ඊයේ(04) දේශපාලන පළිගැනීම් ගැන විමර්ශනය කරන ජනාධිපති කොමිසම හමුවේ සාක්ෂි දීමට පැමිණි රනිල් වික්‍රමසිංහ එම කමිටුව හමුවේ කියා සිටියේ තමා බැදුම්කර සිද්ධියට සම්බන්ධ නැති බව බැඳුම්කර කොමිසම සහ පාර්ලිමේන්තුව පවසා තිබියදී ත් මාධ්‍ය මහත්තුරු එය පිළිනොගන්නා බවත් තමන්ට බැදුම්කර හොරා යැයි කියන බවත් ය.
හිටපු අග්‍රාමාත්‍යවරයා මේ බව පැවසුවේ කොමිසම විසින් දූෂණ විරෝධි කොමිසමට ලැබෙන තොරතුරු මත වැටලීම් කිරීම,අත් අඩංගුවටගැනීම,ප්‍රශ්න කිරීම,සහ ජනාමාධ්‍යය තුළින් ප්‍රසිද්ධියට පත් කිරීමට කැබිනට් අනුමැතිය ලබා දීම හරහා සැකකරුවන් සමාජයේ වැරදිකරුව් ලෙස හංවඩු ගැහෙනවා නේද යනුවෙන් කරන ලද විමසීමකට පිිළිතුරු ලෙසයි.
හිටපු අග්‍රාමාත්‍යවරයා සරල සහ සැහැල්ලු ඉරියව්වකින් කොමිසම ඉදිරියේ පිළිතුරු ලබා දුන් අතර නික්ම යාමේදි මාධ්‍යවේදීන්ට පිිළිතුරු ලබා දීමෙන් වැළකී සිටි අතර මාධ්‍යවේදියෙක් එජාප නායකත්වය ගැන කරන ලද විමසිමකදී එය කොමිසමෙන් නෑසූ බව සඳහන් කළේය.
