අත්යාවශ්ය ආහාර කිහිපයක මිල අද (08) මධ්යම රාත්රියේ සිට අඩු කෙරෙනවා. අදාල ගැසට් නිවේදනයට අනුව හාල්මැස්සන්, පරිප්පු, අරතාපල්, ලොකු ලූණු, කරවල ඇතුළු අත්යාවශ්ය භාණ්ඩ රැසක් ඒ අතර වනවා.
පොල් තෙල් සහ ෆාම් ඔයිල්ද ඒ අතර වනවා. මුදල් අමාත්ය මංගල සමරවීර මේ බව පැවසුවේ මුදල් අමාත්යංශයේ දී අද (08) පැවැත්වෙන මාධ්ය හමුවකදීය.
ඇතමුන් විවේචන එල්ල කළද තමන් බැදුම්කර කොමිසම පත් කළේ වංචා දූෂණ පිටුදැකීම සදහා ජනතාවට දුන් පොරොන්දු ඉටු කිරීමට බව ජනාධිපති මෛතී්රපාල සිරිසේන මහතා පවසනවා. ජනාධිපතිවරයා මේ බව සදහන් කළේ බත්තරමුල්ල, අපේගම පරිශ්රයේ පැවති පූජ්ය මාදුළුවාවේ සෝභිත හිමියන්ගේ දෙවන ගුණ සමරුවට අද පෙරවරුවේ එක්වෙමින්.
මහ බැංකු සිද්ධිය වෙනකොට ආණ්ඩුව හදල මාස 03යි. මහා විනාශයක් කළා. මේවට වගකිවයුත්තෝ වගකියන්න ඕන යැයිද තමන් ජනාධිපති ධුරයට පත්වූයේ ඕනෑම මොහොතක එම ධුරයෙන් ඉවත්ව යාමට සූදානමින් බවද ජනාධිපතිවරයා මෙහිදී සදහන් කළා.
පූජ්ය මාදුළුවාවේ සෝභිත හිමියන්්ට සිදුකළ හැකි ඉහළම උපහාරය වන්නේ උන්වහන්සේගේ අපේක්ෂාව වූ සාධාරණ සාමාජයක් ගොඩනැගීමට සියළු දෙනා කැපවීම බවයි ජනාධිපතිවරයා වැඩිදුරටත් සදහන් කළේ.
[rns_reactions]
මාළඹේ සයිටම් පෞද්ගලික වෛද්ය විද්යාලය දෙසැම්බර් මස 31 වනදායින් පසු අවසන් කිරීමට පියවර ගන්නා බව ඒ පිළිබද සොයා බැලීමට පත් කළ කමිටුවේ සභාපති නියෝජ්ය අමාත්ය හර්ෂ ද සිල්වා පවසනවා. අමාත්යවරයා මේ බව සදහන් කළේ පාර්ලිමේන්තුවේදී අද (08) විශේෂ ප්රකාශයක් සිදුකරමින්.
[rns_reactions]
මේ වනවිට මතුව ඇති පෙට්රල් ප්රශ්ණයෙන් තමන් හොඳටම බැණුම් අසන බව ජනාධිපති මෛත්රීපාල සිරිසේන මහතා පවසනවා.
පූජ්ය මාදුළුවාවේ සෝභිත හිමියන්ගේ දෙවැනි ගුණ සමරු උත්සවය අද (08) පෙරවරුවේ බත්තරමුල්ල, අපේගම පරිශ්රයේ පැවැත්වුණු අතර එය අමතමින් ජනාධිපතිවරයා සඳහන් කළේ ඇතැමුන් තමන්ගේ කෑලි ගලවන බවයි.
තමන් ඉන්ධන පිරවුම්හල්වල ඉන්ධන පුරවන බවට ඇතැමුන් සිතා සිටින බවයි ජනාධිපති මෛත්රීපාල සිරිසේන මහතා එහිදී පෙන්වා දුන්නේ.
ජනතාව එසේ සිතීම වරදක් නොමැති බවත් ජනාධිපතිවරයා මෙහිදී පෙන්වා දුන්නා.
පාර්ලිමේන්තු වටරවුමේ ඉදිකෙරෙන පූජ්ය මාදුළුවාවේ සෝභිත හිමියන්ගේ පිළිරුව සඳහා මුල්ගල් තැබීමද මෙහිදී සිදු වුණා.
කෝට්ටේ ශ්රි කළ්යාණි සාමග්රී ධර්ම මහා සංඝ සභාවේ මහානායක ආචාර්ය පූජ්ය ඉත්තෑපානේ ධම්මාලංකාර, පෑලියගොඩ විද්යාලංකාරාධිපති ආචාර්ය පූජ්ය වැලමිටියාවේ කුසලධම්ම, ශ්රී ජයවර්ධනපුර විශ්වවිද්යාලයේ කුලපති පූජ්ය ඛෙල්ලන්විල විමලරතන, පූජ්ය තීනියාවල පාලිත යන ස්වාමින් වහන්සේලා ප්රමුඛ මහා සංඝරත්නය ද, කථානායක කරු ජයසූරිය ඇතුළු මැති ඇමතිවරුන් ද සිිවිල් සංවිධාන නියෝජිතයින් ද මෙම අවස්ථාවට එක්ව සිටියා.
ජනාධිපතිවරයා මෙහිදී කළ ප්රකාශය පහතින් නැරඹිය හැකියි.
https://www.facebook.com/maithripalas/videos/10155641911996327/
[rns_reactions]
ඔස්ටින් අයියා” යන නම කියූ සැණින් බොහෝ දෙනාගේ සිහියට නැගෙනු ඇත්තේ මේ දිනවල විකාශය වන ජනප්රිය ටෙලි නාට්යයක චරිතයක්. එම චරිතය ඇතුළත් වෙන්නේ කූඹියෝ ටෙලි නාට්යයේ. ටෙලි නාට්යය තුළ නිතර පෙනී නොසිටියත්, ලැබෙන සෑම අවස්ථාවකදීම පාහේ ප්රේක්ෂකයන්ට මතක හිටින යමක් ඉතිරි කිරීම නිසාවෙන් ඔස්ටින් අයියා ගේ චරිතයට අද වෙද්දී බොහෝ ප්රේක්ෂකයන් ඇළුම් කරනවා. අපට ඔස්ටින් අයියා ගැන මෙබඳු සටහනක් තබන්නට සිදුවූයේ එම චරිතය පිටුපස සිටි ප්රතිභාපූර්ණ රංගන ශිල්පියා මීට දින කිහිපයකට පෙර හදිසියේ මෙලොවින් සමුගත් නිසායි. කූඹියෝ මෙන්ම ‘ගිනි අවි සහ ගිනිකෙළි’, ‘ඇඩ්රස් නෑ’ ආදි කලා නිර්මාණවලින්ද ඔහු ප්රකට කළ ප්රතිභාව ප්රේක්ෂක ජනතාවට අමතක නැතුවාට සැකයක් නැහැ. ඔහු ප්රවීණ රංගන ශිල්පී සේනක ටයිටස් ඇන්තනී. ටෙලි නාට්ය සහ වේදිකා නාට්ය රැසකට සිය රංගන දායකත්වය සැපයූ ඔහු, වේදිකා නාට්යයක් රංගගත කිරීම සඳහා විදෙස් ගතව සිටියදීයි මෙලොව හැර ගියේ. සේනක, ප්රවීණ කලාකරු ජැක්සන් ඇන්තනීගේ වැඩිමල් සොහොයුරායි. සිය සොහොයුරාගේ හදිසි වියෝවෙන් පසු ජැක්සන් ඔහු ගැන මතකය දිග හැරියේ මේ අයුරින්.
සේනක ටයිටස් කියන කලාකරුවා ගැන කතාබහ කරන්න සුදුසුම පුද්ගලයා තමයි ඔබ. මොකද, කලාවේදී වගේම පෞද්ගලික ජීවිතයේදීත් ඔබ තමයි ඔහුව ළඟින්ම ඇසුරු කළේ?
ඔව්, අපේ පවුලේ සහෝදරයෝ පස්දෙනයි. වැඩිමලා තමයි අයියා. මම පවුලේ දෙවැනියා. අපි දෙන්නා අතරේ වයස් පරතරය අවුරුදු එකහමාරක් දෙකක් විතර ඇති. ළමා කාලයේදී සහෝදරයෝ වගේම යාළුවෝ විදියට තමයි අපි දෙන්නා එකට හැදුණේ වැඩුණේ.
ඔබට සොහොයුරා ගැන අමතක කරන්න බැරි ළමා වියේ මතකයන් ඇති?
ළමා කාලය ගැන සිහිපත් කරද්දී මට අයියා ගැන එක්වරම සිහියට එන එක්තරා සිදුවීමක් තියෙනවා. පොඩි කාලේ අපි ජීවත් වුණේ පේරාදෙණියේ කුලී නිවසක. අපේ අම්මාට තුන්වැනි දරුවා ලැබෙන්න සිටියදී මාවයි අයියවයි අල්ලපු ගෙදර නවත්තලා අම්මයි තාත්තයි මහගෙදර ගියා. අපිට ඒ කාලේ හරිම දුකයි. වෙනදාට හැමදාම කඩල කන්න කියලා ගෙදරින් ලැබුණු සත පහත් ඒ දවස්වල අපට නැතිව ගියා. දවසක් අපි දෙන්නා බඩගින්නට කඩල ටිකක් හොරකම් කරන්න හිතුවා. මම තමයි ඒ හොරකම කරන්න ඉදිරිපත් වුණේ. නමුත්, ඒ හොරකම කරද්දී මාව අහුවුණා. අපිව පොලීසියට අල්ලලා දෙනවා කියලා මිනිස්සු අපව බය කරද්දී අයියා තමන් පන්තියේ පළමුවැනියා බව සටහන් වෙලා තිබුණු රිපෝට් කාඩ් එක පෙන්නලා අනුකම්පාව දිනාගෙන මාව බේරගත්තා.
සේනක සහ ජැක්සන් (ඉදිරිපස වාඩිවී) සිය සොහොයුරන් සමග කලකට ඉහත දී ගත් ඡායාරූපයක්
ඔබ දෙදෙනා කලා කටයුතු පටන් ගත්තෙත් එකටමයි?
ඔව්, රාගම පොඩිවී කුඹුරේ පදිංචියට ආවාට පස්සේ අපි දෙන්නා වේදිකා නාට්ය පෙන්වන්න පටන් ගත්තා. අපේ තාත්තා ඒකට අපිට වේදිකාවකුත් හදලා දීලා තිබුණා. 1977 අවුරුද්දේ අපි දෙන්නා නෙවිල් ඩයස් සුබසිංහගේ වාරුවෙන් යන මිනිස්සු වේදිකා නාට්යයේ රඟපෑවා. අයියා තමයි එහි ප්රධාන චරිතය රඟපෑවේ. මම කළේ සුළු චරිතයක්. ඒ නාට්යය සම්මාන හතක් දිනා ගනිද්දී ඒ අතරින් එකක් ලැබුණේ අයියාට.
ඒ අතරතුර ඔහු පුවත්පත් කලාවේදියෙකු ලෙසත් නමක් දිනාගන්නවා
මම විශ්ව විද්යාලයට යන කාලේ වෙනකොට අයියා මල්ටිපැක්ස් පුවත්පත් ආයතනයේ සේවයට බැඳුණා. පුවත්පත් කලාවේදීයෙක් විදිහටත් ඔහු බොහෝ අයට උදව් උපකාර කළා. ජයන්ත චන්ද්රසිරිගේ පවා පළමු පුවත්පත් ලිපිය කරන්න අයියා තමයි ඔහුව ආතර් යූ. අමරසේන මහතාට හඳුන්වා දුන්නේ. මම ඇඳපු මුල්ම චිත්ර කතාවට කතාව ලිව්වෙත් අයියා. මේවගේ අපි හැමෝගෙම ජීවිතවල සේනක ටයිටස් කියන චරිතය හිටියා.
ඔබ දෙදෙනා එකට රඟපෑ නිර්මාණ අතරේ ප්රේක්ෂකයන්ගේ තදින් මතකයේ රැඳුණු විදිහේ ඒවාත් තියෙනවා නේද?
ඔව්, වීර විකුම් පෑ ජෙනරල් වැලන්ටයින් උතුමාණෙනි කියන ගීතය ඇතුළත් වෙන්නේ මෙතනින් මාරුවෙනු කියන වේදිකා නාට්යයේ. ඒ ගීතය අදටත් හිටි ගමන් රූපවාහිනියෙන් විකාශය වෙනවා. හැබැයි එම දර්ශනයේ මා සමග රඟපාන්නේ මගේ අයියා කියලා හුඟක් අය දන්නේ නැහැ. ඔහු තමයි එහි පැබ්ලෝ ගේ චරිතය නිරූපණය කළේ.
ඔබේ නිර්මාණවලට ඔහු ඉතා කැමැත්තෙන් දායක වුණා නේද?
ඔව්, ජුලියට්ගේ භූමිකාවෙන් පටන් ගත්තාම, අබා, ඇඩ්රස් නෑ, සී රජ ආදිය ඇතුළුව මගේ හැම නිර්මාණයකට පාහේ අයියා රංගනයෙන් දායක වුණා.
දශක ගණනාවක් කලා ක්ෂේත්රයේ රැඳී සිටි ප්රතිභාපූර්ණ නළුවකු වූ ඔහුට කලා ජීවිතයේදී සිය හැකියාවන් එළිදැක්වීමට ලැබුණු අවස්ථාවන් ගැන ඔබට මොනවාද හිතෙන්නේ?
ඔහු හොඳ කටහඬක් තිබුණු, ඉතා දක්ෂ චරිතාංග නළුවෙක්, නමුත් අපේ රටේ එවැනි චරිතාංග නළුවන්ට නිසි තැනක් ලැබෙන්නේ නැහැ. ඒ නිසා දන්නා කියන නිර්මාණකරුවන්ගේ කලා නිර්මාණවලට පමණයි ඔහුට දායක වෙන්න ලැබුණේ. කූඹියෝ ටෙලි නාට්යයේ ඔස්ටින් අයියාගේ චරිතය නිසා ඔහු ගැන ලොකු අවධානයක් ඇති වෙමින් තිබුණා. ඉදිරියේදී එහි ඔහුගේ චරිතය තවත් ප්රබල ලෙස ඉස්මතු වේවි. සාමාන්ය ප්රේක්ෂකයා තුළ ඔහු ගැන කතාබහක් ඇති වෙමින් තිබියදී තමයි ඔහු වියෝ වුණේ. ඇත්තටම ඔහු ජීවත්ව සිටිය යුතුව තිබුණු කාලයේ තමයි ඔහුට මෙලොව හැරයාමට සිදුවුණේ.
-උපුටා ගැනීමකි-
ඇතීවී තිබෙන ඉන්ධන හිඟය හේතුවෙන් බොහෝ රථ වාහන හිමියන් මේ වන විට දැඩි අපහසුතාවට මුහුණදී තිබෙනවා.පෙට්රල් ලබා ගැනීමේ බගාපොරොත්තුවෙන් ඉන්ධන හල් වෙත පැමිණි බොහෝ පිරිසක් දිගු පොලිම් වල රැඳී සිටිනු දක්නට ලැබෙනවා.
මේ අතර ඉන්ධන නිකුත් කරමින් පවතින ඉන්ධන හල්වල දැඩි උනුසුම් කාරි තත්වයන්ද මතුව තිබෙන අතර අතැම් ඉන්ධනහල් වලින් සුපිරි මොටර් රථ සඳහා වැඩි වශයෙන් ඉන්ධන ලබාදෙන බවත් ත්රීරොද රථ හා යතුරුපැදි සඳහා ඉන්ධන ලබාදීමේදී මන්දගාමී ස්භාවයක් අනුගමනය කරන බවත් වාර්තාවනවා.
මේ ආකාරයේ සිදුවීමක් අද කළුතර ප්රදේශයෙන් වාර්තා වුණා.මෙහිදී එක්තරා ප්රභූවරයෙක් පොලිස් ආරක්ෂාව මැද ඉන්ධන ලබාගැනීමට අදාළ ඉන්ධන හල වෙත පැමිණ තිබූ අතර ඒ මොහොතේ බොහෝ දෙනෙකු ඉන්ධන ලබාගැනීමේ අපේක්ෂාවෙන් දිගු පෝලිමක සිට තිබෙනවා.
කෙසේ වෙතත් එතැන සිටි පුද්ගලයෙකු මෙම අසාධාරණයට එරෙහිව නිර්භීතව සිය අදහස් ප්රකාශ කරන අයුරු දැක්වෙන වීඩියෝවක් අප වෙත වාර්තා වුණා.
එම වීඩියෝව පහතින් නරඹන්න.
ඉරාජ් වීරරත්න සහ සිරි සමන්තබද්ර හෙවත් පිටදූවේ සිරිධම්ම යනු ක්ෂේත්රයන් දෙකක පෙරළිකාර චරිත ද්විත්වයක්. අලෙවිකරණය සඳහා දෙදෙනාටම ඇත්තේ ඉතා හොද හැකියාවක්.
මීට සුලු මොහොතකට පෙර ඉරාජ් සිය ෆේස්බුක් ගිණුමේ තැබූ සටහනක් පහතින් දැක්වෙනවා.
මල්වතු මහානායක හිමියන්ගේ ආශිර්වාදය සහ උපදෙස් අනුව කටයුතු කරන බවට දණින් වැටී පොරොන්දු වී පිටදූවේ සිරිදම්ම හිමි ඉරාජ්ගේ මියුසික් වීඩියෝ වල අඩුපාඩු බැලීම මල්වතු පාර්ශවයේ සංඝ්යා වහන්සේලාට කැපද? අකැපද? එය භික්ෂූන් වහන්සේලාට අයත් රාජකාරියක්ද? නැද්ද?
[rns_reactions]
අද (06) දිනයේත් පෙට්රල් ලබා ගැනීමේ බලාපොරොත්තුවෙන් ඉන්ධනහල් වෙත පැමිණි බොහෝ පිරිසකට පෝලිම්වල රැඳී සිටීමට සිදුව තිබෙනවා.
බොහෝ ඉන්ධනහල් වෙත අලුතින් ඉන්ධන ලැබී නොමැති බවද වාර්තා වෙනවා. එම ඉන්ධනහල් හිමියන් පෙන්වා දෙන්නේ ඉන්ධන ලැබෙන වේලාවක් නිශ්චිතව ප්රකාශ කළ නොහැකි බවයි.
මේ අතර තව දුරටත් ඉන්ධන නිකුත් කරමින් පවතින ඉන්ධනහල්වල දැඩි උණුසුම්කාරී තත්ත්වයන් වාර්තා වන බවයි අප වාර්තාකරුවන් පවසන්නේ.
කොම්පඤ්ඤවීදියේ ඉන්ධනහලකද මීට සුළු වේලාවකට පෙර උණුසුම්කාරී තත්ත්වයක් වාර්තා වුණා. ඒ බෝතල්වලට ඉන්ධන නිකුත් කිරීමට ඉන්ධනහල් සේවකයින් ප්රතික්ෂේප කිරීම හේතුවෙන්.
මේ අතර සුපිරි මෝටර් රථ සඳහා ඉන්ධනහල්වලදී වැඩි වශයෙන් ඉන්ධන ලබා දෙන බවද යතුරුපැදි සහ ත්රීරෝද රථවලට ඉන්ධන ලබා දීමේදී මන්දගාමී ස්වභාවයක් අනුගමනය කරමින් ඇති බවටද චෝදනා එල්ල වී තිබෙනවා.
කෙසේවෙතත් තව දුරටත් ඉන්ධන නිකුත් කරමින් ඇති ඉන්ධනහල්වලට පොලිස් ආරක්ෂාව යටතේ එම කටයුතු සිදු කිරීමටයි සිදු ව ඇත්තේ.
බිග් හර්ෂ යන අනුවර්ථ නාමයෙන් ගීත ක්ෂේත්රයේ ජනප්රිය හර්ෂ එරංග සිය ජිවීත කතාව 27 නමින් නව ගීතයකින් එළි දක්වා තිබෙනවා.
නිකුත් කළ මොහොතේම සිට මහත් ආන්දෝලනයට තුඩු දුන් මෙම විඩීයෝව ගීත නිෂ්පාදක ඉරාජ් වීරරත්න විසින් රිපොර්ට් කිරීම නිසා යුටියුබ් වෙබ් අඩවියෙන් ඉවත් කර පවා තිබුනා. ඒ මෙම ගීතය තුල ඉරාජ් වීරරත්න විසින් නිෂ්පාදනය කළ “මනමාලී” ගීතයෙ කොටස් තිබීම පාදක කර ගනිමින්.
මෙම ගීතයෙන් ඉරාජ් වීරරත්න විසින් හර්ෂ එරංගගේ ලක්ෂ 27ක මුදලක් වංචා කර ලබා ගත් සිදුවීමක් පිළිබද හෙළි කර තිබිමද විශේෂත්වයකි.
ආන්දෝලනයට තුඩු දුන් එම විඩීයෝව පහතින්
https://www.facebook.com/supirigossip1/videos/1491937154175219/
[rns_reactions]
නව යුවලක් සිය මධුසමය ගතකිරීමට ඇණවුම් කර තිබූ කුලියාපිටියේ හෝටලයක , සුඛෝපභෝගී කාමරයේ යහනට මුහුණලා තිබූ දොරෙහි සෑදූ සිදුරු දෙකක් තිබී හමුව තිබෙන බව වාර්තා වෙනවා. ඒ කුලියාපිටිය ප්රදේශයෙන්.
මේ බව අනාවරණය වී තිබෙන්නේ මදුසමය ගතකිරීමට හෝටලය මගින් තමන්ට ලබා දුන් කාමරයේ යහනට මුහුණලා දොරෙහි සිදුරු දෙකක් දක්නට ලැබුණ බවත්, ඉන් රාත්රියෙහි හෝටල් සේවකයකු වීඩියෝ දසුන් ලබාගත්තා දැයි සැකයක් පවතින බවත් කියමින් නව යුවළ පොලීසියට පැමිණිලි කිරීමත් සමගයි.
එම පැමිණිල්ල ලද සැණින් වහා එහි ගොස් පරීක්ෂණ පැවැත් වූ පොලිසියට ද එම කාමරයේ දොරෙහි ඇස තබා බැලීමේදී පූර්ණ වශයෙන් යහන දිස්වන පරිදි සකසා තිබූ සිදුරු දෙකක් දක්නට ලැබී ඇති අතර ඒවා කෙසේ සිදුවීද යන්න වැඩිදුර නිරීක්ෂණයට පොලිස් අපරාධ ස්ථානයීය පරීක්ෂණ කණ්ඩායම්ද(SOCO) කැදවා තිබූ බව සදහන්.
සොකෝ නිලධාරීන් දිගින් දිගටම සිදුකළ පරීක්ෂණවලදී නව යුවළ නැවතී මධුසමය ගතකළ බැව් කියන අදාළ කාමරයට යාබද කාමරයේද එවැනිම ආකාරයේ සිදුරු දක්නට ලැබී ඇති අතර ඒ පිළිබදවද තවදුරටත් පරීක්ෂණ පවත්වන බව වාර්තා වෙනවා.
මේ පිළිබදව අදහස් දක්වන නව යුවළගේ ඥාතීන් පවසන්නේ දැඩි විශ්වාසයෙන් යුක්තව මෙම හෝටලයේ කාමරයක් වෙන්කරවාගත් බවත් යම් හෙයකින් නව යුවළගේ වීඩියෝ දසුන් පටිගත කිරීමක් සිදුකර ඇත්නම් දෙපළගේම අභිනවයෙන් ඇරඹි යුගදිවිය අවසන් වීමට පමණක් නොව ජීවිත පවා විනාශ වීමට ඉඩ ඇති බවත් මේ පිළිබඳ බලධාරීන් වහාම පියවර ගතයුතු බවත්ය.
කෙසේ වෙතත් එම හෝටලය පාර්ශවයෙන්ද මේ පිළිබදව මාධ්යයට අදහස් දැක්වුනු අතර එහිදි ඔවුන් පවසා තිබුනේ කාමරය වෙන්කරවා ගැනීමට නව යුවළ අත්තිකාරම් මුදල් ගෙවා තිබුණ ද ඉතිරිය ගෙවාදැමීම වළක්වාගන්නට එවැනි චෝදනාවක් සිදුකළ බවට සැක සහිත බවත් ය.
[rns_reactions]
දැන් අපේ රටේ තරුණ පරපුරට බොහෝ වින කටින්නේ ‘සුරා’ යකා ය. මීට අවුරුදු විස්සකට තිහකට පෙර වෙනත් යකුන් වන ‘මහසෝනා’ ‘ඊරියකා’ ලබා සිටි තැන දැන් ‘සුරා’ යකාට හිමිව තිබේ. එදා ගංජා සුරුට්ටුවක් හෝ රා වඩියක් බිව් වරදට හිරගෙදර ගියේ බොහෝ මැදිවියේ මිනිසුන් ය. එහෙත් දැන් කේරළ ගංජා, බාබුල් මාවෝ වෙනත් එවැනි මත්ද්රව්ය රංචු ගැසී බොන්නේ හෙට අනිද්දා මේ රට බාරගන්නට සිටින තරුණ පරපුර වීම අතිශය කනගාටුදායක කරුණකි.
තරුණ කෙල්ලන්ද, විශේෂයෙන් පාසල් සිසුන් ද සිසුවියන් ද මේ අපචාරවලට ගොදුරු වීම දැන් රට පුරා සිදුවේ. කොළඹ තදාසන්නයේ මතු නොව හද්දා පිටිසර ද සුරාවට හෝ මත්ද්රව්යවලට ලොල් පරපුරක් ඇති වෙමින් තිබේ. සමාජ ජාල, වෙබ් අඩවි, යූ. ටියුබ් මෙවැනි අධම ක්රියාකාරකම් සඳහා යොදා ගැනීම නිසා මේ තත්ත්වය වඩාත් වර්ධනය වෙයි.
පැය 3 – 4 කින් සමාජ ජාලා හරහා දැනුම්වත් කරන කෙටි පණිවුඩයකින් දැන් මේ රටේ රාත්රි වෙරළබඩ මත්පැන් සාජ්ජ ඇතිවෙයි. හෝටල්වලට තරුණ තරුණියෝ රොද බඳිති. පුවක්පිටිය, මීගමුව හා තවත් ප්රදේශ කිහිපයක මෙවැනි හමුවීම් කීපයක් ඉකුත්දා මාධ්ය මඟින් අනාවරණය කැරිණ. උදෑසන එළැඹෙද්දීත් මහ මඟ වෙරි මතින් වැටී සිටින යෞවනයන් ගැනත්, වැල්ලේ නිදහසේ ලිංගික හමුවන් පවත්වන කෙල්ලන් සිටින ලෝකයේ තවත් රටක් නැති තරමට දැන් මේ සිරි ලංකාව පිරිහිලා ය.
මා ‘සුරා’ යකා යැයි ලීවේ එවැනි ආත්මයන් ගැන නොව සුරාව යක්ෂාවේශයෙන් රට ආක්රමණය කරන බව කීමටය. බේරුවල රා තැබෑරුමේ බලපත්රය මෙතෙක් නොවිකුණුන, ඉහළ මුදලකට මෙවර විකිණී තිබිණි. ඒ අලුත් මත්ද්රව්ය ආවාට තවමත් රා වලටද තැනක් ඇතැයි පෙන්වමිනි. කෙසේ නමුත් මේ විනාශ වන්නේ හෙට අපේ රට බාරගන්නා තරුණයන්ය. එසේ ම තරුණියන් ය. නැත්නම් වෙනත් විදියකට කියනවා නම් රටේ අනාගතයට දරුවන් බිහි කරන තාත්තලාය.
අනාගතයට දරුවන් බිහිකරන අම්මලා ය.මේ රටට ගෙන එන හා නීතියට හසුවන හෙරොයින් කුඩු, කේරළ ගංජා ප්රමාණය දකින විට අද ලංකාව ලෝකයේ මත්ද්රව්ය ගබඩාව දැයි මට සිතේ. මෙසේ හමුවන මත්ද්රව්ය නැව් ගණන් කන්ටේනර් ගණන් බඩුවලට ඊට පසුව සිදුවන්නේ කුමක්දැයි අපට පමණක් නොව රටේ පළමු පුරවැසියා ජනාධිපතිවරයාට ද ප්රශ්නයකි. එතුමා මේ ගැන විටින් විට ප්රශ්න කළේය. ඒ මත්ද්රව්ය තොග විනාශ කරන බව කීවද එය සක්සුදක් සේ පැහැදිලි නැත.
ගල්කිස්ස උසස් බාලිකා විද්යාලයේ සිසුවියන් දෙදෙනකු විදුහල අසල වෙළෙඳසලකින් මිලදී ගත් ටොෆි වර්ගයක් කෑමෙන් පසු අසනීප වී රෝහල් ගත වීම ආසන්නතම සිද්ධියයි. අපි මේ පිළිබඳව වැඩිමනත් තොරතුරු දැන ගැනීමට මේ පරීක්ෂණයේ දී කට උත්තරක් දුන් ගල්කිස්ස උසස් බාලිකා විද්යාලයයේ නියෝජ්ය විදුහල්පතිනිය අනුෂා මෙත්තානන්ද මහත්මියට කතා කළෙමු.
“සිද්ධිය වුණේ සැප්තැම්බර් 25 වැනිදා. උදේ 7.30 ට පාසල් එනකොට අපේ පාසලේ 8 වසරේ ඉගෙනුම ලබන සිසුවියන් දෙදෙනෙකු පාසල ළඟ කඩේකින් ටොෆි 4 ක් ගෙනැවිත් ඉන් 2 ක් දෙන්නා කාලා. මුල් පරිච්ඡේදය අවසන් වෙලා චිත්ර පන්තියට සෞන්දර්ය ක්රියාකාරකම් සඳහා ළමයින් පිටත යන්නට ඕනෑ. මේ අයගේ පංති තියෙන්නෙ මහපොළ ගොඩනැඟිල්ලේ 3 තට්ටුවේ. මේ ටොෆි කාපු ළමයිනට වමනය, කලන්තය හා මත් ගතියක් ඇතිවෙලා අසනීප වෙලා පංතියේ නැවතිලා. බඩේ අමාරුවකුත් ඇවිල්ලා. චිත්ර පන්තියේ ගුරුතුමිය තමන්ගෙ පාඩමට ආපු නැති දරුවන් ගැන විමසිල්ලෙන් ඉඳලා මේ ළමයි රැගෙන මගේ ළඟට ආවා. ඒ වෙලාවේ විදුහල්පතිනිය හිටියෙ නෑ. මා වහාම ඒ ඉතිරි ටොෆි ගෙනැවිත් බැලුවා. ඒ කවරයේ ‘ලව්’ හා ‘ඩාලිං’ යන වචන තිබුණා. මං ඒ එක ටොෆියක් පාසලේ ආරක්ෂාවට ඉන්නා මහත්මයකුට ‘ටෙස්ට්’ කරන්න කන්නැයි කීවා. එය කන විට සැර හඳුන්කූරු සුවඳක් වගේ එකක් ආවා. ඒ මහත්මයාටත් ටික වේලාවකින් නිදිමත, වමනය, කරකැවිල්ල ආවා. මා තේරුම් ගත්තා මේවා නම් දරුවන් මත් කරන පෙති වර්ගයක් කියලා. අපි පොලිසියට දැන්වුවා. මහජන සෞඛ්ය පරීක්ෂකවරයකුටත් දැන්වුවා. ඒ අය කීවේ මේ ටොෆි බාබුල් කියන ජාතියට සමානයි කියලයි. මේ දරුවන් අහිංසකයි. මල් වගේ දරුවෝ. ඉගෙනුමටත් දක්ෂයි. ළමයි දෙන්නා පාණදුරේ හා බණ්ඩාරගම ඉඳලා පාසල් එන්නෙ. මේවා විකුණන කඩේ මිනිස්සු ළඟ කිසි ම මිනිස්කමක්වත් නෑ, දරුවෝ අනාථ කරන මේ ක්රියාකාරකම් නවත්වන්න ඕනෑ.”
මේ ගුරුවරිය කියන කතාව ඇත්තය. සාමාන්යයෙන් අප දන්නා විදියට පාසලක් පවතින ස්ථානයේ සිට කිලෝ මීටර භාගයක් දුරට කිසිම මත් ද්රව්යයක් (සිගරට්ටුවක්වත්) විකුණන වෙළෙඳසලක් තිබිය නොහැකිය. ඒත් මේ විදියට අපේ තරුණ පරපුර විනාශ කරන පිරිස් පොලිස් ඇප පිට නිදහස් වීම ද පුදුම සහගතය.
මීට ප්රථම මෙම සිද්ධිය සම්බන්ධයෙන් ගල්කිස්ස ප්රධාන මහේස්ත්රාත් හා අතිරේක දිසා විනිසුරු මොහොමඩ් මිහාල් මහතා ඉදිරියේ නඩු විභාග වූ අන්දම තරමක් හෝ ඔබට ලිවිය යුතුය. සිද්ධියට අදාළව පැමිණිල්ල කැඳවූ අවස්ථාවේදී පොලිසිය අධිකරණයට කරුණු දක්වමින් සිද්ධියට සම්බන්ධ බව කියන මුස්ලිම් ජාතික පුද්ගලයින් දෙදෙනකු අධිකරණයට කැඳවීය.
අධිකරණය – මේ දෙදෙනා අධිකරණයට කැඳවූයේ නොතීසියක් අනුවද?
පොලිසිය – නැහැ ස්වාමිනී, ඔවුන් පොලිස් ඇප මත මුදා හැර තිබුණා.
අගතියට පත් දරුවන්ගේ දෙමාපිය සංගමය වෙනුවෙන් පෙනී සිටි නීතිඥ ඊ.ඒ.පී. රාජකරුණා මහතා එහිදී මෙසේ කීය.
ස්වාමිනි, දරුවන් දෙදෙනෙක් ටොෆි කාලා කළුබෝවිල රෝහලට ඇතුළත් කැර සිටියා. ටොෆි කෑමෙන් පසුව ඔවුන්ට කලන්තය හැදිලා තිබුණා. දරුවන් ඉගෙනුම ලබන විදුහලේ නියෝජ්ය විදුහල්පතිනිය මේ ගැන පොලිසියට ප්රකාශයක් දීලා තියෙනවා. නමුත් පොලිසිය නිසි පරිදි ක්රියාත්මක වෙලා නෑ, පොලිසියේ සටහන් කැර තිබූ සටහන ටිපෙක්ස් කැර මකා දමලා සිද්ධිය ගැන පොලිසිය නිසි පරිදි කටයුතු කැර නෑ. නීතිඥ රාජකරුණා උසාවියේදි කීය. එම කරුණු ගැන අවධානය යොමු කළ අධිකරණය මේ සිද්ධිය ගැන ගල්කිස්ස ජ්යෙෂ්ඨ පොලිස් අධිකාරිවරයාට දන්වා යැවිය යුතු බවට නියෝග කළේය. පසුව මේ නඩුව නැවතත් ඔක්තෝබර් 31 දා කැඳවිණ. මේ පිළිබඳව වැඩිමනත් තොරතුරු සොයා ගැනීමට අප ගල්කිස්ස ජ්යෙෂ්ඨ පොලිස් අධිකාරි චන්දන අතුකෝරල මහතා සම්බන්ධ කැර ගතිමු.
“අපි ඒ ටොෆි වර්ගය රස පරීක්ෂක වෙත යැව්වා. අවශ්ය කටයුතු හරි විදියට සිදුකරලා තියෙනවා. ඒ නීතිඥ මහතා මෙවර (31 දා) උසාවි වාරයේදි එම ‘ටිපෙක්ස්’ ගා සටහන් මැකූ කතාව හා ප්රකාශය ඉල්ලා අස්කැරගෙන සමාව ඉල්ලා තිබෙනවා. මත්ද්රව්ය වරදවලට නීතිය බරපතළ ලෙස ක්රියාත්මක වෙනවා. වැරැදි කරලා කෙනෙකුට බේරෙන්න බෑ. මේ පිළිබඳ විමර්ශන කටයුතු සිදුවුණා. නීතිය ඉදිරියේ නඩුව විභාගවෙන නිසා වැඩිමනත් කරුණු කියන්න අපට බෑ…” ඒ මහතා කීය. නීතිය කාටත් සමානය. නීතිය ඉදිරියේදි යුක්තිය හා සාධාරණය ඉටු කළා කීවාට මදිය. ඒ යුක්තිය හා සාධාරණත්වය හරිහැටි ඉටුවූ බව මුළුමහත් සමාජයට පැහැදිලිව පෙනෙන්නට තිබිය යුතුය. මේ නීතියේ වටිනා උධෘතයක් බව ඔබට සිහි ගැන්විය යුතුය.
[rns_reactions]
රටක් සංවර්ධනයේ නිම්වළලු කරා පිය නඟින කල ඊට ප්රබලම දායකත්වයක් සපයනුයේ එරට මාර්ග පද්ධතිය බව අවිවාදිතය. ඒ බව පසක් කරන හොඳම උදාහරණයක් සපයන රටක් හැටියට මැලේසියාව හැඳින්විය හැකිය. ඒ අනුව වර්තමානයේ මෙරට මාර්ග පද්ධතියෙහිද ශීඝ්ර සංවර්ධනයක් සිදුවන බවක් පෙනෙන්නට තිබෙන ඉදිකිරීම් බොහෝ සේ දක්නට ලැබේ. එලෙස නව අධිවේගී මාර්ග, දුම්රිය මාර්ග ඉදිවෙනවා සේම ජනාකීර්ණ පෙදෙස්වල පවතින මාර්ග තදබදයට පිළියම් සොයන ඉදිකිරීම් ද සිදු වෙමින් පවතී.
වර්තමාන යහපාලන රජය බලයට පත්වී කෙටි කලක් තුළ ගත් තීන්දු තීරණවල මල්පල හටගනිමින් තිබෙන අයුරු පසක් කරමින් රාජගිරිය මංසන්ධියේ ඉදිවන ගුවන් පාලමේ වැඩ කටයුතු මේ දිනවල ලහි ලහියේ නිම වෙමින් පවතී.
මාර්ග සංවර්ධන අධිකාරියේ පූර්ණ අධීක්ෂණයෙන්, ස්පාඤ්ඤ රජයේ ණය ආධාර මත ඉදිවන මේ ගුවන් පාලමේ සියලු ඉදිකිරීම් ස්පාඤ්ඤයේ සෙන්චූනියන් සමාගම සහ මෙරට ඇක්සස් සමාගම විසින් සිදු කරනු ලබයි. මීටර් 532ක දිගින් සහ මීටර් 21ක පළලින් යුත් මංතීරු හතරකින් සමන්විත පාලම සඳහා රුපියල් මිලියන 4700ක පමණ මුදලක් වැයවෙතැයි ගණන් බලා ඇත.
දිනකට වාහන ලක්ෂයකට වැඩි ප්රමාණයක් එහා-මෙහා ගමන් කරන රාජගිරිය මංසන්ධිය යනු මෙරට තුළ තිබෙන අධික වාහන තදබදයක් පවතින ප්රධාන මංසන්ධියක් ලෙස සැලැකේ. එම ගුවන් පාලම ඉදිවන රාජගිරියේ වැලිකඩ හන්දියෙන් දිශාවන් හතකට විහිදෙන මාර්ග පද්ධතියක් සහිත ඉතාම සංකීර්ණ වාහන හැසිරවීමක් සිදුවන බව ගුවන් පාලමේ ව්යාපෘති ඉන්ජිනේරු හිමන්ත ජයලත් මහතා අපට පැවැසීය. එසේම ඒ මහතා පවසා සිටියේ එම මන්සන්ධියේ පවතින දැඩි වාහන තදබදය නිසා ඒ අවට මන්සන්ධිවලද පවතින අධික තදබදය නිරාකරණය කිරීමට අපහසු වී තිබෙන බවකි.
මෙලෙස අධික වාහන තදබදයක් පවතින මොහොතේදී එම මාර්ගයේ වාහනවල වේගය පැයට කිලෝමීටර් දෙකක පමණ ඉතාම මන්දගාමී තත්ත්වයක් පවතින බවක් ද වාර්තා වේ. එවැනි හේතු කාරණා නිසා රටක් වශයෙන් මෙරටට සිදුවන පාඩුව සුළුපටු නොවන හෙයින් වර්තමාන රජය ගත් ඉතාම කාලෝචිත සහ කඩිනම් තීන්දුවක් ලෙස මේ ගුවන් පාලම ඉදිකිරීමට සැලැසුම් කිරීම සැලැකිය හැකි බව බොහෝ දෙනකුගේ අදහසයි.
පාලමේ ඉදිකිරීම් ගැන ව්යාපෘති ඉන්ජිනේරු හිමන්ත වැඩිදුරටත් පවසා සිටියේ, 2015 වර්ෂයේ තමයි මේ පාලම ඉදිකිරීමට ගිවිසුම් අස්සන් කළේ. 2016 වර්ෂයේයි වැඩ ආරම්භ කළේ. උතුරු, දකුණු පාලම ලෙස අදියර දෙකකින් වැඩ අවසන් කරන්න මුලින් සැලැසුම් කළේ. ඒ වගේම 2018 ජනවාරිවලයි මෙහි වැඩ අවසන් කොට ජනතා අයිතියට පත්කිරීමට සැලැසුම් කළේ. එහෙත් අවැසි සියලු කටයුතු වෙලාවට කලාවට කඩිනම්ව සිදුවූ නිසා ලබන දෙසැම්බර්වල අදියර දෙකෙහිම වැඩ අවසන් කොට 2017 ජනවාරි මාසයේදී ජනතා අයිතියට පත්කිරීමට නියමිත බව ඔහු පවසයි.
ඒ අනුව සියලු වැඩ කටයුතු කඩිනම්ව සිදුවූ හෙයින් නියමිත කාලයට අවුරුද්දකටත් කලින් වැඩ අවසන් කිරීමට නියමිත ගුවන් පාලමේ තාක්ෂණික ගැටලුවක් ගැන පසුගිය දිනවල ඇතැම් දෙනා ප්රශ්න මතු කළහ. එම සියලු පැනයන්ට මාර්ග සංවර්ධන අධිකාරියේ සභාපති ඉංජිනේරු නිහාල් සූරියආරච්චි මහතා මෙසේ පිළිතුරු දුන්නේය.
“මේ පාලමේ ඔය කියන විදිහේ කිසිම තාක්ෂණික ගැටලුකාරී තත්ත්වයක් නැහැ. අපි ඒ ගැන මොරටුව විශ්ව විද්යාලයේ ඉංජිනේරු පීඨය මඟින් සියලු දේ පරීක්ෂා කර වාර්තාවක් ගත්තා. ඒ මඟින් මේ පාලම ඉතාම විශිෂ්ට ඉදිකිරීමක් බව සනාථ කර තිබෙනවා. පොඩි ගැටලුවක් පැනනැඟුණේ එකලස් කිරීමේ කටයුතුවලදී. මොකද මෙහි සියලු කොටස් ස්පාඤ්ඤයේ එකලස් කරලා ගෙනාවේ. පාලමේ තිබෙන වංගු හැඩය නිසා මධ්ය ලක්ෂ්යයේ සිට කුඩා ප්රමාණයක් පැත්තකට යෑමක් සිදු වෙනවා. ඒ සියලු දේ කිසිම ගැටලුකාරී තත්ත්වයක් නොවන බව මොරටු ඉංජිනේරු පීඨය සියලු දේ පරිගණක තාක්ෂණයෙන් සනාථ කළා.”
තව නොබෝ දිනකින් ජනයාට විවෘත වන රාජගිරිය ගුවන් පාලම යුරෝපීය සම්මතයන්ට අනුව ඉදිකරමින් යකඩ මත කොන්ක්රීට් අතුරා ලංකාව තුළ ඉදිකළ ප්රථම ගුවන් පාලම ලෙසද ඉතිහාසගත වේ. පාලම ඉදිකිරීමෙන් අනතුරුව රාජගිරිය අවට මාර්ගවල පවතින තදබදය තුරන් වී වර්තමානයේ පවතින වේග සීමාව අට ගුණයකින් පමණ ඉහළ යා හැකි බවට සැලැසුම් කර ඇතැයි ව්යාපෘති ඉංජිනේරු හිමන්ත පවසා සිටියේය
[rns_reactions]
රථවාහන වැරදි 5ක් සම්බන්ධයෙන් රු. 25000ක දඩමුදල් අය කිරීමේ නීතිය ලබන මස සිට ක්රියාත්මක වන බව මාර්ග ආරක්ෂාව පිළිබඳ ජාතික සභාවේ සභාපති වෛද්ය සිසිර කෝදාගොඩ මහතා සිළුමිණට කීය.
මේ සම්බන්ධ කෙටුම්පත තවමත් නිකුත් කර නැති හෙයින් තරමක ප්රමාදයක් පැවතුණද හැකි ඉක්මනින් නීතිය ක්රියාත්මක කිරීමට කටයුතු යොදනු ලබන බවද ඒ මහතා කීය. ඒ අනුව බීමත්ව රිය පැදවීම, රියැදුරු බලපත්රයක් නැතිව රිය පැදවීම හෝ එවැන්නකුට තම රථය පැදවීමට ඉඩ දීම, අනාරක්ෂිත ලෙස දුම්රිය හරස් මාර්ගවලින් ධාවනය කිරීම, රක්ෂණ ආවරණයක් නැතිව රිය ධාවනය යන වැරදි සඳහා රු. 25000ක් බැගින් දඩ මුදල් නියම කරනු ඇත.
රථවාහන වැරදි 7ක් ආරම්භයේදී මේ සඳහා යෝජිතව තිබුණද පසුව වමෙන් ඉස්සර කර යෑම සහ අධික වේගය යන කරුණු එයින් ඉවත් කර ඇතත් විශේෂයෙන්ම යතුරු පැදි සහ ත්රිරෝද රථ සම්බන්ධයෙන් වමෙන් ඉස්සර කර යෑම ක්රියාත්මක කළ යුතු බවද ඒ මහතා පෙන්වා දුන්නේය.
රටේ සිදු වන අනතුරුවලින් බහුතරයකට බලපා ඇත්තේ යතුරුපැදි හා ත්රිරෝදරථ වැරදි බවත්, මේ අනතුරු වැඩි වශයෙන්ම සිදු වන්නේ නොසැලකිලිමත් ලෙස ධාවනය නිසා බවත් ඒ මහතා කීය. මේ දඩ මුදල් අධිකරණය මඟින් නියම කරනු ලබන බවද ඒ මහතා පෙන්වා දුන්නේය. අනෙකුත් රථ වාහන වැරදි දඩ මුදල්ද වැඩි කර ඇත.
[rns_reactions]
ලග්න 4 කට මාලවී යෝගය උදා කරවමින් ග්රහ ලොව මනාලිය අද රාත්රියේ කන්යා රාශියේ සිට තුලා රාශි ගතවේ. 2017/11/03 සිට 2017/11/26 දක්වා තුලා රාශියේ ගෝචරය වේ.
–
ලංකා කුම්භ ලග්න කේන්දරයේ සිකුරු ග්රහයා 9 වැන්නේ ගෝචර වේ. ඒ අනුව දැනට පවතින වැසි සහිත කාලගුණ තත්ත්වය තරමක් දුරට අඩු වීමට ඉඩ ඇත.
ලග්න 12ට පොදුවේ මේ ආකාර වෙයි.
–
● මේෂ
මේෂ ලග්නයේ සිකුරු 7 වැන්නේ ගෝචරවේ.
ආදායම් මාර්ග වැඩි දියුණු කර ගැනීමට හැකියාව ලැබිමට ඉඩ ඇත. කෙසේ හෝ තම කටයුතු කර ගෙන යාමට අවස්ථාවක් උදාවිමට ඉඩ ඇත.
රැකියාවෙ තම හැකියාවෙන් එලිදැක්විමටත්, පිරිස් පාලනයට හැකි වෙයි. නව රැකියා ලැබෙන කාලයක් විය හැක.
යුග දිවිය සාර්ථක කර ගෙන ඉදිරියට යාමට හැකියාව ඇති කාලයකි.
–
● වෘෂභ
වෘෂභ ලග්නයේ සිකුරු 6 වැන්නේ ගෝචරවේ.
ආර්ථිකයෙ කඩාවැටීම්, ආදායම් මාර්ග වල ඇනහිටිමි පෙන්නුම් කරයි.
රැකියා ස්ථානයේ දෝෂාරෝපණ එල්ල විය හැක. රැකියාව එපා වීමට ඉඩ ඇත. රියදුරු ආදි රැකියා කරන අයට ඉතාමත් අසුබ කාලයකි.
ඥාතීන් සමග ගැටුම් ඇති විය හැක. හදිස්සි අනතුරු සෞඛ්ය සම්බන්ධ ගැටලු ඇති වීමට ඉඩ ඇත.
–
● මිථුන
මිථුන ලග්නයේ 5වැන්නේ සිකුරු ගෝචරවේ.
ව්යාපාර වලට තරමක් සුබ කාලයකි. ව්යාපාර ක්ෂේත්රයේ තම සතුරන් පරාජය කර ඉදිරියට යාමට හැකි වේ.
රැකියාවෙ මෙතෙක් තිබු බාධා ජය ගැනීමට හැකියාව ලැබෙන කාලයක් විය හැක. නව රැකියා ඉල්ලුම් කර ඇති අයට රැකියා ලැබිමට ඉඩ ඇත.
ගෘහ ජීවිතයේ යටිබඩ ආමාශ ගත රෝග හට ගැනීමෙ අවදානමක් ඇත, ප්රවේසම් විය යුතුය.
–
● කටක
කටක ලග්නයේ සිකුරු ග්රහයා 4 වැන්නේ ගෝචරවේ.
ආදායමි මාර්ග වැඩි දියුණු කර ගැනීමට හැකි කාලයක් වීමට ඉඩ ඇත. තිබු බාධා ඉවත් වේ. ලොතරැයි ජයග්රහණ ආදියට අවස්ථාව උදාවෙයි.
රැකියා බලාපොරොත්තු ඉටු විය හැක. ලිපි කටයුතු ආශ්රිත රැකියා කරන අයට ඉතාමත් සුබ කාලයකි. උනන්දුව වැඩි විය හැක.
පවුලේ සමගිය වර්ධනය කර ගැනීමට හැකියාව ලැබෙන කාලයකි. මංගල යෝග උදා වේ.
–
● සිංහ
සිංහ ලග්නයේ සිකුරු 3 වැන්නේ ගෝචරවේ.
බාධා ජය ගැනීමට හැකි වේ. භූමි උරුම කම් ලබා ගැනීමට ඒවා නිරාකරණය කර ගැනීමට හැකි කාලයක් විමට ඉඩ ඇත.
රැකියාව බාධා මැද කර ගෙන යාමට හැකි කාලයක් විය හැක. නව රැකියා ලැබිමට ඉඩ ඇත.
පවුලේ සමගියට තරමක බාධා පැමිණේ කල්පනාකාරීව කටයුතු කල යුතුය.
–
● කන්යා
කන්යා ලග්නයේ සිකුරු 2 වැන්නට පැමිණේ.
ආදායමි මාර්ග වැඩි දියුණු කර ගැනීමට හැකිවේ. බලාපොරොත්තු සපල කර ගැනිමට හැකි කාලයක් වීමට ඉඩ ඇත.
රැකියාවෙ මෙතෙක් තිබු බාධා ජය ගැනීමට හැකියාව ලැබිමට ඉඩ ඇත. රැකියාවේ පෙරට යාමේ ගති වැඩි වන කාලයකි.
මිතුරන් ඥාතීන් අතර හොඳ හිත වර්ධනය වෙයි. පවුලේ සමගිය පෙරට වඩා වැඩි දියුණු කර ගැනීමට හැකි කාලයකි.
–
● තුලා
තුලා ලග්නයේ සිකුරු ලග්න ගතවේ.
ආදායම් මාර්ග පුළුල් කර ගැනීමට හැකියාව ලැබෙන කාලයක් වීමට ඉඩ ඇත. මුදල් සම්බන්ධව තිබූ ගැටලු නිරාකරණය කර ගැනීමට හැකි වන කාලයකි.
නව රැකියා අවස්ථා නිර්මාණය වීමට ඉඩ ඇත. රැකියා වල නිරත අයට උසස් වීම් තරඟ විභාග වලට සහභාගි වීමට ඉඩ ලැබේ.
ආදර සබඳතා වර්ධනය වේ. මංගල යෝග උදා වේ. දුර බැහැර විනෝද ගමන් බිමන් යාමට ඉඩ ලැබිය හැක.
–
● වෘශ්චික
වෘශ්චික ලග්නයේ සිකුරු ග්රහයා 12 වැන්නට පැමිණේ.
ආදායම වැඩි කර ගැනීමට පියවරක් ගැනීමට සිදු වන කාලයකි. නැතහොත් ආදායමට වඩා වියදම වැඩි වන කාලයකි.
රැකියා සොයන අයට නව රැකියා අවස්ථා උදාවෙයි. උසස් විම් තරග විභාග ප්රමාද විය හැක. මහන්සියේ තරමට ප්රතිඵල නො ලැබේ.
පවුල තුල හොඳ හිත වර්ධනය වන කාලයකි. විනෝද ගමන් බිම්වලට යාමට අවස්ථා උදා කර ගත හැක.
–
● ධනු
ධනු ලග්නයේ සිකුරු 11 වැන්නේ ගෝචරවේ.
ආර්ථික ගැටළු බොහොමයකට විසඳුම් සොයා ගැනීමට ඉඩ සැලසෙන කාලයක් විය හැක. ආර්ථික මට්ටම යහපත්ව පවත්වා ගෙන යාමට හැකි වේ.
නව රැකියා අවස්ථා උදා කර ගැනීමට හැකි කාලයක් විය හැක. රැකියාවේ යම් කිසි දියුණුවක් ඇති කර ගැනීමට ගන්නා උත්සාහයක් සාර්ථක වේ. විදෙස් ගත විම් වලට යහපත් කාලයකි.
පවුලේ සමගිය වර්ධනය වේ. දරුවන් වෙනුවෙන් වෙහෙසිමට සිදුවේ .
–
● මකර
මකර ලග්නයේ සිකුරු 10 වැන්නේ ගෝචරවේ.
නව ආදායම් මාර්ග උදාවෙයි. ණය ලැබීමට ඉඩ ඇත. වියදම් පාලනය කර ගත යුතුවේ. නැතහොත් ප්රශ්න ඇති වීමට ඉඩ ඇත.
නව රැකියා අවස්ථා උදාවේ. රැකියාවල නියුතු අයට තමන්ට ඇතිවන ගැටළු විසඳා ගැනීමට හැකි වේ.
ගෘහ ජීවිතයේ දෙමාපියන්ගේ දෝෂ දර්ශනයට ලක් වීමට ඉඩ ඇත. පවුල් ජීවිතයේ සමගියට බාධා පැමිණීමට ඉඩ ඇත.
–
● කුම්භ
කුම්භ ලග්නයේ සිකුරු 9 වැන්නට පැමිණේ.
ආර්ථික වාසි වැඩි වශයෙන් කුඩා වීමට ඉඩ ඇත. නව ව්යාපාරික අවස්ථා හවුල් ව්යාපාර කරන අයට යහපත් කාලයක් උදාවිමට ඉඩ ඇත.
රැකියාවේ උසස් වීම් තරග විභාග ආදිය බලාපොරොත්තුවෙන් සිටින අයට ඒ සඳහා සුදුසු අවස්ථා ලැබිමට ඉඩ ඇත.
මංගල යෝග උදා වේ. ගෘහ ජීවිතය තුල ප්රීති උත්සවවලට සහභාගි වීමට ඉඩ ලැබේ. අධ්යාපනය ලබන දරුවන්ගේ අධ්යාපනය කටයුතු සාර්ථක විය හැක.
–
● මින
මීන ලග්නයේ සිකුරු 8 වැන්නේ ගෝචරවේ.
ආදායම් මාර්ග වලදී තමන් තුල ඇතිවන දුර්වලතා තුලින් මුදල් නාස්ති වීම් සිදුවීමට ඉඩ අත. එසේම ගනුදෙනුවල දී ප්රවේසමෙන් කටයුතු කලයුතුය.
රැකියාවෙ වෙනදාට වඩා වෙහෙසීමට සිදුවේ. දුර බැහැර ගමන් යෙදේ නව රැකියා ප්රමාද වේ.
පවුල වෙනුවෙන් වෙනදාට වඩා කැපවීමට සිදුවේ. තම පවුල් ජීවිතයේ සමගිය ආරක්ෂා කර ගැනීමට පියවර ගැනීමට සිදුවිය හැකි කාලයකි.
[rns_reactions]
ඊයේ (01) පස්වරු 2.15 ට පමණ එම පාසලේ හත්වන වසරේ අධ්යාපනය ලබන ලිනාල් මිතිල රණවිර (12) සිසුවා පුහුණූවීම් කටයුතු වල නිරතව සිටින අවස්ථාවේ පාසලේ ළිද අසල වැටී බරපතල ලෙස තුවාල ලබා එම සිසුවාම ප්රතිකාර ලබා ගැනිමට ත්රිරෝද රථයකින් ගිනිගත්හේන රෝහල වෙත ගොස් ඇත.
රෝහලට ගිය සිසුවාගේ තත්ත්වය බරපතල නිසා එම සිසුවා නාවලපිටිය මුලික රෝහලටත් පසුව පේරාදෙණිය ශික්ෂණ රෝහලට ඇතුළත් කර ඇති බව එම සිසුවාගේ මව වන ගිනිගත්හේන පදුපොළ පදිංචි ඩිබිලිවි.ඒ තනුජා මහත්මිය පැවැසීය.
තම පුතා වැටීමෙන් මුඛයේ ඉදිරි පස දත් දෙකක් ගැලවි තවත් දත් කිහිපයක් මුඛයේ විදුරුමස් තුළට ඇතුළුවි ඇති බව සිසුවගේ මව පැවැසීය.
තුවාල ලැබු පුතාගේ තත්ත්වය බරපතල නිසා අද (02)දිනයේ පේරාදෙණිය ශික්ෂණ රෝහලේදි ඔහු ශෛල්ය කර්මයකට ද භාජනය කළ බව සිසුවාගේ මව පැවැසය.
තම පුතා වැටී මෙසේ බරපතල තුවාල ලබා සිටියේදි ඒ පිළිබදව අනෙකුත් සිසුන් විසින් එම විදුහලේ විදුහල්පතිවරයාට සහ ආචාර්යය මණ්ඩලයට හා පුහුණු කරුට දැනුම් දුන්නද ඔවුන් කිසිවකුත් තම දරුවා රෝහල් ගත කිරිමට ක්රිය නොකළ බව ද ඇය පැවැසීය.
මේ සම්බන්ධයෙන් විදුහල්පතිවරයාගෙන් විමසූ විට තමාගේ පුතා පාසල් දග සිසුවෙකු බවත් ඔහු පාලනය කිරීමට නොහැකි බවත් විදුහල්පතිවරයා විසින් පැවසු බව ඇය පැවැසීය.
මේ සම්බන්ධයෙන් තමන්ට විධිමත් පරිකෂණයක් අවශ්ය බවද ඩිබිලිවි.ඒ තනුජා මහත්මිය අධ්යාපන බලධාරින්ගෙන් ඉල්ලා සිටියේය.
පොළොන්නරුව හිඟුරක්දමන මහා විද්යාලයේ මෙවර අධ්යයන පොදු සහතිකපත්ර සාමාන්ය පෙළ විභාගයට පෙනී සිටින ශිෂ්යවකට සති දෙකකට බළපැවැත්වෙන පරිදී පන්ති තහනමක් ලබා දීමට එම විද්යාලයේ විදුහල්පතිවරයා කටයුතුකර ඇත. පාසලේ විනය මණ්ඩළයේදී ඊට අදාල චෝදනාව වශයෙන් ඔහු දක්වා ඇත්තේ, තමන් මෙකී ශිෂ්යාවගේ දෙමව්පියන් හට ඇගේ වෛද්ය වාර්තාවක් ගෙන එන්නට යැයි පැවසූ බවත් ඔවුන් එසේ කිරීමට අසමත් වූ නිසා මෙය ප්රතික්ෂේප කළ බවත් ය.
ඉකුත් මස 19 වන දින මෙකී ශිෂ්යාව විසින් පාසල් කාලය නිමාවී අමතර නැටුම් පන්තියක් උදෙසා පාසලේ ඇගේ පන්ති කාමරයට වී රැඳී සිට ඇත. මෙහිදී විදුහල්පතිවරයාට මේ සම්භන්ධයෙන් සැකයක් පැමිණ ඇත්තේ පාසල් භූමිය අවට ශිෂ්යයන්ද ඒ මොහොතේ රැඳී සිට අති නිසාත්, මීට පෙර ඇගේ ප්රේමවන්තයාගෙන් ලැබුණු ලියමනක් ඇය සන්තකයේ තිබී හමුවූ නිසාත් ය. ලියුමක් හමුවීම සහ පාසල් කාලයෙන් පසුව අමතර පන්තියක් සඳහා පාසලේ රැඳී සිටීම හුදෙක් ලිංගික ක්රියාවක් සඳහා යොමුවීමක් ලෙස අර්ථගන්වා , එම බොළඳ තර්කය මත පදනම්ව ඇගේ අධ්යාපන දිවියම විනාශ කළ මෙකී මොට්ට විදුහල්පතිවරයා යම් කිසි මානසික ව්යාධියකින් පෙළෙන බව මගේ හැඟීමයි. එහෙයින් , යෞවනත්වයේ පසුවන දුවා දරුවන්ගේ හැඟීම් තේරුම් නොගෙන , ඒඅනුව යමින් ඔවුන්ගේ සම්පූර්ණ අනාගතයම අඳුරට ඇද දමන වෙවැනි අඳබාල විදුහල්පතිවරුන්ගේ අදූරදර්ශී ක්රියාවන්ට විරුද්ධව පරිපාලන මට්ටමින් නීතිය ක්රියාත්මක වියයුතු නොවේද ?
[rns_reactions]