පෙබරවාරි 10 වැනිදා පළාත් පාලන මැතිවරණය පවත්වා මසක් ඉක්ම ගොස් තිබුනද සභා පිහිටුවීම නැවත වතාවක් කල් දැමීමට පළාත් පාලන හා පළාත් සභා අමාත්යංශය තීරණය කර ඇත.
මුලින්ම කියා සිටියේ සභා සංස්ථාපනය කිරීම මාර්තු 06 වැනි දින සිදු කර බවයි. ඉන් පසු එය මාර්තු 20 වැනිදා දක්වා කල් දමනු ලැබීය.
එසේ තිබියදී ඊයේ දිනයේ මාධ්ය හමුවක් කැදවමින් ඇමති ෆයිසර් මුස්තාෆා මහතා කියා සිටියේ සභා පිහිටුවීම මාර්තා 22 දා සිදු කරන බවත් කාන්තා නියෝජනය සම්බන්දයෙන් ප්රශ්න ඇති සභා පිහිටුවීම තව දුරටත් කල් යන බවත්ය.
ෆේස්බුක් සමාගම ශ්රී ලංකාවේ ෆේස්බුක් ගිණුම් මගින් මාසිකව උපයන ආදායම රුපියල් කෝටි 50ක් පමණ වන බව අධ්යයනයකින් හෙළිවී තිබේ.
ෆේස්බුක් ගිණුම් හිමියන් වෙත දැන්වීම් ප්රදර්ශනයෙන් සහ ඇතැම් ෆේස්බුක් ගිණුම් හිමියන් ව්යාපාරික හා ප්රචාරණ අරමුණු සඳහා පළ කරන දැන්වීම් මගින් මෙම ආදායම උපයාගන්නා බව අනාවරණ වී ඇත.
මෙරට පුද්ගලයන්ට අයත් ෆේස්බුක් ගිණුම් සංඛ්යාව මිලියන 6.5 ක් වන බව ගණන් බලා තිබේ. ඒ අතරින් දිනපතා ක්රියාකාරී වන ගිණුම් සංඛ්යාව ලක්ෂ 20 ඉක්මවයි.
මෙරට එක් පුද්ගලයෙකුගේ ෆේස්බුක් ගිණුමක් මගින් එම සමාගම උපයා ගන්නා වාර්ෂික දළ ආදායම අමෙරිකානු ඩොලර් 01ක් හෙවත් රුපියල් 150ක් පමණ වන බවද එම අධ්යයනයේදී හෙළි වී තිබේ.
ඉන්දියාවේ එක් ෆේස්බුක් ගිණුමක් මගින් ෆේස්බුක් ආයතනය උපයා ගන්නා ආදායම ඉන්දීය රුපියල් 16ක්. ආසියා ශාන්තිකර කලාපීය එක් ගිණුමකින් ෆේස්බුක් සමාගම උපයා ගන්නා වාර්ෂික ආදායම අමෙරිකානු ඩොලර් 2.9ක් පමණ වන බව හෙළිවී ඇත.
මහනුවර කලහකාරී සිදුවීම සම්බන්ධයෙන් අත්අඩංගුවට ගෙන ඇති සිංහල සැකකරුවන් ප්රමාණයට වඩා බොහෝ අඩු මුස්ලිම් සැකරුවන් පිරිසක් අත්අඩංගුවට ගෙන ඇතැයි වැරදි මතයක් පැතිර යන්නේ යයි පූජ්ය මාවරලේ භද්දිය හිමියෝ අද පුවත්පතට පවසා ඇත.
සිදුවීමට සම්බන්ධ සියළු දෙනා ජාතිය ආගම නොබලා අත්අඩංගුවට ගැනීමට කටයුතු කල යුතු බවද උන් වහන්සේ පෙන්වා දෙති.
ෆේස්බුක් අවභාවිත කරලා බුදුදහමට, රණවරුවනට, ඒකීයභාවයට එරෙහිව ත්රස්තවාදයට උඩ ගෙඩි දෙන සිංහල වගේම අන්ය ජාතිකයන් හැමෝටම ඒරෙහිව දැඩි පියවර ගත යුතු බවද උන් වහන්සේ සදහන් කරති.
තවදුරටත් සීමාවට ලක් කර තිබෙන සමාජ ජාල අඩවි සහ සේවාවන් පිළිබඳ අධ්යයනය කළ ජනාධිපතිතුමා, අද දින (14) මධ්යම රාත්රියේ සිට වට්ස්ඇප් (Whatsapp) සේවාව වෙත දැනට ක්රියාත්මක වාරණය ඉවත් කිරීමට ද උපදෙස් දී තිබෙනවා.
පසුගිය දිනවල, සමාජ මාධ්ය අවභාවිත කරමින් ජාතික සමගියට බාධා වන පරිදි දිවයින පුරා වර්ගවාදය සහ ප්රචණ්ඩත්වය මුදා හැරීම සහ ප්රචණ්ඩ ක්රියා සංවිධානය කිරීම වැළැක්වීමේ පියවරක් ලෙස ඇතැම් සමාජ ජාලා වෙත ප්රවේශ වීමේ හැකියාව තාවකාලිකව සීමා කිරීමට රජය විසින් කටයුතු කරන ලදී.
වර්ගවාදය, ආගම්වාදය හෝ විවිධ අන්තවාදයන් පදනම් කරගත් ප්රචණ්ඩකාරී චර්යාවන් වේගයෙන් පැතිර යාම කෙරෙහි සමාජ මාධ්ය සිදුකරන බලපෑම ජාත්යන්තර වශයෙන් ද තහවුරු වී ඇති තත්ත්වයක් තුළ, ශ්රී ලංකාවේ ජාතික සහ මහජන ආරක්ෂාව තහවුරු කිරීමේ කි්රයාමාර්ගයක් ලෙස තාවකාලිකව පනවන ලද සමාජ ජාල වාරණය හේතුවෙන්, කලහකාරීත්වය සහ ප්රචණ්ඩත්වය සීග්ර ලෙස පැතිර යාම පාලනය කිරීමට හැකිවිය.
දැනට ජපානයේ රාජ්ය සංචාරයක නිරතව සිටින ජනාධිපතිතුමා, රටෙහි ආරක්ෂක තත්ත්වය පරීක්ෂා කිරීමෙන් අනතුරුව, ජනාධිපති ලේකම්වරයා වෙත ලබා දුන් උපදෙස් අනුව, අවශ්ය නියාමන, ආරක්ෂණ සහ ආවේක්ෂණ විධිවිධාන ක්රියාවට නැංවීමෙන් පසු, එතෙක් තාවකාලිකව වාරණයට ලක් කර තිබූ වයිබර් සමාජ ජාලය වෙත ප්රවේශය ඊයේ (13) රාත්රියේ සිට ක්රියාත්මක වන පරිදි යළි ලබා දීමට කටයුතු කෙරිණි.
එහෙත් සමාජ මාධ්ය ජාලා අවභාවිත කරමින් ජාතිවාදය, වර්ගවාදය පතුරුවා හරිමින් ජන ජීවිතය අවුල් කිරීම හා පුද්ගල ප්රතිරූපවලට හානිකිරීම වැළැක්වීම සඳහා වූ නියාමන ක්රමවේදයක අවශ්යතාවය ද ජනාධිපතිතුමා අවධාරණය කරයි. ඒ අනුව, ජනාධිපති ලේකම් ඔස්ටින් ප්රනාන්දු මහතාගේ ප්රධානත්වයෙන්, ෆේස්බුක් සමාගමේ නියෝජිතයින් සමග සාකච්ඡුාවක් හෙට (15) දින ජනාධිපති කාර්යාලයේදී පැවැත්වීමට නියමිතය. එමගින්, හැකි ඉක්මනින් ෆේස්බුුුක් වෙබ් අඩවියට පනවා ඇති තාවකාලික වාරණය ඉවත් කිරීම සඳහා අවශ්ය ආරක්ෂණය සහ ආවේක්ෂණය ක්රියාත්මක කිරීමට රජය කටයුතු කරමින් සිටී.
එසේම, රට තුළ නොසන්සුන්තාවක් යළි ඇති වීමට ඉඩ නොතබමින්, සාමාන්ය ජන ජීවිතය යථා තත්ත්වයට පත් කිරීමට අවශ්ය ක්රියාමාර්ග කඩිනමින් ගන්නා ලෙසත්, මෙවැනි කි්රයාවන්ට වරදකරුවන් වන අයට නීතිය කි්රයාත්මක කරන ලෙසත් ජනාධිපතිතුමා අදාළ අංශවලට උපදෙස් දී තිබෙනවා.
එක්සත් ජාතික පක්ෂ නායකත්වයේ වෙනසක් අපේක්ෂාවෙන් බොහෝ පිරිසක් බලා සිටින බව නියෝජ්ය අමාත්ය පාලිත තෙවරප්පෙරුම මහතා පවසනවා.
කලුතර පැවති වැඩසටහනකින් අනතුරුව මාධ්යට අදහස් දක්වමින් ඔහු මේ බව සඳහන් කළා.
“කට්ටියක් ඉන්නවා රනිල් වික්රමසිංහ මහත්තයාට කැමති කට්ටියක්. කෝට් ඇඳගත්තු. තව කට්ටියක් සරම් ඇඳගත්තු කට්ටියට කැමැත්තෙන් ඉන්නවා. හැමෝම බලාගෙන ඉන්නේ අපේ එක්කෙනා නායකයා කරන්න.
ඉතින් දිලිප් වෙදආරච්චි ඇමතිතුමාට නායකයෙක් ඉන්නේ අපේ සජිත් ප්රේමදාස මැතිතුමා. මම හිතන්නේ එතුමා කියන්නේ සජිත් ප්රේමදාස මැතිතුමා වෙන්න ඇති. අපි කැමති එතුමාට. ඒ එතුමාගේ චිත්රය.
දැන් අකිල විරාජ් මන්ත්රීතුමා ඉන්නවා කුරුණෑගල. අකිලට තියෙන්නේ රනිල් වික්රමසිංහ මහත්තයාගේ චිත්රය. තව එක්කෙනෙකුට අපේ ජෙනරල් ෆොන්සේකාගේ චිත්රය තියෙනවා.
අපේ බණ්ඩාරගමත් ඉන්නවා රටේ නායකයෙක් වෙන්න අපේ අජිත් පෙරේරා මන්ත්රීතුමා. ඒ තව චිත්රයක්.
හැබැයි අපි හැමෝම කැමතියි. රටට ආදරය කරන රටේ සම්පත්වලට ආදරය කරන රටේ සම්පත්වලට ආදරය කරන බොරු කරන්නේ නැති පක්ෂ හදන්නේ නැති.
රටත් හදන ජාතියත් හදන නායකයෙක් බිහි වෙනවානම් එකම පැතුම ඒක තමයි.”
ප්රශ්නය – ඔබතුමා කියන්නේ එක්සත් ජාතික පක්ෂ නායකත්වයේ වෙනසක් වෙන්න ඕනද?
“එක්සත් ජාතික පක්ෂයේ පමණක් නෙමෙයි හැම පක්ෂයකම නායකත්වයේ වෙනසක් සිද්ද වෙන්න ඕන. මේ රටේ 1948 න් පස්සේ මොනවාද දියුණු වෙලා තියෙන්නේ. හොරකම විතරයි දියුණු වෙලා තියෙන්නේ. අපේ රටේ අර ප්රජාතන්ත්රවාදය එකට දාගෙන සංවර්ධනය දෙකට දාගෙන නීතිය තුනට දාගෙන රට අද ඔක්කෝටම කෙළවිලා තියෙන්නේ. රනිල් දිහා බලාගෙන ඉඳලා මෛත්රීපාල දිහා බලාගෙන ඉඳලා රාජපක්ෂ දිහා බලාගෙන ඉඳලා මේ රට දියුණු කරන්න බැහැ. හරි නායකයෙක් මේ රටේ බිහිකරගන්න ඕන.
මහනුවර ප්රදේශයේ ඉකුත් මාර්තු 4 වැනි දා සිට මේ දක්වා සිදු වු සියලූ ප්රචන්ඩ කි්රයාවන්ට මුලිකව කි්රයා කළ බව කියන සිද්ධිය සම්බන්ධයෙන් අත්අඩංගුවට ගෙන රැඳවුම් නියෝග මත සිටින මහසොන් බළකායේ ප්රධානී බව කියන විදානපතිරණයේ අමිත් ජීවන් වීරසිංහ නැමැති සැකකරුට අයත් මහනුවර නත්තරංපොත කුණ්ඩසාලේ පිහිටි කාර්යාලය (13) සෝදිසියට ලක් කළේය.
එහි තිබී ජාතින් අතර අසමගිය, වෛරය ,ප්රචන්ඩත්වය ඇති කිරීම සඳහා බෙදාහැරීමට සුදානමින් තිබු අත්පති්රකා පෝස්ටර්, බැනර් ඇතුලූ භාණ්ඩ රැසක් හා පෙට්ට්රල් බෝම්බ ලෙසට සැකකරන බෝතල් හතක් සොයාගත් බව පොලිස් මාධ්ය ප්රකාශක පොලිස් අධිකාරි රුවන් ගුණසේකර මහතා පැවසීය.
මෙම භාණ්ඩ වලට අමතරව මොවුන් ප්රවෘත්ති සාක්ච්ඡා පැවැත්වීම සඳහා භාවිතා කිරීමට තිබු මහසොන් බළකාය වශයෙන් ලංඡනය සඳහන් මයික්රෝෆෝනයක්, බැංකු පොත් රැසක්, මුදල් ලැබුණු රිසිට්පත්, වාහන බලපත්ර, ජාතීන් අතර අසමගිය, වෛරය ඇති වන ආකාරයේ වැකි සඳහන් අත්පළඳනා, පරිගනක ප්රධාන මෙහෙයුම් පද්ධතිය (සී.පී.යු) ආදි භාණ්ඩ රැසක් තිබු බවද පොලිස් මාධ්ය ප්රකාශකවරයා සඳහන් කළේය.
පොලිස් මාධ්ය ප්රකාශක පොලිස් අධිකාරි රුවන් ගුණසේකර මහතා මේ බව පැවසුවේ පොලිස් මුලස්ථානයේ පැවති මාධ්ය හමුවකදීය.
අත්අඩංගුවට ගෙන ඇති මෙම ප්රධාන සැකකරුගේ ප්රකාශ මත ත්රස්තවාදී විමර්ශන දිසාවේ නිලධාරීන් විසින් මෙම වැටලීම සිදුකර තිබිණි.
මොවුන් සතුව ඇති ජංගම දුරකතන වලට මෙම කාලය තුළ ලැබුණු ඇමතුම් හා තබාගත් ඇමැතුම් සම්බන්ධයෙන් ඇමතුම් ජාලය පිළිබඳ විශේෂ දැනුමක් ඇති නිලධාරීන් යොදවා පරීක්ෂා කරන බවද පොලිස් මාධ්ය ප්රකාශකවරයා කියා සිටියේය.
ප්රධාන සැකකරු ඇතුළු 10 දෙනෙක් ත්රස්තවාදී විමර්ශන දිසාව විසින් අත්අඩංගුවට ගෙන රැඳවුම් නියෝග මත රඳවාගෙන තවදුරටත් ප්රශ්න කරමින් පසු බව බවද පොලිස් මාධ්ය ප්රකාශකවරයා වැඩිදුරටත් පැවසීය.
ජපානයේ රාජ්ය සංචාරයක නිරත ජනාධිපති ගරු මෛතී්රපාල සිරිසේන මැතිතුමා සහ ජපානයේ පිහිටි ශ්රී ලංකා බෞද්ධ විහාරස්ථානවල නායක හිමිවරුන් අතර හමුවක් (13) ටෝකියෝ නුවරදී පැවැත්විණි.
බෞද්ධාගමික ප්රචාරය වෙනුවෙන් ජපානයේ සිට උන්වහන්සේලා ගෙන යන වැඩපිළිවෙළ පිළිබඳව මෙහිදී පළමුව සිය ගෞරවය පුද කළ ජනාධිපතිතුමා, උන්වහන්සේලා හමුවීමට අවස්ථාවක් ලැබීම පිළිබඳව ද සිය සතුට පළ කළේය.
තරුණ පරපුරට අපේ යහපත් සංස්කෘතික වටිනාකම් අවබෝධකර දෙමින් ශ්රී ලාංකික දරු පරපුර යහපත් සහ සදාචාරවත් පරපුරක් ලෙස ගොඩනැගීමේ අවශ්යතාවය පැහැදිළි කළ ජනාධිපතිතුමා එහිදී ආගමික නායකයින්ට සුවිශේෂි කාර්යභාරයක් පැවරෙන බව ද කියා සිටියේය.
පසුගියදා මහනුවර ප්රදේශයේ සිදුවූ සිදුවීම් පිළිබඳව මෙහිදී අදහස් දැක්වූ ජනාධිපතිතුමා ප්රකාශ කළේ, සියලු ජන කොටස් අතර සාමය සහ සහෝදරත්වය ගොඩනැගීමට පුළුල් වැඩකොටසක් ඉටුකරන මෙම අවස්ථාවේ ඉතා සුළු පිරිසක් විසින් ඇතිකළ එම නොසන්සුන්තාවය පිළිබඳ බෙහෙවින් කනගාටු වන බවයි.
Facebook, Viber, WhatsApp ඇතුළු සමාජ මාධ්ය රජය විසින් පසුගියදා තහනම් කිරීමත් සමග ඒවා භාවිත කරන පුද්ගලයින් VPN හරහා සමාජ මාධ්ය වෙත පිවිසීමට පුරුදු වී තිබේ.
මේ පිළිබඳව විදුලි සංදේශ හා ඩිජිටල් යටිතල පහසුකම් අමාත්ය හරීන් ප්රනාන්දු මහතාගෙන් මාධ්යවේදීන් කළ විමසීමකදී අමාත්යවරයා පැවසුවේ VPN භාගත කර ගැනීම තහනම් බව ය.
ඒ අනුව අප මේ පිළිබඳව ආචාර්ය නීතීඥ ප්රතිභා මහානාමහේවා මහතාගෙන් කළ විමසීමකදී ඔහු පැවසුවේ ශ්රී ලංකාවේ පවතින පරිගණක අපරාධ වැළැක්වීමේ පනත යටතේ විකල්ප ක්රම භාවිත කරමින් අන්තර්ජාලයට පිවිසෙන පුද්ගලයින් අත්අඩංගුවට ගත නොහැකි බව ය.
එබැවින් VPN හරහා Facebook ඇතුළු සමාජ මාධ්යට පිවිසි පුද්ගලයින් කිසිසේත් අත්අඩංගුවට ගත නොහැකි බව නීතීඥ ප්රතිභා මහානාමහේවා මහතා වැඩි දුරට ත් සඳහන් කළේය.
ශ්රී ලංකාවේ ෆේස්බුක් සමාජ ජාලා තාවකාලිකව තහනම් කිරිම සම්බන්ධයෙන් ෆේස්බුක් සමාගම කරුණු දක්වා තිබෙනවා. එම සමාගම සහ ශ්රී ලංකා රජයේ පාර්ශ්වය අතර දීර්ඝ සාකච්ඡාවක් පැවති අතර එම සාකච්ඡාවේ දී යම් එකඟතාවයකට පැමිණ ඇති බවයි එම සමාගම පවසන්නේ.
ජනතාව කුපිත කරන සහ වෛරය පතුරුවන තොරතුරු හුවමාරු කිරිම හා ප්රසිද්ධ කිරිම වැළැක්වීම සම්බන්ධයෙන් මෙහිදී අවධානය යොමු කළ බව වාර්තා වනවා.
එම කටයුත්ත සාර්ථක කර ගැනීම සඳහා ශ්රී ලංකා රජයේ සහ රාජ්ය නොවන සංවිධානවල සහාය අත්යව්යශ වන බවයි ෆේස්බුක් සමාගම පවසන්නේ.
එම නිසා ඉදිරියේ දී ශ්රී ලංකා රජයේ මෙන්ම රාජ්ය නොවන සංවිධානවල සහාය ඇතිව ජනතාව කුපිත කරන සහ වෛරය පතුරුවන තොරතුරු හුවමාරු කරන්නන්ට නීතිය ක්රියාත්මක කිරිමට කටයුතු කරන බවයි එම සමාගම පෙන්වා දෙන්නේ.
ශ්රී ලංකාවේ පුරවැසියෙකු විසින් විවෘත කරනු ලබන ෆේස්බුක් ගිණුම් සම්බන්ධයෙන් වැඩි අවදානයක් යොමු කරන අතර ඔවුන් විසින් සිදුකරන සියළුම දත්ත හුවමාරුව මින් ඉදිරියට නිරික්ෂණයට ලක්කරන බවත් ශ්රී ලාංකීක ගිණුම් සම්බන්ධයෙන් දැඩි ප්රතිපත්තියතක් අනුගමනය කිරිමටත් ෆේස්බුක් සමාගම තීරණය කර තිබෙනවා.
ජාතිවාදය මුල්කර ගෙන සිදුකරනු ලබන සියළුම ප්රචාර කටයුතු ඉවත් කිරිමට පියවර ගන්නා අතර එවැනි ගිණුම් සම්පූර්නයෙන් ෆේස්බුක් ජාලයෙන් ඉවත් කිරිමට කටයුතු කරන බවද ෆේස්බුක් සමාගම සඳහන් කර තිබෙනවා.
ෆේස්බුක් ගිණුමක් ආරම්භ කිරිමේ දී ලබාදෙන දුරකථන අංක හිමියා එම ගිණුමට අදාළ සියළු ප්රචාර සහ හුවමාරු සම්බන්ධයෙන් වගකීය යුතු වන බවත් එම සමාගම සඳහන් කර තිබෙනවා.
කිසියම් පුද්ගලයෙකුගේ ඡායා රූපයක් ගිණුමට ලබාදී ඇත්නම් එම ඡායා රූපය හිමි ගිණුමෙන් යම් අකටයුත්තක් සිදුවන්නේ යැයි ෆේස්බුක් සමාගමට සැකයක් ඇති වුවහොත් ඒ සම්බන්ධයෙන් අදාළ ගිණුම වෙත පණිවුඩයක් මගින් දැනුම් දෙන අතර දින 3ක් ඇතුලත අදාළ ගිණුම් හිමියා ප්රතිචාර නොදක්වන්නේ නම් එම ගිණුම ප්රසිද්ධියට පත්කරනු ලැබෙනවා.
ඉන් අනතුරුව දින 7ක් ඇතුලත ගිණුම ෆේස්බුක් ජාලයෙක් ස්ථීරවම ඉවත් කිරිමට පියවර ගන්නා බවයි ෆේස්බුක් සමාගම පෙන්වා දුන්නා.
ව්යාජ ගිණුමක් මගින් යම් පුද්ගලයෙකු අකටයුත්තක නිරත වේ නම් ඔහුගේ දුරකථන අංකය මගින් සහ IP අංකය මගින් අදාළ ගිණුම භාවිත කරන පුද්ගලයා හඳුනාගැනීමේ හැකියාව පවතින බවත් තමන්ට හිමි නොමැති වෙනත් ආයතනයක හෝ පුද්ගලයෙකුගේ දුරකථන අංකයක් භාවිත කරමින් යම් පුද්ගලයෙකු අනවශ්ය කටයුත්තක නිරත වන්නේ නම් අදාළ IP හිමියා එය භාවිත කළ පුද්ගලයා හඳුනා නොගන්නේ නම් එම IP හිමියාට නීතියෙන් කටයුතු කරන බවත් ෆේස්බුක් සමාගම අවධාරණය කර තිබෙනවා.
එම නිසා තමන්ගේ ජංගම දුරකථන අංක පරිහරණය කිරිමේ දී වඩාත් ප්රවේශම් වන ලෙසයි ෆේස්බුක් සමාගම සමස්ථ ෆේස්බුක් හිමියන්ගෙන් ඉල්ලා ඇත්තේ.
සැකකරුවන් විසින් ලබාදුන් තොරතුරු අනුව මෙම සිද්ධියට සම්බන්ධ ප්රධාන සැකකරුගේ මහනුවර කුණ්ඩසාලේ ප්රදේශයේ පිහිටි කාර්යාලයක් පරික්ෂාවට ලක්කර තිබෙනවා.
එහිදී ජාතීන් අතර වෛරය හා ක්රෝධය වපුරන ආකාරයෙන් මුදුණය කළ අත්පත්රිකා සහ පෝස්ටර් තොගයක් හමුවූ බවයි පොලිස් මාධ්ය ප්රකාශක පොලිස් අධිකාරි රුවන් ගුණසේකර කියා සිටියේ.
ඔහු තවදුරටත් කියා සිටියේ මහනුවර සිද්ධිය මුල්කරගෙන පැමිණිලි 423ක් ලැබී ඇති බවයි. සෙසු ප්රදේශවලින් සිද්ධින් 22ක් වාර්තා වී ඇති බව ද ඔහු කියා සිටියා.
පූජනීය ස්ථානවලට අලාභ හානි කිරිමේ සිද්ධින් දිවයින පුරා 24ක් සහ වාහනවල අලාභ කිරිමේ සිද්ධින් 65ක් වාර්තා වී ඇති බවත් ඔහු කියා සිටියා.
ඉකුත් 4වනදා සිට 12වනදා දක්වා කාලය තුළ නිවාස හා වෙළඳසැල් වලට පහරදීමේ සිද්ධීන් 445කට අදාළව පැමිණිලි ලැබී තිබෙනවා. පූජනීය ස්ථාවලට පහරදීමේ සිද්ධීන් 23ක් වාර්තා වී ඇතැයි මෙහිදී ප්රකාශ කෙරුණා. සමස්ථයක් ලෙස අත්අඩංගුවට ගෙන ඇති මුළු සංඛ්යාව 280ක්.
ඒ අතරට අසමගිය හා ප්රචණ්ඩත්වය ඇති කිරීම සඳහා කටයුතු කළ 10 දෙනෙකුද ඇතුළත් බවයි පොලිස් මාධ්ය ප්රකාශකවරයා සඳහන් කළේ.
මහනුවර සහ අම්පාරේ ඇති වූ සිදුවීම්වලින් පසුව ෆේස්බුක් සමාජ ජාලය තාවකාලිකව තහනම් කිරීම ඉදිරි දින කිහිපයේදී ඉවත් කරන බවත්, සමාජ යහපත වෙනුවෙන් වන ප්රවාහයකට ඉඩ දුන්න ද සමාජය විනාශ කරන යම් දෙයක් වේ නම් එය පාලනය කිරීමට යම් ක්රමවේදයක් අවශ්ය බවත් ජනපති මෛත්රී පවසයි.
ජපානයේ රාජ්ය සංචාරයක නිරත ජනාධිපති ගරු මෛතී්රපාල සිරිසේන මැතිතුමා සහ ජපානයේ වෙසෙන ශී්ර ලාංකිකයින් අතර හමුවක් අද (13) පස්වරුවේ ටෝකියෝ නුවර ඉම්පීරියල් හෝටලයේදී පැවැත්වුණු අතර එහිදී ජනාධිපතිතුමා මේ බව සදහන් කළේය.
ජංගම දුරකථන, පරිගණකය, අන්තර් ජාලය, සමාජ මාධ්ය නිර්මාණය වූයේ මානව සමාජයේ යහපත සදහා බවත්, එයින් ලෝකයක දැනුම තමන්ට අත්කර ගත හැකි වුව ද අවාසනාවකට ශී්ර ලංකාවේ ඇතැම් දෙනා මෙම සම්පත් භාවිතා කරන්නේ රට විනාශ කිරීමට බව ද ජනාධිපතිතුමා මෙහිදී පැවසීය.
එබැවින් මෙම සම්පත් නිසි ලෙස භාවිතා කිරීම පිළිබද නව වැඩපිළිවෙළක් ඉදිරි සති කිහිපය තුළ රටට හදුන්වාදීමට අපේක්ෂා කරන බව සදහන් කළ ජනාධිපතිතුමා, ඒ සදහා රජය මෙන්ම සියලූ පුරවැසියන් ද තම වගකීම් ඉටුකිරීමේ අවශ්යතාවය පෙන්වා දුන්නේය.
ජාතික සමගිය නැති කිරීම, ජාතික ආරක්ෂාවට හානි කිරීම, පුද්ගලයන්ට කරන බරපතළ නින්දා කිරීම් වැනි දේ ඉවත් කර යහපත් සහ නිවැරදි දේ පමණක් හුවමාරු කෙරෙන මාධ්ය වැඩි වැඩියෙන් අවශ්ය බව ද ජනාධිපතිතුමා කියා සිටියේය.
පසුගිය දා සමාජමාධ්ය තුලද මහත් ආන්දොලනයකට තුඩු දුන් පුවතක් උනු පෞද්ගලික බස් රථ රියදුරෙකුට පහරදීමේ සිද්ධියකට සම්බන්ධව අත්අඩංගුවට ගත් දකුණු පළාත් සභා මන්ත්රී එම්.කේ. කසුන් සහ ඔහුගේ බිරිඳ ලබන 27 දක්වා යළි රක්ෂිත බන්ධනාගාර ගත කර තිබෙනවා. ඒ ඔවුන් අද(13) කඩුවෙල මහේස්ත්රාත් ප්රසන්න අල්විස් හමුවට ඉදිරිපත් කිරීමෙන් අනතුරුවයි.
බස් රථ රියදුරාට පහර දෙන අවස්ථාවේදී ඔවුන් සතුව තිබූ ගිනි අවියෙහි බලපත්රය ඉකුත් වී ඇති බවට ද හෙළිවී තිබෙනවා. පසුගිය සිකුරාදා බත්තරමුල්ල, කොස්වත්ත ප්රදේශයේදී අදාළ මන්ත්රීවරයා සහ ඔහුගේ බිරිඳ ගිනිඅවියක් ද අතැතිව බස් රථ රියදුරාට පහරදෙන ආකාරය පුද්ගලයෙකු ජංගම දුරකථනයකින් පටිගත කර තිබූ අතර ඔවුන් පසුගිය සෙනසුරාදා අධිකරණයට ඉදිරිපත් කිරීමෙන් අනතුරුව අද(13) දිනය දක්වා රක්ෂිත බන්ධනාගාර ගත කෙරුණා.
පළාත් සභා මන්ත්රී එම්.කේ. කසුන් මීට පෙර 2015 අගෝස්තු මාසයේ දිනයකදී බෙලිඅත්ත, දම්මුල්ල ප්රදේශයේදී දේශපාලන පක්ෂයක ආධාරකරුවන් පිරිසකට ගිනි අවි පෙන්වා බිය වද්දා පහරදීමේ සිද්ධියක් සම්බන්ධයෙන් තංගල්ල මහේස්ත්රාත් අධිකරණයෙන් ඇප පිට නිදහස්ව සිටින අයෙක්.
මේ අතර දකුණු පළාත් සභාවේ එක්සත් ජනතා නිදහස් සන්ධාන මන්ත්රී එම්.කේ කසුන්ට බරපතල හානියක් සිදුව ඇති බවත් ඔහුට බරපතල ආකාරයේ අසාධාරණයක් සිදුව ඇති බවත් දකුණු පළාත් සභාවේ මාසික රැස්විමේදි අද (13) කතා බහට ලක්වුන බවත් සදහන්.
දකුණු පළාත් සභා මන්ත්රි අජිත් රාජපක්ෂ මෙහි දී පැවසුවේ තමාට නීතියෙන් හිමි පිස්තෝලය අතේ තියාගෙන කව් බෝයි වාගේ කටයුතු කරන්න හැකිද යන්නයි.
එජාප දකුණු පළාත් සභා මන්ත්රි තෙන්න කෝන් නිලමේ, “මේ අපට නිල ගිනි අවියක් දී ඇත්තේ ධාතූ මන්දිරයක් ආකාරයට තියා ගන්නද? දෙවි වරුන්ටත් ආරක්ෂාවට පිරිස් ඉන්නවා. දිව්ය ලෝකයේත් සුරයෝ හා අසුරයෝ අතරද ගැටුම් ඇති වෙනවා. මේ අපගේ මන්ත්රි වරප්රසාද කඩ කරන්න එපා ලංකාවේම පළාත් සභාවේ මන්ත්රි වරුන්ට ආරක්ෂාව සපයා දෙන්න”.
බස්නාහිර පළාත් ප්රධාන අමාත්යවරයා ලෙස කටයුතු කළ ප්රසන්න රණතුංග මහතා ඉල්ලා සිටි රුපියල් මිලියන 64 ක මුදලට අදාළ චෙක්පත් ඔහුගේ බිරිඳ ඇතුළු පිරිසට ලබාදුන්නේ කැමැත්තෙන් නෙමෙයි. නමුත් එල්ල වූ බලපෑම් අනුව එම චෙක්පත් ලබාදීමට තමාට සිදුවූයේ යෑයි ශ්රී ලංකා ටෙක්නොලජිස් සමාගමේ විධායක අධ්යක්ෂ ක්රිස්ටියන් ගිහාඩ් මෙන්ඩිස් නමැත්තා ඊයේ (12 දා) කොළඹ මහාධිකරණ විනිසුරු ලලිත් ඒකනායක මහතා ඇසූ පැනයකට පිළිතුරු දෙමින් ප්රකාශ කළේය.
අකමැත්තෙන් එම මුදලට අදාළ චෙක්පත් ලබාදුන්නත් ඒ සම්බන්ධයෙන් පැමිණිලි නොකළේ ප්රබල දේශපාලනඥයකු වන ඔහු වැනි අයකු සමඟ ගැටුම් ඇතිකර ගැනීමෙන් සිය පවුලේ සාමාජිකයන්ට එල්ලවිය හැකි ජීවිත තර්ජන නිසා වන්නේ යෑයි ද සාක්ෂිකරු අධිකරණය ඇසූ පැනයකට පිළිතුරු දෙමින් ප්රකාශ කළේය.
ව්යාපාරිකයකුට බලපෑම් කොට රුපියල් මිලියන 64 ක මුදලක් ලබාගැනීමේ සිද්ධිය සම්බන්ධයෙන් හිටපු ප්රධාන අමාත්ය ගම්පහ දිස්ත්රික් පාර්ලිමේන්තු මන්ත්රී ප්රසන්න රණතුංග ඔහුගේ බිරිඳ මොරින් ස්ටෙලා රණතුංග හා ඇගේ ඥතියකු වන නරේෂ් කුමාර් පායිස් නමැත්තාට එරෙහිව පවරා ඇති නඩුවේ සාක්ෂි විභාගය ඊයේ (12 දා) කොළඹ මහාධිකරණය හමුවේ ආරම්භ කෙරිණි. අධිකරණයේ නියෝගය පරිදි මහාධිකරණ භාෂණ පරිවර්තක ශිවන්ති රුහුණුහේවා මෙනවිය විසින් විත්තිකරුවන්ට එරෙහිව නීතිපතිවරයා විසින් ගොනුකර තිබූ අධි චෝදනා කියවා දුන්නේය.
ඊයේ අධිකරණය හමුවේ පෙනී සිටි විත්තිකරුවන් දෙදෙනා එම අධි චෝදනාවලට නිවැරදිකරුවන් බව ප්රකාශ කළ අතර තුන්වැනි විත්තිකාර නරේෂ් කුමාර් පායිස් වෙනුවෙන් පෙනී සිටි නීතිඥවරයා සිය සේවාදායකයා වෙනුවෙන් නිවැරදිකරු බව ප්රකාශ කළේය. එහිදී නියෝජ්ය සොලිසිටර් ජනරාල් තුසිත් මුදලිගේ මහතාගේ මෙහෙයවීම යටතේ සාක්ෂි ලබාදුන් සාක්ෂිකරු මෙසේ ද ප්රකාශ කළේය.
මගේ සමාගමේ අධ්යක්ෂවරියක් ලෙස මගේ බිරිඳ කටයුතු කරනවා. අධි තාක්ෂණික උපකරණ සැපයීම, බැංකු කටයුතුවලට සී. සී. ටී. වී. සැපයීම කරනවා. මම මෙම ව්යාපාරය 1993 ඔක්තෝබර් මාසයේ ආරම්භ කළා. පිටකෝට්ටේ එහි කාර්යාලය තිබෙනවා. මම පදිංචි මොරටුවේ දැන් මගේ ආයතනය අසලම නිවසක් හදාගෙන මම පදිංචිව සිටිනවා.
මම මෙම නඩුවේ පළමු විත්තිකරු හා දෙවැනි විත්තිකරු හඳුනනවා. මෙම ඉඩම් ගනුදෙනුවට පෙර ගිහාන් සොයිසා යන මිතුරා මගින් මොවුන්ව හඳුනාගත්තා.
නි. සො. ජ. – මොන ආකාරයේ ඉඩම් ගනුදෙනුවක් ගැන ද ඔබ පළමු වැනි විත්තිකරු සමඟ ගනුදෙනු කළේ?
සාක්ෂිකරු – මගේ රියෑදුරු ලෙස කටයුතු කළ අයගේ වුවමනාව මතයි මම මෙම ඉඩම් ගනුදෙනුවට සම්බන්ධ වුණේ. 28/9 මීතොටමුල්ල ප්රදේශයේ පිහිටි අක්කර දෙකයි දශම දෙකක් විශාලයි එම ඉඩම. 2013.09.20 වැනිදා අජිත් පැස්කුවල් යන අයගෙන් එම ඉඩම මම මිලදී ගත්තා. ඔහු මගේ ආයතනයේ වසර 13 රියෑදුරු ලෙස කටයුතු කළා. පැස්කුවල්ගේ වාහනය මගේ ආයතනයේ කටයුතුවලට පාවිච්චි කළා. මම එම ඉඩම ටෝකියෝ සමාගමට 2015 අප්රේල්වල විකුණුවා. එම ඉඩමේ ඔප්පුව මට දැක්කොත් හඳුනාගන්න පුළුවන්. එම සමාගමේ නීතිඥවරුන් තමයි මේ ගැනුම්කර ඔප්පුව ලිව්වේ.
පැස්කුවල්ගෙන් මම එම ඉඩම මිලදී ගත්තේ ඔහුගේ පුතෙක් රෝගීව සිටියා, ඔහුට ඔස්ටේ්රලියාවේ ඉගෙනුම ලබන්න යන්න මුදල් ඕන වුණ නිසයි. ඔහු පදිංචිව සිටියේ නුගේගොඩ.
මම එම ඉඩම මිලදී ගත්තේ අයිතිකරුවන් 21 දෙනෙක් සිටියා. ඔවුන් සමඟ ඔහු ඇතිකර ගත්තු ගිවිසුම අනුවයි. ඒක ඔහුටම අයිති ඉඩමක් නෙමෙයි. ඉඩමට ඇතුළුවන ප්රදේශයේ තවත් පවුල් 23 අනවසරෙන් පදිංචිවෙලා හිටියා. මම ඒක මිලදී ගත්තත් මට ඒකට ඇතුළුවෙන්න බැරිවුණා. අර අනවසර පදිංචිකරුවන් සිටි නිසා. ගිහාන් සොයිසා යන අය පොරොන්දු වී තිබුණා අර අනවසර පදිංචිකරුවන් අයින් කරන්න. හිටපු මහ ඇමැති ප්රසන්න රණතුංග මහතාගේ නිවසේ පැවති සාකච්ඡාවකදී කොල්ලුපිටියේ ඔහුගේ නිල නිවසේ. අජිත් පැස්කුවල් කළ බලපෑම් හා ඉල්ලීම් නිසයි මම එම ඉඩම මිලදී ගත්තේ.
මහ ඇමැතිතුමා සමඟ ගිහාන් සොයිසා ඇතිකරගත් ගිවිසුම අනුව එම ඉඩම මම මිලදී ගත්තා. එම වත්ත මිලදී ගන්න මාස හයකට පමණ පෙර තමයි එම සාකච්ඡාව ඇතිවුණේ.
නි. සො. ජ. – ඔබ එම විත්තිකරුව කලින් දැනගෙන හිටියාද?
සාක්ෂිකරු – නෑ, ස්වාමිනී එම සාකච්ඡාවට මම, අජිත් පැස්කුවල් හා ගිහාන් සොයිසා හිටියා.
නි. සො. ජ – නරේෂ් පාරිස් කියන්නේ කවුද?
සාක්ෂිකරු – මේ නඩුවේ තුන්වැනි විත්තිකරු.
නි. සො. ජ. – ඔබ තුන්වැනි විත්තිකරුව කලින් දැනගෙන හිටියාද?
සාක්ෂිකරු – රේඩාර් උපකරණ වෙනුවට ලේසර් උපකරණ සැපයීමේ කටයුතු නිසයි මම සොයිසාව හඳුනාගත්තේ. ලංකා බැංකුවට, ජාතික ඉතිරි කිරීමේ බැංකුවට මම නව අධි තාක්ෂණ උපකරණ සැපයුවා. නරේෂ් පාරිස් නමැත්තා ප්රසන්න රණතුංග මහතාගේ ළඟම ඥතියෙක් බව පසුව දැනගත්තා.
නි. සො. ජ. – ඔබ පළමුවරට එම ඉඩමේ අනවසර පදිංචිකරුවන් ඉවත් කිරීම ගැන සාකච්ඡා කළේ කවදාද?
සාක්ෂිකරු – ප්රථමයෙන් අජිත් පැස්කුවල් තමයි ඒ ගැන කතා කළේ. ඔහුට පොරොන්දු වුණේ මහ ඇමැති උදව් නොකළ නිසා මට උදව් කරන්න කියලා අජිත් පැස්කුවල් කීවා. ගිහාන් සොයිසා එම අනවසර පදිංචිකරුවන් ඉවත් කරන්න පොරොන්දු වුණ බව ඔහු කීවා.
ඉඩම මිලදීගත්තේ 2013/9/20, 2013/10/30 මට මහ ඇමැති කීවා සමුපකාර ගබඩාව හා කන්ටේනර් පර්යන්තය සඳහා පළාත් සභාවට එම ඉඩම ගන්න ඕන කියලා. අනවසර පදිංචිකරුවන් පදිංචිකරන්න පර්චස් 40 මිලදීගෙන මගේ වියදමින් ගෙවල් 25 හදලා දෙන්න කියලත් ඔහු කීවා.
හිටපු මහ ඇමැතිතුමාට තමයි ඉඩම් ගැන කටයුතු කරන්න බලය තිබ්බේ. මම ඉඩම මිලදී ගන්න පෙර ඔහු අනවසර පදිංචිකරුවන් ඉවත් කළා. එක අනවසර පදිංචිකරුවකුට මම රුපියල් 25,000 බැගින් ගෙව්වා. පාර සුද්ධ කරන්න ගිය විට තමයි මම දැනගත්තේ ඒක වගුරු බිමක් කියලා.
නි. සො. ජ. – පළමුවන විත්තිකරු කිව්ව පරිදි ඔබ එම පර්යන්තය හැදුවද?
සාක්ෂිකරු – වැඩ පටන්ගනිද්දි තමයි මම දැනගත්තෙ ඒක වගුරු බිමක් කියලා. ඒ වනවිට මම මිලියන 19 ක් වැයකර තිබුණ නිසා මට අකමැත්තෙන් හෝ එම වත්ත මිලදී ගන්න සිදුවුණා. වගුරු බිම පුරවන්න ඉඩම් ගොඩ කිරීමේ කාර්යාලයෙන් අවසර ගන්න වුණා. 2014 මට එම අවසර ලැබුණා. හිතුවට වඩා ගැඹුරු නිසා ඒක පුරවන්න වසරක් විතර ගියා. පර්චස් එකක් පිරවීමට රු. 5,000 ගෙවන්න වුණා රජයට. ඉඩම ගොඩකරන්න රු. මිලියන 90 ක් විතර වැයවුණා. ණය අරගෙන තමයි මම එම කටයුතු කළේ. පළාත් සභාවෙන් මට දුන්න ලිපිය එනම් පළාත් සභාවෙන් එම ඉඩම රජය තක්සේරු මුදලට කුලී පදනම මත ඒක ගෙවන්න කිව්වා.
2015 තමයි ඒක පුරවල ඉවර කරන්න පුළුවන් වුණේ. මම මූල්ය වශයෙන් අපහසුතාවට පත් වී තිබුණ නිසා මම එම ඉඩම විකිණීමට තීරණය කළා. ඒ ඉඩම මැද්දෙන් රේල් පාරක් හදන්න පර්චස් 80 වෙන්කළ බව දැනුම් දුන්නා.
ඉඩම පිරවීම ගැන 14/1/16 වැනිදා මට දෙවැනි ලිපිය එව්වා. 14/1/14 නරේෂ් පාරිස් මට කීවා අයියට වාසියක් වෙන පොඩි ගැරන්ට් එකක් ඕන කියා. නරේෂ් පළමුවැනි විත්තිකරුගේ බිරිඳගේa ඥතියෙක් බව මම එහිදී දැනගත්තේ.
ඒක ඉදිරියට කරගෙන යන්න අවබෝධතා ගිවිසුමක් හදමු කීවා.
බන්දුල පෙරේරා කියන නීතිඥ මහතා ඒක හැදුවා. දෙවැනි ලිපිය ඇවිත් 2014/1/14 එම ගිවිසුම අත්සන් කළා. ශිවන්ති වනිගසේකර (2) පාර්ශ්වය. එම අවබෝධතා ගිවිසුම අත්සන් කරලා වසරකට පමණ පසුව මම එම ඉඩම විකුණන්න පියවර ගත්තා.
අවබෝධතා ගිවිසුම අනුව විකිණීමේ බාධාවක් තිබුණේ නෑ. එම ගිවිසුම තිබුණේ වසර පහක කාලයකට පළාත් සභාවට කුලී පදනම මත ලබාදීමටයි. ප්රසන්නගේ මිතුරකු වන ගුණරත්න යන අය ටෝකියෝ සමාගම සමඟ බ්රොaකර් වැඩේ කළා. සිමෙන්ති මිශ්ර කිරීමේ පර්යන්ත හදන්න තමයි ඒක ටෝකියෝ සමාගම ගන්න හැදුවේ. පළමු විත්තිකරු තමයි එම ඉඩම විකුණන්න බ්රොaකර්වරයකු ලෙස ඔහුගේ මිතුරකු යෙදෙව්වේ. පළමු වැනි විත්තිකරුට හා අජිත් පැස්කුවල් යන අයට මම කිව්වා කිසිම ආදායමක් නැති නිසා ඒක විකුණන බව පොරොන්දු පරිදි ඉඩම ගොඩකිරීමට නොහැකි වීම හා ඉඩමේ වටිනාකම පිළිබඳව ඇතිවූ ගැටලු නිසා මම එම ඉඩම විකුණන බව පළමු වැනි විත්තිකාර ප්රසන්න රණතුංග මහතාට කීවා. රුපියල් මිලියන 204.8 කට එම ඉඩම ටෝකියෝ සිමෙන්ති සමාගමට විකුණන්න මම පොරොන්දු වුණා. එල්. ඕ. සී. ආයතනයෙන් හා කොමර්ෂල් ආයතනයෙන් මම ණය ලබාගෙන තිබුණ නිසා ටෝකියෝ සිමෙන්ති ආයතනය ලබාදුන් එම සම්පූර්ණ මුදලම එම සමාගම් දෙක ලබා ගත්තා. තැරැව්කරු ගුණරත්න යන අයට සම්පූර්ණ විකුණුම් මුදලින් සියයට තුනක් ගෙවන්න ඕනෑ. ඉන් සියයට 50 ක මුදලක් මුලින් ගෙව්වා. ඉතුරු සියයට 50 ට චෙක්පත් දුන්නා.
ඉඩම විකුණුම් ගිවිසුම අත්සන් කරන විට නරේෂ් පාරිස් නමැත්තා එහි සිටියා.
නි.සො.ජ. – ඒක විකුණුවේ කොහේදිද?
සාක්ෂිකරු – ටෝකියෝ සිමෙන්ති ආයතනයේදී.
නි.සො.ජ. – ඔබ ඒ ගැන පළමුවැනි විත්තිකරුට දැනුම් දුන්නාද?
සාක්ෂිකරු – මම ටෙලිෙµdaන් එකෙන් කීවේ නෑ. නමුත් නරේෂ් පාරිස් එතන හිටියා ඔහු ඒ ගැන කියලා තියෙනවා.
තුන්වැනි විත්තිකරු වන නරේෂ් පාරිස් එම විකුණුම් ගිවිසුමේ සාක්ෂිකරුවකු ලෙසත් අත්සන් කළා.
නි.සො.ජ. – ඔබ ඉඩම ටෝකියෝ සමාගමට විකුණුවාට පසු 15.4.7 වැනිදා විකුණුවාට පසු තුන්වැනි විත්තිකරු කතා කළාද?
සාක්ෂිකරු – ඔව් ඔහු කීවා මාව හමුවෙන්න ඕනෑ කියලා. මට දුරකථනයෙන් කතා කරලා කීවා ඔහු රට යනවා කීවා. ප්රසන්න රණතුංග හමුවෙන්න කීවා. 10 වැනිදා චෙක්පතක් අරගෙන මහ ඇමැති නිල නිවසේදී පළමු වැනි විත්තිකරුව හමුවන්න කියා නරේෂ් මට කීවා.
නරේෂ් ලංකාවේ නැති දවස්වල මම ප්රසන්න රණතුංග මහතාට දුරකථනයෙන් කතාකර තිබෙනවා. ගුණරත්නගේ ගනුදෙනු අවසන් කරන්න කියා කීවා. නරේෂ් පාරිස්ගේ විදෙස් ගමන් බලපත්ර ගාස්තු ගෙවන්නත් කියලා නරේෂ් මට කීවා. එම චෙක්පත්වලට මගේ බිරිඳත් අත්සන් කරන්න ඕන නිසා 2015.4.10 වැනිදා මගේ බිරිඳත් සමග මම එහි ගියා. හැටන් නැෂනල් බැංකුවේ මරදාන ශාඛාවේ චෙක්පත මම අරගෙන ගියා. මම ගියේ ගුණරත්නගේ කොමිෂන් එක ගෙවන්න. වත්තේ විකුණුම් මිලෙන් සියයට 31 ක් ප්රසන්න රණතුංගගේ බිරිඳගේ නමට චෙක්පත් දෙන්න කීවා. 15.4.10 සවස 2.30 ට විතර අපි ප්රසන්න රණතුංග මුණගැසුණා. කෑම කන මේසෙට එන්න චෙක් ලියන්න කියා මට ප්රසන්න රණතුංග කීවා.
දැන් වත්තේ ගනුදෙනු ඉවරයි. දැන් ගනුදෙනු ඉවර කර ගනිමු කියා ප්රසන්න කීවා. වත්ත විකුණුවාම ඒ අයට මුදලක් ගෙවන්න ඕන කියලා අපි අතර ඇතිකරගත් අවබෝධතා ගිවිසුමේ තිබුණේ නෑ. රුපියල් මිලියන 64 ක් වටිනා චෙක්පත් 11 ක් ඒ අයට දුන්නා. රුපියල් මිලියන 3 ක් නරේෂ් පාරිස්ට මම අතින් දුන්නා.
මේ ගනුදෙනුව කතා කළේ නරේෂ් පාරිස්. එහෙම කරලා තිබුණේ මහ ඇමැතිතුමාගේ උපදෙස් පරිදි.
නි.සො.ජ. – රුපියල් ලක්ෂ 640 ගැන මුලින්ම තමාට කීවේ කවුද?
සාක්ෂිකරු – නරේෂ් පාරිස් මම යන්න පෙර ප්රසන්න රණතුංගට ගනුදෙනු බේරන්න ඕනෑ කීවා. පළමුවැනි විත්තිකාර ප්රසන්න මට කීවා නරේෂ් කියන විදියට කරන්න කියලා ප්රසන්නගේ ආරක්ෂක නිලධාරීන් මගේ පිටුපස සිටියා. මම කීවා මේ වත්ත විකුණපු ආදායමෙන් කොමිෂන් දුන්නා කියා. මම කීවා සල්ලි නෑ පසුව දෙන්නම් කීවා මම කීවා ගිණුමේ සල්ලි නෑ කියලා. ඒකට කමක් නෑ දැන් චෙක්පත් දෙන්න කියලා මට බලපෑම් කළා. නරේෂ් මට කීවා උඹ මගේ අයියා ගැන දන්නවනේ කියලා. ගුණරත්න මට කලින් බලපෑම් කළා.
පළමුවැනි විත්තිකරු මට තර්ජන කර කීවා මට ඒවා අදාළ නෑ. මම කියන විධියට දැන් චෙක් ලියන්න කියලා. බලපෑම් කළ නිසයි මම චෙක්පත් ලිව්වේ. එයා තමුන්ගේ රාජ්ය බලය පාවිච්චි කරලා මට බලපෑම් කළා. එයාගේ ආරක්ෂක නිලධාරීන් එතන හිටියා. මගෙත් මගේ භාර්යාවගෙත් ආරක්ෂාව වෙනුවෙන් මම එම චෙක්පත් ලීවා. එහෙම නොකළා නම් අපේ ජීවිතවලට තර්ජන එල්ල වෙන්න තිබුණා. එතනදිම නරේෂ් රුපියල් මිලියන 3 කුත් ප්රසන්න රණතුංග මිලියන 5 කුත් දුන්නා. එකම චෙක්පතින් එම චෙක්පත් 11 ම ලීවා. රුපියල් මිලියන පහේ චෙක්පත එදාම මාරු කරගෙන තිබුණා. ඒක මුදල් චෙක්පතක්.
පළමු වැනි විත්තිකාර ප්රසන්න රණතුංගගේ උපදෙස් මත තමයි තුන්වැනි විත්තිකාර නරේෂ් කටයුතු කළේ.
අධිකරණය – කොයිම අවස්ථාවකදීවත් පළමු වැනි විත්තිකරු ඔබට කීවාද චෙක්පත අරගෙන එන්න කියලා.
සාක්ෂිකරු – වාහන ගැන ගනුදෙනුවක් තියෙනවා ඒ නිසා ඉඩම් විකිණීමේ ගනුදෙනු අවසන් කරන්න කියලා ප්රසන්න රණතුංග මට දුරකථනයෙන් කතා කරලා ඊට දින දෙකකට පමණ පෙරදී කීවා.
උසාවිය – අවබෝධතා ගිවිසුම ගැන ඔබ කීවා. ඒ ගිවිසුමෙන් ඇතිකර ගත්තේ මොකක්ද?
සාක්ෂිකරු – මගේ ඉඩම කුලී පදනම මත අරගෙන රුපියල් මිලියන 2.5 ක මුදලක් පළාත් සභාවෙන් මාසිකව මට ගෙවනවා ඉන් සියයට 50 ක් මටත් ඉතිරි සියයට 50 පළමු වැනි විත්තිකරු ඇතුළු පිරිසටත් ලැබෙන්න ඕනෑ කියලා තමයි එමගින් එකඟවෙලා තිබුණේ. ඒ ඉඩම විකුණන මුදලින් කිසිම කොටසක් ඒ අයට දෙන්න ඕනෑ කියලා එම ගිවිසුමේ අඩංගු වුණේ නෑ.
උසාවිය – එම අවබෝධතා ගිවිසුම අනුව එම ඉඩමේ යම් යම් කොටස් එහි පාර්ශවකරුවන්ට අයිති බව පෙන්වා දී තිබෙනවා. ඔබ එය පිළිගන්නවාද?
සාක්ෂිකරු – එහෙමයි. මම එදා දුන්න චෙක්පත් අතරින් රුපියල් මිලියන 5 ක චෙක්පත එදාම ප්රසන්න රණතුංගගේ ආරක්ෂක නිලධාරියකු විසින් මාරුකරගෙන තිබුණා.
උසාවිය – ඔබ එම චෙක්පත් දුන්නේ කැමැත්තෙන්ද?
සාක්ෂිකරු – නෑ මම ඒ ගෙවීම් කළේ කැමැත්තෙන් නෙමෙයි එල්ල වූ බලපෑම් නිසයි. මම එදා 2.30 ට විතර බැංකුවට කතා කරලා කීවා එම මුදල ගෙවන්න කියලා.
අධිකරණය – ඔබ එම බලපෑම් ගැන පොලිසියට පැමිණිල්ලක් කළාද?
සාක්ෂිකරු – නෑ, තිබුණ බලපෑම් නිසා පැමිණිලි කරන්න එපා කියලා කට්ටිය කීවා. ඒ අයගේ හැසිරීම් ගැන මම දන්නවා ඒ නිසා පැමිණිලි කරන්න මම ගියෙත් නෑ. එහෙම පැමිණිලි කළා නම් මගේ පවුලේ අයගේ ජීවිත ගැන විශ්වාසයක් තියන්න බැරිවෙනවා. සමහර චෙක්පත් ඉදිරි දින දාලා තමයි මම ලියුවේ. දින කිහිපයකට පසුව මම බැංකුවට දැනුම් දුන්නා ඉතිරි චෙක්පත්වලට මුදල් ගෙවන්න එපා කියලා. ප්රසන්න රණතුංගගේ ආරක්ෂක නිලධාරීන් සමහර දිනවල මගේ කාර්යාලය ඉදිරිපිටට ඇවිත් හිටගෙන සිටියා. පසුව මම නීතිඥවරයකු හමුවී ඒ ගැන කියලා එµa.සී.අයි.ඩී. එකට ඒ ගැන පැමිණිලි කළා.
නි.සො.ජ. – පළමු වැනි විත්තිකරුට ඔබ දුරකථන ඇමතුම් දී තිබෙනවාද?
සාක්ෂිකරු – ඔව්. ඔහුගේ කටහඬ මම අදුරනවා. ඔහු වැනි සමහර ප්රභූන් භාවිත කරන දුරකථන අංක ඇමතුම ලැබෙන්නාට නොපෙනෙන අයුරින් සකසා තිබෙන්නේ. පළමු වැනි විත්තිකරු මට කීවා එයාට මුදල් අවශ්යයි ඒ නිසා අගරු කරපු චෙක්පත්වලට මුදල් දාන්න කියලා. දේශපාලනඥයන් සමග හැප්පෙන්න යන එක සුදුසු නෑ කියලා හිතුන නිසා මම පුළුවන් තරම් උත්සාහ කළේ ඒ ගැන ගොඩින් බේරගන්නයි.
ඔහු ලබාදුන් ඇමතුම අනුව ශ්රාවස්තියට ගියා. මමයි බිරිඳයි එහාට ගියේ. යාළුවෙක් අපි සමග ගියත් ඔහුට එදා ඇතුළට යන්න දුන්නේ නෑ. ටැබ්, පොත් ගෙනියන්න දුන්නේ නෑ. නමුත් භාර්යාවගේ වෝක්මන් එකෙන් එදා කළ කතාබහ පටිගත කළා. සුදුසු මුදලක් ගෙවන්න මම කල්ගත්තා. පසුව මගේ සාමාන්යාධිකාරි මේජර් විමල් මගින් චෙක්පත් 8-9 ඔහුට යෑව්වා.
පළමු වැනි විත්තිකරු විසින් කරන ලද දැනුම්දීම අනුව ඊට පසු දවසක මම යළිත් ඔහුගේ නිල නිවසට ගියා. එවිට ප්රසන්න රණතුංග මට කීවා.
කළු මල්ලි තමයි මීට පස්සේ තමුසෙත් එක්ක ගනුදෙනු කරන්නේ අගරු චෙක්පත් සියල්ලම හරියන්න පොරොන්දු නෝට්ටු ලියන්න කියලා මට පළමු වැනි විත්තිකරු කීවා. කළු මල්ලි කියන කෙනාට ඇමතුමක් අරගෙන මට දුන්නා. එවිට ඔහු මට තර්ජනාත්මකව කතා කළා. මට ඕන වුණේ පළමු වන විත්තිකරු හා ඔහුගේ ආරක්ෂක නිලධාරීන් මගේ බිරිඳ හා දරුවන් ඉදිරියට පැමිණීම වළක්වන්නයි. ඒ නිසා මම ඔහු කිව්ව පරිදි පොරොන්දු නෝට්ටු පහක් හෝ හයක් අත්සන් කළා. සාක්ෂිකරු විධියට මගේ සාමාන්යාධිකාරි විමල් අත්සන් කළා.
වැඩිදුර සාක්ෂි විභාගය ලබන 15 වැනිදා දක්වා කල් තැබිණි.
ඒ. ඡේ. ඒ. අබේනායක
උපුටාගැනීම-divaina.com
තමා පරිභෝජනය සඳහා වෙළෙඳසැලෙන් රැගෙන ආ ලුණු පැකට්ටුවේ මියගොස් වේළුණු ගෙම්බෙක් සිටි බව පොළොන්නරුව බැඳි වැව අායුර්වේද වෛද්යවරයෙකු වන කේ. ජී. රවින්දු කුමාර පවසනවා.
මේ පිළිබඳව ඔහු දැක්වූ අදහස් සහ ඡායාරූප පහතින්…
“මම පසුගිය දවසක ගේ ළඟ කඩෙන් ලුණු ඇතුළුව වෙනත් කෑමට ගන්නා බඩු ගෙදරට ගෙනාවා. අද උදේ ලුණු පැකට් එක කඩලා වෑංජනයට දාන්න හදකොට ලුණු පැකට් එක් ඇතුළේ ලොකු ලුණු කැටයක් තිබුණා. ඒක මම පොඩි කරනනකොට කළු පාට මොකක්දෝ තිබුණා. බලපුවාම ගෙම්බෙක්. මට හිතා ගන්න බැරි වුණා මොකක්ද මේ කියලා. මම දන්න විදියට ගෙම්බෝ විෂ සහිත අය ඉන්නවා. මේ ලුණු පැකට් එක අයිති සමාගම හම්බන්තොට ප්රදේශයේ එකක්. එම සමාගම විසින් රට පුරා මෙම ලුණු බෙදා හැර තිබෙනවා.
කවුරු හරි කියනවා නම් අපි බොරුවක් කියනවා කියලා මේ ගෙම්බා පරීක්ෂා කර බලන්න පුළුවන් ලුණු පැකට් එකේ හිටියාද නැද්ද කියලා. මහජන සෞඛ්ය පරීක්ෂකවරු විසින් පරික්ෂා කිරීමෙන් පසු මිනිස් පරිභෝජනයට සුදුසු බව අනුමත කළ ලුණු පැකට් එකක් තමයි මේ. මේ ලුණු පැකට් එකේ ශ්රී ලංකා ප්රමිති සහතිකය තිබෙන එකයි පුදුම වැඩේ. මම මේ සම්බන්ධයෙන් පාරිභොගික අධිකාරියටත් පැමිණිලි කළා. ජනතාව පරිභෝජනය කරන ආහාර පිළිබඳ සෞඛ්ය අංශ බලධාරීන් දැඩි කි්රයා මාර්ග ගත යුතුයි”
මහනුවර දිස්ත්රික්කයේ ඇතිවූ ජාතිවාදී ගැටුම්වලට සම්බන්ධ බවට චෝදනා එල්ල වී ඇති ඒකාබද්ධ විපක්ෂය නියෝජනය කරන ශ්රී ලංකා නිදහස් පක්ෂ මන්ත්රීන් දෙදෙනාගේ පක්ෂ සාමාජිකත්වය තහනම් කිරිමේ යෝජනාවක් ඉදිරි ශ්රීලනිප මධ්යම කාරක සභාවට ඉදිරිපත් කිරීමට නියමිත බව “දිවයින” පුවත්පත වාර්තා කරයි.
සිංහල, දෙමළ, මුස්ලිම් සියලුම ජාතීන් නියෝජනය කරන ජාතික දේaශපාලන පක්ෂයක් වන ශ්රී ලංකා නිදහස් පක්ෂයට ජාතිවාදී ලේබලය ඇලවීමට කිසිවකුට ඉඩදිය නොහැකි බවද එම පක්ෂයේ ජ්යෙෂ්ඨයින්ගේ ස්ථාවරය වී ඇත.
පොලිස් පරීක්ෂණවලින් එම මන්ත්රීවරුන් දෙදෙනා වැරැදිකරුවන් බව ඔප්පු වුවහොත් ඔවුන්ට දැඩි දඬුවම් ලබාදෙන ලෙස ශ්රී ලංකා නිදහස් පක්ෂ ජ්යෙෂ්ඨ ඇමතිවරුන් පිරිසක් ජනාධිපතිවරයා ගෙන් ඉල්ලීමක් කර තිබේ.
මහනුවර ප්රචණ්ඩ ක්රියාවලට එම දිස්ත්රික්කයේ පාර්ලිමේන්තු මන්ත්රීවරුන් දෙදෙනෙකු සම්බන්ධ බව කැබිනට් ප්රකාශක ඇමති රාජිත සේනාරත්න මහතා අවධාරණය කර සිටියි. ඔහු එබව සඳහන් කලේ පසුගිය බදාදා පැවති කැබිනට් තීරණ දැනුම්දීමේ මාධ්ය හමුවට එක්වෙමිනි.
ජනාධිපතිගෙන් කමිටුවක් :
මෙවැනි චෝදනා සම්බන්ධයෙන් අවධානය යොමුකර ඇති ජනාධිපති මෛත්රීපාල සිරිසේන මහතා, මහනුවර ප්රදේශයේ පැතිර ගිය ආගමික පදනමකින් යුත් ප්රචණ්ඩ ක්රියා සම්බන්ධයෙන් විමර්ශනය කිරීම පිණිස විශ්රාමික විනිශ්චයකාරවරුන් තිදෙනෙකුගෙන් සමන්විත ජනාධිපති පරීක්ෂණ කොමිසමක් පත් කිරීමට තීරණය කර ඇත.
ප්රචණ්ඩ ක්රියාවලට තුඩු දුන්නේ කවර හේතූන් ද, දේපළවලට සිදු වූ හානිය සහ ප්රචණ්ඩ ක්රියා පිටුපස කිසියම් කුමන්ත්රණයක් පවතින්නේ දැයි යන්න මෙන්ම යළිත් වරක් මෙවැනි ගැටුමක් ඇතිවීම වළක්වන්නේ කෙසේ දැයි යන්න ද කොමිෂන් සභාව විසින් විමසා බලනු ඇති බවත් ඒ සම්බන්ධයෙන් ජනාධිපති කාර්යාලය නිකුත් කළ නිවේදනයක සඳහන් වේ.