ජනාධිපති අනුර කුමාර දිසානායක මහතා සිය ප්‍රථම නිල විදේශ සංචාරය ලෙස ඉන්දිය අගමැති නරේන්ද්‍ර මෝදි හමුවීමට නියමිත බව වාර්තා වන අතර, ඒ අනුව මහ මැතිවරණය අවසන් වීමෙන් පසු ඉන්දිය සංචාරය සිදුවනු ඇතැයි එම වාර්තාව වැඩි දුරටත් ප්‍රකාශ කරයි.
ඉන්දීය විදේශ කටයුතු අමාත්‍ය ආචාර්ය එස්. ජයශංකර් මහතා විසින් අද (04) දින සිදුකරන ලද ආරාධනය පිළිගැනීමෙන් අනතුරුව ජනාධිපති අනුර කුමාර දිසානායක මහතා මෙම තීරණය ගෙන ඇත.
පසුගිය සැප්තැම්බර් 21 වැනිදා පැවති ජනාධිපතිවරණයෙන් දිසානායක මහතා ජයග්‍රහණය කිරීමෙන් පසු ඔහු හමුවීමට පැමිණි පළමු ඉහළ පෙළේ විදේශීය ප්‍රභූවරයා වන්නේ ජයිශංකර්ය.
මේ සම්බන්ධයෙන් ඉන්දීය මහ කොමසාරිස් කාර්යාලය නිවේදනයක් නිකුත් කරමින් කියා සිටියේ ඉන්දියාවේ අසල්වැසියා පළමු ප්‍රතිපත්තියට අනුකූලව, අන්‍යෝන්‍ය ප්‍රතිලාභ සඳහා දිගුකාලීන හවුල්කාරිත්වය තවදුරටත් ශක්තිමත් කිරීමට දෙරටේ හවුල් කැපවීම ජයිශංකර්ගේ සංචාරය අවධාරණය කරන බවයි.
මෙම සංචාරයේදී ජයිශංකර් ශ්‍රී ලංකාවේ ඉන්දීය අරමුදල් සපයන ව්‍යාපෘති සහ එහි ඉදිරි ගමන පිළිබඳව ද සාකච්ඡා කිරීමට බලාපොරොත්තු වන බව ආරංචි මාර්ග සඳහන් කරයි.
