කොළඹ පැවති උත්සවයක් අමතමින් අමාත්‍ය රවී කරුණනායක මහතා වත්මන් ආණ්ඩුව මේ යන ගමන්මග වෙනස් කර සැබෑ ආර්ථික වෙනසකට යා යුතු බව අවධාරණය කරන ලදී..
එහිදී එතුමන්,
“මේක තමයි රට හදන්න පුළුවන් අවස්ථාව.හැම දේශපාලන පක්ෂයක්ම මේ අවුරුදු හැත්තෑගාන තුල ගමන් කරල රට හැදීමට උදවු වෙනව වගේම රට නැත්තට නැති කිරීමටත් ලොකු දායකත්වයක් දීල තියෙනවා.එහෙනම් දැන් තමයි මේක හදන්න තියෙන වෙලාව.අපේ පක්ෂෙත් කතාකාරයො ගනනාවක් ඉන්නවා නමුත් වැඩකාරයෝ බොහොම අඩුයි.ඔබ තුමාද දේශපාලනඥයො පත්කරල එවන්නෙ ඔබතුමාලට සේවයක් කරන්න මිසක් දේශපාලනඥයින්ට සේවය කරන්න නෙමෙයි.මේ වෙනස ඇති කිරීම තමයි අවශ්‍ය වෙන්නේ.අපේ නායකයොන්ට තියෙන්නෙ රටේ ප්‍රශ්න වලට උත්තර දෙන එක… මෙතන තේ මිල අඩුවෙනකොට තේ ගස් ගලවන එක නෙමෙයි.. අපේ කෘෂිකර්ම පද්ධතියෙ 23% ආදායම සපයන රබර් මිල අඩුවෙනකොට රබර් ගස් ගලවල දාන එක නෙමෙයි … අපේ විරැකියා ප්‍රශ්නෙට උත්තර දෙනකොට උසනම් සිකුරුටි මිටිනම් කම්කරු කියන මේව නෙමෙයි… කොහොමද රැකී රක්ෂා ඇතිකරන්නෙ කොහොමද ආදායම් උත්පාදන ක්‍රම ඇති කරන්නේ… මට ගෙයක් නෑ කියල කිව්වම මෙන්න රු.100 ක් කියල දුන්නම ලක්ෂ ගානක ගෙයක් හදන්න පුළුවන්ද? මෙන්න මේව පරිවර්ථනය කරන්න ඕන එහෙම තමයි සැබෑ ආර්ථිකය ඇති කරන වෙනස ඇති කරන විදිහ…”
