ඒ අධිකරණ නියෝග කඩ කරමින් ඉකුත්දා කොල්ලුපිටියේ පැවැත්වූ විරෝධතාවය සම්බන්ධයෙන් පොලිසිය කළ කරුණු වාර්තා කිරීමකට අනුවයි.
ඉකුත් ජුනි මස 21 වැනිදා කොළඹදී පැවැති සයිටම් විරෝධී පාගමනකින් අනතුරුව සෞඛ්ය අමාත්යාංශයට අයුතු ලෙස ඇතුළු වී එහි දේපළවලට හානි කිරීමේ සිද්ධියක් සම්බන්ධයෙන් විභාග වෙන නඩුවකින් ඔවුන් ඇප මත මුදා හැර තිබුණා.
බුදුන් වහන්සේට අපහාස කළේ යැයි සැකපිට අධිකරණය හමුවට ඉදිරිපත් කර සිටින ශ්රී ලංකා තවුහිද් ජමාද් සංවිධානයේ ලේකම් අබ්දුල් රාසික් ඇතුළු සැකකරුවන් 06 දෙනා සම්බන්ධයෙන් ගතයුතු ඉදිරි නීතිමය ක්රියාමාර්ග පිළිබඳව නීතිපතිවරයාගෙන් උපදෙස් විමසා ඇතැයි කොළඹ අපරාධ කොට්ටාසය කොළඹ මහේස්ත්රාත් අධිකරණයට දැන්විය.
එම පැමිණිල්ල කැඳවූ අවස්ථාවේදී පොලිසිය අධිකරණයට දන්වා සිටියේ මෙම සිද්ධියට අදාළ පරීක්ෂණ අවසන් කර වාර්තා නීතිපතිවරයා වෙත ඉදිරිපත් කර ඇති බවත් නීතිපති ගන්නා බවයි.
ඒ අනුව පැමිණිල්ල පෙබරවාරි මස 22 වනදා කැඳවීමට නියම කළ කොළඹ ප්රධාන මහේස්ත්රාත් ලාල් රණසිංහ බණ්ඩාර මහතා එදිනට මෙම කටයුතු වල ප්රගතිය වාර්තා කරන්නයැයි පොලිසියට නියෝග කළා.
මෙම නඩුව කැඳවූ අවස්ථාවේ මොහොමඩ් නියාස් නැමති සැකකරු අධිකරණය හමුවේ පෙනී නොසිටි අතර ඔහු අත්අඩංගුවට ගැනීම සඳහා මහේස්ත්රාත්වරයා වරෙන්තු නිකුත් කළේය.
2014 වසරේ මාලිගාවත්ත ප්රදේශයේ රැස්වීමකදී බුදුන් වහන්සේට අපහාසාත්මක ප්රකාශයක් සිදුකිරීම සම්බන්ධයෙන් තවුහිද් ජමාද් සංවිධානයේ සාමාජිකයින්ට එරෙහිව පොලිසිය මෙම පැමිණිල්ල ඉදිරිපත් කර ඇත.
රජයේ කඩිනම් මුදල් අවශ්යතාවය ප්රශ්නගත බැඳුම්කර නිකුතුවෙන් සපයා ගැනීමට උපදෙස් ලබා නොදුන් බව මලික් සමරවික්රම මහතා සහ කබීර් හෂීම් මහතා යන අමාත්යවරුන් ඊයේ (11) බැඳුම්කර කොමිසම හමුවේ ප්රකාශ කළේය.
ඒ ප්රශ්නගත බැඳුම්කර නිකුතුවට පෙර ශ්රී ලංකා මහ බැංකුවේ පැවති හමුවක් සම්බන්ධයෙන් සාක්ෂි ලබා දෙමිනි.
සාක්ෂි කූඩුවට නැගී මලික් සමරවික්රම අමාත්යවරයා පැවසුවේ 2015 පෙබරවාරි මස 26 වැනිදා මහ බැංකුවේ පැවති හමුවකට අග්රාමාත්යවරයාගේ ජේෂ්ඨ උපදේශකයෙකු ලෙස තමන් සහභාගී වූ බවයි.
මාර්ග සංවර්ධන ව්යාපෘති යලි ක්රියාවට නැංවීමට අවශ්ය රුපියල් බිලියන 15ක් සපයා ගැනීම පිළිබඳව මහ බැංකුව සමඟ සාකච්ජා කරන ලෙසට අග්රාමාත්යවරයා උපදෙස් දුන් බව අමාත්යවරයා සඳහන් කළහ.
ඔහු පැවසුවේ එම අරමුණෙන් එවක මහ බැංකු අධිපති අර්ජුන් මහේන්ද්රන් හා හිටපු මුදල් අමාත්ය රවී කරුණානායක යන අය සමඟ පැවති හමුවේදී බැඳුම්කර වෙන්දේසියෙන් අදාළ මුදල් සපයා ගැනීම පිළිබඳ සහතික ලෙසම සාකච්ජා නොකළ බවයි.
එද්චිනට පසු ප්රශ්නගත බැඳුම්කර වෙන්දේසිය පැවැත්වුණු අතර මෙම හමුවෙන් පසුව දුරකථනයෙන් හෝ හිටපු මහ බැංකු අධිපතිවරයා ඇමතුවේ දැයි මෙහිදී අමාත්යවරයාගෙන් ප්රශ්න කරන ලදී.
ඔහුගේ පිළිතුර වුයේ එවන් මතකයක් නොමැති බවයි.
මිනිත්තු 10කට පමණ සිමා වූ මලික් සමරවික්රම අම්ත්යවරයාගේ සාක්ෂියේදී සියලු ප්රශ්න කොමිසමේ විනිසුරුවන් විසින් විමසීමද විශේෂත්වයකි.
ඉන් අනතුරුව සාක්ෂි ලබා දුන් කබීර් හෂීම් අමාත්යවරයා පැවසුවේ එවක මහාමාර්ග අමාත්යවරයා ලෙස තමන්ද අදාළ සාකච්ජාවට සහභාගී වූ බවයි.
ප්රශ්නගත බැඳුම්කර නිකුතුවෙන් රජයේ කඩිනම් මුදල් අවශ්යතාව සපයා ගැනීම සම්බන්ධයෙන් එම සාකච්ජාවේදී තීරණයක් නොගත් බව පිළිබඳව අමාත්යවරයා ප්රශ්න කළහ.
ඊට අමතරව එක්සත් ජාතික පක්ෂයේ සභාපති හා මහ ලේකම් ලෙස කටයුතු කරන අමාත්යවරුන් දෙදෙනාම ප්රකාශ කර ඇත්තේ 2015 හා 2016 වර්ෂවලදී අර්ජුන් අලෝසියස්ගෙන් ඔහුගේ සමාගමකින් හෝ ඔහුගේ පවුලේ ඥාතීන් කිසිවෙකුගෙන් සිය පක්ෂයට අරමුදල් නොලැබුණු බවයි.
අර්ජුන් අලෝසියගේ පෞද්ගලික ලේකම් ස්ටීව් සැමුවෙල් ඊයේ කොමිසම හමුවට කැඳවා තිබුණද ඔහුගේ නීතිඥවරයා ප්රකාශ කළේ හදිසියේ පපුවේ ඇති වූ වේදනාවක් හේතුවෙන් සිය සේවාදායකයා ඊයේ පෙරවරුවේ පෞද්ගලික රෝහලකට ඇතුළත් කළ බවයි.
ඒ.එම් සහ ආර්.කේ යනුවෙන් පර්පචුවෙල් ට්රෙෂරිස් සමාගම පවත්වාගෙන ගිය ලිපි ගොනු ලබා ගැනීමට ඔහු කැඳවූ බව කොමිසම ප්රකාශ කළේය.
එම නිසා අදාළ ලිපි ගොනු ඊයේ භාරදෙන ලෙස කොමිසම නියෝග කළ අතර එවන් ලිපි ගොනුවක් සිය සේවාදායකයා සතුව නොමැති බවට ඔහුගේ නීතිඥවරයා ප්රකාශ කළ අවස්ථාවේදී කොමිසම පැවසුවේ ඒ.එම් සහ ආර්.කේ යනු කවුරුන්දැයි දැන ගැනීමට තමන්ට අවශ්ය බවය.
අර්ජුන් ඇලෝසියස් සහ ඔහුගේ පියවන ජෙෆ්රි ඇලෝසියස් යන අය සොයාගත නොහැකි නිසා එම ලිපිගොනු ලබා දෙන ලෙස ඔවුන්ටද දැන්විය නොහැකි බව කොමිසම සඳහන් කළේය.
කොමිසම හමුවේ සාක්ෂි ලබා දීමෙන් අනතුරුව එක්සත් ජාතික පක්ෂ මහ ලේකම් අමාත්ය කබීර් හෂීම් මහතා මාධ්ය වෙත අදහස් පල කරමින් මෙසේ පැවසීය.
“මට හරි පුදුමයි.සමහර හිටපු ඇමතිවරු චෝදනා කරලා තිබුණා ඊයේ මලික් සමරවික්රම ඇමැතිතුමයි මමයි ජනාධිපතිතුමා ළඟට ගිහිල්ලා වැදලා මේක කල් දාන්න කියලා ඉල්ලීමක් කරයි කියලා.මම කියන්නේ ජනාධිපති කාර්යාලයට ගිහිල්ල පොත බැලුවානම් ඇතුළත් වෙන පිටත්වෙන වෙලාවල් ලියනවා ඇතිනේ.මම ඊයේ කැබිනට් රැස්වීමට ගියේ පැය භාගයක් පරක්කු වෙලා.ඒ නිසා මේ සමහර අය එයාලා තීන්දුව දෙනවා අපි අපේ ප්රකාශයන් කරන්න ඉස්සෙල්ලා ඒක වැරදියි.අද කොමිෂන් සභාවට එන්න කිව්වා.අපි බොහොම සතුටෙන් ආවේ.පරීක්ෂණයක් කරනවා නම් ඒ පරීක්ෂණයට අපේ සහයෝගය ලබා දීම අපේ යුතුකමක්.”
ඔවයිස් මොහමඩ් ඉමිතියාස් 2006 -2009 දක්වා කොළඹ නගරසභාවේ නගරාධිපතිවරයා විය.එජාප ලැයිස්තුව ඉදිරිපත් කිරීමේදී සිදුවූ අත් වැරැද්දක් නිසා කොළඹ දිස්ත්රික්කය සඳහා ඉදිරිපත් වූ එජාප ලැයිස්තුව ප්රතික්ෂේප විය.මේ හේතුවෙන් ඇස්කණ්නාඩිය යටතේ තරඟ කල ස්වාධීන පක්ෂයකට ඔවුන් සහය පළ කලේය.
එවකට සිටි ප්රතාපවත් දැවැන්ත චරිත පරාජය කල ඔහු එක්සත් ජනතා නිදහස් සන්ධානයෙන් තරඟ වැදි වාසුදේව නානායක්කාර පවා පරාජයට පත් කලේය.
ඔවයිස් මොහොමඩ් උපත ලැබුවේ මට්ටක්කුලිය කදිරානවත්ත ප්රදේශයේ දිළිඳු පවුලකයි.ඔහුගේ පියා කොළඹ නගරසභාවේ දැනටද කම්කරුවෙක් ලෙස සේවය කරයි. ඉහළ අධ්යාපනයක් ලැබීමට නොහැකි වූ ඔවයිස් ඉමිතියාස් ගේ රැකියාව වූයේ මට්ටක්කුලිය කාකදූපත අසල ත්රීරෝද රථයක් පැදවීමයි.
ඔහු නගරාධිපති වූ පසුවද කොළඹ සිටිනා ධන කුවේරයන් ,මිලියන පතින් සමඟ නොව සාමාන්ය ජනතාව සමඟ සිටි නායකයෙකි.ඔහු නගාරාධිපති වූ පසු ඔහුගේ පියාව වෙනත් උසස් තනතුරකට පත් නොකරන්නේ බලය නොමැති විටක මේ තනතුරු නම්බුනාම කිසිත් නොලැබෙන නිසාය.
තමා නගරාධිපති ධුරයේ සිටින විට අයතා ලෙස මිල මුදල් හම්බ නොකළ ඔහු නගරාධිපති ධූරය සතු අසීමිත බලතල පාවිච්චි නොකල අයෙකු වූ නිසා නගරාධිපති ධුරය අහිමිවූ විටද නැවත ඔහුගේ රැකියාව බවට පත්වූයේ ත්රීරෝද රථ වෘත්තියයි.ඔහුට ජීවත් වන්නේ කුලී ගෙයක බව තව දුරටත් වාර්තා වේ.
සමහර දේශපාලකයන් කෝටි ප්රකෝටි මුදල් හම්බ කරමින් සුරසැප විඳිනා විට මෙවන් මිනිසුන් සිටීම අප සියලු දෙනා අගය කල යුතුය.ඔවයිස් මොහොමඩ් ඉමිතියාස් 2016 වර්ෂයේ කොළඹ නගරසභාවේ පැවැත්වූ උත්සවයකට පැමිණීමට අවශ්ය ඇඳුම් මිලදී ගන්නේ තමාගේ බිරිඳගේ කරාබු උකස් කරමිනි.මේ වනවිට ඔහු පත්ව ඇති තත්වය ඉතා කේදනීය වේ.හරි ආකාර රැකියාවක් නොමැතිව ජීවත් වීමට ගෙයක් නොමැතිව කුලී නිවසක ජීවත් වෙමින් 2006-2009 කොළඹ නගරාධිපති ප්රදර්ශනය කරන්නේ ඔහු රටට ඉතිරි කල මුදලයි.ඔහු මහජන මුදල් ගසා කෑ වානම් අද ඔහු ට මෙවන් ඉරණමක් අත් නොවනු ඇත.බලය පසුපස හති වැටී පිස්සු බල්ලන් මෙන් දුවනා දේශපාලකයන්ට ඔවයිස් මොහොමඩ් පූර්වාදර්ශයකි.හොරුන් ඩීල් කරුවන් නොව මෙවන් ජනතා හිතවාදී නායකයන් ශ්රී ලංකාවට අවශ්ය කාලය උදාවී ඇත.
දෙවැනි ඉනිමට දෙවැනි පාරත් ජනප්රිය ටෙලි නාට්ය සම්මානය හිමි වුණා. මොකද හිතෙන්නේ?
ඒක එහෙම වෙන බව දැනගෙන හිටියා. සතුටු වෙන්නත් බලාගෙන හිටියා. නමුත් සම්මානය ලැබෙන්න කලින්ම ඒ සතුට වතුරේ ගියා වගේ දැනුණා. සම්මාන උළෙල පැවැත්වුණේ 20 වැනිදා. මම ඒ අදහස අතෑරියා 14 වැනිදා වෙද්දී.
ඒ මොකද?
එස්.එම්.එස්. මත විමසුම කැලේ දුවනවා කියලා හොඳටම දැනුණා. මිනිස්සු වැඩිපුර බලන්නෙ නැති ටෙලි නාට්යයක් හිටපු ගමන් යම් කතා බහක් තියෙන ටෙලි නාට්ය ගණනාවක් පසු කරගෙන එක දවසින් මනාප 20,000ක් අරන් අංක එක වුණා.
අනික් කාරණය ජනප්රියම නළුවාට හිමි සම්මානයට සාමාන්ය ජන විඥානය හැසිරෙන විදිහ අපිට තේරෙනවනේ. දැනෙනවනේ. පාරේ ගියත්, බස් එකේ ගියත් කඩපිළට ගියත් හැමෝම කතා කරපු නළුවා තුන්වැනි තැනට වැටිලා තිබුණා. ඒ ගැන සම්මාන උළෙලේ ෆේස්බුක් පිටුව තුළම මිනිස්සු සියයට අනූඅටක් පමණ ෙදාස් කියල තිබුණා. ඒක තමයි ජනමතය හැසිරුණ විදිහ. ඉතින් මට සම්මාන උළෙල ගැන විශ්වාසය සම්පූර්ණයෙන්ම බිඳුණා.
රවීන් කනිෂ්කට සම්මානයක් නොලැබුණු එක ගැන එදිරි ඉන්නේ කලකිරීමෙන් වගේ?
ඔව් ඉතින්. රවීන් කනිෂ්ක නෙමෙයි වෙන නළුවෙක් එතැන හිටියත් ඒ කලකිරීම එනවා. දක්ෂයාට නිසි ඇගයීම නොලැබුණාම, සුදුස්සාට සුදුසු දේ නොලැබුණාම කලකිරෙන්නෙ නැද්ද. ඉතින් මේ ලංකාවේ සිස්ටම් එක දැන් දුවන විදිහනේ. ඒ නිසා ඒවට ලොකුවට බලපෑම් කරන්න තරම් බලයක් කලාකරුවන් වන අපිට නෑ කියන එකයි මගේ මතය. මේ සිස්ටම් එකට අභියෝග කරනවා නම් කළ යුත්තේ දීර්ඝ කාලීන සැලසුම් මඟින්.
එදිරි සුමති සම්මාන උළෙල වර්ජනය කළේ ඔය නිසාද?
ඔව්. එක අංකයකින් ඕන තරම් එස්.එම්.එස්. ගහන්න පුළුවන් සම්මාන උළෙලවල් වර්ජනය කරනවා කියලා මම හිතුවා. මං හිතන්නෙ වසරේ ජනප්රියම ටෙලි නාට්යයේ පිටපත් රචකයාව සම්මාන උළෙලට ගෙන්වා ගන්න ඔවුන් අපොහොසත් වුණා. ඒක ඊටත් එහා යයි කියලා මම හිතුවේ. නමුත් හැමෝම මං වගේ නෑ. ඒ වගේම තමයි හැමෝම මං වගේ විය යුතුත් නෑ. ඒක මගේ තීරණය. මං ඒ තීරණ ලෝබ කමක් නැතිව ගත්තා. මිනිස්සු කල්පනා කරන්න ඕන එක දෙයයි. තමන්ගේ නමට දෙන සම්මානයක් මිනිහෙක් ඇයි එපා කියන්නෙ කියලා. ඒකට ලොකු හේතුවක් තියෙනවා. ඒ හේතුව ගැන කල්පනා කරන්න කියලයි මං කියන්නෙ.
නමුත් දෙවැනි ඉනිමේ කණ්ඩායම ඒ සම්මානනීය අවස්ථාවට සහභාගි වුණා. ඔබට කණ්ඩායමෙන් බලපෑමක් නැද්ද මේ වර්ජනය ගැන?
මට කිසි කෙනෙක් බලපෑම් කළේ නෑ. මම කිසිවෙක්ට බලපෑම් කරන්නෙත් නෑ. කෙනෙක්ගේ තීරණයකට බලපෑම් කරන්න තව කෙනෙක්ට බෑ. මම හැම කෙනකුගේම තීරණවලට ගරු කරනවා. හැබැයි එකඟතා ගැන යම් යම් නොගැළපීම් තියෙනවා. ඒවා එහෙම තමයි. ඔවුන් එයට සහභාගි නොවුණා නම්, සම්මාන උළෙලවල්වල තීරණ ගැනීමේ සාධාරණත්වය යහමඟට ගැනීම සඳහා අපිට රතු එළියක් දැල්විය හැකිව තිබුණා කියන විශ්වාසය මගේ තිබුණා. හැබැයි ඒක අවාසනාවන්ත ලෙස මඟහැරුණා.
ඔබ එස්.එම්.එස්. සම්මාන පිළිගන්නේ නැද්ද මින් පස්සේ?
එක් අංකයකින් එක් මනාපයක් කියන තර්කයට මම එකඟයි. අඩුම තරමින් එක් අංකයකින් මනාප 5ක්. බැරිම නම් 10ක්. හැබැයි මේක එහෙම නෙමෙයි. මනාප ලක්ෂ ගණනක්…? වෙන්න පුළුවන්ද? එක් අංකයකින් එවිය හැකි මනාප ප්රමාණය කුඩා ප්රමාණයකට සීමා කරන්න ඕන. ඒක මං පිළිගන්නවා.
කලින් සම්මාන උළෙලෙත් එහෙම නේද සම්මානය දුන්නේ. ඒත් ඔබ ඒක පිළිගත්තානේ?
ඔව්. ඒ වෙලාවෙත් ඒ අදහස තිබුණා. ඒ ගැන කල්පනා කරමින් සහභාගි වුණා. දැකපු ගමන්ම කුපිත වෙන්න ඕන වුණේ නෑ. නමුත් එකම වරද වරදක් බව දැන දැන දෙවරක් කිරීම දරුණු වරදක්. මා එයින් වැළකී සිටියා.
හැඳුනුම්කමට, යාළුකම්වලට චාන්ස් දෙන්නේ නැති කෙනෙක්ද එදිරි කියන්නේ?
අපි යාළුවන්ට උදවු කරගන්නවනේ රස්සාව තුළදී. නමුත් අපි රස්සාව කැලේ යන්න ඇරලා උදවු කරගන්නෙ නෑනේ. කාටත් කරදරයක් නොවන පරිදි හැකි උදවුවක් කරනවා. අමනුෂ්යයෙක් නෙමෙයිනේ මං. කරන උදව්ව නිසා ක්ෂේත්රයටත් ඔහුටත් අපේ නිර්මාණවලටත් ප්රගමනයක් තියෙන්න ඕන. එහෙම උදවු කරනවා.
සිඳු ජනප්රිය අවස්ථාවේදී ඔබ ඒක අතහැරලා දැම්මා. නමුත් තවමත් සිඳු එක්ක ජනතාව ඉන්න බව පේනවා. දැන් සිඳුගේ ගමන ගැන ඔබට මොකක්ද හිතෙන්නේ?
ඒ ගැන කතා කිරීම වෘත්තීමය වශයෙන් මට දැන් අදාළ නැති කාරණයක්. සිඳු ගැන මට අතීතයෙන් වචනයක් අරන් කියන්න පුළුවන්. සිඳු කියන්නෙ ලංකාවේ ටෙලි නාට්යය ක්ෂේත්රයේ නවතම හැරවුම් ලක්ෂ්ය ඒක පිටපත් රචකයෙක් ලෙස මගේ ආගමනය. ටෙලි නාට්යයක් ලෙස දෙරණ නාළිකාවට වාසනාව කැන්දාගෙන ආපු නිර්මාණය. ඊට දායක වෙන්න ලැබීම සතුටක්. එය හැකිතාක් කාලයක් ජනතාව අතර තියෙන්න ඕන. ඒ නිර්මාණය හරියට මට මගේ දරුවෙක් වගේ.
සිඳුගෙන් පස්සේ එදිරිගේ දෙවෙනි දරුවා වුණු දෙවෙනි ඉනිමත් යම් හෙයකින් අතරමඟ අතාරින්න වුණොත් ඒකටත් සූදානම්ද?
අත්හැරීම් නම් හොඳටම පුරුදුයි. නමුත් දෙවෙනි ඉනිම අත්හරින්න මට නිර්මාණය පැත්තෙන් කිසිම හේතුවක් නෑ තවම. එය කතාවක් විදියට තවම මා තුළ ලියලමින් පවතිනවා.පුළුවන් තරම් ලියලා, තවදුරටත් ලියන්න දෙයක් නැති වුණාම එය මා ලියන එක නතර කරනවා. වට සීමාව දන්න නිසා කියන්නෙ, දෙවෙනි ඉනිම කියන්නෙ විශාල කතාවක්.
ඕනෑම දෙයක් කාලයක් ගතවෙනකොට රහ නැති වෙනවා. කතාව ඇදෙද්දී තිබ්බ රහ ප්රේක්ෂකයන්ට නැති වෙයි කියලා හිතෙන්නේ නැද්ද?
ඕනම දෙයක් එහෙම තමයි. හැබැයි සමහරු කතා නතර කරන්න කියලා කියන්නෙ රහ නැතිවම නෙමෙයි. ඒවා දිගින් දිගට යෑම ක්ෂේත්රයට කරදරයක් නිසා. මම ඒ කීම් නම් අහන්නෙ නෑ. මාව විශ්වාස කරන්න. මට රහක් දැනෙන්නෙ නැතිව මටම ලියන්න බෑ. මට දැනෙනවා දැන් මේක රහද නැද්ද කියලා. රහ නැති බව දැනෙනකොට නතර කරනවා. ලෝබකමට ඇදන් යන්නෙ නෑ. මොකද කතාවක් නතර කරලා තව කතාවක් පටන් ගන්න ශක්තියක් මට තවම තියෙනවා.
එදිරි මෙගා විතරද ලියන්නෙ?
කොටස් 100ට වඩා අඩුවෙන් අවසන් වන ටෙලි නාට්ය කිහිපයක් ලිවීමේ උනන්දුවක් තියෙනවා. ඉදිරියේදී ඒ ගැනත් හිතලා බලනවා.
ආරාධනා ලැබිලා තියෙනවද?
අපොයි ඔව්. මගේ ප්රමාදය තියෙන්නෙ.
ජනාධිපති මෛත්රිපාල සිරිසේන මැතිතුමාගේ ජයග්රහණය කරවීමට දැවැන්ත කැපකිරීමක් කල UPFA A BRIGHTER FUTURE පිටුවේ ප්රධාන පරිපාලක වන ජනාධිපති සම්බන්ධිකරණ ලේකම් ඔෂල හේරත් තම පිටුවේ අනාගත කටයුතු පිලිබදව සියලුදෙනා දැනුවත් කරමින් සිදුකල මාධ්ය සාකච්චාව මෙන්න..
https://www.facebook.com/slupfa/videos/10155616843111259/
එල්.ටී.ටී.ඊ ත්රස්ත හමුදාවට එරෙහිව 2009 වසරේ දී ශ්රී ලංකාව ලබාගත් දැවැන්ත යුද ජයග්රහණයට පියවරු දහසක් නැත. එකී ජයග්රහණයේ පීතෘත්වය මහින්ද රාජපක්ෂ මහතා සියතින්ම පවරාගත්තේ උගන්ඩාවේ හිටපු ඒකාධිපති ඉඩි අමීන් අනුදත් මග යමිනි. හමුදා කුමන්ත්රණයක් මගින් බලය ලබාගත් පසු එරට හමුදාවේ ඉහළම නිලයට හිමි නිල ලාංඡන තමා විසින්ම පළදවා ගත් ඉඩි අමීන් හතරේ පන්තියටවත් ගොස් නොතිබුණ ද හරාරේ විශ්වවිද්යාලයේ උපකුලපති ධුරය ද ඔහු විසින්ම ඔහුටම ප්රදානය කරගත්තේය.
ඉන්පසු ඊට සමාන දෙයක් වී නම් එවැනි දේවල් සිදුව ඇත්තේ ලංකාවේ වියයුතුය. යුද හමුදාවට අණ දෙමින් යුද්ධය විජයග්රහණයක් කරා ගෙන ගිය එවකට හමුදාපතිව සිටි සරත් ෆොන්සේකා බලහත්කාරයෙන් කුදලාගෙන ගොස් සිරගත කළ මහින්ද රාජපක්ෂ අවසන් සටනට නායකත්වය දෙනු තබා ඒ මොහොතේ ලංකාවේවත් නොසිටි බව බොහෝ දෙනෙකු නොදන්නා කාරණයකි. මේ රටට අතිදැවැන්ත විජයග්රහණයක් ලබාදුන් අවසන් යුද සටන සිදුවන කාලවකවානුවේ මේ රටේ වැඩබලන ආරක්ෂක අමාත්යවරයා ලෙස කටයුතු කළේ මෛත්රීපාල සිරිසේන මහතා බව අද පවා බොහෝදෙනෙක් නොදන්නේ ද ඒ නිසාය.
අද මේ සටහන තබන්නේ ඒ ගැන කියන්නට නොවේ. එල්.ටී.ටී.ඊ ත්රස්තවාදීන් විසින් බිලිගැනීමට සූදානම් වූ මේ රටේ ප්රමුඛතම දේශපාලනඥයෙකු ඉලක්ක කරගත් පස්වන ප්රහාරය සිදුවී අදට වසර 09 ක් ගතවන නිසාය. දිනය – 2008 ඔක්තෝබර් 09 වනදාය. පිළියන්දල පැවති රාජ්ය වප් මගුල් උත්සවයට සහභාගී වී ආපසු එමින් සිටි ඔහුගේ රථය ඉලක්ක කරගත් මරාගෙන මැරෙන එල්.ටී.ටී.ඊ කාන්තාවක් කඩාපනිද්දි ඇතැමෙකු සිතන්නට ඇත්තේ එකී ප්රහාරය සාර්ථක ඇතැයි යන්නය. ජාතියේ වාසනාවකට එය එසේ සිදුනොවීය. එහෙත් එකී මරාගෙන මැරෙන බෝම්බ ප්රහාරය හේතුවෙන් ජීවිත ගණනාවක් රටට අහිමි වූ අතර තවත් විශාල පිරිසකට බරපතළ තුවාල සිදුවිය.
ඒ මෛත්රීපාල සිරිසේන මහතාට එල්ල වූ පස්වන ඝාතන සැලසුම ව්යාර්ථ වූ ආකාරයයි.
මෛත්රීපාල සිරිසේන මහතා ඉලක්ක කරගනිමින් එල්.ටී.ටී.ඊ ය හතරවන ඝාතන සැලැස්ම දියත් කරන්නේ 2007 සිංහල අලූත් අවුරුදු දිනයේදී ය. ඔහුට සුබපැතීම සදහා එන පොළොන්නරුවේ ඡන්දදායකයෙකුගේ වෙස්ගන්නා එල්.ටී.ටී.ඊ සංවිධානයේ සාමාජිකයෙක් කේක් පාර්සලයක පෙනුම ඇති බෝම්බයක් ද සමග ඔහුගේ නිවසට එන්නේ නියත බිල්ලක අරමුණකින් යුතුවය. එහෙත් ආරක්ෂක අංශ වල උකුසු ඇස නිසා ඝාතක දූතයා ආරක්ෂක අංශ වල අත්අඩංගුවට පත්විය.
ඔහු මරාදැමීමේ අරමුණ ඇතිව එල්.ටී.ටී.ඊ ය දියත් කරන තුන්වන සැලැස්ම ක්රියාවට නැගීමට නියමිතව තිබුණේ හරියටම ඊට වසරකට පෙරදී ය. එය ද අප්රේල් මාසයේ එක් දිනක් විය. ඒ 2006 වසරේදී ය. අලූතෙන් ඉදිකරන ලද වැලිකන්ද ප්රාදේශීය සභා ගොඩනැගිල්ල විවෘත කිරීමට නියමිතව තිබුණේ එදිනය. මෛත්රීපාල සිරිසේන මහතා එනතෙක් මගබලා සිටි එල්.ටී.ටී.ඊ ත්රස්තවාදීන් දෙදෙනෙකු පිළිබද ඔත්තුවක් කලින්ම ලැබී නොතිබෙන්නට ඇතිවිය හැකිව තිබූ ප්රථිඵලය බොහෝ සේ ඛේදනීය වන්නට ඉඩතිබිණ. ඒ අනුව ඝාතකයන් දෙදෙනා අත්අඩංගුවට පත්වන්නේ උත්සව භූමිය තුළදීම ය. අත්අඩංගුවට පත්වීමත් සමග ත්රස්තවාදීන් දෙදෙනාම සයනයිඞ් කා සියදිවි නසාගැනීම තුළ ඊට අදාළ බොහෝ රහස් ත්රස්තවාදීන්ගේ මරණ ද සමග වැළලී ගියේය.
මෛත්රීපාල සිරිසේන මහතා ඉලක්ක කරගනිමින් දෙවන ඝාතන සැලසුම දියත්වන්නේ 2000 වසරේදී ය. ඒ සොරුවිල දෙමළ ගම්මානයේ විදුලිය විවෘත කිරීමේ උත්සවය පැවති දිනයේදී ය. මරාගෙන මැරෙන්නට පැමිණි සිටි කාන්තාව අදාළ උත්සව භූමියේදිම අත්අඩංගුවට ගැනීම නිසා එල්.ටී.ටී.ඊ එම උත්සාහය ද ව්යාර්ථ විය.
මෛත්රීපාල සිරිසේන මහතාගේ ජීවිතය පමණක් නොව එතුමන්ගේ ආදරණීය භාර්යාවගේ හා පුතණුවන්ගේ ජීවිත අනූනමයෙන් ගැලවුණ අවස්ථාවක් ද විය. ඒ 2000 වසරේ මාර්තු මාසයේදී ය. එදා එල්.ටී.ටී.ඊ ය සිය මරාගෙන මැරෙන සෙබළුන් ගණනාවක්ම යොදවන්නේ රාජගිරියට ය. එදින එම වේලාව ඔහු කලින්ම වෙන්කරගෙන තිබී ඇත්තේ සිය මිතුරෙකු මෙන්ම ප්රවීන ලේඛකයෙකු ද වන මළල්ගොඩ බන්දුතිලක මහතා හමුවීමට ය. එහිදී සිය බිරිද හා පුතණුවන් වේලාසනම සිය මිතුරු නිවසට පිටත්කර හරින ඔහු පාර්ලිමේන්තුවට යන්නේ නියමිත වේලාවට එතැනට එන්නටය. එහෙත් නියමිත වේලාවට පෙරම එල්.ටී.ටී.ඊ මරාගෙන මැරෙන භට කණ්ඩායමක් රාජගිරිය වටරවුම අත්පත් කරගනිමින් බලා සිට ඇත්තේ මෛත්රීපාල සිරිසේන මහතා එතැනට එනතුරුය. ඔහුගේ පැමිණීය තරමක පමාවීමත් සමග ත්රස්තවාදීහු වෙනත් ප්රභූ රථ පෙලක් ඉලක්ක කරගත්හ. වෙඩි හඩ හා මරලතෝනි සමග මුළු රාජගිරියම කැළඹෙද්දි මළල්ගොඩ බන්දුතිලක මහතාගේ නිවසේ සිටි මෛත්රීපාල සිරිසේන මැතිණිය හා කුඩා පුතු පැය කිහිපයක්ම ගතකර ඇත්තේ එල්.ටී.ටී.ඊ ත්රස්ත ගහණයට මැදි වූ පිරිසක් අතරය. එක් අවස්ථාවක දී එකී ත්රස්ත පිරිස ඔවුන් රැදී සිටි නිවස තුළට ද කඩා වැදී ඇතත් ඔවුන් කවුදැයි නිශ්චිතව හදුනාගැනීමට ත්රස්තවාදීන්ට නොහැකිවීම තුළ සිදුව හැකිව තිබූ තවත් ව්යසනයක් වැළකී තිබේ. එහෙත් එකී ත්රස්ත ප්රහාරය මගින් විශාල ජීවිත පිරිසක් රටට අහිමි වූ බව මෙහිදී සිහිපත් කළයුතුය.
ඒ අනුව එල්.ටී.ටී.ඊ සංවිධානය මරගෙන මැරෙන ත්රස්තවාදී ප්රහාර පහක්ම සැලසුම් කර ඇති දේශපාලන නායකයන් අතර මෛත්රීපාල සිරිසේන මහතා ද සිටින්නේ පළමු තැනකය. ඒ සියලූ අනතුරු හමුවේ හාස්කමකට මෙන් ඔහුගේ ජීවිතය නිරුපද්රිත වන්නේ එල්.ටී.ටී.ඊ යේ දුර්වලතාවයක් නිසා වියනොහැකිය. දෛවය විසින් ඔහු වෙත භාරදීමට නියමිතව තිබූ උදාරතර කාර්යභාරය උදෙසා ඔහු අත්යවශ්ය පුද්ගලයෙක් වූ නිසා වියයුතුය.
පසුගිය වසරේ ඔක්තෝබර් මාසයේ සිට මේ වසරේ අප්රේල් මාසය දක්වා ශ්රී ලංකාව ඇතුළු රටවල් ගණනාවක් උතුරු කොරියාවෙන් නීති විරෝධී ලෙස වානේ සහ යකඩ ආනයනය කර තිබෙන බව එක්සත් ජාතීන්ගේ සංවිධානය පවසයි.
එක්සත් ජාතීන් පවසන පරිදි, උතුරු කොරියාවට එරෙහි එක්සත් ජාතීන්ගේ සම්බාධක උල්ලංඝනය කරමින් එම කාලය ඇතුළත රටවල් එකොළහක් විසින් ආනයනය කර තිබෙන වානේ සහ යකඩවල වටිනාකම ඇමෙරිකානු ඩොලර් හාර කෝටි හතලිස් තුන් ලක්ෂ හතලිස් හතර දහස් නමසිය දොළහකි. ($44,344,912).
ශ්රී ලංකාව පමණක් උතුරු කොරියාවෙන් ආනයනය කරන ලද යකඩ සහ වානේ වල වටිනාකම ඩොලර් දහ අට ලක්ෂ හැට දහස් පන්සිය දහසයකි. ($1,860,516)
උතුරු කොරියාව එක්සත් ජාතීන්ගේ සම්බාධක උල්ලංඝනය කිරීම පිළිබඳව එක්සත් ජාතීන්ගේ විශේෂඥයන් විසින් ආරක්ෂක මණ්ඩලයට පසුගිය සැප්තැම්බර් 05 වෙනි දින භාර දුන් වාර්තාවක් සෙනසුරාදා ප්රකාශයට පත් කෙරිණ.
ඒ අනුව ශ්රී ලංකාව, බාබඩෝස්, චීනය, කොස්ටා රිකා, ප්රංශය, එල් සැල්වදෝර්, ඉන්දියාව, ඉන්දුනීසියාව, අයර්ලන්තය සහ පාකිස්තානය එම සම්බාධක උල්ලංඝනය කරමින් යකඩ සහ වානේ ආනයනය කර තිබේ.
වාර්තාව පෙන්වාදෙන පරිදි ශ්රී ලංකාව එසේ වානේ සහ යකඩ ආනයනය කර තිබෙන්නේ පසුගිය වසරේ ඔක්තෝබර්, නොවැම්බර්, දෙසැම්බර් සහ මේ වසරේ ජනවාරි, පෙබරවාරි සහ මාර්තු මාසවලය.
ඒ හැරුණු විට මේ වසරේ ජනවාරි සහ පෙබරවාරි මාසවල ශ්රී ලංකාව ඩොලර් 32,184 ක් වටිනා තඹ නීති විරෝධී ලෙසින් උතුරු කොරියාවේ සිට ආනයනය කර තිබෙන බව ද පිටු 111 කින් සමන්විත දීර්ඝ වාර්තාවේ දැක්වේ.
ඒ අතර චීනය පසුගිය දෙසැම්බර් මාසයේ උතුරු කොරියාවෙන් තඹ කිලෝ 556,884 ක් ආනයනය කර තිබේ.
පාර්ලිමේන්තු මන්ත්රී නාමල් රාජපක්ෂ මහතා අයථා ලෙස උපයාගත් රුපියල් මිලියන 30ක මුදලක් සීමාසහිත ගවර්ස් කොපරේෂන් සර්විසස් පුද්ගලක සමාගමේ යෙදවීමෙන් මුදල් විශුද්ධි කිරීමේ චෝදනාවට ලක්ව සැකකාරියකව සිටි ඔහුගේ සුරූපී ලේකම්වරිය අඩුඩාබිහිදී අත්අඩංගුවට ගෙන ලංකාවට එවීමට කටුයුතු යොදා ඇතැයි වාර්තා වේ.
මෙසේ අත්අඩංගුවට පත්ව ඇත්තේ බටපොළ ආරච්චිගේ ඔරනෙලා ඉරේෂා සිල්වා නැමැත්තියයි.
රතු නිවේදනයට අත්අඩංගුවට ගත් පළමු රාජපක්ෂ
ඇයට එරෙහිව රතු නිවේදනයක් නිකුත්කර තිබූ අතර රාජපක්ෂවරුන්ගේ චෝදනා වලට සම්බන්ධව රතු නිවේදනයකට අත්අඩංගුවට ගත් පළමු සැකකාරියද මැය වේ.
මෙම සැකකාරිය හෙට පෙරවරුවේ ගුවන් යානයකින් ලංකාවට ගෙනඒමට නියමිත බව ආරක්ෂක අංශ ආරංචි මාර්ගවලින් වාර්තා වේ.
නඩුව හෙට !
අදාළ චෝදනාව සම්බන්ධ නඩුව ( HC 129/ 17) හෙට (10) අංක 7 මහාධිකරණයේදී විභාගයට ගැනීමට නියමිතය.
ලක්ෂ්මන් නාමල් රාජපක්ෂ, ඉන්දික ප්රභාත් කරුණාජීව, චන්ද්රසේකර පවිත්රිකා සුජානි බෝගොල්ලාගම, බටපොළ ආරච්චිගේ ඔරනෙලා ඉරේෂා සිල්වා, නිත්යා සේනානි සමරණායක හා සීමාසහිත ගවර්ස් කෝපරේට් සර්විසස් පුද්ගලික සමාගම ඇතුළු විත්තිකරුවන් 6 දෙනෙකුට එරෙහිව මෙම නඩු පවරා තිබේ.
අබුඩාබිහිදී අත්අඩංගුවට පත් බටපොළ ආරච්චිගේ ඔරනෙලා ඉරේෂා සිල්වා සීමාසහිත ගවර්ස් කෝපරේට් සර්විසස් පුද්ගලික සමාගමේ කොටස් කාරියක්, අධ්යක්ෂ මණ්ඩල සාමාජිකාවක් මෙන්ම එම සමාගමේ ලේකම්වරියද වේ.
කෙසේවුවද, අදාළ සමාගමට අයථා ලෙස උපයාගත් මුදල් යෙදවීම ඇතුළු චෝදනා ගණනාවක් සම්බන්ධයෙන් පාර්ලිමේන්තු මන්ත්රී නාමල් රාජපක්ෂ මහතාට නඩු ගණනාවක්ම මේවන විට අධිකරණයේ විභාගවෙමින් පවතී.
පිටුවහල් කලේ පොලිස් ඉල්ලීමට !
ඔනෙලාව මෙසේ අත්අඩංගුවට ගෙන පිටුවහල් කරනු ලැබුවේ ශ්රී ලංකා පොලිසියේ ඉල්ලීම අනුව ජාත්යන්තර පොලිසිය නිකුත්කරන ලද රතු නිවේදනයකට අනුවය.
රාජපක්ෂවරුන් හා සම්බන්ධව සිට දූෂණ චෝදනා එල්ලවී පසුව රටෙන් පැනගොස් සැඟව සිටින කිහිපදෙනෙකුම ශ්රී ලංකා පොලිසියේ ඉල්ලිම අනුව ඉදිරියේදී එම රටවලින් ලංකාවට පිටුවහල් කිරීමට නියමිත බව පැවසේ.
බස්නාහිර පළාත් සභා මන්ත්රී උපාලි කොඩිකාර, දකුණු පලාත් සභා මන්ත්රී සම්පත් අතුකෝරාල සහ මව්බිම වෙනුවෙන් රණවිරුවෝ සංවිධානයේ කැඳවුම්කරු අජිත් ප්රසන්නට අද දිනයේ පෙනී සිටින ලෙසටයි දැනුම් දී ඇත්තේ.
ඩී.වී. චානක මන්ත්රීවරයාට හෙට දිනයේ පොලිසිය හමුවේ පෙනී සිටින ලෙස දැනුම් දී තිබෙනවා.
නාමල් රාජපක්ෂ මන්ත්රීවරයා අද දිනයේ පොලිසිය හමුවේ පෙනි සිටීමට නියමිත බවයි වාර්තා වන්නේ.
මේ අතර, ඉකුත් දා පැවති විරෝධතාවයේදී කලහකාරි ලෙස හැසිරුණු පුද්ගලයන් සෙවීම සඳහා ඊයේ රාත්රියේ හම්බන්තොට හා ඒ අවට ප්රදේශවල පොලිස් මෙහෙයුමක් ක්රියාත්මක වූ බවද අප වාර්තාකරු සඳහන් කළා.
භාරත ලක්ෂ්න් ප්රේමචන්ද්ර මැතිතුමාගේ 06 වන ගුණ සමරු උත්සවයේදී භාරත හිතවාදීන් කාර්ය මණ්ඩල සාමාජිකයන් පෙරටු කරගනිමින් භාරතට සාධාරණය ඉටුකරගැනීමේ සටන සහ මහින්ද ගොටාබය ප්රමුඛ රාජපක්ෂවරුන්ගේ මරණ තර්ජන පිලිබදව කොලොන්නාව නිදහස් පක්ෂ සංවිධායක ප්රසන්න සෝලංගආරච්චි මැතිතුමා තම මතකය අවදි කල අයුරු…
https://www.facebook.com/PrasannaSolanga/videos/851962484963792/
කාලයක් තිස්සේ ශ්රී ලංකාවේ කොමියුනිස්ට් පක්ෂයේ තිබූ බල අරගලයෙන් රාජපක්ෂ හිතවාදී කල්ලිය පරාජයට පත්ව ඇති බව විශ්වාස කටයුතු ආරංචි මාර්ගයකින් දැනගන්නට තිබේ. ශ්රී ලංකාවේ වාම ව්යාපාරයේ බලකණුවක් ව සිට දැනට යම් පසුබෑමක සිටින එම පක්ෂය දිගින් දිගට ම සභාග දේශපාලනයේ යෙදී සිටිය ද පසුගිය සමයේ මහින්ද රාජපක්ෂ සරණ යෑම එහි ප්රධාන ලේකම් වන ඩිව් ගුණසේකර ඇතුළු පිරිස ප්රතික්ෂේප කිරීම විශේෂයක් විය. ඔවුන්ගේ ස්ථාවරය වූයේ කොමියුනිස්ට් පක්ෂය ස්වාධීන මතයක සිටිය යුතු බව ය. දිගින් දිගට ම මහජන මුදල් අමු අමුවේ කොල්ල කෑ, තම ප්රතිවාදීන් ඝාතනය කළ, එසේ ම අතිශය ජාතිවාදී කඳවුරක් වන මහින්ද කඳවුර වෙත කොමියුනිස්ට් පක්ෂය නැවත ළං වන්නේ නම් එය එම පක්ෂයේ අභාවයට පහසු මගක් බව මධ්යස්ථ දේශපාලන විචාරකයන් දරණ මතය යි.
කෙසේ වෙතත්, එම පක්ෂය මහින්ද රාජපක්ෂගේ දේශපාලන පෙරමුණට එක් කිරීමට කාලයක් තිස්සේ වලිකමින් සිටියේ එහි සභාපති රාජා කොල්ලුරේ, වීරසුමන වීරසිංහ ඇතුළු පිරිසකි. පසුගිය දා පැවති ශ්රී ලංකාවේ කොමියුනිස්ට් පක්ෂ සම්මේලනයේ දී එහි මධ්යම කමිටුවේ සංයුතිය කෘත්රීම ලෙස වෙනස් කර පක්ෂය තමන්ගේ අත්අඩංගුවට ගැනීමට මෙම පිරිස වලිකෑව ද එම උත්සාහය පරාජයට පත්ව ඇත. නැවතත් පක්ෂයේ ප්රධාන ලේකම් ලෙස පත්ව ඇත්තේ ඩිව් ගුණසේකර මහතා ම ය. කෘතහස්ත වාම දේශපාලකයෙකු වන ඒ මහතා ඇතුළු පිරිසගේ මතය තවදුරටත් කොමියුන්ස්ට් පක්ෂය කිසිදු ධනපති පක්ෂයක අතකොලුවක් නොවී ස්වාධීනව සිය දේශපාලන කටයුතු කළ යුතු බව යි.
කෙසේ වෙතත්, රටේ ප්රගතිශීලී දේශපාලනයට ලැදි සියලු දෙනා මෙකී තත්වය සැලකිල්ලට ගත යුත්තේ සුබවාදී ව ය. කිසිදු කොන්දේසියකින් තොරව ජාතිවාදයේ සරණින් නැවත බලයට පත්වන්නට අර අඳින මහින්ද රාජපක්ෂ කුප්රකට පෙරමුණ ලද අන්ත පරාජයක් ලෙස ද මෙය තවදුරටත් සැලකිය හැකි ය.
පසුගිය මැයි මාසයේදී දිවයිනටම බලපෑ අයහපත් කාළගුණය හේතුවෙන් පීඩාවට පත්ව තමන් ජීවත් වූ නිවස අහිමිව කල් ගෙවන දෙව්මිණී නම් දැරියකගේ ප්රවෘත්තියක් පිළිබඳව මාගේ අවධානය යොමු වූ අතර එම ප්රවෘත්තියේ සඳහන් වූ දැරියට පිහිටක් වීම සඳහා ඇය ජීවත් වන රත්නපුර අයගම පණ්ඩුකඳේ වත්ත ප්රදේශයට පසුගිය ජූනි මස 15 බ්රහස්පතින්දා ගිය අතර එහිදී නිරීක්ෂනය වූයේ ගංවතුරට හසුව පියාද අහිමිව දිවි ගෙවන මෙම දැරියගේ සම්පුර්ණ නිවෙසම විනාශ වී ඇති ආකාරයයි..දෙව්මිණී නම් මේ දියණිය පාසැල් වැඩ කටයුතුවලටද ඉතා දක්ෂ බව ඇය ඉගෙනුම ලබන කැටේපොල විද්යාලයේ විදුහල්පතිතුමා ප්රකාශ කරන ලදී..කඬාවැටුනු නිවස නීරීක්ෂණය කර එහිදී දෙව්මිණි දැරියට සහ ඇගේ මවට සුදුසු ස්ථානයක නව නිවසක් කඩිනමින්ම ඉදිකර දෙන බවට පොරොන්දුවක් ලබා දුන්නේය.
එමෙන්ම ඊට අදාල ඉඩමක් ලබා ගැනීම සඳහා එම දිනයේම (ජූනි 15 බ්රහස්පතින්දා) කිරිඇල්ල නැඳුන් රජමහා විහාරස්ථානයේ නායක ස්වාමින්වහන්සේ හඳපාන්ගොඩ මහින්ද නායක ස්වාමින් වහන්සේ සහ හිටපු ශ්රීපාදස්ථානාධිපති හඳපාන්ගොඩ විමල නායක ස්වාමින්වහන්සේ මුණ ගැසී මේ පිළිබඳව සාකච්ඡා කරනු ලැබූ අතර එහිදී නායක ස්වාමින් වහන්සේලා නිවෙසක් සෑදීම සඳහා අවශ්ය ඉඩමක් ලබා දෙන බව සඳහන් කරන ලදී.
ඒ අනුව ජූනි මස 22 වෙනිදා අවට විහාරස්ථාන වල ස්වාමින් වහන්සේලාගේ සෙත් පිරිත් සජ්ඣායනා මධ්යයේ උදෑසන 10.15ට යෙදුන සුභ නැකතින් නව නිවෙස සෑදීම සඳහා මුල් ගල තැබූ අතර මාගේ අරමුණ වූයේ මාස 3කින් පමණ නව නිවෙස ඉදිකර දෙව්මිණී දැරියට ලබා දීමය. නව නිවෙසට අවශ්ය ඉඩම පොරොන්දු වූ පරිදි කිරිඇල්ල නැඳුන් රජමහා විහාරස්ථානය විසින් පරිත්යාග කල අතර නිවෙස ගොඩනැගීම සඳහා රජයේ කිසිඳු ප්රතිපාදනයක් ලබා නොගෙන මාගේ පෞද්ගලික දැන හැඳුනුම්කම් මත ආධාර උපකාර ලබාගෙන ගොඩනැංවීමට අදහස් කලෙමි.
ඉක්මනින්ම සියලු පහසුකම් වලින් පරිපූර්ණ වූ නව නිවෙස ඉදිවූ අතර එය දෙව්මිනී දැරියට ලබා දීම කැටේපොල ශ්රී අභිනවාරාමාධීපති හිම්මන්තුඩාවේ සිරි රතන ස්වාමින්වහන්සේගේ සෙත් පිරිත් සජ්ඣායනා මධ්යයේ කැටේපොල විද්යාලයේ විදුහල්පතිතුමා ඇතුලු ගම්වාසීන්ගේ සහභාගිත්වයෙන් ඊයේ දින (ඔක්තෝම්බර් මස 06) උදෑසන 10.06ට යෙදුන සුභ නැකතින් සිදු කරන ලදී.
මෙහිදී මට අසන්නට ලැබුන සුභදායක පණිවිඩය වූයේ දෙව්මිනී දැරිය තම නිවෙසද අහිමිව කල් ගෙව්වත් පසුගිය පාසැල් වාර විභාගයෙන්ද වැඩිම ළකුනු ලබා පන්තියේ පළමු තැන ලබා ගැනීමට සමත් වී ඇති බවයි. දෙව්මිනී දැරියගේ අනාගතයට මාගේ සුභාශිංසනය පල කර සිටිමි..
https://www.facebook.com/media/set/?set=a.1705253019487723.1073741862.976832158996483&type=3
ඉරාජ් වීරරත්න සහ පියුමි හංසමාලිගෙන් රංගන ශිල්පී පින්පොන් හෙවත් රාජිත හිරාන් සමාව අයද සිටිනවා.ඒ ඉකුත් දා ඔහු කළ ප්රකාශයක් හේතුවෙන්. ඉකුත්දා කොරියවේදී පියුමි හංසමාලි හට ප්රහාරයක් එල්ල වුණා.ඒ සම්බන්ධයෙන් සමාජ ජාල වෙබ් අඩවි තුල දැඩි කතාබහක් ඇති වුණා. ඒ සමග කලාකරුවෙකු මෙන්ම විකට රංගන ශිල්පියෙක් ලෙස කටයුතු කරන රාජිත හිරාන් ෆේස්බුක් ඔස්සේ සජීවීව කියා සිටියේ එලෙස කිරීම සම්බන්ධයෙන් තමන් සතුටු වන බවත් තමන් ඒ පිළිබද ආඩම්බර වන බවයි.
එමෙන්ම එලෙසම ඉරාජ් වීරරත්න හට ද එම ආකාරයෙන්ම සිදු කරනු ඇතැයි තමන් විශ්වාස කරන බව රාජිත වැඩිදුරටත් පැවසුවා.එසේ තිබියදී හිරාන් යලිත් අද ෆේස්බුක් ඔස්සේ සජීව එක්වෙමින් පවසා ඇත්තේ එම සිද්ධිය සම්බන්ධයෙන් තමන් කණගාටු වන බවත් තමන්ගෙන් කියවුණු වචන සම්බන්ධයෙන් කණගාටු වන බවත් එම සිදුවීම සම්බන්ධයෙන් සමාව දෙන ලෙසත් ඉල්ලා සිටියා.එම වීඩියෝ පටය පහතින් බලන්න.
ජාතික බෝවන රෝග විද්යායතනය සහ රෝහල් සංවර්ධන කම්ටුව සංවිධානය කළ “අගයමු ඩෙංගු සත්කාර මෙහෙවර” උත්සවය සෞඛ්ය, පෝෂණ හා දේශීය වෛද්ය අමාත්ය දොස්තර රාජිත සේනාරත්න මහතාගේ ප්රධානත්වයෙන් කොටිකාවත්ත “සණස” සංගම් ශාලාවේ දී අද (07) පස්වරුවේ පැවැත්විනි.
මෙහිදී රෝහල් කමිටුව විසින් සකස් කරන ලද සම්මාන සෞඛ්ය අමාත්යවරයා විසින් සෞඛ්ය සේවා අධ්යක්ෂ ජනරාල් වෛද්ය ජයසුන්දර බණ්ඩාර මහතා, ජාතික බෝවන රෝග විද්යායතනයේ අධ්යක්ෂිකා වෛද්ය දිමුතු රත්නායක මහත්මිය, කායික රෝග විශේෂඥ වෛද්ය ආනන්ද විඡේවික්රම මහතා ඇතුලු වෛද්යවරුන්ට, හෙද හෙදියන්ට සහ අනෙකුත් කාර්ය මණ්ඩලවලට ලබාදෙන ලදි.
මෙම අවස්ථාවට ශ්රී ලංකා නිදහස් පක්ෂයේ කොළොන්නාව ආසන සංවිධායක ප්රසන්න සෝලංගආරච්ච්, නියෝජ්ය කථානායක තිලංග සුමතිපාල, සෞඛ්ය ලේකමි ජනක සුගතදාස, සෞඛ්ය සේවා අධ්යක්ෂ ජනරාල් වෛද්ය ජයසුන්දර බණ්ඩාර, හිටපු සෞඛ්ය ලේකමි අනුර ජයවික්රම, නියෝජ්ය අධ්යක්ෂ ජනරාල් සුනිල් ද අල්විස් යන මහත්වරු සහ රෝහල් අධ්යක්ෂිකා දිමුතු රත්නායක මහත්මිය ඇතුලු විශේෂඥ වෛද්යවරුන්, වෛද්යවරුන් සහ රෝහල් කාර්ය මණ්ඩලය එක්ව සිටියහ.
පොලිස් කොමිසමේ ලේකම් ආරියදාස කුරේගෙන් අප කළ විමසීමකදී ඔහු කියා සිටියේ අදාළ වාර්තාව ලැබීමෙන් පසු ලබන බ්රහස්පතින්දා (12) ඒ සම්බන්ධයෙන් සාකච්ඡාවක් ද සිදුකරන බවයි.
හම්බන්තොට ඊයේ 906) පැවැති විරෝධතාව අතරතුර සහකාර පොලිස් අධිකාරිවරයකු විසින් අත්අඩංගුවට ගත් පුද්ගලයකුට පහරදෙන වීඩියෝවක් මාධ්ය මගින් ප්රචාරය වී තිබුණා.
පහරදීමෙන් අනතුරුව අදාල පුද්ගලයා රෝහල්ගත කෙරුණු බවයි අප වාර්තාකරු පැවසුවේ.