නව වසර වෙනුවෙන් ලබාදෙන උත්සව අත්තිකාරම් මුදලින් රුපියල් 500 ක මුදලක් පල්ලෙකැලේ එළිමහන් සිරකඳවුරේ සියලු නිලධාරීන්ගෙන් බලහත්කාරයෙන් ලබා ගන්නා බවට අපට වාර්තා වන අතර විශ්වාස කටයුතු බන්ධනාගාර ආරංචි පැවසුවේ හිටපු බන්ධනාගාර අධිකාරීවරයා වෙනුවෙන් සාදයක් පැවැත්වීමට නිලධාරීන් පිරිසක් මෙලෙස මුදල් අයකර ගන්නා බවයි.
සිංහල හා දෙමළ අලුත් අවුරුද්ද වෙනුවෙන් ලබාදෙන උත්සව අත්තිකාරම් මුදල රුපියල් දස දහසක්. එවැනි මුදලකින් රුපියල් 500 ක් ලබාගැනීම අසාධාරණ බවද බන්ධනාගාර නිලධාරීන් පැවසු අතර මෙම සාදය පැවැත්වීමට මූලිකව කටයුතු කරන එක් නිලධාරියෙක් මුදල් නොදෙන බන්ධනාගාර නිලධාරීන්ගේ නාමලේඛණයක්ද ගිණුම් ශාඛාවෙන් ඉල්ලා ඇති බවයි වාර්තා වුණේ. පල්ලෙකැලේ එළිමහන් සිරකඳවුරේ සේවය නියුතු නිලධාරීන් සංඛ්‍යාව 120 ක් බව සදහන්.
[rns_reactions]
