විලාසිතා ලෝකය ඉමක් කොණක් නැති විශ්වය වගෙයි. ඒ වගේම කාලය පිළිබද සීමාවක් නැති ‘අකාලික‘ දෙයක්. ඒ නිසා ඔබ අද භාවිත කරන ඇතැම් විලාසිතාවක් මීට දශකයකට පෙර නැතිනම් සියවසකට පෙර භාවිත කළ එකක් විය හැකියි. ඇතැම් විට සියවස් ගණනාවක්… වර්ෂ 6000ක් පමණ පැරණි විලාසිතාවක් විය හැකියි. පුදුමයට පත්වෙන්න එපා. විලාසිතා ලෝකය කියන්නේ කාල සීමාවක් නැති දෙයක්.
ලංකාවේ අපි නම් සත්ව හමින් හෝ සත්ව ලොම්වලින් කළ ඇදුම් ඇන්දෙම නැහැ. දැනට අවුරුදු 2600කට පමණ පෙරත්, විජය – කුවේණි අපිට කපු කර්මාන්තය ගැන නිශ්චිත සාධක තිබෙනවා.
ඒත් ලංකාව කියන්නේ ලෝකය නෙමෙයි. ලෝකයේ බොහෝ රටවල් ඈත අතීතයේ සිටම සත්ව හම් සහ ලොම් ඇදුම් සහ විලාසිතා සදහා භාවිතා කරනවා. එය බැටලුවාගේ සිට දිවියා / කොටියා දක්වාත් කිඹුලා දක්වාත් පුළුල්ව පැතිර ගිය එකක්.
අපි මේ කතා කරන්නේ බැටළු හම් වාගේ හැමෝටම පැළදිය නොහැකි එදා වගේම අදත් මිලාධික, ධනය, බලය හා ගරුත්වය පෙන්වන විලාසිතාවක් ගැන. ඒ දිවි සමින් leopard. කළ විලාසිතා ගැන.
වෙල්ඩන්ට අනුව දිවියන්ගේ මෝස්තර (පොදුවේ නිරූපණ) බලය, ස්වාධීනත්වය සහ විශ්වාසය සංකේතවත් කිරීමට භාවිතා කර ඇත.
“දිවියන් දිගු කලක් තිස්සේ දරුණු, ඉතා ඔරොත්තු දෙන සතුන් ලෙස දැක ඇත.” ඇය කිව්වා. “මම හිතන්නේ මිනිසුන්ට ඔවුන් සමඟ ප්‍රාථමික සම්බන්ධතාවයක් දැනෙනවා.”
ක්‍රි.පූ 6000 සිට
ඓතිහාසිකව ගත්විට දිවි සමින් කළ විලාසිතාවක නිශ්චිත සාධක අපට හමුවන්නේ මීට වසර 8500කට පමණ පෙර, එනම් ක්‍රි.පූ 6000 දී පමණ මැටි රූපයක් වන “සටාල්හයික් හි වාඩි වී සිටින කාන්තාව”Seated Woman of Çatalhöyük” නම් මූර්තිය සමගයි. මෙම මූර්තියේ පෙනී සිටින කාන්තාව දිවි සමින් කළ ඇදුමක් ඇදගෙන සිටිනවා.
ඊජිප්තු ප්‍රඥාවේ දේවතාවිය වන ශේෂාට් බොහෝ විට නිරූපණය කරන්නේ දිවියා හෝ චීටා සැඟවුණු ඇඳුමකි. චීන පුරාවෘත්තවල බටහිර රැජිනගේ මව ලෙස හැඳින්වෙන ෂී වැන්ග්මු දේවතාවිය කොටියෙකුගේ දත් හා දිවියෙකුගේ වලිගයෙන් නිරූපණය කෙරේ.
“18 සහ 19 වන සියවස් වලදී දිවියන්ගේ ලොම් සහ ඇඳුම් පැමිණියේ ධනය හා තත්වය සංකේතවත් කිරීමට. ඉන්පසු ඔබ 20 වන සියවසට ඇතුළු වන අතර මහා පරිමාණයෙන් නිපදවන රෙදි සහ ඇඟලුම් කර්මාන්තයක ආරම්භය ඒ සමග සිදුවිය. එහිදී සැබෑ දිවි සම වෙනුවට ඒ ආකාරයේ වර්ණ හා විලාසිතා මුද්‍රණය ප්‍රධාන ධාරාවට ඇතුළු වූ අතර එය පුරාණයේ මෙන්ම නවීන වැදගත්කමක් ලබා ගැනීමට පටන් ගත්තේය.”” යැයි වෙල්ඩන් පැවසීය.
පරිණාමය වෙමින් පවතින ප්‍රවණතාවක්
දිවි විලාසිතාවේ කීර්තිය එතැන් සිට පුනරාවර්තන ගණනාවක් හරහා ගොස් ඇත. එය පහත්, ප්‍රකෝපකාරී, ඇලෙන සුළු හා භයානක යැයි සැලකේ. එය ඇතැම් විට ලාභ ඇඳුම් හා විලාසිතා සමඟ සම්බන්ධ වේ. පොප් සංස්කෘතිය තුළ, චිත්‍රපටවල සිට සංගීතය දක්වා දිවියන්ගෙන් විලාසිතාවලින් සැරසී සිටින කාන්තාවන් සහ ඇතැම් විට පිරිමින් හමුවේ.
එහෙත් විලාසිතා ලෝකයේ සහ ධනය, බලය හිමි සුපිරි මිනිසුන්, විශේෂයෙන් ගැහැනුන් විසින් ද මෙම මෝස්තරය වැලඳගෙන තිබේ. 1947 දී වනාන්තරයේ ජීවත් වන දිවියන්ට වඩා දිවියන් මුද්‍රණය කළ පළමු නිර්මාණකරුවා ලෙස ක්‍රිස්ටියන් ඩයර් සම්මාන ලැබීය.
ජොසෆින් බේකර්, එලිසබෙත් ටේලර්, ජැකී කෙනඩි සහ එඩී සෙඩ්ග්වික් වැනි මෝස්තර නිරූපකයින් සියලු දෙනාම මේ වන රටාව වටා පෙළ ගැසුණේය.
මෑත දශක කිහිපය තුළ, ඇනා වින්ටෝර් සහ මිෂෙල් ඔබාමා මෙන් බියොන්සේ ද දිවි සමින් කළ විලාසිතා නිසා අවධානයට ලක්ව තිබෙන අතර විලාසිතා ලෝකයේ ද දිවි සමින් කළ විසලාසිතා දැඩි අවධානයක් දිනා ගෙන තිබේ.
ඉහත ලෝකය පුරා ජනප්‍රිය දිවි සම් විලාසිතා ගැන අවධානය යොමු කරන විට තවත් වැදගත් කරුණක් සදහන් කළ යුතුයි. ඒ සත්ව සමිවලින් කරන විලාසිතාවලට ලෝකය පුරා දැඩි විරෝධයක් පවතින බවයි. සත්ව අහිංසාවාදීන් දැඩිව මෙවැනි විලාසිතා ප්‍රවර්ධනය වැළැක්වීම වෙනුවෙන් කටයුතු කරනවා.
ඒ නිසා අප වුවත් මේ විලාසිතා ප්‍රවර්ධනය නොකළ යුතුව තිබෙනවා. විශේෂයෙන් දිවියන් වැනි දැඩිව වදවී යාමේ තර්ජනයට ලක්ව ඇති සත්ව විශේෂ රැක ගැනීම අප සැමගේ වගකීමක්.
සටහන සහ ඡායාරූප සී.එන්.එන් ඇසුරිණි – සකස් කළේ – තුෂාධවි
