එක්දින ක්‍රිකට් පිටියේදී සුවිශේෂ වාර්තා කිහිපයක් ශ්‍රී ලංකා කණ්ඩායම වෙනුවෙන් ක්‍රීඩා කරන සමයේදී තමාගේ නමට ලියාගත් ශ්‍රී ලංකාවෙන් බිහිවූ දක්ෂතම වමත් වේගපන්දු යවන්නා වන චමින්ද වාස් ,තමා ක්‍රීඩා කරන සමයේ ශ්‍රී ලංකා කණ්ඩායමට එකතු වූ පසුව තමා යටතේ වේගපන්දු යවන්නෙකු ලෙස පුහුණුව ලැබූ ලසිත් මාලිංගගේ හැකියාවන් පිළිබඳව අදහස් දක්වා ඇත.
“මාලිංග කියන්නේ පුදුම කැපවීමක් තියන ක්‍රීඩකයෙක්,ඒ වගේම හැම අවස්ථාවකම කඩුල්ලක් ගන්න ඕන කියන පිපාසේ තමයි මාලිංගට තියෙන්නේ.පුහුණු වෙද්දී පුදුම තරම් කැපවීමක් පෙන්වන ක්‍රීඩකයෙක්”
“මාලිංග හැම වෙලාවකම බලන්නේ තමන්ගේ උපරිමය කණ්ඩායමට දෙන්න මම හිතන්නේ ඔහු ඉදිරියේදී තවත් හැට්‍රික් වලට යයි,ඔහුගේ ඉරියව්වත් එක්ක පෙන්වන දක්ෂතා විශිෂ්ටයි.මාලිංග කියන්නේ දැන් ලෝකයේ ඉන්න හොදම වේග පන්දු යවන්නන්ගෙන් කෙනෙක්.”
“සීමිත පන්දුවාර තරඟ වල විශේෂිත දක්ෂතාවයක් තියන පන්දු යවන්නෙක් විදියට මාලි චැම්පියන්ස් කුසලානේදී ලොකු දෙයක් කරයි ලංකාවට,”
“හැට්‍රික් ලබාගන්න පන්දු යවන්නෙකුට තියෙන්න ඕන එකම අරමුණක් ඉටු කර ගැනීමේ හොදම අධිෂ්ඨානය තියන කෙනෙක් තමයි මාලිංග කියන්නේ.”
[rns_reactions]
