ඒකාබද්ධ විපක්ෂය ගොඩනගා ගෙන තිබූ වාමාංශික ප්රගතිශීලී දේශපාලන බලවේගය අතරට බැසිල් රාජපක්ෂ අතරමගදී කඩා වැදී එම බලවේගය විනාශ කළ බව පළාත් සභා හා පළාත් පාලන රාජ්ය ඇමැතිනී ශ්රියානි විජේවික්රම මහත්මිය ශ්රී ලංකා නිදහස් පක්ෂ මූලස්ථානයේදී (2)දා පැවැති මාධ්ය හමුවකට එක් වෙමින් පැවැසුවාය.
එමෙන්ම අම්පාර දිස්ත්රික්කයෙන් නොකඩවා දෙවතාවක් පාර්ලිමේන්තුව නියෝජනය කළ තමාට එම ව්යාපාරයෙන් ඉවත් වීමට සිදුවූයේ අත්තනෝමතික, ඒකාධිපති තීරණ ගන්නා විමලවීර දිසානායක නිසා බව පැහැදිලිව ප්රකාශ කරන බවද ශ්රියානි විජේවික්රම මහත්මිය සඳහන් කළාය.
එහිදී ඇය වැඩිදුරටත් අදහස් දක්වමින්“ඒකාබද්ධ විපක්ෂය ආරම්භ කළේ පාර්ලිමේන්තු මන්ත්රීවරු හයදෙනෙකුගෙන්. මම තමයි ඒ හයදෙනා අතර සිටි එකම කාන්තාව. ඒ ව්යාපාරය විසින් පැහැදිලි ජනතාවාදී දේශපාලන ගමනක් යන අතරදී පසුගිය අපේ ආණ්ඩුව විනාශ කළ බැසිල් රාජපක්ෂ ඒ මැදට කඩාගෙන වැටුණා. ඔහුට මගේ දිස්ත්රික්කය නියෝජනය කළ විමලවීර දිසානායකත් එකතු වුණා. විමලවීර දිසානායක හරියට “දැලි පිහිය අතට ගත් වඳුරා වගේ” කපාගෙන කපාගෙන ගියා. අපේ දිස්ත්රික්කයේ ඡන්දය ඉල්ලන්න තිබූ ජනතාවගේ ප්රජාතන්ත්රවාදී අයිතිය අත්තනෝමතික ලෙස උඳුරා ගත්තා. ඒ අයිතිය වෙනුවෙන් මට දේශපාලන තීන්දුවක් ගන්න සිදු වුණා.අපි කල්පනාවෙන් කටයුතු කළ යුතු කාලයකටයි පැමිණ තිබෙන්නේ. දේශපාලනඥයන් කියන්නේ යාචකයන් නෙවෙයි.දෙමළ ජාතික සන්ධානය උතුරේ බලය බෙදීමක් පිළිබඳ කතා කරනවා. ඔවුන් උතුරේ ජනතාවට කිසිම දෙයක් කරලා නෑ. ඒ නිසා නව ව්යවස්ථාව ගැන කියලා බලය බෙදීම විකුණලයි ඔවුන්ට මේ මැතිවරණය වෙනුවෙන් උතුරේ කටයුතු කරන්න සිදු වී තිබෙන්නේ. නමුත් මේ මැතිවරණය බලය බෙදීමක්වත්, ආණ්ඩුක්රම ව්යවස්ථාවක් ගැනවත් අදාළ නෑ. මේ මැතිවරණය ගමට වැඩක් කළ හැකි ගමට නායකයෙක් තෝරන මැතිවරණයක් පමණයි.,/ යනුවෙන් පවසන ලදී
එස්.බී. දිසානායක මහතා කොළඹ ඩාර්ලි පාරේ පිහිටි ශ්රී ලංකා නිදහස් පක්ෂ මූලස්ථානයේ දී පසුගිය දිනක පැවැති ප්රවෘත්ති සාකච්ඡාවකදී ඉදිරි දේශපාලන තත්වය ගැන පහත අයුරින් ප්රකාශ කර සිටියේය.
“මැතිවරණ මෙහෙයුම් කාර්යාලය අද මේ මූලස්ථානයේ පිහිටුවූවා. පළමු අපේක්ෂක හමුව සුගතදාස ක්රීඩාංගනයේදී පසුගිය 29 වැනිදා සාර්ථකව පැවැත්වූවා. අපේ පළමු මහ රැලිය අනුරාධපුරයේදී 10 වැනිදා පවත්වනවා. දුමින්ද දිසානායක එය සංවිධානය කරනවා. 11 වැනිදා නැවත කොළඹ රැස්වීමක් පවත්වනවා. අප දැන් ශක්තිමත්. විපක්ෂයේ අපේ මිතුරන් එකතු කර ගන්න අපි විශාල උත්සාහයක් ගත්තා. සාකච්ඡා වට ගණනාවක් පැවැත් වූවා. නිමල් සුසිල් ඇමැතිවරුන් ඊට මැදිහත් වූණා. ඒ එකතුවට ලොකු බාධා ඇති වුණා. දැන් පක්ෂ රැසක් අප සමග එකතු වී සිටිනවා. මහජන පක්ෂයේ පාර්ලිමේන්තු මන්ත්රීවරිය අපට ආවා. ඒ පක්ෂයේ නියෝජ්ය නායක ආවා. විමල්ගේ පක්ෂයේ දෙවැනියා අපට ආවා. ශ්රී ලංකා කොමියුනිස්ට් පක්ෂය එකතු වුණා. ලංකා සම සමාජ පක්ෂයේ ක්රියාකාරි කණ්ඩායම පවා එකතු වුණා. වතු කම්කරු කොංග්රසයත් අප සමගයි. අතාවුල්ලාගේ හා හිස්බුල්ලාගේ පක්ෂ දෙක අප සමග එකතු වුණා. පළාත් පාලන ආයතනයට තරග කරන සන්ධානය අපියි. අපි උතුරු නැගෙනහිර සෑම ආයතනයකටම තරග කරනවා.
අතීතයේදී යම් යම් පිරිස් පක්ෂයෙන් ගියා. නමුත් පසුකාලීනව නැවත එකතුවෙන්න සිදුවුණා. මහින්ද එක්ක ගියේ කනිෂ්ඨයෝ ටිකක්. පක්ෂයේ ජ්යෙෂ්ඨයන් පොහොට්ටුව එක්ක එකතු වෙලා නැහැ. අපි මේ මැතිවරණයට ශක්තිමත්ව මුහුණ දෙනවා.
ඡන්දයෙන් පස්සේ පොහොට්ටු පක්ෂයේ අය ශ්රී ලනිපයට බැඳෙයි. මහින්ද ඊට පසුව විශ්රාම යාවි. ප්රධාන පක්ෂ දෙක එකතු වීමෙන් ජයග්රහණ රැසක් ගත්තා. මේ ඡන්ද ක්රමයට යූඑන්පිය පොහොට්ටු පක්ෂය විරුද්ධ වුණා. අපියි මේ ඡන්ද ක්රමය ගත්තේ. අද සල්ලි නැතිව වුණත් මැතිවණ දිනන්න පුළුවන්. මෙය ලොකු ජයග්රහණයක්. මහින්ද පොහොට්ටු රැස්වීමට යෑම ගැන මධ්යම කාරක සභාව රැස්වී තීන්දුවක් ගනීවි. ඒකට අපිට හදිසියක් නැහැ. චන්ද කාලවලදී ඔය වගේ දේවල් වෙනවා. අප පළාත් පාලන රාජ්යයක් පිහිටුවනවා.
තනි ආණ්ඩුවක් හදාගන්න අපේ පක්ෂයේ ජ්යෙෂ්ඨයන් එදා යෝජනාවක් ඉදිරිපත් කළා. නමුත් පොහොට්ටුවේ අය ඒකට කැමැති වුණේ නැහැ. හිටපු ජනාධිපති මහින්ද රාජපක්ෂ ටිකක් පස්සට ගිහින් එතුමාගේම පවුලේ චමල් රාජපක්ෂ අපට දෙන්න කිව්වා අගමැති අපේක්ෂක හැටියට. මෛත්රීපාල සිරිසේන මහත්තයාට මැතිවරණය මෙහෙයවන්න ඉඩ දෙන්න කියලත් අප කිව්වා. ඒකට ඉඩ දෙන්නෙ නැතිව එතුමා එළියට ආවා. ඇවිල්ල සටනට පැමිණියාම වර්තමාන ජනාධිපතිතුමා ටිකක් පස්සට ගියා. ඒ නිසා ඒ මැතිවරණයෙන් අපට බහුතරයක් හම්බ වුණේ නැහැ. කාටවත් ආණ්ඩු පිහිටුවීමේ බලය තිබ්බේ නැහැ. මන්ත්රීවරු සල්ලිවලට එහාට මෙහාට උස්සන්න හදපු වෙලාවේ ඒක නැවැත්තුවා. පසුව පක්ෂ එකතු වෙලා ආණ්ඩුවක් හදා ගත්තා. ඊට පස්සේ අපි ලෝකය දිනාගත්තා. එක්සත් ජාතීන්ගේ සංවිධානයේ විශ්වාසය දිනා ගත්තා. මුළු යුරෝපයම අපේ පැත්තට ගත්තා.
අපි 19 වැනි ආණ්ඩුක්රම ව්යවස්ථා සංශෝධනය ගෙනැවිත් ලොකු වෙනසක් කළා. ජනාධිපතිතුමා එතුමාගේ බලතල අතහැර දැම්මා.
පොහොට්ටුවේ අය අපේ ගොඩට ගන්න අපි අද වගේම හෙටත් උත්සාහ දරනවා. ඒ අය අපේ අය. අපේ මිත්රයෝ අපේ කිසිම තරහක් නැහැ.”
ශ්රී ලංකා මානව හිමිකම් කොමිෂන් සභාවට පසුගිය වසරේ පළමු කාර්තු තුනේ (ජනවාරි 01 වැනිදා සිට සැප්තැම්බර් 30 දක්වා) පැමිණිලි 5614ක් ලැබුණු බවත් ඉන් 1174ක් නීති විරෝධීව පොලිස් අත්අඩංගුවට ගැනීම් හා වධහිංසා කිරීම් පිළිබඳ සිදුවීම් බවත් ශ්රී ලංකා මානව හිමිකම් කොමිෂන් සභාව කියයි.
නීති විරෝධී අත්අඩංගුවට ගැනීම් හා වධහිංසා කිරීමේ සිදුවීම් සම්බන්ධයෙන් දැඩි අවධානයක් යොමු කරන බව එහිදී වැඩිදුරටත් කියා සිටියාය.
ශ්රී ලංකා මානව හිමිකම් කොමිෂන් සභාවට කරන පැමිණිලිවල නිර්දේශ ලබා දීම ප්රමාද වන බවට නැඟෙන චෝදනා ගැන ද මාධ්යවේදීහු ප්රශ්න කළහ. ඊට පිළිතුරු දුන් ආචාර්ය උඩගම මහත්මිය ප්රකාශ කළේ මානව සම්පත්වල හිඟතාවය නිසා එවැනි ප්රමාදවීම් සිදුවන බවයි.
‘‘ ස්වාධීන කොමිෂන් සභාවක් විදියට අපිට අවශ්ය සම්පත් ගන්න දීර්ඝ පටිපාටියක් තියෙනවා. පැමිණිලි 5000කට වැඩි ගණනක් ආ බව අපි කිව්වා. ඒවා හැම එකක් ගැනම අවධානය යොමු කරලා විභාග කරද්දි මානවසම්පත් ප්රශ්නයත් එක්ක කාලයක් යනවා. අපි මේ ගැන ආණ්ඩුක්රම ව්යවස්ථා සභාවත් දැනුම්වත් කර තිබෙනවා. ‘යැයි ද උඩගම මහත්මිය කීවාය.
අපේ ජීවිතයේ අපි වැඩියෙන්ම ආදරය කරන අපිට වැඩියෙන්ම ආදරය කරන කෙනෙක් තමයි අම්මා කියන්නේ. අපේ දේවල්වල සාර්ථකත්වයේදී ඇත්තටම සතුටු වෙන්නෙත් අසාර්ථකත්වයේදී වැඩියෙන්ම දුක් වෙන්නෙත් අම්මා. ඉතින් අපි මේ කියන්න යන්නේ තවත් අම්මා කෙනෙක්ගේ කතාවක් ගැනයි. භූමි හරේන්ද්රන් ගැන ඔබ සැවොම දන්නවා ඇති. ඇය දර්ශිලා රත්නායක ආරච්චිලාගේ අනෝමා ය. ඇය කුමුදු හරේන්ද්රන් නම් ලත් පුතෙකු වැදුවාය. එහෙත් වර්තමානයේ ඇය අප හදුනන්නේ භූමි හරේන්ද්රන් නමැති ලිංගික සංක්රාන්තියට පත් තරුණයාගේ මව ලෙසය. මේ ඇය ගැන පුවත්පතක් සමග කළ සාකච්ඡාවක්.
විලි ඇවිස්සෙන කොළඹ අහස යට ෆ්ලැට් අයිනේ පුංචි එවුන් සෙල්ලම් ගෙවල් හදති, ක්රිකට් ගසති, කෑ ගසති, හූ කියති, එකම කෙළිදෙලකින් පෙළෙති. අම්මා ඒ ලෝකය දෙස බලා සිටියාය. ජීවිතයේ බර ඇය දැන සිටියාය. එසේම ලෝකය ඒ තරම්ම සුන්දර නැත. ඇය එය ද දැන සිටියාය. දිනය එළඹිණ. ඇය කොළඹ කාසල් රෝහලේදී පුංචි කොලු පැටියෙකු ලොවට බිහි කළාය. අද ඒ කොලු පැටියා සොබාදහමට යටත්ව දියණියක්ව සිටී. ඒ අම්මා තමන් වැදූ ඒ දරු පැටියාට සෙනෙහසින් පවුලක බර කරට ගෙන ඇදක් මත වැතිරී අතීත මතක සමග පමණක්ම ගනුදෙනු කරන රෝගී වූ තම සැමියා ද රැකබලා ගන්නීය. ඒ දෙමටගොඩ මහල් නිවාස සංකීර්ණයකය.
භූමි ගැන ලංකාවම දනී. එහෙත් ඒ ජීවිතයට පණ දුන් අම්මා කොහිද? ඇය කුමක් කරනු ඇත්ද? කප්පරක් බලාපොරොත්තු තබාගෙන කුසින් වැදු පිරිමි දරුවා ගැහැනියක් වීම අම්මා නම් වූ සෙනෙහෙබර සංවේදී හදවතට කෙසේ දැනෙන්නට ඇද්ද? ඒ අම්මා සොයා ගත යුතුය. ලෝකයක් වපර ඇසින් බලන මිනිස් ජීවිත දෙස ආදරෙන් සෙනෙහසින් අත්වැල් බැඳගන්නට නම් ඒ හෘද සාක්ෂිය අප සොයාගත යුතුය.
මම හැදුණේ කොන්වන්ට් එකේ ත්රීකුණාමලේ. ගෙවල් කොළඹ. ඉතින් නත්තලට ටිකක් ලෑස්ති වුණා. ඇය අප අපහසුතාවයට පත් වේ යැයි සිතුවා විය හැකිය. ඒ අම්මලාගේ හැටිය. අම්මලාට තමන්ට කලින් අනෙකාය. හුරුබුහුටි නිවසේ කැබිනෙට්ටුව මත භූමි කුඩා කල ගත් ඡයාරූප පෙළකි. ඒ අම්මගේ වස්තුවයි.
ඇය තම භූමි නම් වූ දියණියට වඩා කුමුදු නම් වූ ආදරණිය පුතාට ආදරේය. ඇගේ හිතට එකලාසයක් නැත. එහෙත් මේ මං වැදූ දරුවා. මට අහක දාන්න බෑ.. මේ මගේ පුතා…” සියල්ල නිහඩය… ඇගේ දෙනෙතින් කදුළු කැට කඩා හැලෙද්දී අපේ පපුව සිර විණි… ඇය අසලම භූමි ඉඳගෙන සිටින්නීය. අම්මා.. ඇය සෙමෙන් ඇගේ හිස පිරිමදින්නීය…. බබා… කදුළු තුළින් ඇය තමන් වැදු පුතුගේ මුහුණ භූමි තුළ සොයන්නීය.
මිනිසුන්ට ඇත්තේ තමන් ළඟ නැති දේවලට වඩා තමන් ළඟ තිබී නැති වූ දේ පිළිබඳ වේදනාවකි. ඒ අම්මාය. ඇය වැදූ පුතා ඇය තවම සොයන්නීය. භූමිගේ හිත හයියය. ඇය පිරිමි භාවය පසෙකලන්නේ ඒ හිතේ හයියටය.
මට මෙයා හම්බෙලා මාස තුනෙන් මම රට යනවා… අපි එතකොට හිටියේ බොරැල්ලේ. මම අවුරුදු 17න් කොන්වන්ට් එකේ ඉදලා කොළඹ අවා. මගේ අක්කා ඉන්නවා.. ඉතින් ටික කාලයක් ගිහින් මට මෙයාගේ තාත්තව මුණගස්වනවා මගේ අක්කා.. ඒක යෝජනා විවාහයක්… ඉතින් අපි බැඳලා අවුරුද්දකින් තමයි මට භූමි ලැබෙන්නේ. මෙයාගේ තාත්තගේ ගෙදර බොරැල්ලේ. එහෙ තමයි හිටියේ. ඉතින් මට වඩා තාත්තයි, නැන්දයි, ආච්චියි තමයි පුංචි කාලේ ළඟින්ම හිටියේ. මම එන්නේ අවුරුදු දෙකකට සැරයක්. අපිට ගොඩක් අමාරුකම් තිබුණා. එක නිසා මට රට යන්න වුණේ… මගේ එකම බලාපොරොත්තුව තිබුණේ මෙයාට හොදට උගන්නගන්න එක.” අම්මලාගේ හීන එහෙමය. තමන් විඳි දුක දරුවන්ට දෙන්නට අම්මලා තුන් හිතකින්වත් කැමති නැත. ඒ වෙනුවෙන් තම ලේ ඇට මස් නහර දියකර හරින්නට ඇය සුදානම්ය. ඒ අම්මාය.
මම අවුරුදු දහයකින් ලංකාවට එනකොට මෙයා ටිකක් ලොකුයි. තාත්තයි, නැන්දයි තමයි සේරම කළේ. තාත්තා හරි ආදරෙයි. අපිට ඉන්න එකම දරුවනේ.. තාත්තා ඩ්රයිවින් රස්සාව කළේ. ඉතින් අපි කොහොම හරි වියදම් කරලා මෙයාට උගන්නන්න ඕන වුණේ. මහන්සි වෙලා ඞී.එස්. එකට දාගත්තා.. මෙයා හොදට ඉගෙනත් ගත්තා… ඒත්…ඇයට ඉකිගැසෙන්නේය. එය අත්විඳිය හැක්කේ කාටද? ඒ අම්මාය. සියලුම දරාගැනීම් ඈ සතුය.
අම්මා පුංචි කාලේ ඉඳන් භූමිගේ වෙනස්කම් දැක්කද?
අවුරුදු පහළවේදී තමයි කටහඬ වෙනස් වෙනවා මට දැනුණේ.. මං තාත්තට කිව්වා. එයා ඉතින් ඒක ගණන් ගත්තේ නැහැ. ඒ ගෙදර තට්ටු තුනක් තිබුණා. මෙයා උඩම තට්ටුවේ තනියම. මම ඔය කාමරේ පිහදාන්න දවසක් යනකොට තමයි ඇඳුම් අහුවුණේ… එතකොට මෙයා අනිත් පැත්තට ගිහින් ඉවරයි…
ගෙදර ගොඩක් ප්රශ්න ඇති වුණා. ඊට පස්සේ මෙයා යන්න ගියා ගෙදරින්.” ඇගේ පැහැපත් මුහුණ රැලි වැටෙයි. දෑස් මිරිකෙයි… හදවතේ මව් සෙනෙහස රූරා වැටෙයි. අම්මලාට දරුවන්ගෙන් ඈතට යන්නට හිත් දෙන්නේ නැත. දරුවන් අම්මලා හැරදා පියා යද්දී ඒ වේදනාවේ තරම දන්නේ අම්මා කෙනෙකුමය. අම්මලා අසමසමය. ඇයට දරුවා සොයන්නට මඟක් නැත.
දිනක් සන්ක්රාන්තික ලිංගිකයන් පිළිබඳ රුපවාහිනී වැඩසටහනක තමන් වැදූ ආදරණිය පුත් රුවන කාන්තා ඇඳුම් පැලඳුම් හැඳ පැලඳ සිටිනවා ඇය දකින්නීය. ඒ මොහොතේ ඇයගේ හැගීම් විස්තර කිරීමට තරම් හැකියාවක් අපට නැත. ඒ අම්මාය. ඇය දරාගන්නීය. ඇගේ ඇසින් කඳුළු කඩා හැලෙන්නට ඇත. ඉකිගැසෙන්නට ඇත. පපුව සිරවී ගල් ගැසෙන්නට ඇත. කොයි මොහොතේ හෝ තමන්ගේ දරුවා තමන්ගේ උණුහුම හොයා නැවත එන බව ඇගේ සිත දැන සිටියාය. අම්මලා දරුවන් එනතුරු කල්ප ගණන් බලා සිටින්නේය. අම්මලා එහෙමය.
දෙමටගොඩට පිනිබර යාමය උදා වෙද්දී සැවුලන් හැඬලූවේ නැති වුණ ද, කොළඹ රේල්ලූව රජ ගමනින් ආවේය. ඒ එනකොට මේ අම්මා ද ලිප ගිනි මෙළවුයේය. ඇය පින්න මැකෙන්නට කලින් කඩයප්පන් සාදන්නිය. ඒවා තම සහෝදරියගේ කඩයට දී විකුණා ලැබෙන මුදලින් ජීවිතය සරි කරගන්නීය. එතෙකින් නොනැවතී අවුරුදු 27ක් ගෘහ සේවිකාවක් ලෙස සේවය කරන්නීය. ”මං වැඩ කරන ගෙදර මගේ වගේ.. මට හරි ආදරෙයි ඒ නෝනලා… මෙයාට උගන්නන්න එයාලත් උදවු කළා. මෙයාගේ ගැන දැනගත්තම හැමෝම අපිව අතෑරියා… එයාල එහෙම කළේ නැත්නම් අදටත් මං එතැන වැඩ… ගෙදර බර තවමත් අම්මාගේ කර පිටය. ඇය වෙහෙසක් නොපෙන්වන්නිය. සිනහව පරිත්යාග කරන්නීය. දුක හංගා ආදරේ කරන්නීය. ඒ අම්මාය.
අම්මා භූමිට දුව කියන්නේ නැද්ද…?
කවදාවත් බෑ. මේ මගේ පුතා, මට දෙයියෝ දුන්න දරුවා.. මගේ කුසින් වැදුවේ පුතෙක්. ඒක හැමදාම එහෙමයි. මේ මගේ පුතා.. ඒ උතුරන කදුළු දෙස බලා සිටිය නොහැකිය. මෙයා කලබල වුණා වැඩියි. අපි නැති වුණාම මෙයා ගැන බලාගන්නේ කවුද…?” අප නිහ`ඩ වීමු… මව් පපුතුරේ ගලන වේදනාව වචන කළ නොහැකිය.
ඇය භූමිට ආදරේය. මම දැන් ලෝකෙට මුණදෙන්න සුදානම්. ඉස්සර මං බය වුණා. ලැජ්ජාවක් දැනුණා… මේ මගේ දරුවා. මට ඉන්නේ මෙච්චරයි… කවුරු මොනවා කිව්වත් මට මගේ දරුවා වටිනවා.” අම්මලාට දරුවන්ගේ සුවඳ අමෘතය මෙනි. ඔවුන් ඒ සුවඳින් ස්නේහයේ පිපාසය සන්සිඳුවා ගන්නීය.
මෙයාට ගෙදර ඉදන් සාරි ඇඳගෙන යන්න බැහැ. මෙහෙ හරි වෙනස් සමාජයක් තියෙන්නේ.. කුණු කන්ද නිසා තමයි අපිට ෆ්ලැට්වලට එන්න හම්බුණේ. අපි දොර වහගෙන ඉන්නේ හැම වෙලේම. මෙයා ගෙදර කලිසම් ඇඳගෙන ඉන්නේ. මං එළියට යවන්නේ නැහැ. තම දරුවාට නිග්රහ වන බැල්මක්වත් අම්මලා අනුමත කරන්නේ නැත. අම්මලා දරුවන් රකින්නේ එහෙමය.
ඇගේ මුවට සිනහවක් නැගිණි. දවසක් හරි වැඩක් වුණා. මම බොරැල්ලෙන් බස් එකේ නැගලා වැඩට යන ගමන්. එතකොට මෙයා ගෙදර එන්නේ නැති කාලේ.. කතාවක් නෑ අපි එක්ක. මම බස් එකේ ජනේලේ අයිනේ වාඩි වෙලා යද්දී සාරියක් ඇඳගත්ත කෙනෙක් ඇවිත් මගේ ළඟින් වාඩි වුණා.. ඒ මගේ පුතා…
එතකොට අම්මා මොකද කළේ…?
මට කර කියාගන්න දෙයක් නැහැ.. පොළොව පලාගෙන යන්න හිතුණා… කොහොම හරි මෙයා මව මුලින් අදුනගත්තේ නෑ.. එක පාරටම මගේ දිහා බැලුවා… දඩිබිඩි ගාලා රාජගිරියෙන් බැස්සා… දැන් මට ඒවා ගාණක් නැහැ… මට දැන් තේරෙනවා මේ ලෝකේ හැටි මෙහෙමයි. එහෙම දේවල් සිද්ධ වෙනවා.. ඒක මගේ දරුවට විතරක් වුණ දෙයක් නෙමෙයි. මම ඉන්න ඕන එයාගේ ළඟින්ම කියලා…
හදිස්සියේම ඇය හිඳගෙන සිටි පුටුවෙන් නැඟිට කාමරයට ගොස් ගෙන ආවේ තම පුතු ලිංගික සංක්රාන්තියට පෙර ඇයත් සමඟ ගත් අවසන් ඡයාරූපයයි. මෙතැනින් පස්සේ තමයි මගේ දරුවා වෙනස් වෙන්න ගත්තේ… දෑසේ කදුළු පුරවාගෙන ඇය ඡායාරූපය ස්නේහයෙන් අතගෑවාය.
මට ඕන මගේ දරුවා තනි වෙන්නේ නැතුව ජීවත් වෙනවා බලන්න… ඒ අම්මාය… ඇය කිසිදා තම දරුවන් තනි නොකරන්නීය.
අපි සියල්ලෝම ස්වභාවධර්මයට යටත් වුවෝය. ඉන් ගැලවෙන්නට හැකි කිසිවෙකු නැත. එහෙත් ඒ සොබදහමේම වූ මව් සෙනෙහස සොබාදහමට ඉහළින් කිරි සුවඳ පතුරුවමින් සිටී. එවැනි සෙනෙහසක අම්මාවරුන් ගැන ලියූ තවත් කතාවක් මෙලෙස අවසන් කළෙමු… ජීවිතය නම් නවාතැනේ එකම නොසැලෙන ශක්තිය අම්මාය.
උපුටා ගැනීමකි
බෞද්ධ සිද්ධස්ථාන වැදපුදා ගැනීමට ශ්රී ලංකාවට පැමිණීමට අවශ්ය බව පවසමින් නිරන්තරයෙන් ඇවිටිලි කළ වයස අවුරුදු දෙකේදී පැවිදි බිමටපත් භූතානයේ රැජිනගේ මුණුපුරු සාමනේර හිමියන් ඇතුළු දූතපිරිසක් නිලනොවන සංචාරයකට පැමිණ පසුගිය දා මිහින්තලය රජමහා විහාරය වැදපුදා ගත්හ.
සිව්වන වියේ පසුවන රැජිනියගේ මුණුපුරා වන සාමනේර හිමියන් වයස අවුරුදු දෙකේදී පැවිදි වී තිබෙන බවත් සාමනේර හිමියන්ට ශ්රී ලංකාවේ ශාසන ඉතිහාසය පිළිබඳ ඇති දැනීම සම්බන්ධයෙන් මහ රැජිණිය මෙන්ම තමන් වහන්සේද මවිතයට පත්වූ බවත් මිහින්තලා රජමහා විහාරාධිපති හා භාරකාර පූජ්ය වලවාහැංගුණවැවේ ධම්මරතන හිමියයෝ පැවසූහ.
සාමනේර හිමියන්, භූතාන රැජිනිය සමඟ ඇගේ දියණිය වන සාමනේර හිමියන්ගේ මව සහ පැවිදි වී සිටින මුණුපුරා ගේ විහාරයේ නායක හිමිපාණන්, හා සාමනේර හිමියන්ගේ සහෝදරයා මෙන්ම ශ්රී ලංකාවේ භූතාන තානාපතිවරයා ඇතුළු දූත පිරිස පෙරේදා (31) මිහින්තලය පූජා භූමිය වැදපුදා ගැනීමට පැමිණ සිටියහ.
දැනට සිව්වන වියේ පසුවන සාමනේර හිමියන් වසර කිහිපයක සිට ශ්රී ලංකාවට පැමිණිය යුතුබවට ඇවිටිලිකරමින් හඬා වැටීම නිසා නිලනොවන අන්දමින් ශ්රී ලංකාවට පැමිණි බව රැජිනිය විහාරාධිපති ධම්මරතන හිමියන්ට පැවසුවාය.
සාමනේර හිමියන්ට ශ්රී ලංකාවේ ශාසනික ඉතිහාස සම්බන්ධයෙන් ඇති දැනීම පිළිබඳව මවිතයට පත්වූ විහාරාධිපති හිමියෝ මෙසේ කීය.
සාමනේර හිමියන් ලංකාවේ සෑම බෞද්ධ සිද්ධස්තානයක් පිළිබඳවම හොඳින් දන්නවා. කැලණිය විහාරයට වැඩම කළ අවස්ථාවේ එම විහාරයට බුදුන් වැඩිය බවත් පවසා තිබුණා. අනුරාධපුර ජය ශ්රී මහ බෝධීන්වහන්සේ වැදපුදා ගැනීමට ගිය අවස්ථාවෙත් ශ්රී මහ බෝධින්වහන්සේ බුදුන්ට බුදුවීමට පිටදුන් බෝධියේ ශාඛාවක් බව පවසා තිබුණා. රැජිනය හා ඇගේ දියණියත් සාමනේර හිමියන්ගේ මේ ප්රකාශයන්ට මවිතවී සිටියා.
උන්වහන්සේ මීටපෙර ලංකාවට වැඩමකර නෑ. උන්වහන්සේට මෙම දැනුම ලැබුණු ආකාරය පිළිබඳව මටත් හිතා ගන්න බැරුව හිටියේ. මිහින්තලයට වැඩම කිරීමෙන් පසුව මේ විහාරය මිහිඳු මාහිමිපාණන් ලංකාවට බුද්ධාගම රැගෙනා ආ ස්ථානය යනුවෙන් උන්වහන්සේ හඳුනාගත්තා. මිහින්තලා මහා සෑයේ බුදුන්වහන්සේගේ ඌරණ රෝම ධාතුව තැන්පත්කර තිබෙන බවත් පැවසුවා.
ඉන්පසුව ධාතුන් වහන්සේලා නැරඹීමට අවශ්ය බව පවසා ඒ පිළිබඳව විස්තර පැවසුවා.
මිහිදු හිමියන් ආදාහනය කිරීමට යොදාගත් දැවයන්හි අඟුරු පෙන්වූ අවස්ථාවේ ඒවා සඳුන් දැව බව උන්වහන්සේ පැවසුවා. ධාතු මන්දිරයට ගොස් සියළුම ගාථා හොඳින් සජ්ජායනා කරමින් වැදුම් පිදුම් කළා.
රැජිනිය ඇතුළු සියළුම දෙනා මවිතයට පත්වී සිටියේ. මාත් මවිතයට පත්වුණා; සාමනේර හිමියන්ගේ දැනුම පිළිබදව. රැජිනිය පවසනවා සාමනේර හිමියන් පෙර භවයන් වල ශ්රී ලංකාවේ හරි ඉන්දියාවේ හරි ඉපදිලා උසස් ආධ්යාත්මික ජීවිතයක් ගතකරන්න ඇති කියලා. බුදු දහම සම්බන්ධයෙන්ද සාමනේර හිමියන් බොහෝ දේවල් දන්නවා. උන්වහන්සේ ලංකාවට වැඩම කළ පසුව පෙර භවයන් මතකයට එන්න ඇති කියලා මාත් විශ්වාස කරනවා යනුවෙන් නායක හිමිපාණන් පැවසූහ.
–බුද්ධික මහේෂ් විජේසූරිය
බැදුම්කර කොමිසමේ වාර්තාව සම්පූර්ණයෙන් ජනාධිපතිවරයා කියවා ඇත්දැයි ප්රහ්නයක් පැන නැගෙන අතර ජනපති උපදේශකයින් විසින් හයිලයිට් කර දුන් කොටස් පමණක් බලා කොමිසමේ නිර්දේශ ගැන අවබෝධයක් ලබාගෙන ජනපතිතුමන් විසින් එම ප්රකාශය කර ඇති බවක් පෙනී යන බවත් බවත් කැෆේ සංවිධානයේ විධායක අධ්යක්ෂ හා දූෂණ විරෝධී පෙරමුණේ හිටපු උපදේශක රජිත කීර්ති තෙන්නකෝන් මහතා පවසයි.
තනි පුද්ගලයකුට වරද පටවා මෙම අති විශාල වංචාවට සම්බන්ධ මහ මොල හා අනෙක් දේශපාලකයින් වසන් කිරීමට මෙම ප්රකාශය මගින් සිදුවන බව ඉතා පැහැදිලි බවත් එබැවින් එළැඹෙන ඡන්දයට ප්රථමයෙන් මෙම සම්පූර්ණ වාර්ථාව ජනගත කර රටේ මිනිසුන්ට මෙම වංචාව සම්බන්දව වගකිවයුත්තන් එළිකල යුතු බව එම මහතා වැඩිදුරටත් ප්රකාශ කර සිටියේය.
රජිත කීර්ති තෙන්නකෝන් මහතා වොයිස් ඔෆ් සිලොන් වෙබ් අඩවිය සමග කල සාකච්ඡාවේ හඩ පටය පහතින් …
<iframe width=”560″ height=”315″ src=”https://www.youtube.com/embed/dcL3WYsgk-A” frameborder=”0″ gesture=”media” allow=”encrypted-media” allowfullscreen></iframe>
පළාත් පාලන මැතිවරණයේදි වැලිගම ප්රාදේශීය සභාව සඳහා එක්සත් ජනතා නිදහස් සන්ධානය යටතේ තරඟ කරන අපේක්ෂකයෙකු කනංකේ කඩවීදිය ප්රදේශයේ ලදු කැලෑවක මහා පරිමාණයෙන් කසිප්පු පෙරමින් සිටියදී මාතර කොට්ඨාස දූෂණ මර්ධන ඒකකය ඊයේ (03) සැකපිට අත්අඩංගුවට ගෙන තිබේ.
ඔවුන් සන්තකයේ තිබී කසිප්පු ලීටර් 25.25ක් සීනි කරිඤ්ඤං ලීටර් 50ක් කසිප්පු බැරල් දෙකක් හා කසිප්පු පෙරීමට ගන්නා දගරයක් ඇතුළු උපකරණ තොගයක් පොලීසිය භාරයට ගෙන තිබේ.සැකකාර මැතිවරණ අපේක්ෂකයා හා ඔහුගේ සහෝදරයා හෙට දින මාතර මහේස්ත්රාත් අධිකරණයට ඉදිරිපත් කිරීමට නියමිතව ඇත.
මාධ්ය සාකච්ඡාවක් අතරතුරදී සීබී රත්නායක හිටපු අමාත්ය තුමන් කිරි සහ කැ#රි යන වචන පැටලී මහත් අකරතැබ්බයකට පසුගිය දිනකදී පත්ව ඇත.එම වීඩියෝව නැරඹීමට පහත ලින්ක් එක ක්ලික් කරන්න…
<iframe width=”560″ height=”315″ src=”https://www.youtube.com/embed/iZv2W_Yjz9U” frameborder=”0″ gesture=”media” allow=”encrypted-media” allowfullscreen></iframe>
මැතිවරණ නිති උල්ලංඝණය කරමින් මාතලේ ප්රාදේශීය සභාව තුළ බුදු පිළිම බෙදූ පොදුජන පෙරමුණේ අපෙක්ෂකයකු පිළිබදව පැමිණිලලක් ලැබුණු බව මාතලේ සහකාර මැතිවරණ කොමසාරිස් ශානික රූපසිංහ මහතා පැවසුවේය.මාතලේ පොලීසිය සිද්ධිය සම්බන්ධයෙන් වැඩිදුර පරීක්ෂණ පැවත්වන අතර මැතිවරණය ප්රචාරණ කාල සීමාව තුල මෙසේ බුදු පිළිම බෙදා තම ඡන්ද ගෙඩ වැඩි කරගැනීමට කටයුතු කිරීම ඉතා කණගාටුදායක තත්වයක් බව බොහෝ ගිහි පැවිදි උතුමණ්ගේ අදහසයි…
පසුගිය සෙනසුරාද (30) අන්තර් සමාජ ලීග් රග්බි තරඟාවලියේදී නාවික හමුදාව සමඟ CH & FC කණ්ඩායම අතර තරඟය වැලිසරදී පැවති අතර එම තරඟය ලකුණු 27ට 24ක් ලෙස නාවික හමුදා කණ්ඩායම ජයගත්හ.තරඟයෙන් පසුව කණ්ඩායම් දෙකේ ක්රීඩකයින් අතර සිදුවූ බහින්බස් වීම ගැටුමක් දක්වා දුරගිය අතර යෝශිත ගැටුමට මැදි වූ බැවින් අසල හිටි නාමල් ද තම සොහොයුරා වෙනුවෙන් ඉදිරිපත් වී ඇත.පසුගිය රජය මසයේ සිය පියා ජනාධිපති වීම හේතුවෙන් රගර් කණ්ඩායම් වල බලය මේ සොහොයුරන් දෙපල දරා සිටි අතර අනෙක් දක්ෂ ක්රීඩකයින් මේ හේතුවෙන් ඉතා දැඩි කනස්සල්ලෙන් සිටි බව නොරහසකි. සිය පියා වන හිටපු ජනපති මහින්ද රාජපක්ෂ දෙවරක්ම ලැබූ දැඩි පරාජයත් සමග මේ සොහොයුරන්ගේ බලයද බිඳී සාමාන්ය ක්රීඩයිකයින් බවට පත්වුද තවද ජනපති පුතා යන උශ්නය මොවුන්ගේ හිත් වලින් තුරන් වී නොමැති බව පෙනී යයි….
අද 2018 ජනවාරි 02 ඒ කියන්නෙ ලැබුවා වූ 2018 නව වසරේ වැඩ කරන පළමු දිනය(පළවනදා එනම් ඊයේ පොහොය දිනයක් නිසා) ඉතින් ඔන්න 2018 වසරේ වැඩකරන පළමු දිනයේම අපේ හිටපු ජනපති මහින්ද රාජපක්ෂ මහතා සඝ , වෙද , ගුරු , ගොවි හා කම්කරු කියන පංච මහා බලවේග එකතු කොට හැදූ ශ්රී ලංකා නිදහස් පක්ෂය තවත් අයුරකින් කිවුවහොත් 2005 එවකට හිටි හොඳ කම්කරු නායකයෙක් වූ මහින්ද රාජපක්ෂට ජනපති වරම් හිමිකරදුන් පක්ෂය දෙකඩ කිරීමේ මහත් වූ පාප කර්මයට උරදෙන්න යන බවට ආරංචි ලැබී ඇත.
ඒ, අද ඔහු සුගතදාස ක්රීඩාංගනයේ පොහොට්ටුව නමින් තමන්ව හදුන්වාගන්නා බැසිල් ප්රමඛ දේශපාලන අනාතයන් සුළුතරයක් සමඟ අත්වැල් බැඳගෙන නාමල්ව 2025 වනවිට ජනපති අපේක්ෂකයා ලෙස කල එළි දැක්වීමට ඇති පටු දේශපාලන කොණය නිසා පමණක් බව උගත් බුද්ධිමත් පාඨක ඔබ සැමට අලුතින් කියන්න දෙයක් දෙයක් නැත.
හල්දුම්මුල්ල ප්රාදේශීය සභා භූමියේ තිබූ ඉතා වටිනා සුදු හඳුන් ගසක් ඊයේ (30) අළුයම සොරුන් කණ්ඩායමක් විසින් කපාගෙන ගොස් ඇතැයි හල්දුම්මුල්ල පොලීසිය කියයි.ප්රාදේශීය සභාවේ සිටි මුරකරුගේ මුහුණ වසා බැඳ දමා පැය 3ක පමණ කාලයකදී ගස මුලින්ම කපාගෙන කොටස් රැගෙන ගොස් ඇතැයි පොලිසිය කියයි.
අවුරුදු 30කට වඩා පැරැණි සඳුන්ගස ඉතා හොඳින් වැඩීතිබූ බවත් මුල වට අඩි 04ක් පමණ වන බවත් සැකකරුවන් සොයා හල්දුම්මුල්ල පොලීසිය පුළුල් විමර්ශණයක් ආරම්භ කර ඇති බවත් පොලිසීය ප්රකාශ කරයි.
මේ දවස්වල ක්රිකට් ක්රීඩාවත් සමඟ කතාබහට ලක්වන චරිතයක් වී ඇත්තේ ගංඟා සුදර්ශනීයි. ඇය කියූ බවට පැවසෙන අනාවැකි විශාල වශයෙන් සමාජ මාධ්ය තුළද ප්රචාරය වෙයි. ඇත්තටම ඇය කවුද? ඇය ඇත්තටම ගංඟා මෑණියෝ වශයෙන් හඳුන්වන කෙනාමද? ක්රීඩාවේ අනාගතය කොහොමද යන්න පිළිබඳව ඈ සමඟ දේශය පුවත්පත සිදුකළ සාකච්ඡාවකි මෙය.
ඔබගේ සම්පූර්ණ නම?
අගම්පොඩි ගංඟා සුදර්ශනී ද සොයිසා.
ගම කොහේද?
අකුරල ග්රාමයේ
පවුලේ විස්තර?
මගේ තාත්තා ආයුර්වේද වෛද්යවරයෙක්. සහෝදරයන් සතරදෙනෙක් සහ සහෝදරියන් දෙදෙනෙක් ඉන්න පවුලක හයවැනියා විදිහට උපත ලබපු කෙනෙක්. මම දරුවන් හතර දෙනකුගේ අම්මා කෙනෙක්.
පාසල් ගියේ?
මම අකුරල පාසලේ අධ්යාපනය හැදෑරුවා.
ඔබගේ රැකියාව මොකක්ද?
මම රැකියාවක් වශයෙන් කිසිම දෙයක් කළේ නෑ. කුඩා කාලයේ ඉඳලම වෙනස් විදිහට හැදිච්චි කෙනෙක්. මට සවසට වැඳුම් පිඳුම් කරන්න ඕන. එය අපේ ගෙදර හැමෝම කරන දෙයක්. හැබැයි මගේ විශේෂත්වයක් තිබ්බා. මම පොඩි කාලයේ ඉඳලම සමහර අනාවැකි කියලා තිබ්බා.
කවුද එතකොට මේ ගංඟා මෑණියෝ?
ගංඟා මෑණියෝ කියන්නේ මම නෙමෙයි. ඔය මුහුණු පොතේ මම වගේ හදාගෙන ගංඟා මෑණියෝ කියලා පෙනී ඉන්නවා. ඒක තුළින් අසත්ය අනාවැකි කියනවා. ඒකට මගේ කිසිම සම්බන්ධයක් නෑ. මම මුහුණු පොතේ ඉන්නේ ගංඟා සුදර්ශනී සොයිසා කියන නමින්. මේ ගැන මම කොස්වත්ත පොලීසියට පැමිණිලි කළා. ඉදිරියේදී කවුද කියලා හෙළිවෙයි. මේ වෙනකොට මම දන්නවා කරන කෙනා.
ඔබ ජ්යොතිෂ්යවේදිනියක් ද? අනාවැකි කියන්නියක් ද?
මම ජ්යොතිෂය හදාරපු කෙනෙක් නෙමෙයි. මම ඒ ගැන දන්නේ නෑ. ඒක එදත් කිව්වා අදත් කියනවා. ඒක දන්නේ නැති දෙයක්. මම අනාවැකි පළකරන්නියක්.
මේ අනාවැකි කියන්නේ හැමෝම කියන විදිහේ දේව වරමකින්ද?
නැහැ. වරමකින් නෙවෙයි. මම කුඩා අවධියේ ඉඳන්ම යම් යම් දේවල් කියලා තියෙනවා. ඒ කියපු දේවල් සත්ය වෙලා තියෙනවා. ඒත් ඒ දවස්වල අපේ අම්මා තාත්තා ඒවා සමාජ ගතකළේ නැහැ. ඒත් පසුකාලීනව මම වෘත්තිමය වශයෙන් අනාවැකි කියන්නියක් වුණා.
ඔබ අනාවැකි කියන්න අරගෙන කොච්චර කල් ද?
අවුරුදු 35කට එහා දිවයනවා. දැන් මගේ වයස 55ක්.
ඔබ කිව්ව අනාවැකි වැරදිලා නැද්ද?
එතෙක් මෙතෙක් කිව්ව කිසිදෙයක් වැරදිලා නෑ.
ඔබ කිව්ව ලොකුම අනාවැකිය මොකක්ද?
කුඩා අවදියේදී මම කියලා තියෙනවා ඔය සප්ත කන්යා ගුවන් අනතුර. කොහේදෝ රටක ඉඳලා එන අහස් යාත්රාවක් මහා කන්දක හැපිලා ඒ ඔක්කොම මැරෙනවා කියලා. ඒ වගේම මගේ සහෝදරයන්ට පවසලා තියෙනවා මේ මහා මුහුද විශාල වෙලා ගොඩ ගලලා ගොඩාක් දෙනෙක් මියයනවා කියලා.
ඔබට සමාජය ඇතුළේ විශාල කතා බහක් ඇති වෙන්නේ මේ ක්රිකට් ක්රීඩාවත් සමඟ සිදුකරන අනාවැකිත් එක්ක. මොකක් ද මේ සම්බන්ධය?
එකපාරට නෙමෙයි. 2011 ඉඳලම කිව්වා. මගේ වෙබ් අඩවිය බැලුවොත් ඕන කෙනෙකුට දකින්න පුළුවන්. මම එදා ඉඳලා කිව්වා ලංකාවේ ක්රීඩාව බලාපොරොත්තු නැති විදිහට පහතට වැටෙනවා. ඒ වගේම ක්රීඩකයන් අතර ප්රශ්න ඇති වෙනවා. ක්රීඩාව අපහාසයට ලක්වෙනවා. ක්රීඩකයන්ට නින්දාවන් විඳින්න වෙනවා කියලා. මට 2011 ඉඳලම කිව්වා මෑතක ඉඳලා තමයි ඒත් අවධානය යොමු වුණේ.
එදා ඔබ කාටද කිව්වේ මේ අනතුරු?
මම මේක කිව්වා ජයන්ත ධර්මදාස මහත්තයට. මට පස්සේ කතා කරන්නම් කිව්වා. ඊට පස්සේ සංජීව රණතුංග කියලා කෙනෙක්ට කතා කරලා මම කිව්වා.
මොනවද කිව්වේ?
මම කිව්වා අපේ රට ක්රිකට්වලින් ඉහළට යන නිසා වෙනත් රටවලින් යම් යම් කොඩිවින වගේ දේවල් සිදුකරලා තියෙනවා කියලා අපේ ක්රීඩකයන්ට. ඒක මගේ විශ්ව ශක්තියට පේන බව තමයි මම ඒ කාලේ ඉඳලම කියන්න උත්සාහ කළේ. ඒත් ඒ ගැන අවධානය යොමු කළේ නෑ.
ඔබ කියන්නේ ක්රීඩකයන්ට අයහපතක් සිද්ධවෙන්න කියලා මොනවාහරි දෙයක් කරලා කියලද?
ඔව්. අනිවාර් යෙන්ම. හිටපු දක්ෂ ක්රීඩකයන් එකපාර පැකිළුණේ මේ දේවල් නිසා. එහෙම නැතුව ඒ අයගේ දක්ෂකම් අඩුවීමක් නෙමෙයි. පුහුණුවේ අඩුවීමකුත් නෙවෙයි. නොසැලිකිලිමත් බවකුත් නෙමෙයි. අර කරපු දේවල් නිසයි එහෙම වුණේ. අදටත් ඒ දේ එහෙමයි.
ඒ කියන්නේ මේක කාලාන්තරයක් තිස්සේ වෙච්ච දෙයක් ද?
2011 ඉඳලම පෙනුණා ලංකාවේ ක්රිකට් ක්රීඩාවට අපලයි. පහතට හෙළනවා කියලා. තව කාරණයකුත් තියෙනවා. රටට වාසනාව ගේන්න නායකයන්ගේ වාසනාවත් බලපානවා. හිතන්න ක්රීඩා ඇමැතිගේ අපල තියෙනවා නම් ක්රීඩකයන්ගේ අපල තියෙනවා නම් ඒ දේවලුත් ක්රීඩාවට බලපානවා.
මේ මෑතක ඉඳලා ක්රීඩා බලධාරීන් ඔබත් එක්ක සම්බන්ධ වෙන්නේ මේක දැනගෙන ද?
ඔව් ඒක නෑ කියන්න බෑ. මම බොරු කියන කෙනෙක් නෙමෙයි. එහෙම සහසම්බන්ධයක් ඇති වුණා. ඒක කියන්න පුළුවන්.
ඔවුන් සම්බන්ධ වුණේ මොකටද?
මම ඒ අයට කිව්වා, මේ ප්රශ්න තියෙනවා. අන්න ඒ ප්රශ්නවලට උදව් කරන්න පුළුවන් කියලා. අවම කරන්න හරි පුළුවන් කිව්වා. දිනන්න බැරි නම් සම තත්ත්වයට හරි ගේන්න පුළුවන් කිව්වා.
මේ ගැන දැනුම් දුන්න අය නම් වශයෙන් කියන්න?
මම කලින් හිටිය ක්රීඩා ඇමති මහින්දානන්ද අලුත්ගමගේ මහතාට කිව්වා. හැබැයි මම කියන දේ ගැන පොඩි හරි අවධානයක් යොමු කළේ වර්තමාන ක්රීඩා ඇමති දයාසිරි ඇමැතිතුමා විතරයි.
දයාසිරි අමාත්යවරයා ඔබව හම්බවෙන්න ආවාද?
ඔව් ඉතින් ආවා. මගේ පැලවත්තේ නිවසට.
ඔබ ක්රිකට් පාලක මණ්ඩලයේ සභාපති තිලංග සුමතිපාල හම්බවුණාද?
නෑ… නෑ… හම්බවුණේ නෑ… එක්තරා ආගමික උත්සවයකදී හම්බවුණා. ඊට පස්සේ හම්බවුණේ නෑ.
ඇත්තද ශ්රී ලංකා ක්රිකට් කණ්ඩායම තෝරා පත්කර ගන්නේ ඔබගේ උපදෙස් මත කියන්නේ?
නෑ… ඒක බොරු කතාවක්.
ක්රීඩා ඇමැතිවරයා කිව්වා මේ ක්රීඩකයන්ගේ බඩ වැඩියි. ෆිට්නස් අඩුයි කියලා ඔබ කියන්නේ ඒවා නෙමෙයිද මේ කඩා වැටීමට ප්රශ්න?
නෑ… ඒවා නෙමෙයි. මට මෑතකදී දැක්කා අනුර කුමාර දිසානායක මහත්තය කියලා තිබ්බා මේ හැමෝම ගංඟා මෑණියෝ ළඟට යනවා. ඊට පස්සෙයි ක්රීඩකයෝ පුහුණුකරු වෙත යන්නේ කියලා. මම කියනවා මෙච්චර කල් පුහුණුකරුවෝ පුහුණු කළා නේද? එහෙමනම් දිනන්න එපැයි. මගේ ආශිර්වාදය ගත්තේ පාකිස්ථාන මැච් එකට කලින්.
ඔබව හම්බෙන්න ආපු ක්රිකට් ක්රීඩකයෝ කවුද?
බෑ එහෙම කියන්න බෑ.
වර්තමාන ක්රීඩකයෝ විතරද එන්නේ?
අනේ අම්මේ ඉස්සර හිටිය ක්රීඩකයෝ තමයි වැඩියෙන්ම ආවේ.
ඔබට හිතෙන්නේ නැද්ද අවිනිශ්චිත ක්රීඩාවක් ගැන අනාවැකි කියන්න ගිහින් සමාජයෙන් ගැරහුම් ලබන්නට වෙයි කියලා?
නෑ… ඉතින් හිතන්න දෙයක් නෑ. දැනටම පේනවනේ ගොඩාක් අය අපේ ක්රීඩකයන්ට ඊර්ෂ්යයි. දරාගන්න බෑ. ඒ නිසා මට චෝදනා කරනවා. කරන්න දෙයක් නෑ මට පේනදේ මම කියන්නේ. බුදුහාමුදුරුවන්ට, ජේසුස් වහන්සේටත් අපහාස කළානේ. ඒ නිසා මම සැලෙන්නේ නෑ.
ඔබ යෝජනා කළාද දිනේෂ් චන්දිමාල් නායකයා හැටියට ටීම් එකට පත්කරන්න?
අනිවාර්යයෙන්ම කරොත් හොඳයි කියලා මට පෙන්නුම් කරනවා.
දිනේෂ්ට වාසනාව තියෙනවාද?
නෑ මෙහෙමයි. ක්රීඩකයෙන් තමන් කරන ක්රීඩාවට ආදරේ කරන්න ඕන. වෘත්තියට නෙමෙයි රටට ආදරේ කරන්න ඕන. ඒ නිසා මට හම්බවුණ ක්රීඩකයන් එක්ක බලද්දී දිනේෂ් චන්දිමාල් ඒකට සුදුසුයි. මගේ පුතාගේ යාළුවෙක්. තමන්ගේ වාසියට නෙමෙයි ඔහු ක්රීඩා කරන්නේ.
කවදා ගොඩ යයිද මේ ක්රිකට්?
කවදා ගොඩයයිද කියලා බලන් ඉන්න බෑනේ. අපි කොහොම හරි ගොඩවෙන්න ඕන. හැබැයි දැන් නම් ගොඩඑන්න ඕන කාලය හරි.
ඒ කියන්නේ ඔබ මොනවා හරි දෙයක් කළාද?
නෑ… නෑ… මට කරපු දෙයක් නෙමෙයි. හොඳ පුහුණුකරුවෙක් ආවා. ඔහුට වාසනා ගුණය තියෙනවා. ඔතන නුසුදුසු කීපදෙනෙක් ඉන්නවා ඒ අය ඉදිරියේදී යයි. ඒ අයගේ නම් කියන්න බෑ.
ඔය නුසුදුසු අය ක්රීඩකයෝ ද? බලධාරින් ද?
දෙගොල්ලොම ඉන්නවා.
පසුගිය කාලයේ වැඩිම චෝදනාව එල්ල වුණේ ක්රිකට් පාලක මණ්ඩලයට. එතන නුසුදුසු අය ඉන්නවා කියලා පෙන්නේ නැද්ද?
අනිවාර් යෙන්ම මම කියන්නේ ඔය මණ්ඩලවලින් අයින් කරලා ක්රීඩකයන් තේරීම ක්රිකට් නායකයාට ලබාදෙන්න ඕන.
දැන් ඔය කරලා තියෙනවා කියන බන්ධනවලින් ක්රීඩකයෝ බේරගන්න මොනවාද කරන්න ඕන?
මේ මිත්යාවක් නෙමෙයි. බන්ධන තියෙනවා බුදුන්ගේ කාලයේ ඉඳලා. ඉන්දියාව වගේ රටවල්වල විශාල වශයෙන් තියෙනවා. කෝලිලා ක්රීඩා කරන්න කලින් ආශිර්වාද කරනවා පූජකවරු ගෙන්නවලා.
ක්රිකට් අතඇරලා දේශපාලනයට ආවොත් කොහොමද දේශපාලනඥයන් අතර සම්බන්ධය?
මෙහෙමයි හරි දෙයක් කරනකොට කටින් කට යනවා. මම ලංකාවේ විතරක් නෙමෙයි දෙස් විදෙස්වල පවා ජනප්රිය කෙනෙක්. ඒ නිසා දේශපාලනඥයෝ එනවා. පක්ෂ විපක්ෂයෙන් තොරව එනවා.
රාජ්ය නායකයොත් සම්බන්ධ වුණාද?
බොහෝ නායකයන්ට ආශිර්වාද කරලා තියෙනවා.
මහින්ද රාජපක්ෂ මහත්තයා එක්ක තියෙන සම්බන්ධය මොකක්ද?
එතුමා බොහෝම හිතවත්. මට ගොඩාක් හිතවත් වුණේ පරාජයෙන් පස්සේ. හැබැයි ඒ පරාජයත් 2013දී මම කිව්වා.
ඔබ මීට කලින් දැක්ක ද වර්තමාන ජනාධිපති ජනාධිපතිවරයෙක් වෙනවා කියලා?
අනිවාර් යෙන්ම මම කිව්වා. මතකද පිළියන්දල පැත්තේ බෝම්බයක් තියලා එතුමා බේරුණා. ඒ වෙලාවේදි මම කිව්වා එතුමා කවදා හරි නායකයා වෙනවා කියලා.
මෛත්රීපාල මහත්තයට දැනුම් දුන්නාද?
නෑ… නෑ… මම පස්සෙන් යන කෙනෙක් නෙමෙයි.
වර්තමාන ජනාධිපතිව හම්බවුණේ නැද්ද?
එතුමාව හම්බවෙන්න මම ගිහින් තියෙනවා එක දවසක්.
ඔබට හිතන හැටියට මේ ආණ්ඩුවේ අනාගතය කොහොමද?
ඒකට දැන් උත්තර දෙන්න බෑ.
රටට මොන වගේද?
දැන් තියෙන්නේ අර්බුදකාරී තත්ත්වයක් ඉදිරියේදී මට කියන්න බැරි තරම් දේවල් සිද්ධ වෙනවා. මම මේ අවස්ථාවේදී දෙයක් කියන්න නරකයි.
2018 වසරේදී යම් දේශපාලන පෙරළියක් වෙනවලු. ඇත්තද ඒක?
ඔව් පෙරළිකාර තත්ත්වයක් වෙන්න පුළුවන්.
ඔය දේශපාලන අනාවැකි කියන්න ගිහින් ගොඩාක් දෙනෙක් නම් කැත කරගත්තා. ඔබට හිතෙන්නේ නැද්ද එහෙම වෙයි කියලා?
අනාවැකි වාසියට කියන අය වැඩියි. සමහර අය තවත් කෙනෙක්ට වාසි වෙන්න කියනවා. තවත් අය මුදලට කියනවා.
2020 කවුද මේ අය අතරින් නායකයා වෙන්නේ?
2020 දී මේ ඔක්කොම ගැන ජනතාව කලකිරෙනවා. ඔය ඉන්නම කෙනෙක් බලාපොරොත්තු නැති ආකාරයෙන් ඉස්මතු වෙනවා.
– Deshaya
VOICE OF CEYLON වෙබ් අඩවියෙන් උපුටා ගත්තකි
ජාතික සහජීවනය, සංවාද හා රාජ්ය භාෂා අමාත්ය මනෝ ගනේෂන් කොළඹ මහ නගර සභාව සදහා තමන්ගේ පක්ෂයෙන් ස්වාධීනව තරග වැදීමේ හේතුව අනාවරණය කර ගැනීමට VOC ගවේශක කණ්ඩායමට හැකියාව ලැබුණි.
එක්සත් ජාතික පක්ෂය හා එක්ව දිවයිනේ සියළු පලාත් පාලන ආයතන වලට තරග වදින මනෝ ගනේෂන්ගේ පක්ෂය කොළඹ මහ නගර සභාවට පමණක් තනිව තරග වදින්නේ ඇයිදැයි යන්න අපගේ ගවේෂණයට හේතුවූ පලමු හේතු සාධකය විය.
මෙය හුදෙකලා සිද්ධියක් නොවන වගත් මෙය පිටුපස කුමක් හෝ දේශපාලන කාරණාවක් ඇති බවත් වටහාගත් අප ගවේෂක කණ්ඩායම සොයාගත් කරුණු මෙසේය.
කොළඹ මහනගර සභාවේ බලය ඉදිරි මැතිවරණයන්හීදී අතීශය තීරණාත්මක සාධකයක් නිසාවෙන් ප්රධාන දේශපාලන ප්රවාහයන් තුනම කොළඹ මහ නගර සභාව කෙරෙහි වැඩි අවධානයක් යොමුකොට ඇත. එහෙයින් එජාපයෙන් රෝසි සේනානායකද ශ්රිලනිප පාර්ශවයෙන් අසාද් සාලිවද නම් කොට ඇත. ඩීල් එක ගොඩ නැගෙන්නේ එතනින් නොව. පොහොට්ටුවෙන් ඉදිරිපත් කොට ඇති නාමමාත්රික නගරාධිපති අපේක්ෂකයා වෙනුවෙනි.
නාමයෝජනා සකස් කරමින් පවතින කාලය පුරාම මනෝ කටයුතු කලේ එජාප නාම යෝජනා මණ්ඩලය සමග වුවත් අවසාන දින රාත්රියේ මනෝට අදාල ස්ථානයෙන් පිටව යෑමට තිබුණේ ඉතා හදිසියකි. ඒ කලින් කතා කරගත් පරිදි අදාල ඩීල් එක වනවාද නැද්ද යන්න දැන ගැනීමටය. රාත්රී 10.00ට පමණ එජාප නාමයෝජනා මණ්ඩලයෙන් මනෝනැගිට යන්නේ හදිසියේ ලැබෙන වයිබර් පණිවුඩයක් හේතුවෙනි. ඒ පණිවුඩය එවන ලද්දේ අන් කිසිවෙක් නොව කොළඹ ප්රධාන පෙලේ මාධ්ය ආයතන හා වෙළද දැන්වීම් ප්රචාරක ආයතනයක හිමිකරුවෙකුගෙනි.
”වැඩේ හරි….යුරේ…. සල්ලි ටිකත් එක්ක ඇමතිතුමාගේ ගේ ගාව”
එලෙස සටහන්ව ඇති පණිවුඩය දුටු වහාම මනෝ එජාප නාමයෝජනා මණ්ඩලයට පවසා සිටියේ තමන්ගේ අපේක්ෂකයින් හත්දෙනා සමග තමන් තනිව කොළඹ මහනගර සභාවට තරග වැද ජයග්රහණයෙන් පසුව එජාපය සමග එක්වෙන බවයි. මනෝගේ අපේක්ෂකයින් වෙනුවෙන් වෙන්කර තිබූ ඉඩ වහාම තමන්ගේ අපේක්ෂකයින් දැමීමට එජාප නාමයෝජනා මණ්ඩලය කටයුතු කල අතර මනෝ එම ස්ථානයෙන් පිටත්ව තම නිවස බලා ආවේ විදුලි වේගයෙනි.
එදා රාත්රිය මනෝට කාමාසුඛල්ලිකානුව ගත කිරීමට අදාල මාධ්ය හිමිකරු එවා තිබූ ජනප්රිය නිළිය සමගවූ බීෆ් කේසය දැක මනෝ වහාම අදාල මාධ්ය ආයතන හිමිකරුට දුරකථනයෙන් ඇමතීය. දුරකථනය විසන්ධිකල අදාල මාධ්ය හිමිකරුවා වයිබර් හරහා මනෝ සමග සම්බන්ධ විය.
” මනෝ මම ඔන්න වැඩේ කලා. අපිට කොළඹ දිනන්න ඕනේ,ඒක අපේ බිස්නස් වලට වටිනවා. අපිට සුළු ජාතික ඡන්ද වල අඩුවක් තියෙන්නේ. අපි දන්නවා ඔයාට ඒක කවර් කරන්න පුළුවන්. ඉතිරි හරිය මම වෙනත් විදියකට කතාකරගෙන යනවා. ඔයා අපිට සහාය දෙන්න”
එදින රාත්රිය සුවපහසුව කාමයෙන් හා සුරාවෙන් වෙලී ගතකල මනෝ අවධිවන්නේ අගමැති රනිල් වික්රමසිංහගේ ඇමතුමෙනි.”ඇයි මනෝ ඔයා කොළඹින් වෙනම ඉල්ලන්නේ” අගමැතිවරයා එසේ විමසද්දී මනෝ ප්රකාශ කලේ
”සර් මම කොහොම ඉල්ලුවත් සර්ලා එක්ක ඉන්නවනේ” යනුවෙනි.
” ආ එහෙමනම් ගැටලුවක් නැහැ මනෝ” අගමැතිවරයා දුරකථනය විසන්ධිකල අතර උදෑසන 11ට පමණ ජනපති මෛත්රීපාල සිරිසේන මනෝව දුරකථනය හරහා සම්බන්ධ කර ගනිමින්
” මනෝ මොකද ඔයා කොළඹ විතරක් තනිවම ඉල්ලන්නේ” විමසා සිටි අතර මනෝ එවෙලේ පැවසුවේ අපූරු පිළිතුරකි.
” සර් එජාප ලිස්ට් එකේ අන්ඩර්වර්ල්ඩ් අය ගොඩාක් ඉන්නවා මගේ අය දැම්මොත් එයාලව කපලා මගේ ජීවිතේට තර්ජනයක් වෙන්න පුළුවන්”
මනෝව දිනා ගැනීමේ අවස්ථාවක් ලෙස භාවිතා කල හැකි අවස්ථාවක් යැයි කල්පනා කල ජනාධිපතිවරයා
” මනෝ මම දැන්ම ඔයාට STF ගාර්ඩ් එකක් එවන්නම්. භය වෙන්න එපා”යනුවෙන් ප්රකාශ කලේය.
මනෝගේ මේ ප්රකාශය නිසා ක්ෂණිකයෙන් කොළඹ එජාප ලැයිස්තුවට පාතාල සාමාජිකයින් ඇති බවත් ඒ නිසා මනෝට STF ආරක්ෂාව ලබාදුන් බවත් පුවත නිර්මාණය විය. මේ පුවත නිර්මාණය වන්නේ අදාල මාධ්ය හිමිකරුට අයත් ප්රචාරක ආයතනයෙනි. පොහොට්ටුවෙන් ඉදිරිපත්වෙන අපේක්ෂකයාද සේවය කරන්නේ අදාල ප්රචාරක ආයතනයේයි.
STF පිරිවරාගෙන මනෝ කොළඹ ඡන්දේ කරන හැටි
රටේ ජනපති අගමැති අන්දවා මනෝගේ ඩීල් නාට්ය හා STF ආරක්ෂක වලල්ල නිර්මාණය වන්නේ එලෙසිනි. පෙබරවාරි 11 වැනි දින වන විට මනෝ ජනපතිව හා අගමැතිව ඇන්දූ බව තේරෙන විට ඔවුන්ට විහිදෙනේ තරු සමග රැස් වළලුය.
VOC ගවේෂක කණ්ඩායම
මනෝගේ චීන්නු බෝඩිම් හා අවුරුදු දෙකහමාරෙන් හදපු සැප නිවාස ගැන තොරතුරු බලාපොරොත්තු වන්න
කිලිටි නැති තරම් පවිත්ර අවංක දේශපාලන නායිකයින් හැදීම මගේ එකම අරමුණයි. පවිත්ර දේශපාලන ව්යාපාරයක් ගොඩනැගීමට යන ගමනේ දී මගේ කඩුවට කාගේ බෙල්ල කැපේවී දැයි දන්නේ නැහැ මොන පක්ෂයේද මොන වර්ණයේද කාගේ කවුද මගේ ඥාතීන්ද කියන කිසිම කාරණයක් එතනදි මට අදාල වෙන්නෙ නෑ යයි ජනාධිපති මෛත්රීපාල සිරිසේන මහතා ඊයේ (28) කොළඹ බණ්ඩාරනායක අනුස්මරණ ජාත්යන්තර සම්මන්ත්රණ ශාලාවේදී පැවැති එක්සත් ජනතා නිදහස් සන්ධානයේ නිදහස් සම්මුතිය ප්රතිඥාව දීමේ උත්සවයේදී එක්සත් ජනතා නිදහස් සන්ධානය නියෝජනය කරන දේශපාලන පක්ෂ 32ක නායකයෝ හා ක්රියාකාරීහු ඉදිරියේදී පැවසීය.
“මට අවශ්ය වන්නේ භෞතික සම්පත් සංවර්ධනයට වඩා දේශපාලනයට සුදුසු පිරිසිදු අවංක ජනතාවාදී දේශපාලන නායකයන්. මා ප්රමුඛත්වය දෙන්නේ එතැනටයි. අංක එක එතැනයි. එතැන හරි ගියොත් අනෙක් ඔක්කොම හරි යනවා. එතැනින් පල්ලෙහාත් හැදෙනවා. මෙතැනින් මේ වැඬේ පටන් ගත්තම ඒක කරන්න පුළුවන්. හෘද සාක්ෂිය හොඳ සාක්ෂියක් කර ගනිමින් අපි හොඳ රටක් හදමු. ගමේ පුංචි ආණ්ඩු ආදර්ශමත් තැනක් කරගෙන ඉන් එහාට ශක්තිමත් ආණ්ඩුවක් හදා ගනිමු. වෛරය, ක්රෝධය, ද්වේෂය නැති රටක් වෙනුවෙන් සියලූ දෙනා අධ්යාත්මික දර්ශනය අනුව කැපවෙමු.’ යයිද ජනපති තුමා එහිදී වැඩිදුරටත් ප්රකාශ කර සිටියේය.