නිරෝධායනය මධ්‍යස්ථානයක් වෙත යොමු කර සිටි පිරිසකගේ නිවසකට රාත්‍රී කාලයේ සොරුන් පිරිසක් ඇතුළු වී ඇති පුවතක් නාරම්මල, මැටිවලගෙදර ප්‍රදේශයෙන් වාර්තා වේ.
ඉකුත් 5 වන දින කොවිඩ් ආසාදනය වු බවට සැකපිට 42 හැවිරිදි කාන්තාවක් හඳුනා ගෙන ඇති අතර, ඒ අනුව ඇයගේ පවුලේ ඥාතීන් නිරෝධායන මධ්‍යස්ථානයක් වෙත රැගෙන ගොස් තිබේ.
ඊයේ (13) රාත්‍රී කාලයේ දී සුනඛයන්ගේ කෑ ගසන හඬක් ඇසීමත් සමග ප්‍රදේශවාසීන් ඒ පිළිබඳව සොයා බැලීමේ දී නිවසේ පිටුපස දොර කඩා සොරුන් නිවසට ඇතුළු වී ඇති බවට අනාවරණය වී ඇත.
නාරම්මල පොලීසිය වැඩිදුර විමර්ශන සිදුකරයි.
-අද දෙරණ-
