දකුණු ආසියානු කලාපයේ සංවිධානාත්මක අපරාධ හා මත්ද්රව්ය උවදුර මැඬ පැවැත්වීමේ අරමුණින්, එම කලාපයේ රටවල් අතර බුද්ධි තොරතුරු හුවමාරු කිරීමේ හා සම්බන්ධීකරණය කිරීමේ කලාපීය මධ්යස්ථානය (South Asian Regional Intelligence and Coordination Centre – SARICC) ශ්රී ලංකාවේ ස්ථාපනය කිරීමට යෝජනා වීමත් සමඟ අන්තරායකර ඖෂධ පාලක ජාතික මණ්ඩල පරිශ්රය තුළ එය තාවකාලික වශයෙන් ස්ථාපිත කිරීමටත් නීතිය හා සාමය සහ දක්ෂිණ සංවර්ධන අමාත්ය සාගල රත්නායක මැතිතුමා ඉදිරිපත් කළ යෝජනා අමාත්ය මණ්ඩලය විසින් අනුමත කර ඇත.
Author: Editor[N]
-
ජනපති හරි ට්රැක් එකට, සයිටම් අහෝසි කරන්න GMOA සමග එකඟ වෙයි – Exclusive
මාලඹේ සයිටම් පෞද්ගලික විශ්ව විද්යාලය අහෝසි කර එහිඉගනුම ලබන සිසුන් 1000 ක් පමණ සුදුසුකම් පරීක්ෂා කර බලා කොතලාවල ආරක්ෂක විශ්ව විද්යාලයේ වෛද්ය පීඨය වෙත ඇතුලත් කර ගැනීමට නියෝග කිරීමට ජනපතිවරයා තීන්දුවක් ගෙන ඇත.
පසුගිය කාල වකවානුව පුරාම සයිටම් අර්බුදයට නිසි විසඳුමක් ලබා නොදීම සහ ලබාදීමට අපොහොසත්වීම නිසාම රජය දැඩි අසීරුතාවකට මුහුණ දෙන්නට විය. නිගමනයක් නොවූ තීන්දු කිහිපයක් නිසාම සයිටම් වලට එරෙහි සහ පක්ෂ බලවේග දෙකෙහිම උද්ඝෝෂණ රට පුරා ක්රියාත්මක වෙත්දී එම දෙපාර්ශවය නිසාම රජය බලවත් අපහසුතාවන්ට මුහුණ පා තිබුනි.
එම කරුණු සලකා බලා රජයේ වෛද්ය නිලධාරීන්ගේ සංගමය විසින් ඉදිරිපත් කර තිබූ යෝජනාවන්ට එකඟවන්නට සහ සයිටම් නිසා සිදු වූ අපහසුතාවන් මැඩපවත්වන්නටත්, වෛද්ය අධ්යාපන ක්රමවේදය නිසි මගට ගැනීමටත් ජනපතිවරයා ගත් තීන්දුව පැසසුමට ලක්කල යුතුය. ඒ අනුව ඉදිරියේදී සයිටම් අර්බුධය නිසි පරිදි පාලනය වනු ඇති බව ජනපති කාර්යාලය නිවේදනය කරයි.
මේ ආකාරයටම විල්පත්තු වන විනාශය පිළිබඳ ගැටලුවට ජනපතිවරයාගේ මැදිහත්වීම බලාපොරොත්තු වන බව ස්වාධීන පරිසරවේදීන් අප කල විමසුමකදී පවසා සිටියේය. ඒ අනුව පරිසරවේදීන්ගේ සංගමය ඉදිරියේදී ජනපතිවරයා වෙත සංදේශයක් ඉදිරිපත් කිරීමට බලාපොරොත්තු වන බවද එහිදී සඳහන් කරන ලදී.
සයිටම් අහෝසි කිරීම පිලිබඳව ජනපතිවරයාගේ තීන්දුව අගය කරමින් රජයේ වෛද්ය නිලධාරීන්ගේ සංගමය ඔවුන්ගේ ෆේස්බුක් පිටුව තුල පලකල ලිපිය පහත දැක්වේ
https://www.facebook.com/gmoasl/posts/2053071974961606
-
ටැබ් වලට වෙන් කළ මුදලින් කොටසක් ගුරුවරුන්ගේ සංවර්ධනය වෙනුවෙන්
උසස් පෙළ සිසුන් එක් ලක්ෂ හැත්තෑ දහසකට සහ ගුරුවරුන් තිස් දහසකට ටැබ් පරිගණක ලබදීමට 2017 අයවැයෙන් රුපියල් බිලියන 5 ක් වෙන් කෙරුණු අතර එම ව්යාපෘතිය පසුගිය අමාත්ය මණ්ඩල රැස්වීමේදී ජනාධිපති මෛතී්රපාල සිරිසේන මහතා විසින් අත්හිටවනු ලබුවේ එම මුදල් පාසල් සංවර්ධනය සඳහා යෙදවීම යෝග්ය බව පවසමිනි.
එබැවින් එම මුදලින් කොටසක් ගුරුවරුන්ගේ සංවර්ධනය වෙනුවෙන් යෙදවිය යුතු බව අධ්යාපනඥයින් පවසයි.
-
සයිටම් සිසුන් කොතලාවල ආරක්ෂක විශ්ව විද්යාලයට
ජනාධිපති මෛත්රීපාල සිරිසේන මහතාගේ ප්රධානත්වයෙන් නීතිපතිවරයා, කොතලාවල ආරක්ෂක විශ්වවිද්යාලයේ උප කුලපතිවරයා, කොතලාවල ආරක්ෂක විශ්වවිද්යාලයේ වෛද්ය පීඨාධිපතිවරයා සහ විශ්වවිද්යාල ප්රතිපාදන කොමිෂන් සභාවේ සභාපතිවරයා ඇතුලු පිරිසක් ඊයේ (21) පස්වරුවේ ජනාධිපති කාර්යාලයේ පැවැති සාකච්ඡාවේදී මාලඹේ සයිටම් ආයතනයේ වෛද්ය විද්යාව හදාරන සිසුන් කොතලාවල ආක්ෂක විෂ්ව විද්යාලයේ වෛද්ය පීඨයට ඇතුළත් කිරීම තීරණය කර ඇත.
සයිටම් පෞද්ගලික වෛද්ය විද්යාලයේ දැනට ඉගෙනුම ලබන දහසක් පමණ වූ සිසුන්ගේ මූලික සුදුසුකම් පරික්ෂා කර බලා ඒ අනුව මෙම ඇතුළත් කරගැනීම සිදු කිරීමට මේ සාකච්ඡාවේදී වැඩිදුරටත් තීරණය කර ඇති අතර ජනාධිපති මාධ්ය අංශය විසින් මේ පිළිබඳව නිවේදනයක් නිකුත් කර ඇත.
-
ඒකාබද්ධය ඇමති පට්ටම් 5 යි කථානායක පට්ටමයි එපා කියයි
නව කැබිනට් සංශෝධනය සම්බන්ධයෙන් ශී්ර ලංකා නිදහස් පක්ෂය එ්කාබද්ධ විපක්ෂයට ආරාධනයක් සිදුකර ඇති අතර එහිදී අග්රාමාත්ය ධුරය හැර අමාත්ය ධූර 5ක් සහ කථානායක ධුරය භාර ගන්නා ඒකබද්ධයට යෝජනා කර ඇත.
නමුත් ඒකාබද්ධය කියා සිටින්නේ මෙම ධූරයන් භාර ගැනීමට ඔවුන් සූදානම් නැති බවය.
-
ලංකාවෙ පවුල් 52 ලක්ෂයකට වාහන 71 ලක්ෂයක්
මෝටර් වාහන පනත යටතේ වන නියෝග පාර්ලිමේන්තුවේදී ඊයේ (21) විවාදයට ගැනුන අතර එහිදී අදහස් දැක්වූ ප්රවාහන නියෝජ්ය අමාත්ය අශෝක අබේසිංහ කියා සිටියේ රට තුළ ලියාපදිංචි මෝටර් වාහන හැත්තෑ එක් ලක්ෂයක් පමණ ඇති මුත් දැනට මෙරට සිටින පවුල් ප්රමාණය පනස් දෙලක්ෂයක් පමණ වන බවයි .
-
ජගත් මානව හිමිකම් කවුන්සිලයේ 37 වන සැසිවාරය ශ්රී ලංකා රජයට තවත් බලපෑම් එල්ලකරනු ඇතැයි විචාරකයෝ කියා සිටී
ජිනිවාහිදී ආරම්භ වීමට නියමිත මානව හිමිකම් සැසියේ දී ශ්රී ලංකාව සම්බන්ධයෙන් වැදගත් කරුණු 2ක් සම්බන්ධයෙන් අවදානය යොමු කිරිමට නියමිත බවත් එම කරුණු සම්බන්ධයෙන් විවාදයක් පැවැත්වීමට ද නියමිත බවත් ජගත් මානව හිමිකම් කවුන්සිලය පනවසා ඇත.
ලබන 26 වනදා 37 වන සැසිවාරය ජිනිවාහිදී ආරම්භ වීමට නියමිත බැවින් අදාළ විවාදය ලබන මාර්තු 16 වනදා සිට 21 වනදා දක්වා යෙදී ඇති අතර ගෝලීය වශයෙන් ශ්රී ලංකාවේ ඇති වී තිබෙන වෙනස් කම් හා වත්මන් තත්ත්වයන් පිළිබඳව 16 වනදා විවාදයට ගැනීමට නියමිත ඇති බව සඳහන් වේ.
එමෙන්ම 21 වනදා පැවැත්වෙන විවාදයේ දී මානව හිමිකම් කවුන්සිලය විසින් ලබාදුන් තීරණ සම්බන්ධයෙන් ශ්රී ලංකාව කටයුතු කර ඇති ආකාර හා එහි ප්රගතිය සම්බන්ධයෙන් අවදානය යොමු කිරිමටත් ජගත් මානව හිමිකම් කොමසාරිස් සෙයිද් රාද් අල් හුසෙයින් විසින් ඒ පිළිබඳව වාචික පිළිතුරු ලබාදීමට කටයුතු කරන බවත් ජගත් මානව හිමිකම් කවුන්සිලය විසන් ශ්රී ලංකාවේ සංහිඳියාව වර්ධනය කිරිම හා සිදුවූ බවට කියන මානව හිමිකම් කඩවීම් නිවැරදි කර ගැනීම සඳහා මෙන්ම වගවීමේ ක්රියාවලීය ශක්තිමත් කිරිම වෙනුවෙන් වසර 2ක කාලයක් ලබාදී තිබු අතර මේ වන විට ඉන් වසරක් ගතවී ඇති බැවින් මෙම ප්රගති සමාලෝචනය සිදුකිරිමටත් නියමිත බව වැඩිදුරටත් සඳහන් වේ.
කෙසේ වෙතත් ශ්රී ලංකා රජය පොරොන්දු වූ පරිදි සංහිඳියාව හා වගවීමේ ක්රියාවලිය සාර්ථකව ඉටුකර නොමැති බවටයි චෝදනා එල්ල වී ඇති අති අතර මෙම ජගත් මානව හිමිකම් කවුන්සිලයේ 37 වන සැසිවාරය ශ්රී ලංකා රජයට තවත් බලපෑම් එල්ලකරනු ඇති බව විශ්ලේෂකයින් පෙනවා දී ඇත.
-
තුන්රෝදයත් බදු වලින් මිරිකිලා… බදු අඩු නොකලොත් ගාස්තු ඉහල දානවා
ගෙවීගිය කාලය බදු ඉහළ දැමීම හේතුවෙන් ත්රිරෝද රථ සහ අමතර කොටස් මිල 150% ඉහළගොස් තිබෙන බවත්, මාසයක කාලයක් තුළ බදු සහන ලබා දී අමතර කොටස් සහ ත්රිරෝද රථ මිල අඩු නොකළහොත් මාර්තු 26 වැනිදා සිට ගාස්තු ඉහළ දමන බවත් ලංකා ස්වයං රැකියා නියුක්තිකයන්ගේ ත්රිරෝද රථ සංගමයේ සභාපති සුනිල් ජයවර්ධන මහතා ප්රකාශ කරයි.
මේ අනුව මාර්තු 26 වැනිදා සිට දැනට දෙවැනි කිලෝමීටරයේ සිට අයකරන රුපියල් 40ක මුදල රුපියල් 50ක් බවට පත් කරීමට සිදුවන බවත් ඒ අනුව ත්රිරෝද රථ මගීන්ට ලැබී තිබූ එකම සහනය අහෝසි වී යන බවත්, එදින සිට පළමු කිලෝමීටරයේ සිට ගමනාන්තය දක්වා වූ සියලුම කිලෝමීටර්වලට රුපියල් 50 බැගින් අයකරන බවත් සභාපතිවරයා සඳහන් කළේය.
-
සිගප්පූරුවේ අයවැය අතිරික්තයක්… ජනතාවට බෝනස්
2017 අයවැය ලේඛනය සිංගප්පූරු ඩොලර් බිලියන 10ක අතිරික්තයක් වාර්තා කිරීම නිසා එරට වෙසෙන වයස අවුරුදු 21 සහ ඊට වැඩි සියලු පුරවැසියන්ට සිංගප්පූරු ඩොලර් 300ක බෝනස් මුදලක් ප්රදානය කිරීමට තීරණය කර ඇති බව එරට මුදල් අමාත්යාංශය නිවේදනය කර ඇත.
එක්වරක් පමණක් ගෙවන බෝනසක් මුදලක් ලෙස ප්රදානය කෙරෙන මෙය විශේෂ අවස්ථාවන්ට ලබාදෙන මූල්ය ත්යාගයක් ලෙස මුදල් අමාත්ය හෙන්ග් ස්වී කෙඊට් විසින් හඳුන්වා දී තිබේ.සිංගප්පූරු සංවර්ධනයේ ඵල සිංගප්පූරුවේ වෙසෙන ජනතාව සමග බෙදාහදා ගැනීමට රජය දක්වන දීර්ඝ කාලීන කැපවීම මේ තුළින් පිළිබිඹු වන්නේ යැයි මුදල් අමාත්යවරයා සඳහන් කර ඇත.
විශේෂ බෝනස් මුදල ලබාදීම සඳහා සිංගප්පූරු රජය සිංගප්පූරු ඩොලර් මිලියන 700ක මුදලක් වැය කිරීමට සූදානම් වන අතර, එය ලබාදීමේදී ඊට සුදුසුකම් ලබන සිංගප්පූරු වැසියන්ගේ තක්සේරු කළ ආදායම් තත්ත්වයට සමානුපාතිකව බෝනස් ලබාදීමටද සිංගප්පූරු රජය කටයුතු කරමින් සිටියි.
ඒ අනුව, සිංගප්පූරු ඩොලර් 28,000ක් හෝ ඊට අඩු ආදායම් ලබන පුද්ගලයන් සි.ඩොලර් 300 සම්පූර්ණ බෝනස් මුදල ලැබීමට සුදුසුකම් ලබන අතර, සි.ඩොලර් 28,000 සිට 100,000 දක්වා ආදායම් ලබන පුද්ගලයන්ට හිමිවන්නේ සි.ඩොලර් 200ක බෝනස් මුදලකි. මේ අතර, සි.ඩොලර් 100,000 ට වඩා වැඩි ආදායම් ලබන පිරිස් සි.ඩොලර් 100ක බෝනස් මුදලකට හිමිකම් කියයි. ඒ අනුව, සමස්තයක් ලෙස මිලියන 2.7ක ජනතාවක් 2018 වසර අවසානයේදී මෙම බෝනස් මුදල්වලට හිමිකම් කියනු ඇති බව සඳහන් වෙයි.
ජනතාවට බෝනස් ලබාදීමට අමතරව සිංගප්පූරු රජය සිය අයවැය අතිරික්තයෙන් සි.ඩොලර් බිලියන 5ක මුදලක් එරට දුම්රිය යටිතල පහසුකම් සංවර්ධන අරමුදලට බැර කරමින්, එරට ඉදිකිරීමට යන නව දුම්රිය මාර්ගය සඳහා ආයෝජනය කිරීමට බලාපොරොත්තු වෙයි.එමෙන්ම, තවත් සි.ඩොලර් බිලියන 2ක් එරට වෙසෙන වැඩිහිටි සහ බරපතළ ආබාධිත තත්ත්වයන්ට පත්වූවන් රැකබලා ගැනීම සඳහා වූ මූල්ය පහසුකම් වෙනුවෙන් වූ රක්ෂණ යෝජනා ක්රමයක් සඳහා බැර කිරීමට සිංගප්පූරු රජය කටයුතු කරමින් සිටියි.
-
උසස්පෙළ සිසුන්ගේ හා ගුරුවන්ගේ ටැබ් සිහිනයට වැට බැඳේ
උසස්පෙළ සිසුන්ට හා ගුරුවන්ට ටැබ් පරිගණක ලබාදීමේ ව්යාපෘතිය සඳහා රුපියල් බිලියන 4ක මුදලක් වැය කිරීමට නියමිතව තිබිණි.නමුත් ඊයේ(21)පැවති කැබිනට් හමුවේදී ජනපතිවරයාගේ අදහස වී ඇත්තේ මෙම අවස්ථාවේදි එවැනි විශාල මුදලක් වැය කිරීම සුදුසු නොවන බවයි.එබැවින් මෙම ව්යාපෘතිය තාවකාලිකව නැවැත්වීමට තීරණය වී ඇත.
-
කසල ප්රශ්නය විසඳනකල් සියඹලාණ්ඩ්වේ හිමිනමක් මාරාන්තික උපවාසක
ප්රදේශවාසීන් සහ විවිධ පුද්ගලයින් විහාරස්ථානය ඉදිරිපිටට කසළ බැහැර කිරීමට විරෝධය පළ කරමින් සියඹලාණ්ඩුව මහකළුගොල්ල ශ්රී තල්නාලෙන් අසපුවේ හිමි නමක් ඊයේ (19) දහවල් සිට සියඹලාණ්ඩුව ප්රාදේශීය ලේකම් කාර්යාලය ඉදිරිපිට මාරාන්තික උපවාසයක නිරත වන බව වාර්ථා වී ඇත.විහාරස්ථානය ඉදිරිපිටට බැහැර කරන කසල ඉවත් කිරීමට ප්රාදේශීය සභාව කිසිදු පියවරක් නොගන්නා බව එම හිමි නම පවසන අතර මෙම ගැටලූවට නිසි විසඳුමක් ලබා දෙන තුරු උපවාසය අත්නොහරින බවත් උන්වහන්සේ වැඩිදුරටත් කියා සිටී -
තව මාසයක් ඉවසන්න මම රැඩිකල් තින්දුවක් ගන්නවා
ජනාධිපති මෛත්රිපාල සිරිසේන මහතාගේ ප්රධානත්වයෙන් එක්සත් ජනතා නිදහස් සන්ධානයේ මන්ත්රී කණ්ඩායම සමග ඊයේ (19) පැවති සාකච්ඡාවේදී නියෝජ්ය අමාත්ය සුසන්ත පුංචි නිළමේ විපක්ෂයට එක්වීමට අවස්ථාව ලබා දෙන්නැයි ජනාධිපතිවරයාගෙන් ඉල්ලා ඇත.එහිදී තමා විසින් ඉදිරි මාසයක කාලය රැඩිකල් තීන්දුවක් ගැනීමට සුදානම් බවත් ඒ නිසා මේ ටිකේ ඉවසීමෙන් කටයුතු කරන ලෙසත් සුසන්ත පුංචි නිළමේට කියා ඇත. -
ගිරාඹේ ආනන්දහිමියෝ අපවත්වෙති
අසනීප තත්ත්වයක් හේතුවෙන් ශ්රී ජයවර්ධනපුර රොහලේ ප්රතිකාර ලබමින් සිටියදී ශ්රී ලංකා රාමඤ්ඤ මහ නිකායේ අනුනායක හිමියන් වන ගිරාඹේ ආනන්ද ස්වාමීන්වහන්සේ අපවත්වී ඇත.
අපවත්වන වන විට උන්වහන්සේ 80 වැනි වියේ පසුවූ උන්වහන්සේ ශ්රී දේහය පිළිබඳ ආදාහාන පූජෝත්වය ඉදිරියේදී දැනුම් දීමට නියමිතය.
-
2016 ට වඩා 2017 මත්ස්ය නිශ්පාදනය 2.3% කින් වැඩි වෙලා
මෙරට සමස්ත මත්ස්ය නිෂ්පාදනය මෙක්ට්රික් ටොන් 389,500ක් ලෙස 2017 වසරේ ජනවාරි මස සිට සැප්තැම්බර් මස දක්වා වූ කාල සීමාව තුළ වාර්තා වූ බව ධීවර අමාත්යාංශයේ කාර්යසාධන වාර්තාව පෙන්වා දෙන අතර එම වාර්තාවට අනුව 2016 වසරේ අදාළ කාලසීමාවට අනුව මෙය 2.3% ක වර්ධනයකි.මෙම වර්ධනය සඳහා මෙරට ධීවර කර්මාන්තයේ ප්රධාන උප අංශයක් වන කරදිය ධීවර අංශය සියයට 86.2% ක දායකත්වයක් ලබාදී ඇති අතර මිරිදිය හා ජලජීවී වගාව ලබාදී ඇති දායකත්වය 13.8%කි. -
දණගැස්සවූවා යයි කියන විදුහල්පතිනිය ගිය වාහනය ප්රපාතයකට ඇද වැටේ
පසු ගිය දින වල ඌව පළාත් ප්රධාන අමාත්යවරයා විසින් දණගස්වනු ලබුයේ යැයි මහත් ආන්දෝලනයක් ඇති කළ සිද්ධියට අදාළ විදුහල්පතිනිය සහ තවත් පිරිසක් පසුගිය 15 වැනිදා සාක්ෂි දීම පිණිස පාර්ලිමේන්තුවට ගොස් නැවත ඒමේදී විදුහල්පතිනියව රාගමින් බැස ඇති අතර ඉතිරි හත්දෙනා වෑන් රථයේ ආපසු පැමිණෙමින් සිටියදී රාත්රි 11.30ට පමණ කොළඹ-බදුල්ල ප්රධාන මාර්ගයේ මරන්ගහවෙල හල්පේ ප්රධාන මාර්ගයෙන් ඉවතට ගොස් සුරතලී ඇල්ල පාමුල අඩි 30ක පමණ ප්රපාතයට පෙරළී තිබේ.සමනලවැව පොලිසිය එහි යන විටත් අනතුරට ලක්වූ සිවුදෙනකු හල්දුම්මුල්ල රෝහලට ඇතුළත් කර ඇති අතර පිරිස අතර කාන්තාවන් දෙදෙනකු සිට ඇති අතර එක් අයෙක් ගුරුවරියකි.දැඩි ප්රපාතයකට පෙරළී ගොස් ජීවිත 7කට හානියක් සිදු නොවී තිබීම දෛවෝපගත සිද්ධික් බව ඒ පිළිබඳව අදහස් දක්වමින් ප්රදේශවාසීහු පවසති. -
යම් පසුබෑමකට ලක්වුනත් ජනවාරි 8 ජන බලය වෙනස් වෙලා නෑ
.මෙවර පළාත් පාලන මැතිවරණයෙන් ආණ්ඩුව යම් පසුබෑමකට ලක්ව තිබුණත් ජනාධිපති මෛත්රිපාල සිරිසේන මහතාට 2015 ජනවාරි මස 08 වැනිදා ලැබුණු ජන බලයේ වෙනසක් සිදුවී නොමැති බව වටහාගත යුතුව ඇති අතර එදින ජනවරමට ගරු කරමින් ජනාධිපතිවරයා ඉදිරියට ජනතා අපේක්ෂා ඉටුකිරීමට කටයුතු කළ යුතු බව විපක්ෂනායක දෙමළ ජාතික සන්ධානයේ නායක ආර්. සම්පන්දන් මහතා පවසයි.ජනාධිපතිවරයාත් අග්රාමාත්යවරයාත් සහයෝගීව කටයුතු කරමින් ජනතා අපේක්ෂාවෙන් ඉටුකළ යුතුව ඇති බවට සම්පන්දන් මහතා දෙපාර්ශ්වයටම අවධාරණය කොට ඇති අතර ජනතා කාර්යයන් රැසක් ඉටු කිරීමට තිබියදී වත්මන් ආණ්ඩුව මේ අවස්ථාවේ වෙනස් නොවිය යුතු බවද ඔහු වැඩිදුරටත් පවසයි.