මෑතදී ඉන්ධන මිල ඉහළ නැංවීම සම්බන්ධයෙන් ශ්‍රී ලංකා පොදුජන පෙරමුණේ ස්ථාවරයෙහි කිසිදු වෙනසක් සිදු නොවූවත් විපක්ෂයට බොරදියේ මාළු බෑමට ඉඩදිය නොහැකි බව පොහොට්ටු පක්ෂයේ මහ ලේකම් සාගර කාරියවසම් මහතා පැවසීය.
69 ලක්ෂයක ජනතාවගේ සහය ඇතිව පිහිටුවන ලද රජය ආරක්ෂා කිරීමේ වගකීම ආණ්ඩුවේ ප්‍රධාන පක්ෂය ලෙස ශ්‍රී ලංකා පොදුජන පෙරමුණට ඇති බව ඔහු අද (05) පැවැති ප්‍රවෘත්ති සාකච්ඡාවකදී පැවසීය.
ඉන්ධන මිල ඉහළ නැංවීම වැළැක්වීමට කටයුතු කිරීමට විෂය අමාත්‍යවරයා අපොහොසත් වීමට එරෙහිව පක්ෂයේ ස්ථාවරය ප්‍රකාශ කළ කිරියාවසම් මහතා, ඉන්ධන මිල ඉහළ නැංවීම සම්බන්ධයෙන් පක්ෂයක් ලෙස මුලින් දැරූ ස්ථාවරය දිගටම පවත්වා ගෙන යන බව පැවසීය.
“පක්ෂයක් වශයෙන් අපට අපගේ ස්ථාවරය ප්‍රකාශ කිරීමට අයිතියක් තිබෙනවා. මම පක්ෂයේ ස්ථාවරය ජනතාව වෙනුවෙන් ප්‍රකාශ කළා. ඒ විපක්ෂයට අනවශ්‍ය වාසි ලබා ගැනීම සඳහා නොවෙයි. විපක්ෂය විසින් උගුලට හසු වීමට අප සූදානම් නැහැ. බොරදියේ මාළු බෑමට අපි විපක්ෂයට ඉඩ දෙන්නේ නැහැ.
ශ්‍රී ලංකා පොදුජන පෙරමුණේ සහ රජයේ අනෙකුත් පක්ෂ සමඟ සාකච්ඡා කිරීමෙන් අනතුරුව බලශක්ති ඇමැතිවරයාට එරෙහි විශ්වාසභංග යෝජනාව සම්බන්ධයෙන් තීරණයක් ගන්නා බව ද කාරියවසම් මහතා ප්‍රශ්නයකට පිළිතුරු දෙමින් පැවසීය.
