මේ දින වල ක්‍රිකට් පිටියේ බොහෝ තැන අසන්නට ලැබෙන්නේ එළඹෙන චැම්පියන්ස් කුසලානය සම්බන්දව විවිද අය කියන අනාවැකි සහ,කණ්ඩායම් වල ක්‍රීඩකයන් තමන්ගේ කණ්ඩායම සමබන්දයෙන් කියන කටමැත දෙඩවීම්ය.
මේ ඊට වඩා වෙනස් කතාවකි.ශ්‍රී ලංකා සුපිරි දඟ පන්දු යවන ක්‍රීඩක මුත්තයියා මුරලිදරන් මෙවර IPL තරඟාවලියේ ඔහු පුහුණු කල සංරයිසස් කණ්ඩායමේ පරාජය පිළිබඳව කියන කතාවකි.
“අපි ගොඩක් අවාසනාවන්තයි,තරඟාවලියේ ඉස්සරහට යන්න බැරි වුන එක ගැන.අපි තරඟාවලියේ මුල ඉඳලම හොදටම කලා.අන්තීමට අවාසනාව නිසා අපේ ගමන නැවතුනා.”
අවසන් පුර්ව තරඟයේ කලකටා සමඟ ක්‍රීඩා කල තණතිල්ල ගැන මුරලිට පැහැදීමක් නැත.
“ඒ තණතිල්ලේ සෙල්ලම් කරන්න ලේසි නෑ.අපි ඒ වගේ තනතිල්ලක පහරවල් වලට ගියානම් ලකුණු 70-80 සීමාවෙන්න තිබුනා.අපේ ඉලක්කය වුනේ ලකුණු 140 .අපිට ඒ ලකුණු ගානට ලකුණු 10 වගේ අඩු වුනේ.ඒ නිසා කාටවත් කියන්න බෑ.අපි ගත්ත ලකුණු ගණන ආරක්ෂා කරන්න බැරි ලකුණු ගණනක් කියල.මුලදී විකට් කිහිපයක් ගත්තනම් අපිට තිබුන පන්දුවාර 20 දී ඒ ලකුණු ගණන ආරක්ෂා කරගන්න.”
“අපි සැලසුම් හැදුවේ පන්දු වාර 20 දී මොනවද කරන්න ඕන කියල අන්තිමට තරඟාවලිය පුරාම අපි අරගෙන ආපු දේවල් විනාඩි 20කදි වගේ නැති වෙලා ගියා.”
“හැමදාම තරඟ දිනන්න බෑ කියල මම දන්නවා ඒත් මේ පරාජය ගොඩක් අවාසනාවන්තයි.”
පසුගිය වසරේ IPL ශූරතාව දිනා ගත් සංරයිසස් කණ්ඩායම මෙවර තරගාවලියේ ඉදිරියට යාමේ අවස්ථාවන් අවහිර කරමින් වර්ෂාව නිසා පන්දුවාර 6 කදී ජයග්‍රහණය කල්කටා කණ්ඩායමට පිරිනැමීමට සිදුවූ තරඟය පිළිබඳව මුරලි cricinfo සමඟ මෙසේ අදහස් දක්වා ඇත.
