එංගලන්තයට එරෙහි දෙවන ටෙස්ට් තරඟයෙන් ලකුණු 190ක දැවැන්ත පරාජයක් අත්විඳීමෙන් අනතුරුව හෙට (06) ඕවල් ක්‍රීඩාංගණයේදී ආරම්භ වන තුන්වන තරඟය සඳහා ශ්‍රී ලංකා කණ්ඩායමේ විශාල වෙනස්කම් දෙකක් සිදු කර ඇත.
තෙවැනි ටෙස්ට් තරගය සඳහා නිශාන් මධුෂ්ක වෙනුවට කුසල් මෙන්ඩිස් කැඳවා ඇති අතර පළපුරුදු දඟපන්දු යවන ක්‍රීඩක ප්‍රභාත් ජයසූරිය වෙනුවට වේග පන්දු යවන ක්‍රීඩක විශ්ව ප්‍රනාන්දු නැවත කැඳවා ඇත. බලාපොරොත්තු සුන් වූ එංගලන්ත සංචාරයෙන් යමක් ගැලවීම සඳහා ශ්‍රී ලංකාව ඕවල් පිටියේදී ඔවුන්ගේ වේග ප්‍රහාරය මත විශ්වාසය තැබීමට බලාපොරොත්තු වේ.
ශ්‍රී ලංකා කණ්ඩායම: දිමුත් කරුණාරත්න, පැතුම් නිශ්ශංක, කුසල් මෙන්ඩිස්, ඇන්ජලෝ මැතිව්ස් , දිනේෂ් චන්දිමාල්, ධනංජය ද සිල්වා, කමිඳු මෙන්ඩිස්, මිලාන් රත්නායක, ලහිරු කුමාර, විශ්ව ප්‍රනාන්දු, අසිත ප්‍රනාන්දු.
එංගලන්ත කණ්ඩායම: ඩෑන් ලෝරන්ස්, බෙන් ඩකට්, ඔලී පෝප්, ජෝ රූට් , හැරී බෘක්, ජේමි ස්මිත්, ක්‍රිස් වෝක්ස්, ගස් ඇට්කින්සන්, ඔලි ස්ටෝන්, ජොෂ් හල්, ෂොයිබ් බෂීර්.
