අප්‍රේල් 21 වැනිදා ප්‍රහාරය සිදුකළ ත්‍රස්තවාදීන් සමග ගෝලයෙකු ලෙස සමීප සබඳතා පැවැත්වූ මොහොමඩ් රිස්වාන් නැමති පුද්ගලයා වත්තල, මාබෝල ප්‍රදේශයේදී අත්අඩංගුවට ගෙන ඇති අතර ඔහු රාජපක්ෂ පවුලේ පක්ෂය වන පොහොට්ටුවේ ප්‍රධාන සංවිධායකයෙකු බවට මේ වන විට තොරතුරු අනාවරණය වී ඇතැයි වාර්තාවේ.
පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර මහතා පැවසුවේ අදාළ පුද්ගලයා බස්නාහිර පළාත් බුද්ධි කොට්ඨාශය ලද තොරතුරක් අනුව අත්අඩංගුවට ගත් බවත්, ඔහු සතුව තිබී විදේශ ගමන් බලපත්‍ර කිහිපයක් ද සොයාගෙන තිබේ.
මෙම සැකකරු වසර කිහිපයකට පෙර වත්තල ප්‍රදේශයේ ත්‍රීරෝද රථ රියදුරෙකු ලෙස කටයුතු කරන ලද්දෙකු වන අතර මේ වනවිට සුඛෝපභෝගී මහල් නිවාස දෙකක හිමිකරුවෙක් වන අතර නැව් භාණ්ඩ ප්‍රවාහන සමාගමක හිමිකරුවෙක් බවද පොලිසිය කියයි.
එසේම ජාත්‍යන්තර සම්බන්ධීකරණයක් යටතේ සිදු වූ මෙම ත්‍රස්තවාදී ප්‍රහාරය පිටුපස දේශීය යාන්ත්‍රණය සහ එහි සම්පූර්ණ වාසිය රාජපක්ෂ රෙජීමයේ ඉදිරි දේශපාලන ගමනට අදාලව සිදුකරන ලද්දක් බව මේ වන විට ප්‍රසිද්ධ රහසකි.
