Category: සුපිරි Walks

ඊයේ (19) දිනයේ අගමැතිතුමා කොලොන්නාව ප්‍රදේශයට පැමිණ අසරණ වූ ජනතාවගේ සුව දුක් විමසුවා. 

අගමැති එම ප්‍රදේශයෙන් පිටව ගිය පසු ජනතාව දැක්වුයේ මෙවන් ප්‍රතිචාරයක්. මෙහි අසභ්‍ය වචන ඇති බවත් ඒ පිටවන්නේ ජනතාවගේ වේදනාව බවත් කරුණාවෙන්  සලකන්න.

එම ජනතාව නිතරම කියා සිටියේ ඔවුන්ගේ කදුළු කතාවට  මාධ්‍ය තුල නිසි ඉඩක් නොමැති බවත්  සත්‍ය වසන් කර වෙනත් කරනා උපුටා දැක්වීමට රජය උත්සහා දරන බවත්ය.
[rns_reactions]

මීතොටමුල්ල කුණුකන්ද කඩා වැටීමෙන් පසුව පාර්ලිමේන්තු මන්ත්‍රී හිරුනිකා ප්‍රේමචන්ද්‍ර ආගිය අතක් සොයා ගැනීමට නොහැකි වී ඇත.

කොලොන්නාව ජනතාව අතර ඇයගේ මේ  ක්‍රියා කලාපය, දැඩි දෝෂාරෝපණයකට ලක්ව ඇත. මේ වන තුරුත් ඇය එම ප්‍රදේශයට අඩියක් තබා නොමැත.

මේ අතර කුණු කන්දට අතුරුදහන් හිරුණිකා හදිසියේම සියත රුපවහිනේයෙන් මතුවී ඇත.

මුළු කොලොන්නවම එකම මළගෙයක් වී තිබෙන මොහොතක ඇය තේ බොමින් බොහෝ සතුටට පත්ව පත්තරේ බලන හැටි ඔබටද නැරබිය හැක. 

හිරුණිකාට ඡන්දය දුන් බොහෝ පිරිසක් මේ වන විට පොළොවට පස් වී ගොස් ඇත.

[rns_reactions]

මීතොටමුල්ල කුණු කන්ද නාය යාමෙන් විපතට පත්වූ ජනතාවගේ සුවදුක් විමසීම සඳහා ශ්‍රීලංකා ක්‍රිකට් කණ්ඩායමේ ක්‍රිකට් තරු කිහිපයක් මේ වන විට මීතොටමුල්ල ප්‍රදේශයට ගොස් තිබේ.

රංගන හේරත්,තිසර පෙරේරා , ඩිල්ෂාන් මුණවීර ඇතුළු ක්‍රීඩකයින් පිරිසක් මෙම අවස්ථාවට සහභාගී වී ඇත.

ඔවුන් විපතට පත් ජනතාව වෙනුවෙන් ආධාරද ලබාදීමට නියමිත බවද දැනගන්නට ලැබේ.

[rns_reactions]

සිරස FM නාලිකාවේ ප්‍රධානී ජ්‍යේෂ්ට මාධ්‍යවේදී කිංස්ලි රත්නායක මහතා ඊයේ (18) තමන් දැරූ තනතුරින් වහාම ක්‍රියාත්මක වන පරිදි ඉල්ලා අස් වූ බව එම ආයතනයේ අභ්‍යන්තර ආරංචි මාර්ග සඳහන් කරයි.

එම ඉල්ලා අස් වීමට හේතු වී ඇත්තේ සිරස මාධ්‍ය ජාලයේ සමුහ අධ්‍යක්ෂිකා ශාන්ති බගිදරන් මහත්මිය සමඟ ඇති වූ මත ගැටුමක් හේතුවෙන් බව වාර්තා වේ. 

එකී මත ගැටුමේ ප්‍රතිඵලයක් ලෙස කිංස්ලි රත්නායක මහතා තම ඉල්ලා අස්වීම ආයතනයේ පාලන අධිකාරිය වෙත භාර දී, තමන් සතු බඩු බාහිරාදිය රැගෙන ආයතන පරිශ්‍රයෙන් ඉවත්ව ගොස් ඇති බව වැඩි දුරටත් වාර්තා වේ. 

කිංස්ලි රත්නායක මහතා 1993 වසරේ සිට සිරස මාධ්‍ය ජාලය ආරම්භ කිරීමෙහි ලා පුරෝගාමී වූ කිහිපදෙනා අතරින් ප්‍රමුඛයෙකි.

ඔහුගේ සමකාලීනයකු වන සිරස FM නාලිකාවේ සංගීත අධ්‍යක්ෂක ලෙස කටයුතු කරන නිහාල් වික්‍රම එදිරිසූරිය මහතා ද ළඟදී ම විශ්‍රාම ගැනීමට නියමිත බව සිරස ආරංචි මාර්ග තව දුරටත් සඳහන් කර සිටී.

[rns_reactions]

මිතොටමුල්ලේ කුණු කන්දට බිලි වූ මිනිස් ජිවිත වලට සෘජුවම වගකිවයුත්තේ කවුරුද?

ජනතාව එදා සිට මේ කසල ගොඩට විරුද්ධව විදි බැස්ස නමුත් පාලකයන් එයට නිසි පිළිතුරු ලබා දුන්නාද?

කුණු නගර සභාවට බිස්නස් එකක්ද? කුණු තියෙන තරමට නගර සභාව කැමතිද?

මේ වීඩියෝව සම්පුර්ණයෙන් නරබන්න
[rns_reactions]

මීතොටමුල්ල කුණ කන්ද නාය යාමෙන් පසු කොළඹ නගරයේ එකතුවන කුණු දිනකට මෙට්‍රික් ටොන් 350 බැගින් කරදියාන කසල අංගනයට බැහැර කිරීමට කැස්බෑව මහේස්ත්‍රාත් අධිකරණය කොළඹ මහ නගර සභාවට අවසර දුන්නේය.

කොළඹ මහ නගර සභාව අධිකරණයෙන් කළ ඉල්ලීමක් මත එම කසල බාරගන්නා ලෙස අපද්‍රව්‍ය කළමනාකරණ අධිකාරියේ අධ්‍යක්ෂවරයාට නියෝග කෙරිණි.

එහි සභාපතිනි රුවිනි ධර්මසිරි මහත්මිය විසින් එම කසල බාරගැනීමට අවශ්‍ය කටයුතු යොදන බව අධිකරණයට දන්වනු ලැබුවාය.

[rns_reactions]

මීතොටමුල්ල කුණු කන්දෙන් හානිවූ ජිවිත පිළිබඳව අතිශය  සංවේදී වැකියක් ෆේස්බුක් පිටුවක සටහන් වී තිබුනා.

“මම මිනිසෙක් මි. හදවතක් ඇති මිනිසෙක් මි. මිනිස්කම් දැනෙන, සිත්පිත් ඇති මිනිසෙක් මි.

මම මිනිසුන්ට ආදරය කරමි. එබැවින් දසමසක් කුසේ දරා මා හැදු, ලේ කිරිකර පොවා මා වැඩු, ඇකයේ හොවා මා නැළවූ මගේ ආදරණීය අම්මා, කුණුකන්දක් යට අවසන් ගමන් යනවා දකින්නට මම අකැමැත්තෙමි. දෑතේ කරගැට එනතුරු, දෙපයේ නහර ඉලිප්පෙන තුරු, දහදිය හෙළා මා පෝෂණය කළ මගේ තාත්තා කැලෑ සතෙකු සේ අමතක කර දමනු ලබනවාට අකැමැත්තෙමි. එක බඩවැල කඩාගෙන ආ මගේ සොහොයුරා, සොහොයුරිය කුණු බෑග් එකක් ලෙස වළලා දමනවාට අකැමැත්තෙමි. ආදරයෙන් මා වැළඳගත් මගේ පෙම්බර සැමියා, බිරිඳ, කාත් කවුරුවත් නැති කුණු පිඬක් ලෙස සඟවා දමනවාට මම අකැමැත්තෙමි.

මීතොටමුල්ල කුණු කන්ද නාය යාමෙන් ජිවිත ගණනාවක් රටට අහිමි වුනා.

මේ මල සිරුරු, ආණ්ඩුවේ මැදිහත්වීම මත  අවසන් කටයුතු සිදු කර ඇත. නමුත් ජනතාව පවසන්නේ ආණ්ඩුවෙන් ලබා දී ඇති මිනි පෙට්ටි ඉතාමත් බාලම තත්වයේ පවතින බවයි.

සමහර මිනි පෙට්ටි වල ලෑලි ගැලවී ගොස් ඇත. එමෙන්ම සමහර මිනි පෙට්ටිවල ලෑලි ගැලවෙන බැවින් එම පෙට්ටි වටා රෙදි පටි පවා ඔතා ඇති බව අපට දැක ගත හැක.

මේ සිදුවීම හරහා කාරනා දෙකක් වටහා ගත හැක.

එනම් මේ අසරණ ජනතාව සත පහකට ගණන් නොගෙන ආණ්ඩුව  කිසිදු වගකීමකින් තොරව ඉතාමත් අඩු වටිනාකමකින් යුතු මිනි පෙට්ටියක් ඔවුන්ට සුදුසු යැයි සිතුවාද?

එසේත් නැති නම් ආණ්ඩුව විසින් නියමිත වටිනාකමක් ලබා දුන්නත් මිනි පෙට්ටි සාප්පුව බාල මිනි පෙට්ටි සපයා අධික ලාභයක් ලැබුවාද?
[rns_reactions]

දෙහිවල ජාතික සත්වෝද්‍යානයේ දී වලස් පැටවකු උපත ලබා ඇත.

සතියක් වියැති මෙම පිරිමි පැටවා මේ වන විට මවගේ තුරුලේ හොඳ සෞඛ්‍යය තත්ත්වයෙන් පසුවන බව යන එන ඕනෑම අයෙකුට  දැක ගැනීමට හැකියාව ඇත.

සත්ත්වෝද්‍යානයේ වලස් පැටවුන්ගේ උපත ඉතාමත් විරල බව පැවසූ දෙහිවල ජාතික සත්ත්වෝද්‍යාන දෙපාර්තමේන්තුවේ අධ්‍යක්ෂ ජනරාල් ධම්මිකා මල්සිංහ මහත්මිය මෙම පැටවා මේ මස 10 දින පෙරවරුවේ උපත ලැබූ බවත් එම පැටවා නිරෝගී සුවයෙන් පසුවන බවත් පැවසුවාය. 

මීතොටමුල්ල කුණු කන්ද නාය යාමට ඉඩ ඇති බව විශ්ව විද්‍යාල කථිකාචාර්යවරයෙකු වන අනුරුද්ධ කරුණාරත්න පසුගියදා හෙළිකර තිබූ බව වාර්තා වනවා.

අරනායක සාමසර කන්දටත් වඩා භයානක අයුරින් මෙය නාය හැකි බව විද්‍යාත්මක කරුණු මගින් සනාථ වී ඇතැයි ඔහු පෙන්වා දී තිබෙනවා.

මේ සම්බන්ධයෙන් සති අන්ත පුවත්පතකට ද ඔහු ලිපියක් සපයමින් බලධාරීන්ගේ අවදානය යොමු කර තිබුණද කිසිවෙකුත් ඒ සම්බන්ධයෙන් ක්‍රියාමාර්ගයක් නොගත් බවයි වාර්තා වන්නේ.

https://www.facebook.com/arachchimaama/photos/a.361999423926290.1073741828.361521150640784/1122666227859602/?type=3

[rns_reactions]

ආන්දෝලනාත්මක මීතොටමුල්ල ඛිෙදවාචකය ඇතිවූ අවස්ථාවේ වීඩියෝවක් අන්තර්ජාලයට නිකුත් වී තිබෙනවා.

එය පහතින් නැරඹිය හැකියි.

[rns_reactions]

“අවුරුදු දවසේ මම අවුරුදු කෑම පිඟානක් අරගෙන මගේ යාළුවගේ ගෙදරට ගියා. ඒ ගිහින් එද්දී ගෙවල් පැත්තෙන් කෑ ගැහිල්ලක් ඇහුණා. පස් තට්ටුවකින් ගෙවල් වැහිලා. අපේ ගේ තිබුණු තැන තිබුණේ පස් තට්ටුවක් විතරයි” යැයි මීතොටමුල්ල ඛිෙදවාචකයෙන් සිය මව, පියා, මෙන්ම සොයුරන් දෙදෙනා අහිමි වූ පසිඳු සංකල්ප පතිරණ සිසුවා පවසනවා.

මීතොටමුල්ල කසළ කන්දෙන් කොටසක් කඩාවැටීම නිසා මියගිය සිය මව, පියා සහ සොහොයුරන් දෙදෙනාගේ නිසල දේහයන් අසල සිට පසිඳු සිසුවා පැවසුවේ තම යහළුවාට අවුරුදු කෑම පිඟානක් ගෙන ගිය බැවින් තම දිවි බේරුණත් තම පවු‍ලේ සාමාජිකයන් සමග ගමේ බොහෝ දෙනකු තමාට අහිමි වූ බවයි.

පසිඳු දෙමටගොඩ වේළුවන විද්‍යාලයේ 8 වසරේ ඉගෙනුම ලබන අතර ඔහුගේ පවුලේ සිව්දෙනාගේ අවසන් කටයුතු ඊයේ සන්ධ්‍යාවේ සිදු කෙරුණා.

[rns_reactions]

මීතොටමුල්ල කසල කන්ද කඩා වැටීමෙන් අතුරුදන්වූවන් සොයා තවදුරටත් මෙහෙයුම් සිදු කෙරෙනවා.

මෙම ආපදාවෙන් මියගිය සංඛ්‍යාව මේ වනවිට 26 දෙනෙක්. අවතැන්වූවන්ගේ සංඛ්‍යාව දහස ඉක්මවා තිබෙන අතර මීතොටමුල්ල කසල කන්ද කඩා වැටීමෙන් සිදු වූ දේපල හානි තක්සේරු කිරීම අද (17) ආරම්භ වනවා. තක්සේරු දෙපාර්තමේන්තුවේ නිලධාරීන්, කොළඹ දිස්ත‍්‍රික් ලේකම් කාර්යාලයේ සහ කොලොන්නාව ප‍්‍රාදේශීය මහ ලේකම් කාර්යාලයේ නිලධාරීන් එක්ව මෙම තක්සේරු කිරීම් සිදු කරන බව සදහන්.

සියලූ තක්සේරු කිරීම් දින පහක් ඇතුළත නිම කිරීමට බලාපොරොත්තු වන බවද ආපදාව සිදු වූ මොහොතේ සිට අවුරුදු නිවාඩුව ද නොසලකා බේරා ගැනීමේ මෙහෙයුම්වලට සහ සහන සේවාවලට එක් වූ සියලු නිලධාරීන්ට සිය ස්තූතිය ද පුද කරන බවයි රජය නිවේදනය කර ඇත.

[rns_reactions]

මීතොටමුල්ල කුණු කන්දෙන් මේ වන විට අහිමි වූ මිනිස් ජිවිත ගණන 25 බව වාර්තා වෙනවා.

අසරණ වූ මිනිසුන් හට මේ වන විට පහත සඳහන් ද්‍රව්‍ය කඩිනමින් අවශ්‍ය වී තිබෙනවා. ඔබත් හැකි පමණින් උපරිම උදව් ලබා දීමට කාරුණික වන්න.

මදුරු දැල්
පිරිමි ඇඳුම්
කාන්තා ඇඳුම්
ළමා ඇඳුම්
පිරිමි හා කාන්තා යට ඇඳුම්
කාන්තා සනීපාරක්ෂක ද්‍රව්‍යය
වතුර බෝතල්
බෙහෙත්