Category: සුපිරි Politics

අග්‍රාමාත්‍ය කාර්ය මණ්ඩල නියෝජ්‍ය ප්‍රධානී රෝසි සේනානායක මහත්මිය එළැඹෙන පළාත් පාලන මැතිවරණයේදී කොළඹ මහ නගර සභාවේ එ.ජා.ප. පුරපති අපේක්ෂිකාව ලෙස ඉදිරිපත් කිරීමට එක්සත් ජාතික පක්ෂය තීරණය කර තිබේ.

කාන්තා හා ළමා රාජ්‍ය ඇමැතිනිය ලෙස කලක් කටයුතු කළ රෝසි සේනානායක මහත්මිය මැලේසියාවේ හිටපු ශ්‍රී ලංකා මහ කොමසාරිස්වරිය වන අතර නැඟෙනහිර කොළඹ එ.ජා.ප. ආසන සංවිධායකවරියද වෙයි.

කෙසේවෙතත් මැතිවරණය අවසානයේදී රෝසිට සිදුවන්නේ විපක්ෂ නායක පුටුවට වී සුසුම් හෙලීමට පමණක් බව මේ පිලිබදව විමසු විට අදහස් දක්වමින් ශ්‍රීලනිප ප්‍රබලයෙක් පැවසිය. විශේෂත්වය වන්නේ ඔහුද කොළඹ පුරපති සිහිනය දකින්නෙකු වීමයි..

[rns_reactions]

2018 අය වැය ලේඛනයෙන් අත්‍යවශ්‍ය භාණ්ඩ වර්ග කිහිපයක  මිල ගණන් අඩු කෙරෙනු ඇතැයි දේශපාලන අංශ ආරංචි මාර්ග පවසයි. 

මෙම භාණ්ඩ දැනට රජයේ මිල පාලනයට යටත් කර ඇති භාණ්ඩ වර්ග බවද කියැවෙයි.

මේ හැර සී.සී 1000ට අඩු කාණ්ඩයේ කුඩා වාහන වර්ගවල මිල ඉතා සුළු වශයෙන් අඩුවීමට ඉඩ ඇතැයිද කියවේ.

බොහෝවිට වාහන සඳහා නියම කෙරෙන බදු ඉදිරියේදී කිසියම් මිල සූත්‍රයක් අනුව අය කෙරෙනු ඇතැයි ආණ්ඩුවේ ජ්‍යෙෂ්ඨ අමාත්‍යවරයෙක් දේශයට පැවසීය.

මේ අතර පෙට්‍රල් හා ඩීසල් මිලද සැලකිය යුතු ප්‍රමණයකින් අඩු කිරීමට ඛනිජ තෙල් නීතිගත සංස්ථාවේ අවධානය යොමු වී ඇතැයි වාර්තාවේ.පසුගිය සමය තුළ ඛනිජ තෙල් නීතිගත සංස්ථාව ලැබූ ලාභය මීට හේතුවී තිබේ.

මුදල් අමාත්‍යවරයා නොවැම්බර් මස 9 දා අය-වැය මැතිසබයට ඉදිරිපත් කිරීමට නියමිතය.

[rns_reactions]

ඒකාබද්ධ විපක්ෂයේ ප‍්‍රචාරක ව්‍යාපෘති සමඟ සම්බන්ධ වූ ශ‍්‍රී ලංකා නිදහස් පක්ෂයේ ජ්‍යෙෂ්ඨයන් පිරිසක් යළිත් ජනාධිපතිවරයා සමඟ දේශපාලන කටයුතු කිරීමට එකගතාව පළ කර ඇත. මේ පිරිස ඉදිරි සතියේ දී ජනාධිපතිවරයා මුණගැසීමට අවස්ථාවක් ඉල්ලා ඇති බව ද විශ්වාස කටයුතු ආරංචි මාර්ගයකින් අනාවරණය වේ. ඒකාබද්ධ විපක්ෂය නියෝජනය කරන සුළු පක්ෂ නායකයන් හැර අනෙකුත් කණ්ඩායම් සමඟ ආණ්ඩුවට එකතු වීම සම්බන්ධයෙන් සාකච්ඡා කිහිපයක් පැවැත්වීමට ද මේ පිරිස සූදානම් වේ. ඔවුන්ගේ අරමුණ වී ඇත්තේ කණ්ඩායමක් ලෙස නැවත ශ‍්‍රීලනිපය සමඟ එක්වීම ය. මේ සම්බන්ධයෙන් එක්සත් ජනතා නිදහස් සන්ධානයේ ජ්‍යෙෂ්ඨයකු සමඟ මේ පිරිස සාකච්ඡා කර ඇති අතර, අදාළ ජ්‍යෙෂ්ඨයා විසින් ජනාධිපතිවරයා සමඟ මොවුන්ගේ පණිවුඩය පිළිබදව විශේෂ සාකච්ඡාවක් පවත්වා ඇත. එහි දී අදාළ පිරිස විශේෂයෙන් අවධාරණය කර ඇත්තේ ඉදිරියේ දී පැවැත්වීමට නියමිත පළාත් පාලන මැතිවරණයේ දී ශී‍්‍රලනිප පාක්ෂිකයන් ළගට නොගියහොත් තමන්ගේ අනාගත දේශපාලනයට තිත තැබෙන බවයි.

[rns_reactions]

මේ පවසන්න යන්නේ ඉතාම ගුජුප්සායජනක කථාවකි. කථානායක මෙගා පොලිස් ඇමති චම්පික රණවකය. තවත් ඉත්තෙක් සිටී. එනම් පසුගිය රජය සමයේ නිවාස සංවර්ධන අධිකාරියට රිංගවූ ගෝඨාගේ ගෝලයා බ්‍රිගේඩියර් සමරසිංහයි. වත්මන් රජයේ අඩු ආදායම්ලාභී පවුල් සඳහා නිවාස ලබාදෙන වැඩපිලිවෙල යටතේ කොළඹ දිස්ත්‍රික්කයේ මෝදර සහ මට්ටක්කුලිය ප්‍රදේශයේ ජනතාවට නිවාස 281 ලබාදීම වෙනුවෙන් උත්සවයක් පැවැත්වුනි. මෙය ජනතිවරයා අතින් උත්සවාකාරයෙන් විවෘත විය.

ඉන් අනතුරුව නිවාස ව්‍යාපෘතිය ඉදිකරන ලද භූමියේ සිටි කලින් පදිංචි ජනතාව නොසන්සුන් විය. හේතුව නම් ඔවුනට නිවාස ලබාදෙන පොරොන්දුව පිට ඔවුන්ගේ පැරණි නිවෙස් කඩා දමා අලුතින් නිවෙස් ඉදිකරන තුරු ඔවුනට රජයෙන් කුළී ගෙවා නිවාස ලබාදෙන ලදී. නමුත් ව්‍යාපෘතිය අවසන් විය. නිවාස අහිමි වූ මෝදර මට්ටක්කුලිය වින්දිතයන් හට එම නිවාස ලැබී නැත. නිවාස ලබාදී ඇත්තේ ප්‍රදේශයෙන් පිටස්තර ජනතාවටය. එම නිවාස ලබා දී ඇත්තේද රුපියල් ලක්ෂ 6ක මුදලක් ලබාගැනීමෙන් අනතුරුවය.

නිවාස ව්‍යාපෘතිය වෙනුවෙන් තම ඉඩම් සහ නිවාස ලබාදුන් මෝදර සහ මට්ටක්කුලිය ප්‍රදේශයේ ජනතාවට තාවකාලික පදිංචිය සඳහා රජයෙන් කුලී ගෙවීමද නතර කරන ලද්දේ නිවාස ව්‍යාපෘතිය අවසන්ව ඇති නිසාය. නමුත් ඔවුන්ට නිවාස ලැබී නැත. මෙහි ගුජුප්සායජනක කථාව මෙයයි. අහිංසක අසරණ ජනතාව එලවා දමා මුදල් ඇති අයට නිවාස ලබාදීමට ඇමති චම්පික හා විශ්‍රාමික බ්‍රිගේඩියර් සමරසිංහ කටයුතු කර ඇත. මෝදර මට්ටක්කුලිය ප්‍රදේශයේ නිවාස සහ ඉඩම් අහිමි ජනතාවට නිවාස සඳහා ලක්ෂ 6 බැගින් ලබාදීමට වත්කමක් නැත. ඒ බව දැනගත් චම්පික ඇමතිවරයා සහ නිවාස සංවර්ධන අධිකාරියේ බ්‍රිගේඩියර් සමරසිංහ නැමති ගෝඨාභයගේ චග්ගෝල හිතවතා මුදල් වත්කම් ඇති පිටස්තර අය හට එක් අයෙකුගෙන් රුපියල් ලක්ෂ 6 බැගින් ලබාගෙන නිවාස ලබාදී ඇත. ඉන් ලක්ෂ 5ක් චම්පික ඇමතිවරයාටත් රුපියල් ලක්ෂයක් බ්‍රිගේඩියර් සමරසිංහ හටත් පෞද්ගලික පරිහරණය සඳහා ලබාගෙන ඇත. මෙයින් අසාධාරණයක් සිදුව ඇත්තේ අහිංසක ජනතාව නොවේද ?

මේ පිළිබදව ඊයේ පැවති උත්සවයකදී එජාප කොළඹ දිස්ත්‍රික් නායක රවී කරුණානායක සහ පාඨලී චම්පික අතර උණුසුම් වචන හුවමාරුවක් සිදුවිය. එම වේදිකාවේ එජාප නායක රනිල් වික්‍රමසිංහ මහතාද සිටි අතර, ඒ අවස්ථාවේ රවී විසින් චම්පිකගෙන් විමසා ඇත්තේ ” මේ ගෙවල් දුන්නු විදිය වැරදියි, ඉඩම් නිවාස අහිමි උන මිනිස්සුන්ට නෙමෙයි ගෙවල් දීල තියෙන්නෙ. හොයල බැලුවෙ නැත්ද ගෙවල් දෙනකොට. මෙහෙම කලාම මේ මිනිස්සුන්ට අසාධාරණයක් වෙනවා, අනික ඇයි සල්ලි ගත්තෙ මිනිස්සුන්ගෙන්. ප්‍රොජෙක්ට් එකට රජයෙන් සල්ලි වෙන් කරනවනෙ ” යැයි පවසා ඇත. ඒ බැව් සිය කථාවේදීද රවී කරුණානායක මහතා ජනතාව ඉදිරියේ සඳහන් කොට ඇත. මෙම ගැටලුව පිළිබදව රනිල් වික්‍රමසිංහ මහතාද අදහස් දක්වා ඇති අතර අවසානයේ චම්පික රණවක අගමැතිවරයාටද යන බව නොපවසා ජනතාවගේ හූ හඬ මධ්‍යයේ එතැනින් පලාගොස් ඇත.

[rns_reactions]

අමාත්‍ය රංජන් රාමනායක මහතා දිවුලපිටිය එක්සත් ජාතික පක්ෂ ආසන සංවිධායකදූරයෙන් ඉවත් කර ඇතැයි වාර්තා වනවා.

පසුගිය සමය පුරා එක්සත් ජාතික පක්ෂ නායකත්වය සහ දූෂණ වලට සම්බන්ධ බවට චෝදනා ලැබූ එජාප මන්ත්‍රීවරු පිළිබඳව දැඩි විවේචනාත්මක ස්වරූපයෙන් යුතුව රංජන් රාමනායක මහතා විසින් අදහස් පළකරනු ලැබුවා. යහපාලනය වෙනුවෙන් කැපවූ එකම එජාප අමාත්‍යවරයා ලෙස ජනතාව හැදින්වූයේද රංජන් රාමනායකයි.

මෙම ඉවත්කිරීමත් සමඟ දිවුලපිටිය ආසනය ජග්‍රහණය කිරීමට එජාපයට තිබූ හැකියාව සම්පූණයෙන්ම අහිමි වී යන අතර එහි පූර්ණ බලය පොදුජන පෙරමුණු සංවිධායක ඉන්දික අනුරුද්ධට හිමිවනු ඇත.

අනවසර පස් කැපීම සහ කප්පම් ගැනීම වැනි විශමාචාර හේතුවෙන් පසුගිය සමයේදී ඉන්දික අනුරුද්ධට එරෙහිව රංජන් රාමනායක මහතා ප්‍රදේශයේ ජනතා සහයෝගයද සහිතව විශාල විරෝධයක් ගොඩනැංවීමට සමත්වූ අතර මෙම ඉවත්කිරීම නිසා ඉන්දික අනුරුද්ධ දැඩි ලෙස සතුටට පත්ව ඇති බවටද වාර්තා වනවා.

[rns_reactions]

සදාකාලික නොවූ ලෝකේ සදාකාලික වූ ජනාධිපතිකම් නැත. බල තන්හාවෙන් මුලාවෙලා මිරිගුවක් සොයා යන මහින්ද ලෝකෙට බෞද්ධකම පෙන්නුවට වැඩක් නෑ බුදුදහමේ මුලික සංකල්පයක් වන අතහැරීම කරන්න බැරිනම්. නාරාහේන්පිට හාමුදුරුවනේ මහින්දට අතහැරීම උගන්වන්න යයි කොලොන්නාවේ ප්‍රසන්න සෝලංගආරච්චි ඇහැලියගොඩ නිදහස් පක්ෂ ප්‍රධාන කාර්යාලය ජනසතු කිරීමේ උත්සවයට එක්වෙමින් පැවසිය.

https://www.facebook.com/PrasannaSolanga/videos/861956650631042/

[rns_reactions]

විමල් වීරවංශ මන්ත්‍රීවරයා විසින් රචනා කළ යදමින් බැදි අක්ෂර ග්‍රන්ථය ජනගතකිරීමේ උත්සවය පසුගිය සතියේදී පැවැත්වුණේ හිටපු ජනපති මහින්ද රාජපක්ෂ මහතාගේ ප්‍රධානත්වයෙන්ය. 
එහිදි විමල් මන්ත්‍රීවරයා සිදු කළ ප්‍රකාශයක් දැඩි ආන්දෝලනයකට ලක්වූ අතර ” පාර්ලිමේන්තුවට බෝම්බ ගැසිය යුතු බවට” ප්‍රකාශයක් මන්ත්‍රීවරයා විසින් සිදු කළේ එහිදීය.

මන්ත්‍රීවරයාගේ මේ කතාවෙන් පසුව කථානායක කරු ජයසූරියට දුරකතන ඇමැතුම් රැසක් ලැබෙන්නට විය. ඒකාබද්ධ විපක්ෂය නියෝජනය කරන මන්ත්‍රීවරු කිහිපදෙනෙක්ද දුරකතන ඇමතුම් ලබාදුන් අතර විමල්ගේ ප්‍රකාශය පිළිබදව ඔවුන් සිටියේ කණස්සල්ලෙනි.

“මේ ප්‍රකාශය සුළුවෙන් තකන්න එපා. මේක අපි අනුමත කරන්නෙත් නෑ” ඒකාබද්ධ විපක්ෂය මෙන්ම ජාතික නිදහස් පෙරමුණ නියෝජනය කරන මන්ත්‍රීවරු කිහිපදෙනෙක්ම කතානායකවරයාට කියා තිබුණි.
“මම මේ ගැන පාර්ලිමේන්තුව රැස්වෙන පළමු දිනයේදීම ප්‍රකාශයක් කරනවා” යනුවෙන් එම පිරිසට කතානායකවරයා පිළිතුරු දී තිබුනා.

[rns_reactions]

නිළියකට ලිංගික අපහාස කළ බවට චෝදනා එල්ලව සිටින ඇමෙරිකා එක්‌සත් ජනපදයේ හිටපු ජනාධිපති ජෝර්ඡ් බුෂ් (ජ්‍යෙෂ්ඨ) එම නිළියගෙන් සමාව ඉල්ලා තිබෙනවා.

93 හැවිරිදි හිටපු ජනාධිපතිවරයා ඔහුගේ රෝද පුටුවේ පිටුපසින් අත දමා තමන් “ස්‌පර්ශ කළ” බවට හෙදර් ලින්ඩ් නැමැති නිළියක විසින් හිටපු ජනපතිවරයාට මින් පෙර චෝදනා කර තිබුනා. ඒ ඇයගේ ඉන්ස්ටාග්‍රෑම් ගිණුම හරහා.
එහිදි ඇය විසින් සදහන් කර තිබුනේ හරිකේන් කුණාටුවලින් විපතට පත් වූවන් වෙනුවෙන් පසුගියදා පැවති උත්සවයකදී හිටපු ජනාධිපති බරක්‌ ඔබාමා හිටපු ජනාධිපති ජ්‍යෙෂ්ඨ බුෂ්ගේ අතින් අල්ලා ගෙන සිටින අවස්‌ථාව දුටු විට තමන් කම්පනයට පත් වූ බවයි. 

“මමත් ඒ වගේම ෆොටෝ එකකට පෙනී හිටපු වෙලාවේ එයා මට ලිංගික අතවර කළා. එයා මට අතට අත දුන්නේ නෑ. ඒ වෙනුවට එයාගේ බිරිඳ බාබරාත් ලඟින් ඉන්න අතරේ පිටිපස්‌සෙන් අත දාල මාව ස්‌පර්ශ කළා, එයා මට කැත විහිළු කළා. ඊට පස්‌සේ අපි ෆොටෝ එකක්‌ ගන්න කොට එකපාරටම ආයෙත් මාව ස්‌පර්ශ කළා.” යනුවෙන් හෙදර් සිය ඉන්ස්ටාග්‍රෑම් ගිණුමේ සටහන් කර තිබුනා.

කෙසේ වෙතත් ඇයගේ ඉන්ස්ටාග්‍රෑම් සටහනෙන් පසුව හිටපු ජනපතිවරයා වෙනුවෙන් ඔහුගේ ප්‍රකාශයෙක් සිදුවීම සම්බන්ධයෙන් හෙදර් ගෙන් සමාව ගෙන තිබුනා. එම ප්‍රකාශයා මාධ්‍යයට පවසා තිබුනේ හිටපු ජනාධිපතිවරයා ඒ අවස්‌ථාවේ විහිළුවක්‌ කිරීමට උත්සාහ කළ බවයි.

“ජනාධිපති බුෂ් කිසිදු අවස්‌ථාවක – කුමන තත්වයක්‌ යටතේ වුවත්, කිසිවකුටත් දැනුවත්ව සිත් තැවුලක්‌ ඇති නොකරන” බවත් “විහිළුවක්‌ කිරීමට ඔහු දැරූ උත්සාහය මගින් ලින්ඩ් මහත්මියට සිත් තැවුලක්‌ වූයේ නම් ඔහු අවංකවම සමාව ඉල්ලා සිටින” බවත් හිට්‍රපු ජනපතිවරයාගේ ප්‍රකාශකයා නිකුත් කළ නිවේදනයේ වැඩි දුරටත් දැක්වෙනවා

1989 සිට 1993 දක්‌වා ඇමෙරිකා එක්‌සත් ජනපදයේ ජනාධිපති ධුරය හෙබවූ ජ්‍යෙෂ්ඨ ජෝර්ඡ් බුෂ්, 2001 සිට 2009 දක්‌වා දෙවතාවක්‌ම ජනපති පදවිය දැරූ ජෝර්ඡ් ඩබ්ලිව් බුෂ්ගේ පියාය. මේ වන විට පාකින්සන් රෝගයෙන් පෙළෙන ඔහුට ඇවිදීම අපහසු බැවින් රෝද පුටුවක්‌ භාවිත කරයි. 

[rns_reactions]

ශ්‍රී ලංකා නිදහස් පක්ෂ කණ්ඩායම නියෝජනය කරන තැපැල් නියෝජ්‍ය අමාත්‍ය ඩුලිප් විජේසේකර මහතා එම ධුරයෙන් ඉවත් කළ බව ජනපති ලේකම් කාර්යාලය කියයි. 

මේ සඳහා වන ලිපියට ජනපති මෛත්‍රීපාල සිරිසේන මහතා අත්සන් කර ඇත. ශ්‍රී ලංකා නිදහස් පක්ෂයේ සභාපති මෛත්‍රීපාල සිරිසේන මහතා වෙයි.

[rns_reactions]

හිටපු ආරක්ෂක ලේකම් ගෝඨාභය රාජපක්ෂ මහතාගේ ‘එලිය’ නැමති වැඩසටහනේ ප්‍රධාන මෙහෙයුම් කටයුතුවලට සහභාගි වන හිමි නමක් වන පැපිලියාන සුනේත්‍රාදෙවි පිරිවෙන විහාරවාසී ආචාර්ය මැදගොඩ අභයතිස්ස හිමි පසුගිය සතියේදී මෛත්‍රීපාල සිරිසේන ජනාධිපතිවරයා මුණගැසී පැයකට වැඩි කාලයක් තිස්සේ යෝජිත ව්‍යවස්ථා කමිටු වාර්තාව සම්බන්ධව සාකච්ඡා කිරීමෙන් පසු ජනාධිපතිවරයාට විශ්වාසය පලකර ඇතිබව වාර්තාවේ.

රටට නිදහස ලැබුණු දා සිටම සුළු ජනවර්ග හා මහ ජනවර්ග අතර ගැටුම් අවුලවනුයේ අවස්ථාවාදී දේශපාලනඥයින් බවත්, එසේ ඇවිලවිය හැකි යම් මූල බීජයක් පවතින්නේ නම් එය ඉවත් කොට සියලූ ජාතීන්ට සමගියෙන් ජීවත්විය හැකි පරිසරයක් නිර්මාණය කිරීම තම ඒකායන අරමුණ බවත් ජනාධිපතිතුමා තමා සහ පිරිසට සඳහන් කළ බව ද අභයතිස්ස හිමියෝ සිහිපත් කළහ.

මෑතකදී ජනාධිපතිතුමා මුණගැසී දීර්ඝ වේලාවක් තමන්ගේ අදහස් පළකළ බව සිහිපත් කළ අභයතිස්ස හිමියෝ, ඒ සා දීර්ඝ වේලාවක් ඉතා සන්සුන්ව තමාට සහ තම පිරිසට ඇහුම්කන් දුන් ජනාධිපතිතුමා අවසානයේ ස්ථිරසාර ලෙස සිදුකළ ප්‍රකාශයෙන්, එතුමාට මේ රටත් මහජනතාව සම්භන්ධයෙනුත් ඇති හැඟීම ඉතා ගැඹුරින් තමන් වහන්සේට අවබෝධ කළ බව ද සඳහන් කළේය.

මෙහි තවත් පියවරක් ලෙස උන්වහන්සේ වැඩඩිටින පැපිලියාන සුනේත්‍රාදෙවි විහාරයේ කඨින උත්සවයේ ප්‍රධාන ආරාධිතයා ලෙස (29) පෙරවරුවේ මෛත්‍රීපාල සිරිසේන ජනාධිපතිවරයා සහභාගි වී ඇති අතර මෙම තත්වය දේශපාලන කේෂ්ත්‍රයේ දැඩි කතා බහට ලක්වි ඇත.