චැම්පියන්ස් කුසලාන තරඟාවලිය තුලදී ප්‍රතිවාදී කණ්ඩායම් පුදුම කරන අවියක් තමන් සතුව ඇතැයි ශ්‍රී ලංකා ක්‍රිකට් කණ්ඩායමේ නායක ඇන්ජලෝ මැතිව්ස් පවසා ඇත.
චැම්පියන්ස් කුසලාන තරඟාවලියේ ශ්‍රී ලංකා කණ්ඩායමේ මුලික වටයේ ප්‍රතිවාදීන් වන්නේ දකුණු අප්‍රිකාව,ඉන්දියාව සහ පකිස්ථානයයි.
Cricbuzz සමඟ විශේෂ සාකච්චාවකට එකතුවෙමින් මැතිව්ස් පවසා ඇත්තේ මෙම තරඟාවලියේ තමන්ගේ හොඳම අවිය ලක්ෂාන් සඳකැන් බවයි.
“චැම්පියන්ස් කුසලානේ ප්‍රබලම අවිය තමයි ලක්ෂාන් සඳකැන් ,එයාගේ තියන පන්දු මිශ්‍රණය එක්ක ලොකු දෙයක් කරන්න පුළුවන් වෙයි.මොකද ගොඩක් කණ්ඩායම් සඳකැන් දැකල නෑ ඒ නිසා මම හිතනවා සඳකැන් අපිට හොඳ අවියක් වෙයි කියල.”
“මිනි ලෝක කුසලානෙට කවුරුත් එන්නේ දිනන්න බලාගෙන.අපිත් එහෙම තමයි.මේ තරඟාවලියේදී බලන්න පුළුවන් අපි කොහෙද ඉන්න කියල.”
තරඟාවලියේ ශ්‍රී ලංකාව මුහුණ දෙන පළමු තරඟය දකුණු අප්‍රිකාව සමඟින් එළඹෙන තුන්වනදා පැවැත්වීමට නියමිතය.
[rns_reactions]
