විවිධ පුද්ගලයන්ගේ බැංකු ගිණුම්වලින් සිදුකරන මුදල් වංචාවක් පිළිබඳව පොලිසිය විසින් ඊයේ (31) මහජනතාව දැනුවත් කළා.
එහිදී වංචාකරුවන් විසින් උපායමාර්ගිකව පුද්ගලයන්ගේ පෞද්ගලික තොරතුරු ලබාගැනීමෙන් අනතුරුව මෙලෙස ඔවුන්ගේ ගිණුම්වල තැන්පත් කර ඇති මුදල් වංචාවක් සිදුකරන බවයි තොරතුරු හා මාධ්‍ය දිසාවේ නියෝජ්‍ය පොලිස්පති ලාල් සෙනෙවිරත්න මහතා පවසන්නේ.
යුරෝපීය රටවල රැකියා ලබාදෙන බව පවසා මෙසේ තොරතුරු ලබා ගන්නා බවයි ඔහු පෙන්වා දෙන්නේ.
නියෝජ්‍ය පොලිස්පතිවරයා පවසන්නේ මේ වනවිට අදාළ සිදුවීම සම්බන්ධයෙන් තවත් තොරතුරු රැසක් අනාවරණ වී ඇති බවයි.
