Category: සුපිරි Walks

අසරණ මිනිසුන්  පැදුරක් කොට්ටයක් ගන්න සිය ගණන් පෝලිම් වල පැයගණන් පොරකති..
මීතොටමුල්ල ව්‍යසනයෙන් දැනට 1080 ක් පමණ පිරිසක් අවතැන්ව ඇති අතර මේ වන විට කොලොන්නාව ටෙරන්ස් විදුහලේ තාවකාලිකව නවාතැන් ගෙන සිටින අතර ඔවුන්ට දැනට පහත ද්‍රව්‍යය අවශ්‍යයව ඇති බව එම විදුහලේ විදුහල්පතිනී රුවනි පතිරණ දනුම් දෙයි..

ඇඳුම් ( පාවිච්චි කරන ලද ඇඳුම් ලබා දීමෙන් වැලකී සිටින්න)
දත් බුරුසු
ටූත් පේස්ට්
කොට්ට
පැදුරු
සබන්
කාන්තා සනීපාරක්ශක ද්‍රව්‍යය
විශබීජ නාසක
පිරිසිදු කාරක
පැනඩෝල්
කිරිපිටි (ළදරු කිරිපිටි)
සීනි
තේකොල..

දැනට අවශ්‍යය කරන ආහාර පොලිසිය හමුදාව හා ප්‍රාදේශීය ලේඛම් කාර්‍යයාලය මගින් ලබාදෙනු ලබයි..
මේ පිලිබඳව වැඩි දුර විස්තර විදුහල්පතිනිය හෝ පහත අංක අමතා ලබාගත හැක..

(විදුහල්පතිනිය සහ නියෝජ්‍ය විදුහල්පතිනිය මේ කඳවුරේ වගකිවයුතු නිලධාරීන් බැවින් ඔබේ ආධාර මේ අංක අමතා පමණක් සම්බන්ධ කරන්න)

මීතොටමුල්ල කුණු කන්ද කඩා වැටීමෙන් මේ වන විට පුද්ගලයින් 19 දෙනෙකු මියගොස් ඇති බව යුද හමුදා මාධ්‍ය ප්‍රකාශක බ්‍රිගේඩියර් රොෂාන් සෙනෙවිරත්න මහතා පවසයි.

ත්‍රිවිද හමුදාව තවදුරටත් අඛණ්ඩ මෙහෙයුම්වල නිරතව සිටින බවද  යුද හමුදා මාධ්‍ය  ප්‍රකාශකවරයා  ප්‍රකාශ කළේය.

මේ අතර මීතොටමුල්ල කුණු කන්ද කඩා වැටීමෙන් මියගිය පුද්ගලයින්ගේ දේහයන් පිළිබඳ අවසන් කටයුතු රජයේ වියදමින් සිදු කිරීමට තීරණය කර තිබේ.

අද (15) පෙරවරුවේ ආපදා කළමනාකරණ අමාත්‍යංශයේදී රැස්වූ කොළඹ දිස්ත්‍රික් සම්බන්ධීකරණ කමිටු රැස්වීමේදී මෙම තීරණය ගත් බව අමාත්‍ය සුසිල් ප්‍රේමජයන්ත මහතා ප්‍රකාශ කළේය.

මේ අතර සිද්ධියෙන් තුවාල ලැබූවන් 13 දෙනෙකුද කොළඹ ජාතික රෝහලේ නේවාසිකව ප්‍රතිකාර ලබන බව  පොලීසිය සඳහන් ක‍ළේය.

ඊයේ පස්වරුවේ මීතොටමුල්ලේ කුණු කන්දේ කොටසක් කඩා වැටීමෙන් නිවාස 145කට පමණ හානි සිදුව ඇති බව පොලීසිය පවසයි.

පවුල් 180ට අයත් පුද්ගලයින් 625 දෙනෙකු අවතැන්වී ඇති අතර ඔවුන් කොලොන්නාව ටෙරන්ස් ද සිල්වා  පාසලේ සහ අවට ප්‍රජාශාලාවල රැදී සිටින බව පොලීසිය පවසයි.

[rns_reactions]

ආපදාවට පත් ජනයාට සිදුවිය හැකි අනතුරු අවමකරනු පිණිස මීතොටමුල්ල ප්‍රදේශයේ විදුලිය අක්‍රීය කළ බව  විදුලිබල හා බලශක්ති අමාත්‍යංශය පවසයි.

ඒ අනුව ප්‍රදේශවල ජනයාට අවශ්‍ය විදුලිය ලබාදීම විදුලි ජනක යන්ත්‍ර මගින් සිදුකරන බවද අමාත්‍යංශය කියා සිටියි.

අද පස්වරුවේ මීතොටමුල්ල කුණුකන්ද නායයාමකට ලක්වූ අතර එයින් නිවාස සිය ගණනකට හානි සිදුවූ අතර මේවන විට තුවාල ලැබූවන් හය දෙනෙකු ප්‍රතිකාර සඳහා කොළඹ ජාතික රෝහලට ඇතුළත් කර තිබේ.

නිවාස ගණනාවක් කුණු කන්දට යටවී ඇති අතර මේවන විටත් ආරක්ෂක අංශ මැදිහත්ව එලෙස යටවූ පිරිස් බේරාගනිමින් සිටින බව අපට වාර්තා වේ.

[rns_reactions]

ජනාධිපතිතුමාගේ සංකල්පයකට අනුව ක්‍රියාත්මක කල විශේෂ වැඩසටහන් නිසා  මෙවර අලූත් අවුරුදු උත්සව සමයේදී ලංකා සතොස ආයතනයේ ආදායම පසුගිය වසර දෙක හා සැසදීමේදී දෙගුණයකින් වැඩිවී ඇති බව අපට වාර්තා වේ.. 

ජනාධිපතිවරයාගේ සංකලපයකට අනුව භාණ්ඩ කිහිපයක් සඳහා ක‍්‍රියාත්මක කරනු ලැබූ උපරිම මිළ සීමාව සාර්තකව ක‍්‍රියාත්මක කිරීමට ද හැකියාව ලැබුණු අතර පාරිභෝගිකයින්ගේ ආරක්ෂාව උදෙසා අඛණ්ඩව වැටලීම් සිදු කරන බවද සදහන්.

https://www.facebook.com/srilankarupavahini/videos/1287406654628483/

[rns_reactions]

වහාම ක්‍රියාත්මක වන පරිදි  ජාතික පාසල් විදුහල්පතිවරුන් පත් කිරීම සහ ඉවත් කිරීම ඇතුළු කාර්යභාරයන් දහයක්‌ තමන්ගේ පූර්ව අනුමැතියකින් තොරව ක්‍රියාත්මක නොකළ යුතු බවට අධ්‍යාපන ඇමැති අකිල විරාඡ් කාරියවසම් අමාත්‍යාංශයේ සියලුම අතිරේක ලේකම්වරුන්ට දෙපාර්තමේන්තු සහ ආයතන ප්‍රධානීන්ට දැනුම් දී තිබෙනවා.

මාධ්‍ය ප්‍රකාශ නිකුත් කිරීම, චක්‍රලේඛ නිකුත් කිරීම, පාසල් ගොඩනැගිලි හා අදාළ වෙනත් අධ්‍යාපනික උපකරණ ලබාදීම සඳහා එලෙස පූර්ණ අනුමැතිය ලබාගත යුතු වනවා..

එමෙන්ම පාසල්වල තාක්‍ෂණික විද්‍යාපීඨ පිහිටුවීම හා අදාළ කාර්යයන්, අධ්‍යාපනයට සම්බන්ධ විවිධ ගිවිසුම් අත්සන් කිරීම් සහ අධ්‍යාපන ප්‍රතිසංස්‌කරණවලට අදාළ සියලු කටයුතු සඳහා ඇමැතිවරයාගේ පූර්ව අනුමැතිය ලබාගත යුතු වනවා..

අමාත්‍යංශයේ ප්‍රතිපත්තීන්ට අනුකූල නොවන ලෙස කටයුතු සිදුවන බව සඳහන් කරමින් ඇමැතිවරයා මෙම ලිපිය නිකුත් කර තිබෙන බව සදහන්.

[rns_reactions]

සිංහල අවුරුදු යෙදුනු අද දින මිරිස්ස සහ හික්කඩුව වෙරළ තීරයන්ට ඔබ්බෙන් වූ මුහුදු ප‍්‍රදේශයේ දිය නෑමට ගොස් ජල පහරකට හසුව ගිලෙමින් සිටි විදේශිකයෙකු සහ ශ‍්‍රී ලාංකිකයෙකු බේරා ගෙන තිබෙන බව අපට වාර්තා වේ.

ඒ වෙරළාරක්ෂක දෙපාර්තමේන්තුවේ ජීවිතාරක්ෂක කණ්ඩායම විසින් වන අතර මෙලෙස බේරා ගැණුනේ 54 හැවිරිදි ඉරාන ජාතිකයෙක් සහ ගල්කිස්ස ප‍්‍රදේශයේ පදිංචි පුද්ගලයෙක්. 

එමෙන්ම හික්කඩුව වෙරළ තීරයට ඔබ්බෙන් හෝ මුහුදු ප‍්‍රදේශයේ දිය නාමින් සිටි ඉන්දීය ජාතිකයෙකු ද දියේ ගිලී තිබෙනවා. 

හික්කඩුව වෙරළාරක්ෂක බලකායේ නිලධාරීන් විසින් ඔවුන් ද බේරා ගෙන තිබෙනවා. 

[rns_reactions]

අවුරුදු සමය අනතුරු වැඩි වශයෙන් සිදුවන කාලයක්.

මේ අවුරුදු සමයේදී ප්‍රධානම අනතුරු සිදුවන ආකාර සහ වළක්වා ගැනීම සඳහා ගත හැකි පියවර සම්බන්ධයෙන් පහතින් කියවිය හැකියි.

ගිණි කෙළි අනතුරු

1- දැල්වීමේදී බිම තබා ගිණි දල්වන්න.
2-නියම ප්‍රමිතියට අනුව නිපදවූ ඒවා පමණක් දල්වන්න
3- විශාල ජනතාවක් සිටින ස්ථාන සහ අනතුරුදායක ස්ථානවල දැල්වීමෙන් වළකින්න (ඉන්ධන පිරවුම්හල් අසල මෙන්ම මාර්ග අසල )
4-කුඩා දරුවන් මේවා දැල්වීමෙන් වළකින්න
5-කිරි ඉතිරවීමෙන් පසුව ඉතිරිවන ගිණියම්වූ කොටස් මගින් දරුවන්ට විය හැකි අනතුරු පිළිබඳව සැලකිලිමත්වන්න
6- උන වෙඩි දැල්වීමේදී ලංවී පිඹිමේදී රත්වූ බටය පිපිරෙන නිසා වෙනත් ක්‍රමයක් භාවිතා කරන්න

හදිසි මාර්ග අනතුරු

1- මත්පැන් පානය කර වාහන ධාවනය කිරීම කිසිසේත්ම නොකරන්න
2-මාර්ග නීතියට පටහැනිව වාහන ධාවනය නොකරන්න
3-අධික වේගයෙන් රිය ධාවනය නොකරන්න
5- ආරක්ෂක හිස් වැසුම් නොමැතිව යතුරු පැදි ධාවනයෙන් වළකින්න
6-වාහනයේ ඉදිරිපස ආසනවල දරුවන් රැගෙන නොයායුතු අතර හැකිනම් දරුවන් රැගෙන යාම සඳහා ගැලපෙන ආසන පිටුපස සවි කරන්න

දිය නෑමේදී ප්‍රවේශම්වන්න

1- නෑමටසුදුසු ස්ථානවල පමණක් දිය නාන්න
2-මත්පැන් පානය කර දිය නෑමෙන් වළකින්න
3-හෝටල්වල පිහිණුම් තටාකාංගනවල දී හෝ දරුවන් දිය නාන විට දෙමාපියන් සැළකිල්ලෙන් සිටිය යුතුයි

බෙහෙත් පානය

1- අලුත් අවුරුදු දිනයේ බෙහෙත් පානය කල හොත් සෑමදිනම බෙහෙත් බීමට සිදුවන බව ඇතැමුන් සිතුවද දීර්ඝ කාලීන රෝගී තත්ත්වය නිසා බෙහෙත් බොන පුද්ගලයන් වෛද්‍ය උපදෙස් නොමැතිව බෙහෙත් නොබී සිටීමෙන් වළකින්න.එමෙන්ම නියමිත මාත්‍රාවට අනුව බෙහෙත් ලබා ගැනීමටද සැළකිලිමත් වන්න.

අනතුරුදායක ක්‍රීඩා

1-අනතුරුදායක ක්‍රීඩා අවුරුදු උත්සවවලින් ඉවත් කළ යුතුයි

අනවශ්‍ය ගැටුම්

1- අවුරුදු සමයේ මත්පැන් බී පැරණි අමනාප යළි සිහිපත්කරමින් ගැටුම් ඇති කර නොගන්න

අවුරුදු සමයේ අනතුරු සිදු වුව හොත් සිදු කල යුතු දේ

1-අනතුරක් සිදුවුව හොත් ළඟම ඇති පහසුකම් සහිත රජයේ රෝහලකට යන්න (අවුරුදු සමයේ ද ඔබේ සේවය වෙනුවෙන් ඔවුන් කැපවී සිටී )
2- විශේෂ පුහුණුව ලත් කණ්ඩායමක හෝ ගිලන් රථ සේවයක සහාය ලබා ගන්න.

[rns_reactions]

පාවහන් තුළ සුක්ෂමව සඟවා ලංකාව තුලට රැගෙන එන ලද රුපියල් කෝටියකට අධික වටිනාකමකින් යුතු හෙරොයින් තොගයක් කටුනායකදී සොයාගෙන තිබෙන අතර මෙලෙස හෙරොයින් කිලෝ 1 යි ග්‍රෑම්156 ක්  රැගෙන පැමිණ ඇත්තේ පාකිස්ථාන ජාතිකයෙක්.

ඔහුව කටුනායක ගුවන් තොටුපළ පරිශ්‍රයේදී මෙලෙස අත්අඩංගුවට ගෙන තිබෙනවා

[rns_reactions]

මෙවර සිංහල සහ දෙමළ අලුත් අවුරුද්දේ පුණ්‍ය කාලය මේ වන විට උදා වී තිබෙන අතර මෙවර නැකැත් පත‍්‍රය අනුව අපරභාර 7.40 ට පුණ්‍ය කාලය උදා වුණා.

14 වැනි සිකුරාදා පූර්ව භාග 8.28 දක්වා පුණ්‍ය කාලය බැවින් අද දින අපරභාග 7.40 ට පළමුව ආහාර පාන ගෙන සියලු වැඩ අත්හැර ආගමික වතාවත්වල යෙදීම සුදුසු බවයි නැකැත් පත‍්‍රයේ සඳහන් වන්නේ.

අද පස්වරු 7.40ට උදා වූ පුණ්‍ය කාලයේදී ආගමික කටයුතුවල යෙදීම සුබ පල ගෙන දෙන්නක් බව විද්වතුන්ද පවසනවා.

හෙට (14) පූර්ව භාග 2.04ට සිංහල අලුත් අවුරුද්ද උදා වනවා.

ආහාර පිසීමේ නැකත යෙදී ඇත්තේ පූර්ව භාග 5.41ටයි. රන්වන් පැහැති වස්ත‍්‍රාභරණයෙන් සැරසී උතුරු දිශාව බලා ලිප් බැඳ ගිණි මොලවා ගිතෙල් හා හකුරු මිශ‍්‍ර කිරි බතක් ද අග්ගලා සහ කැවිලි වර්ගයක් ද පිළියෙලකර ගැනීම සුදුසු බවයි නැකැත් පත‍්‍රයේ සඳහන් වන්නේ.

වැඩ ඇල්ලීම, ගණු දෙනු කිරීම හා ආහාර අනුභව කිරීමේ නැකත යෙදී ඇත්තේ හෙට පූර්ව භාග 07.05ටයි. සුදු සහ නිල් පැහැති වස්ත‍්‍රාභරණයෙන් සැරසී උතුරු දිශාව බලා සියලු වැඩ අල්ලා ගණු දෙනු කොට ආහාර අනුභව කිරීම සුදුසු බව නැකත් පත‍්‍රයේ සඳහන් වනවා.

[rns_reactions]