Category: සුපිරි News

දෙරණ නාළිකාවේ මාධ්‍යෙව්දී චතුර අල්විස් විසින් රජයේ වෛද්‍ය නිලධාරීන්ගේ සංගමය අපකීර්තියට පත් කිරීමට ගන්නා උත්හාසය හෙළා දකිමින් එම සංගමය විසින් දෙරණ නාළිකාවේ විධායක අධ්‍යක්ෂවරයා වෙත ලිපියක් යොමු කර තිබෙනවා.

එහි සදහන් වන්නේ පසුගිය කාලය තුළ දිගින් දිගටම චතුර අල්විස් විසින් තම සංගමය අපකීර්තියට පත්වන ආකාරයේ විවිධ ප්‍රකාශ කරනු ලැබූ බවයි. විශේෂයෙන් පසුගිය 21 වැනි දින පෙ.ව 6.30ට විකාශනය වන ‘දෙරණ අරුණ‘ වැඩසටහනේදී ඔහු කළ ප්‍රකාශයක් නිසා සිය සංගමයට බලවත් අපකීර්තියක් සිදු වූ බවයි එම මාධ්‍ය නිවේදනය වැඩි දුරටත් සදහන් කරන්නේ.

රජයේ වෛද්‍ය නිලධාරීන්ගේ සංගමය විසින් දෙරණ විධායක අධ්‍යක්ෂවරයා වෙත යොමු කළ ලිපිය ජනමාධ්‍ය වෙත ද යොමු කර තිබූ අතර එම ලිපිය සම්පූර්ණයෙන්ම මෙසේයි.

කොරෝනාවෛරසය ලොව පුරා පැතිර යමින් පවතී. නමුත් ඉන් ඇති වන කොවිඩ්-19 රෝගයෙන් මිනිස් සිරුර ආරක්ෂා කර ගැනීම සඳහා තවමත් එන්නතක් බිහි වී නැත.

මෙම තත්ත්වය වෙනස් කිරීම සඳහා වෛද්‍ය පර්යේෂකයෝ මහත් සේ වෙහෙසෙමින් සිටිති.

කොරෝනාවෛරස් එන්නතක් වැදගත් වන්නේ ඇයි?

මෙම වෛරසය ඉතා ලෙහෙසියෙන් පැතිරේ. ලෝක ජනගහනයෙන් බහුතරයකට මෙය තවමත් අවදානම් සහගතය.

මෙම වෛරසයට එරෙහිව සටන් කිරීම සඳහා මිනිසුන්ගේ ප්‍රතිශක්තියට යම් පුහුණුවක් ලබා දීම එන්නතකින් සිදු කළ හැකිය. එමගින් රෝගී තත්ත්වයකට පත් නොවී සිටීමේ හැකියාව ලැබේ.

එමන්ම, රටවල් වසා දැමීම සඳහා පනවා ඇති නීති වඩා සුරක්ෂිතව ක්‍රමයෙන් ලිහිල් කිරීමටත් සමාජ දූරස්ථභාවය ක්‍රමයෙන් සැහැල්ලු කිරීමටත් හැකි වනු ඇත.

ලබා ඇති ප්‍රගතිය කෙසේද?

පෙර නොවූ විරූ වේගයකින් පර්යේෂණ සිදු වෙමින් පවතී.

ලොව පුරා කණ්ඩායම් 80ක් පමණ එන්නතක් පිළිබඳව පර්යේෂණ දියත් කර ඇති අතර ඉන් සමහරක් මේ වන විට සායනික අත්හදාබැලීම් ආරම්භ කර තිබේ.

• මිනිස් සිරුර මත කෙරෙන ප්‍රථම අත්හදා බැලීම ඇමරිකා එක්සත් ජනපදයේ සියැටල්හි විද්‍යාඥයන් විසින් නිවේදනය කරනු ලැබීය. මෙම එන්නතේ ඇති සුරක්ෂිතභාවය සහ කාර්යක්ෂමතාව පරීක්ෂාවට ලක් කිරීම සඳහා සතුන්ගේ සිරුර මත සිදු කෙරෙන මූලික පරීක්ෂණ මෙහිදී සිදු නොකිරීමට තීරණය කිරීම අසාමාන්‍ය තත්වයකි.
• ඖෂධ නිෂ්පාදන ක්ෂේත්‍රයේ යෝධ සමාගම් දෙකක් වන Sanofi සහ GSK එන්නතක් නිපදවීම සඳහා ඒකාබද්ධ වී සිටිති.
• කොරෝනාවෛරසයට එරෙහිව පාවිච්චි කළ හැකි යැයි සැලකෙන එන්නතක් අත්හදා බැලීම සඳහා ඔස්ට්‍ර්ලියානු විද්‍යාඥයන් විසින් මුගටි වර්ගයකට එන්නත් කර තිබේ. සම්පුර්ණයෙන් ම පූර්ව – සායනික පරීක්ෂණ ක්‍රියාවලියට භාජනය කෙරෙන, කොරෝනාවෛරසයට එරෙහි පළමු එන්නත මෙය ලෙස වාර්තා වේ. එය අප්‍රේල් මාසයේ අග භාගය වන විට මිනිස් සිරුර මත අත්හදා බැලීමේ ක්‍රියාදාමය ආරම්භ කිරීමට හැකි වනු ඇතැයි විද්‍යාඥයෝ විශ්වාස කරති.
• ඔක්ස්ෆර්ඩ් විශ්වවිද්‍යාලයේ පර්යේෂකයන් ගේ ඉලක්කය වී ඇත්තේ ලබන සැප්තැම්බරය වන විට ඔවුන්ගේ එන්නතේ මාත්‍රා මිලියනයක් නිෂ්පාදනය කිරීමය. එම එන්නත ද මේ වන විට මිනිස් සිරුර මත සිදු කෙරෙන සායනික අත්හදා බැලීම් සිදු කෙරෙමින් පවතී.

කෙසේ නමුත්, මෙම කිසිදු එන්නතක් කෙතරම් ඵලදායී වේදැයි තවමත් කිසිවෙක් නොදනිති.

අපට කොරෝනාවෛරස් එන්නතක් ලැබෙන්නේ කවදාද?

එන්නතක් නිපදවීම සඳහා සාමාන්‍යයෙන් වසර කිහිපයක් ගතවේ. ඇතැම් විට එය දශක කිහිපයක් විය හැකිය.

ඒ සා විශාල කාර්ය කන්දරාවක් මාස කිහිපයකින් නිම කිරීම සඳහා පර්යෝෂකයෝ දිවා රෑ වෙහෙසෙති.

2021 වසරේ මැද භාගය වන විට කොරෝනවෛරසය මැඬලීමේ එන්නතක් එළි දකිනු ඇති බවට බොහෝ විශේෂඥයෝ සිතති. එනම්, නව කොරෝනාවෛරසය හඳුනාගෙන මාස 12ක් හෝ 18ක් අවෑමෙනි.

එය නවීන විද්‍යාවේ මහා හපන්කමක් වනු ඇත. නමුත් එය සාර්ථක වන බවට කිසිදු සහතිකයක් නොමැත.

මේ වන විට මිනිස් සිරුර තුළ සංසරණය වන කොරෝනාවෛරස් වර්ග හතරක් පවතී. සාමාන්‍ය සෙම්ප්‍රතිශ්‍යා රෝග ලක්ෂණ ඇති කරවන එම කොරෝනාවෛරස කිසිවකට මේ දක්වා එන්නතක් බිහිකර නැත.

තවදුරටත් කළ යුතුව පවතින්නේ කුමක්ද?

පර්යේෂණ කණ්ඩායම් බොහොමයක් එන්නත් නිර්මාණය කර ඇතත් ඊට අදාළව තවත් බොහෝ දේ කළ යුතුව පවතී.

• මෙම එන්නත් මිනිසාට සුරක්ෂිත බව අත්හදා බැලීම්වලින් තහවුරු විය යුතුව පවතී. දැනට පවතින රෝගයට වඩා බරපතළ වෙනත් ප්‍රශ්න ඇතිකරවන්නේ නම් ඉන් පලක් නොවනු ඇත.
• මිනිසුන් රෝගී වීමෙන් වලක්වා ගැනීම සඳහා මෙම එන්නත් මගින් ප්‍රතිශක්තියට පෙළඹවීමක් සිදු කරනු ඇති බවට සායනික අත්හදා බ්ලීම්වලින් ඔප්පු විය යුතුය.
• එවැනි එන්නතක මාත්‍රා බිලියන ගණනක් නිෂ්පාදනය කිරීම සඳහා මහා පරිමානයේ සැලැස්මක් දියත් කළ යුතුය.
• එය මිනිසාට එන්නත් කිරීමට පෙර ඖෂධ නියාමකවරුන්ගේ අවසරය ලැබිය යුතුය.
• එය ලෝක ජනගහනයෙන් අති බහුතරයකට එන්නත් කිරීම සඳහා පවතින යෝධ අභියෝගය ජය ගත යුතුය.

බොහෝ රටවල් වසාදැමීමට ගෙන ඇති තීරණය හේතුවෙන් මෙම ක්‍රියාවලියේ වේගය අඩු විය හැකිය.

ආසාදිතයන්ගේ ප්‍රමාණය අඩුවන තරමට මෙම එන්නත සත්‍යවශයෙන් ම ක්‍රියා කරන්නේදැයි දැන ගැනීම සඳහා ගතවන කාලය වැඩිය.

මිනිස් සිරුරට එන්නත ඇතුළු කිරීමෙන් අනතුරුව එම වෛරසය ආසාදනය වීමට සැලැස්වීම මගින් එහි ඵලදායී බව ඉක්මනින් තහවුරු කර ගත හැකිය. නමුත් එම ක්‍රමය ඉතා භයානක බව පෙනී ගොස් ඇත්තේ කොවිඩ්-19 සඳහා ප්‍රතිකාර ක්‍රමයක් තවමත් සොයාගෙන නැති බැවිනි.

මිනිසුන් කොපමණ ප්‍රමාණයක් එන්නත් කළ යුතුද?

මෙම එන්නත කෙතරම් ඵලදායී ද යන්න පිළිබඳව අදහසක් නොමැතිව එය නිශ්චය කිරීම අපහසුය.

නමුත් ජනගහනයෙන් 60% හෝ 70%ක් එන්නත් කළ හොත් මෙම වෛරසය පහසුවෙන් ව්‍යාප්තවීම වළක්වා ගත හැකි බවට විශ්වාස කෙරේ.

ලෝක ජනගහනය හා සසඳන කල එය මිනිසුන් බිලියන ගණනකි. එය ද ඵලදායී වන්නේ එම එන්නත හොඳින් ම ක්‍රියා කරන්නේ නම් පමණි.

එන්නතක් නිර්මාණය කරන්නේ කෙසේද?

එන්නතක් මගින් සිදු කෙරෙන්නේ හානිකර නොවන මට්ටමේ වෛරසයක් හෝ බැක්ටීරියාවක් (ඇතැම් විට එහි කොටසක් පමණක්) ශරීරයේ ප්‍රතිශක්තිකරණ පද්ධතියට ඇතුළු කිරීමය.

එවිට ශරීරයට ආක්‍රමණිකයෙකු පැමිණ සිටින බවට හඳුනාගෙන සිරුරේ ආරක්‍ෂක පද්ධතිය ඊට එරෙහිව සටන් වැදී එය පරාජය කරන ආකාරය වටහා ගනී.

පසු කලෙක ඇත්තට ම එම වෛරසය හෝ බැක්ටීරියාව ශරීරගත වුවහොත් ඊට එරෙහිව කළ යුතු දේ පිළිබඳව සිරුරට වැටහීමක් ඇත.

දශක ගණනාවක් තිස්සේ එන්නත් සඳහා භාවිත කළ ක්‍රමවේදය නම් අදාළ වෛරසයම යොදා ගැනීමය.

සරම්ප, කම්මුල්ගාය සහ රුබෙල්ලා (ජර්මානු සරම්ප) රෝග සඳහා නිපදවා ඇති එන්නත්වලට යොදා ගෙන ඇත්තේ දුර්වල කරන ලද වෛරස ය. එවිට සම්පුර්ණ ආසාදිත තත්වයක් ඇති නොවේ.

නව කොරෝනාවෛරසයට එරහිව තැනෙන එන්නත් සඳහා යොදා ගෙන ඇත්තේ නවතම සහ මෙතෙක් අත්හදා නොබැලුණු ක්‍රමවේදයන් ය.

Sars-CoV-2 නමින් හැඳින්වෙන නව කොරෝනාවෛරසයේ ජාන කේතය මේ වනවිට හඳුනාගෙන ඇති බැවින් විද්‍යාඥයන්ට එහි පිටපතක් ගොඩනැගිය හැකිය. නව එන්නත් නිර්මාණය කෙරෙන්නේ එය යොදා ගනිමිනි.

මෙම ජාන කේතයේ කොටසක් පමණක්, චිම්පන්සින්ට ආසාදනය වන හානිකර නොවන වෛරසයකට ඇතුළු කිරීමට ඔක්ස්ෆර්ඩ් විශ්වවිද්‍යාලයේ විද්‍යාඥයෝ කටයුතු කළහ.

නව කොරෝනාවෛරසයට සමාන පෙනුමක් ඇති ආරක්‍ෂිත වෛරසයක් තමන් නිර්මාණය කළ බවත් මිනිස් ප්‍රතිශක්තිය ඊට ප්‍රතිචාර දක්වනු ඇති බවටත් එම විද්‍යාඥයෝ විශ්වාසය පළ කරති.

අනෙකුත් පර්යේෂණ කණ්ඩායම් යොදා ගෙන ඇත්තේ එම ජාන කේතයේ DNA හෝ RNA කොටස් වන අතර එම එන්නත් ශරීරගත කිරීමෙන් පසු ප්‍රතිශක්තිකරණ පද්ධතිය ඊට එරෙහිව සටන් කලයුතු ආකාරය වටහා ගනු ඇති බවට විශ්වාස කෙරේ.

මෙම එන්නතින් සෑම වයස් කාණ්ඩයක් ම ආරක්ෂා වේද?

බොහෝ විට මෙය වයස්ගත පුද්ගලයන් මත එතරම් සාර්ථක නොවිය හැක. මෙය එන්නතේ වරදක් නොවේ. සාමාන්‍යයෙන් වයස්ගත පුද්ගලයන් සතු ප්‍රතිශක්තිය එන්නත් සඳහා හොඳින් ප්‍රතිචාර නොදක්වයි.

මෙහි අනර්ථකාරී අතුරුඵල වේද?

සෑම ඖෂධයක ම අතුරුඵල පවතී. බහුලව භාවිත කෙරෙන වේදනා නාශකයක පවා තත්ත්වය එසේමය.

කෙසේ නමුත් නව කොරෝනාවෛරසය වෙනුවෙන් නිපදවෙන එන්නතක පැවතිය හැකි අතුරුඵල පිළිබඳව නිගමනයකට එළඹිය හැක්කේ ඒ පිළිබඳව කෙරුණු සායනික පරීක්ෂණවලින් අනතුරුව ය.

මේ පිළිබඳව ඖෂධ නියාමකයන් දැඩි අවධානයකින් පසුවනු ඇත.

එන්නත මුලින්ම ලැබෙන්නේ කාටද?

එන්නතක් නිෂ්පාදනය කළහොත් එහි මුල් අවධිය තුළ සැපයුම සීමා සහිත වනු ඇත. එම නිසා පළමු තොග භාවිතය පිළිබඳව ප්‍රමුඛතාවය තීරණය කළ යුතුව පවතී.

කෝවිඩ් – 19 රෝගීන් සමඟ සමීපව කටයුතු කරන සෞඛ්‍ය සේවකයන් ප්‍රමුඛතා ලැයිස්තුවේ ඉහළින් ම සිටිනු ඇත.

නව කොරෝනාවෛරසයේ බලපෑම මාරාන්තික වී ඇත්තේ වයස්ගත පුද්ගලයන්ටය. මෙම එන්නත එම වයස් කාණ්ඩයට සාර්ථකව ප්රතිචාර දක්වන්නේ නම් ඔවුන්ට ද ප්‍රමුඛතාවය හිමි වනු ඇත.

කෙසේ නමුත්, වයස්ගත පුද්ගලයන් සමඟ වාසය කරන්නන් හෝ ඔවුන් රැකබලා ගන්නා උදවියට මෙම එන්නත ලබා දීම වඩා යහපත් විය හැක.

මෙම ලිපිය බී.බී.සී සන්දේශය වෙබ් අඩවියේ අප්‍රේල් 20 වැනි දින පළ වූ ලිපියකි. කාලීනභාවය හා ජාතික වැදගක්ම සලකා සම්පූර්ණයෙන්ම උපුටා ගෙන පළ කරන ලදි – ප්‍රධාන සංස්කාරක

අද රාත්‍රී 11.45 ට පමණ කොවිඩ්-19 ආසාදිත රෝගීන් 7 ක් වාර්තා වී ඇතැයි සෞඛ්‍ය ප්‍රවර්ධන කාර්යාංශය සිය වෙබ් අඩවියේ ප.ව 11.04ට සිදුකළ නවතම යාවත්කාලීන කිරීම අනුව සදහන් කරයි. ඒ අනුව අද දිනය තුළ වාර්තා වූ මුළු කොරෝනා ආසාදිතයින්ගේ සංඛ්‍යාව 20 ක් වන අතර සමස්ත ආසාදිතයින් සංඛ්‍යාව 330ක් බව ද  සෞඛ්‍ය ප්‍රවර්ධන කාර්යාංශය පවසයි.

ශ්‍රී ලංකාවෙන් අද (22) දිනය තුළ කොවිඩ්-19 ආසාදිතයින් 13 දෙනකු වාර්තා වූ බව සෞඛ්‍ය ප්‍රවර්ධන කාර්යාංශය විසින් ප.ව 20.04ට සිදු කළ යාවත් කාලීන කිරීම්වල සදහන් වේ. ඒ අනුව අද දිනය වන විට ශ්‍රී ලංකාවෙන් කොවිඩ්-19 ආසාදිතයින් 323 දෙනකු වාර්තා වී ඇති අතර දැනට රෝහල්වල විමර්ශන යටතේ සිටින පුද්ගලයින් සංඛ්‍යාව 148 දෙනෙකි. ප්‍රතිකාර ලබන රෝගීන් සංඛ්‍යාව 211ක් වන අතර සුවය ලැබූ රෝගීන් සංඛ්‍යාව 105 දෙනෙකි.

මේ අතර සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය වෛද්‍ය අනිල් ජාසිංහ මහතා විසින් අද දින ප.ව 17.10ට නිකුත් කළ මාධ්‍ය නිවේදනයක සදහන් වූයේ අද දිනය තුළ වාර්තා වූ කොවිච්-19 ආසාදිතයින් 11 දෙනෙක් මඩකළපුව නිරෝධාන මධ්‍යස්ථානයේ නිරෝධානයට ලක් වෙමින් සිටි බේරුවල පදිංචිකරුවන් පිරිසක් බවයි. අනෙක් පුද්ගලයා පොළොන්නරුව රෝහලේ ප්‍රතිකාර ලබමින් සිටි අයෙකි.

‘දැන් මෙම රට එක්තරා ප්‍රමාණයකට ලිහිල් කරලා තිබෙන අවස්ථාවක විශේෂයෙන්ම කියන්න ඕනේ  යම් යම් සීමාවන් තිබෙනවා. ජනතාව පහුගිය කාළය තුළ ඉගෙන ගත් දේ ඒ වගේම හොඳ පුරුදු යහගුණයන් දිගටම රැගෙන යාම අත්‍යවශ්‍ය වෙනවා. මේ රෝගය සම්පූර්ණයෙන් නැතිවෙලා නැහැ. මේ සඳහා යම් කාළයක් ගතවෙයී. මෙහිදි මෙම රෝගය වැඩීවීම වැළැක්වීම සඳහා මෙම උපදෙස් එහෙමත් නැතිනම් පිළිවෙත් අනුගමය කිරිම අත්‍යවශ්‍ය වෙනවා“ යැයි සෞඛ්‍ය සේවා අධ්‍යක්ෂ ජනරාල් අනිල් ජාසිංහ මහතා අවධාරණය කරයි.

සෞඛ්‍ය සේවා අධ්‍යක්ෂ ජනරාල්වරයා මේ බව සදහන් කළේ කොවිඩ්-19 පැතිරීම වැළැක්වීමේ ජාතික ක්‍රියාන්විත මධ්‍යස්ථානයේ දී අද (22) දින පැවැත්වූ මාධ්‍ය හමුවේදීය. මේ මාධ්‍ය හමුව සදහා සෞඛ්‍ය අමාත්‍යවරිය සහ ආරක්‍ෂක මාණ්ඩලික ප්‍රධානී, යුද්ධ හමුදාධිපති සහ කොවිඩ්-19 පැතිරීම වැළැක්විමේ ජාතික ක්‍රියාන්විත මධ්‍යස්ථානයේ ප්‍රධානී ලුතිනන් ජෙනරාල් ශවේන්ද්‍ර සිල්වා මහතා ද සහභාගී වී සිටීයහ.

සෞඛ්‍ය සේවා අධ්‍යක්‍ෂ ජෙනරාල් විශේෂඥ වෛද්‍ය අනිල් ජාසිංහ මහතා මෙසේද පැවසුවේය.

අද දින කොවිඩ් 19 රෝගීන් 12 දෙනෙකු හමුවී තිබෙනවා. මෙම පුද්ගලයන්ගෙන් 11 දෙනෙකු පූනානී බ්‍රැරැන්ඩෙක්ස් නිරෝධායන මධ්‍යස්ථානයේ නිරෝධායනයට ලක්වෙමින් සිටි උදවිය. මෙම පුද්ගලයන් බේරුවල ප්‍රදේශයේ උදවිය ඒ වගේම තවත් රෝගියෙකු පෙලොන්නරුව රෝහලෙන් හමුවී තිබෙනවා.

විශේෂයෙන්ම කොළඹ නගර සීමාවේ ඇතැම් ස්ථාන වලදී මෙම රෝගීන් හමුවීමත් සමග ඊයේ දිනයේ කොළඹ ප්‍රධාන සෞඛ්‍ය වෛද්‍ය නිලධාරී සමග සාකච්ඡාවක් පවත්වා ඒ අනුව මේ කොළඹ පවතින වතු වශයෙන් හැදින්වෙන සියළුම ස්ථාන වල අහඹුලෙස PCR පරීක්‍ෂණ සඳහා සාම්පල් ලබාගැනීමට තීරණය කරා.

ඒ වගේම කොළඹ නගර සභාවේ රාජකාරීන් සඳහා විවිධ ස්ථානවලට වලට වාර්ථා කරනවා සැලකිය යුතු පිරිසක් ඒ අය එම වාර්ථා කරන ස්ථානයවලදී PCR පරික්‍ෂණ සිදු කිරිමට තීරණය කරා. සෞඛ්‍ය අමාත්‍යාංශයේ සහයෝගය කොළඹ මහනගර සභාවේ සෞඛ්‍ය අංශය වෙත ලබාදීමට තීරණය කර කරනු ලැබුවා.

ඒ වගේම අද දින විශේෂයෙන් පිළියන්දල රෝගියා හමුවීමෙන් පසු ඇතිවූ තත්ත්වයන් ඔස්සේ පැළියගොඩ මාළු වෙළඳපොලෙහී 530 ක් පමණ සාම්පල් අරන් තියනවා. මෙම සාම්පල් ප්‍රමාණය එක් ස්ථානයකින් පැයකිහිපයක් තුළ ගනු ලැබු වාර්ථාගත ප්‍රමාණයක්.

ඒ වගේම ඊයේ දිනයේ පන්නිපිටි ප්‍රදේශයේ පෞද්ගලික ආරෝග්‍ය සාලාවකින් සාම්පල් 62 ක් ගනු ලැබුවා. එම සාම්පල් 62 කම කොවිඩ් 19 වෛරස් ආසාදිතයන් නොවන බවට දැනට වාර්ථාවී තිබෙනවා.

ඒ වගේම බණ්ඩාරනායකපුර සහ අනෙකුත් වතු වශයෙන් හදුන්වන රෝගින් හමුවුණ සහ හමු නොවුනු එම ප්‍රදේශවලත් අද දින PCR පරික්‍ෂණ සඳහා සාම්පල් ලබාගැනීම සිදු කරලා තියනවා.

ඒ වගේම දැනට මේ එම පූනානී මධ්‍යස්ථාන ඇතුළු එම මධ්‍යස්ථාන වලින් හමුවූ රෝගීන් කාන්තන්කුඩි නිරෝධායන මධ්‍යස්ථානය වෙත යොමු කරනු ලැබූවා.මේ තමයි අපේ නවතම මධ්‍යස්ථානය කොවිඩ් රෝගීන් සඳහා දැන් එහි 30 කට අධික රෝගීන් ප්‍රමාණයක් ප්‍රතිකාර ගනිමින් සිටිනවා.

දැන් මෙම රට එක්තරා ප්‍රමාණයකට ලිහිල් කරලා තිබෙන අවස්ථාවක විශේෂයෙන්ම කියන්න ඕනේ  යම් යම් සීමාවන් තිබෙනවා. ජනතාව පහුගිය කාළය තුළ ඉගෙන ගත් දේ ඒ වගේම හොඳ පුරුදු යහගුණයන් දිගටම රැගෙන යාම අත්‍යවශ්‍ය වෙනවා. මේ රෝගය සම්පූර්ණයෙන් නැතිවෙලා නැහැ. මේ සඳහා යම් කාළයක් ගතවෙයී. මෙහිදි මෙම රෝගය වැඩීවීම වැළැක්වීම සඳහා මෙම උපදෙස් එහෙමත් නැතිනම් පිළිවෙත් අනුගමය කිරිම අත්‍යවශ්‍ය වෙනවා.

එහිදි ප්‍රවාහනයේදී අනෙකුත් රැකියා කරන ස්ථාන වලදී ඒ වගේම පාරතොටෙදී වෙළද ස්ථානයන්හීදී මේ හැම අවස්ථාවකම සමාජයේ දුරස්ථභාවය පිරිසිදු භාවය අත්සබන් දමා සේදීම ඇතුළු සියළු කාරනා ඉටුකිරිම වැදගත් වෙනවා. ඒවගේම මේවන විට තීරනය කර තිබෙනවා. උදාහරනයක් හැටියට ත්‍රීරෝද රථයක දෙදෙනෙකුට තමයි ගමන් කල හැකි වන්නේ ඊට වැඩී පිරිසකට ත්‍රි රෝද රථයක ගමන් කිරිමට හැකියාවක් නැහැ.

ඒ වගේම බාබර් (SALOON) සාප්පු තවදුරටත් වසාදැමීමට තීරනය කරලා තියනවා. රෝහල් අසල බොහෝ විට තියන කුඩා වෙළද කුටි කැම ආහාර වැනී ඒ සාමාන්‍ය සමීපාරක්‍ෂක තත්ත්වයේ හීන එම සියළුම ස්ථාන තවදුරටත් වසාතැබීමට තීරණය කරලා තියනවා. මේ වගේම මේ සීමාවන් තුළ ආපනශාලා විවෘත කර ඒ වෙතින් නිම කරන ලද ආහාර එම ස්ථානයෙන් රැගෙන ගොස් පරිභෝජනයට ගැනීමට.

දඹුල්ල විශේෂිත ආර්ථික මධ්‍යස්ථානය විසින් ශ්‍රී ලංකා යුද හමුදාවට ඔවුන්ගේ එළවළු තොගවලින් කිලෝ ලක්‍ෂ එක හමාරක ප්‍රමාණයක් ලබාදුන්නා. එය ඊයේ සහ අද දිනයන්හිදී කොළඹ, ගම්පහ, කළුතර සහ පුත්තලම යන දිස්ත්‍රික්කයන්හි අඩු ආදායම්ලාභී පවුල් අතරේ බෙදා දීමට යුධ හමුදාව විසින් ක්‍රියාකරනු ලැබුවා යැයි ආරක්‍ෂක මාණ්ඩලික ප්‍රධානී, යුද්ධ හමුදාධිපති සහ කොවිඩ්-19 පැතිරීම වැළැක්විමේ ජාතික ක්‍රියාන්විත මධ්‍යස්ථානයේ ප්‍රධානී ලුතිනන් ජෙනරාල් ශවේන්ද්‍ර සිල්වා මහතා පැවසුවේය.

යුද්ධ හමුදාපතිවරයා මේ බව සදහන් කළේ කොවිඩ්-19 පැතිරීම වැළැක්වීමේ ජාතික ක්‍රියාන්විත මධ්‍යස්ථානයේ දී අද (22) දින පැවැත්වූ මාධ්‍ය හමුවේදීය. මේ මාධ්‍ය හමුව සදහා සෞඛ්‍ය අමාත්‍යවරිය සහ සෞඛ්‍ය සේවා අධ්‍යක්‍ෂ ජෙනරාල් විශේෂඥ වෛද්‍ය අනිල් ජාසිංහ මහතා ද සහභාගී වී සිටීයහ.

ලුතිනන් ජෙනරාල් ශවේන්ද්‍ර සිල්වා මහතා මෙසේද පැවසුවේය

ඊයේ දින ශ්‍රී ලංකාවට රැගෙන ආ ශිෂ්‍ය ශිෂ්‍යාවන් හා ත්‍රිවිධ හමුදාවේ අයවළුන් ඔවුන් පාකිස්ථානයේ සිට රැගෙන එනු ලැබූ බව සන්ධ්‍යාවේදී. ඔවුන් 106 දෙනා ඊයේ සවස් භාගයේදීම නිරෝධායන මධ්‍යස්ථාන වෙත යොමුකරනු ලැබුවා.

ඒ අනුව ශ්‍රී ලංකා ගුවන් හමුදාව සහ යුධ හමුදා අයවළුන් යුධ හමුදාව යටතේත්, නාවික හමුදා අයවළුන් නාවික හමුදාව යටතේත්, අනිකුත් ශිෂ්‍යාවන් යුධ හමුදාව යටතේත් නිරෝධායනය ලක්කරලා තිබෙනවා.

මේ අනුව යුධ හමුදාව විසින් පාලනය කරනු ලබන නිරෝධායන මධ්‍යස්ථාන 26 ක් යටතේ තවදුරටත් 2690 දෙදෙනෙකු නිරෝධායනය වෙමින් පවතිනවා.

ඊට අමතරව 4348 දෙනෙකු නිරෝධායන කටයුතු නිමවී තම නිවෙස් බලා ගොස් තිබෙනවා. ඊයේ දිනයේදී අපි කොට්ටාව ප්‍රදේශයේදී පෞද්ගලික ආරෝග්‍ය ශාලාවක් සීල් කරනු ලැබුවා. එහි PCR පරීක්ෂණත් අපි කරනු ලැබුවා. ඒ PCR පරීක්ෂණ අනුව කිසිවෙකු ආසාධනයට ලක්නොවූ බවට තහවුරු වෙලා තියෙනවා.

ඊට අමතරව පිළියන්දල ප්‍රදේශයේ මාළු ව්‍යාපාරිකයෙක් එතුමාගේ පවුලේ අයවළුන් 23 දෙනෙකු අපි වැලිසර පිහිටි නිරෝධායන මධ්‍යස්ථානයකට යොමුකර තිබෙනවා.

ඊයේ දිනයේ නිරෝධායන සඳහා රැගෙන ගිය අයවළුන්ගෙන් යාපනය, කිළිනොච්චිය, පලාලි සහ ඉරණමඩු ප්‍රදේශයන් හි ඔවුන් තවදුරටත් නිරෝධායනට ලක්කරලා තියෙනවා.

දඹුල්ල විශේෂිත ආර්ථික මධ්‍යස්ථානය විසින් ශ්‍රී ලංකා යුද හමුදාවට ඔවුන්ගේ එළවළු තොගවලින් කිලෝ ලක්‍ෂ එක හමාරක ප්‍රමාණයක් ලබාදුන්නා. එය ඊයේ සහ අද දිනයන්හිදී කොළඹ, ගම්පහ, කළුතර සහ පුත්තලම යන දිස්ත්‍රික්කයන්හි අඩු ආදායම්ලාභී පවුල් අතරේ බෙදා දීමට යුධ හමුදාව විසින් ක්‍රියාකරනු ලැබුවා.

කොව්ඩ් 19 රෝගය නිසා තමන්ගේ එදිනෙදා ජීවිකාව කර ගැනීමට නොහැකිවූ තවත් පවුල් 19 ලක්ෂයක්ට 20, 21, 22 යන තුන් දින පුරාවටම රුපියල් පන්දහසේ සහනාධාරය ලබාදෙනු ලැබූ බව සෞඛ්‍ය, පෝෂණ හා දේශීය වෛද්‍ය සේවා ඇමතිනි පවිත්‍රා වන්නිආරච්චි මහත්මිය පැවසුවාය.

සෞඛ්‍ය අමාත්‍යවරිය මේ බව සදහන් කළේ කොවිඩ්-19 පැතිරීම වැළැක්වීමේ ජාතික ක්‍රියාන්විත මධ්‍යස්ථානයේ දී අද (22) දින පැවැත්වූ මාධ්‍ය හමුවේදීය. මේ මාධ්‍ය හමුව සදහා ආරක්‍ෂක මාණ්ඩලික ප්‍රධානී, යුද්ධ හමුදාධිපති සහ කොවිඩ්-19 පැතිරීම වැළැක්විමේ ජාතික ක්‍රියාන්විත මධ්‍යස්ථානයේ ප්‍රධානී ලුතිනන් ජෙනරාල් ශවේන්ද්‍ර සිල්වා, සෞඛ්‍ය සේවා අධ්‍යක්‍ෂ ජෙනරාල් විශේෂඥ වෛද්‍ය අනිල් ජාසිංහ මහතා ද සහභාගී වී සිටීයහ.

සෞඛ්‍ය අමාත්‍යවරිය මෙසේද පැවසුවාය.

විශේෂයෙන්ම ශ්‍රී ලංකා ඉතිහාසයේ ඉතාම කෙටි කාලයක් තුළ විශාල සහන ලබාදීපු කාලසීමාව මේ කාලසීමාවයි. සමෘද්ධි ව්‍යාපාරය හරහා පවුල් ලක්ෂ 25 කට රුපියල් පන්දහස බැගින් ලබා දීම සිදුකරනු ලැබුවා.

ඊට පස්සේ කොව්ඩ් 19 රෝගය නිසා තමන්ගේ එදිනෙදා ජීවිකාව කර ගැනීමට නොහැකිවූ තවත් පවුල් 19 ලක්ෂයක්ට 20, 21, 22 යන තුන් දින පුරාවටම ඒ රුපියල් පන්දහසේ සහනාධාරය ලබාදෙනු ලැබුවා. මන් හිතන්නේ මෙය මුළු ගමම එකතුවෙලා ගමේ ඉන්න රාජ්‍ය නිලධාරීන්ගේ අනුමැතිය ඇතිව ඒ වගේම සියළු දේශපාලන පක්ෂ වල පලාත් පාලන නියෝජිතයින්ට ඒ සඳහා සම්බන්ධවීමට අවස්ථාවක් ලබාදීලා කටයුතු කරපු සියළුම මහජන සම්බන්ධතාවය අනුව තෝරාගත්ත ක්‍රියාවලියක් මෙම ක්‍රියාවලිය.

එමනිසා ලංකාවේ සුවිසල්ම සහනාධාර මහජනතාවට ලබාදීම මෙම වකවානුවේදී සිදුවෙනවා. ඒ සඳහා සහයෝය ලබාදුන්න සියළුම රාජ්‍ය නිළධාරීන්ට තමන්ගේ අවධානම නොතකා ගෙයක් ගෙයක් ගානේ ගොස් ඒ සහනාධාරය ලබාදුන්නු සියළුම රාජ්‍ය නිලධාරීන්ට අපි මේ අස්ථාවේදී ස්තූතිවන්ත වෙනවා.

ඒ වගේම ඇඳිරි නීතිය දිස්ත්‍රික්ක ගණනාවකම ළිහිල් කරනු ලැබුවා, අපිට දකින්නට ලැබෙනවා මේ කොරෝනා උවදුර එසේත් නැත්නම් කොවිඩ්  19 රෝගය ලංකාවේ පහව ගියාවගේ තමයි සමහර තැන්වල ඇඳිරි නීතිය ළිහිල් කළ තැන්වල ආදරණීය ජනතාව හැසිරෙන්නේ. සමහර අවස්ථාවල අපි දකිනවා ත්‍රීවිල්වල තුන් හතරදෙනා යනවා. සමහර අවස්ථාවල දකිනවා සමාජ දුරස්ථභාවය පවත්වාගන්නේ නැතිව පොරකනවා. අපි ඔබෙන් ගෞරවයෙන් ඉල්ලා සිටින්නේ මේ ඇඳිරි නීතිය ලිහිල්කළේ රටේ ජනතාව වෙනුවෙන් රට වෙනුවේ ගන්නට තිබෙන ක්‍රියාමාර්ග නිසයි.

නමුත් මේ උවදුර පහව ගිහින් නැහැ. ඒ නිසා ඔබ වෙනුවෙන් ඔබේ දරුවන් වෙනුවෙන් මේ රට වෙනුවවෙන් සෞඛ්‍ය අංශ ලබාදෙන උපදෙස් පිළිපදිමින් මේ රෝගය ලංකාවෙන් පහව යන තෙක් ඇඳිරි නීතිය ලිහිල් කරපු ප්‍රදේශවල  කටයුතු කරන්න කියලා ඒ ආදරණීය ජනතාවගෙන් අපි ඉල්ලා සිටිනවා.

කොරෝනා වසංගතය හේතුවෙන් විදේශයන්හි සිරවී සිටින ශ්‍රී ලාංකිකයින් දිවයිනට  ගෙන ඒමේ රජයේ වැඩ පිළිවෙල යටතේ ඉන්දියාවේ පන්ජාබි විශ්ව විද්‍යාලයේ අධ්‍යාපනය හදාරණ ශිෂ්‍ය ශිෂ්‍යාවන් 102 හෙට  (23) සවස දිවයිනට පැමිණීමට නියමිතය.

කාර්මික අපනයන, ආයෝජන ප්‍රවර්ධන සංචාරක හා ගුවන්සේවා ඇමති ප්‍රසන්න රණතුංග මහතා පවසන්නේ එම පිරිසද නිරෝධායන මධ්‍යස්ථාන වෙත යොමු කිරීමට කටයුතු යොදා ඇති බවයි.

විදේශයන්හි සිරවී සිටින ශ්‍රී ලාංකිකයන් දිවයිනට ගෙන ඒමේ රජයේ වැඩ පිළිවෙල යටතේ පළමු කණ්ඩායම පෙරේදා (21) සවස දිවයිනට පැමිණියහ. ඒ අනුව පාකිස්ථානයේ විශ්ව විද්‍යාල වල අධ්‍යාපනය හැදෑරූ හා පුහුණු කටයුතු සදහා පාකිස්ථානයට ගිය 113 දෙනෙකු දිවයිනට පැමිණියහ.

ඉන්දියාවේ පන්ජාබි ප්‍රාන්තයේ විශ්ව විද්‍යාල වල සිටින ළමුන් 102 දිවයිනට ගෙන්වා ගැනීම සදහා ශ්‍රී ලංකන් ගුවන් සමාගෙමේ UL 146 ගුවන් යානය යොදවා තිබේ. මීට අමතරව අප්‍රියෙල් 24 වන දින UL 194  ගුවන් යානය කොයිම්බතුර් සිට ශ්‍රී ලාංකිකයන් 117 දෙනෙක් ද UL 1425 කත්මන්ඩු සිට තවත් ශ්‍රී ලාංකිකයන් 93 දෙනෙක්ද දිවයිනට ගෙන ඒමට කටයුතු යොදා තිබේ.

විදේශ කටයුතු අමාත්‍යංශයේ සම්බන්ධිකරනයෙන් විදේශගත ශ්‍රී ලාංකිකයන් දිවයිනට රැගෙන ඒමේදී ශ්‍රී ලාංකික ශිෂ්‍ය ශිෂ්‍යාවන්ට ප්‍රමුඛතාවය ලබා දෙන ලෙස ජනාධිපති ගෝඨාභය රාජපක්ෂ මහතා උපදෙස් දී ඇතැයි ඇමති ප්‍රසන්න රණතුංග මහතා පවසයි. පැමිණෙන සියලු දෙනා ඉතා ආරක්ෂිතව නිරෝධායන මධ්‍යස්ථාන වෙත යොමු කිරීමට ආරක්ෂක අංශ හා සෞඛ්‍ය අංශ කටයුතු යොදා ඇති බවද ඇමතිවරයා කියයි.

දිවයින පුරා නිදහස් වෙළද කළාපවල කර්මාන්ත ශාලා 217ක සේවක සේවිකාවන් 30269 දෙනෙකු මේ වන විට සේවයේ නිරත බව කාර්මික අපනයන, ආයෝජන ප්‍රවර්ධන සංචාරක හා ගුවන්සේවා ඇමති ප්‍රසන්න රණතුංග මහතා පවසයි. ඔහු අවධාරණය කරන්නේ රජයේ නිර්දේශ මත සෞඛ්‍යාරක්ෂිත ක්‍රමවේද අනුගමනය කරමින් මෙම කර්මාන්ත ශාලා වල සේවා කටයුතු නැවත ආරම්භ කල බවයි.

ඇදිරි නීතිය පනවා ඇති කාලය තුළ රටේ නිෂ්පාදන ක්‍රියාවලිය දිගටම පවත්වාගෙන යාමේ අරමුණින් සිය සේවා කටයුතු ආරම්භ කිරීමට කැමැත්තෙන් සිටින කර්මාන්ත ශාලා වලට ඒ සදහා අවසර ලබා දීමට රජය පසුගියදා තීරණය කලේය. ඒ අනුව මේ වන විට මෙම කර්මාන්ත ශාලා ක්‍රියාත්මක වන බව ඇමති ප්‍රසන්න රණතුංග මහතා පවසයි.

සමස්ත සේවක සංඛ්‍යාවෙන් 20%ක පිරිසක් යොදවා ගනිමින් හා කොරෝනා වසංගතය පාලනය කිරීමට අදාල සියලු සෞඛ්‍ය උපදෙස් අනුව මෙම කර්මාන්ත ශාලා සිය නිශ්පාදන කටයුතු ක්‍රියාත්මක කිරීම විශේෂත්වයකි.

ඒ අනුව කටුනායක  නිදහස් වෙළද කළාපයේ කර්මාන්ත ශාලා 48ක නිෂ්පාදන කටයුතු මේ වන විට ආරම්භ කර තිබේ. සේවක සේවිකාවන් 3971 එහි සේවය කරන අතර ආයෝජන මණ්ඩල සේවකයන් 60 දෙනෙකු සේවය කරති. බියගම නිදහස් වෙළද කලාපයේ කර්මාන්තශාලා 35ක කටයුතු මේ වන විට ආරම්භ වී තිබේ.

සේවක සේවිකාවන් 6938 ක් මෙහි සේවය කරන අතර ආයෝජන මණ්ඩල සේවක සේවිකාවන් 61 දෙනෙකු සේවය කරති. සීතාවක පුර කර්මාන්ත පුරයේ ආයතන 18 ක සේවක සේවිකාවන් 1489 ක් සේවක කරති. එහි සේවය කරන ආයෝජන මණ්ඩල සේවකයන් සංඛ්‍යාව 33කි. කොග්ගල කර්මාන්ත පුරයේ  කර්මාන්ත ශාලා 19 ක සේවක සේවිකාවන් 4092 ක් සේවය කරන අතර හොරණ කර්මාන්ත පුරයේ කර්මාන්ත ශාලා 17 ක කටයුතු ආරම්භවී තිබේ. සේවක සේවිකාවන් 865 දෙනෙකු එහි සේවය කරති. වගවත්ත කර්මාන්ත උද්‍යානයේ කර්මාන්ත කලාපයේ කර්මාන්ත ශාලා 04 ක සේවක සේවිකාවන් 342 සේවය කරති.

වතුපිටිවල කර්මාන්ත පුරයේ කර්මාන්ත ශාලා 10ක් හා මාවතගම කර්මාන්ත පුරයේ කර්මාන්ත ශාලා 04ක් දැනටමත් සිය සේවා කටයුතු ආරම්භ කර තිබේ. පොල්ගහවෙල වෙළද කළාපයේ කර්මාන්ත ශාලා 05ක් දැනට සේවා කටයුතු  ආරම්භ කර ඇත. මල්වතුහිරිපිටිය නිදහස් වෙළද කළාපයේ කර්මාන්ත ශාලා 06ක් වැඩ ආරම්භ කර ඇති අතර මිරිස්සවල වෙළද කලාපයේ කර්මාන්ත ශාලා 03ක වැඩ කටයුතු ආරම්භ කර ඇත. නුවර කර්මාන්ත උද්‍යානයේ කර්මාන්ත ශාලා 20ක සේවක සේවිකාවන් 2689 දෙනෙකු සේවය කරනු ලබයි. මීට අමතරව උතුරු හා නැගනහිර පළාතේ කර්මාන්ත ශාලා 12ක සේවා කටයුතු ආරම්භ කරතිබේ.

ඇමති ප්‍රසන්න රණතුංග මහතා අවධාරණය කරනු ලබන්නේ මෙම සෑම කර්මාන්ත ශාලාවක්ම දෛනිකව මහජන සෞඛ්‍ය පරීක්ෂක වරුන්ගේ පරීක්ෂාවට ලක්කරන බවයි. එහිදී සෞඛ්‍ය උපදෙස් නිසි ලෙස ක්‍රියාත්මක කරන්නේ දැයි දැඩි ලෙස පරීක්ෂා කෙරේ. ඊට අමතරව ආයෝජන මණ්ඩලවල මෙම කර්මාන්ත ශාලා නිසි සෞඛ්‍ය ක්‍රමවේද අනුගමනය කන්නේ දැයි දැඩි අවධානයෙන් පසුවන බවත් විශේෂ පරීක්ෂාවන්ට ලක්කරන බවත් ඇමතිවරයා කියා සීටි.

ආර්ථික පුනර්ජීවනය හා දරිද්‍රතාව තුරන් කිරීම සඳහා ජනාධිපති ගෝඨාභය රාජපක්ෂ මැතිතුමා ජනාධිපති කාර්ය සාධක බලකායක් ස්ථාපනය කරයි.

ආණ්ඩුක්‍රම ව්‍යවස්ථාවේ 33 වන ව්‍යවස්ථාවෙන් ජනාධිපතිතුමා වෙත පැවරී ඇති බලතල ප්‍රකාරව බලකාය ස්ථාපනය කර තිබේ.

ලොව පුරා ව්‍යාප්ත කොරෝනා වසංගතය හමුවේ ශ්‍රී ලංකාවේ උද්ගත ආර්ථික හා  සමාජයීය අභියෝග සහ ඉඩ ප්‍රස්ථා කෙරෙහි සුවිශේෂ අවධානය යොමු කරමින් ආර්ථික පුනර්ජීවනය සැලසීමේ සහ දරිද්‍රතාවය තුරන් කිරීමේ වගකීම කාර්ය සාධක බලකායට පැවරේ.

 “සෞභ්‍යාග්‍යයේ දැක්ම”  ප්‍රතිපත්ති ප්‍රකාශනයේ අන්තර්ගත දර්ශනය පදනම් කර ගනිමින් නව ප්‍රවේශයක් ඔස්සේ මෙරටට අනන්‍ය වූ ආර්ථික රාමුවක් සකස් කිරීම මගින් නිෂ්පාදන ආර්ථිකයක් නිර්මාණය කිරීම සඳහා අදාළ ආයතනවලට අවශ්‍ය මගපෙන්වාදීම  කාර්ය සාධක බලකායට පැවරී ඇති ප්‍රමුඛ වගකීමකි.

දේශීය කර්මාන්තකරුවන්, ව්‍යවසායකයින් දිරි ගන්වන ජනතා කේන්ද්‍රීය ආර්ථිකයක් ස්ථාපනය කිරීම සඳහා ඒකාබද්ධ මෙහෙයුම් ක්‍රියාත්මක කිරීම තවත් කාර්යයක් වේ.

ජන ජීවිතය යථා පරිදි පවත්වාගෙන යාමට සෞඛ්‍ය හා අධ්‍යාපන කාර්ය සාධක බලකායන්ගේ ක්‍රියාකාරිත්වය ද සැලකිල්ලට ගෙන සියලුම ආයතන සම්බන්ධීකරණය කරමින් නිෂ්පාදන බෙදාහැරීමට අවශ්‍ය පියවර ගැනීම ද ඊට පවරා තිබේ.

කිසියම් රාජ්‍ය සේවකයෙකු හෝ අමාත්‍යාංශයක්, රජයේ දෙපාර්තමේන්තුවක්, රාජ්‍ය සංස්ථාවක් හෝ වෙනත් එබඳු ආයතනයක් කාර්ය සාධක බලකාය විසින් පවරනු ලබන රාජකාරී හා වගකීම් ඉටුකිරීම ප්‍රමාද කරන හෝ පැහැර හරින හෝ සියලු අවස්ථා ජනාධිපතිතුමා වෙත වාර්තා කරන ලෙස බලකායට විධාන කර ඇත.

2020 ජනවාරි 24 හා 2020 මාර්තු 24 දිනැති දරිද්‍රතාව තුරන් කිරීම සහ ජීවනෝපාය සංවර්ධනය සඳහා වූ කාර්ය සාධක බලකාය සහ 2020 මාර්තු 23 දිනැති කොරෝනා වෛරසය ශ්‍රී ලංකාවෙන් තුරන් කිරීමේදී වැඩි අවදානම් තත්ත්වයකට මුහුණ පා ඇති දිස්ත්‍රික්කවල සමස්ත ජන ජිවිතය යථා පරිදි පවත්වාගෙන යාම සඳහා අවශ්‍ය සේවාවන් විධිමත් ලෙස කළමනාකරණය සඳහා වූ ජනාධිපති කාර්ය සාධක බලකාය ස්ථාපනය කිරීමට අදාළ විධිවිධානයන් මේ සමග අවලංගු කෙරේ.

ආර්ථික පුනර්ජීවනය හා දරිද්‍රතාවය තුරන් කිරීම සඳහා වන කාර්ය සාධක බලකාය වෙත පැවරී ඇති කාර්යභාරය සහ වගකීම් ගැසට් පත්‍රයක් මගින් ප්‍රකාශයට පත් කරනු ලැබේ.

ජනාධිපති විශේෂ නියෝජිත බැසිල් රාජපක්ෂ මහතා කාර්ය සාධක බලකායේ සභාපතිත්වය හොබවයි. අග්‍රාමාත්‍ය කාර්යාලයේ අතිරේක ලේකම් ඇන්ටන් පෙරේරා සහ ඩී.එස්. ජයවීර මහත්වරු සම ලේකම්වරු වෙති. 

කාර්ය සාධක බලකායේ සාමාජිකයන්ගේ සම්පූර්ණ නාම ලේඛනය මෙසේය,

බොහෝ බලවත් රටවල නායකයන් කොරෝනා වසංගතව අවස්ථාවේදී සිය ජනතාව අතරමං කළද මෙරට ජනාධිපතිවරයා අගමැතිවරයා ප්‍රමුඛ ආණ්ඩුව රටත් ජනතාවත් රැක ගැනීම සදහා කරනු ලබන මෙහෙවර ප්‍රශංසනීය බව දොඹවල ශ්‍රී සද්ධර්මගුප්ත පිරිවෙන් විහාරාධිකාරී බස්නාහිර පළාත් සහකාර අධ්‍යාපන අධ්‍යක්ෂක, ශාස්ත්‍රපති පණ්ඩිත අති පූජ්‍ය කොබ්බෑවල මේධංකර හිමියන් පවසති.

උන්වහන්සේ  මේ බව සදහන් කළේ දිවංගත රෙජී රණතුංග මැතිතුමාගේ 84වන ජන්ම දින සැමරුම වෙනුවෙන් අද (22) උඩුගම්පල පැවති අත්‍යවශ්‍ය භාණ්ඩ ලබා දීමේ වැඩ සටහනකට එක්වෙමිණි. සියලු සෞඛ්‍ය අංශ උපදෙස් වලට අනුව මෙම වැඩ සටහන සංවිධානය කර තිබීම විශේෂත්වයකි.

කාර්මික අපනයන, ආයෝජන ප්‍රවර්ධන, සංචාරක හා ගුවන්සේවා ඇමති ප්‍රසන්න රණතුංග මහතාගේ ප්‍රධානත්වයෙන් මෙම පිංකම සංවිධානය කර තිබිණි.

මෙහිදී අනුශාසනාව කළ කොබ්බෑවල මේධංකර හිමිහියන් වැඩි දුරටත් මේසේද පැවසූහ.

“ දිවංගත රෙජී රණතුංග මැතිතුමා ඉතාම ජනතාවාදී නායකයෙක්. එතුමා දුර දක්නා නුවනකින් කටයුතු කල කෙනෙක්. එතුමාගේ දර්ශණය වුනේ ජනතා සේවයම පමණයි. ඒ නිසයි රෙජී රණතුංග මැතිතුමාට ගම්පහ මිනිස්සු තාමත් ආදරය කරන්නේ.

අද අපි මුහුණ දෙමින් සිටින්නේ බරපතල වසංගතයකට. පාස්කු ප්‍රහාරය එල්ල වුන වෙලාවෙත් ඒ හිටපු අය කිව්වා ඒකත් ගෝලීය ප්‍රශ්ණයක් කියලා. ඒත් ඒ වෙලාවේ ඒ ප්‍රහාරය එල්ල වුනේ අපේ රටට විතරයි. හැබැයි අද අපි මුහුණ දෙමින් සිටින්නේ ගෝලීය වසංගතයකට.

බුදු හාමුදුරුවන්ගේ කාලේ මේ වගේ වසංගත තිබුනා ඕපපත්තිකාබාධා කියාලා. මේවගේ රෝග හැදෙන හේතු 10ක් බුදුන් වහනසේ දේශනා කරලා තියෙනවා.  ඕපපත්තිකාබාධා හැදෙන්නේ මිනිස්සුන්ගේ නොසැලකිල්ලෙන්. මේ වගේ වසංගත රෝගවලට බුදුන්ගේ කාලේ අභිවාතකරෝග කියලත් කිව්වා. අභිවාතක රෝග කියන්නේ ස්පර්ශයෙන්, වාතයෙන් බෝවන රෝග . මේ භායනක වසංගතය හැදුනාම ඒකට බේත් තිබුනේ නෑ. අන්තිමේදී රජවරු කලේ මේ වසංගත රෝග හැදුන අය ගල් ගහල එලවපු එකයි. නැත්නම් වෙනම කුටි වලට දාලා මැරෙන්න හරිපු එකයි. දැන් ඇමරිකාවේ, එංගලන්තේ නායකයෝ ඒ රටවල ජනතාව අතහැරලා දාලා  තිනෙවා වගේ. රටේ නායකයෙකුගේ වගකීමක් තමයි ඕනෑම අර්බුධයකදී, වසංගතයකදී ඒ රටේ ජනතාව රැක බලාගන්න එක. ඒ අතින් ශ්‍රී ලංකාවේ අපි වාසනාවන්තයි. මේ කොරෝනා වසංගතයෙන් පීඩා විදින අපි පව් කරලා තිබුනත් අපිව රැකගන්න පුලුවන් නායකයෙක් හිටපු එක අපි කරපු ලොකු පිනක්.

මේ කොරෝනා වසංගතයෙන් අපේ රට, ජනතාව මුදාගන්න ජනාධිපතිතුමා, අගමැතිතුමා කැබිනට් මණ්ඩලය කරන කැපවීම ප්‍රශංසනීයයි. මේ ජනාධිපතිතුමා අගමැතිතුමා නොඉන්න අපට අත්වන ඉරණම හිතාගන්න බෑ. කවදහරි දවසක කොරෝනා වසංගතය වෙලාවේ මේ රට, ජනතාව ආරක්ෂා කරගන්න ජනාධිපතිතුමා කල කාර්යය භාරය ඉතිහාසයේ රන් අකුරෙන් ලියවෙනවා, ඒක ඒකාන්තයි.”

ජංගම වෙළෙදුන් සිය ‍වෙළෙද කටයුතු සෞඛ්‍ය ආරක්ෂිතව සිදු නොකිරීම හේතුවෙන් කොවිඩ් 19 වෛරසය සාමාන්‍ය ජනතාව වෙත ව්‍යාප්තවීමේ අවදානමක් මතුව ඇතැයි පොලිස් මූලස්ථානය මාධ්‍ය නිවේදනයක් නිකුත් කරමින් පවසයි.

මෙම තත්ත්වය සැළකිල්ලට ගෙන මාර්ගගත ක්‍රමය යටතේ නිවසින් නිවසට ගොස් මාළු, එළවළු, පලතුරු හා බේකරි නිෂ්පාදන ඇතුළු වෙනත් ආහාර ද්‍රව්‍ය අලෙවි කිරීම සඳහා අවසර ලබාදී ඇති සියලුම වෙළෙඳුන් සහ ආයතන තම ජංගම වෙළෙඳාම් කටයුතු සිදු කිරීමේදී පහත සඳහන් උපදෙස් අනුගමනය කළ යුතු බව පොලිස් මූලස්ථානය සිය නිවේදනය මගින් දන්වා සිටී.

සියලුම ජංගම වෙළදුන් විසින් අනුගමනය කළ යුතු සෞඛ්‍ය ආරක්ෂිත ක්‍රම

පිරිසිදු ඇඳුමින් සැරසී සිටීම,

පා වැසෙන පරිදි සපත්තු හෝ සුදුසු පාවහන් පැළඳීම,

වෙළෙඳාම් කටයුතු සිදු කරන අවස්ථාවේ මුඛ ආවරණ සහ අත් ආවරණ පැළඳීම,

විෂබීජානුහරණ දියර භාවිත කිරීම,

බේකරි නිෂ්පාදන, පිසූ ආහාර ආදිය අලෙවි කරන්නේ නම් ඒවා අතින් ඇල්ලීම නොකර පාරිභෝගිකයින් වෙත ලබාදීම සඳහා අවශ්‍ය උපකරණ භාවිත කිරීම,

ආහාර සහ භාණ්ඩ අලෙවි කිරීමේදී කඩදාසි හෝ වෙනත් ආවරණ තුළට දමා අලෙවි කිරීම

වෙළෙදුන් විසින් නොකළ යුතු දේ

මුදල් ස්පර්ෂ කිරීමෙන් පසු එම අතින්ම ආහාර ද්‍රව්‍ය, භාණ්ඩ හෝ ආවරණ ස්පර්ශ කිරීමෙන් වැළකීම,

ආහාර මිලදී ගැනීම සඳහා පැමිණෙන මහජනතාවට ආහාර ඇල්ලීමට ඉඩ නොදීම,

මහජනතාව ආහාර හා භාණ්ඩ අලෙවි කරන වාහන අසළ රැඳී සීටීමේදී මීටරයක පරතරය පවත්වාගෙන යාම, ආහාර ද්‍රව්‍ය හා භාණ්ඩ අලෙවි කරන ජංගම වෙළෙඳුන් අනුගමනය කළ යුතු බවයි පොලිස් මූලස්ථනය අවධාරණය කරන්නේ.

මාර්ගගත ක්‍රමය යටතේ ජංගම වෙළෙඳාමේ යෙදීම සඳහා නිසි අවසරයක් ලබාගෙන ඇති පුද්ගලයින් ඉහත උපදෙස් අනුගමනය කිරීම අනිවාර්යය වන අතර අද සිට ඉහත උපදෙස් පරිදි කටයුතු නොකරන වෙළෙඳුන්ගේ ඇඳිරි නීති බලපත්‍ර අවලංගු කිරීමට කටයුතු කරන බව ද පොලිස් මූලස්ථානය සිය නිවේදනය මගින් අවධාරණය කරයි.

රටපුරා ගෙවතු දස ලක්ෂයක් වගා කරන ‘සෞභාග්‍ය ගෙවත්ත ‘ වැඩසටහන සමග රට පුරාම ගෙවතු වගාව ජනප්‍රිය වෙමින් තිබෙනවා. ඒ අතර එළවළු වර්ග , පළා වර්ග වගේම පලතුරු වගාවටත් ජනතාව දැඩි උනන්දුවක් දක්වනවා. එසේ ගෙවතේ පලතුරු ගසක් හෝ දෙකක් හරි සිටුවීමට කැමති ඔබට ආකර්ශනීය ගති ලක්ෂණ ඇති පේර විශේෂයක් වන ”ගන්නොරුව පේර” ගැන සිතා බැලිය හැකියි. මේ ගන්නොරුව පේර ගැන කතාව

ලතින් ඇමරිකාවේ දකුණුදිග මෙක්සිකෝව ආශ‍්‍රිතව සම්භවය ලබුවායැයි විශ්වාස කරන පේර, අතීතයේදී ගෙවතු බෝගයක් මෙරට වගාකළද, මේ වනවිට වාණිජ වගාවන් මට්ටමට එනතෙක් වැඩිදියුණු වී තිබේ.

ලොව පුරා පැතිරුණු වගා වපසරිය හා නිෂ්පාදනය අනුව ගත්කල මෙය අඹ, කෙසෙල් හා පැඟිරි බෝග වලට පසුව පෙළගැසෙන සිව්වෙනි පලතුරු බෝගය සේද හැඳින්විය හැකිවේ.

පසුගිය වකවානුව තුළදී කෘෂිකර්ම දෙපාර්තමේන්තුව මගින් විවෘත පරාගන පේර ප‍්‍රභේද හතරක් ද, දෙමුහුම් ප‍්‍රභේද හතරක් ද නිර්දේශ කර නිදහස් කිරීමට කටයුතු කළද ඒවා වගාකරුවන් අතර එතරම් ජනප‍්‍රියතාවයකට පත් නොවුනි. දෙමුහුම් ප‍්‍රභේද යම් තරමකට වගාකරුවන් අතරට ගියත්, නෙමටෝඩාවන්ගේ හානියට තදින්ම පාත‍්‍රවීම ඒවාහි පවතින ප‍්‍රධාන දුර්වලකමක් විය.

ස්වාපරාගන බෝගයක් ලෙස වාර්තා වී තිබුණද 20% ක පමණ ප‍්‍රමාණයක් දක්වා පර පරාගනය වීම හේතුවෙන් ගොවි ක්ෂේත‍්‍රයන්හි තිබෙනා බීජ පැලවී සෑදුනු පේර ශාක අතර යම් විවිධත්වයක් හඳුනාගත හැකිවේ.

මෙම විවිධත්වය අද වනවිට බොහෝ වාණිජ වගා තුළ බැලූ බැල්මටම දකිනන්නට ඇත. මේ අතර තිබිය හැකි වැඩි අස්වැන්නක් දෙන, රෝග හා පළිබෝධකයින්ට ප‍්‍රතිරෝධීතාවයක් පෙන්වන සහ ආකර්ශනීය ඵල දරණ ප‍්‍රභේදයන් සොයායාමේ ගවේෂණයන් 2008 වසරේ සිට අරඹනු ලැබුවේ ගන්නෝරුවේ උද්‍යාන බෝග පර්යේෂණ හා සංවර්ධන ආයතනයයි.

කෑගල්ල දිස්ත‍්‍රික්කයේ පලතුරු උයන් ඇසුරෙන් කළ අධ්‍යයනයකදී හඳුනාගත් ආකර්ශනීය ගති ලක්ෂණ ඇති පේර විශේෂයක් ”ගන්නොරුව පේර” යන නමින් පසුගියදා ජාතික මට්ටමෙන් නිර්දේශ කරන්නට යෙදුනේ මෙහි අවසන් ප‍්‍රතිඵලයක් වශයෙන්ය.

ග‍්‍රෑම් 420 ක පමණ සාමාන්‍ය බරකින් යුත් මෙම පේර ගෙඩියක් වටකුරු හැඩැති වන අතර, ළපටි අවධියේදී මඳ වශයෙන් දාර බේරුණු ස්වභාවයක් පෙන්වයි. පරිණත වෙත්ම එම ලක්ෂණය හඳුනා ගැනීමට ඇතැම්විට අපහසු වියහැකි වුවත් ඒ ස්වභාවය එලෙසම පවතින අවස්ථා ද තිබේ.

”ගොවි ක්ෂේත‍්‍ර වල තිබෙන කැපී පෙනෙන ගති ලක්ෂණ සහිත පේර මාදිලි එකතුකරගෙන යනවිට හමුවූ ගෙඩියක බීජ වලින් තමයි මේ වර්ගය තෝරා ගත්තේ”

ඒ ආකාරයට ආරම්භක තොරතුරු ගෙනහැර පෑවේ හොරණ, පලතුරු පර්යේෂණ හා සංවර්ධන ආයතනයේ අධ්‍යක්ෂ ආචාර්ය ශිරෝමණී එදිරිමාන්න මහත්මියයි. ගන්නෝරුවේ සේවය කරන සමයේදී මූලික කටයුතු එලෙස ආරම්භ කර ඇත්තේ ඇය විසින්ය. මධ්‍යම ප‍්‍රමාණයේ කිරුළක් සහිතව වැවෙන නව පේර ප‍්‍රභේදය, ඉහළ අස්වැන්න විභවයක්ද දරනා බව පෙනේ.

පේර ගෙඩියේ මාංසල බව වැඩිය. බීජ සහිත කලාපය එතරම් ගනකමට නොපිහිටා වැඩි ඉඩක් වෙන්කරදී ඇත්තේ මාංසල ඵලාවරණයටයි. බීජ කලාපයේ වුවද කැපී පෙනෙන ලක්ෂණයක් සේ හඳුනා ගත හැක්කේ සාමාන්‍ය පේර ගෙඩිවල පිහිටන ආකාරයේ දෘඩ බීජ නොපිහිටා, මෘදු බීජ ගොමුවක් අන්තර්ගත වීමයි.

මේ නිසා අනුභව කිරීමේදී මාංසල කලාපය හා බීජ කලාපය අතර ලොකු වෙනසක් දැනෙන්නේ නැත. ඵල පැණි රසෙන් වැඩි බව දැනෙන්නේ සීනි අන්තර්ගතය අනෙක් පේර මාදිලි වලට වඩා ඉහළ අගයක පවතින බැවිනි. අස්වැන්න ද වැඩිය. වසර තුනක් පමණ වයස්ගත වෙන ශාකයකින් වරකට ගෙඩි 40-50 අතර සංඛ්‍යාවක් ලබාගත හැකි වන අතර වසරක් තුළ තුන් වතාවක් මෙවන් අස්වැන්නක් ලැබේ.

මහජනතාව වෙත ලබාදීම සඳහා බද්ධ පැළ 400 ක පමණ ප‍්‍රමාණයක් දැනට ගන්නෝරුවේ සුදානම් කර අවසන්ය. කෙසේවෙතත් බද්ධ පැළ නොමැතිව, බීජ හරහා ප‍්‍රචාරණය සිදුකළ හැකිද යන්නත් ආචාර්ය ශිරෝමණී විසින් පරීක්ෂා කර ඇත.

”බොහෝදුරට ස්ථායී දරු පරපුරක් තමයි බීජ පැළ හරහාත් ලැබුනේ. ගෙඩියේ පොඩි පොඩි විචල්‍යතාවයන් නොතිබුනාම නෙවෙයි. ඒත් අස්වැන්න නම් වෙනස් උනේ නෑ. ගෙඩිවල හැඩය, ප‍්‍රමාණය, රස එහෙමත් බොහෝ දුරට මව් ලක්ෂණම දැරුවා”

නෙමටෝඩාවන් නිසා සිදුවන හානිය පේර වගාකරුවන් අතර සුලභ අත්දැකීමකි. මේ සඳහා විටින්විට විවිධ නිර්දේශයන් ද ඉදිරිපත් කෙරේ.

”ගන්නොරුව පේර” සේ නම් කිරීමට යෝජිත මෙම නව මාදිලිය නෙමටෝඩාවන්ගෙන් බේරා ගැනීමේ ක‍්‍රමවේදයක් වශයෙන් ආචාර්ය ශිරෝමණී යෝජනා කරන්නේ නෙමටෝඩාවන්ට ප‍්‍රතිරෝධී ග‍්‍රාහකයක් භාවිතා කරමින් ”ගන්නොරුව පේර” ප‍්‍රචාරණය කිරීමටයි.

ඡුසාසමප ගණයටම අයත් වුවත් පේර නොවන ශාකයක ග‍්‍රාහක යොදාගෙන කරන ලද ප‍්‍රචාරණ උත්සාහයන් සාර්ථක වී තිබේ. දැනට එම වර්ගයේ ග‍්‍රාහක පැළ විශාල වශයෙන් නිපදවා අවසන් බැවින් ද, ගන්නොරුවේ පලතුරු උද්‍යානය තුළ අනුජයන් ඇති පමණ සපයාදීමට ප‍්‍රමාණවත් ”ගන්නොරුව පේර” මව්ශාක සැළකිය යුතු ගණනක් ස්ථාපනය කොට ඇති බැවින්ද, නුදුරු දිනයකදී වගාකරුවන්ගේ ඉල්ලූමට සරිලන ප‍්‍රමාණයකින් බද්ධ පැළ නිපදවා බෙදාහැරීම අපහසු ඉලක්කයක් වන්නේ නැත.

පිටපත : සනත් එම්. බණ්ඩාර – සහකාර කෘෂිකර්ම අධ්‍යක්‍ෂ, ජාතික කෘෂිකර්ම තොරතුරු හා සන්නිවේදන මධ්‍යස්ථානය, ගන්නොරුව
තාක්‍ෂණික කරුණු: ආචාර්ය ශීරෝමණී එදිරිමාන්න – අධ්‍යක්‍ෂ, පලතුරු බෝග පර්යේෂණ හා සංවර්ධන ආයතනය. හොරණ

අද දින (21) පස්වරු 17.40 වන විට කොවිඩ්-19 වෛරසය ආසාදනය වූ පුද්ගලයින් 06 දෙනකු වාර්තා වී ඇති බව සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ මහතා ප්‍රවෘත්ති නිවේදනයක් නිකුත් කරමින් සදහන් කරයි.

අද දින වාර්තා වූ රෝගීන්ගෙන් 05 දෙනකු කොළඹ 12 බණ්ඩාරනායක මාවත ප්‍රදේශයේ නිරෝධානයට ලක් වෙමින් සිටි පුද්ගලයින් අතරින් ද එක් අයෙකු රත්නපුර ප්‍රදේශයෙන් ද වාර්තා වී ඇති අතර ඔහු කොරෝනා ආසාදිතයෙක් ළගින් ඇසුරු කළ පුද්ගලයෙකු බවයි අනිල් ජාසිංහ මහතා සදහන් කළේ.

මේ වන විට ශ්‍රී ලංකාවෙන් කොවිඩ්-19 ආසාදිතයින් පුද්ගලයින් 310 දෙනකු වාර්තා වී ඇති බව ද අනිල් ජාසිංහ මහතා වැඩි දුරටත් සදහන් කරයි.

ගෝලීය තත්ත්වය

අද දින වන විට ගෝලීය වශයෙන් කොවිඩ්-19 ආසාදිතයින් 2,501,156 දෙනකු සහ මරණ 171,810ක් වාර්තා වී ඇතැයි ජෝන්ස් හොප්කින්ස් විශ්වවිද්‍යාලයේ නවතම වාර්තාවල සදහන් වේ.

එහි දැක්වෙන ආකාරයට වැඩිම මරණ සංඛ්‍යාව වන ඇමෙරිකාවෙන් වාර්තා වී ඇති අතර වැඩිම ආසාදිතයින් සංඛ්‍යාව වන 788,920ක් ද ඇමෙරිකාවෙන් වාර්තා වී ඇත. ස්පාඤ්ඤයෙන් ආසාදිතයින් 204,178ක් ද, ඉතාලියෙන් ආසාදිතයින් 181,228ක් ද, ප්‍රංශයෙන් ආසාදිතයින් 156,495ක් ද, ජර්මනියෙන් ආසාදිතයින් 147,593ක් ද, එක්සත් රාජධානියෙන් ආසාදිතයින් 125,856ක් ද වාර්තා වී ඇති අතර තුර්කියෙන් 90,980ක්, ඉරානයෙන් 84,83ක්, රුසියාවෙන් 52,763ක් සහ ඉන්දියාවෙන් ආසාදිතයින් 18,985ක් වාර්තා වී ඇති බවයි ජෝන්ස් හොප්කින්ස් වාර්තාවල දැක්වෙන්නේ.

මරණ සංඛ්‍යාව

‍කොරෝනා ආසාදනයේ ඉතාලියේ පුද්ගලයින් 24,114ක්, ස්පාඤ්ඤ‍ 21,282ක්  ප්‍රංශයේ 20,265ක් සඑ එක්සත් රාජධානියේ 16,509ක්, මිය ගොස් ඇති අතර නිව්යෝර්ක් නගරයේ පමණක් මියගිය සංඛ්‍යාව 14,604ක් බවයි ජෝන්ස් හොප්කින්ස් වාර්තාව කියන්නේ. ඊට අමතරව බෙල්ජියමේ මරණ 5998ක්, ඉරානයේ 5297ක්,ජර්මනියේ මරණ 4869ක් වාර්තා වී තිබෙනවා.

ගර්භනී මව්වරුන්ට හා කුඩා ළමුන්ට ලබාදෙන ත්‍රිපෝෂ පවුල් සෞඛ්‍ය  සේවා නිලධාරිනිය මගින් නිවසටම ලබාදීමට සහ සෞඛ්‍ය උපදෙස් අනුව ප්‍රතිශක්තීකරණ සායන පැවැත්වීමට සෞඛ්‍ය අමාත්‍යාංශයෙන් වැඩපිළිවෙළක්.

COVID – 19 වසංගත තත්ත්වය හේතුවෙන් සියළු සෞඛ්‍ය ආරක්ෂිත ක්‍රමවේද අනුගමයකරමින් සෞඛ්‍ය සේවා කටයුතු පවත්වාගෙන යාමට වැදගත් වූ තීන්දු තීරණ රැසක් සෞඛ්‍යසහ දේශීය වෛද්‍ය ‌සේවා අමාත්‍යාංශය විසින් ගෙන ඇති බව සෞඛ්‍ය සහ දේශීය වෛද්‍ය ‌සේවා අමාත්‍යාංශයේ ලේකම් ඡේ.එම් භද්‍රාණි ජයවර්ධන මහත්මිය සදහන් කරයි.

ඒ අනුව ගර්භනී මව්වරුන් හා කුඩා ළමුන් හට ලබාදෙන ත්‍රීපෝෂ පවුල් සෞඛ්‍ය සේවා නිලධාරිනියන් විසින් අදාල නිවසටම ගොස් ලබාදීමට සෞඛ්‍ය අමාත්‍යාංශය පියවර ගෙන ඇත. කුඩා ළමුන්ගේ  බර කිරීමකින් තොරව පසුගිය මස සටහන් වූ බර ප්‍රමාණයට අනුව ත්‍රීපෝෂ නිකුත් කිරීමට ද සෞඛ්‍ය අමාත්‍යාංශය තීරණය කර ඇත. ඒ සමගම ගර්භනී මාතාවන්ට ලබාදිය යුතු විටමින් වර්ග ද බෙදා දෙනු ඇත.

එමෙන්ම පවත්නා කොරෝනා වසංගතය හේතුවෙන් පසුගිය සති 04 තුල ප්‍රතිශක්තීකරණ සායන පැවැත්වීමට සුදුසු තත්ත්වයක් නොතිබුන හෙයින් දැනට එම ප්‍රතිශක්තීකරණ සායන වසංගත තත්ත්වයන් තුල දී අනුගමනය කළ යුතු සෞඛ්‍ය ආරක්ෂිත ක්‍රියා මාර්ග අනුගමනය කරමින් එනම් විශේෂයෙන්ම දුරස්ථ බව රැකගෙන, හැකි තරම් නිවසට සමීපයෙන් විශේෂ සායන මධ්‍යස්ථාන පවත්වා, සියළු දෙනාට එකවර නොපැමිණ, නිශ්චිත වේලාවක් ලබා දී, ඒ අනුව ප්‍රතිශක්තීකරණ එන්නත් ලබාදීමට කටයුතු ද පිළියෙළ කර ඇත. මේ සදහා සෑම සෞඛ්‍ය වෛද්‍ය නිලධාරී කාර්යාලයකට අමතර වාහනයක් ද, අමතර වෛද්‍ය නිලධාරියෙකු ද ලබාදීමට කටයුතු කර ඇති බව ද තම ප්‍රදේශයේ පවුල් සෞඛ්‍ය සේවා නිලධාරීනීයගෙන් වැඩි විස්තර ඔබට ලබාගත හැකි බව ද සෞඛ්‍ය ලේකම් තුමිය සදහන් කරයි.

දැනට පවත්නා ගෝලීය වසංගත තත්ත්වය හේතුවෙන් විවේක හා නිවාඩු, ඥාතීන් හා මිතුරන් හමුවීමට, වන්දනා ගමන්, ව්‍යාපාරික අරමුණු, පුහුණුවීම්, සම්මන්ත්‍රණ හා සමුළු, වෛද්‍ය ප්‍රතිකාර, ක්‍රීඩා, විනෝදාත්මක හා සංස්කෘතික කටයුතු හෝ වෙනත් ඕනෑ ම කටයුත්තක් වෙනුවෙන් සහ ශිෂ්‍ය හෝ ඊට සමාන වීසා බලපත්‍ර මත විදේශගත වී සිටින තම පවුලේ සාමාජිකයන් වෙත එදිනෙදා අවශ්‍යතා සපුරා ගැනීම සඳහා මුදල් යැවීමට  ශ්‍රී ලංකාවේ ජීවත් වන ඔවුන්ගේ පවුල්වල සාමාජිකයිත්  උනන්දු වන බව ශ්‍රී ලංකා මහ බැංකුවේ අවධානයට ලක් වී ඇත. 

මේ සම්බන්ධයෙන් ශ්‍රී ලංකා මහ බැංකුව පහත සඳහන් පැහැදිලි කිරීම් සිදු කිරීමට බලාපොරොත්තු වේ. 

1. අධ්‍යයන හෝ වෛද්‍ය අරමුණු සඳහා පිටත් ව ගොස් ඇති පුද්ගලයන් වෙනුවෙන් විශ්ව විද්‍යාල/උපකාරක පන්ති/පුහුණු/පාඨමාලා ගාස්තු, ජීවන වියදම්, වෛද්‍ය ගාස්තු හෝ වෙනත් ඕනෑ ම අදාළ ගාස්තු ලෙස ශ්‍රී ලංකාවේ බලයලත් වෙළෙඳුන් (ඕනෑ ම බලපත්‍රලාභී වාණිජ බැංකුවක් හෝ අවසරලත් බලපත්‍රලාභී විශේෂිත බැංකුවක්) හරහා ඔවුන්ට සාමාන්‍යයෙන් අවශ්‍ය වන අදාළ ලේඛනගත සාක්ෂි ඉදිරිපත් කිරීමෙන් අනතුරු ව මුදල් යැවීමට එම පුද්ගලයන්ගේ ශ්‍රී ලංකාවේ සිටින පවුලේ සාමාජිකයන්ට අවසර ලබා දී ඇත.

2. එවැනි පුද්ගලයන්ට විදේශයන්හි රැඳී සිටින කාලය තුළ ස්වකීය පෞද්ගලික ස්වභාවයේ වන ගනුදෙනු සඳහා විදේශ මුදල්වලින් ගෙවීම් කිරීම හෝ මුදල් ආපසු ගැනීම/මුදල් අත්තිකාරම් ලබා ගැනීම පිණිස බලයලත් වෙළෙඳුන් විසින් නිකුත් කරන ලද ඔවුන්ගේ ණය, හර (ස්වයංක්‍රීය ටෙලර් යන්ත්‍ර) සහ විදේශ සංචාරක කාඩ්පත් භාවිත කළහැක.

3. දැනටමත් දැනුම් දී ඇති පරිදි, ශ්‍රී ලංකා මහ බැංකුව විසින් සංචරණ අරමුණු සඳහා නිකුත් කළ හැකි විදේශ මුදල් නෝට්ටුවල උපරිම සීමාව අඩු කිරීම, ප්‍රාග්ධන ගනුදෙනු සඳහා වන ප්‍රතිමුඛ ප්‍රේෂණයන්හි සීමාකිරීම් වැනි විනිමය අනුපාතය මත වන පීඩනය ලිහිල් කිරීම සඳහා හඳුන්වා දෙන ලද මෑතකාලීන ක්‍රියාමාර්ග හේතුවෙන්, ඉහත දක්වා ඇති විදේශීය අධ්‍යාපන, වෛද්‍ය සහ පවුල් ජීවන වියදම් ඇතුළු ව ජංගම ගනුදෙනු සඳහා වන ප්‍රේෂණ/ගෙවීම් සීමා කිරීමක් සිදු නො වේ. 

ඒ අනුව, මෙම අසීරු අවස්ථාවේ දී ඉහත සඳහන් කළ විදේශගත ශ්‍රී ලාංකිකයන්ගේ මූලික අවශ්‍යතා සපුරා ගැනීම වෙනුවෙන් අවශ්‍ය අමතර මූල්‍ය උපකාර සැපයීම සඳහා බාධාවක් නොමැති බව ශ්‍රී ලංකා මහ බැංකුව විසින් අවධාරණය කරනු ලැබේ.  නමුත් මෙම අවස්ථාවන් වගකීමෙන් යුතු ව ප්‍රයෝජනයට ගන්නා ලෙස අදාළ සියළු පාර්ශ්වයන්ගෙන් ඉල්ලා සිටිමු.

Monday, April 20, 2020 ශ්‍රී ලංකා මහ බැංකුව විසින් නිකුත් කළ නිල නිවේදනයකි.

එක්සත් රාජධානියේ තෙල් සඳහා වන මිණුම් ලකුණ වන ‘බ්‍රෙන්ට්‘ (Brent Crude – the UK benchmark for oil) බොරතෙල් බැරලයක මිල ඩොලර් 20ට වඩා පහත වැටී ඇති අතර එය 2002 සිට මේ දක්වා පහළම මට්ටමයි. එක්සත් ජනපද තෙල් සඳහා මිණුම් ලකුණ වන ‘බටහිර ටෙක්සාස් අතරමැදි  (West Texas Intermediate (WTI), the benchmark for US oil) බැරලයක ඍණාත්මක මිල ගණන් වාර්තා වීමෙන් 20% ක පසුබෑමකට ලක්ව ඇත.

පසුගිය සඳුදා ඍණාත්මක තෙල් මිල “විකාරයක්” බව එක් වෙළඳපොළ විශේෂඥයෙක් පැසුවේය.

එක් අවස්ථාවකදී බැරලයක මිල ඩොලර් 37ක් දක්වා පහත වැටුණු එක්සත් ජනපද තෙල් මිල වෙළඳ කාලසීමාවක් මගින් නිෂ්පාදනය කරන ලද අතර දැන් එය ධනාත්මක අගයක් කරා ආපසු පැමිණ තිබේ.

“ඊයේ මිල ක්‍රියාකාරිත්වය අනාගත වෙළඳාමේ විචක්ෂණශීලී බවක් හෝ සුවිශේෂත්වයක් ලෙස වටහාගෙන තිබේ” යැයි ෆිදෙල්ටි ඉන්ටර්නැෂනල් හි විශ්ලේෂක ජේම්ස් ට්‍රැෆර්ඩ් (James Trafford of Fidelity International) පැවසීය.

පෙර නොවූ විරූ මිල චලනය ආසන්න කාලීන ඉල්ලුම ඉතා දුර්වල බව ඔහු කියයි.

Covid-19 අගුළු දැමීමේ පියවර හේතුවෙන් ඇති වූ ආර්ථික ක්‍රියාකාරකම් අඩුවීම හේතුවෙන් අධික සැපයුම හා ගෝලීය ඉල්ලුම පහත වැටීම හේතුවෙන් තෙල් මිල තියුනු ලෙස දුර්වල වී ඇත.

“නමුත් එය ව්‍යසනකාරී නැහැ. ඍණාත්මක තෙල් මිල නව සාමාන්‍යයක් ලෙස අප දකින්නේ නැහැ‘ ජේම්ස් ට්‍රැෆර්ඩ් පැවසීය.

කොරෝනා වෛරසය හේතුවෙන් ලොවපුරා රටවල් අගුළු දැමීමේ පියවර හේතුවෙන් ඇති වූ ආර්ථික ක්‍රියාකාරකම් අඩුවීම හේතුවෙන් අධික සැපයුම හා ගෝලීය ඉල්ලුම පහත වැටීම හේතුවෙන් තෙල් මිල තියුණු ලෙස අඩු වී ඇත.

සිදුවුයේ කුමක් ද?

අප වාර්තා කරන තෙල්වල මිල ඇත්ත වශයෙන්ම අනාගත තෙල් මිල වේ. අනාගතය යනු භෞතික භාණ්ඩ පසු දිනකදී ලබා දීම සඳහා වන ගිවිසුම් වේ. ඉතින් අපි තෙල් මිල දෙස බලන විට ඇත්ත වශයෙන්ම අපට පෙනෙන්නේ ඉදිරි මාස සඳහා වෙළඳපල මිලයි.

භාරදීමේ දිනය ළඟා වෙත්ම, මෙම කොන්ත්‍රාත්තු පසු කාලයට පෙරළා දැමිය යුතුය. එක්සත් ජනපද තෙල් සඳහා මිණුම් ලකුණ වන බටහිර ටෙක්සාස් අතරමැදි (ඩබ්ලිව්ටීඅයි) බැරලයක මිල සඳුදා ඉතිහාසයේ ප්‍රථම වතාවට ඍණාත්මක භූමියකට වැටුණි. නමුත් එය සම්බන්ධ වන්නේ කල් ඉකුත්වීමට ආසන්නව තිබූ මැයි කොන්ත්‍රාත්තුවට පමණි.

කොන්ත්රාත්තුව දරණ වෙළෙන්දන්ට ගැනුම්කරුවන් සොයා ගැනීමට නොහැකි විය, මන්ද බෙදා හැරීමේ හැකියාව ඇති කිසිවෙකුට එය අවශ්‍ය නොවන බැවිනි.

“තෙල් ගබඩා කිරීමට තැනක් නැති නිසා ලබන මාසයේ තෙල් බෙදා හැරීමට කිසිවෙකුට අවශ්‍ය නැත. එබැවින් මිල බිංදුවට වඩා පහත වැටුණි” යැයි කිලික් සහ සමාගමේ සහකාර ආයෝජන අධ්‍යක්ෂ රේචල් වින්ටර් (Rachel Winter, associate investment director at Killik & Co) පැහැදිලි කළේය.

ගබඩා ගැටළු

පෙට්‍රල් සහ ජෙට් ඉන්ධන වැනි බොරතෙල් සඳහා වන භෞතික ඉල්ලුමේ බිඳවැටී ඇත.

එක්සත් ජනපදයේ තෙල් මධ්‍යස්ථානයක් වන කුෂින් Cushing හි පසුගිය මාසය තුළ දැනටමත් බැරල් මිලියන 15කට වඩා වැඩි වී ඇති අතර එය ප්‍රථම වතාවට ධාරිතාවයට පත්වනු ඇතැයි අපේක්ෂා කෙරේ.

“කොරෝනා වෛරසය අපගේ ඇස් ඉදිරිපිටම ගෝලීය ආර්ථිකයේ නීති රීති නැවත ලියයි” යනුවෙන් ඊටෝරෝ eToro හි විශ්ලේෂක ඇඩම් වෙටිස් Adam Vettese පැවසීය.

“තෙල් ඉල්ලුම මුලුමනින්ම පාහේ නොපවතින හෙයින්, මෙම විස්මයජනක විකිණීම සම්පූර්ණයෙන්ම පාහේ ගබඩා කිරීම පිළිබඳ බියට පත්ව ඇත.” ඔහු පැවසීය.

එයින් අදහස් කරන්නේ තෙල් මිල තවදුරටත් පහත වැටෙනු ඇති බව ද?

ජේම්ස් ට‍්‍රැෆර්ඩ් අනාවැකි පළ කළේ “තෙල් මිල සහ මෙම අංශයේ අදාළ කොටස් නුදුරු කාලයට වඩා පුළුල් ලෙස දුර්වල වනු ඇත. ඔපෙක් රටවල් විසින් මෑතකදී එකඟ වූ සැපයුම් කප්පාදුව ඕනෑම වේලාවක වෙළඳපල සමතුලිත කිරීමට ප්‍රමාණවත් නොවන බව‘ ඔහු පැවසීය.

ඔපෙක් ලබන මාසය තෙක් බලා සිටිනවාට වඩා වහාම තෙල් නිෂ්පාදනය අඩු කිරීමට බලාපොරොත්තු වන බව විශ්වාස කෙරේ.

” පසුගිය සඳුදා තෙල් මිල ඍණාත්මක ලෙස පහළ යාම අනාගතයේදී කරදර ඇති කරන බවට සලකුණක්” යැයි හෙන්ඩර්සන් රෝව් හි පර්යේෂණ අංශ ප්‍රධානී ආතූර් බලුසින්ස්කි පැවසීය.

“කොවිඩ් -19 අර්බුදය ගෝලීය බලශක්ති ඉල්ලුම විනාශ කරමින් සිටිනවා. සංවර්ධිත රටවල අගුලු දැමීම අවසන් වීමට කාල නියමයක් නොමැති නිසා ඉන්ධන වෙළෙදපොළ අතිරික්ත සැපයුමෙන් පීඩා විඳිනවා” ඔහු පැවසුවේය.

පෙට්‍රල් මිල පහත වැටෙනු ඇත්ද?

පෙට්‍රල් මිල තෙල් තොග මිලට සම්බන්ධ වී ඇති නමුත් එය මෙහෙයවනු ලබන්නේ තරඟකාරිත්වයෙනි. එයින් අදහස් වන්නේ මෝටර් රථ හිමියන් ගෙවන මුදල බොරතෙල් සමඟ කෙලින්ම සම්බන්ධ නොවන බවයි. ඒ වෙනුවට, සැපයුම්කරුවන් තමන් පෙට්‍රල් විකුණන මිල පාලනය කරයි.

මෙම සතියේ තෙල් මිල කැලඹීම 2000 දශකයේ අග භාගයෙන් පසු පළමු වතාවට මිල ඩොලර් එකකට වඩා පහත වැටෙනු දැකිය හැකිද?

“න්‍යායට අනුව, පොම්ප වලදී අඩු තොග පිරිවැය පිළිබිඹු වුවහොත් පෙට්‍රල් මිල ලීටරයකට ඩොලර් 1 ට වඩා පහත වැටෙනු ඇත‘ RAC ඉන්ධන ප්‍රකාශක සයිමන් විලියම්ස් පෙන්වා දුන්නේය.

මෙයින් අදහස් කරන්නේ බොහෝ පුරෝකථනයන් ඔවුන්ගේ මිල තවදුරටත් අඩු කිරීමට මැලිකමක් දක්වන බවයි.

බී.බී.සී වාර්තාවක දළ පරිවර්තනයකි – සැකසුම – තුෂාධවි