කොරෝනා වසංගතය නිසා නත්තල් උත්සවය සමීප වන අවස්ථාව වනවිට බි්රතාන්යයේ තිස්ලක්ෂයකට අධික පිරිසකට රැකියා අහිමි වන බව අනාවරණය වී ඇත.
CEBR නමැති අධ්යයන ආයතනය දක්වන්නේ 2020 වසර අවසානය වන විට රැකියා අහිමි වූවන්ගේ සංඛ්යාව මිලියන 1.5 කින් වැඩි විය හැකි බවයි. මේ නිසා රැුකියා අහිමි වන අයට 2/3 ක වැටුපක් ලබාදීමේ වැඩ පිළිවෙළක් ආරම්භ කිරීමට සැලසුම් කර ඇත.
කොරෝනා වෛරසයට ගොදුරු වූ පුද්ගලයන් මරණයට පත්වීමේ සම්භාවිතාව ඉතාම අඩු බව සෞඛ්ය ඇමැතිනී පවිත්රා වන්නිආරච්චි මහත්මිය සඳහන් කළාය.
නමුත් මෙම වෛරසයට වැඩිහිටියවන් ගොදුරු වුවහොත් ඔවුන් මරණයට පත්වීමේ ඉඩකඩ ඉහළ වැඩි බව ද ඇය සඳහන් කරන්නීය.
ඒ නිසා වැඩිහිටියන් මෙම රෝගයට නිරාවරණය වීම හැකිතාක් අවම කර ගැනීමට අවශ්ය ක්රියාමාර්ග ගන්නා ලෙස රටේ සියලු ජනතාවගෙන් ඉල්ලා සිටින බවද ඇය සඳහන් කළාය.
අද පෙරවරුවේ හිරු රූපවාහිනී නාලිකාව සමඟ සාකච්ඡාවකට එක් වෙමින් ඇය මේ බව කියා සිටියාය.
කොරෝනා රෝගීන් සඳහා දැනට රෝහල්වල ධාරිතාවන් ප්රමාණවත් බවත් අවශ්ය වන්නේ නම් ඒ ඉඩකඩ පුළුල් කිරීමට කටයුතු කරන බවත් ඇය කියා සිටියාය.
උපුටා ගැනීම: ලංකා සී නිවුස්
රට තුළ දැනට පවත්නා කොවිඩ් තත්ත්වය හමුවේ දරුවන්ගේ ආරාක්ෂාව තහවුරු කරමින් ඔක්තෝම්බර් 12 වනදා ආරම්භ කළ අ.පො.ස (උසස් පෙළ) විභාගය මේ දක්වා සාර්ථකව පවත්වාගෙන යා හැකි වූ බවත්, මින් ඉදිරියටත් එනම් නොවැම්බර් 06 වනදා තෙක් අ.පො.ස (උසස් පෙළ) විභාගය ඒ අයුරින් ම පවත්වන බවත් අධ්යාපන ලේකම්, මහාචාර්ය කපිල පෙරේරා මහතා අද දින (16) පැවසීය.
එමෙන් ම කොවිඩ් තත්ත්වය හේතුවෙන් ඇඳිරිනීතිය පවත්නා පොලිස් බල ප්රදේශ තුළ විභාග මධ්යස්ථානවල රාජකාරී කටයුතුවල නිරතව සිටින ගුරුවරුන්ට මුහුණපෑමට සිදුව ඇති ප්රවාහන අපහසුතා සම්බන්ද ඉල්ලීම් සැලකිල්ලට ගනිමින්, රජය භාණ්ඩාගාරය සමඟ සාකච්ඡා කොට සහනයක් සැලසීමට බලාපොරොත්තු වන බව ද මෙහිදී අධ්යාපන ලේකම්වරයා වැඩිදුරටත් පැවසීය.
මිනුවන්ගොඩ බ්රැන්ඩික්ස් ආයතනයෙන් ආරම්භ වූ කොවිඩ් -19 දෙවන රැල්ල පිළිබදව සමාජයේ සංවාදයට ලක්ව තිබෙන කරුණු 08ක් පිළිබද ජනපතිවරයාගේ අවධානය යොමු කරමින් ජාතික සංවිධාන එකමුතුවේ කැදවුම්කරු වෛද්ය ගුණදාස අමරසේකර මහතා විසින් ලිපියක් යවා ඇත.
අමරසේකර මහතා විසින් ජනපතිවරයාට යොමුකරන ලද ලිපියේ සදහන් වන්නේ සමාජයේ සංවාදයට ලක්වෙමින් ඇති පහත සඳහන් කරුණු ආශ්රිතව විධිමත් ඉහළ මට්ටමේ පරීක්ෂණයක් සිදුකොට යම් පාර් ශව සිතාමතා කඩාකප්පල්කාරී ක්රියාවක හෝ රජයට එරෙහිව කුමන්ත්රණකාරී ක්රියාවක නිරත වී ඇත්නම් ඔවුන් හෙළිදරව් කොට ඔවුන්ට එරෙහිව නීතිමය ක්රියාමාර්ග ගන්නා ලෙස ජාතික සංවිධාන ජනපතිවරයාගෙන් ඉල්ලා සිටින බවයි.
එම සම්පුර්ණ ලිපිය මෙසේය.
අතිගරු ජනාධිපති ගෝඨාභය රාජපක්ෂ මැතිතුමා,
ජනාධිපති කාර් යාලය,
කොළඹ 01.
අතිගරු ජනාධිපතිතුමනි,
කොවිඞ් වසංගත තත්වයේ දෙවැනි රැල්ල ආරම්භ වීම සමගම සමාජයේ විවිධ පාර් ශව වලින් වෙනත් විවිධ පාර්ශ්වවලට චෝදනා එල්ල කෙරෙමින් තිබෙන බව රහසක් නොවේ. ජාතික සංවිධාන ලෙස එදිනෙදා මහජන සබඳතාවලදී ඊට අදාළව විවිධ ප්රශ්නවලට පිළිතුරු දීමට අපට සිදු වී ඇත. එම තත්වය වසංගත පාලනයට අදාළව මහජන සහාය ලබා ගැනීම සහ මහජන විශ්වාසය තහවුරු කිරීම යන සාධකවලට එරෙහිව අගතිගාමී ලෙස බලපාන බව අපට පෙනී යයි. ඊට අමතරව එම තත්ත්වය කොවිඞ් පළමු රැල්ල අතිසාර්ථකව මැඩලීම මගින් ඔබතුමා ප්රමුඛ රජය විසින් දිනාගත් මහජන ප්රසාදය සහ ගෞරවයට අදාළව ද නිෂේධාත්මක බලපෑම් ඇති කරන බව පැහැදිලි කරුණකි.
එම නිසා සමාජයේ සංවාදයට ලක්වෙමින් ඇති පහත සඳහන් කරුණු ආශ්රිතව විධිමත් ඉහළ මට්ටමේ පරීක්ෂණයක් සිදුකොට යම් පාර් ශව සිතාමතා කඩාකප්පල්කාරී ක්රියාවක හෝ රජයට එරෙහිව කුමන්ත්රණකාරී ක්රියාවක නිරත වී ඇත්නම් ඔවුන් හෙළිදරව් කොට ඔවුන්ට එරෙහිව නීතිමය ක්රියාමාර්ග ගන්නා ලෙස අප ජාතික සංවිධාන වශයෙන් ඔබතුමාගෙන් ඉතා ගෞරවයෙන් සහ ඉතා ඕනෑකමින් ඉල්ලා සිටිමු.
1. මිනුවන්ගොඩ පිහිටි බ්රැන්ඩික්ස් ආයතනයට අයත් කර්මාන්ත ශාලාවට එම සමාගමට අයත් ඉන්දියාවේ විශාකාපට්නම්හි පිහිටි කර් මාන්ත ශාලාවේ සිට සේවකයන් අවස්ථා කිහිපයක දී ගුවන් මගින් රැගෙන විත් නිරෝධායන උපදෙස්වලට පටහැනිව වැඩමුළු සහ අභ්යන්තර විගණනයක් සිදු කිරීම. එසේ අවස්ථා කිහිපයක දී ඉන්දියාවේ සිට ශ්රී ලංකාවට සේවකයන් පැමිණි බව හමුදාපතිවරයා විසින් පුවත්පත්වලට ප්රකාශකොට ඇති අතර හිටපු අමාත්ය පාඨලී චම්පික රණවක මහතා ද ඊට අදාළව ප්රකාශයක් සමාජ මාධ්යවලට නිකුත්කොට ඇත.
2. දැනට ඉතා බරපතළ ලෙස කතාබහට ලක්වෙමින් ඇති සැප්තැම්බර් 22 දින මත්තල ගුවන්තොටුපළින් ශ්රී ලංකාවට පැමිණි ඉන්දියානුවන් හෝ ඉන්දියාවේ පිහිටි බ්රැන්ඩික්ස් සමාගමට අයත් කර්මාන්ත ශාලාවේ සේවය කළ ශ්රී ලාංකිකයන් නිසි ලෙස නිරෝධායනය නොවූ බවට ප්රබල සාක්ෂි ඉදිරිපත් වී ඇත. ඊට අදාළව මහජන සෞඛ්ය පරීක්ෂකවරුන්ගේ සංගමය විසින් නිල වශයෙන් පුවත්පත්වලට ප්රකාශයක් සිදුකොට තිබිණි. එම ගුවන් මගීන් පිළිබඳව විනිවිදභාවයෙන් යුතුව තොරතුරු ලබාදීම අදාළ ගුවන් සමාගම සහ ගුවන්තොටුපළ බලධාරීන් විසින් ප්රතික්ෂේප කිරීම නිසා මහජන සැකය තවදුරටත් වර්ධනය වේ.
3. එසේ විදේශ වලින් ශ්රී ලංකාවට පැමිණෙන පිරිස් ආරක්ෂක හමුදා විසින් නිරෝධායනයට ලක් කරන බව සඳහන් වුව ද ප්රායෝගිකව එම කටයුත්ත සිදු කරනු ලබන්නේ පෞද්ගලික ආරක්ෂක සමාගමක් විසින් බවට සහ ඔවුන් විසින් එසේ පිරිස් හෝටල් වෙත රැගෙන යාමේ දී හමුදාව ඔවුන් කැටුව නොගිය බවට ද වාර් තා පළ වේ. එසේ නිරෝධායනයට ලක් වූ බව කියන පිරිස් සහ හෝටල් හෝ නිවාස පිළිබඳ කිසිදු තොරතුරක් තමන්ට ලබා දී නැති බව මහජන සෞඛ්ය පරීක්ෂකවරු පවසති. එවැනි තත්ත්වයක් තුළ ඊට පෙර රට තුළට පැමිණි පිරිස් සම්බන්ධයෙන් ද ඒ ආකාරයට ක්රියාකොට ඇති බවට සාධාරණ සැකයක් මතු වේ.
4. ඒ ආකාරයට දක්නට ලැබෙන යම් වගකිවයුතු පිරිස්වල වගකීම් විරහිතභාවය හෝ නොසැලකිලිමත්භාවය පිළිබඳ මහජන සැකය දුරු කිරීම ඉතා වැදගත් වන්නේ, අදාළ සමාගමට ඉන්දියානු සහ ඇමරිකානු ආයතන සමඟ තිබෙන බැඳීම් නිසා සමස්ත සිදුවීම් මාලාව ශ්රී ලංකාවට එරෙහි බාහිර කුමන්ත්රණයක් ලෙස අර් ථ දැක්වීමේ තත්වයක් තිබෙන බැවිනි.
5. මිනුවන්ගොඩ බ්රැන්ඩික්ස් කර් මාන්ත ශාලාව තුළ ශ්වසන රෝග තත්වයක් ලෙස දක්නට ලැබෙන කොවිඞ් වසංගතයේ දෙවන රැල්ල මතුවන්නේ සැප්තැම්බර් මස 24 වැනි දිනය ආශ්රිත දිනයක බව අනාවරණය වී ඇත. එම තත්වය ඇති වූ පසුව අදාළ සමාගමේ කළමනාකාරීත්වය සහ එහි සෞඛ්ය නිලධාරීන් ඊට ප්රතිචාර දක්වා ඇති ආකාරය කිසිසේත්ම පිළිගත නොහැකි බව පුවත්පත් වාර් තා අධ්යයනය කිරීමේ දී පැහැදිලි වේ. යම් පිරිස් සඳහන් කරන ආකාරයට එම තත්වය ව්යාපාරික ඇණවුම් නිසි වේලාවට නිම කිරීම සඳහා වූ පෙළඹවීම නිසා හෝ තවත් පිරිස් සඳහන් කරන ආකාරයට ධන තන්හාව හෝ මිනිස් ජීවිත පිළිබ`ද නොසැලකිල්ල නිසා ඇති වූවක් ලෙස විග්රහ කිරීම අර්ධ සත්යයක් විය හැක. ඒ මගින් කළමනාකාරීත්වයේ වගකීම් විරහිතභාවය සහ නොසැලකිලිමත්භාවය ප්රදර්ශනය කෙරෙනවාට අමතරව ඉහත සඳහන් කළ කුමන්ත්රණ න්යාය ද තහවුරු වේ. එහි දී සැකයට ප්රධාන වශයෙන්ම හේතුවන්නේ රෝග ලක්ෂණ පෙන්වූ 30කට අධික පිරිසක් ඔවුන්ගේ ගම්බිම්වලට යැවීම ය. එහි දී PCR පරීක්ෂණ සිදු කිරීමෙන් තොරව පොදු ප්රවාහන සේවා මගින් ඔවුන් දුර බැහැර ප්රදේශවලට යැවීම මඟින් වසංගත පාලනයට අදාළ මූලික මූලධර් ම පවා උල්ලංඝනය වේ. මෙම තත්වය නිසා අද වන විට ආශ්රිතයන් හඹා යාම සඳහා ආරක්ෂක හමදා වලට ඉතා දුෂ්කර ව්යායාමයක යෙදීමට සිදු වී ඇත.
6. එසේ වුවත් බ්රැන්ඩික්ස් පොකුරේ පළමු රෝගියා හඳුනාගත් පසුව සෞඛ්ය අංශ ක්රියාකොට ඇති ආකාරය කිසිසේත්ම පිළිගත නොහැකි අතර එම තත්වය සාමාන්ය මහජනයා පවා පුදුමයට පත් කළ බව රහසක් නොවේ. දෙවනි රැල්ලේ පළමු රෝගියාට වෛරසය ආසාදනය වූයේ කෙසේ දැයි සොයා බැලීමේ වසංගත රෝග විද්යා ක්රමවේද පිළිබඳ මහජනයාට අවබෝධයක් නැතත් පළමු රෝගියා හමු වූ පසුව ඔහුගේ හෝ ඇයගේ ආශ්රිතයන් පිළිබඳව ගතයුතු පියවර පිළිබඳව මහජනයාට යම් අවබෝධයක් ඇත. එසේම පළමු රැල්ල මැඩ පැවැත්වීමෙන් පසුව දෙවැනි රැල්ලක් වළක්වා ගැනීම සඳහා විශේෂයෙන්ම වඩා අනතුරුදායක ආයතන සහ තත්වයන්ට අදාළව පැහැදිලි නිර් දේශ සෞඛ්ය අංශ විසින් ලබා දී ඇතැයි මහජනයා විශ්වාස කරති. එහෙත් එසේ සිදුවූවා ද යන්න සහ සිදුවූවා නම් එම නිර් දේශ අදාළ ආයතනය විසින් නොසලකා හරිනු ලැබුවේ කුමක් නිසා ද යන්න දැන ගැනීමේ අයිතියක් මහජනයාට ඇත.
7. ඒ සියල්ලටම වඩා බ්රැන්ඩික්ස් පොකුරේ පළමු රෝගියා හඳුනාගත් වහාම ඊට පෙර ආයතනයේ දක්නට ලැබුණු ශ්වසන රෝග තත්වයන් සැලකිල්ලට ගෙන කර් මාන්ත ශාලවේ සමස්ත සේවක පිරිස් නිරෝධායනයට ලක් කිරීම වෙනුවට PCR පරීක්ෂණවලට ලක් කළ සේවකයන් නිරෝධායනය සඳහා නිවෙස්වලට යැවීම බරපතළ වරදක් බව සාමාන්ය මහජනයාට පවා තේරුම්ගත හැක. එම සැකකටයුතු රෝගීන් නිවෙස්වලට ගමන් කරනු ලැබුවේ ත්රීරෝද රථවල සමූහ වශයෙන් සහ පොදු ප්රවාහන සේවාවලින් බවට සාක්ෂි ඇත. එසේ පළමු වටයේ දී නිවෙස්වලට යැවූ PCR පරීක්ෂණවලට ලක් කෙරුණු 100ක පමණ සේවකයන්ගෙන් 69 දෙනෙකු රෝගීන් බව තහවුරු විය. ඔවුන් බොහෝ දෙනෙකුට රෝග ලක්ෂණ නොතිබූ බැවින් ඔවුන් නිවෙස් ආශ්රිත සෙසු මහජනයා සමඟ ගැවසීම නිසා බොහෝ පිරිසකට රෝගය බෝ කිරීමේ අවදානමක් ඇති අතර එම පළමු පෙළ ආශ්රිතයන් සහ ඔවුන්ගේ දෙවන පෙළ ආශ්රිතයන් සියලූදෙනා කඩිනමින් හඳුනාගැනීම පහසු නැත. ඒ නිසා සමාජය තුළ සැඟවුණු රෝගීන් සිටින බව සහ රෝගය සමාජයට සම්ප්රේෂණය වී ඇති බවට මහජනයා විසින් දක්වන අදහස් තාක්ෂණික තර් ක මගින් බැහැර කළ හැකිද යන ප්රශ්නය මතුවේ.
8. එම තත්වය එසේ තිබිය දී දෙවන වතාවට PCR පරීක්ෂණවලට ලක්කරනු ලැබූ 1280ක් ද නිවෙස්වලට යැවීමට තීන්දු ගනු ලැබුවේ කවුරුන් විසින් ද යන ප්රශ්නය මතු වේ. ඒ අයගෙන් 50%කට වැඩි පිරිසක් රෝගීන් බව තහවුරු වූ නමුත් ඔවුන් සොයා ගැනීම සඳහා ආරක්ෂක අංශවලට බලවත් පරිශ්රමයක් දැරීමට සිදු වූ අතර යම් පිරිසක් සොයාගත නොහැකිව සමාජයේ සිටින බව වාර් තා වේ. ඒ සියලූදෙනාගේ ආශ්රිතයන් සහ ඔවුන්ගේ දෙවන පෙළ ආශ්රිතයන් සියල්ල පිළිබඳ සැලකීමේ දී මේ වන විට සමාජයේ ද්විතීක පොකුරු රාශියක් ඇති වී තිබෙන බව පිළිගැනීමට සිදු වේ. ඒ අනුව ඉහත සඳහන් කළ ආකාරයට රෝගය, සමාජයට සම්ප්රේෂණය වී ඇති බව හෙවත් වසංගතයේ 4 වැනි අවධියට ලඟා වෙමින් තිබේද යන සැකයද මතුවේ.
මෙම සියලූ කරුණු සැලකිල්ලට ගැනීමේ දී වසංගත තත්වය සමාජයට පැතිරෙමින් තිබෙන බව පිළිගෙන ඊට අනුව කටයුතු කළ යුතු බව සහ සමස්ත සිදුවීම් මාලාව පිළිබඳව විධිමත් පරීක්ෂණයක් සිදු කිරීම මගින් මහජන විශ්වාසය තහවුරු කළ යුතු බව අපගේ විශ්වාසයයි. අප ජාතික සංවිධාන ලෙස මෙම කරුණු ඔබතුමා වෙත ඉදිරිපත් කරන්නේ අපගේ සමාජ වගකීමක් ලෙස මෙන්ම ඔබතුමා එම කරුණු පිළිබඳව අවධානය යොමු කොට නිසි පියවර ගනු ඇතැයි යන විශ්වාසයෙනි.
මෙයට,
විශ්වාසී,
ගුණදාස අමරසේකර,
කැදවුම්කරු,
ජාතික සංවිධාන එකමුතුව වෙනුවෙන්.
කොවිඩ්-19 වසංගතය හමුවේ, පොදු රාජ්ය මණ්ඩලයීය රටවල ඊ-වාණිජ්යය හා ඊ-පාලනය වැඩි දියුණු කරන මෙන් ශ්රී ලංකා විදේශ අමාත්යවරයා ඉල්ලා සිටියි.
75 වැනි එක්සත් ජාතීන්ගේ මහා මණ්ඩලයට සමගාමීව ඊයේ සවස් යාමයේ (2020 ඔක්තෝබර් 14) පැවති පොදු රාජ්ය මණ්ඩලයීය විදේශ කටයුතු අමාත්යවරුන්ගේ 20 වැනි අතථ්ය රැස්වීමට (CFAMN) සහභාගී වූ ශ්රී ලංකා නියෝජිත කණ්ඩායමේ නායකත්වය දරමින් විදේශ අමාත්ය දිනේෂ ගුණවර්ධන මැතිතුමා කොවිඩ්-19 වසංගතය ඇතිවීමත් සමඟම සෑම ක්ෂේත්රයකම පාහේ පැන නැගී ඇති බහු විධ වු අභියෝග ජයගැනීම සඳහා නවෝත්පාදන චින්තනයත්, සාමූහික සහ සමෝධානික උපාය මාර්ගත් අවශ්යවන බව ප්රකාශ කළේය.
ඊ-වාණිජ්යය හා ඊ-පාලනය මගින් පශ්චාත් කොවිඩ්-19 වසංගතය ලෝකයේ තරඟකාරී මායිම් අර්ථ දක්වන බව හුවා දක්වමින්, පොදු රාජ්ය මණ්ඩල සාමාජික රටවල, ආර්ථිකයන් සහ සේවාවන් ඩිජිටලීකරණය කිරීම වැඩි දියුණු කිරීම සඳහා සහය ඉල්ලා සිටියේය. ඩිජිටල් ගණුදෙනු සඳහා ජාත්යන්තර ප්රමීතීන් සකස් කිරීම සඳහා දකුණු ආසියාවේ පළමු රට වශයෙන් කටයුතු කරන අතරවාරයේ ඩිජිටල් වේදිකාවක් හරහා ප්රථම වතාවට තේ හා රබර් වෙන්දේසියක් පවත්වමින් ශ්රී ලංකාව ලබාගත් අත්දැකීම පිළිබඳව එතුමා මෙහිදී සඳහන් කළේය. කොවිඩ්-19ට අදාළව දැනට සිදු කරගෙන යනු ලබන පර්යේෂණ සඳහා පොදු රාජ්ය මණ්ඩලයීය රටවල පවත්නා විද්යාත්මක සහ තාක්ෂණික විශේෂඥභාවය සහ දැනුම ඒකරාශී කිරීමටද එතුමා යෝජනා කළේය. මේ සම්බන්ධයෙන්, කොවිඩ්-19 ආසාධන සම්බන්ධයෙන් ප්රතිශක්තිකරණය ඇතිවන ආකාරය අවබෝධ කරගැනීම සඳහා ඩෙංගු ආසාධනය සඳහා පුද්ගලයන් තුළ ප්රතිශක්තිය ඇතිවන ආකාරය සම්බන්ධයෙන් ලබාගත් විශේෂඥභාවය බෙදා හදා ගැනීමෙහිලා ශ්රී ලංකාවේ ශ්රී ජයවර්ධනපුර විශ්වවිද්යාලය සහ ඔක්ස්ෆර්ඩ් විශ්වවිද්යාලය අතර පවත්නා හවුල්කාරිත්වය පිළිබඳව විදේශ අමාත්යවරයා මෙහි දී අවධානය යොමු කළේය.
මෙම අර්බුදය මඟින් ඇතිවන පෙර නොවූ විරූ අයහපත් ආර්ථික සහ සමාජ බලපෑම පිළිබඳව සඳහන් කළ අමාත්ය ගුණවර්ධන මැතිතුමා, දැනට පවතින දුෂ්කරතාවලින් මිදීම සඳහා ණය සහණ, ණය ආපසු ගෙවීම සඳහා කල් ලබාදීම සහ මූල්ය උත්තේජක කඩිනමින් අවශ්යවන බව හුවා දැක්වීය.
දේශගුණික විපර්යාස පිළිබඳ පැරිස් ගිවිසුමේ කාර්යය සැලැස්ම යටතේ ශ්රී ලංකාව ඇප කැප වී සිදු කරන කටයුතු කෙරෙහි අවධානය යොමු කරමින්, වර්ෂ 2030 වන විට හරිතාගාර වායු විමෝචන 30% කින් අඩු කිරීම සඳහා සහ ජලය, සූර්ය බලය හා සුළං ආශ්රිත විදුලිබලය වෙත යොමුවෙමින් අඩු කාබන් මට්ටමකින් යුත් සහ ආර්ථික වර්ධනයක් සහිත පහසුවෙන් ප්රකෘති තත්ත්වයට පත්වන සහ පිරිසිදු අනාගතයක් කරා යාමට ශ්රී ලංකාව සැලසුම් කර ඇති බව අමාත්ය ගුණවර්ධන මහතා දන්වා සිටියේය. ශ්රී ලංකාව ඇතුළුව කුඩා රටවල් සඳහා දේශගුණික මූල්ය වර්ධනය කිරීම සඳහා පවතින බාධක, අවධානම සහ අනාගත ඉඩ ප්රස්තා හඳුනාගැනීමේ අවශ්යතාව ද එතුමා අවධාරණය කළේ ය.
පොදු රාජ්ය මණ්ඩලයේ වර්තමාන සභාපතීත්වය දරන එක්සත් රාජධනියේ විදේශ හා පොදුරාජ්ය මණ්ඩලයීය කටයුතු පිළිබඳ රාජ්ය ලේකම් සහ එක්සත් රාජධානියේ පළමු රාජ්ය ලේකම්, පාර්ලිමේන්තු මන්ත්රී අති ගරු ඩොමිනික් රාබ් මහතා විසින් මෙම රැස්වීමේ මුලසුන හොබවන ලදී. සම්ප්රදායානුකූලව නිව්යෝර්ක් හි එක්සත් ජාතීන්ගේ මහා සම්මේලනයට සමගාමීව පවත්වනු ලබන මෙම පොදු රාජ්ය මණ්ඩලයීය විදේශ කටයුතු අමාත්යවරුන්ගේ රැස්වීම මෙම වසරේ පවතින කොවිඩ්-19 වසංගතය හමුවේ අතථ්ය රැස්වීමක් ලෙස පවත්වන ලදී.
විදේශ ලේකම් අද්මිරාල් මහාචාර්ය ජයනාත් කොළඹගේ, එක්සත් රාජධානිය සඳහා ශ්රී ලංකා මහකොමසාරිස් සරෝජා සිරිසේන හා විදේශ අමාත්යාංශයේ යුරෝපා සංගම් හා පොදු රාජ්ය මණ්ඩලයීය අංශයේ අධ්යක්ෂ ජනරාල් ධම්මිකා සේමසිංහ යන මහත්ම මහත්මීහු මෙම රැස්වීමට සහභාගී වූ ශ්රී ලංකා නියෝජිත පිරිසට අයත් වෙති.
ආණ්ඩුක්රම ව්යවස්ථාව සඳහා වන 20 වැනි සංශෝධනය ලබන ඔක්තෝබර් 21 සහ 22 යන දිනවලදී පාර්ලිමේන්තුවේදී විවාදයට ගැනීමට පාර්ලිමේන්තු කටයුතු පිළිබඳ කාරක සභාව අද (16) තීරණය කරන ලදී.
මේ අතර 20 වැනි සංශෝධනයට අදාළව ශ්රේෂඨාධිකරණයේ තීන්දුව ලබන ඔක්තෝබර් 20 වැනිදා කථානායකවරයා විසින් පාර්ලිමේන්තුවට ඉදිරිපත් කරනු ලබනු ඇත.
කථානායක මහින්ද යාපා අබේවර්ධන මහතාගේ ප්රධානත්වයෙන් පැවති පාර්ලිමේන්තු කටයුතු පිළිබඳ කාරක සභා රැස්වීමේදී ඔක්තෝබර් 21 සහ 22 යන දිනවලදී පෙරවරු 10 සිට රාත්රී 7.30 දක්වා පාර්ලිමේන්තු විවාදය පැවැත්වීමට තීරණය වී තිබේ. ඔක්තෝබර් 22 වැනිදා රාත්රී 7.30 ට විවාදය අවසන් වීමෙන් පසු කාරකසභා අවස්ථාව ආරම්භ කිරීමට නියමිතය.
එම දින 02 තුළදී පාර්ලිමේන්තුව ආරම්භයේදී පැවැත්වෙන වාචික පිළිතුරු අපේක්ෂාවෙන් පාර්ලිමේන්තු මන්ත්රීවරුන් ඉදිරිපත් කරන ප්රශ්න සභා ගර්භය තුළදී ඉදිරිපත් නොකෙරෙන අතර දිවා විවේකය සඳහා පාර්ලිමේන්තුව අත්හිටුවීමක්ද සිදු නොවනු ඇත.
මේ අතර ඔක්තෝබර් 20 වැනිදා පෙරවරු 10.00 සිට ශ්රී ලංකා අපනයන සංවර්ධන පනත යටතේ වන නියෝග 03ක් විවාදයට ගැනීමටත් කාරක සභාව තීරණය කළේය. එදින සවස 4.30 සිට පස්වරු 5.30 දක්වා ආණ්ඩු පක්ෂය විසින් ඉදිරිපත් කරනු ලබන සභාව කල් තැබීමේ යෝජනාව විවාදයට ගැනෙනු ඇත.
එමෙන්ම හිටපු පාර්ලිමේන්තු මන්ත්රී අභාවප්රාප්ත ආර්. ආර්.ඩබ්ලිව්.රාජපක්ෂ හා අභාවප්රාප්ත කේ. පී. සිල්වා යන මන්ත්රීවරුන්ගේ සහ පාර්ලිමේන්තු මන්ත්රීනි අභාවප්රාප්ත සුරංගනී එල්ලාවල මහත්මිගේ ශෝක ප්රකාශ යෝජනා ලබන 23 වැනිදා ඉදිරිපත් කිරීමට නියමිතයි.
එම රැස්වීමට කථානායක මහින්ද යාපා අබේවර්ධන, නියෝජ්ය කථානායක රංජිත් සියඹලාපිටිය, සභානායක දිනේෂ ගුණවර්ධන, ආණ්ඩු පක්ෂයේ ප්රධාන සංවිධායක ජොන්ස්ටන් ප්රනාන්දු, විපක්ෂයේ ප්රධාන සංවිධායක ලක්ෂ්මන් කිරිඇල්ල, අමාත්යවරුන් වන චමල් රාජපක්ෂ, නිමල් සිරිපාල ද සිල්වා, මහචාර්ය ජී.ඇල් පීරිස්, ඩග්ලස් දේවානන්ද, ඩලස් අලහප්පෙරුම, මහින්ද අමරවීර, වාසුදේව නානායක්කාර, ප්රසන්න රණතුංග, අලි සබ්රි සහ මන්ත්රිවරුන් වන මහින්ද සමරසිංහ, ගයන්ත කරුණාතිලක, රවුෆ් හකීම්, අනුර කුමාර දිසානායක, ඩිලාන් පෙරේරා, රංජිත් මද්දුමබණ්ඩාර, සහ මනෝ ගනේෂන් යන මහත්වරු සහභාගී වූහ. ඔවුනට අමතරව පාර්ලිමේන්තු මහ ලේකම් ධම්මික දසනායක සහ නියෝජ්ය මහ ලේකම් හා කාර්ය මණ්ඩල ප්රධානී නීල් ඉද්දවල යන මහත්වරුද ඊට සහභාගී වූහ.
,
විදේශගත ශ්රී ලාංකේයන්ට ඡන්ද අයිතිය ලැබෙන මැතිවරණ නීති සංශෝධනයට අග්රාමාත්ය මහින්ද රාජපක්ෂ මහතා තේරීම් කාරක සභාවක් යෝජනා කරයි
විදේශගත ශ්රී ලාංකේයන්ට ඡන්ද අයිතිය ලබාදීම ඇතුළු මැතිවරණ නීති සංශෝධනයට අවශ්ය තේරීම් කාරක සභාවක් ඉදිරියේදී යෝජනා කරන බව ගරු අග්රාමාත්ය මහින්ද රාජපක්ෂ මහතා අද (16) දින පැවැසීය.
මැතිවරණ කොමිෂන් සභාවේ උපාය මාර්ගික සැලසුම් පිළිබඳ සාකච්ඡාවක් අරලියගහ මන්දිරයේ පැවැති අවස්ථාවේ අග්රාමාත්ය මහින්ද රාජපක්ෂ මහතා මේ බව සඳහන් කළේය.
මෙම හමුවේදී කරුණු පැහැදිලි කළ මැතිවරණ කොමිෂන් සභාවේ සභාපති මහින්ද දේශප්රිය මහතා 2020-2024 මැතිවරණ කොමිෂන් සභාවේ උපාය මාර්ගික සැලසුමට අදාළව මැතිවරණ නීති සංශෝධනය වීම අත්යවශ්ය කරුණක් බව පෙන්වා දුන්නේය.
මැතිවරණයට අදාළ ඇප මුදල් සංශෝධනය කිරීම, මැතිවරණය පැවැත්වෙන දිනයේ ඡන්දය දැමීමට නොහැකි පුද්ගලයන් වෙනුවෙන් ඊට පෙර වෙනම දිනයක් ලබාදීම, වයස අවුරුදු 18 සම්පූර්ණ වූ විගස ඡන්ද අයිතිය ලැබෙන සේ ඡන්ද හිමි නාම ලේඛනය මාස තුනකට වතාවක් යාවත්කාලීන කිරීම, විදේශගත ශ්රී ලාංකිකයන්ට ඡන්ද අයිතිය ලබාදීම, මැතිවරණ වියදම් පාලනය, අබාධිත පුද්ගලයන්ට පහසුකම් සපිරි ඡන්ද මධ්යස්ථාන සකස්වීම සහ විශේෂ ව්යාපෘති යටතේ ඊ-ඡන්ද ක්රමය ඇතුළු කරුණු රැසක් පිළිබඳව මැතිවරණ කොමිෂන් සභාවේ නිලධාරීහු මෙහිදී අග්රාමාත්යවරයා දැනුවත් කළහ.
මෙම අවස්ථාවට ශ්රී ලංකා පොදුජන පෙරමුණේ ලේකම් පාර්ලිමේන්තු මන්ත්රී නීතිඥ සාගර කාරියවසම්, අග්රාමාත්ය අතිරේක ලේකම්වරුන් වන චමින්ද කුලරත්න, ගනේෂ් ධර්මවර්ධන (නීති), මැතිවරණ කොමිෂන් සභාවේ සභාපති මහින්ද දේශප්රිය, මැතිවරණ කොමසාරිස් ජනරාල් සමන් ශ්රී රත්නායක, කොමිෂන් සභාවේ ලේකම් එච්.එම්.ටී.ඩී. හේරත්, නියෝජ්ය මැතිවරණ කොමසාරිස් එස්.අච්චුදන්, පර්යේෂණ හා සැලසුම් අධ්යක්ෂ චන්න පී. ද සිල්වා, ශ්රි ලංකා පොදු ජන පෙරමුණේ පාලන ලේකම් හා ජාතික නිවාස සංවර්ධන අධිකාරියේ සභාපති රේණුක පෙරේරා මහත්වරු එක්ව සිටියහ.
හෙට (17) දිනට යෙදෙන ‘දරිද්රතාව තුරන් කිරීම පිළිබද ජාත්යන්තර දිනය වෙනුවෙන් අගමැති මහින්ද රාජපක්ෂ මහතා පණිවිඩයත් නිකුත් කර තිබෙනවා. එම නිවේදනය මගින් අගමැතිවරයා අවධාරණය කරන්නේ අනාගත සෞභාග්යය උදාකර ගැනීමට නම් ආදායම් හිඟයට විසදුම් ලබා දිය හැකි වඩාත් තරගකාරී හා සියලු දෙනා ඇතුළත් ආර්ථිකයක් සකස්කර ගැනීම අත්යවශ්ය බවත් ඒ සඳහා රජයක් ලෙස ගත යුතු ක්රියාමාර්ගයන් වත්මන් රජය යටතේ ගන්නා බවයි.
එම නිවේදනය සම්පූර්ණයෙන් මෙසේයි,
සංවර්ධනයට අනුව දරිද්රතා රේඛාවට පහළින් ජීවත් වන ජනතාවගේ ගැටලු කෙරෙහි අවධානය යොමු කිරීමේ අරමුණින් දරිද්රතාව තුරන් කිරීම සඳහා වූ ජාත්යන්තර දිනය ඔක්තෝබර් 17 වන දින ලෝකය පුරා සමරනු ලබයි.
1987 ඔක්තෝබර් 17 දා දරිද්රතාවයට එරෙහි ලෝක කම්කරු දිනයක් පැරීසියේ සමරනු ලැබීය. එහිදී ලෝක ජනගහනයෙන් දිළිඳුබවක් දක්වන, දිළිඳුබවට ගොඳුරු වී ඇති හා අනෙකුත් දරිද්රතා ගැටළු පිළිබඳව අවධානය යොමු වූ අතර දරිද්රතාවයේ ගැටලු පිළිබඳව සිහිපත් කරමින් සෑම වසරකම එම රැස්වීම පැවැත්විණි.
දරිද්රතාවය යනු මානව අයිතිවාසිකම් උල්ලංඝනය කිරීමක් බව එහිදී ප්රකාශයට පත් කළ අතර එතැන් පටන් දරිද්රතාවයේ රැළිය සිහිවීම පිණිස ස්මාරකයක් ද ගොඩනැගුණි. පසුකාලීකව විවිධ රටවල ඊට සමාන ස්මාරක ගොඩනැගුණු අතර ඒවා කේන්ද්ර කර ගනිමින් සෑම වසරකම දරිද්රතාවය තුරන් කිරීමේ අරගලය සඳහා දිනයක් වෙන්විය. පසුව එක්සත් ජාතීන්ගේ මහා මණ්ඩලය විසින් දරිද්රතාවය තුරන් කිරීම සඳහා ජාත්යන්තර දිනය 1992 ඔක්තෝබර් මස 22 වන දින නිල වශයෙන් ප්රකාශයට පත් කරන ලදී.
ආර්ථික විද්යාත්මක විග්රහයට අනුව, බොහෝවිට දිළිඳුකම වටහාගන්නේ ආදායම් අඩුකම නිසා ජිවන මාර්ගයක් නොමැති වීමෙන් ඇති වූ ප්රතිඵලයක් වශයෙනි. එනම් ජනතාවගේ ද්රව්යාත්මක යහපැවැත්ම සහතික වන අයුරින් ඔවුන්ගේ මූලික අවශ්යතා වන ආහාරපාන, ඇදුම්පැළඳුම්, බේත්හේත්, අධ්යාපනය වැනි දෑ මිලදී ගත හැකි ආකාරයට ආදායමක් උපයා ගැනීමට හැකියාවක් නොමැතිවීමයි.
රටේ දරිද්රතාවය අඩුවන පරිදි අප රජය සියලුම අංශයන්හි සංවර්ධන පැතිකඩයන් නව මාවතක් ඔස්සේ රැගෙන එමින් රට තුළ බිහි කළ අධිවේගී මාර්ගයන්, මං මාවත්, දේශීයකර්මාන්තකරුවා හා දේශීය ගොවියා පණගැන්වීම තුළ ගම සහ නගරය අතර තුලනය සමනය විය. සෞභාග්යයේ දැක්ම ප්රතිපත්ති ප්රකාශය ඔස්සේද අප පණ ගන්වනු ලබන්නේ දේශීයත්වයයි. දේශීය නිෂ්පාදන නඟා සිටුවීම, රැකියා ලක්ෂයේ වැඩපිළිවෙළ හා කර්මාන්ත හා සේවා අංශයේ නඟාසිටුවීම තුළින් රටේ ඵලදායිතාව ඉහළ යනු ඇත.
කොවිඩ්-19 වසංගත තත්ත්වය හේතුවෙන් ඇති වූ අහිතකර ආර්ථික ප්රතිඵල හේතුවෙන් ගෝලීය දරිද්රතාව ඉහළ යෑම 2030 වන විට දරිද්රතාවය තුරන් කිරීමේ එක්සත් ජාතීන්ගේ තිරසර සංවර්ධන ඉලක්කයට සැබෑ අභියෝගයකි. ලොවපුරා ව්යාප්ත කොරෝනා වසංගතය හමුවේ ශ්රී ලංකාවේ උද්ගත ආර්ථික හා සමාජයීය අභියෝග සහ ඉඩප්රස්ථා කෙරෙහි සුවිශේෂ අවධානය යොමු කරමින් ආර්ථික පුනර්ජීවනය සැලසීමෙන්ද දරිද්රතාවය තුරන් කිරීමේ වගකීම අපසතුය.
අනාගත සෞභාග්යය උදාකර ගැනීමට නම් ආදායම් හිඟයට විසදුම් ලබා දිය හැකි වඩාත් තරගකාරී හා සියලු දෙනා ඇතුළත් ආර්ථිකයක් සකස්කර ගැනීම අතවශ්යය. ඒ සඳහා රජයක් ලෙස ගත යුතු ක්රියාමාර්ගයන් අප රජය යටතේ ගන්නා බව දරිද්රතාව තුරන් කිරීම පිළිබඳ ජාත්යන්තර දිනය සමරනු ලබන අද දිනයේ අවධාරණය කරමි.
ශ්රී ලංකාව කොරෝනා රෝගී ආසාදිත බල ප්රදේශයක් ලෙස නම් කරන ලද බව පොලිස් මාධ්ය ප්රකාශක නියෝජ්ය පොලිස්පති අජිත් රෝහණ මහතා සඳහන් කරයි.
නමුත් රට පුරාම පුද්ගලික හා රාජ්ය ආයතන ප්රදේශයේ සෞඛ්ය බලධාරීන්ගේ උපදෙස් මත පවත්වාගෙන යා හැකි යැයි ද ඔහු පවසයි.
පවත්වාගෙන යන ඕනෑම ආයතනයක සිටින සේවකයන් සංඛ්යාව ප්රදේශයේ සෞඛ්ය බලධාරින් විසින් නිර්දේශ කරනු ඇති බවත් ඒ අනුව සේවක සංඛ්යාව පවත්වාගෙන යා යුතු බවත් ඔහු පැවසීය.
සියලුම සේවකයන්ගේ වරින්වර උෂ්ණත්වය පරික්ෂා කළ යුතු බවත්, දුරස්ථභාවය පවත්වාගෙන යා යුතු බවත්, සියලු දෙනාම මුහුණු ආවරණ පැළඳිය යුතු බවත්, දෑත් සේදීමේ ස්ථාන ස්ථාපිත කළ යුතු බවත් ඔහු තව දුරටත් කියා සිටියේය.
-ලංකා සී නිව්ස්-
කොරෝනා වෛරසය පැතිර යාම මේ වන විටත් සම්පූර්ණයෙන්ම පාලනය කර ඇති බව හමුදාපති ශවේන්ද්ර සිල්වා මහතා අද මව්බිම පුවත්පත වෙත සදහන් කර තිබේ.
එසේ නමුත් ඉදිරි දින කිහිපය ඉතා තීරණාත්මක බැවින් කොරෝනා ආසාදිතයෙකු බවට පත් නොවී සිටීමටත් සියලු දෙනා වගබලා යුතු බවද ඒ මහතා සඳහන් කළේය.
කොරෝනා ආසාදිතයන් පිළිබද සහ රෝග ලක්ෂණ ඇත්නම් වහාම ඒ පිළිබඳව සෞඛ්ය අංශ වෙත වාර්තා කර උපදෙස් ලබා ගන්නා ලෙස ඔහු ඉල්ලා සිටියේය.
කොරෝනා ආසාදිතයන් සහ ආශ්රිතයන් සදහා අවශ්ය රෝහල් පහසුකම් නිරෝධායන මධ්යස්ථාන අවශ්ය තරම් ඉඩකඩ පුළුල් කර ඇති බවද පැවසූ ඔහු තවදුරටත් ඉඩකඩ අවශ්ය වුවහොත් ඒවා ලබාදීමට ද කටයුතු යොදා තිබෙන බවද ඔහු පැවසීය.
කෙසේ නමුත් දැනට පවතින තත්වය ඉදිරි සති දෙක තුළ සාමාන්ය අතර පත්වේදැයි කල විමසුමකදී ඔහු පවසා ඇත්තේ ඒ ගැන දැන්ම අනාවැකි පළ කළ නොහැකි බවයි.
මේ මොහොතේ කළ යුතු වැදගත්ම දේ වන්නේ කොරෝනා වෛරසයට ගොදුරු නොවී ආරක්ෂා වීමට වගබලා ගැනීම යයිද තව දුරටත් පවසා ඇත.
අගමැති මහින්ද රාජපක්ෂ මහතාගේ දෙවැනි පුත්රයා වන යෝෂිත රාජපක්ෂ මහතා අග්රාමාත්ය කාර්ය මණ්ඩලයේ ප්රධානියා ලෙස පත් කර තිබේ.
කොළඹ පිහිටි චීන තානාපති කාර්යාලය විසින් නිකුත් කළ ට්විටර් පණිවුඩයක දැක්වෙන්නේ අග්රාමාත්ය කාර්ය මන්ඩලයෙ ප්රධානී යෝෂිත රාජපක්ෂ මහතා මෙරට වැඩබලන චීන තානාපතිවරයා මහතා හමුවී සාකච්ඡා කළ බවයි.
පසුගියදා මෙරට සංචාරයක නිරත වූ චීනයේ ඉහළ පෙළේ දූත පිරිස සහ ශ්රී ලංකා නායකයන් අතර පැවත්වූ සාකච්ඡාව ගැනද දෙරට අතර ද්වීපාර්ශීය මිත්රත්වය ගැන ද මෙම හමුවේ දී සාකච්ඡා කළ බවද එම සටහනේ දැක්වේ.
On 13th October, Chargé d'affaires Hu Wei congratulated Yoshitha Rajapaksa @YoshithaR for assuming office as new Chief of Staff to Hon. Prime Minister @PresRajapaksa .
— Chinese Embassy in Sri Lanka (@ChinaEmbSL) October 15, 2020
Bilateral friendship and follow-ups of recent high-level visit were discussed. pic.twitter.com/bVjCV6Bfnl
ශ්රීලංකන් ගුවන් සමාගමේ ශ්රීලංකන් කේටරින් අංශය ශ්රී ලාංකික සහ ජාත්යන්තර ආහාර රටාවන් සමගින් කල් තබා ගත හැකි ශීත කළ ආහාර හඳුන්වාදීමට කටයුතු යෙදා තිබේ. ආරම්භයේ දී එම ආහාර ශ්රී ලංකාවේ දී ත් පසුව ජාත්යන්තර වශයෙන් හඳුන්වාදීමට සැලසුම් කර තිබේ. ඒ අනුව ඉදිරියේ දී මෙම ආහාර ශ්රීලංකන් කේටරින් වෙළඳ නාමය යටතේ ලොව පුරා විසිරී සිටින ශ්රී ලාංකිකයින් වෙත ගෙන යනු ඇත.
හොඳම තත්ත්වයේ, ශීත කළ ආහාර සඳහා වන ඉහළ ඉල්ලුමට විසඳුමක් ලෙස ශ්රීලංකන් කේටරින් ‘Cuisine Gastronome’ යන නමින් මෙම ආහාර රටාවන් සකසා ඇති අතර එය නැවුම් අමුද්රව්ය වලින් සහ කල් තබා ගන්නා ද්රව්ය වලින් සාදා ඇත. ‘Cuisine Gastronome’ ප්රණීත ආහාර රසයන් සහ දේශීය හා විදේශීය ප්රියතම රසවත් ආහාර රැසක් පිරිනමන අතර ඒවා මිනිත්තු කිහිපයකින් විශිෂ්ට ආහාර වේලක් සඳහා පහසු මෙන්ම ඉක්මන් විසඳුමක් ලබා දෙයි.
Cuisine Gastronome’s වෙතින් පුළුල් පරාසයක විහිදුණු දේශීය ප්රියතම ආහාර වන කලු පොල් පොලෝස් ඇඹුල සමඟ දේශීය රතු සහල්, කුකුළු මස් ව්යංජන සහිත ශ්රී ලාංකික කහ බත් පිළිගන්වනු ලැබේ. එසේම ජාත්යන්තර විශේෂිත ආහාර වන Penne Pasta in Rich Sundried Tomato Sauce, තායි ස්වීට් චිලී සමග වොක් ෆ්රයිඩ් නූඩ්ල්ස් , Cannelloni Stuffed with Rich Creamy Chicken, Polo Cacciatore Italiano with Penne Pasta, English Country Lamb & Mint Pie, and a variety of other delectable meals සහ තවත් රසවත් ආහාර වර්ග රැසක්ම නිවසේ සිට සුවපහසුවෙන් භුක්ති විඳීම වෙනුවෙන්ම සකසා ඇත.
මෙම රසවත් හා සෞඛ්ය සම්පන්න ආහාර පිළියෙල කරනු ලබන්නේ ශ්රීලංකන් කේටරින් හි නවීනතම මුළුතැන්ගෙයි සිටින ඉහළ පුහුණුවලත් පළපුරුදු සූපවේදී කාර්ය මණ්ඩලයක් විසිනි. එම ආහාර අමුද්රව්ය ලබා ගැනීම, ඇසුරුම්කරණය සහ බෙදා හැරීම දක්වා සෑම ආකාරයකම සනීපාරක්ෂාව සහ තත්ත්ව පාලනය පිළිබඳ ඉහළම ජාත්යන්තර ප්රමිතීන්ට අනුකූල වේ. ශ්රීලංකන් කේටරින් හි ජාත්යන්තර මට්ටමේ පහසුකම් සහ එහි විශිෂ්ටත්ව ප්රමිතීන් වෙනුවෙන් ගෝලීය සම්මාන ඇතුලු සම්මාන රාශියක් දිනා ගෙන තිබේ.
Cuisine Gastronome හඳුන්වාදීමේ ප්රධාන පරමාර්ථය වූයේ සරල හා පරිභෝජනයට පහසු වන පරිදි හොඳම ගුණාත්මක, අව්යාජ ශ්රී ලාංකික ආහාර රැසක් ලොවට ගෙන යාමය. රට තුළ වෙසෙන ශ්රී ලාංකිකයන් වෙත හොඳම තත්ත්වයේ, කෑමට සූදානම් ආහාර වේලක අවශ්යතාවයට පිළියමක් වශයෙන් දේශීයව ශ්රීලංකන් කේටරින් වෙළඳ නාමය යටතේ අලෙවි කිරීමට කටයුතු යොදා ඇත. පවතින කෝවිඩ් -19 වසංගතය හමුවේ මෙම ආහාර දේශීයව අලෙවි කිරීමේ සඳහා ඉතා පහසු කාර්යභාරයක් ඉටු කළේය.ලොව පුරා ජාත්යන්තර ගුවන් ගමන් නවතා දැමූ විට, ගෝලීය ශීත කළ ආහාර ව්යාපෘතිය කඩිනම් කිරීමටත්, ආදායම් උත්පාදනය සඳහා වෙනත් මාර්ග ගවේෂණය කිරීමටත්, මෙම නවතම ආහාර ශ්රී ලංකාව තුළත් හඳුන්වා දෙමින්, අවසානයේ දී විදේශයන්හිත් සාර්ථක ප්රතිඵල ලබා ගැනීමට ශ්රීලංකන් කේටරින් හි අධ්යක්ෂ මණ්ඩලය තීරණය කළේය.
ශ්රී ලංකන් කේටරින් ලිමිටඩ් පුද්ගලික සමාගමක් ලෙස 1979 දී එයාර් ලංකා ආහාර සැපයුම් සේවාකරු ලෙස සිය මෙහෙයුම් ආරම්භ කළේය. පසුව එම සමාගම BOI අනුමත වූ අතර 1998 දී ශ්රීලංකන් කේටරින් එයාර් ලංකා ලිමිටඩ් හි පූර්ණ හිමිකාරීත්වය දරන සමාගමක් බවට පත්විය. එය දැන් ශ්රීලංකන් කේටරින් අංශය ශ්රීලංකන් ගුවන් සමාගමේ පුර්ණ අනුබද්ධ සමාගමක් වන අතර එය කොළඹ බණ්ඩාරනායක ජාත්යන්තර ගුවන් තොටුපළට (BIA) ක්රියාත්මක වන සියලුම ගුවන් සේවා සඳහා ආහාර පාන සපයන එකම ගුවන්යානා සැපයුම්කරු වේ. ශ්රී ලංකන් කේටරින් එමිරේට්ස්, එතිහාඩ්, කටාර් එයාර්වේස්, KLM, කැතේ පැසිෆික්, මැලේසියානු ගුවන් සේවය, එයාර් චයිනා, ඕමාන් එයාර්, කොරියානු ගුවන් සේවය, Turkish Airlines and UIA ඇතුළු බන්ඩාරනායක ජාත්යන්තර ගුවන් තොටුපළට පැමිණෙන ජාත්යන්තර ගුවන් සමාගම් රැසකට සේවා සපයයි.
මධ්යම අධිවේගී මාර්ගයේ ශක්යතා අධ්යයන සහ ප්රසම්පාදන ක්රියාවලිය පිළිබඳව සිදු කර ඇති විශේෂ විගණන වාර්තාව අවධානයට ලක් කිරීම සදහා මාර්ග සංවර්ධන අධිකාරිය
සහ මධ්යම අධිවේගී මාර්ගයේ ව්යාපෘති කළමනාකරණ ඒකකය ලබන ඔක්තෝබර් 20 වැනිදා පාර්ලිමේන්තුවේ පොදු ව්යාපාර කාරක සභාව( කෝප් ) වෙත කැදවා තිබේ.
මේ අතර ලබන 20 වැනිදා සිට සිට 24 වැනිදා දක්වා අඛණ්ඩව දින 04 ක් කෝප් කමිටුව
පාර්ලිමේන්තුවේ දී රැස්වන බව එහි සභාපති මහාචාර්ය චරිත හේරත් මහතා සදහන් කළේය.
ඒ අනුව, ඔක්තෝබර් 21 වැනිදා කැලණි ගගේ ජලය අපවිත්ර වීම සම්බන්ධව සිදුකළ පාරිසරික විගණන වාර්තාව සාකච්ඡා කිරීම සදහා ජල සම්පාදන මණ්ඩලය ,ශ්රී ලංකා ආයෝජන මණ්ඩලය ,මධ්යම පරිසර අධිකාරිය සහ අදාළ පළාත්පාලන ආයතන ද කෝප් කමිටුව වෙත කැදවා තිබේ.
ඉන්පසු , ඔක්තෝබර් 22 වැනිදා ශ්රී ලංකා ව තුළ ඛනිජ තෙල් ගබඩා කිරීම සහ බෙදා හැරීම පිළිබඳව සිදු කළ
විශේෂ ව්යාපෘතියේ වාර්තාව සාකච්ඡාවට ලක් කිරීම සදහා ශ්රී ලංකා ඛනිජ තෙල් සංස්ථාව කෝප් කමිටුව හමුවට කැදවා තිබෙන බව මහාචාර්ය
හේරත් මහතා පැවසීය .
මෙයට අමතරව ,ඔක්තෝබර් 23 වැනිදා පොල් සංවර්ධන අධිකාරිය කෝප් කමිටුව හමුවට කැදවා තිබේ.එම අධිකාරියට අමතරව පොල් වගා කිරීමේ මණ්ඩලය සහ පොල් පර්යේෂණ ආයතනය
ද එදින කෝප් කමිටුව හමුවට කැදවා ඇත.
දැනට පවතින කොවිඩ්-19 වසංගත තත්ත්වය හේතුවෙන් සෞඛ්ය අමාත්යාංශය ලබාදී ඇති උපදෙස් පරිදි ඔක්තෝබර් මස 31 වැනි දින දක්වා දිවයින පුරා පිහිටි සියලුම සිනමා ශාලා වසා තැබෙන බව ශ්රී ලංකා චිත්රපට සංස්ථාව නිවේදනය කරයි.
