කරනවා. වතුකම්කරුවන්ට රුපියල් 1000/ක වැටුපක් දෙනවා කිව්වාට ඒකත් කි‍්‍රයාත්මක කරන්නේ නැහැ. ජනතාවට සහන දෙන්න බැරිවෙලා. ජනාධිපතිවරණය කාලේ දීපු පොරොන්දු ඔක්කොම කඩකර ඇති නිසා, ශවේන්ද්‍ර සිල්වා මහත්තයාගේ සිදුවීම මුල්කරගෙන මාර්තු මාසයේ එක්සත් ජාතීන්ගේ මානව හිමිකම් කොමිසම රැුස්වෙන වෙලාවේ පරණ සිද්ධියක් මතුකරලා බොරු දේශපේ‍්‍රමයක් අවුස්සාගෙන මැතිවරණයට යන්න සැලසුම් කරමින් ඉන්නවා. මහින්ද රාජපක්ෂ මහත්තයලා දේශපේ‍්‍රමී කතා කිය කියා ඡුන්ද කීයක් දිනුවාද? විදුලි පුටුවක් ගැන කියලා ඡුන්ද කීයක් දිනුවාද? සහරාන්ගේ පාස්කු ප‍්‍රහාරය වගේම ඵක්‍ක්‍ ගිවිසුමත් මේ පාර නෑනේ. ඒ නිසා හොයන අලූත් තුරුම්බුව විදිහට ජනතා විමුක්ති පෙරමුණට අවලාද නගනවා. ඒ වෙනුවෙන් ඒ ගොල්ලෝ සැලසුම් කරලා තිබෙන්නේ ජේ.වී.පි. , යූ.එන්.පි., ටී.එන්.ඒ. එක පිලක් වශයෙන් ජනතාවට හුවා දක්වන්නයි. ඒ ගොල්ලෝ රට රකින දේශපේ‍්‍රමීන් හැටියටත් ජනතා විමුක්ති පෙරමුණ යූ.එන්.පී. ගොඩට දාලා දේශද්‍රෝහීන් කරන්නත් සැලසුම් කරලා. අපි ඉතා පැහැදිලිව කියන්නේ එක්සත් ජාතික පක්ෂයත් එක්ක වෙන ඕන කෙනෙක් එකට වැඩ කරන්න. නමුත් අපි ඒ ගොඩට දාන්න ලෑස්තිවෙන්න එපා කියලයි. ජනතා විමුක්ති පෙරමුණ කවදාවත් එක්සත් ජාතික පක්ෂය ගොඬේ ඉඳලත් නැහැ, ඉන්නෙත් නැහැ. අපිට වෙන දේශපාලන ගමනක් තිබෙනවා.

හැබැයි එක්සත් ජාතික පක්ෂයත් එක්ක හිටපු, අවුරුදු 5ක් තිස්සේ රට පාලනය කරපු, ජනාධිපතිකම් කරපු අය තමන්ගේ ගොඩට අරගෙන ඊට කිසිම සම්බන්ධයක් නැති අපිව, ඒ පැත්තට ප‍්‍රහාර එල්ල කරන්නේ ඊළඟ මහා මැතිවරණය ඉලක්ක කරගෙන. මැතිවරණය දිනන්න තුරුම්බු සොයා ගන්නයි. ජනතා විමුක්ති පෙරමුණ සමග ජාතික ජන බලවේගය ඉදිරියට එමින් තිබෙනවා. සහන අහිමි වුණු, වැටුප් කප්පාදු වුණු, විශ‍්‍රාම වැටුප කප්පාදුවට ලක්වුණු, සේවක අර්ථ සාධක අරමුදල බේරාගන්න එක්වුණු, වැඩකරන පන්තියේ ජනතාව අපි වටා එක්වෙමින් සිටිනවා. ජනතාව මේ ඒකරාශී වීම වට්ටන්න ජනමාධ්‍යයත් එකතු කරගත්තු ප‍්‍රචාරයක් ජනතා විමුක්ති පෙරමුණට විරුද්ධව, ආරම්භ කර තිබෙනවා. ඇත්තටම රටට ද්‍රෝහී වුණු කණ්ඩායම් හවුලක් විදිහට එකතු වෙලා ඊනියා දේශපේ‍්‍රමී විදිහට ප‍්‍රචාරයන් සිදුකරනවා. ඉතිහාසය ඒගොල්ලන්ට අමතක වුණාට අපට අමතක නැහැ. ඡුන්දයට වාසි ගන්න බලාගෙන මහින්ද මහත්තයා නිකුත් කර තිබෙන මේ නිවේදනයේ අඩංගු කරුණු අපි හෙළාදකින බව නැවතත් කියනවා. එක්සත් ජනපදයට ගැතිවී පුරවැසිකම් ලබාගෙන මේ රට තුළ බොරු දේශපේ‍්‍රමය පතුරුවන බංකොලොත් මතවාදයට නොරැුවටෙන ලෙස අපි ජනතාවගෙන් ඉල්ලා සිටිනවා.

මෛතී‍්‍රපාල සිරිසේන මහත්තයා ශී‍්‍ර ලංකා නිදහස් පක්ෂයෙන් ඉවත්වෙලා ජනාධිපතිවරණයට ඉදිරිපත් වුණු වෙලාවේ අපහාස කළ පිරිස වගේම ඒ අපහාස කිරීමේදී අත්පුඩි ගහපු කට්ටියකුත් ඉන්නවා. මේ හැමදෙනාටම ඒ බව අමතක වෙලා මෛතී‍්‍රපාල මහත්තයා ජනාධිපති වුණාම මහින්ද රාජපක්ෂ මහත්තයලාගේ පවුලේ අයට විවිධ අපහාස උපහාස කළ අයත් ඒවා අනුමතකරමින් අත්පුඩි ගහපු පිරිසකුත් හිටියා. අලූත් පක්ෂයක් හැදුවොත් එහෙම මහ පාරේ ඇවිද්දවනවා කියපු අයත් ඒකට අත්පුඩි ගහපු අයත් මේ ඔක්කොමලා දැන් විලිලැජ්ජා නැතිව එකට එකතු වී ඉන්නවා. අපේ රටේ ලැජ්ජාව නැත්තේ මහින්ද මහත්තයාටයි, මෛතී‍්‍රපාල සිරිසේන මහත්තයාට විතරක් නොවේ. ඒ අත්පුඩි ගහපු අයටත් මේ දේශපාලන සංස්කෘතිය විසින් ලැජ්ජාව නැතිකරලා තියෙන්නේ. අපේ රටේ විනාශ කළ දේශපාලන සංස්කෘතිය ආපහු ගොඩනගන්න වගකීමක් ජනතාවට තිබෙනවා. වැරැද්දක් කළාම කවුරු කළත් වැරැද්දක් බව කියන, හොඳ වැඩක් කළාම කවුරු කළත් හොඳයි කියන සංස්කෘතියක් බිහි කළේ නැත්නම් මේ නාඩගම්, විගඩම් දිගටම කරගෙන යාවි. තමන්ගේ බැරිකම් අනුන්ට අවලාද නැගීමෙන්, මඩ ගැසීමෙන් වසන්කරගන්න උත්සාහ කරාවි.

අපි ජනතාවට අවධාරණය කරන්නේ ජනතා විමුක්ති පෙරමුණ කිසිදවසක මේ රටේ ස්වෛරීත්වයට, ස්වාධීනත්වයට එරෙහිව අබමල් රොණක හානියක් කර නැති බවයි. අපි ජීවිත පරිත්‍යාගයෙන් මේ රට වෙනුවෙන් කි‍්‍රයාකර තිබෙනවා. හැම ජන කොටසකටම අයිතිවාසිකම් ලබාදී මානව හිමිකම් සුරැුකිය යුතුයි කියන ස්ථාවරයේත් අපි ඉන්නවා. හැමෝටම සාධාරණය ඉෂ්ට වෙන්න ඕනෑ. ඒ සියල්ල වෙනුවෙන් පෙනී සිටින අතරම, රටට එරෙහිව එන ඕනෑම බලවේගයකට විරුද්ධව කොන්දේසි විරහිතව කි‍්‍රයාකරනවා. අපි ජනතාවට කියන්නේ මේ රටට හානිකර ගිවිසුම් අත්සන් කළ මේ රටේ සම්පත් කොල්ලකෑමට සහ විකුණා දැමීමට කි‍්‍රයාකළ අය නඟන සාහසික, නින්දිත අවලාද ප‍්‍රතික්ෂේප කරමින් සත්‍යය වෙනුවෙන් පෙළ ගැසෙන්න කියලයි.

මාධ්‍යවේදින් නැගූ ප‍්‍රශ්නවලට විජිත හේරත් සහෝදරයා පිළිතුරු දෙමින්…
ආණ්ඩුව බලයට පත්වුණු ගමන් බදු අඩුකරන බව කීවා. මේ නිසා අපේක්ෂිත ආදායම බිලිය 484ක් අහිමිවෙලා කියලත් කිව්වා. සල්ලි තියෙන නිසා බදු අඩුකරන බව කියලා, දැන් සල්ලි නෑ කියන්නේ දෙබිඩි බවක්. ඡුන්දය බලාගෙන වියදම් කරන්න සල්ලි හොයාගන්න අතුරු සම්මත ගිණුම් ඉදිරිපත්කර, ආයෙත් හකුළා ගත්තා. ඇත්තටම මේ ගිණුම් අනුමත කරගන්න ඕන කමක් ආණ්ඩුවට තිබුණු බවක් පෙණුනේ නැහැ.

පසුගිය ජනාධිපතිවරණයට දවස් දෙක තුනකට කලින් මහින්ද රාජපක්ෂ මහත්තයයි, බැසිල් රාජපක්ෂ මහත්තයයි, සායින්දමරුදු ප‍්‍රදේශයට ගිහිල්ලා රැුස්වීමකදී ප‍්‍රසිද්ධියේ පොරොන්දු වුණේ, ජනතාව එක්ක අවබෝධතා ගිවිසුමක් අත්සන් කළේ, ජනාධිපතිවරණයෙන් පස්සේ පළවෙනියාටම සායින්දමරුදු නගර සභාව ප‍්‍රකාශයට පත්කරනවා කියලයි. ඒ ජනතාවගේ ඡුන්ද ටික ගන්න ඒ ප‍්‍රකාශය කරලා මෙහෙට ඇවිල්ලා ජාතිවාදය ඇවිස්සුවා. අද ගැසට් එකකින් සායින්දමරුදු නගර සභාව ප‍්‍රකාශයට පත්කරලාම මතුවූ විරෝධයන් එක්ක තාවකාලිකව ඒ ගැසට් එක අත්හිටුවා තිබෙනවා. මේකේ යටි අරමුණ ඡුන්ද සඳහා ජනතාව රවට්ටමින් ජාතිවාදී ලෙස කටයුතු කරන එක.