Category: සුපිරි Politics

ශී‍්‍ර ලංකා නිදහස් පක්ෂයේ සහ එක්සත් ජනතා නිදහස් සන්ධානයේ ආසන සංවිධායකවරුන් අද (15) කොළඹට කැඳවා තිබෙනවා.

එ් ජනාධිපති මෛතී‍්‍රපාල සිරිසේන මහතාගේ ප‍්‍රධානත්වයෙන් කොළඹ ජනාධිපති නිල නිවසේ පැවැත්වෙන සාකච්ඡාවක් සඳහායි. 

මෙවර පළාත් පාලන ආයතන ඡන්ද විමසීමෙන් ජය ලැබූ එක්සත් ජනතා නිදහස් සන්ධාන සහ ශී‍්‍ර ලංකා නිදහස් පක්ෂයේ අපේක්ෂක අපේක්ෂිකාවන්ටද ජනාධිපති මන්දිරයට පැමිණෙන ලෙස දන්වා තිබෙනවා.

පවතින දේශපාලන තත්ත්වය පිළිබඳව මෙහිදී ආසන සංවිධායකින් සමග සාකච්ඡා කිරීමට නියමිතව ඇති බවයි දේශපාලන ආරංචි පැවසුවේ.

බහුතරය පිළිබඳ ගැටලූ පවතින පළාත් පාලන ආයතන පිළිබඳව මෙහිදී ජයග‍්‍රහණය ලැබූ අපේක්ෂක අපේක්ෂිකාවන් සමග සාකච්ඡා කිරීමටද නියමිතව තිබෙනවා.

ජනාධිපතිවරයා විසින් වත්මන් අග‍්‍රාමාත්‍යවරයා ඉවත් කර ඒ සඳහා වෙනත් අයෙකු පත් කළ යුතු බවට යෝජනා ඉදිරිපත් වුවත් ඒ සඳහා නීතිමය හැකියාවක් තිබේදැයි මතවාදයක් පවතිනවා.

සිය අභිමතය පරිදි අග‍්‍රාමාත්‍යවරයා එම ධූරයෙන් ඉවත් කිරිමට ජනාධිපතිරවයාට තිබූ බලය ආණ්ඩුක‍්‍රම ව්‍යවස්ථාවේ 19වන සංශෝධනය මගින් වෙනස් කර ඇතැයි පළවන අදහස් ඊට හේතුවයි.

කෙසේ වෙතත් පවතින තත්ත්වයන් යටතේ අග‍්‍රාමාත්‍යවරයා එම ධූරයෙන් ඉවත් කිරීමට ජනාධීපතිවරයාට නීතිමය බාධාවක් නොමැති බව, අප ඒ පිළිබඳ කළ විමසීමකදී නීතීඥ ශිරාල් ලක්තිලක කියා සිටියා.

“19වන සංශෝධනය යටතේ මේ සඳහා අදාළ වගන්ති වන්නේ 42 (04), 46 (02), 48 සහ 70 කියන වගන්ති. ඒ වගන්ති අනුව බැලූ බැල්මට පේන්නේ ජනාධිපතිවරයාට අගමැතිවරයා ඉවත් කිරීමට හෝ කැබිනට්ටුව වෙනස් කිරීමට වසර හතරහමාරක් යන තෙක් සිදු කළ නොහැකි බව. නමුත් මේ වගන්ති එක්ව ගත් කළ ඒ සඳහා වියතිරේක පවතින බව.. විශේෂයෙන්ම 48 (01) වගන්තිය යටතේ පෙන්නුම් කරනවා. ඒ නිසා කිසිම ව්‍යවස්ථානුකූල සිරවීමක් මේ තුළ නෑ. අවසන් වශයෙන් නීතිය කුමක් වුවත් දේශපාලනය ක්‍රියාත්මක වීම තමයි මෙහිදී වැදගත් වෙන්නේ.”

පාර්ලිමේන්තුවේ බහුතරයකගේ ගෞරවය හා විශ්වාසය දිනා ගත හැකි මන්තී‍්‍රවරයෙකු අග‍්‍රාමාත්‍යධූරයට පත් කර නව ආණ්ඩුවක් පිහිටුවන්නැයි එක්සත් ජනතා නිදහස් සන්ධානය ජනාධිපතිවරයාට යෝජනා කර තිබෙනවා.

ඒ, එහි ප‍්‍රධාන ලේකම් මහින්ද අමරවීරගේ අත්සනින් ජනාධිපතිවරයා වෙත යොමු කර ඇති ලිපියකින්. ඉකුත් පළාත් පාලන මැතිවරණයේදීද සංවාදයට ලක්වූ ප‍්‍රශ්ණගත බැඳුම්කර ගනුදෙනුව වත්මන් අග‍්‍රාමාත්‍ය රනිල් වික‍්‍රමසිංහ මහතා දැනුවත්ව සිදුව ඇති බව මෙම ලිපියෙන් සිහිපත් කර තිබෙනවා. 

පළාත් පාලන මැතිවරණයට තරග කළ දේශපාලන පක්ෂ හා ස්වාධීන කණ්ඩායම්වල නියෝජිතයන් සහ මැතිවරණ කොමිසම අතර සාකච්ඡාවක් ඊයේ (14) පැවැත්වුණා.

පළාත් පාලන ආයතනවලට තේරී පත්වූ සභිකයින්ගේ නම් ගැසට් කිරිම තවදුරටත් පමා වීම සම්බන්ධයෙන් එහිදී අවධානය යොමුව ඇති බවයි නෙත් නිවුස් වෙත වාර්තා වුණේ.

පළාත් පාලන ආයතනවලට ලැයිස්තුවෙන් පත් කළ යුතු සභිකයින්ගේ නම් දේශපාලන පක්ෂ හා ස්වාධින කණ්ඩායම් විසින් තවමත් ලබා දී නොතිබීම මෙම පමාවට එක් හේතුවක් බව මැතිවරණ කොමිසම ප‍්‍රකාශ කර තිබෙනවා.

පළාත් පාලන ආයතනවල කාන්තා නියෝජනය සියයට 25ක් තහවුරු කිරීමද අසීරු වී ඇති  බවයි එහිදී වැඩිදුරටත් සාකච්ඡා වී තිබෙන්නේ.

ඇතැම් පළාත් පාලන ආයතනවල වැඩි සභිකධුර සංඛ්‍යාවක් හිිමිකර ගත් කණ්ඩායම ඔවුන්ට හිමි සියලූ සභිකධූර හිමිකර ගෙන ඇත්තේ කොට්ඨාශ ජය ගැනීමෙන්.

ඔවුන්ට ලැයිස්තුවෙන් මන්තී‍්‍රධූර කිසිවක් හිමිවී නැහැ. ඒ අනුව එවැනි පළාත් පාලන ආයතනවල කාන්තා නියෝජනය සියයට 25ක් තහවුරු කිරීමේදී දෙවැනි සහ තුන්වෙනි වැඩිම සභිකධූර ලාභීනිට වැඩි කැප කිරීමක් සිදු කිරීමට වනු ඇතැයි මැතිවරණ කොමිසම පෙන්වා දී තිබෙනවා. 

එක්සත් ජාතික පක්ෂයේ මුලිකත්වයෙන් ක්‍රියාත්මක යහපාලන ආණ්ඩුව ඉදිරියට ගෙන යෑම හෝ එජාපයේ තනි ආණ්ඩුවක් යටතේ පාලනය ඉදිරියට ගෙන යෑම සඳහා මේ වන විට එක්සත් ජාතික පක්ෂ මන්ත්‍රීවරුන් දැඩි අරගලයක නිරත වේ. මේ මොහොතවන විට එක්සත් ජාතික පක්ෂයේ මහලේකම් කබීර් හසීම් මහතාගේ නිවසේ එජාප මන්ත්‍රීවරුන් සහ ඇමතිවරුන් 40 කට අධික පිරිසක් කරු ජයසුරිය මහතාව අගමැති ලෙස පත්කර මේ ආණ්ඩුව ඉදිරියට ගෙන යන ලෙසට බලකරමින් සාකච්ඡා සිදුකරමින් සිටින බව එම පක්ෂයේ අභ්‍යන්තර ආරංචි මාර්ග වාර්තා කරයි.

වසර ගණනාවක් දහ දුක් විඳ ලබාගත් ආණ්ඩු බලය රනිල් වික්‍රමසිංහ මහතාගේ බලලෝභීත්වය හේතුවෙන් අහිමි වීමට දිය නොහැකි බව ඔවුන් දැඩිව අවධාරණය කරමින් සිටින අතර, මෙම අවස්ථාව ගිලිහී යෑම පක්ෂයේ අවසානය බවත්, අපට තවදුරටත් පාක්ෂිකයින්ට මුහුණ දිය නොහැකි බවත්, එම නිසා වහාම මේ මොහොතේ උපක්‍රමශීලීව ජනාධිපතිවරයාගේ අභිමතයට ඉඩ දී කරු ජයසුරියව අගමැති කොට ආණ්ඩු බලය රැකගත යුතු බව ඔවුන්ගේ දැඩි ඉල්ලීම වී තිබේ.

කෙසේ වෙතත් කබීර් ගේ නිවසේ මෙම පෙරළිය සිදුවෙමින් තිබෙන බව දැනගත් රනිල් වික්‍රමසිංහ මහතා වහාම නියෝජ්‍ය නායක සජිත් ප්‍රේමදාස මහතා හරහා එතැනට තවත් බෝලයක් පාස් කර ඇත. රනිල් මෙලෙස සජිත් අත යවා ඇති පණිවුඩය වන්නේ, කරු ජයසුරියට අගමැතිකම නොව, පක්ෂ සභාපතිකම සහ ප්‍රබල ඇමතිකම් දෙකක් ලබාදීමට තමා එකඟ බවයි. එසේම පක්ෂයේ මහලේකම් තනතුර ඉමිතියාස් බාකීර් මාකර් මහතාටත්, නියෝජ්‍ය නායකත්වය සජිත් ප්‍රේමදාස මහතාටත් වන පරිදි ලබාදීමට තමා කැමති බවයි. මෙය රනිල් විසින් කට්ටි පැනීම උදෙසා ගැසූ තවත් ගැටයක් වන අතර, රනිල්ගේ මෙම කූට යෝජනාව රැගෙන ආ සජිත්ටද එහි රැස්ව සිටි මන්ත්‍රීවරුන් බැන වැදී ඇත.

කෙසේ වෙතත් මෙම 40කට අධික එජාප මන්ත්‍රීවරුන්ගේ ඒකමතික ඉල්ලීම වී ඇත්තේ මේ මොහොතේ උපක්‍රමික ලෙස අප පසුබසින බව පෙන්වා ජනාධිපතිවරයා ඉල්ලන කරු ජයසුරියව අගමැති ලෙස පත්කොට ඔහු ලවා යළි පෙරට වඩා දැවැන්ත ප්‍රහාරයක් ජනාධිපතිවරයා නායකත්වය දරන ශ්‍රී ලංකා නිදහස් පක්ෂයට එල්ල කිරීමට අවස්ථා සකසා ගත යුතු බවයි. වත්මන් නායක රනිල් වික්‍රමසිංහ මහතා යටතේ එවැනි කිසිඳු සංවිධානාත්මක ප්‍රහාරයකට යා නොහැකි බවත් ඔවුන් පෙන්වා දී ඇත. මේ නිසා මේ මොහොතේ ජනාධිපතිවරයාට වඩා එක්සත් ජාතික පක්ෂයට සහ පාක්ෂිකයාට මෙම වෙනස අත්‍යවශ්‍ය බව ඔවුන් දැඩිව කබීර් හසීම්ට අවධාරණය කර ඇති අතර එය තමාද එකහෙලා පිලිගන්නා බව ඔහුද පවසා ඇත.

මේ අතර පස්වරුවේ අමාත්‍ය පාලිත රංගේ බණ්ඩාර මහතා රනිල් වික්‍රමසිංහ මහතා අගමැතිධුරයෙන් සහ පක්ෂ නායකත්වයෙන් ඉල්ලා අස්නොවන්නේ නම් ඔහු යටතේ තවදුරටත් එක්සත් ජාතික පක්ෂයේ කටයුතු කළ නොහැකි බව පවසමින් අද පක්ෂයෙන් ඉල්ලා අස්වූ අතර ඔහුගේ එම ඉල්ලා අස්වීමේ ලිපිය පක්ෂ මහලේකම් කබීර් හසීම් මහතාට භාර දී ඇත. එය ඔහු විසින් භාරගත නොහැකි බව පවසා ඇති අතර එහෙත් අමාත්‍ය රංගේ බණ්ඩාර මහතා පවසා ඇත්තේ තමා පාර්ලිමේන්තුවේ ස්වාධීන මන්ත්‍රීවරයෙකු ලෙස කටයුතු කරන බවයි.

මැතිවරණ 30කින් පරාජය වූ එක්සත් ජාතික පක්ෂ නායක රනිල් වික්‍රමසිංහයන්ට එරෙහිව එජාපය තුලින් නිර්මාණය වූ සටන මේ වනවිටත් ඉතා දැඩිව ක්‍රියාත්මක වෙමින් පවතින මොහොතක පුත්තලම දිස්ත්‍රික්කයේ තනි අලියා ලෙස විරුධාවලිය ලත් පාලිත රංගේ බණ්ඩාර රනිල්ගේ ජාතිය අමතමින් ලිපියක් ලියමින් පාර්ලිමේන්තුවේ ස්වාධීනව කටයුතු කිරීමට තීරණය කර ඇති බව දන්වා ඇතැයි විශ්වාසකටයුතු ආරංචිමාර්ගයකින් අපට වාර්තා වේ.

උපතින්ම අසාර්ථක පුද්ගලයෙකු වන රනිල්ගේ නායකත්වය යටතේ එක්සත් ජාතික පාක්ෂිකය දිනෙන් දින අසරණ වූ අතර වසර ගණනාවකට පසුව බලය ලැබුණු පසු තම රාජකීය මිතුරන්ගේ පාරාදීසයක් බවට එජාපය පත්වීමෙන් එජාප පාක්ෂිකයා කබලෙන් ලිපට වැටි ඇති බවත් ගමේ එජාප පාක්ෂිකය අමතක කල රනිල් වහාම එජාපයේ නායකත්වයෙන් ඉල්ලා අස්විය යුතු බව ඔහු තම ලිපියෙන් සදහන් කර ඇත. බැදුම්කර හොරුන්ගේ පාරාදිසයක් බවට පත්ව ඇති එජාපය හොරුන්ගෙන් මුදාගැනීමේ මෙහෙයුම මේ මොහොතේ ආරම්භ නොකළහොත් එය එජාපය ඉදිරි මැතිවරණ වලදී ලබන දැවැන්ත පරාජයන් වල මුලික හේතුව බවට පත්වනු ඇති බවද රංගේ බණ්ඩාර තම ලිපියෙන් දන්වා ඇත.

තවදුරටත් පක්ෂය වනසමින් සිටින රනිල්ගේ ඒකාධිපතිවාදී නායකත්වයෙන් දිනෙන් දින බැටකන පාක්ෂිකයා වෙනුවෙන් සටන් වැදී තමන් හට එජාපයෙන් හිමිවුයේ කැපිල්ල පමණක් බවත් ඒ නිසා ඇතිවූ කලකිරීම මත තමන් අද දින සිට පාර්ලිමේන්තුවේ ස්වාධින මන්ත්‍රීවරයෙකු ලෙස කටයුතු කිරීමට තීරණය කල බව පාලිත රංගේ බණ්ඩාර සිය ලිපිය මගින් අගමැති රනිල්ට දන්වා ඇත.

පසුගිය පළාත් පාළන මැතිවරණයේදී මහරගම නගර සභාවේ නිල ප්‍රතිඵලය පිළිබඳව බොහෝ දෙනාගේ කතාබහට ලක්වුවා. ප්‍රධාන දේශපාලන පක්ෂ දෙකම පරදවා මෝටර් සයිකලය ලකුණින්  තේරී පත්වූ කණ්ඩායම ජයග්‍රහණය කිරීම ඊ්ට ප්‍රධානතම හේතුවක් බවට පත්වුණා. කෙසේ වෙතත්  එක්සත් ජාතික පක්ෂය සහ ශ්‍රී ලංකා නිදහස් පක්ෂය එක්ව මහරගම බලය හිමිකරගත් ස්වාධීන කණ්ඩායමට  එරෙහිව අධිකරණය හමුවට යෑමට තීරණය කර තිබෙනවා.

නගර සභා සංශෝධන ආඥා පනත අනුව සියලුම අපේක්ෂකයන් අදාළ කොට්ඨාසයේ ස්ථිර පදිංචිකරුවන් බවට තහවුරු කළ යුතු යැයි සඳහන් වගන්තියට පටහැනිව කුරුණෑගල ප්‍රදේශයේ පදිංචිකරුවන් තිදෙනකු එම අපේක්ෂක ලැයිස්තුවට ඇතුළත් කිරීමට එරෙහිව ඔවුන්  මෙම විරෝධතාව ගොනු කිරීමට කටයුතු යොදා ඇති බවයි වාර්තා වන්නේ.

ඔවුන්ට නාමයෝජනා ලබාදීමේදී ජනතා විමුක්ති පෙරමුණ ඉදිරිපත් කළ විරෝධතාවද මැතිවරණ කොමසාරිස්වරයා විසින් නොසලකා හැර ඇතැයිද එම පැමිණිල්ලේ සඳහන් කර ඇති අතර  මෙම අපේක්ෂකයන් තිදෙනා මහරගම නගර සභා සීමාවේ පදිංචිකරුවන් බවට ග්‍රාමසේවා නිලධාරිවරයකු සහ විජේරාම කොට්ඨාසයේ සාමදාන විනිශ්චයකාරවරයකු සහතික කොට තහවුරු කර තිබෙනවා.

මේ පිළිබඳව නාමයෝජනා සඳහා විරෝධතා ඉදිරිපත් කිරීමේදී ජනතා විමුක්ති පෙරමුණ ඉදිරිපත් කළ විරෝධතාවද මැතිවරණ කොමසාරිස්වරයා විසින් නොසලකා හැර ඇති අතර  මෝටර් බයිසිකලය ලකුණින් තේරී පත්වූ අපේක්ෂකයන් එම ධුරයේ කටයුතු කිරීම වළක්වාලීමේ තහනම් නියෝගයක් නිකුත් කරන ලෙස ඉල්ලා සිටීමටද තීරණය කර තිබෙනවා.

ඉදිරි පැය 48 ඇතුළත ජාතික ආණ්ඩුව සම්බන්ධයෙන් තීරණයක් ගන්නා බව ජනාධිපති මෛත‍්‍රීපාල සිරිසේන මහතා අද (14) පැවති කැබිනට් රැස්වීමේදී ප‍්‍රකාශ කළ බව මාධ්‍ය වෙත අදහස් දක්වමින් අමාත්‍ය සුසිල් පේ‍්‍රම්ජයන්ත් පවසනවා.

පළාත් පාලන ආයතන ඡන්ද ප‍්‍රතිඵල නිකුත් වීමෙන් පසු කැබිනට් මණ්ඩලය රැස්වූ පළමු අවස්ථාව මෙයයි.

මෙවර පළාත් පාලන මැතිවරණයේ ප්‍රතිඵලය අනුව දෙහිවල – ගල්කිස්ස මහනගර සභාවේ බලය පිහිටුවීම එක්සත් ජාතික පක්ෂයට හා ශ්‍රී ලංකා පොදු ජන පෙරමුණට අර්බුදයක් වී ඇතැයි වාර්තා වේ.

මැතිවරණ ප්‍රතිඵලය අනුව දෙහිවල ගල්කිස්ස මහ නගර සභාවට තරග කළ එජාපය ඡන්ද 36,085ක් ලබාගත් අතර ඒ අනුව එම පක්ෂයට මන්ත්‍රීවරු 15 දෙනෙකු හිමිවිය.

ශ්‍රී ලංකා පොදු ජන පෙරමුණ ඡන්ද 36,029ක් ලබාගත් අතර එම පක්ෂයට හිමිව ඇති මන්ත්‍රී සංඛ්‍යාව 14 කි.

නව ඡන්ද ක්‍රමය අනුව සමානුපාතික ලයිස්තුවෙන් එජාපයට මන්ත්‍රීවරු 04ක්ද, ශ්‍රී ලංකා පොදු ජන පෙරමුණට මන්ත්‍රීවරු 05ක්ද හිමිව තිබේ.

ඒ අනුව දෙපක්ෂයේම මන්ත්‍රීවරු සංඛ්‍යාව 19 ක් ලෙස සමාන වී ඇත.

මේ නගර සභාවට තරග කර ඡන්ද 10,956ක් ලබාගත් එක්සත් ජනතා නිදහස් සන්ධානයට මන්ත්‍රීධූර 06ක් හිමිව තිබේ.

ඒ අනුව දෙහිවල – ගල්කිස්ස නගර සභාවේ බලය පිහිටුවීමට නම් ශ්‍රී ලංකා පොදු ජන පෙරමුණ එක්සත් ජනතා නිදහස් සන්ධානය සමඟ හෝ එක්සත් ජාතික පක්ෂය එක්සත් ජනතා නිදහස් සන්ධානය සමඟ හෝ ශ්‍රී ලංකා පොදු ජන පෙරමුණ හා එක්සත් ජාතික පක්ෂය සන්ධානගත විය යුතුව තිබේ.

කෙසේවුවද, මේවන විට එක්සත් ජනතා නිදහස් සන්ධානයේ මහලේකම් මහින්ද අමරවීර මහතා දැනට ප්‍රකාශකර ඇත්තේ බලය පිහිටුවීමට කිසිදු පක්ෂයක් සමඟ සන්ධාන ගත නොවන බවයි.

මැතිවරණ ක්‍රමයේ ප්‍රායෝගික ගැටලු !

අදාළ, සිද්ධියත් සමඟ නව මැතිවරණ ක්‍රමයේ ප්‍රායෝගික ගැටලු සම්බන්ධයෙන් ඉඟි පලකර ඇති බව දේශපාලන විචාරකයෝ පෙන්වා දෙති.

ඔවුන් කියා සිටින්නේ දෙහිවල – ගල්කිස්ස මහ නගර සභාවේ පාලන බලය පිහිටුවීමේ බලය මේවන විට ලැබී ඇත්තේ එක්සත් ජනතා නිදහස් සන්ධානයට බවයි.

ඒ අනුව ජයග්‍රාහී පක්ෂයට පාලන බලය පිහිටුවීමේ අවස්ථාව අහිමිවීම කනගාටු දායක බව ඔවුන් කියා සිටිති.

මහරගම නගර සභා සීමාව හදුන්වන්නේ සිංහල බෞද්ධ බහුතරයක් වෙසෙන උගත් බුද්ධිමත් මධ්‍යමපාන්තික ප්‍රදේශයක් ලෙසය.  නමුත් පසුගියදා නිකුත් වූ මැතිවරණ ප්‍රතිපලය සමඟ මහරගම ජනතාව කිසිදා නොදුටු අපේක්ෂකයින් පිරිසකට ජන්දය ලබාදීමට තරම් අදූරදර්ශී වී ඇත්ද යන්න වටහා ගත හැක.

එම මැතිවරනයේදී මැතිවරණයේදී නගර සභා කොට්ටාස විසි පහේම බලය දිනා ගැනීමට සමත් වූයේ මෝටර් සයිකලය ලකුණෙන් තරඟ කල ස්වාධීන කණ්ඩායම් අංක 2 ය.  නාමයෝජනා බාර දෙන මොහොතේදී පොහොට්ටු පක්ෂයේ නාමයෝජනා ප්‍රතික්ෂේප වීම නිසා ඔවුන්ගේ සහාය මෙම ස්වාධීන කණ්ඩායමට හිමි විය. 

මැතිවරණ කාලය පුරා අපේක්ෂකයින්ගේ මුහුණු වෙනුවට පොහොට්ටු පක්ෂයේ නාමයෝජනා ප්‍රතික්ෂේප වූ කල්ලියේ ජායාරූප සමඟ බයිසිකලයේ ලකුණ යොදා මැතිවරන ප්‍රචාරණය කල මෙම කණ්ඩායම මහරගම  ජනතාව රවටා බහුතර බලය දිනා ගැනීමට සමත් වී තිබේ. 

මෙම අපේක්ෂක ලයිස්තුවේ පදිංචි ලිපිනයන්ට අනුව එම අපේක්ෂකයින් අතරින් දෙදෙනෙකු පමණක් මහරගම ප්‍රදේශයේ පදිංචි කරුවන් වන අතර ඒ අතරිනුත් එක් අයෙකු වයස අවුරුදු 80 ඉක්මවු රාජපක්ෂ මොහොට්ටිගේ කරෝලිස් නමැති වයෝවෘධ පුදගල්යෙකි. 

අනෙකුත් අපේක්ෂකයින් අතරින් බහුතරය  දිවුලපිටිය බඩල්ගම ප්‍රදේශයේ පදිංචිකරුවන් වන අතර ඔවුන් අතරින් සමහරක් සිය ජීවිතයේ කවරදාකවත් මහරගම නගරයට පැමිණ නැතැයිද වාර්තා වී තිබේ. 

වරක් කොලඹ මහනගර සභාවේ එජාප නාමයෝජනා ප්‍රතික්ෂේපවීම මත ඔවුන්ගේ සහාය හිමිවූ ස්වාධීන කණ්ඩායමක් ජයග්‍රහණය කර නගර සභාවේ පාලනය දැවැන්ත අර්බුදයකට ලක්වූවා සේම මේ අවස්ථාවේ මහරගම නගර සභාවට අත්වන්නේද එම ඉරණමය. 

මැතිවරන කොමිසමේ සභාපති මහින්ද දේශප්‍රිය වරක පැවසූ පරිදි අපේක්ෂකයින් අදාළ ප්‍රදේශයේ පදිංචි කරුවන් විය යුතු වන අතර මෙම කණ්ඩායම එසේ නොවන බව දැන ජනතා විමුක්ති පෙරමුණ විසින් විරෝධතාවයක් පවා ඒ මොහොතේ ගොණුකර ඇති නමුත් එය නොසලකා හැර ඇතැයි වාර්තා වේ. 

පහත සදහන් ලයිස්තුව අනුව ඔබට සිදුවී ඇති දෙය වටහා ගත හැකි වනු ඇත. 

මැතිවරණ නීතිය අනුව මෙලෙස මහරගම ජනතාවගේ ජන්දයෙන් තේරීපත්වූ ගම්පහ දිස්ත්‍රික්කයේ බඩල්ගම ප්‍රදේශයේ පදිංචි 20 දෙනෙකු වැල්ලවත්ත ප්‍රදේශයේ දෙදෙනෙකු සහ මහරගම දෙදෙනෙකු එක් අංශභාග රෝගියෙකු ලබන මාර්තු මස හය වනදායින් පසු මහරගම නගර සභාවේ නගරාධිපතිවරු සහ බලය හිමි මන්ත්‍රීවරු ලෙස දිවුරුම් දීමට නියමිතය.  ඒ අතුරින් බුලත්විට විකුණන, වඩේ බදින, වීදිකඩ කරන, බස් රථ කොන්දොස්තර සේවයේ නියුතු  දේශපාලනයට පිවිසීමට කිසිදු අදහසක් නොතිබූ පිරිසක්  මෙසේ මහරගම නගර සභාවේ මන්ත්‍රීවරුන් බවට පත්වේ.