තමාට මාසයක පමණ කාලයකට හෝ විවේකයක් අවශ්ය බව මැතිවරණ කොමිසමේ සභාපති මහින්ද දේශප්රිය මහතා පවසයි.
මැතිවරණ මහලේකම් කාර්යාලයේ ඊයේ (22දා) පැවති මාධ්ය හමුවකට එක් වෙමින් ඔහු මේ බව පැවසීය.
කුමුදුනී සභාපතිනිය කිරීමට සම්පූර්ණ සහය ලබාදී ඇත්තේ පාර්ලිමේන්තු මන්ත්රී ප්රසන්න රණවීර බවට චෝදනා එල්ලව තිබේ.
මෙවර, කැලණිය ප්රාදේශීය සභාවට තේරී පත්වූ නම හෙළි කිරීමට අකමැතිවූ ප්රාදේශීය සභා මන්ත්රීවරයකු කියා සිටියේ රණවීර මහතා සිය ව්යාපාරික කටයුතු කර ගැනීම සඳහා ඔහුට හිතවත් කුමුදුනී සභාපතිනය ලෙස පත්කර ගැනීමට උත්සාහ කරන බවයි.
පසුගිය කාලයේදී, කැලණිය ප්රාදේශීය සභාවේ ගල් අල්ලන ලද මාර්ග ව්යාපෘතිවලට අදාළ ගල්, ගල්කුඩු මෙන්ම ශ්රමයද සපයනු ලැබුවේ රණවීර මහතාට අයත් ආයතනවලින් බවද කියා සිටි ඔහු මේ වන විට එම කටයුතු නවතා දමා ඇති බැවින් ඒවා නැවත පණ ගැන්වීමට ඔහුට හිතවත් මෙම මන්ත්රීනිය පත් කිරීමට කටයුතු කරන බව ඔහු කියා සිටියේය.
කවුද කුමුදුනී
මීට පෙරද කැලණිය ප්රාදේශීය සභාවේ සභාපතිනිය ලෙස කටයුතු කර ඇති ශාන්ති කුමුදුනී එවරද එම ධූරයට පත්ව ඇත්තේ ආන්දෝලනාත්මක චරිතයක් වෙමින් බව පැවසේ.
ඒ එවකට කැලණිය ශ්රී ලංකා නිදහස් පක්ෂ සංවිධායක හා කැලණිය පාර්ලිමෙන්තු මන්ත්රී ජිනදාස නන්දසේන මහතාගේ කිට්ටු හිතවත් කමක් නිසා වීම බව වාර්තා වේ.
එම අවස්ථාවේ වැඩිම මනාප ගෙන සිටි රෙහෙනසිරි වරාගොඩ මහතාට කැලණිය ප්රාදේශීය සභාවේ සභාපතිකම ලබා නොදී ජිනදාස නන්දසේන මහතාගේ මැදිහත්වීම මත මැයට ලබාදී තිබේ.
කෙසේවුවද, ශ්රීලනිප පාක්ෂිකයන් පවසන්නේ ඇගේ අසාර්ථක පාලනය හේතුවෙන් ඊට පසුව පැවැති පාළාත් පාලන මැතිවරණයෙන් එජාපය එම ප්රාදේශීය සභාවේ බලය පිහිටවූ බවයි.
සුදුස්සෝ
මීට පෙර කැලණිය ප්රාදේශීය සභාවේ මන්ත්රීවරුන් ලෙස සිටි එච්.ඩී. සෝමවර්ධන, චතුර ධනුෂ්ලංක, ඔෂාන් නන්දසිරි හා ලංකා විජිත කුමාර, යන මන්ත්රීවරු මෙවර පොහොට්ටුවෙන් කැලණිය ප්රාදේශීය සභාවට තේරීපත්ව සිටිති.
චතුර ධනුෂ්ක, ඡන්ද ප්රතිශතය අනුව ඉදිරියෙන්ම සිටින අතර එහි දෙවැනි තැන පසුවන්නේ ඔෂාන් නන්දසිරිය. ඔෂාන්ගේ පියාද කැලණිය ප්රාදේශීය සභාවේ මන්ත්රීවරයකු ලෙස කටයුතු කළ අයෙකි.
එච්.ඩී. සෝමවර්ධන එම මන්ත්රීවරු අතර සිටින ජ්යෙෂ්ඨයා බව පැවසේ.
මහින්දට මංගල වෙඩිමුරය කැලණියෙන්
මේ අතර, මහින්ද රාජපක්ෂ මහතාගේ ආණ්ඩුව කඩා වැටීමේ මංගල වෙඩිමුරය තැබූ ප්රාදේශීය සභාව ලෙස කැලණිය ප්රාදේශීය සභාව සැලකේ.
හසිත මඩවල ප්රමුඛ කණ්ඩායම අමාත්ය මර්වින් සිල්වාට එරෙහිව මුලින්ම කැරලි ගැසීම ඇරඹූ අතර ඉන් පසුව මහින්ද රාජපක්ෂ මහතාගේ බලය කැලණියෙන් ගිලිහිණි.
කුමුදුනීට දැන්මම කැලෑ පත්තර
ශාන්ති කුමුදුනී සභාපතිනිය කරන බවට ප්රකාශවීමත් සමඟ කිසියම් පිරිසක් කැලණිය පොහොට්ටු පාක්ෂිකයන්ගේ නිවෙස්වලට කැලෑ පත්තරයක් යවා තිබේ.
අදාළ කැලෑ පත්තරය පහත දැක්වේ.
එවක ආරක්ෂක ලේකම්වරයා සිටි ගෝඨාභය රාජපක්ෂ විසින් අදාළ ඉඩම් කොටස ඇතුළත්ව තිබූ භූමිය ආයෝජන මණ්ඩල ව්යාපෘතියකට අනුව හෝටල් ව්යාපෘතියක් සඳහා ඉල්ලූ බවත්, තම පියා ඊට එකඟ නොවීම හේතුවෙන් මෙලෙස පැහැරගෙන ගිය බවත් මෙන්ඩිස්ගේ පුතණුවන් සහ බිරිඳ එවකදී වගකිවයුත්තන්ටත්, නව රජය පත් වීමෙන් පසුව ජනාධිපතිවරයා සහ අගමැතිවරයාටත් ඇතුළු වගකිවයුත්තන්ටත් අවස්ථා ගණනාවකදී ලිඛිතව පැමිණිලි කර තිබිණි. එවකදී මෙන්ඩිස් ගැන පැමිණිලි කිරීමට රාජ්ය ආරක්ෂක අමාත්යංශයට ගිය විටෙක ඔහු පැහැරගෙන ගොස් තිබූ ජීප් රථය එහි තිබෙනු මෙන්ඩිස්ගේ දියණිය හා පුතණුවන් වන කල්හාරි මෙන්ඩිස් හා ප්රභාත් මෙන්ඩිස් දැක තිබේ. ප්රභාත් මෙන්ඩිස් විසින් දිගින් දිගටම තම පියා පිළිබඳව කළ සෝදිසි කිරීම්වලදී එක් ලේකම්වරයෙකු පවසා තිබුණේ ආරක්ෂක අමාත්යංශයේ ඉහළින්ම ආ නියෝගකයට අනුව මේවා සිදු වූ බවකි. එම දුරකථන ඇමතුමේ හඬපටයද මෙන්ඩිස් පවුල විසින් අදාළ අංශ වෙත යොමු කර තිබේ. එවක ජනතා විමුක්ති පෙරමුණේ ගාලු දිස්ත්රික් මන්ත්රීව සිටි අජිත් කුමාර එම හඬපට හා ඊට අදාළ පුදගලයන් පිළිබඳව පාර්ලිමේන්තුවේ කළ කතාව හැන්සාඩ්ගතව ඇත. ගාල්ල මහේස්ත්රාත් අධිකරණයේ බී.548547 යටතේ එම පැහැර ගැනීම පිළිබඳව නඩුවක්ද ඇත. මේ සියල්ලට වෙහෙස මහන්සි වුණු ප්රභාත්ට ආ ජීවිත තර්ජන හේතුවෙන් ආරක්ෂාව පතා විදේශගත වන්නටද සිදු විය. ඉදින් ගාල්ලේ ඉඩමක් නිසා තිරිමාදුර උපාලි මෙන්ඩිස් අදටත් අතුරුදන්ය.
සුදු වෑන්, කළු ඩිෆෙන්ඩර් රථ මිනිසුන් බියගන්වන්න ආවාදැයි, බලහත්කාරයෙන් ඉඩම් අත්පත් කරගත්තේදැයි අසන්නන්ට කීමට කප්පරක් කතා අතරින් තවත් කතාවක් තිබේ. ජස්ටිස් අක්බාර් මාවත කෙළවර අංක 6, ස්ටේෂන් පැසේජ්, කොළඹ 2 දරන ස්ථානයේ මේවනවිට ඉදිවෙමින් පවතින්නේ පකිස්තානු ලක්හානි සමූහ ව්යාපාරයට අනුබද්ධිත සමාගමේ ශ්රී ලංකාවේ ස්ථාපිත ඉම්පීරියල් බිල්ඩර්ස් පුද්ගලික සමාගමට අයත් මිශ්ර ව්යාපෘතියක් වන Destiny Mall & Resistance ගොඩනැගිලි ද්විත්වයයි. නමුත් එහි ගැටලුවක් තිබේ. එම ගොඩනැගිල්ල ඉදිවන භූමියේ අයිතිය තවමත් නීත්යානුකූලව ඇත්තේ එම ස්ථානයෙන් බලහත්කාරයෙන් ඉවත් කරන ලද වෙන්ගප්පුලි විදානආරච්චිගේ ගාමිණී වික්රමරත්නටය. බලහත්කාරයෙන් ලියැවිලිවලට අත්සන් ලබාගෙන එවක රාජ්ය ආරක්ෂක අමාත්යංශය සහ නාගරික සංවර්ධන අධිකාරිය යටතට එය පවරාගෙන තිබුණද, ඔප්පුව නීත්යානුකූලව වලංගු නොකිරීමත්, මුල් හිමිකරු එම ඉඩමට නඩුවක් පවරා තිබීමත් හේතුවෙන් එහි ඉදිවන ව්යාපෘතිය ගැටලුකාරීය. නීත්යානුකූල නොවන ආකාරයෙන් මිලිටරි යාන්ත්රණය යොදවා ගෝඨාභයලා බලහත්කාරයෙන් ලබාගත් බව කියන මෙකී ඉඩම ගැන යහපාලන ජනාධිපතිවරයා සහ අගමැතිවරයාගේ සිට පහළට පැමිණිලි කර තිබේ. නීත්යානුකූලව පවරා නොගත් ඉඩමක ඉදිවන මෙම සුපෝඛබෝගී තට්ටු නිවාස සංකීර්ණයේ නිවෙස් මේවනවිට ගැනුම්කරුවන් සඳහා කෝටි ගණනින් අලෙවිකරමින් ද තිබේ. එහෙත් රාජපක්ෂලාගේ වැරදිවලට සුජාතභාවය දෙන යහපාලනය දෝෂ සහිත, නීත්යානුකූල නොවෙන අයුරින් ලබාගත් ඉඩමක ඇති මෙම ව්යාපෘතිය මගින් එහි ගැනුම්කරුවන්ට සින්නක්කර ඔප්පු ලබාදීමට කටයුතු කරන්නේ කෙසේද?
Euro Car Mart ( pvt) Ltd සහ Road Builders New Technology ( pvt) Ltd යන ව්යාපාරයන්හි අයිතිකරුවා ඉහත සඳහන් ගාමිණී වික්රමරත්නය. ඔහු උක්ත ලිපිනයවන ස්ටේෂන් පැසේජ් ස්ථානයේ තම ව්යාපාරය ආරම්භ කිරීමට ප්රථම ව්යාපාරය කරගෙන ගොස් තිබුණේ කොල්ලුපිටියේ සයිමන් හේවාවිතාරණ පාරේ අංක 8 දරණ ස්ථානයේය. එහි ඔහුගේ නිවසත්, Euro Car Mart ව්යාපාරයත්, සපත්තු නිෂ්පාදන ආයතනයකුත් පවත්වාගෙන ගොස් තිබිණි. 1980 මාර්තු 22වැනිදා අංක 237/8 දරන ගැසට් පත්රය මගින් මහජන කටයුත්තක් සඳහා අවශ්ය බව දන්වා ඔහුගේ එම ඉඩම රජයට පවරාගෙන තිබිණි. ඉන්පසුව එම පවරාගත් ඉඩම සහ ව්යාපාරය සහිත නිවස වෙනුවට විකල්ප ඉඩමක් ලෙස කොම්පඤ්ඤ වීදියේ ස්ටේෂන් පැසේජ්හි ඉහත සඳහන් ලිපිනයේ පර්චස් 15.2ක ඉඩම අංක 18 දරණ බදු ඔප්පුව මගින් 99 අවුරුදු බදු පදනම මත ජේ. ආර් ජයවර්ධන රජය ඔහුට ලබා දී තිබේ. ඒ අනුව අදාල ඔප්පුව සඳහා රුපියල් 588,240ක මුදලක් ඔහු ගෙවා එම ඉඩම වසර 29ක් පුරා ඉහත සඳහන් ව්යාපාරික ආයතන දෙකද පවත්වාගෙන යමින් භුක්ති විඳ තිබේ.
ලක්ෂ 116 කට ඔහුගේ ඉඩම එලෙස ව්යාජ ලෙස අඩු තක්සේරු කළද ඊට මීටර් 100ක් ඉදිරිපසින් ඇති ශැන්ග්රිලා හෝටල් ඉඩමේ පර්චසයක් එවකදී ලබා දී තිබුණේ ලක්ෂ 85ක තක්සේරු මුදලකටය. එමෙන්ම කොළඹ 2 මාකට් වීදියේ පර්චසයක් ලක්ෂ 49කට වැනි මුදලකට ලබා දී තිබෙන බව වික්රමරත්න ඉහත පැමිණිලිවල සඳහන් කර තිබේ. මෙම තක්සේරුවෙන් පසුව දිගින් දිගටම නිල ඇඳුම් සහිත හා රහිත විවිධ පුද්ගලයන් සුදු වෑන් සහ කළු ඩිෆෙන්ඩර රථ මගින් පැමිණ එම ස්ථානයෙන් පිටවන දිනය කවදාදැයි නිතර විමසා තිබේ. තවද එක් දිනක් බලහත්කාරයෙන් ඉඩමට ඇතුල් වී පාරක් කැපීමට උත්සාහ කර තිබෙන අතර වික්රමරත්න එහිදී පවසා ඇත්තේ ඉඩම සම්බන්ධව ශ්රේශ්ඨාධිකරණ නඩුවක් පවතින හෙයින්ද, එහි නීත්යානුකූල අයිතිය තමන් සතු හෙයින්ද එය සිදුකළ නොහැකි බවයි. තවත් වරෙක තම ආයතනයෙන් වාහන අලුත්වැඩියා කිරීමට පැමිණි මුවාවෙන් විවිධ පුද්ගලයන් එම ස්ථානයෙන් පිටව යන දිනය තම බිරිඳගෙන් හා තමන්ගෙන් විමසා තර්ජනයන් කළ බව පැමිණිලිවල ලිඛිතව සඳහන් කර තිබේ. එවකදී පැවැති අනාරක්ෂිත වාතාවරණය මත තමන්ටත්, බිරිඳ හා දියණියට සිදුවිය හැකි අවදානම හේතුවෙන් වික්රමරත්න මේවා සම්බන්ධව කිසිඳු පියවරක් ගැනීමට එවකදී අපොහොසත්ව තිබේ.
කොම්පඤ්ඤ වීදිය ප්රතිසංවර්ධන ව්යාපෘතිය අදියර දෙක ලෙස රාජ්ය ආරක්ෂක හා නාගරික සංවර්ධන අමාත්යවරයා ලෙස හිටපු ජනාධිපති මහින්ද රාජපක්ෂ විසින් අංක 12/1581/503/105-1 ලෙස කැබිනට් පත්රිකාවක් 2012.11.12 දින යොමුකර තිබේ. ඒ අනුව කොම්පඤ්ඤවීදිය ස්ටේෂන් පැසේජ්හි දුම්රිය දෙපාර්තුමේන්තුවට අයත්ව තිබූ නිල නිවාසත්, වෙනත් පදිංචිකරුවන්ගේ නිවාස 119කුත් මෙම ව්යාපෘතිය සඳහා නාගරික සංවර්ධන අධිකාරිය විසින් පවරාගෙන තිබේ. දුම්රිය දෙපාර්තුමේන්තුව සතුව තිබූ ඉඩමෙහි භුක්තිය නාගරික සංවර්ධන දෙපාර්තුමේන්තුවට නිදහස් දීමනාවක් ලෙස ලබාගෙන ඒ සඳහා මහල් නිවාස වලින් නිවාස 38ක් ද, අනෙකුත් පදිංචිකරුවන්ට එම ස්ථානයේම ඉදිකරන මහල් නිවාසවල නිවසක්ද ලබාදෙන පොරොන්දුව මත පවරාගෙන තිබිණි. එලෙස පවරාගත් ඉඩම් ‘මහජන කටයුත්තක්’ ලෙස සඳහන් කර ලබාගෙන තිබේ. ඒ අනුව පුනස්ථාන මහල් නිවාස හා වානිජ්ය ඒකක ඉදිකරදීම සඳහා වැයවන පිරිවැය පියවා ගැනීම සඳහා පුද්ගලික ඉඩම් හිමියන්ගෙන් පවරා ගන්නා ඉඩම්වලින් අක්කර 1ක ප්රමාණයක් ‘ඉම්පීරියල් බිල්ඩර්ස් සමාගමෙන්’ පියවා ගැනීමට මිශ්ර සංවර්ධන ව්යාපෘතියක් සඳහා අවුරුදු 50ක කාළයකට බදු ප්රතිෂ්ඨාවක් රහිතව ලබාදීමට එවක දී කැබිනට් අනුමැතිය ලබාගෙන තිබේ. එමෙන්ම නාගරික සංවර්ධන අධිකාරියට අත්විය යුතු ප්රතිලාභ ලෙස අධිකාරිය සතු පර්චස් 108ක මුළු ඉඩමෙන් මාර්ග හා පොදු භූ දර්ශන කොටස් හැර ඉතිරිවන පර්චස් 54 සඳහා රජයේ තක්සේරුව මත ගණනය කළ රුපියල් මිලියන 320ක බදු ප්රතිෂ්ඨාවක් සමාන වාරික 5කින් වසර දෙකක කාළයක් තුළ අයකර වසර 50කට බදු දීමටත් එමගින් එකඟ වී තිබේ.
