අගහිගකම් මැද ජිවිත ගෙවන බොහෝ ජනතාවක් ලංකාව තුල සිටිනවා. සමහරක් සත්‍ය ලෙසම අගහිගකමින් උපරිම පීඩනයකට පත්ව සිටින අතර තවත් සමහරක් අගහිගකම් පෙන්වා ජිවත් වීම තම ජීවනෝපාය ද කරගෙන තියෙනවා
නමුත් එසේ පිඩනයට පත් ජනතාව හට ඇති අය හැකි පමණින් උදව් දීම කෙතරම් භාගයක්ද?
මේ විදිහට නැතිබැරිකම් තියාගෙන මාතලේ අගලවත්ත ප්‍රදේශයේ පදිංචි නිර්මාලා පද්මකුමාරි මැණිකේ ජීවත් වුනේ පියාගේ පිහිටෙන්.ඒත් 2016 වසරේ නිර්මලාගේ පියා විදුලිසැර වැදීමකින් ජීවිතයෙන් සමුගත්තා.ඊට පස්සේ නිර්මලා තමන්ගේ දරුවන් දෙන්නත් එක්ක තනි වුණා. ඇගේ වැඩිමහල් දරුවාගේ වයස අවුරුදු 11ක් සහ අනෙක් දරුවාගේ වයස අවුරුදු 7තයි.
අගහිගකම් මැද ජීවත් වුන නිර්මණාලට ඉදිරියට ජීවිතය ගැටගහගන්න ඕන නිසා තමන්ට තියෙන එකම වටිනාම වස්තුව වන ඉඩම බැංකුවකට උකස් තියන්න සිද්ධ වුණා. රුපියල් ලක්ෂ පහමාරක් වැනි මුදලකට තමයි ඉඩම උකස් තිබ්බේ.
ඇගේ මේ දුක ගැන මාතලේ ප්‍රදේශයේ අප වාර්තාකරු වාර්තා කිරීමත් සමග නිර්මලාගේ උකස් කරපු ඉඩම බේරාගෙන දීමට හසිත විදානාරච්චි නමැති ව්‍යාපාරිකයෙකු ඉදිපත් වුණා.
ඒ පුවතත් අප වාර්තාකරු වාර්තා කිරීමත් සමග ඊට සංවේදී වුන ශ්‍රී ලංකා ක්‍රිකට් කණ්ඩායමේ හිටපු සුපිරි ක්‍රිකට් ක්‍රීඩකයෙකු වන ටී.එම්. ඩිල්ෂාන් නිර්මලාට නිවසක් තනා දීමට පොරොන්දු වුණා.
එම පොරොන්දුව කියූ පරිදි ඉටු කරමින් රුපියල් ලක්ෂ 24කට අධික මුදලක් වැය කර ටී.එම්. ඩිල්ෂාන් මාතලේ ප්‍රදේශයේ පදිංචි නිර්මලාට සහ ඇගේ දරුදෙදෙනාට ඊයේ (19) දිනට යෙදී තිබුණු සුබ මොහොතින් නව නිවසේ යතුරු කැරැල්ල භාරදුන්නා.
