Category: සුපිරි News

මිනුවන්ගොඩ සහ පෑලියගොඩ ආශ්‍රිතව ආරම්භවූ කොවිඩ් 19 දෙවෙනි රැල්ල ගම්පහ දිස්ත්‍රික්කයේ යම් පාලනයකට ලක්ව ඇති බව ඊයේ (09) පැවැති සාකච්ඡාවකදී හෙළිවිය.

මේ දක්වා සිදුකල PCR පරීක්ෂණ වලින් ආසාදිත රෝගීන් වාර්තාවීම 8.6% – 3.2% දක්වා අඩුවී ඇති අතර එය කොවිඩ් පාලනය තුළ යහපත් තත්වයක් බවත් ඉදිරි මාසය තුළ එම මට්ටම 2.5% ට අඩු මට්ටමකට පවත්වා ගැනීම සදහා කටයුතු කිරීම වැදගත්වන බවත් මේ සදහා දායකත්වය දැක්වූ ජනාධිපතිතුමා ඇතුළු දේශපාලන නායකත්වයටත්, සෞඛ්‍ය සේවාවේ සියලු දෙනාටත්, හමුදාපතිතුමා ඇතුළු ත්‍රිවිධ හමුදාව සහ පොලීසියටත් සිය ස්තුතිය පුදකරන බව ප්‍රාථමික සෞඛ්‍ය සේවා, වසංගත රෝග සහ කොවිඩ් රෝග පාලනය පිළිබද රාජ්‍ය අමාත්‍ය විශේෂඥ වෛද්‍ය සුදර්ශිනී ප්‍රනාන්දුපුල්ලේ මහත්මිය පැවසුවාය. ගම්පහ දිස්ත්‍රික්කයේ කොවිඩ් 19 පාලනය සම්බන්ධයෙන් ගම්පහ දිස්ත්‍රික් ලේකම් කාර්යාලයේ පැවැත්වූ සමා‌ලෝචන වැඩසටහනකදී අමාත්‍යවරිය මේ බව සදහන් කලාය.

ඔක්තෝම්බර්, නොවැම්බර් සහ දෙසැම්බර් මේ දක්වා ගම්පහ දිස්ත්‍රික්කයේ PCR පරීක්ෂණ 82000කට ආසන්න ප්‍රමාණයක් සිදුකර ඇති අතර එයින් 5589ක් ආසාදිතයින් ලෙස වාර්තාවී ඇත. ආයෝජන කලාපයේ කර්මාන්ත ශාලා 32ක PCR පරීක්ෂණ 20000ක ප්‍රමාණයක් සිදුකොට ඇති අතර මේවන විට දිනකට ගමපහ දිසතික්කයේ PCR පරීක්ෂණ 2000ක් සිදුකරනු ලබයි. ප්‍රාදේශීය සෞඛ්‍ය ‌සේවා අධ්‍යක්ෂ කාර්යාලය සමග සෞඛ්‍ය නිලධාරී කාර්යාල 16ක සේවය ගම්පහ කොවිඩ් 19 පාලනය සදහා යොදවා ඇත.

කොවිඩ් 19 සදහා ප්‍රතිචාර දැක්වීමේදී ජනතාවගේ සහාය සැලකිය යුතු මට්ටමක නොපවතින බැවින් ජනතාව මේ සම්බන්ධයෙන් දැනුවත් කිරීම සදහා සෞඛ්‍ය සායන හරහා පමණක් නොව ආගමික නායකයින් හරහා දැනුවත් කිරීම කලයුතු බවත් විශාල වශයෙන් පැතිරී ගිය වසංගත රෝග වළක්වාගත් රටක් ලෙස අප ඉතිහාසගතවී ඇති බවත් සදහන් කල රාජ්‍ය අමාත්‍යවරිය, කොරෝනා පාලනයද අපට සිදුකල හැකි බැවින් ඒ් සදහා ජනතා සහාය අත්‍යාවශ්‍ය බව සදහන් කරන ලදි. තිහාරිය, කැළණිය සහ වත්තල ප්‍රදේශවල අලුත් පොකුරු බිහිවීමේ ඉඩකඩක් පවතින බැවින් එය පාලනය කිරීම සදහා විශේෂ අවධානයක් දෙන ලෙසද රාජ්‍ය අමාත්‍යවරිය මෙහිදී සදහන් කරන ලදි.

ජීවනෝපාය අහිමිවූ නිරෝධායනයට ලක්වූ ගම්පහ දිස්ත්‍රික්කයේ ජනතාව සදහා සහන සැපයීම සම්බන්ධයෙන්ද රාජ්‍ය අමාත්‍යවරිය විමසා බලන ලදි. දිස්ත්‍රික්කයේ පුද්ගලයින් 539543 දෙනෙකු සදහා රුපියල් මිලියන 2697ක් රු.5000/- දීමනාව ලෙස බෙදාදී ඇති අතර නිරෝධායනය වන පවුල් 11028 සදහා රුපියල් 10000/- වියළි සලාක මලුද, හුදකලා ප්‍රදේශවල පවුල් 30546ක් සදහා තවත් රුපියල් මිලියන 92ක් ද රජය විසින් වියදම් කර ඇති අතර නිවෙස් නිරෝධායනය වූ තවත් පවුල් 3702කට රු.2000/- බැගින් වියළි සලාක ලබාදී ඇත. මේවන විට පුද්ගලයින් 25000ක් නිවෙස් නිරෝධායනයට ලක්කර ඇති අතර ඒ් සදහා පොලිස් නිලධාරී 500ක් රාජකාරි යොදවා ඇත.

මෙම සාකච්ඡාව සදහා ගම්පහ දිස්ත්‍රික් සම්බන්ධීකරණ කමිටු සභාපති පාර්ලිමේන්තු මන්ත්‍රී සහන් ප්‍රදීප් විතාන, ප්‍රාථමික සෞඛ්‍ය සේවා, වසංගත රෝග සහ කොවිඩ් රෝග පාලනය පිළිබද රාජ්‍ය අමාත්‍යාංශයේ ලේකම් විශේෂඥ වෛද්‍ය අමල් හර්ෂ ද සිල්වා, ගම්පහ දිසාපති සුනිල් ජයලත්, බස්නාහිර පළාත් භාර නියෝජ්‍ය පොලිස්පති දේශබන්ධු තෙන්නකෝන්, පළාත් සෞඛ්‍ය සේවා අධ්‍යක්ෂ වෛද්‍ය ධම්මිකා ජයලත්, ගම්පහ ප්‍රාදේශීය සෞඛ්‍ය සේවා අධ්‍යක්ෂ මිගාර ඈපා යන මහත්ම මහත්මීන් ඇතුළු ගම්පහ සියලු රාජ්‍ය ආයතන නියෝජිතයින් සහභාගී විය.

සීමාසහිත ශ්‍රී ලංකා තොරතුරු සහ සන්නිවේදන තාක්ෂණ නියෝජිත ආයතනය ( I.C.T.A.) ආරම්භ කොට තිබූ ˝ ඉ- විශ්‍රාමවැටුප් ˝ නම් ව්‍යාපෘතිය සඳහා රුපියල් මිලියන 278.54 ක් වියදම් කොට තිබුණද මෙය සම්පූර්ණ අසාර්ථක ව්‍යාපෘතියක් බව කොප් කමිටුවේදී ඊයේ ( 08 ) අනාවරණය විය.

රජය ලබාදුන් මුදල් යොදාගනිමින් I.C.T.A ආයතනයට මෙම ව්‍යාපෘතිය සඳහා වන දෘඩාංග සහ මෘදුකාංග නිර්මාණය කිරීමේ වගකීම පවරණු ලැබුවේ පළමුව බස්නාහිර පළාත් සභාව ආවරණය වන පරිදි දිස්ත්‍රික් ලේකම් කාර්යාලය, ත්‍රිවිධ හමුදාව, බන්ධනාගාර දෙපාර්තමේන්තුව, දුම්රිය දෙපාර්තමේන්තුව සහ සිවිල් ආරක්ෂක දෙපාර්තමේන්තුව ආවරණය වන පරිදි අන්තර්ජාලය ඔස්සේ විශ්‍රාම වැටුප් විශ්‍රාමිකයින්ට ලබා දීමට ය. නමුත් මෘදුකාංග සහ දෘඩාංග ගැටලුවක් හේතුවෙන් මෙම ව්‍යාපෘතිය දීප ව්‍යාප්තව ක්‍රියාත්මක නොකොට 2013 නොවැම්බර් 01 දින සිට අතහැර දමා තිබේ.

මේ නිසා රුපියල් මිලියන 278.54 ක් ප්‍රයෝජන රහිතව යොදවා ඇති බවත් තවත් මෙවැනි අසාර්ථක ව්‍යාපෘති ගණනාවක් සඳහා අයි.සී.ටී.ඒ ආයතනය නිකරුනේ මුදල් යොදවා ඇති බවත් කෝප් කමිටුවේදී හෙලි විය.

එමෙන්ම මුළු දිවයිනටම අන්තර්ජාල පහසුකම් ලබාදීමේ අරමුණින් ආරම්භ කළ “ගූගල් ලූන්” ව්‍යපෘතිය සඳහා උපකරණ රේගුවෙන් නිදහස් කර ගැනීමට රු. 1,851,322ක්  හා ව්‍යාපෘතියේ ප්‍රවර්ධනය සඳහා රු. 6,427,941 ක් ( මිලියන 6.4ක් ) වැයකර තිබූ  නමුත් එම ව්‍යාපෘතියද අසාර්ථක ව්‍යාපෘතියක් ලෙස කෝප් කමිටුවේ දී අනාවරණය විය.  

මෙම කරුණු අනාවරණය වූයේ මහාචාර්ය චරිත හේරත් මහතාගේ ප්‍රධානත්වයෙන් කොප් කමිටුව  ඊයේ ( 08 ) පාර්ලිමේන්තුවේදී රැස් වූ අවස්ථාවේදී ය.

අමාත්‍ය මහින්ද අමරවීර, රාජ්‍ය අමාත්‍ය සුසිල් ප්‍රේමජයන්ත, රාජ්‍ය අමාත්‍ය ඉන්දික අනුරුද්ද,  පාර්ලිමේන්තු මන්ත්‍රිවරු වන එරාන් වික්‍රමරත්න, ජගත් පුෂ්පකුමාර, ප්‍රේම්නාත් සී. දොලවත්ත, එස්.එම්. මරික්කාර්, පාඨලී චම්පික රණවක, ශානක්‍යම් රාසමානික්කම්  යන මහත්වරු මීට සහභාගී වුහ.

රාජ්‍ය ආයතන ජාලයක් ලෙස සම්බන්ධ කරමින් කාර්‍යක්ෂමව රාජ්‍ය සේවාවන් ස්ථාපනය කිරීම සඳහා I.C.T.A ආයතනය 2016 වර්ෂයේදී ආරම්භ කළ ˝ලංකා රාජ්‍ය ජාලය ˝ නම් ව්‍යාපෘතිය සඳහා 2016 වර්ෂයේ රුපියල් මිලියන 850.47 ක් අනුමත වී තිබුණ බවත් ඉන් රුපියල් මිලියන 148.33ක් වියදම් කොට තිබූ බවත් කෝප් කමිටුවේදී හෙලි විය. නමුත් මෙම ව්‍යාපෘතියේ ප්‍රගතිය 17% බව කමිටුවේදී අනාවරණය විය.

ඉහත අසාර්ථකත්වයන් සම්බන්ධයෙන් කෝප් කමිටුවේ දැඩි අප්‍රසාදය පළ කළ අතර මෙලෙස අසාර්ථකත්වයක් පෙන්වන අතරතුරේදී තවත් ව්‍යාපෘති 500කට අධික ප්‍රමාණයක් I.C.T.A ආයතනය ආරම්භකිරීමට සැලසුම් කර තිබීම පිළිබඳව පාඨලී චම්පික රණවක මහතා ප්‍රශ්න කළේය.

ජාතික බුද්ධිමය දේපල කාර්යාලය මගින් ˝ ඉ – නිපො ˝ නමින් ආරම්භ කළ ව්‍යාපෘතියේ ප්‍රසම්පාදනය සඳහා 2016 වර්ෂයේ දී රු. මිලියන 32.5 ක් ලබා ගෙන තිබු බව කමිටුවේ දී අනාවරණය වූ අතර එය අයි.සි.ටි.ඒ ආයතනයේ සේවක වැටුප් ගෙවීමට යොදා ඇති බව මෙහිදී නිලධාරීන් විසින් හෙළි කරන ලදි. මේ නිසා මෙවැනි මූල්‍යමය කටයුතු සම්බන්ධයෙන් විධිමත් ක්‍රමවේදයක් සකස් කිරීමේ අවශ්‍යතාවය කෝප් කමිටු සභාපතිවරයා විසින් පෙන්වා දෙන ලදි.

එසේම ˝ ඉ – පළාත් පාලන ආයතන˝ නමින් ආරම්භ කර තිබු ව්‍යපෘතිය අසාර්ථක වී තිබුනද නැවත 2016 වර්ෂයේ දී එය නැවත ආරම්භ කර තිබුණි. 2017 දෙසැම්බර් 31 දින වන විට ව්‍යාපෘතිය සඳහා රු. මිලියන 39ක් වැයකර තිබුණද ඉන්පසු කාර්යසාධන වාර්තාවල එය ඇතුලත් කර නොතිබුණු බව කමිටුවේදී  අනාවරණය වූ අතර මේ පිළිබඳ කෝප් කමුටුවේ දැඩි අප්‍රසාදය පළ විය.

තවද 2003 වර්ශයේ සිට අයි.සී.ටී.ඒ ආයතනය සංයුක්ත සැලැස්මක් සකස්කර නොතිබූ බවත් 2017 වර්ෂයේ රු. 2,737,000ක වියදමින් සකස් කළ  සංයුක්ත සැලැස්ම ක්‍රියාත්මක කර නොතිබුණ  බවත්  කෝප් සභාපතිවරයා හෙලි කළේය.  

 මේ නිසා 2003 වර්ෂයේ සිට 2019 වර්ෂය දක්වා අභ්‍යන්තර පරීක්ෂණයක් පවත්වා හැකි ඉක්මනින් මේ සියලු කාරණා පිළිබඳ වාර්ථාවක් ලබා දෙන ලෙස කෝප් කමිටුව විසින් නිර්දේශ කරන ලදි.

එසේම අයි.සී.ටී.ඒ ආයතනයේ ඉහළ තනතුරු සඳහා කොන්ත්‍රාත් පදනම මත නිලධාරීන් බඳවාගැනීම පිළිබඳ කෝප් කමිටුවේ අප්‍රසාදය ඵල විය. මේ නිසා ස්ථාවර පදනම යටතේ මූලික තනතුරු කිහිපයක් ඇතිකිරීමේ අවශ්‍යතාවය කෝප් කමිටුව පෙන්වාදුන් අතර නිවැරදි නිලධාරී ධූරාවලියක් I.C.T.A  ආයතනය තුළ ඇතිකිරීමේ අවශ්‍යතාවය කමිටුව විසින් පෙන්වා දෙන ලදි.

මේ දක්වා සිටි නිලධාරීන් හරහා යම් අක්‍රමිකතාවක් සිදුවී ඇත්නම් වහාම ඔවුන් සඳහා  නීත්‍යානුකූල පියවර ගන්නා ලෙස ද  කෝප් සභාපතිවරයා  මෙහිදී නිර්දේශ කළේය.

පසුගිය 2019 දෙසැම්බර් වන විට සුරාබදු දෙපාර්තමේන්තුවට වසර 05 කාල සීමාවක් සඳහා ලැබීමට නියමිත හිඟ බදු මුදල රු.මිලියන 2376.2 ක් බව ඊයේ දින පාර්ලිමේන්තුවේදි පැවති ගිණුම් කාරක සභාවේදි අනාවරණය විය.

2019 දෙසැම්බර් 31 වන දිනට සුරාබදු දෙපාර්තමේන්තුවට වසර 05 ඉක්මවා ලැබීමට නියමිතව නිබූ හිඟ බදු මුදල් එකතුව රු. මිලියන 479.9 වූ අතර, එහි ප්‍රමාද ගාස්තුව පමණක් රු. මිලියන 1896.3  ක් විය.

එම හිඟ ආදායම් නොපමාව අය කර ගැනීමට කටයුතු කළ යුතු බව රජයේ මහාචාර්ය තිස්ස විතාරණ මහතාගේ ප්‍රධානත්වයෙන් පැවති ගිණූම් කාරක සභාව අවධාරණය කර සිටියේය. මෙම හිඟ බදු මුදල් අයකර ගැනීමට අවශ්‍ය නෛතික කටයුතු සිදු කරගෙන යමින් පවතින බව සුරාබදු දෙපාර්තමේන්තුවේ කොමසාරිස්වරයා ඇතුළු නිලධාරින් සභාවට දැන්වීය.

එමෙන්ම සුරාබදු දෙපාර්තමේන්තුව මඟින් පසුගිය වසර 05 තුළ වැටලීම් 224737 සිදු කර ඇති අතර, ඉන් වැටලිම් 53848 ක් 2017 වර්ෂයෙත්, වැටලීම් 49278 ක් 2018 වසරේත්, 2019 වසරේ වැටලීම් 47391 ද සිදු කර එම අපරාධ සඳහා නීති ක්‍රියාමාර්ග වෙත යොමු කර ඇති බව කාරක සභාවේදි අවධානයට යොමු විය.

2019 දෙසැම්බර් 31 වන දිනට සුරාබදු දෙපාර්තමේන්තුවේ විවිධ හේතුන් මත වැඩ තහනමට ලක් වූ නිලධාරින් 48ක් සම්බන්ධයෙන් වසර 01 සිට 03 ක් ඉක්මවා ඇතත් අදාළ විනය පරික්ෂණ නිසි පරිදි අවසන්වී නොමැති වීම පිළීබඳව සභාපතිවරයාගේ අවධානයට යොමු වූ අතර, එහිදි යම් නිලධාරින් වැඩ තහනමට ලක්ව ඇත්තේ දිස්ත්‍රික් සම්බන්ධිකරණ කමිටු සඳහා සහභාගි නොවීම වැනි හේතුන් නිසා බවද හඳුනාගන්නා ලදි.  

කඩිනමින් එම නීතී කෘතයයන් අවසන් කර සුරාබදු දෙපාර්තමේන්තු‍වේ කටයුතු කාර්යක්ෂමව පවත්වා ගැනීමට කටයුතු කරන ලෙස කාරක සභා සභාපතිවරයා දැනුම් දෙන  ලදි. එමෙන්ම දෙපාර්තමේන්තුවේ මෙහෙවරට ඍජුවම බලපානු ලබන ජ්‍යෙෂ්ඨ හා තෘතික මට්ටමේ තනතුරු පුරප්පාඩු නිසි ක්‍රමවේදය යටතේ පූර්ණ කිරීමට අවශ්‍ය පියවර ගන්නා ලෙසත් මෙකී කාරණා වල වත්මන් ප්‍රගතිය පිළිබඳව වාර්තා‍වක් ඉදිරිපත් කරන ලෙසද සභාපතිවරයා වැඩිදුරටත් අවධාරණය කරන ලදි.

තවද 2020 නොවැම්බර් මාසය වන විට රු.1,597,559 ප්‍රසම්පාදන වියදමක් දරන ලද ආරක්ෂිත ස්ටීකර් කළමනාකරණ පද්ධතිකරණ ක්‍රියාවලිය සුරාබදු දෙපාර්තමේන්තුවේ මුළු ආදායමෙන් 0.28% පමණක් වූ ආනයනික විදේශ මත්පැන් වලට පමණක් සීමා වීම සම්බන්ධයෙන් කාරක සභාවේ විශේෂ අවධානය යොමු විණි. එය දේශිය මත්පැන් ප්‍රමිතිකරණය සඳහාද අත්‍යවශ්‍ය වැඩපළිවෙලක් බව කම්ටුවේ අදහස විය.

රටට අති විශාල ආදායමක් ලබා දෙන සුරාබදු දෙපාර්තමේන්තුවේ නීති හා පර්යේෂණ ඒකකයක් ස්ථාපිත කළ යුතු බවට වන පූර්ව කෝපා කමිටු යෝජනාව ක්‍රියාත්මක කර තිබුනද නීති නිලධාරියෙක් ඒ සඳහා බඳවා නොගැනීම පිළිබඳව නැවතත් කමිටුව විසින් අවධාරණය කරන ලදි.

මහාචාරය තිස්ස විතාරණ මහතාගේ සභාපතිත්වයෙන් පැවති මෙම කාරක සභාවට ගරු රාජ්‍ය අමාත්‍යවරුන් වන දයාසිරි ජයසේකර, ලසන්ත අලගියවන්න,  ෂෙහාන් සේමසිංහ යන මහත්වරුද තිස්ස අත්නනායක, වෛද්‍ය උපුල් ගලප්පත්ති සහ මහාචාර්ය රංජිත් බණ්ඩාර ඇතුළු මන්ත්‍රීවරු පිරිසක්ද සහභාගි වූහ.

මීට අමතරව  මුදල් අමාත්‍යාංශ ලේකම් සහ භාණ්ඩාගාර ලේකම් එස්.ආර් ආටිගල, සුරාබදු කොමසාරිස් ජනරාල් ඒ. බෝදරගම මහතා,  ඇතුළු ඉහළ පෙළේ රාජ්‍ය නිලධාරිහු ද පැමිණ සිටියහ. 

අභිනව තරගාවලියේදීම බොහෝ දෙනාගේ අවධානය දිනා තිබෙන ලංකා ප්‍රිමියර් ලීග් තරගාවලිය මේ දිනවල ඉතාමත් සාර්ථකව හම්බන්තොට මහින්ද රාජපක්ෂ ක්‍රීඩාංගණයේදී පැවැත්වෙමින් පවතියි. සුපිරි පන්දුවාරයක් දක්වා දිග හැරුණු සමාරම්භක තරගයේ සිටම මේ වන තෙක් පැවැති තරග සියල්ලෙහිම පැවැති තියුණු තරගකාරී බව තරගාවලියේ ආකර්ශනය දිනා ගැනීමට හේතු වුණු ප්‍රධාන කරුණකි.

මේ අතර එම තරගාවලිය සඳහා එකම පවුලේ සොහොයුරන් සිව් යුගලක් තරගාවලිය නියෝජනය කිරීමද බොහෝ දෙනාගේ අවධානය යොමුවී තිබෙන කරුණක් බවට පත්ව තිබේ. ක්‍රිකට් පිටියේදී සොහොයුරන් යුගලක් එකම කණ්ඩායමකට ක්‍රීඩා කිරීම සාමාන්‍ය කරුණක්. එහෙත් මේ තරගාවලියේ ඇති විශේෂත්වයක් බවට පත්ව තිබෙන්නේ ක්‍රීඩා කරනු ලබන ක්‍රීඩකයින්ට අමතරව තරග තීරක මඩුල්ලේ සහ විනිසුරු මඩුල්ලේද එවැනි යුගලයන් ද්විත්වයක් කටයුතු කිරීමයි.

වනිඳු හසරංග ද සිල්වා සහ චතුරංග ද සිල්වා එක් සොහොයුරන් යුගලයක් වන අතර ජාතික වරම් දිනා සිටින විශ්ව ප්‍රනාන්දු සහ නුවනිඳු ප්‍රනාන්දු තරගාවලිය නියෝජනය කරනු ලබන අනෙක් සොහොයුරන් යුගලය වේ. මේ අතර කලක් ජාතික කණ්ඩායමට ක්‍රීඩා කරන ලද ග්‍රැහැම් ලැබ්‍රෝයි සහ වෙන්ඩල් ලැබ්‍රෝයි තරග තීරක මඩුල්ල නියෝජනය කරමින් මෙම තරගාවලියේදී දෙසොහොයුරන් ලෙසින් කටයුතු කරන අතර රෝහිත කොට්ටහච්චි සහ රවීන්ද්‍ර කොට්ටහච්චි විනිසුරු මඬුල්ල නියෝජනය කරමින් මෙම ඓතිහාසික තරගාවලියට දායකත්වය ලබා දෙති.

මෙතෙක් පැවැති තරගවලදී වැඩිම අවධානයක් දිනා සිටින ක්‍රීඩකයකු බවට පත්ව සිටින ජැෆ්නා ස්ටැලියන්ස් කණ්ඩායමේ වනිඳු හසරංග ද සිල්වාගේ වැඩිමහල් සොහොයුරා වන්නේ චතුරංග ද සිල්වාය.  ජාතික කණ්ඩායම නියෝජනය කිරීමට වරම් ලබා සිටින මෙම ක්‍රීඩකයින් දෙපළම තුන් ඉරියව් ක්‍රීඩකයින් ලෙසින් ජැෆ්නා ස්ටැලියන්ස් පිලට සිය දායකත්වය ලබාදීමද කැපී පෙනෙයි.

ප්‍රනාන්දු පවුල නියෝජනය කරමින් මෙම තරගාවලියට පැමිණ සිටින විශ්ව සහ නුවනිඳු අතරින් වැඩිමහල් සහෝදරයා වන්නේ විශ්ව ප්‍රනාන්දුය. මොවුන් දෙදෙනා එකිනෙකාට එදිරිව තරගාවලිය නියෝජනය කරති. එහිදී විශ්ව කැන්ඩි ටස්කර්ස් පිලද නුවනිඳු ජැෆ්නා ස්ටැලියන්ස් පිලද නියෝජනය කරති. වනිඳු සහ චතුරංග තුන් ඉරියව්වෙන්ම දක්ෂතා දක්වද්දී  විශ්ව සහ නුවනිඳු එකිනෙකාට වෙනස් දක්ෂතා හරහා මෙම එල්.පී.එල්. තරගාවලිය නියෝජනය කිරීමට වරම් ලබා තිබේ. ශ්‍රී ලංකා ටෙස්ට් කණ්ඩායමේ නිත්‍ය වේගපන්දු යවන්නා ලෙසින් කටයුතු කරන විශ්ව, වේග පන්දුවෙන් කණ්ඩායමට දායකත්වය ලබා දෙද්දී නිවනිඳු ඉදිරි පෙළ පිතිකරුවකු වශයෙන් තම කණ්ඩායමට එකතුව සිටියි. 

ක්‍රීඩකයින්ගෙන් පරිබාහිරව බැලීමේදී තරගාවලියට සහෝදරයින් දෙපළක් ලෙසින් ඉදිරිපත්ව සිටින අනෙක් යුගලය වන්නේ ලැබ්‍රෝයි සහෝදරයින්ය. ජාත්‍යන්තර ක්‍රිකට් කවුන්සිලයේ තරග තීරකවරුන් ලෙසින් කටයුතු කරන ලැබ්‍රෝයි සහෝදරයින් අතරින් ග්‍රැහැම් වැඩිමහල් සහෝදරයා වන්නේය. සිය සහෝදරයා ගිය අඩි පාරේම යමින් තරග තීරකවරයකු බවට පත්ව සිටින වෙන්ඩල් ද වැඩිමහල් සහෝදරයා මෙන්ම වේග පන්දු යවන්නකු ලෙස ජාතික කණ්ඩායම නියෝජනය කිරීමට වරම් ලැබූවෙකි.

ග්‍රැහැම් ලැබ්‍රෝයි ටෙස්ට් සහ එක්දින තරග දෙඅංශයෙන්ම ශ්‍රී ලංකා කණ්ඩායම නියෝජනය කිරීමට සමත්ව ඇතත් වෙන්ඩල් ශ්‍රී ලංකාව වෙනුවෙන් එක්දින තරග වරම් දිනා ගැනීමට සමත්ව සිටියි. අන්තර්ජාතික ක්‍රිකට් සභාවේද සහෝදරයින් යුගලයක් තරග තීරකවරුන් ලෙස කටයුතු කිරීමේ දුර්ලබ අවස්ථාවක්  නිර්මාණය කිරීමට සමත්ව සිටින ලැබ්‍රෝයි සහෝදරයින් අතරින් වැඩිමලයා වන ග්‍රැහැම් සමාරම්භක තරගයේ තරග තීරක ලෙස කටයුතු කරද්දී ඊට පසු දින පැවැති ජැෆ්නා ස්ටැලියින්ස් සහ ගෝල් ග්ලැඩියේටර් අතර තරගයේ දී ඔහුගේ සොහොයුරු වෙන්ඩල් තරග තීරකවරයා ලෙසින් කටයුතු කළේය.

මේ අතර තරගාවලියට එක්ව සිටින සිව්වැනි සහෝදරයින් යුගලය වන්නේ කොට්ටහච්චි පවුල නියෝජනය කරමින් පැමිණ සිටින රෝහිත සහ රවීන්ද්‍ර යුගලයයි.  සහෝදරයින් සිව් දෙනෙකුගෙන් සමන්විත කොට්ටහච්චි පවුලේ රෝහිත සහ රවීන්ද්‍ර හැරුණු විට අනෙක් සහෝදරයින් දෙදෙනාද මෙරට පළමු පෙළ තරග විනිශ්චයේ නියැළී සිටීම විශේෂත්වයක් වේ.

ඒ අතරින් එල්.පී.එල්. තරගාවලියට සේවය ලබා දී සිටින සහෝදරයින් යුගලය අතරින් රෝහිත වැඩිමහල් සහෝදරයා වන්නේය. පළමු පෙළ තරගාවලිය නියෝජනය කිරීමට තරම් දක්ෂ ක්‍රීඩකයකු වූ රෝහිත 2000 වසරේ සිට පළමු පන්තියේ විනිසුරුවරයෙක් ලෙස ශ්‍රී ලාංකේය ක්‍රීඩාවට දායකත්වය ලබා දෙමින් සිටියි.

ඔහුගේ සොහොයුරා වන රවීන්ද්‍රද පළමු පෙළ ක්‍රිකට් තරගාවලිය නියෝජනය කර තිබෙන අතර සිය සහෝදරයාගේ ආගමනයෙන් වසර 6 කට පසුව හෙවත් 2006 වසරේ සිට විනිසුරුකරණයේ නියැළෙමින් සිටියි. රෝහිත ඉකුත් නොවැම්බර් 28 වැනි දින පැවැති ගෝල් ග්ලැඩියේටර්ස් සහ කලම්බු කිංග්ස් අතර පැවැති තරගයේදී පිටියේ විනිසුරුවරයකු ලෙස සිය එල්පී.එල්. රාජකාරි අරඹද්දී ඔහුගේ සොහොයුරා වන රවීන්ද්‍ර මහනුවර ටස්කර්ස් සහ දඹුල්ල වයිකින්ස් අතර තරගයේ සිව්වැනි විනිසුරු ලෙස සිය දායකත්වය ලබා දෙමිනි.

උපුටා ගැනීම – ශ්‍රී ලංකා ක්‍රිකට් නිල වෙබ්අඩවිය

නියුමෝනියාව හා කොවිඩ් තත්ත්වය උත්සන්න වීම හේතුවෙන් අද (08) දින බොරැල්ල රිජ්වේ ආර්යා ළමා රෝහලේදී දින 20ක් වයසැති බිළිදෙකු මියගිය බව සෞඛ්‍ය බලධාරීන් තහවුරු කළා.

මෙරටින් වාර්තා වූ ළාබාලත ම කොවිඩ් මරණය එය බවයි සෞඛ්‍ය බලධාරීන් පැවසුවේ.

තොටළඟ ප්‍රදේශයේ උපත ලබා ඇති එම බිළිඳා උග්‍ර නියුමෝනියා තත්ත්වය හේතුවෙන් ඊයේ (07) රාත්‍රියේ කොළඹ රිජ්වේ ආර්යා ළමා රෝහලට ඇතුළත් කළ බවයි රෝහල් බලධාරීන් පැවසුවේ.

බිළිදා මියගිය පසු සිදුකළ පීසීආර් පරීක්ෂාවෙන් ඔහුට කොවිඩ්-19 ආසාදනය වී ඇති බව තහවුරු වී තිබෙන නමුත් ඔහුගේ මව්පියන්ට කොවිඩ් -19 ආසාදනය වි නොමැති බව ඔවුන්ට සිදුකළ පීසීආර් පරීක්ෂණවලින් අනාවරණ වූ බව ද රෝහල් බලධාරීන් ප්‍රකාශ කළා.

මේ සිදුවීම දෙමාපියන්ගේ සහ සෞඛ්‍ය බලධාරීන්ගේ දැඩි අවධානයට යොමුවිය යුතු කරුණක් බවයි අප කළ විමසීමක ද සෞඛ්‍ය අංශ ප්‍රවීණයෙක් සදහන් කළේ.

කොවිඩ් 19 සම්බන්ධයෙන් ජනතාව තුළ අනවශ්‍ය බියක් පවතින බැවින් රෝගය වැළදුනු පුද්ගලයින් එය සැගවීමට උත්සාහ ගන්නාබවත් කොවිඩ් 19 පාලනය කිරීමේදී එමගින් ගැටළුකාරී තත්වයක් හටගෙන ඇති අතර එම තත්වය මගහරවා ගැනීමට නම් උපායමාර්ගික සැලසුමක් අවශ්‍ය බව ප්‍රාථමික සෞඛ්‍ය සේවා, වසංගත රෝග සහ කොවිඩ් රෝග පාලනය පිළිබද රාජ්‍ය අමාත්‍ය විශේෂඥ වෛද්‍ය සුදර්ශිනී ප්‍රනාන්දුපුල්ලේ මහත්මිය කොවිඩ් 19 පිළිබද විශ්ලේෂණ කමිටුව හමුවේ සදහන් කළාය. රාජ්‍ය ඇමතිතුමියගේ ප්‍රධානත්වයෙන් අද (08) සෞඛ්‍ය අමාත්‍යංශයේ ශ්‍රවණාගාරයේ පැවැති සාකච්ඡාවකදී ඇය මේ බව සදහන් කළාය.

වැඩිදුරටත් අදහස් දැක්වූ රාජ්‍ය අමාත්‍යතුමිය,රෝගය වැළදුනු පුද්ගලයින් දෙසද සමාජය විසින් වපර ඇසින් බලමින් ඔවුන් ප්‍රතික්ෂේප කිරීමේ ප්‍රවණතාවයක් පවතින බැවින් එම තත්වය මගහරවා ගැනීම සදහා ජනතාව නිරන්තරයෙන් දැනුවත් කිරීමේ අවශ්‍යතාව මෙහිදී මතුකළාය. ඒ සදහා මාධ්‍ය මගින් අවශ්‍ය දැනුවත් කිරීම් සිදුකිරීමට කටයුතු කල යුතු බව අවධාරණය කරන ලදි.

දෛනික PCR පරීක්ෂා කිරීමේ ධාරිතාව වැඩිකිරීම කෙරෙහි අවධානය යොමුකල අමාත්‍යවරිය ඒ සදහා පවතින අපහසුතා සම්බන්ධයෙන්ද විමසා බලන ලදි. කොවිඩ් ආසාදිත රෝගීන් වාර්තාවන ප්‍රදේශවල පවතින ගිලන්රථ හිගතාවය පිළිබදවද මෙහිදී අවධානයට ලක්වූ අතර ඒ සදහා රෝගීන් වාර්තා නොවන ප්‍රදේශවල පවතින ගිලන්රථ භාවිතා කිරීමේ ඇති හැකියාව සම්බන්ධයෙන් අවධානය යොමු කරන ලදි. කොවිඩ් රෝගය වැළදී මියගිය අයගේ ආදාහන කටයුතු සිදුකිරීමේදී ආර්ථික අපහසුතා පවතින අයගේ ආදාහන කටයුතු ඔවුන්ගේ ඉල්ලීම මත රජයේ වියදමින් සිදුකිරීමට ජනාධිපතිතුමා උපදෙස් ලබාදී ඇති බවද අමාත්‍යවරිය මෙහිදී සදහන් කළාය.

කොළඹ මහනගර සභාබල ප්‍රදේශයේ පැතිරී යන කොවිඩ් 19 පාලනය කිරීම සදහා සෞඛ්‍ය අමාත්‍යාංශයේ මැදිහත්වීම, දායකත්වය ලබාදිය යුතු ආකාරය මෙහිදී සාකච්ඡාවූ අතරඉදිරියේ මතුවිය හැකි කොවිඩ් පොකුරු සම්බන්ධයෙන් ක්‍රියාකල යුතු ආකාරය පිළිබදවත්, එළඹෙන උත්සව සමය සදහා සූදානම්විය යුතු ආකාරය පිළිබදවත් මෙම සාකච්ඡාවේදී අවධානය යොමුවිය.

කොවිඩ් 19 පාලනය කිරීම සදහා කටයුතු කරන ආයතන ප්‍රධානීන්ගේ සහභාගීත්වයෙන් පැවැති මෙම සාකච්ඡාව සදහා සෞඛ්‍ය අමාත්‍යාංශයේ ලේකම් මේජර් ජෙනරාල් විශේෂඥ වෛද්‍ය සංජීව මුණසිංහ, ප්‍රාථමික සෞඛ්‍ය සේවා, වසංගත රෝග සහ කොවිඩ් රෝග පාලනය පිළිබද රාජ්‍ය අමාත්‍යාංශයේ ලේකම් විශේෂඥ වෛද්‍ය අමල් හර්ෂ ද සිල්වා, සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන, වසංගත රෝග විද්‍යායතනයේ අධ්‍යක්ෂ විශේෂඥ වෛද්‍ය සුදත් සමරවීර යන මහත්ම මහත්මීන් ඇතුළු අමාත්‍යාංශ නිලධාරීන් පිරිසක් මෙම සාකච්ඡාවට එක්විය.

කොත්තු රොටී හා ආප්ප වැනි සැබෑ ශ්‍රී ලාංකික ආහාර වර්ග සාදන ආකාරය ලෝකයාට ඉගැන්වීමේ ප්‍රදර්ශන කුටියක් ඉකුත් 06 වැනිදා වියට්නාමයේදී දැක ගත හැකි විය.

වියට්නාමයේ විදේශ කටයුතු අමාත්‍යංශය සංවිධානය කරන ලද ලෝක ආහාර ප්‍රදර්ශනයකදී ශ්‍රී  ලංකාවේ මෙම පුදර්ශන කුටියටද විශේෂ තැනක් හිමිව තිබුණි. ශ්‍රී ලාංකික කෙටි ආහාර වර්ග සමඟ ලංකා තේ ද මෙම ප්‍රදර්ශනය නැරඹීමට පැමිණි අයට නොමිලේම පිරිනමන ලදී. වියට්නාම ජාතිකයෝ සහ විදේශිකයෝ මෙම රසවත් ආහාර පාන සහ උණුසුම් සත්කාරකත්වය ද භුක්ති වින්දාහ.

ප්‍රදර්ශන කුටි 115 කින් සමන්විත වූ මෙම ආහාර පාන ප්‍රදර්ශනය නැරඹීමට ආසන්න වශයෙන් 1,500 ක් පමණ දෙනා පැමිණියහ. හැනොයි හි සහ වියට්නාමයේ වෙනත් ප්‍රධාන නගරවල සහ පළාත්වල වෙසෙන ශ්‍රී ලාංකික ප්‍රජාව මෙම උත්සව අංගය සඳහා ක්‍රියාකාරීව සහභාගී වූ අතර, ඉතා සාර්ථක ප්‍රවර්ධන වැඩසටහනක් ක්‍රියාත්මක කිරීම වෙනුවෙන් සිය නොමසුරු සහය ලබා දුන්හ. මෙම ප්‍රදර්ශනයේ ශ්‍රී  ලංකා ආහාර සකස් කරන ප්‍රදර්ශන කුටිය සංවිධානය කර තිබුණේ හැනොයි හි ශ්‍රී ලංකා තානාපති කාර්යාලය විසිනි.

ලෝ ප්‍රකට ගෙවීම් සමාගමක් වන මාස්ටර්කාඩ් Mastercard අසභ්‍ය වෙබ් අඩවියක් වන පෝර්න්හබ් Pornhub සමඟ සිය ව්‍යාපාරය සමාලෝචනය කරමින් සිටින බව වාර්තා වෙනවා.

අර්බුදය ආරම්භ වුණේ  මාස්ටර්කාඩ් සමාගමට එරෙහිව නිව් යෝර්ක් ටයිම්ස් පුවත්පත විසින් ප්‍රකාශයට පත් කරන ලද චෝදනාවලින් පසුවයි.

Pornhub හි තිබී ළමා ලිංගික අපයෝජන, “පළිගැනීමේ අසභ්‍ය වීඩියෝ revenge porn ” සහ ස්ත්‍රී දූෂණ ඇතුළත් වීඩියෝ කිහිපයක් තමා සොයා ගත් බව පුලිට්සර් ත්‍යාගලාභී මාධ්‍යවේදී නිකලස් ක්‍රිස්ටෝෆ් කළ ප්‍රකාශය පෝර්න්හබ් මව් සමාගම වන MindGeek විසින් ප්‍රතික්ෂේප කර තිබෙනවා.

ස්කයි නිවුස් පුවත්පතට අනුව Mastercard rival Visa මේ වන විට විමර්ශනය කරමින් සිටිනවා.

MindGeek කියා සිටියේ මෙම ප්‍රකාශයන් වගකීම් විරහිත සහ පැහැදිලිවම අසත්‍ය බවයි.

ප්‍රසිද්ධියේ නැරඹිය හැකිය

ක්‍රිස්ටෝෆ්ගේ ගවේෂණාත්මක වාර්තාකරණයෙන් පසු මාස්ටර්කාඩ් ප්‍රතිචාර දක්වමින් කියා සිටියේ, “සෙවුම් යන්ත්‍ර, බැංකු හෝ ක්‍රෙඩිට් කාඩ් සමාගම්” පෝර්න්හබ් ශක්තිමත් කළ යුත්තේ මන්දැයි තමා නොදන්නා බවයි.

Pornhub ගෙවීමකින් තොරව නොමිලේ නැරඹිය හැකි නමුත් පරිශීලකයින්ට උසස් තත්ත්වයේ වීඩියෝ සහ දැන්වීම් රහිත සහ සුවිශේෂී අන්තර්ගතයන් නැරඹීම සඳහා මසකට ඩොලර් 9.99 ක් ගෙවිය යුතුය.

එහි අන්තර්ගතය බොහෝ දුරට තමන්ගේම ප්‍රජාව විසින් uploaded කර ඇති අතර ප්‍රසිද්ධියේ නැරඹිය හැකිය.

නමුත් සමාගම පැවසුවේ uploaded කරන සෑම වීඩියෝවක්ම මානව උපපරිපාලකවරු  human moderators විසින් සමාලෝචනය කරන බවයි.

‘අඩු වයස’ වීඩියෝ

එහි නවතම වාර්ෂික සමාලෝචනයේදී, Pornhub පැවසුවේ 2019 දී වෙබ් අඩවි නරඹන්නන් (site visitors) බිලියන 42 ක් සිටි බවත් වීඩියෝ මිලියන 6.83 කට වඩා වැඩි ප්‍රමාණයක් uploaded කර ඇති බවත්, වසර 169ක ඒකාබද්ධ නැරඹුම් කාලයක් ඇති බවත්ය.

නමුත් එය කොපමණ උපපරිපාලක වරු සේවයේ යොදවා ඇත්දැයි එය නොකියයි.

ක්‍රිස්ටෝෆ් කියා සිටියේ “බාල වයස්කාරයින්ගේ – under-age” වීඩියෝ සෙවීම බොහෝ ප්‍රතිඵල ලබා දුන් අතර ළමුන් මෙන් පෙනී සිටින බොහෝ දෙනා ළමුන් නොවූවත් සමහරුන් ළමුන් බව පෙනී ගිය බවයි.

ළමා ලිංගික අපයෝජනයන් සඳහා “ශුන්‍ය ඉවසීමක් – zero tolerance” ඇති බවත්, නීති විරෝධී ද්‍රව්‍ය සොයා ගැනීමට සහ ඉවත් කිරීමට ගූගල්, යූ ටියුබ් සහ මයික්‍රොසොෆ්ට් වෙතින් මෙවලම් එකතුවක් භාවිතා කළ බවත් පෝර්න්හබ් පැවසීය.

මේ වසර මුලදී බීබීසී ප්‍රවෘත්ති සේවය පැවසුවේ වයස අවුරුදු 14 දී දූෂණයට ලක් වූ රෝස් කලෙම්බාගේ කතාව පෝර්න්හබ් වෙතින් ඉවත් කිරීමට දැඩි අරගලයක් කිරීමට සිදු වූ බවයි.

මෙම චෝදනාවට පෝර්න්හබ් ප්‍රතිචාර දැක්වූයේ එය 2009 දී විවිධ හිමිකාරිත්වයක් යටතේ පැවති අතර නීතිවිරෝධී අන්තර්ගතයන්ට එරෙහිව සටන් කිරීම සඳහා “කර්මාන්තයේ වඩාත්ම දැඩි ආරක්ෂණ සහ ප්‍රතිපත්ති” දැන් ක්‍රියාත්මක කර ඇති බවයි.

බී.බී.සී. වාර්තාවකි – සැකසුම – තීක්ෂණ වෙළෙන්එගොඩ

My11Circle ලංකා ප්‍රිමියර් ලීග්” පන්දුවාර විස්සයි-20 ලීග් ක්‍රිකට් තරගාවලියේ කඩුලු 5 ක් දවා ගත් පළමු පන්දු යවන්නා ලෙසින් වාර්තා පොත් අතරට එක්වූ මොහොමඩ් අමීර්ගේ සහ ලක්ෂාන් සඳකැන්ගේ දක්ෂ පන්දු යැවීමත් ඉදිරි පෙළ පිතිකරුවන් සිව් දෙනාම ලකුණු අතරට පැමිණීමට සමත්වීම හේතුවෙන් කලම්බු කිංග්ස් ට එරෙහිව පැවැති තරගයේදී කඩුලු 8 ක ජයක් වාර්තා කර ගැනීමට ගෝල් ග්ලැඩියේටර් කණ්ඩායමට අද (07 දා) සමත්විය.

තරගාවලියේ 14 වැනි තරගය බවට පත් වුණු මෙම තරගට පෙර පැවැති තරග 5 න් 5 ම පරාජයට පත්ව සිටි ගෝල් ග්ලැඩියේටර් කණ්ඩායම අද අත්කරගන්නා ලද්දේ තරගාවලියේ පළමු ජයග්‍රහණය වේ. ඒ අනුව මෙතෙක් ඔවුන් මුහුණ දී සිටි පරාජිත ගමනට තිත තැබුණා පමණක් නොව අර්ධ අවසන් තරග වටයට සුදුසුකම් ලැබීම සඳහා වූ බලාපොරොත්තුද වැඩි කරවනු ලැබීය.

ජයග්‍රහණය සඳහා පන්දුවාරයකට ලකුණු 8.56 ක වේගයක් රඳවා ගැනීමේ අභියෝගය භාර ගනිමින් පිටියට පිවිසි ගෝල් ග්ලැඩියේටර්ස් පිල පන්දු 15 ක් ඉතිරිව තිබියදී ඉලක්කය සපුරාගන්නා ලද්දේ කඩුලු 2 ක් පමණක් ලබා දෙමිනි. පන්දු 16 කදී හපෙහර 3 ක් සහ හතරේ පහර 3 ක් වේගවත් ලකුණු 35 ක් ලද අසාම් ඛාන්ගේ පිත්තෙන් ජයග්‍රාහී ලකුණ වාර්තා වද්දී අනෙක් අන්තයේ රැඳී සිටි භානුක රාජපක්ෂ පන්දු 24 කදී ලකුණු 37 ක් ලබා සිටියේ හයේ පහරක් සහ හතරේ පහර 6 කින් තම ඉනිම අලංකාර කර ගනිමිනි. තෙවැනි කඩුල්ල වෙනුවෙන් මොවුන් දෙදෙනාගේ නොබිඳුණු සම්බන්ධතාවය පන්දු 34 කදී ලකුණු 68 කි.

සාර්ථක ආරම්භයක් ලබා දුන් ධනුෂ්ක ගුණතිලක සහ අසාන් අලී පළමු කඩුල්ල වෙනුවෙන් පන්දු 63 කදී ලකුණු 97 ක් එක් කළහ. මෙවර තරගාවලියේ වැඩිම ලකුණු ලාභියා බවට පත්ව සිටින ධනුෂ්ක අද දිනයේදී තවත් ලකුණු 38 ක් රැස් කරමින් ලකුණු 300 සීමාව ඉක්මවා යෑමට සමත්විය. පන්දු 28 කදී වාර්තා වුණු එම ඉනිමත් සමඟ පිතිකරුවන්ගේ ලැයිස්තුවේ පෙරමුණ ගෙන සිටින්නේ ලකුණු 322 ක් තම නම ඉදිරියෙන් සටහන් කර ගනිමිනි.

කාසියේ වාසියත් සමඟ ප්‍රථමයෙන් පන්දුවට පහර දුන් කලම්බු කිංග්ස් කණ්ඩායමට එතරම් හොඳ ආරම්භයක් ලබා ගැනීමට මොහොමඩ් අමීර් ප්‍රමුඛ පන්දු යවන්නන් අවස්ථාව ලබා නොදුන්හ. 18 වැනි පන්දුවාරයේදී කඩුලු 2 ක් සහ අවසන් පන්දුවාරයේදී කඩුලු 3 ක් දවා ගත් මොහොමඩ් අමීර් ලංකා ප්‍රිමියර් ලීග් ඉතිහාසයේ කඩුලු 5 ක් දවාගත් පළමු පන්දු යවන්නා ලෙසින් වාර්තා පොත් අතරට සිය නම එකතු කර ගත්තේය.

ප්‍රථමයෙන්ම ඩැනියෙල් බෙල්ව දවාගත් අමීර් එම පන්දුවාරයේදීම තික්ෂිල ද සිල්වා දවා ගත්තේය. එතැනින් නොනැවතුණු අමීර් අවසන් පන්දුවාරය ක්‍රියාත්මක කරමින් පිට පිට පන්දු දෙකකදී කයිස් අහමඩ් සහ තරිඳු කෞෂාල්ගේ කඩුලු දවා ගනිමින් කඩුලු ත්‍රිත්තවයක අභිමුවට පැමිණියේය. එහෙත් ඔහු යවන ලද ඊළඟ පන්දුවට හයේ පහරකින් සංග්‍රහ කිරීමට ඉසුරු උදාන සමත්වූයෙන් කඩුලු ත්‍රිත්වයේ බලාපොරොත්තුව සිහිනයක් විය. කෙසේ වෙතත් අවසන් පන්දුවේදී භානුක රාජපක්ෂ විසින් උදාන ලබා දුන් උඩ පන්දුව රැක ගැනීමට සමත්වීම නිසා අමීර් ට කඩුලු 5 ක් දවා ගැනීමේ අවස්ථාව උදාවිය. ඉනිම අවසානයේ අමීර්ගේ පන්දු යැවීම පන්දුවාර 4 කදි ලකුණු 26 කට කඩුලු 5 ක් ලෙස සටහන් විය. අමීර්ගේ දක්ෂතාවයට ප්‍රථම තරගාවලියේ හොඳම පන්දු යැවීම ලෙස ගෝල් ග්ලැඩියේටර් පිලට එරෙහිව ජැෆ්නා ස්ටැලියන්ස් පිලේ ඩුවේන් ඔලිවර් දවා ගන්නා ලද ලකුණු 44 කට කඩුලු 4 සටහන් විය.

පන්දුවට පහර දීමේදී ඩැනිලේ බෙල් පන්දු 36 කදී ලකුණු 44 ක්ද දිනේෂ් චන්දිමාල් පන්දු 20 කදී ලකුණු 35 ක්ද එක් කළහ. ඉනිමේ සාර්ථක සම්බන්ධතාවය ලෙසින් තික්ෂිල ද සිල්වා (21) සහ ඩැනියල් බෙල් සමඟ 6 වැනි කඩුල්ල වෙනුවෙන් පන්දු 25 කදී එක් කරන ලද ලකුණු 39 සටහන් විය. පසු පෙළින් පැමිණි ඉසුරු උධාන පන්දු 10 කදී හයේ පහර 2 ක් සහ හතරේ පහරක් සමඟින් ලකුණු 21 ක් ලබා සටනක් දිය හැකි ලකුණු සංඛ්‍යාවක් කරා කලම්බු කිංග්ස් පිල රැගෙන ගියේය.

ආරම්භක පන්දු යවන්නන් දෙපළ ප්‍රතිවාදී පිතිකරුවන්ගේ ලකුණු ලබාගැනීම පාලනය කළද පළමු කඩුල්ල දවා ගැනීමට සමත්වූයේ ධනංජය ලක්ෂාන්ය. මේ වන තෙක් තරගාවලියට ක්‍රීඩා කරන ලද නවක ක්‍රීඩකයින්ගේ දක්ෂතා අතරින් බොහෝ දෙනෙකුගේ අවධානයට ලක්ව සිටින ක්‍රීඩකයකු වන ධනංජය ලක්ෂාන් ලෝරි එවන්ස්ගේ කඩුල්ල දවා ගත්තේය. අනතුරුව ක්‍රියාත්මක වුණු ලක්ෂාන් සඳකැන් නායක ඇන්ජලෝ මැතිව්ස්, අශාන් ප්‍රින්ජන් සහ ප්‍රහාරාත්මක පිතිකරු ඇන්ඩ්‍රෙ රසල්ගේ කඩුලු ලකුණු 33 ක් ඇතුළත දවා ගනිමින් තරගය පිළිබඳව කණ්ඩායමට වැඩි බලාපොරොත්තු එක් කිරීමට සමත්විය.

මෙවර තරගාවලියේ පළමු තරගයට ක්‍රීඩා කිරීමට වරම් ලද නුවන් තුෂාර, අමීර්ට විශාල දායකත්වයක් ලබා දීම කැපී පෙනුණි. ලසිත් මාලිංගගේ ඉරියව්වට සමාන ඉරියව්වකින් පන්දු යැවන තුෂාරගේ නම ඉදිරියෙන් කඩුල්ලක් දවා ගැනීමක් සටහන් නොවුණත් යවන ලද පන්දුවාර 4 දී ලකුණු 31 ක් පමණක් ලබා දුන්නේය. එය ගෝල් ග්ලැඩියේටර් පන්දු යවන්නන් අතරින් පන්දුවාරයකට අඩුම ලකුණු ලබා දුන් පන්දු යවන්නන් අතර දෙවැනි තැන හිමිවන්නේය.

ලකුණු පුවරුව
කලම්බු කිංග්ස්	ලකුණු	පන්දු	4	6
දිනේෂ් චන්දිමාල්	ඇ.චැඩ්වික් වෝල්ටන්	ප.මොහොමඩ් අමීර්	35	20	4	2
ලෝරි එවන්ස්	කඩුල්ල මුවා කළා	ප.ධනංජය ලක්ෂාන්	7	7	1	0
ඩැනියෙල් බෙල්	ඇ.ධනංජය ලක්ෂාන්	ප.මොහොමඩ් අමීර්	44	36	3	1
ඇන්ජලෝ මැතිව්ස්	ඇ.චැඩ්වික් වෝල්ටන්	ප.ලක්ෂාන් සඳකැන්	11	9	1	0
අශාන් ප්‍රින්ජන්	ඇ.සහන් ආරච්චිගේ	ප.ලක්ෂාන් සඳකැන්	5	7	0	0
ඇන්ඩ්‍රෙ රසල්	ඇ. සහ	ප.ලක්ෂාන් සඳකැන්	11	9	2	0
තික්ෂිල ද සිල්වා	ඇ.චැඩ්වික් වෝල්ටන්	ප.මොහොමඩ් අමීර්	27	17	1	2
ඉසුරු උදාන	ඇ.භානුක රාජපක්ෂ	ප.මොහොමඩ් අමීර්	21	10	1	2
කයිස් අහමඩ්	ඇධනුෂ්ක ගුණතිලක	ප.මොහොමඩ් අමීර්	5	4	1	0
තරිඳු කෞෂාල්	දුවද්දී දැවී ගියා	අසාම්/අමීර්	0	1	0	0
ධම්මික ප්‍රසාද්	නොදැවී		0	0	0	0
අතිරේක	5
එකතුව පන්දුවාර 20 කදී සියලු දෙනා දැවී ලකුණු	171
කඩුලු වැටීම / 1-19 (එවන්ස් 2.1), 2-45 (චන්දිමාල් 5.2), 3-69 (මැතිව්ස් 8.3), 4-88 (ප්‍රියන්ජන් 10.5), 5-රසල් (12.6), 6-144 (ඩැනියෙල් 17.1), 7-147 (තික්ෂිල 17.5), 8-165 (කිස් 19.3), 9-165 (කෞෂාල් 19.4)
පන්දු යැවීම
මොහොමඩ් අමීර් 4-0-26-5	නුවන් තුෂාර 4-0-31-0
ධනංජය ලක්ෂාන් 4-0-34-1	ලක්ෂාන්සඳකැන් 4-0-33-3
භානුක රාජපක්ෂ 2-0-25-0	ෂෙහාන් ජයසූරිය 2-0-25-0
ගෝල් ග්ලැඩියේටර්ස්	ලකුණු	පන්දු	4	6
ධනුෂ්ක ගුණතිලක	කඩුල්ල මුවා කළා	ප.කයිස් අහමඩ්	38	28	5	0
අසාන් අලී	ඇ.ඇන්ඩ්‍රෙ රසල්	ප.ධම්මික ප්‍රසාද්	56	38	9	1
භානුක රාජපක්ෂ	නොදැවී		37	24	6	1
අසාම් ඛාන්	නොදැවී		35	16	3	3
අතිරේක	9
එකතුව පන්දුවාර 17.3 කදී කඩුලු 2 කට ලකුණු	175
කඩුලු වැටීම / 1-97 (ගුණතිලක 10.3), 2-107 (අසාන් 11.5),
පන්දු යැවීම
ඇන්ජලෝ මැතිව්ස් 1-0-10-0	ඉසුරු උදාන 4-0-32-0
ඇන්ඩ්‍රෙ රසල් 2-0-22-0	අශාන් ප්‍රියන්ජන් 2-0-22-0
තික්ෂිල ද සිල්වා 1-0-13-0	කයිස් අහමඩ් 4-0-23-1
ධම්මික ප්‍රසාද් 2.3-0-33-1	තරිඳු කෞෂාල් 1-0-16-0

උපුටා ගැනීම – ශ්‍රී ලංකා ක්‍රිකට් ආයතනයේ නිල වෙබ් අඩවිය ඇසුරිණි

බන්ධනාගාර ගතව සිටින  රැඳවියන් අවම වශයෙන් 8,000 ක් පමණ කඩිනමින් නිදහස් කිරීමට කටයුතු කරන බව බන්ධනාගාර ප්‍රතිසංස්කරණ හා සිරකරුවන්ගේ පුනරුත්ථාපන අමාත්‍ය ලොහාන් රත්වත්තේ මහතා අධිකරණ අමාත්‍යාංශයේ උපදේශක කාරක සභාවේ දී පැවසීය.

වැඩිවෙමින් පවතින සිරකරුවන්ගේ සංඛ්‍යාව සැලකිල්ලට ගනිමින් බන්ධනාගාර තදබදය අවම කිරීම වෙනුවෙන් මෙම පියවර අනුගමනය කරන බව හෙතෙම කීවේය.

ගරු අධිකරණ අමාත්‍ය අලි සබ්‍ර්රි මහතාගේ ප්‍රධානත්වයෙන් පසුගිය 05 වැනි දා පාර්ලිමේන්තු සංකිර්ණයේ දි කාරක සභාව රැස්විය.

මේ වන විට රට පුරා බන්ධනාගාර 28 ක රැඳවියන් 28, 951 ක් සිටින බව පෙන්වා දුන් රාජ්‍ය අමාත්‍යවරයා ඒ අනුව, COVID තත්ත්වය සැලකිල්ලට ගෙන සමාව ලබා දිය හැකි රැඳවියන් නිදහස් කරන ලෙස ජනාධිපති ගෝඨාභය  රාජපක්ෂ මහතා උපදෙස් දී ඇති බව ද ප්‍රකාශ කළේය.

සිව් අවුරුදු සමාව ලබාදීම වෙනුවෙන් අධිකරණ අමාත්‍යාංශය කැබිනට් මණ්ඩලයට පත්‍රිකාවක් ඉදිරිපත් කර ඇති අතර, එය අනුමත වුවහොත් දඩුවම් කාලය   වසර 20 කට වඩා ගෙවා ඇති සිරකරුවන් නිදහස් වන බවත්, මරණ දඩුවම හිමිවූවන්ගේ දඩුවම් කාලය වසර 20 කට අඩුවන බවත් අමාත්‍යවරයා කීවේය. සිව් අවුරුදු සමාව ලබාදීම වසර 40 ක් තුළ ක්‍රියාත්මක වී නොමැති බවද හෙතෙම වැඩිදුරටත් කීවේය.

සුළු ඇප මුදල් ගෙවීමට නොහැකිවීම හේතුවෙන් බන්ධනාගාර ගතව සිටින රැඳවියන්ගේ ඇප මුදල්  අමාත්‍යාංශය මූලික වී ගෙවා ඔවුන් නිදහස් කිරීමේ වැඩපිළිවෙලක් ක්‍රියාත්මක කිරීමට බලාපොරොත්තු වන බව  රාජ්‍ය අමාත්‍යවරයා පැවසීය.

බන්ධනාගාර කොමසාරිස් ජනරාල් තුෂාර උපුල්දෙණිය මහතා කාරක සභාවේ දී පැවසුවේ මත්ද්‍රව්‍ය සම්බන්ධ අපරාධ සම්බන්ධයෙන් රැඳවියන් 10,500 ක් පමණ බන්ධනාගරගතව  සිටින බවත් ඉන් 8500 ක් හෙරොයින් සම්බන්ධ වැරදිවලට වරදකරුවන් වූවන් බවත්ය.

මත්ද්‍රව්‍ය සම්බන්ධයෙන් සිරකරුවන් රඳවා තබා ගැනීමට වඩා පුනරුත්ථාපනය කිරීමේ වැදගත්කම  අධිකරණ අමාත්‍ය අලි සබ්රි මහතා මෙහි දී පෙන්වා දුන්නේය.  බොහෝ අවස්ථාවලදී වරදකරුවන් කරනු ලබන්නේ මත්ද්‍රව්‍ය ජාවාරම්කරුවන් නොව මත්ද්‍රව්‍ය භාවිතයට ගොදුරු වූ අය බව ද අමාත්‍යවරයා වැඩිදුරටත් පැවසීය.

මහර බන්ධනාගාරයේ ඇතිවු සිද්ධිය මේ වන විට සම්පූර්ණයෙන්ම පාලනය කර ඇති බවත්, රැඳවියන්  100 කගේ පමණ  ප්‍රතිදේහජනක පරීක්ෂණ සිදු කර ඇති බවත්, රාජ්‍ය අමාත්‍ය ලොහාන් රත්වත්තේ මහතා  කීවේය.  ඉන් 29 ක් පමණක් කොවිඩ් 19 ධනාත්මක බවත්,  ඉතිරි අයගේ PCR වාර්තා ලැබීමෙන් පසු මුදා හරිනු හැරීමට අවශ්‍ය ක්‍රියාමාර්ග ගන්නා බවත් ඔහු කීවේය.

මවුපියන් දෙදෙනාම අහිමි වූ ළමයින්, රිමාන්ඩ් කරන ලද ළමයින් සහ වැරදිකරුවන් වී ඇති  ළමයින් එකම අනාථ නිවාසයක ජීවත් වන බවත්, ළමා මහේස්ත්‍රාත් අධිකරණ ප්‍රමාණවත් නොවීම හේතුවෙන් ළමයින්ට සම්බන්ධ නඩු විභාග ප්‍රමාද වීම ගැටලුවක් බවත් පාර්ලිමේන්තු මන්ත්‍රී වීරසුමන වීරසිංහ මහතා පෙන්වා දුන්නේය. පළාතකට ළමා අධිකරණයක් බැගින් ස්ථාපිත කරන ලෙසත්, මන්ත්‍රීවරයා යෝජනා කළේය. මෙම යෝජනාව අගය කරමින් අධිකරණ අමාත්‍යවරයා පැවසුවේ ඒ පිළිබඳව පුළුල් අවධානයක් යොමු කරන බවයි.

අධිකරණවල විභාගවන නඩු ප්‍රමාද වීම යන සාධකයේදී ලොව රටවල් 189 ක් අතරින් ශ්‍රී ලංකාව 165 වැනි ස්ථානයේ පසුවන බව පැවසූ අධිකරණ අමාත්‍යවරයා එය කණ්ගාටුවට කරුණක් බව ද පැවසීය. වසර 25 කට වඩා වැඩි කාලයක් විසඳා නොහැකිව දිසා අධිකරණයේ  සිවිල් නඩු 5000 කට අධික සංඛ්‍යාවක්  විභාග වෙමින් පවතින බව අමාත්‍යවරයා සඳහන් කළේය.

නීතිය නිසි ලෙස ක්‍රියාත්මක කිරීම කඩිනම් කිරීම සඳහා විනිසුරුවන් හා අධිකරණ සංඛ්‍යාව වැඩි කිරීමේ වැදගත්කම අවධාරණය කළ අමාත්‍යවරයා කියා සිටියේ ශ්‍රේෂ්ඨාධිකරණයේ සේවය කළ යුතු විනිසුරුවන්ගේ සංඛ්‍යාව 11 සිට 17 දක්වා වැඩි කර ඇති බවත්, අභියාචනාධිකරණයේ සේවය කළ විනිසුරුවන්ගේ සංඛ්‍යාව අභියාචනය 12 සිට 20 දක්වා වැඩි කර ඇති බවත් ය.

අධිකරණ පද්ධතිය පුළුල් කිරීමේ දී   දැනට අලුත්කඩේ අධිකරණ අමාත්‍යාංශය පිහිටා ඇති පරිශය ද  ඒ වෙනුවෙන් භාවිත කිරීමට කැබිනට් අනුමැතිය ලැබී ඇති බව ද අමාත්‍යවරයා සඳහන් කළේය.

මේ අවස්ථාවට මැති ඇමතිවරු සහ  පාර්ලිමේන්තු මන්ත්‍රීවරු 30 කට ආසන්න පිරිසක් එක්ව සිටියහ.

සයිෆ් අලි ඛාන් Saif Ali Khan ගැන අලුත්ම අලුත් පුවත් කිහිපයක් මේ දිනවල බොලිවුඩ් මාධ්‍ය අතර හුවමාරු වෙනවා. ඒ අතර කාගෙත් අවධානය දිනාගත් පුවතක් බවට පත්වෙලා තිබෙන්නේ ඔහු චිත්‍රපටයක් සදහා අය කරන ගාස්තු තුන් ගුණයකින් ඉහළ දැමූ පුවතයි.

බොලිවුඩ් මාධ්‍ය වාර්තාකරන ආකාරයට පසුගිය වසර කිහිපය තුළ සයිෆ් අලි ඛාන් සිය ක්‍රීඩාව සම්පූර්ණයෙන්ම වෙනස් කර තිබෙනවා. බොලිවුඩයේ සාමාන්‍ය වීරයකුට අසාමාන්‍ය යැයි සිතිය හැකි ව්‍යාපෘති භාර ගැනීමට ඔහු තීරණය කර තිබෙනවා. 

ඔහුගේ  Kaalakaandi, Jawaani Jaaneman සහ Sacred Games යන චිත්‍රපට අතිසාර්ථක වීම නිසා ඔහු මේ දිනවල බොලිවුඩයේ සුපිරිම චරිතයට බවට පත්ව තිබෙන අතර ඔහුගේ මිල ගණන් ඉහළ යාමට මේ සාර්ථකත්වය ප්‍රධාන හේතුව වී තිබෙනවා.

සයිෆ් අලි ඛාන් මීට පෙර චිත්‍රපටයක් සදහා ඉන්දීය රුපියල් කෝටි 3 සිට 4 දක්වා අය කළා. දැන්, ඔහුගේ ගාස්තුව රුපියල් කෝටි 11 දක්වා තුන් ගුණයකින් වැඩි වී තිබෙනවා. 

තවද, නිෂ්පාදකයා එය සෘජුවම ඩිජිටල් වේදිකාවක් මත මුදා හැරීමට අදහස් කරන්නේ නම්, මිල තවදුරටත් ඉහළ දමන බවයි සයිෆ් කියලා තිබෙන්නේ.

මේ අතර අලුත්ම බොලිවුඩ් වාර්තාවලට අනුව සයිෆ් මීළඟට  Bhoot Police හි ප්‍රධාන චරිතය නිරූපණය කරනවා. එහි ජැකලින් ෆර්නැන්ඩස්, අර්ජුන් කපූර් සහ යමි ගෞතම්, රාණි මුකර්ජි, සිද්ධාන්ත් චතුර්වේදි රංගනයෙන් දායක වෙනවා. 

ෆිල්ම් ෆෙයාර් ඇසුරිණි – සකස් කළේ – තුෂාධවි

සබඳතා යනු මිශ්‍ර බඳුනකි – හැඟීම් ස්වල්පයක්, සුළු කෝපයක්, සුළු අනාරක්ෂිත බවක් සහ ආදර කන්දක් එයින් අපේක්ෂා කෙරේ.

ඉතිං මෙවැනි තත්ත්වයක් තුළ ඔබ කවදා හෝ ඔබේ සහකරු හෝ ඔබේ අනාගත සහකරුගේ රාශි චක්‍රය ගැන සොයාගෙන තිබේද ?  නැති නම් ඉක්මනට ඔහුගේ හෝ ඇයගේ ‘ලග්නය‘ ගැන දැන ගන්න. දැන් ඉවසිල්ලෙන් මේ ලිපිය කියවන්න. ඔබට ඔබේ ජීවිතය හමුවනු ඇත.

මේෂ Aries

මේෂ ලග්නයට අයත් වන පුද්ගලයින් ශක්තිමත් නායකත්ව කුසලතා, ආත්ම විශ්වාසය, ධනාත්මක ශක්තිය සහ නිර්මාණශීලිත්වය විදහා දක්වයි. ඇතැම් විට දැඩි ලෙස ප්‍රසිද්ධියක් උසුලන ඔවුන්, තමන් සම්බන්ධ ඕනෑම දෙයකින් ඔවුන්ගේ අපේක්ෂාවන් පිළිබඳව පැහැදිලි බවක් දක්වයි. ඔබට ඔවුන්ව ටිකක් දරාගත හැකිය. නමුත් ගැඹුරට, ඔවුන්ගේ ප්‍රමුඛතා පවතින්නේ කොතැනදැයි ඔවුන් දනී. ඒ ආදරය!

Taurus – වෘෂභ

වඩාත් විශ්වාසවන්ත රාශි චක්‍රයන්ගෙන් එකක් වන ටෝරියන්ස් සබඳතාවල පක්ෂපාතිත්වය සොයයි. ඔවුන් තම හවුල්කරුවන් සමඟ විවෘත වීමට හා පෙළගැස්වීමට කාලය ගත කරයි. උණුසුම් හිසක් ඇති බවට කීර්තියක් ඇති, එය සෑම දෙයක්ම ඉදිරියට ගෙනයාමේ ඔවුන්ගේ අවශ්‍යතාවයෙන් පැන නගී. ඔබ ටෝරියානු ලග්න හිමියෙකු සමඟ ආදරයෙන් බැඳී සිටින්නේ නම්, අවිශ්වාසය යනු ඔබ සමඟ කටයුතු කිරීමට සිදුවිය හැකි දෙයක් නොවේ.

මිථුන

මිථුන ලග්න හිමියන් විනෝදකාමී හා බුද්ධිමය පුද්ගලයින්ය. විනෝදය ඔවුන්ගේ පෞරුෂයේ දැවැන්ත අංගයක් බැවින් ඔවුන් හොඳ වේලාවන් සඳහා වැඩි මුදලක් වැය කිරීමට පෙළඹේ. එමනිසා, ඔවුන් තම ජීවිත තීරණ වලට සමාන දායකත්වයක් ලබා දෙන හවුල්කරුවෙකු සොයයි – එය වියදම්, නිවාඩු හෝ ඉතිරිකිරීම් වේවා.

කටක

සියළුම රාශි චක්‍රයන්ගෙන් වඩාත් හැඟීම්බර පුද්ගලයින් කටක ලග්න හිමියන්ය. ඔවුන් ආදරය හැර අන් කිසිවක් අපේක්ෂා නොකරයි. ආදරය ඔවුන්ගේ ලෝකය පාලනය කරන බව පැවසීම සාධාරණය. ඔවුන් තම හවුල්කරුවන් මත චිත්තවේගීයව රඳා පවතින තරමටම, ඔවුන් තවමත් සම්බන්ධතාවයට ගෙන එන සුවිශේෂී පුද්ගලත්වයක් ඇත. ඔබ කටක ලග්න හිමියෙකු සමඟ පෙම් සබඳතාවක් පවත්වන්නේ නම්, ඔබට කරදර වීමට කිසිවක් නැත!

සිංහ

සිංහ ලග්නයේ උපත ලැබූ නායකයන්ගෙන් ලෝකය පිරී පවතී. සිංහ ලග්න හිමියන් බොහෝ විට අණ කර ගෞරවය ඉල්ලා සිටී. ඔවුන්ට සාම්ප්‍රදායික ප්‍රවේශයක් සහ දේවල් සමඟ ගනුදෙනු කිරීමේ කුඩා ක්‍රමයක් ඇත. ඔවුන් පක්ෂපාතීත්වය ප්‍රස්ථාරවල ඉහළින් තබාගෙන සිටියත්, සුළු ධනයක් ඔවුන්ට කිසිදු හානියක් නොකරනු ඇත.

කන්‍යා

තමන් ගැන ඕනෑවට වඩා විවේචනය කරන ඔවුන් හැඟීම්, සහයෝගය සහ පක්ෂපාතිත්වය පිළිබඳව ඔවුන්ගේ හවුල්කරුවන්ගෙන් කරුණු කිහිපයක් බලාපොරොත්තු වේ.

තුලා

තුලා ලග්න හිමියන් වෙත මනසේ සාමය සහ වෘත්තිය (peace of mind and career comes first) පළමුව පැමිණේ. තම අනාගත අරමුණු, වර්තමාන අපේක්ෂාවන් පිළිබඳව ඔවුන්ට ඉතා පැහැදිලිව පෙනෙන අතර ඔවුන්ගේ හවුල්කරුවන්ගෙන් ද එය අපේක්ෂා කරයි. පළමුවෙන් විවෘත කිරීමට ටිකක් මන්දගාමී වන ඔවුන්ගේ ආදරය ඊට පසු නම් ආපසු හැරී බැලීමක් නැත.

වෘශ්චික

වෘශ්චික යනු සබඳතා සම්බන්ධයෙන් දැඩි, අද්භූත සහ ඉහළ ඉල්ලුමක් ඇති අයයි. ඔබ හැඟීම් විරහිත පුද්ගලයෙකු සමඟ පෙම් සබඳතාවක් පවත්වන බව ඔබට හැඟෙන්නට පුළුවන; කෙසේ වෙතත්, එය පැමිණෙන්නේ තමන් ගැන අනාරක්ෂිතභාවයේ අවකාශයකිනි. වෘශ්චික ලග්න හිමියන් ආදරය හා පක්ෂපාතීත්වයේ විශාල භාජනයකි.

ධනු

වික්‍රමාන්විත, ධනු ලග්න හිමියන් ධනය දෙසට තව ටිකක් නැඹුරු විය හැකිය.  ඔවුන් සම්බන්ධතාවයක කැපවීම සහ අවංකභාවය ද අපේක්ෂා කරයි.

මකර

ඔබ මකර ලග්න හිමියෙක් නම්, ඔබේ ඉදිරි වසර දහය සැලසුම් කිරීමට ඔබට සිදුවේ. ඔබට කිරීමට අවශ්‍ය දේ සහ ජීවිතයේ ඉදිරියට යා යුතු ස්ථානය ඔබ හරියටම දනී.  ආරක්ෂාව සහ ස්ථාවරත්වය යනු ඔබේ පළමුමන්ත්‍රයයි.

කුම්භ

කුම්භ ලග්න හිමියන් කලබල සහ සංකූලතා වලට කැමති නැත. ඔවුන් කැමති ඕනෑම දෙයක් කිරීමට නිදහස, ස්ථාවරත්වය සහ නිදහස භුක්ති විඳිති.

මීන

බලාපොරොත්තු රහිත මීන ලග්න හිමි රොමැන්ටිකයන්ට අවශ්‍ය වන්නේ ඔවුන්ගේ හවුල්කරුවන්ගෙන් ආපසු හැරවිය නොහැකි ආදරය පමණි. ඔවුන් ඔවුන්ගේ හවුල්කරුවන් සමඟ පර්වතයක් මෙන් ස්ථාවර වන අතර ඔබ දුර්වල වූ විට ඔබට උදව් කිරීමට සැමවිටම සිටිති. ප්‍රේමය ඔවුන්ගේ ලෝකය පාලනය කරන අතර, ඔවුන් සම්බන්ධතාවයකදී බලාපොරොත්තු වන එකම දෙය එයයි.

ෆෙමිනා ඇසුරිණි – සකස් කළේ තුෂාධවි

නෙවාඩා හි ‘පියාඹන ගීසරවල  Fly Geyser සිට තුර්කෙනිස්තානයේ Gates of Hell දක්වා ස්ථාන කිහිපයක් වෙනත් ග්‍රහලෝකයක මෙන් සම්පූර්ණයෙන්ම ආශ්චර්යමත් තත්වයට පත්වේ.

ලෝකය සුන්දර වන්නා සේ ම අරුම පුදුම දේවලින් ද කිසිම අඩුවක් නැත. මේ අරුම පුදුම ස්ථාන දකින ඕනෑම කෙනෙනක් සිතන්නේ ‘මේවා නම් අපේ පෘථිවියේ ඒවා විය නොහැකි‘ බවයි.

මේ අරුම පුදුම ස්ථාන අතර ඉහළ ඡායාරූපයේ දැක්වෙන නෙවාඩා‘ පියාඹන ගීසරවල  Fly Geyser වලසිට ටර්ක්මෙනිස්තානයේ ගේට්ස් ඔෆ් හෙල් දක්වා විස්මිත ස්ථාන රැසක් වේ. ඒවා අතරින් තෝරා ගත් කිහිපයක් පමණක් අප ඔබට ඉදිරිපත් කරමු.

චීනයේ ක්‍රෙසන්ට් විල Crescent Lake

වයඹදිග චීනයේ ගන්සු පළාතේ, ගෝබි කාන්තාරයේ ස්වාභාවික චන්ද්‍රවංශ හැඩැති ක්ෂේම භූමියක් දිස්වේ. මීටර 5 ක් පමණ ගැඹුරු වූ ක්‍රෙසන්ට් විල Crescent Lake මෑතකදී අතුරුදහන් වීමේ අවදානමට ලක්ව තිබූ අතර එය මීටර 1 ට වඩා අඩු ගැඹුරකට හැකිලී ගියේය.

The Wave, United States

ඇමෙරිකා එක්සත් ජනපදයෙහි ඇරිසෝනා කාන්තාරයේ මේ විස්මිත ස්ථානය පිහිටා ඇත. The Wave සිංහල භාෂාවෙන් ‘රැල්ල‘ යන ඇති මෙම අපූරු ස්ථානය අඩි 62 ක් පළල සහ අඩි 85ක් වේ. වැලි ගල් පාෂාණ වලින් යුත් මෙම ස්ථානය නිර්මාණය වී ඇත්තේ සුළං ඛාදනය හේතුවෙන් බව විශ්වාස කෙරේ. අවට උතුරු කොයෝට් බට්ස් කාන්තාර North Coyote Buttes ප්‍රදේශයට දිනකට අවසර පත්‍ර 20 ක් පමණක් ලබා දී ඇති බැවින් උදේ 9 ට ආරම්භ වන දෛනික ලොතරැයියට ඇතුළු වීමට වේලාසනින් පැමිණෙන්න. 

සෙනෙගල්හි රෙට්බා විල – Lake Retba, Senegal

මීටර් 3 ක් ගැඹුරු මෙම විල cotton-candy pink පැහැයක් ගනී. ඒ ජලයේ වැඩෙන ඩුනියෙල්ලා සාලිනා ඇල්ගී  Dunaliella salina algae නිසාය. රෝස පැහැය වඩාත් දෘශ්‍යමාන වන්නේ වියළි කාලයේදී වන අතර එය නොවැම්බර් සිට පෙබරවාරි දක්වා පවතී. 

ඩර්වීස්, ටර්ක්මෙනිස්තානය / Derweze

ෙ“අපායේ ගේට්ටුව” ලෙස නම් කර ඇති ඩර්වීස් Derweze (ඩාර්වාසා ලෙසද හැඳින්වේ) නිරයට පිවිසෙන දොරටුව මෙන් පෙනේ. මීටර 70 ක් පළල විවරයක් නිරන්තරයෙන් ගිනිදැල්වලින් පිරී පවතී. එයට ස්වාභාවික පෙනුමක් තිබුණද, ගුහාව සැබවින්ම 1970 ගණන්වලදී ස්වාභාවික වායුව සඳහා කැණීම් කරන ලද පතළක් නිසා බිහිවූවකි. භූ විද්‍යාඥයන් ඉන්ධන දහනය කිරීමේ බලාපොරොත්තුවෙන් ගෑස් ගිනි තැබූ නමුත් ගුහාව අදටත් දීප්තිමත් ලෙස දැවී යයි. කාන්තාරයේ පිහිටීම නිසා පොළවට ඉහළින් දැවෙන වායූන් තනුක කිරීමට නැවුම් වාතාශ්‍රයක් ලබා ගත හැකි බැවින් ආවාටයේ අද්දර සිටගෙන සිටිය හැකිය. 

ස්කෆ්ටාෆෙල් අයිස් ගුහා,Skaftafell ice caves අයිස්ලන්තය

මෙම ගුහා තුළ ඇති අයිස් සාමාන්‍යයෙන් සිවිලිම හරහා කුඩා ආලෝකයක් විනිවිද යාමට ඉඩ දෙයි. කෙසේ වෙතත්, වසරකට කිහිප වතාවක්, (සාමාන්‍යයෙන් ජනවාරි අග හෝ පෙබරවාරි මාසවලදී) වර්ෂාව ග්ලැසියරයේ මතුපිට තට්ටුව සෝදා හරින අතර අයිස් සිවිලිම විචිත්‍රවත් නිල් ආලෝකයකින් ගුහාවලට (සහ ඒවා ගවේෂණය කරන්නන්ට) දිය යට පෙනුම ලබා දෙයි.

බී.බී.සී. ඇසුරිණි – සැකසුම – තීක්ෂණ වෙළෙන්එගොඩ

කොවිඩ්-19 අවදානම් තත්ත්වය හේතුවෙන් කල් දැමුණු ලැබූ 2020 අපොස සාමාන්‍ය පෙළ විභාගය මාර්තු මස 01 සිට 11වනදා දක්වා පැවැත්වීමට තීරණය කළ බව අධ්‍යාපන අමාත්‍ය මහාචාර්ය ජී. එල්. පීරිස් මහතා අද (07) දින  බත්තරමුල්ල නෙළුම් මාවතේ ශ්‍රී ලංකා පොදජන පෙරමුණේ ප්‍රධාන කාර්යාලයේ පැවැති මාධ්‍ය හමුවේදී සදහන් කළේය.

වෛද්‍ය සභාවේ කිහිප දෙනෙකු පමණක් වරදකරුවන් කරවීම කැකිල්ලේ තීන්දුවක් බව සෞඛ්‍ය වෘත්තීයවේදීන්ගේ විද්වත් සංගමයේ සභාපති රවී කුමුදේශ් මහතා මාධ්‍ය නිවේදනයක් නිකුත් කරමින් කියයි.

ඔහු විසින් නිකුත් කළ මාධ්‍ය නිවේදනයේ මෙසේ සදහන් වේ.

සෞඛ්‍ය අමාත්‍යවරිය විසින් නොවැම්බර් මස 27 වෙනිදා නිකුත් කල ලිපිය මඟින් වෛද්‍ය සභාවේ සභාපතිවරයා ඉවත් කිරීම  බලපෑම්වලට නතු වෙලා ගත්තු අතිශය වැරදි තීන්දුවක්. කාගේ බලපෑමට මේ කටයුත්ත සිදු කලත් ඉතිහාසගත වෙන්නේ පවිත්‍රා වන්නිආරච්චි සෞඛ්‍ය අමාත්‍ය වරිය බව ඇය සිහි තබා ගත යුතුයි.

වෛද්‍ය සභාවේ සභාපතිවරයා පත්කිරීමේ බලතල සෞඛ්‍ය අමාත්‍යවරයා සතු වුවත්,  සභාපතිවරයෙක් ඉවත් කිරීම සඳහා සෞඛ්‍ය අමාත්‍යවරයාට බලයක් නෑ. ඒ සදහා ඒකපාර්ශවික කමිටුවක් පත් කිරීම මගින් ඇයගේ ඊනියා උපදේශකයින් නීතිය නැවීමට උත්සාහ කරලා තියනවා. 

ඉවත් කල කණඩායම 100% වරද කරුවන් වුවත්, වෛද්‍ය පනතට හා රටේ සෞඛ්‍ය නීතියට අනූව, ඔවුන්ව ඉවත් කිරීමේ නිත්‍යාණුකූල ක්‍රමවේදයක් තියනවා. වෛද්‍ය සභාවේ වරදකට කොහොමද එහි කිහිප දෙනෙකු පමණක් ව්‍ර්ද කරුවන් වෙන්නේ. ඒක කැකිල්ලේ තීන්දුවක්. ඉවත් කරනවානම් සියළු දෙනා වරදකරුවන් විය යුතුයි. තීන්දු අරගෙන තියෙන්නේ සියළු දෙනාගේ අනුමැතිය සහිතවයි

මේ විදිහට සාමාන්‍ය ලිපියකින් වෛද්‍ය සභාවේ තෝරාගත් සාමාජිකයින් කිහිප දෙනෙකු නෙරපීම, පැහැදිළි ලෙසම බලය ඉක්මවා යෑමක්. කවුරුන් හෝ ඇයව නොමග යවා ඇති බවක් හෝ බලපෑම් කර අයව බිය ගන්වා තීන්දු ගන්නවාද යන සැකයක් අපට තියනවා.

වෛද්‍ය සභාවේ සභාපති වරුන් සමග ප්‍රතිපත්තිමය ගැටුම් තිබෙන සෞඛ්‍ය ඇමති වරුන් ඕනෑ තරම් ඉතිහාසය තුල ඉදලා තියනවා. ඒත් නිල කාලය අවසන් වනතුරු සේවයෙන් නෙරපලා නැහැ. 

ආණ්ඩු වෙනස් වූ පලියට වෛද්‍ය සභාවේ සභාපතිවරු වෙනස් කිරීම මගින් වෛද්‍ය සභාව දේශපාළනීකරණය වෙනවා. වෛද්‍ය සභාව කියන්නේ ස්වාධීනව තියෙන්න ඕනේ ආයතනයක්. වෛද්‍ය වරු ඇතුළු සෞඛ්‍ය වෘත්තීන් පහලොවකට පමණ එහි තීන්දු බලපානවා. ඊට අදාල වෘත්තීන් කිසිවක් සමග හෝ සාකච්චා නොකොට මෙවන් තීන්දු ගැනීම මගින්, වෛද්‍ය සභාවේ තීන්දු පිළිබදව ඇති විශ්වාසය බරපතල ලෙස පළුදු වෙනවා.