වසරක විරාමයකින් පසු ජාතික ලැයිස්තු මන්ත්රීවරයෙකු ලෙස යළි පාර්ලිමේන්තු සභා ගර්භයට පැමිණි එජාප නායක රනිල් වික්රමසිංහ මහතා අද (23) පාර්ලිමේන්තුවේදී සිය සුපරුදු කෘතහස්ත දේශපාලන කතා කරනු ඇසුණා. එහිදී වික්රමසිංහ මහතා රජයට අවධාරණය කළේ ලැබුණු ජනවරම හරියාකාරව යොදවන්නේ නැතිව රට හමුදාකරණයට ලක් නොකරන ලෙසයි. පාර්ලිමේන්තු බලතල ක්රියාත්මක නොකිරීම සම්බන්ධයෙන් පාර්ලිමේන්තුවේ විවාදයක් අවශ්ය බවද ඔහු සදහන් කළා.
‘‘ආණ්ඩුව කළ එකම දෙය ලොකු මිනිහාට බදු සහනය දී පොඩි මිනිහාට බඩගින්න දීම‘‘ රනිල් වික්රමසිංහ ආණ්ඩුවට චෝදනා කළා.
ආණ්ඩුක්රම ව්යවස්ථාවට අනුව රටේ ප්රශ්න ගැන වගකීම තිබිය යුත්තේ කැබිනට් මණ්ඩලයට සහ පාර්ලිමේන්තුවට බව කී රනිල් වික්රමසිංහ මහතා මිලිටරිකරණයෙන් රට පාලනය කිරීම වැරදි සහගත බවද කිව්වා.
මේ වන විට ජීවතුන් අතර සිටින කෘතහස්තම දේශපාලනඥයා යළි පාර්ලිමේන්තු සභා ගර්භයේදී දැක ගැනීමට ලැබීම ගැන බොහෝ දෙනෙක් සතුටු වුණා.
