පාකිස්තානයට එරෙහිව අවසන්වරට ශී‍්‍ර ලංකා කණ්ඩායම ආර් පේ‍්‍රමදාස කී‍්‍රඩාංගණයේ පන්දුවාර විස්ස කි‍්‍රකට් තරග ජයක් වාර්තා කළේ 2012 වසරේදී වන අතර ඉන්පසුව පළමු ජය සොයමින් අද සංචාරක බංග්ලාදේශ කණ්ඩායමට එරෙහිව සිංහයන් කොළඹ ආර් පේ‍්‍රමදාස කී‍්‍රඩාංගණයේදී අද (04) තරගබිමට.
රාතී‍්‍ර තරගයක් ලෙස පැවැත්වෙන මෙම තරගය ආරම්භ වන්නේ රාතී‍්‍ර 7ට වන අතර බංග්ලාදේශය ආර්. පේ‍්‍රමදාස පිටියේදී පන්දුවාර විස්ස තරගයකට එක්වන පළමු අවස්ථාවද මෙය වනවා.
මේ දක්වා ආර් පේ‍්‍රමදාස කී‍්‍රඩාංගණයේදී පන්දුවාර විස්ස තරග 11කට එක්වූ ශී‍්‍ර ලංකාව එක් තරගයක් පමණක් ජයගෙන තිබීම කැපී පෙනෙනවා.
මේ අතර, ශී‍්‍ර ලංකාව සහ බංග්ලාදේශය අතර මේ දක්වා පන්දුවාර විස්ස කි‍්‍රකට් තරග 5ක් පවත්වා ඇති අතර ඉන් තරග 4ක් ජයගෙන ඇත්තේ ශී‍්‍ර ලංකා කණ්ඩායමයි.
ඉකුත් වසරේ පැවති ආසියානු කුසලාන පන්දුවාර විස්ස තරගාවලියේදී බංග්ලාදේශය ශී‍්‍ර ලංකාවට එරෙහිව විස්සයි විස්ස තරග ජයක් වාර්තා කළා.
ශී‍්‍ර ලංකා කණ්ඩායම මේ වනවිට අන්තර් ජාතික පන්දුවාර විස්ස ශේ‍්‍රණිගත කිරීම් සටහනේ පසුවන්නේ 08වන ස්ථානයේ වන අතර බංග්ලාදේශයට එම සටහනේ දසවන ස්ථානය හිමිව තිබෙනවා.
මේ අතර, අපවත් වී වදාළ අමරපුර මහා නිකායේ මහානායක අතිපූජ්‍ය දවුල්දෙන ඥානිස්සර හිමියන්ගේ අපවත්වීම හේතුවෙන් අද තරගය ආරම්භයට පෙර විනාඩියක නිහඬතාවක්ද සිදු කෙරෙන බවත් උන්වහන්සේට ශෝකය පළකරමින් ශී‍්‍ර ලංකා කී‍්‍රඩකයින් අද තරග බිමට පිවිසෙන්නේ කහ පටියක්ද අත පැළඳගෙනයි.
[rns_reactions]
