Author: Editor[N]

රාජපක්ෂ පාලන සමය තුල 2008 සිට 2015 කාලය තුළ මුල්‍ය මණ්ඩලයේ අනුමැතියකින් තොරව රුපියල් ට්‍රිලියන 4 ක මුදලක් බැඳුම්කර මගින් වෙන්දේසි කිරීම නිසා ඉදිරි වසර 25 තුළ රුපියල් බිලියන දසදහසක මුදලක් ගෙවීමට රජයට සිදුවී ඇති බවත්ඒ පිළිබඳ විගණනය කළ යුතු බව බැඳුම්කර ජනාධිපති කොමිසම නිර්දේශ කර ඇති බැවින්, කඩිනමින් ඒ පරීක්‍ෂණ ඇරඹිය යුතු බවත් ඊයේ(07) බොරැල්ල කැම්බල් පිටියේ පැවැති එක්සත් ජාතික පක්‍ෂ විශේෂ සම්මේලනය අමතමින් අග්‍රාමාත්‍ය රනිල් වික්‍රමසිංහ මහතා අනාවරණය කළේය

රටේ අනාගතය විනාශයට පත් කළ රාජපක්‍ෂවරු දැන් ගම හදන්නට බලය ඉල්ලන බවත්, රටේ ආර්ථිකය පරිහාණියට පත් කළ අයට ගම නංවාලීමට කිසිඳු හැකියාවක් නැති බවත්බැඳුම්කර කොමිසම පිළිබඳ විවිධ අදහස් පළ කරන ජනමාධ්‍ය දැන් බිලියන දසදහස පිළිබඳව ද ප්‍රශ්න කිරීම ආරම්භ කරන්නේදැයි තමන් බලා සිටින බවත් එහිදී අග්‍රාමාත්‍ය තුමා වැඩිදුරටත් ප්‍රකාශ කර සිටියේය.

“රැකියාවලින් අඩුම මට්ටමේ රැකියාව වන කොළඹ ගෙවල්වල මෙහෙකාරකමට උයන්න පියන්න වැඩට හොයන්නේ වත්තේ කෙල්ලෝ. වත්ත ඕන වෙලා තියෙන්නේ මොකදට, කොළඹ හතේ නෝනලාගේ ගෙවල් බලාගන්න. ගොඩාක් නගර සභාවල කුණු එකතු කරන්නේ කුණු ට්‍රැක්ටරේ වැඩකරන්නේ වත්තේ අය. වත්තේ අය තියාගෙන ඉන්නේ අඩු වරප්‍රසාද සහිත රැකියාවලට. ඒක සාධාරණ නැහැ. වතුවල නායකයෝ හැදුණා. හැම ආණ්ඩුවකම මේ නායකයෝ හිටියාට ජනතාවගේ ප්‍රශ්න විසඳුණේ නැහැ. හැබැයි ඒ ගොල්ලන්ගේ ප්‍රශ්න විසඳුණා. තොන්ඩමන් මහත්තයාගේ මනෝගනේෂන් මහත්තයාගේ දිගම්බරම් මහත්තයාගේ ප්‍රශ්න විසඳුණා. හැබැයි එයාලගේ දරුවෝ යනවාද ගෙවල්වල වැඩට. නැහැ. ඒ ගොල්ලෝ නගර සභාවේ වැඩ නැහැ. එයාලගේ ප්‍රශ්න විසඳගෙන තියෙන්නේ. හැබැයි ජනතාවගේ ප්‍රශ්න එක තැනමයි. කුඩා කාමරයක ජීවත් වෙනවා. වැසිකිළි පද්ධති නැහැ. දරුවන්ට පාසලක් නැහැ. හරියට රස්සාවක් නැහැ. වැඩිපුරම වත්තේ ආහාර මොනවාද? පිටි ගොඩක්. ඒ අයට ගැස්ට්‍රයිටිස්. රොටි කනවා. බුලත් විට කනවා. ඒවා තමයි කෑම. කාන්තාවන් ලංකාවේ වැඩියෙන්ම අරක්කු බොන්නේ වත්තේ. ඇයි? ජීවිතේ ප්‍රශ්න වැඩි නිසා. හවසට චිත්‍රපට බලන්න යන්නද? නාට්‍යයක් බලන්න යන්නද?, විනෝද ගමන් යන්නද? නැහැ. ඒ නිසා කාලක් ගහල එනවා. දැන් හැමදේම වෙනස් වෙලා. ඒ නිසා හරබර සාකච්ඡා අපේ මාධ්‍යවල යනවා අඩුයි. ටී.වී. සංවාද යනවා. හොඳ සාකච්ඡාවක් යනකොට විවේක කාලය හම්බවෙනවා. වෙළෙඳ දැන්වීම් දාන්න. එතකොට නිවේදකයා කියනවා අද ටිකක් රණ්ඩුව මදි වගේ. දෙන්නා ටිකක් ඇරගන්න. නැත්තම් කට්ටිය නිදාගන්නවාලු.
මාධ්‍ය ගැන හිතුවොත් බැඳුම්කර කොමිසමේ වාර්තාව පසුගිය 30 වනදා ජනාධිපතිට භාර දුන්නා. අපේ කාලයේ දැඩි ආන්දෝලනයට තුඩු දුන් වාර්තාවක් ඒ. ඒ කොමිසම සඳහා වෙන් කළේ  මහජනයාගේ මුදල්. ඒ පරීක්ෂාවට භාජනය කළේ මහජනයාගේ මුදල් හොරකමක් ගැන. මහජනයාගේ මුදල් වියදම් කරලා මහජනයාගේ මුදල් හොරකම ගැන පරීක්ෂාව භාජනයට ලක් කළා. එතකොට මහජනයාට අයිතියක් තියෙනවා, ඒ වාර්තාවේ මොකක්ද තියන්නේ කියලා දැන ගන්න. ඒ නිසා අපි බලකරලා කියනවා ඒ වාර්තාව සමාජයට ඉදිරිපත් කරන්න.”

යයි පළාත් පාලන මැතිවරණය වෙනුවෙන් කොටගල ප්‍රාදේශීය සභාවට ජනතා විමුක්ති පෙරමුණෙන් තරග වදින අපේක්ෂකයන් හඳුන්වාදීම සඳහා හැටන් කොටගල ඩෙරික්කෙලයාර් වතුයායේ පැවැති ජන හමුවකදී ජවිපෙ නායක අනුර කුමාර දිසානායක සහෝදරයා දැඩි ස්වරයෙන් පැවසූහ.

ගිය ආණ්ඩු සමයේ රාජක්ෂවරු විසින් ඔවුන්ගේ අත්තනොමතික වැඩ නිසා ඇතිකල ප්‍රශ්න මේ වන විට ඉතා බරපතල මට්ටමින් වර්ධනය වී ඇති අතර එදා සුළුවෙන් විසඳිය හැකිව තිබූ එම ප්‍රශ්න විසදීමට මෙම රජයට මහත් වූ පරිශ්‍රමයක් දරීමට සිදුවනවා යැයි මහනුවරදී පැවති ජන හමුවකදී යයි එජාප මහ ලේකම් ඇමති කබීර් හෂිම් මහතා පවසයි.

කුරුණෑගල දිස්ත්‍රික් පාර්ලිමේන්තු මන්ත්‍රී මහින්ද රාජපක්ෂ මහතා හෝ ඒකාබද්ද විපක්‍ෂයේ සිටින කිසිදු පාර්ලිමේන්තු මන්ත‍්‍රීවරයෙක් ශ‍්‍රී ලංකා පොදුජන පෙරමුණේ සාමාජිකත්වය ලබා ගෙන නැති බව එම පෙරමුනේ සභාපති මහාචාර්ය ජී.එල්. පීරිස්  අදහස් පල කරමින් ප්‍රකාශ කර ඇත.

පොදුජන පෙරමුණ වෙනුවෙන් සිය මන්ත්‍රී කම කැප කල එකම පුද්ගලයා වන්නේ ජී එල් පමනකි. අනෙක් ඒකාබද්ධයේ මන්‍රත්‍රීන් තම මන්ත්‍රී වරප්‍රසාද ලබමින් පොහොට්ටුවේ නායකයා මහින්ද යයි කියන නිසා ජී එල් මෙසේ කල කිරී ඇති බව දේශපාලන ආරචි මාර්ග වල සඳහන් වේ.

මුන් ඔක්කොම එකතු වෙලා මාව මුරුංග අත්තේ තිබ්බා යයි ජී එල් ඔහුගේ සමීපතයන්ට පවසා ඇති බවට ආරංචි ලැබී ඇත.

2015 දී මහින්දගේ ආණ්ඩුව පෙරලා නොදැම්මේ නම් මේ වන විට ශ‍්‍රී ලංකාවට සම්බාධක විශාල ප්‍රමාණයක් පැනවී ඇති බවත් එදා මහින්ද පරාද කිරීම තුලින් ජාත්‍යන්තරයේ තිබූ එම සූදානම බිඳහෙලීමට සමත් වූ බැවින් අප රටට සම්පූර්ණයෙන්ම වැසී යාමට තිබූ විදෙස් වෙළදපලෙ බේරා ගැනීමට හැකිවීම යහපාලන ආණ්ඩුව මේ රටට කල ලොකුම සේවයක් බවත් මාතර නගර සභාවට හා ප‍්‍රාදේශීය සභාවට පළාත් පාලන මැතිවරණයේදී තරග වදින එක්සත් ජාතික පක්‍ෂ අපේෂක්‍කයන් අමතමිනි  මුදල් හා ජනමාධ්‍ය ඇමති මංගල සමරවීර මහතා පුකාශ කර සිටියේය.

යහපාලන ආණ්ඩුව අද වන විට මුළු ලෝකයම දිනගෙන අවසන් බවත් ඔහු වැඩිදුරටත් කියා සිටියේය.

ගම්පහදී පැවති උත්සවයකික් පසු මාධ්‍ය වෙත අදහස් පල කරමින් ප‍්‍රාදේහීය සංවර්ධන ඇමති ෆීල්ඩ් මාෂල් සරත් ෆොන්සේකා මහතා කියාසිටියේ  ගෝටාභය රාජපක්‍ෂ හිටපු ආරක්‍ෂක ලේකම්වරයා ආණ්ඩුවට සහය දීමට පැමිණියහොත් තමන් ආණ්ඩුවෙන් ඉවත් වන බව කියා සිටියේය.

ශ‍්‍රීලනිපය හා පොහොට්ටුව  කිසිසේත්ම එකතු නොවන බව හා කෙසේ හෝ එම පක්ෂ දෙක එකතු ූ වුව හොත් නයයි මුගටියයි කසාද බැදීමක් වැනි වැඩක් යයිද කී ඇමතිවරයා මහින්ද රාජපක්‍ෂ වැන්නෙකු සමග වත්මන් ජනාධිපතිට එකට වැඩ කල හැකි යයි තමන් නොසිතන බවත් එවන් එක්වීමකට තමන් ඇතුළු පිරිස ඉඩ නොතබන බවද ඇමතිවරයා වැඩි දුරටත් සදහන් කලේය.

මහ බැංකු බැදුම්කර වංචාව සම්බන්ධයෙන් සොයා බැලීමට පත් කරන ලද ජනාධිපති කොමිසමේ වාර්තාවෙන් හෙලිව ඇති කරුණු සැලකිල්ලට ගෙන අගමැති රනිල් වික‍්‍රමසිංහ මහතාට එරෙහිව විශ්වාස භංග යෝජනාවක් ඉදිරිපත් කිරීමට ඒකාබද්ද විපක්‍ෂයේ මන්ත‍්‍රීවරුන් තීරණය කර ඇති අතර ඉදිරි පළාත් පාලන මැතිවරණය පැවැත්වීම පෙර දිනකදී මෙම විශ්වාස භංගය විවාදයට ගෙන එමගින් අගමැතිවරයා ධුරයෙන් ඉවත් කිරිමට එවුන් සැලසුම් කර ඇත.

බැඳුම්කර කොමිසමේ  සාක්ෂි ගත්තේ, ඒවා සම්පිණ්ඩනය කළේ .සියලූ කටයුතු නියාමනය කරනු  ලැබුවේ නීතිපති දෙපාර්තමේන්තුවෙන් වන බැවින් නඩු  පැවරීම එතරම් අපහසු නොවන බවන් නඩු පැවරීමේ දී යම් නීති සංශෝධනයක් අවශ්‍ය වේ නම් එය ද පාර්ලිමේන්තුවට ඉදිරිපත් කිරීමට නීතිපති දෙපාර්තමේන්තුවට කල් ගත නොවනු ඇතැයි ශ්‍රී ලංකා නිදහස් පක්ෂ මුලස්ථානයේ ඊයේ (5) පැවැති මාධ්‍ය හමුවක් අමතමින් ශ්‍රී ලංකා නිදහස් පක්ෂයේ ජාතික සංවිධායක, විද්‍යා තාක්ෂණ හා පර්යේෂණ අමාත්‍ය සුසිල් පේ‍්‍රම ජයන්ත මහතා ප‍්‍රකාශ කළේය.

‘‘මේ වාර්තාවේ ඇමුණුම් දහසකට වඩා තිබෙනවා. ඒ නිසා මේකට කාලය ගත කළ යුතු නැහැ. සියලූ කටයුතු සම්පාදනය වී ඇති බැවින් ඉක්මනින්ම චෝදනා පත‍්‍ර භාරදිය හැකියි. පාර්ලිමේන්තුවේ දී එක්සත් ජාතික පක්ෂයේ මන්ත‍්‍රීවරු පවා මේ ගැන උනන්දුයි. මේ ගැන නීති සම්පාදනය කරගන්න අවශ්‍ය වෙනවා නම් ඉතා ඉක්මණින් හා පහසුවෙන් එයත් කරගන්න පුළුවන්. හිටපු මහ බැංකු අධිපති ලංකාවට ගෙනාවේ ජනාධිපතිතුමා නොවෙයි. පත් කළේ හෝ රැක්කේ ජනාධිපතිතුමා හෝ ශ්‍රී ලංකා නිදහස් පක්ෂය නොවෙයි. ඔහුට විරුද්ධව නඩු පවරන එක වළක්වන්න උත්සාහ ගත්තේ ජනාධිපතිතුමා නොවෙයි.” යනුවෙන් ඒ මහතා එහිදී වැඩිදුරටත් ප්‍රකාශ කර සිටියේයත

ශ්‍රී ලංකා පොදුජන පෙරමුණ හරහා එක්සත් ජාතික පක්‍ෂය බලයට ගෙන ඒමේ කුමන්ත‍්‍රණයක් ක‍්‍රියාත්මක වන බව පෙනී ඇති බවත්, එය පැරදවීම සඳහා ඉදිරියේදී කටයුතු කරන බවත් ශ්‍රී ලංකා පොදුජන පෙරමුණේ සංවිධායක ලේකම්, හිටපු පාර්ලිමේන්තු මන්ත‍්‍රී අනුරුද්ධ පොල්ගම්පොල මහතා එම පෙරමුණෙන් ඉවත්ව ශ්‍රී ලංකා පොදුජන පෙරමුණු ප‍්‍රගතිශීලී කණ්ඩායම ලෙස වෙනම සංවිධානයක් පිහිටුවාගෙන තිබේ. 

අනුරුද්ධ පොල්ගම්පොල මහතා මේ බව පැවසුවේ කොළඹ දී අද(5) පැවැති මාධ්‍ය හමුවක් අමතමිනි.

ශ්‍රී ලංකා පොදුජන පෙරමුණේ ප‍්‍රතිපත්ති මාලාවක් හෝ මෙතෙක් එළිදක්වා නොමැති බව කී පොල්ගම්පොල මහතා එහි නාමයෝජනා පත‍්‍ර කිහිපයක් ප‍්‍රතික්‍ෂේප වන අයුරින් සැකසීම කිසියම් පිරිසකගේ සිත සැනසවීමේ අරමුණින් කළ අභ්‍යන්තර කුමන්ත‍්‍රණයක්ද යන්න ගැන සැකයක් තිබෙන බව ද කීවේය.