මේ රටේ මැතිවරණ කල්දැමූ කිසිම ආණ්ඩුවකට වාසියක් වී නැහැ. මැතිවරණ කල්දැමූ හැම ආණ්ඩුවකටම මේ රටේ ජනතාව මතක හිටින පාඩමක් උගන්වා ඇතැයි ශ්රී ලංකා පොදුජන පෙරමුණේ සභාපති මහාචාර්ය ජී. එල්. පීරිස් මහතා පැවසීය.
බත්තරමුල්ල, නෙළුම් මාවතේ පිහිටි ශ්රී ලංකා පොදුජන පෙරමුණ පක්ෂ මූලස්ථානයේදී ඊයේ (25දා) පැවැති මාධ්ය හමුවේදී මහාචාර්යවරයා ඒ බව සඳහන් කළේය.
එහිදී වැඩිදුරටත් අදහස් දැක්වූ මහාචාර්ය ජී. එල්. පීරිස් මහතා මෙසේද කීය.
උතුරු පළාත් සභා මැතිවරණය කල්දැමුවාට තමන්ගේ කිසිම විරෝධයක් නැහැ. නමුත් මැතිවරණය කල්දමා එය පවත්වන තුරු ඔහුට දිගටම මහ ඇමැති ධුරයේ සිටිය යුතු බවට උතුරු පළාත් මහ ඇමැති විග්නේෂ්වරන් මහතා ප්රකාශ කරනවා. ජනතාවට ස්වර්ජන ඡන්දය පාවිච්චි කිරීමට අවසර නැහැ. පළාත් සභාවේ නිල කාලය අවසන් වූ පසුවත් විග්නේෂ්වරන් මහ ඇමැතිවරයාට එම ධුරයේ වැඩ කරන්න අවශ්යයි කීම සදාචාර විරෝධී පමණක් නොව නීති විරෝධී වැඩපිළිවෙළක්. පළාත් සභාවේ නිල කාලය අවසන්වූ පසු මහ ඇමැති ධුරයේ සිටීමට කිසිදු අයිතියක් නැහැ.
පළාත් සභා නවයෙන් තුනක නිල කාලය අවසන්වී තිබෙනවා. උතුරුමැද, සබරගමුව සහ නැගෙනහිර පළාත් සභා තුනේ නිල කාලය අවසන්ව මැතිවරණය නොපවත්වා දැනට මාස 10 ක් පමණ ගත වෙලා. ඒ වගේම මේ වසරේ සැප්තැම්බර් මාසය වනවිට මධ්යම, වයඹ හා උතුරු පළාත් සභා තුනෙත් නිල කාලය අවසන් වෙනවා.
දැන් රජයට අවශ්ය වී තියෙන්නේ පළාත් සභා මැතිවරණය දිගින් දිගට කල් දැමීමටයි. එන වසරේ ජනාධිපතිවරණය පවත්වන කාලය වනවිට නිල කාලය අවසන් වූ පළාත් සභා හයට මැතිවරණය නොපවත්වා අවුරුදු දෙකක් වෙනවා.
මේ අනුව අවුරුදු දෙකකට මේ රටේ පළාත් සභා හයක් නැතිව රට පාලනය කිරීමට පුළුවන් නම් පළාත් සභා රටට අවශ්ය ඇයි?
සිsරිසේන වික්රමසිංහ රජය මෙලෙස පළාත් සභා මැතිවරණ අහෝසි වන්නට ඉඩ දෙන්නේ නම් ඉන්පසු එන අලුත් ආණ්ඩුවකට පළාත් සභා මැතිවරණය පැවැත්වීමට ඇති වන ප්රායෝගික අවශ්යතාවය කුමක්ද කියා ජනතාව අහයි. මනෝ ගනේෂන් ඇමැතිවරයා ප්රකාශ කළා සම්බන්ධන් මහතා රජයේ ඇමැති ධුරයක් ගත්තා නම් හොඳයි කියලා. එය ඉතා වැදගත් ප්රකාශයක්. ඇත්ත, සම්බන්ධන් විපක්ෂ නායකවරයා කටයුතු කරන්නේ විපක්ෂ නායකවරයකු ලෙස නොව රජයේ ඇමැතිවරයකුගේ කාර්යභාරයක්.
සම්බන්ධන් මහතා හා දෙමළ සන්ධානය ඒ ජනතාවට දුන් ප්රතිඥාව මොකද්ද? අද මොකද්ද වී තියෙන්නේ. ඔවුන් කිසිම හඬක නඟන්නේ නෑ. පළාත් සභා මැතිවරණය තියන්න කියලා. නැගෙනහිර පළාත් සභාවට අත්වූ ඉරණමට තව මාස දෙකකින් උතුරු පළාත් සභාවටත් මුහුණ දීමට සිදුවෙනවා.
සම්බන්ධන්ගේ හා දමිළ සන්ධානයේ භූමිකාව වී තියෙන්නේ මේ රජය කෙසේ හෝ පවත්වා ගෙන යැමටයි. ඒ නිසා කළ හැකි හැම දේම කරනවා. ඔවුන්ගේ අභිලාෂය වී ඇත්තේ තවදුරටත් මේ රජය පවත්වාගෙන යැමයි. මෙය හරි අභූත තත්ත්වයක්. නිසි කාලයේ මැතිවරණ පවත්වන්නේ නෑ. පළාත් පාලන මැතිවරණය අවුරුදු 2 1/2 ක් කල්දැමුවා. දැන් පළාත් සභාත් එහෙමයි. මැතිවරණ ක්රමයේ දොaෂ තිබෙනවා කියලා දිගින් දිගට මැතිවරණ කල් දමනවා. මේ විදියට මැතිවරණ ක්රමය සංශෝධනය කරන මුවාවෙන් මැතිවරණය කල්දැමීම ලොව කිසිදු ප්රජාතන්ත්රවාදී රටක සිදුව නැහැ.
පළාත් සභා මැතිවරණය එක දිනක්වත් කල්දැමිය නොහැකි බවට ශේ්රෂ්ඨාධිකරණය තීන්දුවක් ලබාදුන් පසුව ශේ්රෂ්ඨාධිකරණයේ තීන්දුව ක්රියාත්මක කිරීම වැළැක්වීම සඳහා අලුත් වැඩපිළිවෙළක් නිර්මාණය කළා.
මේ රටේ මැතිවරණ කල්දැමීමෙන් කිසිම ආණ්ඩුවකට වාසියක් වෙලා නැහැ. මැතිවරණ කල්දැමූ හැම රජයකටම රටේ ජනතාව හොඳ පාඩමක් උගන්වා තිබෙනවා. 70 මැතිවරණයේදී මැතිනියට 2/3 ක බහුතරයක් ලැබුණා. රජයේ නිල කාලය වුණේ 1970 සිට 1975 දක්වා අවුරුදු පහක කාලයයි. නමුත් 75 මැතිවරණය නොපවත්වා වැඩිපුර අවුරුදු දෙකක් පාලනය කර මැතිවරණය පැවැත්වූ පසු බලයේ සිටි ශ්රී ලංකා නිදහස් පක්ෂ ප්රමුඛ ආණ්ඩුව ආසන අටට බැස්සා. එසේ සිදුවුණේ මැතිවරණය අවුරුදු දෙකක් කල්දැමීමේ ප්රතිඵලය නිසයි.
මැතිවරණය කල්දැමීමට එරෙහිව දීප ව්යාප්ත මට්ටමින් උද්ඝෝෂණ මාලාවක් පවත්වනවා. පළාත් සභා මැතිවරණය නියම වෙලාවට පැවැත්විය යුතුයි.
ජාත්යන්තර මානව හිමිකම් කවුන්සිලයෙන් ඇමරිකා එක්සත් ජනපදය ඉවත් වුණේ මානව හිමිකම් කවුන්සිලය දැඩි ලෙස විවේචනය කරමිනුයි.
එක්සත් ජාතීන්ගේ සංවිධානයට ඇමරිකාව එවා සිටි තානාපති විකී හේලි මහත්මිය කියා සිටියා ජාත්යන්තර මානව හිමිකම් කවුන්සිලය අසුචි වළක් ගඳ ගසනවා කියලා. මෙය සම්පූර්ණයෙන් පක්ෂපාතියි. මෙමගින් කිසිවක් සිදුවන්නේ නෑ, එය පරාර්ථකාමී ආයතනයක් කියලා.
මානව හිමිකම් කවුන්සිලය පිළිබඳ මහින්ද රාජපක්ෂ රජය දිගටම කියා සිටියේ මෙයයි. එදා අප කියපු දේමයි අද ඇමරිකා එක්සත් ජනපදය කියන්නේ. අපි එදා ගෙන ගිය ප්රතිපත්තිය උඩු යටිකුරු නොකර කරගෙන ගියා නම් අද අපේ රටේ අභිමානයට, රණවිරුවන්ට කිසිදු අභියෝගයක් එල්ල වන්නේ නෑ.
එදා සිටම අපි කියා සිටියේ ශ්රී ලංකා ත්රිවිධ හමුදාව කිසිම වරදක් කරලා නෑ. ඔවුන් නිර්දොaෂියි. ඒ පිළිබඳ ඔප්පු කරන්න පුළුවන් සාක්ෂි ඇති බවයි මහින්ද රාජපක්ෂ රජය කියා සිටියේ. එදා අපි සුරක්ෂිත කළ අපේ ත්රිවිධ හමුදාව මේ රජය විසින් ඇමරිකා එක්සත් ජනපදය ගෙනා යෝජනාව ශ්රී ලංකාවේම යෝජනාවක් ලෙස පිළිගෙන සෙසු රටවලින් එම යෝජනාවට සහයෝගය ඉල්ලා සිටියා.
පාර්ලිමේන්තු මන්ත්රී රෝහිත අබේගුණවර්ධන මහතා,
මේ රජය සම්පූර්ණ අසාර්ථක රජයක් බවට ජාතික හා ජාත්යන්තර වශයෙන් ප්රසිද්ධියක් ලබා තියෙනවා. අද වනවිට මේ යහපාලන ආණ්ඩුවේ කැබිනට් ඇමැති ධුර සංඛ්යාව 41 ක්, රාජ්ය ඇමැතිවරු 22 ක් සහ නියෝජ්ය ඇමැතිවරු 23 ක් සිටිනවා. තව සතියක් දෙකක් යන විට මේ ප්රමාණය තවත් වැඩිවිය හැකියි. මේ වනවිට 86 දෙනෙක් ඇමැති ධුර දරනවා. ආණ්ඩුවේ සිටින අනෙක් මන්ත්රීවරුන්ට වෙනම වරදාන ලැබෙනවා.
මෙතරම් ඇමැතිවරු රාශියක් ඉන්නේ ආණ්ඩුව රුවිතෙට යන නිසයි. ඉදිරියේදී පාර්ලිමේන්තුවේ 113 හදා ගැනීමට මන්ත්රීවරු 27 ටත් තවත් ඇමැති ධුර හදලා දෙයි. මේවාට වියදම් කරන්නේ මේ රටේ ජනතාවගෙන් අයකරන බදු මුදල් මේ සඳහා අති විශාල මුදලක් වැය කෙරෙනවා.
අස්ගිරි අනුනායක හිමියන් වහන්සේ කළ ප්රකාශයක් ගැන අද කතා කරනවා. උන්වහන්සේ මේ රටේ ගෞරවනීය ස්වාමීන් වහන්සේ නමක්. උන්වහන්සේලා යමක් ප්රකාශ කරන්නේ දුරදිග බලලා රටේ අනාගතය ගැන හා වර්තමාන තත්ත්වය දෙස බලා. රට වර්තමානයේ පත්ව තිබෙන ඉරණම දෙස බලන විට මේ රට පාලනය කළ රජවරුන්ටත් අවවාද අනුශාසනා කළේ අති ගෞරවනීය මහා සංඝරත්නයයි. රටේ නායකයා ශුභවාදී නොවේ නම් මහා සංඝරත්නය දැඩි ලෙස අවවාද අනුශාසනා කළා. ඒ වගේ අද මේ රටේ සිදුවන සිදුවීම් දැකලා අනුශාසනාවක් කළා. දැන් මේ බය වෙලා තියෙන්නේ මොකටද? ගෝඨාභය භීතිකාවක්.
අගමැතිවරයා බොහොම ආඩම්බරයෙන් උජාරුවට කියනවා මත්තල ගුවන් තොටුපළත් ඉන්දියාවට විකුණනවා කියලා. මේවා කියන්නේ බේබදු තාත්තා කෙනෙක් ගෙදර බඩු විකුණලා සතුටු වෙනවා වගේ. රටේ අගමැතිවරයෙක් දෙන පණිවිඩය මොකද්ද රටේ සම්පත් විකුණගෙන කාපල්ලා කියලයි. තවත් කීයක් විකුණයිද? දන්නේ නෑ.
Author: Editor[N]
-
මැතිවරණ කල් දැමූ හැම ආණ්ඩුවකටම ජනතාව මතක හිටින පාඩම් ඉගැන්නුවා
-
ආණ්ඩුවේ නව බදු පනතින් ඊ.පී.එෆ්. පොලිය බහිනවා
ආණ්ඩුව විසින් ක්රියාත්මක කර තිබෙන නව ආදායම් බදු පතන මගින් සේවක අර්ථ සාධක අරමුදලේ ප්රතිලාභ හිමි පෞද්ගලික අංශයේ සේවකයන්ට ලැබෙන පොලියේ අඩුවීමක් සිදුවන බව අන්තර් සමාගම් සේවක සංගමයේ සභාපති වසන්ත සමරසිංහ මහතා ඊයේ (25) පැවසීය.
ශ්රී ලංකා මහ බැංකුවේ නියෝජ්ය මුදල් අධිපති කේ. ඩී. රණසිංහ මහතා විසින් මුදල් අමාත්යාංශ ලේකම් ආචාර්ය ආර්. එච්. එස්. සමරතුංග මහතා වෙත 2018 මැයි 18 වන දින මේ බව දැනුම් දී ඇතැයි වසන්ත සමරසිංහ මහතා ඊයේ මරදාන සමාජීය හා සාමයික කේන්ද්රයේ පැවැති මාධ්ය හමුවකදී පැවසීය.
වැඩිදුරටත් අදහස් දැක්වූ සමරසිංහ මහතා මෙසේද කීය.
පෞද්ගලික අංශයේ ලක්ෂ 26 ක ප්රමාණයක් සේවක අර්ථසාධක අරමුදලට සක්රිය දායකත්වයක් දක්වනවා. මේ වනවිට සේවක අර්ථසාධක අරමුදලේ මුදල් මහා භාණ්ඩාගාර බිල්පත් සහ මහ බැංකු බැඳුම්කරවල ආයෝජනය කිරීමෙන් ලැබෙන පොලිය මත එහි ප්රතිලාභීන්ට සියයට දහයයි දශම පහ (10.5) බැගින් වූ පොලියක් ගෙවනවා.
නමුත් මේ නව බදු පනත ක්රියාත්මක වීම හරහා සේවක අර්ථසාධක අරමුදලේ දායකත්වය ලබන ප්රතිලාභීන්ට මේ වන විට ගෙවන සියයට 10.5 ක පොලිය සියයට නමය (09) දක්වා අඩුකිරීමට සිදුවන බව නියෝජ්ය මුදල් අධිපතිවරයා මුදල් අමාත්යාංශ ලේකම්වරයා වෙත යොමුකළ ලිපියෙන් සඳහන් කර තිබෙනවා.
ඒ නිසා අපි ජනාධිපති, අගමැති, මුදල් ඇමැති ඇතුළු බලධාරීන්ගෙන් සේවක අර්ථසාධක අරමුදලේ ප්රතිලාභීන්ට හිමි පොලිය මත බදු අය නොකරන ලෙස ඉල්ලා සිටිනවා. එසේ වුවහොත් සියලුම පෞද්ගලික අංශයේ සේවකයන් දැනුවත් කර දීප ව්යාප්තව දැවැන්ත විරෝධතාවය දියත් කරනවා. ලබන ජූලි මස මුල් සතියේ පෞද්ගලික අංශයේ සේවකයන් දැනුවත් කිරීමට අත්පත්රිකා බෙදීම සහ දැනුවත් කිරිමේ වැඩසටහනක් ක්රියාවට නංවනවා.
පුවත්පත්වල දැන්වීම් දමමින් සේවක අර්ථසාධක අරමුදලෙන් සේවකයන්ට ලබාදෙන පොලිය අඩුකිරීමක් සිදුනොකරන බවට පුනපුනා කීවත් එය අසත්යයක් බව නියෝජ්ය මුදල් අධිපතිවරයා ඉදිරිපත් කළ ලිපිය අනුව පෙනී යනවා. මෙම නව බදු පනත හේතුවෙන් සේවක අර්ථ සාධක අරමුදලට අහිමි වන මුදල රුපියල් බිලියන 30 ක් පමණ වන බවට ගණන් බලා තිබෙනවා.
-
නගර සෝභනියන් අත්අඩංගුවට ගෙන අධිකරණයට ඉදිරිපත් කරන්නේ නම් ඔවුන් සමග යහන්ගත වන සැකකරුවනුත් අත්අඩංගුවට ගෙන අධිකරණයට ඉදිරිපත් කල යුතුයි…
නගර සෝභනියන් අත්අඩංගුවට ගෙන අධිකරණයට ඉදිරිපත් කරන්නේ නම් ඔවුන් සමග යහන්ගත වන සැකකරුවනුත් අත්අඩංගුවට ගෙන අධිකරණයට ඉදිරිපත් කරන්න යැයි සැකකාරියන් වෙනුවෙන් පෙනි සිටි නීතිඥවරයා අධිකරණයට ප්රකාශ කිරීමත් සමග සැකකාරියන් අධිකරණයට ඉදිරිපත් කළ අනුරාධපුර මූලස්ථාන පොලීසියේ නඩු මෙහෙයුම් අංශයේ නිලධාරීන් හා නීතිඥවරයා අතර විවෘත අධිකරණයේද උණුසුම් සංවාදයක් ඇතිවිය.
පොසොන් උත්සවය ආරම්භ වීමට පෙර අනුරාධපුර නගරය ආක්රමණය කරමින් ස්ථානගත වන නගර සෝබනියන් අත්අඩංගුවට ගැනීමේ මෙහෙයුමකදී අත්අඩංගුවට ගත් සැකකාරියන් දෙදෙනකු අධිකරණයට ඉදිරිපත් කළ අවස්ථාවේ ඔවුන්ට ඇප ලබා නොදෙන ලෙස දූෂණ මර්දන නඩු මෙහෙයුම් අංශය අධිකරණයෙන් ඉල්ලා සිටීමත් සමග දෙපාර්ශ්වය අතර උණුසුම් සංවාදය ඇතිවිය.
අත්අඩංගුවට ගෙන අධිකරණයට ඉදිරිපත් කළ සැකකාරියන් දෙදෙනා ලබන මස (04) වැනිදා දක්වා රක්ෂිත බන්ධනාගාර ගත කරන ලෙස අනුරාධපුර ප්රධාන මහේස්ත්රාත් අතිරේක දිසා විනිසුරු කේ.පී. ශානක හර්ෂණ මහතා නියෝග කළ අතර ඔවුන් අනුරාධපුර ශික්ෂණ රෝහලේ සමාජ රෝග සායනය වෙත ඉදිරිපත් කර වාර්තාවක් කැඳවන ලෙස විනිසුරුවරයා අනුරාධපුර බන්ධනාගාර අධිකාරියට තවදුරටත් නියෝග කළේය.
සැකකාරියන් දෙදෙනා අධිකරණයට ඉදිරිපත් කළ දූෂණ මර්දන අංශයේ පොලිස් කොස්තාපල් (47687) සරත් මහතා කියා සිටියේ සැකකාරියන් පොසොන් උත්සවය ඉලක්ක කර අනුරාධපුර නගරයේ ස්ථානාගත වී ප්රසිද්ධ ස්ථානවල ගැවසෙමින් සිටියදී අත්අඩංගුවට ගැනීම සිදුකළ බවයි.
සැකකාරියන් මැදවච්චියේ පදිංචිව සිටියත් අනුරාධපුර නගරයේ ගැවසෙමින් සිටි බවත් ඔවුන්ට ඇප ලබාදීම සිදුනොකර ඔවුන් දෙදෙනා සමාජ රෝග වාර්ථාවක් කැඳවීම සඳහා අනුරාධපුර ශික්ෂණ රෝහලේ සමාජ රෝග සායනයට ඉදිරිපත් කරන ලෙසත් පොලිස් කොස්තාපල් සරත් අධිකරණයෙන් ඉල්ලා සිටියේය.
සැකකාරියන් වෙනුවෙන් අධිකරණයට කරුණු දැක්වූ නීතිඥ නලින් දිමුතු බණ්ඩාර මහතා කියා සිටියේ ප්රජාතන්ත්රවාදී රටක ඕනෑම අයකුට ඕනෑම තැනක යෑමට ඒමට අවස්ථාව තිබෙන බවයි. හැමදාම අයාලේ යන කාන්තාවන් කියලා සැකකාරියෝ අධිකරණයට ඉදිරිපත් කරනවා. නමුත් කවදාවත් ඔවුන් එක්ක යහන්ගත වන පිරිමි අධිකරණයට ඉදිරිපත් කරන්නේ නෑ. පොලීසිය ඒ අයවත් අධිකරණය ඉදිරිපත් කරන්න. බොරුවට කාන්තාවන් විතරක් අධිකරණයට ගේන්න එපා.
අපි බොරුවට සැකකාරියන් අධිකරණයට ගේන්නෑ. මැදවච්චිය පැත්තට ගියා නම් මේ අයගේ තත්ත්වය දැන ගන්න පුළුවන්. උගත් නීතිඥතුමා කියන විදියට පිරිමි අධිකරණයට ගේන්න ගියොත් කී දෙනෙක් මතෛන්ට ගේන්නද? හැබැයි අවශ්ය වේලාවට අපි ඒ අයවත් ඉදිරිපත් කරන්නම් යනුවෙන් පොලිස් කොස්තාපල් සරත් අධිකරණයට දැන්වූයේය.
දෙපාර්ශ්වයේ කරුණු පිළිබඳව අවධානය යොමු කළ විනිසුරුවරයා සැකකාරියන් දෙදෙනා රක්ෂිත බන්ධනාගාර ගත කිරීමට නියෝග කළේය.
අනුරාධපුර මූලස්ථාන පොලීසියේ දූෂණ මර්දන ස්ථානාධිපති උප පොලිස් පරීක්ෂක ඩී.බි.අයි. ප්රේමරත්න මහතාගේ උපදෙස් මත නඩු මෙහෙයුම් අංශයේ සැරයන් (48319) අජිත්, හේරත් හා පොලිස් කොස්තාපල් (47687) සරත් යන නිලධාරීන් සැකකාරියන් අධිකරණයට ඉදිරිපත් කරමින් කරුණු කීහ. -
“කුඩු සෙල්විගේ සැමියාට “සිදු කළ වෙඩි තැබිම සම්බන්ධයෙන් එල්.ටී.ටී.ඊ සංවිධානයේ චාලස් ඇන්තනි බලකායේ සිටි බුම්බා ඇතුළු සැකකරුවන් අත්අඩංගුවට ගැනීමට පුළුල් විමර්ශනයක්
කොටහේන, ජම්පටාවිදිය ,137 වත්ත අසලදී “කුඩු සෙල්විගේ සැමියාට “සිදු කළ වෙඩි තැබිම සම්බන්ධයෙන් එල්.ටී.ටී.ඊ සංවිධානයේ චාලස් ඇන්තනි බලකායේ සිටි බුම්බා ඇතුළු සැකකරුවන් අත්අඩංගුවට ගැනීමට පුළුල් විමර්ශනයක් ආරම්භ කර ඇති බව වෙරළබඩ පොලීසිය පවසයි.
කොටහේන, ජම්පටාවීදිය, 137 වත්ත අසල වෙළෙඳසලක් පවත්වාගෙන යමින් සිටි ගනේෂ් නමැත්තාට යතුරුපැදියකින් පැමිණි පුද්ගලයන් දෙදෙනෙකු විසින් පෙරේදා (24) රාත්රී 9.45 ට පමණ වෙඩි තබා පළා ගොස් තිබුණි. එහදී බරපතළ තුවාල ලැබූ ඔහු කොළඹ ජාතික රෝහලට ඇතුළත් කරනු ලැබිණි.ගෙල පෙදෙසට මෙම වෙඩි තැබිම සිදුව තිබූ අතර ඔහුට ශල්ය කර්මයක්ද කළ බව පොලීසියේ උසස් නිලධාරියෙකු පැවැසීය.
තුවාලකරුගේ ප්රකාශය අනුව මෙම වෙඩි තැබිම සිදු කර ඇත්තේ පාතාල සාමාජිකයෙකු වන ස්ටැන්ලි කෙනඩි හෙවත් බුම්බා විසිනි.බුම්බා යනු එල්.ටී.ටී.ඊ සංවිධානයේ චාල්ස් ඇන්තනි බලකායේ සේවය කළ අයෙකි.පසුව ඔහු දකුණේ පාතාලය හා සම්බන්ධව විවිධ අපරාධ සඳහා යොමුව තිබේ. මොහු විසින් ගනේෂ්ගේ බිරිඳ වූ මත්ද්රව්ය ජාවාරම්කාරියක් වූ සෙල්වි නමැති කාන්තාව 2015 වර්ෂයේ සැප්තැම්බර් මසදී ඝාතනය කර තිබුණි.පසුව 2016 වර්ෂයේ බුම්බා ඒ සම්බන්ධයෙන් අත්අඩංගුවට ගැනුණු අතර බන්ධනාගාර ගතව සිට ඔහු නිදහස්ව පැමිණ ඇත්තේ මීට මාස දෙකකට පමණ ඉහතදී බව පොලීසිය පවසයි.එසේ නිදහස්ව පැමිණ වත්තල, ඇලකන්ද ප්රදේශයේ සැඟ වී සිට ඇත.පැරණි ආරවුල යළි මතුව ඔහු විසින් මෙම වෙඩි තැබිම සිදු කළ බව තුවාල ලැබූ පුද්ගලයා ප්රකාශ කර තිබේ.
මේ සම්බන්ධයෙන් සිද්ධිය වූ ස්ථානයේ අවට තිබූ සී.සී.ටී.වී දර්ශනද උපයෝගී කරගෙන කොළඹ උතුර භාර ජ්යෙෂ්ඨ පොලිස් අධිකාරි ලයනල් ගුණතිලක මහතාගේ අධීක්ෂණයෙන් වෙරළබඩ පොලීසිය සැකකරුවන් අත්අඩංගුවට ගැනීම සඳහා පරීක්ෂණ පවත්වයි.
-
මහින්දගේ මාධ්ය ලේකම් සිංගප්පූරුවේදී අත්අඩංගුවට
හිටපු ජනපති මහින්ද රාජපක්ෂ මහතාගේ මාධ්ය ලේකම් වරයා වන රොහාන් වැලිවිට මහතා සිංගප්පූරුවේ ගුවන්තොටුපළේදී ඊයේ දිනයේ අත්අඩංගුවට ගෙන ඇත.
පුද්ගලික සංචාරයක් සඳහා සිංගප්පූරුව බලා ගොස් ඇති වැලිවිට මහතාගෙන් ගුවන් තොටුපල නිලධාරීන් විසින් මුල්ය විශුද්ධිකරණය හා විදේශ ගමන් බලපත්රය ගැන පැය තුනක පමණ කාලයක් ප්රශ්න කර මුදා හැර ඇතැයිද වාර්තා වෙයි.
-
ගෝඨාභය නැවතත් FCID ට
හිටපු ආරක්ෂක ලේකම් ගෝඨාභය රාජපක්ෂ මහතා ප්රකාශයක් ලබාදීම සඳහා පොලිස් මූල්ය අපරාධ විමර්ශන කොට්ඨාසය වෙත පැමිණ ඇත.ගෝඨාභය රාජපක්ෂ මහතා අද(25) පෙරවරු 09.00 පමණ පොලිස් මූල්ය අපරාධ විමර්ශන කොට්ඨාසය වෙත පැමිණි අතර ඩී.ඒ රාජපක්ෂ අනුස්මරණ කෞතුකාගාරයේ ඉදිකිරීම් සම්බන්ධයෙන් සිදු කෙරන විමර්ශනවලට අදාළ ප්රකාශයක් ලබාදීම සදහා ඔහු එම කොට්ඨාසය වෙත පැමිණ ඇති බව සඳහන් වේ. -
අගමැති පුටුව වෙනුවෙන් මංගල කල මහා පාවාදීම
අගමැති පුටුව වෙනුවෙන් මංගල කල මහා පාවාදීම… චන්ද්රිකා බලයට ගෙනඒමේ කූට උපාය
පසුගිය සිකුරාදා දින මාතර සිදුවූ සිද්ධිය හා සමගාමීව ශ්රී ලංකාවට ජාත්යන්තර අනතුරකට ලක් කිරීමට මුදල් අමාත්ය මංගල සමරවීර කටයුතු කලේය. එනම් ට්විටර් පණිවුඩක් හරහා පොලිසිය විසින් සිදුකල එම ක්රියාව හෙලා දැක වත්මන් ආණ්ඩුව විවේචනය කලේය.
” මෙය යහපාලනය නොව යමපාලනය “
යනුවෙන් මංගල ට්විටර් පණිවුඩය හරහා ශ්රී ලංකා රජය ජාත්යන්තරය ඉදිරියේ හඳුන්වාදීමට කටයුතු කරන ලදී. එය ජාත්යන්තර වශයෙන් මෙය ශ්රී ලංකාවට ප්රබල හානියකි. රජයේ වගකිව යුතු ඇමතිවරයෙක් වශයෙන් මෙය හෙලා දැකීම හරහා ඉටු කරන්නේ කාගේ අවශ්යතාවයදැයි සක්සුදක් සේ පැහැදිලිය. සැබැවින්ම ඔහුට ජාත්යන්තරය ඉදිරියේ ශ්රී ලංකාව පාවාදීමට අවශ්යව ඇත. එයට හේතුව වත්මන් ජනපති මෛත්රීපාල සිරිසේන සහ අග්රාමාත්ය රනිල් වික්රමසිංහ සමාජය ඉදිරියේ නින්දාවට ලක්කර ආණ්ඩු බලය ඩැහැගැනීමට සහ චන්ද්රිකාගේ බලය සහිත රජයක් පත්කර ගැනීමට මංගලට උවමනාය.
කවුද මේ පසුපස ඉන්න කණ්ඩායම ?
එදා පටන්, එනම්, මහින්ද රාජපක්ෂ රජය පෙරළීමට කටයුතු කල රාජ්ය නොවන සංවිධාන (NGO) අතකොලු සියල්ල මේ සමග ඇත. කවුද මේ පුද්ගලයින්?
* ක්රිශාන්ත කුරේ
* සාලිය පීරිස්
* නිතීඥ නිලන්ති පීරිස්
* මනෝ තිත්තවැල්ල
* තිලාන් විජේසිංහකොහොමද මේ සැලසුම ක්රියාවට නැංවෙන්නේ ?
මෙහි මූලික සැලසුම ක්රියාවට නැංවෙන්නේ ඇමති මංගල සමරවීර අතිනි. එනම්, රජයේ ප්රභල අමාත්යවරයෙකු වශයෙන් රජයේ ක්රියා ජාත්යන්තරය හමුවේ සහ දැනගැනීම පිණිස විවේචනය කිරීමයි. සන්ධ්යා එක්නැලිගොඩ කරළියට ගෙන එන්නේද මංගල සමරවීර විසිනි. මාතර පොලිස් සිද්ධිය හරහා කොල්ලකරු හට වෙඩි තැබීම මංගල විවේචනය කරන්නේ සැලසුම් සහගතවය. මෙහි නීති උපදේශිකාව වන්නේ මංගලගේ පෞද්ගලික නීතිඥ නිලන්ති පීරිස් විසිනි. පොලිසිය විසින් සැලසුමකින් තොරව සිදුකල කාර්ය නිසාම මංගලගේ අවශ්යතාව ඒ අයුරින්ම ඉටු විය. එම නිසා මාතර සිද්ධිය හරහා මංගල ඩයස්පෝරාවටත් ජාත්යන්තරයටත් ශ්රී ලංකාවට දැලක් එලීමට තවත් උත්තේජනයක් ලබාදෙන ලදී.
මංගල සමරවීර විසින් රජය අපහසුතාවයට ලක් කරන තවත් කාර්යකට අතගසා ඇත. එනම් රැකියා ලබාදීමේදී රාජ්ය කලමණාකරන දෙපාර්තමේන්තුව (DMS) හරහා අනුමැතිය ගෙන රැකියා ලබාදෙන ලෙස සංස්ථා සභාපතිවරුන්ට නියෝග කිරීමයි. මේ සඳහා හදිසි සංස්ථා සභාපති රැස්වීමක් ජුලි මස 05 දින ඇමති මංගල විසින් කැඳවා ඇත. මෙහිදී සංස්ථා සභාපතිවරුන්ට නියෝගයක් ලබාදීමට මංගල සූදානම්ය. එනම් උදාහරණයක් වශයෙන් කම්කරු රැකියාවට බඳවා ගන්නවාද , උපරිම සුදුසුකම් ලත් සහතික ලබාගත යුතු අතර, එය රාජ්ය කලමණාකරණ දෙපාර්තමේතුව හරහා අනුමැතිය ගෙන රැකියාව ලබාදිය යුතු බවයි.
බැලූ බැල්මට මෙය සුදුසුම් ලත් වඩාත් උගත් රාජ්ය සේවයක් ඉටු කිරීම පිණිස මෙන් පෙනුනද එහි අභ්යන්තරය එය නොවේ. රැකියා අපේක්ෂකයන් බලවත් අපහසුතාවයට ලක්කර ඔවුන් රජය කෙරෙහි පිලිකුලක් ඇති කිරීම බව වැටහේ. මේ හරහා එජාපයද, ශ්රීලනිපයද දෙකට බෙදී මංගලගේ සහ චන්ද්රිකාගේ අල්ලේ නටන ආණ්ඩුවක් බවට පත්කර දෙමළ ඩයස්පොරාවේ බලපොරොත්තු සපල කිරීමකි. මෙය කියවන ආණ්ඩු විරෝධීන් හට විනෝදජනක දෙයක් වුවද, ඉන් පසුව ඇතිවන අභ්යන්තර පිපිරීම ඉතාමත් භයානකය. දමිල ඩයස්පෝරාවේ අණ අනුව සහ රාජ්ය නොවන සංවිධානයන්ගේ විධානයන් අනුව මේ රට තුල යුධ අපරාධ පිළිබඳව කතාව නැවත කරළියට පැමිණෙනු ඇත.
මේ හරහා මංගල බලාපොරොත්තු වන දේ .
මංගල සමරවීර හට මේ වන විට අවශ්යව ඇත්තේ අගමැති පුටුවට පැන ගැනීමයි. ඒ අග්රාමාත්ය රනිල් වික්රමසිංහ ධූරයෙන් ඉවත්කොට අගමැති බලතල මංගල අතට ගෙන මංගලට හිතවත් පාලන තන්ත්රයක් පත්කර ගැනීමයි. මෙය ඉතාමත් දරුණු අවදානම් තත්වයකි. දමිල ඩයස්පෝරාව මුලු රාජ්ය තන්ත්රය පුරාවට පිළිලයක් සේ ගමන් කරනවා ඇත. පාර්ලිමේන්තුව තුල ඒකීය ශ්රී ලංකා නියෝජනය වෙනුවට තමිල්නාඩු නියෝජනයෙන් බලගැන්වෙනු ඇත.
අද වන විටත් මුදල් අමාත්යාංශය තුල ඇත්තේ චන්ද්රිකාගේ බල අදිකාරියයි. එය මංගලට හෝ පාලනය කල නොහැකි තත්වයකි. ක්රිශාන්ත කුරේලා සිදුකරන්නේ රටේ ප්රබල පෞද්ගලික ව්යවසායකයන් සහ සමාගම් දැලේ දමා ඩීල් දැමීමයි. ඒ ඩයස්පෝරාවේ අවශ්යතාවය මත බව ඔබ දන්නවාද ?
* ධම්මික පෙරේරා
* හැරී ජයවර්ධන
* හේලීස් සමාගමයන ත්රිපුද්ගල මූල්ය මෙහෙයුම්කරුවන් හරහා මංගලගේ සහ චන්ද්රිකාගේ අවශ්යතාවය ඉටුකර ගැනීමට ඩීල් ගනුදෙනු සිදු කරන බවට තොරතුරු ඇත. ක්රිෂාන්ත කුරේ විසින් බොරැල්ල ඔස්ටින් පෙදෙසෙන් කෝටි ගණනක් වටිනා ඉඩම් මිලදී ගන්නේද මේ ඩීල් ගනුදෙනු අනුහසින් බව ඔබ දන්නවාද ? එම මුදල් වලින් ඩයස්පෝරාව සන්තර්පනය වන බව ඔබ නොදන්නවා ඇති.
මෙය කලින් දැන සිටි පුද්ගලයා කවුද ?
මංගලගේ මෙම කුමන්ත්රණය අද ඊයේ සිදුවූවක් නොවේ. මහින්ද රාජපක්ෂ රජය සමයේ ඔහු මෙම සැලසුම ක්රියාවට නංවන්නට කටයුතු කලේය. එදා සිට මංගල ලඟ සිටි පිරිස වන ක්රිෂාන්ත කුරේ, සාලිය පීරිස්, නිලන්ති පීරිස්, තුසිත හල්ලොලුව වැනි පිරිස් මෙම සැලසුම පිටුපස සිටියෝය. එම සැලසුම මහින්දගේ කණ වැකුණ පසු සිදුකලේ මංගලගේ අමාත්යාංශ පවරාගෙන මංගල ඉවතට විසි කිරීමයි. මංගල, චන්ද්රිකා යන දෙපල මහින්ද සමග වෛර බැඳගන්නේද මේ සිද්ධිය නිසාය.
කල් ගතකරමින් පැමිණි මංගල යහපාලන රජය තුල ප්රබල අමාත්ය ධූරයක් ලබාගෙන අද වන විට සිදුකරන්නේද මේ සැලසුම ක්රියාවට නැංවීමයි. මෙය රටේ පැවැත්මට ඉතාමත් භයානක සිද්ධියකි. රජයේ පුවත්පත් තුලින් රජය විවේචනය කරවීම මංගලගේ මෙම සැලසුමේ තවත් එක් අවස්තාවකි. අද වන විට රජය එම අනතුරට මුහුණ දී ඇති බව පෙනෙන්නට ඇත. එය රටේ ඉදිරි අනාගතයටද බරපතලව බලපාන කරුණක් බව සඳහන් කල යුතුය. අද වන විට යහපාලන රජයේ ඇතැම් දෙදරීම් වලට හේතුවද මංගල සමරවීර – චන්ද්රිකා කුමාරතුංග හවුල බව සියල්ල දැනගත යුතුව ඇත.
මෙම අනතුර වලක්වා නොගතහොත් නැවතත් මේ රට ත්රස්ථවාදයෙන් ඇලලී යන රටක් හා දමිල ඩයස්පෝරාවේ න්යාය පත්රයට අනුව පාලනය වන රටක් වනු ඇත.
– උපුල් බණ්ඩාර
-
අවිස්සාවේල්ලේ “පාන් ඇතා” මියයයි
විස්සාවේල්ල ජනතාව අතර ප්රකට පාන් ඇතා මියගොස් ඇත. කාන්ති නම් වූ මෙම ඇතින්න දින කිහිපයක් රෝගාතුරව සිට ඇති බව වාර්ථා විය.
කබොලූමුල්ල පත්තිනි දේවාලයට අයත්ව සිටි වයස අවුරුදු 49 ක් වූ මෙම ඇතින්න දිවයිනේ ඕනෑම පෙරහැරකට සහභාගි කරවා ඇත්තේ කිසිදු මුදල් අය කිරීමකින් තොරවයි. ප්රදේශවාසීන් පවසන්නේ වෙළදසැල් අසලට පැමිණෙන මෙම ඇතින්න පාන් ආහාරයට ගැනීමට පුරුදුවී සිටි බැවින් පාන් ඇතා ලෙස ප්රකට වු බවයි.
ඇතින්නගේ අවසන් කටයුතු කබොලූමුල්ල පත්තිනි දේවාල භූමියේදී අද (24) සිදු කිරීමට නියමිතයි.
-
අලුත් නියෝජ්ය ඇමතිගේ කාර්යාලය හදන්න පොත් දස දහසක් ඇති පුස්තකාලයක් කඩයි..! ඉල්ලපු වාහන අටම කෝටි තුනක මහජන මුදලින් කුලියට…!
නියෝජ්ය කෘෂිකර්ම අමාත්ය අංගජන් රාමනාදන්ට කාර්යාල ඉඩ පහසුකම් ලබා දීම සඳහා විශාල වටිනාකමකින් යුතු පුස්තකාලයක් කඩා ඉවත් කිරිමට සූදානම් වන බවට තොරතුරු වාර්තා වන අතර රාජගිරියේ පිහිටි කෘෂිකර්ම අමාත්යංශයේ කෘෂීකර්ම පර්යේෂණ හා කෘෂි විෂයට අදාල වටිනා පොත් 10,000 ක පමණ ප්රමාණයක් ඇති පුස්තකාලය මෙලෙස කඩා ඉවත් කර නියෝජ්ය කෘෂිකර්ම අමාත්යවරයාට එහි කාර්යාලයක් ඉදි කිරීම සඳහා එහි පාලන අධිකාරීය විසින් මෙම තීරණය ගෙන ඇති බවයි සඳහන් වේ.මේ අතර නියෝජ්ය අමාත්යවරයාගේ පාවිච්චිය සඳහා වාහන 8 ක් ඉල්ලා ඇති අතර එම වාහනද රුපියල් කෝටි 03 ක වියදමින් කුලී පදනම මත ලබා දීමටද පියවර ගෙන ඇති බවටයි තොරතුරු වාර්තා වේ. -
බැදුම්කර හොරකමෙන් සරසවියට මිලියන 146ක සෘජු පාඩුවක්
විශ්ව විද්යාල ප්රතිපාදන කොමිෂන් සභාවේ අරමුදලින් හා විශ්වවිද්යාල අර්ථසාධක අරමුදලින් රුපියල් මිලියන දහසකට වැඩි මුදලක් බැඳුම්කර ගනුදෙනු සඳහා යොදා ගෙන ඇති බව අනාවරණ වී ඇතැයි ශ්රී ලංකා මානව හිමිකම් කේන්ද්රය ඊයේ (23) කොළඹදී පැවැති මාධ්ය හමුවකදී ප්රකාශ කළේය.එහි විධායක අධ්යක්ෂ කීර්ති තෙන්නකෝන් මහතා කියා සිටියේ විශ්ව විද්යාල ප්රතිපාදන කොමිෂන් සභා අරමුදලේ රුපියල් මිලියන 141 ක මුදලක් පාඩුවක් ද, විශ්වවිද්යාල අර්ථ සාධක අරමුදලට තවත් රුපියල් මිලියන 5 ක අවම පාඩුවක් ද, විශ්වවිද්යාල ප්රතිපාදන කොමිෂන් සභාවේ අරමුදල් හරහා සිදුව ඇති බවයි.මෙම ගැටලුව ඇතිවන අවස්ථාවේ උසස් අධ්යාපන අමාත්යවරයා ලෙස කටයුතු කලේ කබීර් හෂීම් මහතා බවද ඔහු කියා සිටි අතර විශ්ව විද්යාල ආචාර්යවරුන්ගේ සමිති සම්මේලනයේ (ෆුටා) නියෝජිතයින් මේ පිළිබඳ කරුණු දැක්වීමක් සිදු කළ යුතු බවද මෙහිදී ඔහු පැවසුවේය. -
කොත්තු රොටිය ඇතුලේ බාගෙට කැපිච්ච ගෙම්බෙක්
අම්බලන්තොට නගරයට ආසන්නයේ මල්පෙත්තාව ප්රදේශයේ පවත්වාගෙන යනු ලබන අවන්හලකින් ඊයේ (23) රාත්රියේ කාන්තාවක විසින් ආහාරය සදහා ලබාගත් කොත්තු රොටියක දෙකට කැපී වෙන්වුණු ගෙම්බෙකු හසුවීමෙන් ඇය මහත් අපහසුතාවයකට පත්ව ඇත.මේ සිද්ධිය නිසා අදාළ කාන්තාව එය දුටු වහාම අම්බලන්තොට සෞඛ්යය වෛද්ය නිලධාරී වරයාට ද පැමිණිලි කර ඇති අතරඒ අනුව අද පෙරවරුවේ අම්බලන්තොට සෞඛ්යය වෛද්ය නිලධාරී වෛද්ය යු.පී මාලක මහතා හා කොට්ටාශ මහජන සෞඛ්යය පරීක්ෂක කේ.ජී නිශාන්ත මහතා විසින් එම කාන්තාවද සමග ගොස් අදාළ අවන්හල පරීක්ෂා කර ඇත.අවන්හල පරීක්ෂා කිරීමෙන් අනතුරුව හමු වූ සාධක මත අවන්හල පවත්වාගෙන යන කාන්තාව පොලිස් අත්අඩංගුවට ගෙන ඇති අතර හෙට දිනයේදී ඇය හම්බන්තොට මහේස්ත්රාත් අධිකරණයට ඉදිරිපත්කිරීමට නියමිතව බවයි වාර්තා වේ. -
කොටි පවුල්වලට වන්දි ගෙවන්න පෙර උතුරෙන් පැන්නූ සිංහලයන් යළි පදිංචි කළ යුතුයි
කොටි පවුල්වලට වන්දි ගෙවීමට පෙර ත්රස්තවාදයෙන් බැට කෑ උතුරෙන් පැන්නූ සිංහලයන්ට වන්දි ගෙවා නැවත පදිංචි කෙරිය යුතු යෑයි අවතැන් වූ උතුරේ සිංහලයන්ගේ එකමුතුවේ කැඳවුම්කරු නිශාන්ත ශ්රී වර්ණසිංහ මහතා අවතැන් වූ උතුරු හා නැගෙනහිර සිංහලයන්ගේ එකමුතුව මගින් 21 වැනිදා කොළඹ මහජන පුස්තකාලයේ කැඳවා තිබූ මාධ්ය හමුවකවේදී පැවසීය.
එහිදී,පුනරුත්ථාපන හා නැවත පදිංචි කිරීමේ අමාත්ය ඩී. ඇම්. ස්වාමිනාදන් මහතා එල්. ටී. ටී. සංවිධානයේ මිය ගිය සාමාජිකයන් වෙනුවෙන් ඔවුන්ගේ පවුල්වලට වන්දි ගෙවීම සඳහා තෙවැනි වරටත් කැබිනට් පත්රිකාවක් අමාත්ය මණ්ඩලයට ඉදිරිපත් කරලා. කැබිනට් මණ්ඩලය තුළ ඊට එල්ල වූ විරෝධය නිසා එය තාවකාලිකව අත්හිටුවා තිබෙනවා. තිස්වසරක යුද්ධයෙන් බැට කා ජීවිත දේපළ අහිමි වූ අවතැන් ජනතාවගේ දුක සැප වේදනාව සොයා බැලීමට සංවේදී නොවූ මෙම ඇමැතිවරයාට සහ එම අමාත්යාංශයට හදිසියේම කරුණාව පහළ වූයේ කෙසේද? යුද්ධය නිසා බැට කා අසරණව සිටින ලක්ෂ ගණනක් අහිංසක මිනිසුන් සිටියදී එල්. ටී. ටී. ඊ. සංවිධානයේ මියගිය සාමාජිකයන්ට දීමනා දෙන්නට හා සහන සලසන්නට යෝජනා කරන්නේ අනාගත දේශපාලන වාසි හා ඡන්ද කුට්ටි බලා ගෙන ද යන්න පිළිබඳ සාධාරණ සැකයක් අපට මතු වෙනවා යයි වර්ණසිංහ මහතා මෙසේද සඳහන් කළේය.
එල්. ටී. ටී. ඊ. සංවිධානයේ සිටි සාමාජිකයන් සැනසීමට යැම සහජීවනය නොවෙයි. උතුරෙන් පළවා හැරී සිංහල ජනතාව කොතරම් ප්රමාණයක් නැවත පදිංචි කර ඇද්දැයි අපි ඇමැතිවරයාගෙන් විමසා සිටින්නේ දැනට නාවක්කුලි හා නරිකාඩු ගම්මානවල පදිංචි වී සිටින සිංහල ජනතාවට අවම මූලික පහසුකම් හෝ ලබා දෙන්නට එම අමාත්යාංශය මැදිහත්ව කටයුතු කර නොමැති නිසාය. අපේ රණවිරුවන් ජීවිත පරිත්යාග කර නිදහස, ප්රජාතන්ත්රවාදය හා ජීවත්වීමේ අයිතිය ස්ථාපිත කිරීම හරහා දැනටමත් විශාල වන්දියක් දෙමළ ජනතාවට ගෙවා තිබෙනවා. එහෙයින් පළමුව කළ යුත්තේ උතුරෙන් පළවාහැරී සිංහල ජනතාව නැවත පහසුකම් සහිතව උතුරේ පදිංචි කරවීම බව අපි අවධාරණය කරනවා යයිද ඔහු වැඩි දුරටත් සඳහන් කරන ලදීමෙහිදී අදහස් දැක් වූ අවතැන් වූ උතුරේ සිංහලයන්ගේ එකමුතුවේ සම්බන්ධීකාරක තරිඳු දිලීප ගමගේ මහතා – උගත් පාඩම් හා ප්රතිසංවිධාන කොමිසමේ වාර්තාව පදනම් කරගෙන ඩී. එම්. ස්වාමීනාදන් ඇමැතිවරයා ගෙනැවිත් තිබෙන කැබිනට් යෝජනාව වැරදි යෝජනාවක්. හේතුව උගත් පාඩම් කොමිසම ද කටයුතු කළේ තමන්ට ලබා දුන් වපසරිය ඉක්මවා යමින්. එම වාර්තාව පවා අපි පිළිගන්න සූදානම් නෑ. එසේ තිබිය දී එම වාර්තා පදනම් කරගෙන තෙවරක් එල්. ටී. ටී. ඊ. සංවිධානයේ සාමාජිකයන් සැනසීමට යෝජනා ගෙන ඒම විශාල වරදක්. මේ ආණ්ඩුව අවස්ථා කිහිපයක දීම සිංහල සමාජය රිද්දන ආකාරයේ යෝජනා කිහිපයක් ගෙන ආවා. යහපාලනය, සංහිඳියාව කියන වචනවලට මුවා වී සිංහල සමාජයේ ඉවසීම පරීක්ෂා නොකරන ලෙස අපි ඉතාම කරුණාවෙන් ඉල්ලා සිටිනවා. ඒ වගේම අපේ ඉවසීම කියන්නේ නිවටකමක් නොවන බව මෙවැනි යෝජනා ගෙන එන ආණ්ඩුවේ ඇමැතිවරුන් දැනගත යුතුයි යනුවෙන් සඳහන් කරන ලදී.254
-
ට්රම්ප් මානව හිමිකම් පසෙකලා වෙළෙඳාමට අත ගසයි
ඇමරිකානු ජනාධිපති ට්රම්ප් මෙතෙක් ඇමරිකානු ක්රමවේදය වූ මානව හිමිකම් උල්ලංඝනය වීම් ගැන ක්රියාකිරීමේ පිළිවෙත අහෝසි කර ඇත.
මේ පිළිවෙත ලබන අගෝස්තු මස සිට නතර වන අතර මානව හිමිකම් උල්ලංඝනය වීම් ගැන සෙවීම වෙනුවට වෙළෙඳ කටයුතු නැංවීම තම අරමුණ බව ඔහු ප්රකාශ කර ඇත.
මේ නිසා මානව හිමිකම් උල්ලංඝනය වීම් මුවාවෙන් මෙරට ද්රවිඩ දේශපාලනඥයන්ට සහ රාජ්ය නොවන සංවිධාන ප්රධානීන්ට ලැබි තිබූ වරප්රසාද සහ ඇමරිකානු සංචාරද නතර වේ.පසුගිය කාලයේ මෙරට රාජ්ය නොවන සංවිධාන ප්රධානීන් දෙදෙනකු ඇමරිකානු අරමුදල් ලබා ගනිමින් ඇමරිකාවේ සංචාර රැසකට සහභාගී වී තිබේ. යහපාලනය, වගවීමේ ක්රියාවලිය යන කරුණුවලට මුවාවී මොවුන් ඇමරිකානු වරප්රසාද ලබාගෙන තිබිණි. -
සිසුන්ගෙන් පහර කෑ ප්රධාන ශිෂ්ය නායකයා මරුට
අමානුෂික මැර ප්රහාරයකට ලක් වූ හලාවත සවරාන මුස්ලිම් විදුහලේ ප්රධාන ශිෂ්ය නායකයා කොළඹ ජාතික රෝහලේ දි අද (23) අලුයම මිය ගියේය.
මොහොමඩ් රිස්වි මොහොමඩ් ෆයිසුල් නමැති එම සිසුවා ඉගෙනීමට ඉතා දක්ෂ බවත් පසුගිය දිනක එම පාසලේ ප්රධාන ශිෂ්ය නායකයා ලෙස තේරී පතු වූ බව මව්පියෝ පවසති.
ඉකුත් දිනක දේවමෙහෙයකට සහභාගී වී ආපසු යමින් සිටියදී මෙම ප්රහාරයට ලක් ඇති අතර පහර දීම සම්බන්ධයෙන් කිසිවකුටත් නොපවසන ලෙස ද තර්ජනය කර ඇත. පහර කෑමෙන් පසු හදිසියේ අසාධ්ය වූ එම සිසුවා හලාවත රෝහලටත් පසුව වැඩිදුර ප්රතිකාර සඳහා කොළඹ ජාතික රෝහලට ඇතුළු කර ඇත. මෙම පහරදීම සම්බන්ධයෙන් එම පාසලේ සිසුන් සිවු දෙනකු අත්අඩංගුවට පත් අතර එක් සිසුවකු රිමාන්ඩ් ගත කළ අතර අනෙක් සිසුන් තිදෙනා ඇප මත මුදා හැරණි. මහේස්ත්රාත් විභාගය අද (23) පැවැත්වීමට නියමිතය.
-
මහා පරිමාණ වංචා හා දූෂණ විමර්ශන කිරීමට අලුතෙන් පිහිටුවනු ලැබූ මහාධිකරණය ලබන 15 දා සිට වැඩ අරඹයි
මහා පරිමාණ වංචා හා දූෂණ විමර්ශන කිරීමට අලුතෙන් පිහිටුවනු ලැබූ මහාධිකරණය සඳහා විනිසුරුවන් තිදෙනකු, අගවිනිසුරු ප්රියසාද් ඩෙප් විසින් පත්කර ඇත.මෙසේ පත්කර ඇත්තේ මහාධිකරණ විනිසුරුවරුන් වන සම්පත් අබේකෝන්, සම්පත් විජේරත්න සහ ජානකී රාජරත්න යන තිදෙනාය.
මහා පරිමාණ වංචා හා දූෂණ විමර්ශන මහාධිකරණයේ කටයුතු ලබන 15දා ආරම්භ කිරීමට නියමිතය. -
කිලිනොච්චියේ දිවියා මැරීමේ සිද්ධිය පාර්ලිමේන්තුව හෙළාදකී
කිලිනොච්චියේදී දිවියෙකු අමානුෂික ලෙස ඝාතනය කිරීම සම්බන්ධයෙන් රජය විසින් පරීක්ෂණයක් කරන බව සභානායක ලක්ෂ්මන් කිරිඇල්ල පාර්ලිමේන්තුවේදී ප්රකාශ කළේය. සභානායකවරයා මේ බව ප්රකාශ කළේ මෙම අමානුෂික ක්රියාව හෙළා දකිමින් වගකිව යුත්තන්ට එරෙහිව පියවර ගන්නැයි ජනතා විමුක්ති පෙරමුණේ බිමල් රත්නායක සහ වෛද්ය නලින්ද ජයතිස්ස යන මහත්වරුන් කළ ඉල්ලීමෙන් පසුවය.