Blog

මහාචාර්ය රංගික හල්වතුර – කොමසාරිස්, නව නිපැයුම්කරුවන්ගේ කොමිසම

සත්තු ද පරිසරයේ ම කොටස්කරුවෝ ය. එහෙත් මිනිසා සෑම සතකු ම මිතුරකු ලෙස හෝ පරිසරයට අවශ්‍ය ජීවි කොට්ඨාසයක් ලෙස හෝ නොදකී. නාගරික මිනිසුන් අලින්, මොනරුන්, දඬුලේනුන්, රිළවුන් වැනි සතුන් බැලීමට යාල, විල්පත්තු යනමුත් ඒ අවට ගම්මානවල මිනිසුන්ට එකී සතුන් විශාල හිරිහැරයකි. ඒ හේතුවෙන් ම නාගරික ජනතාව දකින්නා වූ සුන්දරත්වය ඒ සතුන් තුළින් දකින්නට ග්‍රාමීය ජනතාවට ඉඩක් ඇත්තේ ම නැත.

විශේෂයෙන් ම අලි මිනිස් ගැටුමට ප්‍රධානම හේතුව තමන් විසින් අලින්ගේ සීමාවට ගොස් ජනාවාස ඉදිකරගැනීම බව කළුවරගස්වැව, ගල්ගමුව වැනි ප්‍රදේශවල දැනට ජීවත් වන මිනිසුන් හොඳින් දන්නා කරුණකි. එහෙත් ඔවුන්ගෙන් පසු පරම්පරාව පිළිබඳ සලකා බැලුවහොත් කුඩා දරුවන් අලියා සලකනු ඇත්තේ සිය පියා මරාදැමීමට එන සතුරකු ලෙසිනි. ඔවුන් වැඩිහිටියන් බවට පත් වන කලෙක අලිඇතුන් ත්‍රස්තවාදීන් ලෙස සලකනු ඇත. එවැනි සතුන් සමූල ඝාතනය කළ යුතු යැයි සිතන තැනකට ද පත් විය හැකිය.

එබැවින් ශ්‍රී ලංකාවේ වන සතුන් සහ මිනිසුන් අතර ඇති මෙම ගැටලුවට ලබාදිය හැකි පිළිතුරු සොයා, අත්හදාබැලීමට මේ වන විටත් විශේෂ ව්‍යාපෘතියක් දියත්කොට ඇත. එම ව්‍යාපෘතියේ පළමු අදිරය ලෙස ක්‍රියාත්මක වන්නේ අලි මිනිස් ගැටුම නිරාකරණය කිරීමට පිළිතුරක් ලෙස ඒ වෙනුවෙන් ලංකාවේ ඇති නව නිපැයුම් ජනතාවට හඳුන්වා දීම ය. මෙය වූ කලී නව නිපැයුම්කරුවන්ගේ කොමිසම, වනජීවී දෙපාර්තමේන්තුව සහ අමාත්‍යංශය එක්ව දියත් කරන වැඩසටහනකි. මේ ව්‍යාපෘතිය දියත් වීමත් සමඟ ඒ වෙනුවෙන් බොහෝ නව නිපැයුම් ඉදිරිපත් විය. අලි මිනිස් ගැටුම නැවැත්වීමට නම් අලින් ගම්වැදීම කෙසේ හෝ නවතාලිය යුතු ය. ඒ වෙනුවෙන් අවශ්‍ය ස්ථානවලට සුදුසු පරිදි අලිවැටවල් යෙදීම සිදු කළ යුත්තකි.

සංචාරක ආකර්ෂණය

මෙහිදී මිනිසාට අලියාත් අලියාට මිනිසාත් හිතකර වන අන්දමින් තරමක් දුරට සම්බන්ධ කිරීමට හැකි නම් එය ද මෙකී ගැටලුවට පිළිතුරු සෙවීමේ මාර්ගයක් වනමුත් එය එතරම් පහසු කර්තව්‍යයක් නොවනු ඇත. මේ වෙනුවෙන් අපට සාමාජීය වශයෙන් සිදු කරන්නට වන වෙනස සුළුපටු නොව නමුත් කළ නොහැක්කක් ද නොවේ. වන සතුන් මෙරට ආර්ථිකයට විශාල වාසියක් බවට පත්කර ගැනීමේ ඉඩක් පවතින බව පැහැදිලි ව පෙන්වා දිය හැකි නම් මේ ව්‍යාපෘතිය ඒ ඔස්සේ පහසුවෙන් ම ඉදිරියට ගෙන යා හැකි ය.

ශ්‍රී ලංකාවේ සංචාරක කර්මාන්තය තුළ වන ජීවීන්ගේ අසිරි සිරියෙන් මුදල් ඉපයීමට වැඩි ඉඩක් වෙන් නොවීම කනගාටුවට කරුණකි. වනජීවීන් යනු හිරිහැරයක් ම නොව විශාල වශයෙන් ආදායම් උත්පාදනයෙහිලා යොදාගත හැකි සම්පතක් බව ජනතාවට ඒත්තු ගැන්වීම මෙම ව්‍යාපෘතියේ එක් අරමුණකි. සංචාරක ව්‍යාපාරය ඇසුරු කරගනිමින්, අලියා හේනට ඒම තුළ තමාට යම් ආදායමක් ලැබිය හැකි බව හේන අයිති ගොවියාට ඉගැන්විය හැකි නම් හේනට වැදී බඩ ඉරිඟු කන අලියා වෙනුවෙන් වැඩිපුර බඩඉරිඟු කොටසක් වැවීම ගොවියාට වාසියක් වනු ඇත. හේනට වදින අලින් ඇතුළු වන ජීවින් නැරඹීම සඳහා සංචාරකයන් ඇදබැඳ ගැනීමෙන් ආදායම් ඉපයීමේ මාර්ග ගොවීන් වෙනුවෙන් විවරකොට දිය යුතු ය.

මෙවැනි නව අදහස් රැසක් මුල් කර ගනිමින් දියත් වන මෙම ව්‍යාපෘතියේ පළමු පියවර වශයෙන් සිදු කෙරෙනුයේ අලි මිනිස් ගැටුම වළකාලීම සඳහා යොදාගත හැකි නව නිපැයුම් හයක් ජනතාව අතරට ගෙනයෑම ය. මෙහිදී ස්වීඩනයෙන්, නවසීලන්තයෙන් ආනයනය කොට යොදනු ලබන අලි වැට වෙනුවට ලංකාවේ බුද්ධිමය දේපළ අයිතිය ඇති අලිවැටවල් අත්හදා බැලීම ද විශේෂත්වයකි. ලාංකිකයන් විසින් නිර්මාණය කරන ලද නවීන පන්නයේ අලි වැටවල් තවම අප විසින් අත්හදා බලා නැත. එම අලිවැටවල් දැනට පිටරටින් ආනයනය කොට යොදනු ලබන අලිවැටවලට වඩා උසස් තාක්ෂණයෙන් යුක්ත ය.

අලියකු විත් අලිවැට ස්පර්ශ කරනවාත් සමඟ ම මුළු ගමටමත් ළඟ ම පොලිස් ස්ථානයටත් අනතුරු ඇඟවීමේ සංඥාවක් ලබාදිය හැකි තරමට දියුණු කළ අලිවැටවල් ද ලංකාවේ නිපදවා ඇති අතර මෙහිදී ඒවා යොදාගැනීමට උත්සාහ කෙරේ. යම් හෙයකින් අලියා ගම තුළට ඇතුළු වුව හොත් ගමට හානියක් නැතිව නැවත කැලෑව දෙසට යා හැකි අන්දමින් සකස්කොට ඇති අලිවැටවල් ද අලියකුට කිසිසේත් ම කඩා දැමිය නොහැකි අලිවැටවල් ද කඩිනමින් යෙදිය හැකි අලිවැටවල් ද මේ අතර වේ. මෙකී අලිවැටවල් අවශ්‍යතාව අනුව අවශ්‍ය ප්‍රදේශවලට යෙදීමට කටයුතු සම්පාදනය කිරීම මෙම ව්‍යාපෘතිය ඔස්සේ සිදු කිරීමට නියමිත ය. කෙසේ වෙතත් මෙය අලිවැටක් යොදා අලින් ගම්මානවලින් වෙන් කිරීමෙන් පමණක් නවතින සරල ව්‍යාපෘතියක් ලෙස සැලකිය යුතු නොවේ. මේ මඟින් අලින් මෙහෙයවීමේ වැඩ පිළිවෙළක් ද අත්හදා බැලීමට නියමිත ය.

සැබැවින් ම අපට අලින් පිළිබඳ නිවැරදි අවබෝධයක් නැත. එබැවින් ගම්මානවලට ඇතුළු වන අලින් කිහිප දෙනකු තෝරා ගෙන ගෙලට කොලරයක් යොදා ඒ ඔස්සේ අලින් පුහුණු කිරීමක් ඉදිරියේදී අපෙක්ෂා කෙරේ. ඒ මඟින් අලි ගමන් ගන්නා දිශාව, ඒ අලින්ගේ චලන, රංචුව තුළ හැසිරීම් රටාව අධ්‍යයනය කිරීම ද මෙම ව්‍යාපෘතියේ ම කොටසකි. එලෙස අලින්ට පැලඳීමට අපේක්ෂා කරන කොලරය ද ශ්‍රී ලංකාවේ ම නිෂ්පාදනය කරන්නකි. එම කොලරය මඟින් අපේක්ෂා කරනුයේ අලියා ගමට ළං වන විට යම් සංඥාවක් නිකුත් කිරීම ය. ඒ ඔස්සේ අලියා ගමට කිලෝමීටර් 10ක් දුරින් සිටින බව, කිලෝමීටර් 05 දුරින් සිටින බව දන්වමින් ගම්වාසින් සූදානම් කළ හැකි ය. එතෙකින් නොනැවතී ගමේ තරුණයන් එක්කර ගනිමින්, අලියා ගම්වැදීමට උත්සාහ කරන විට, අලිවැට කැඩීමට උත්සාහ කරන විට ක්ෂණිකව යෙදිය හැකි දෙවැනි අලිවැටක් යොදා අලියා නැවත කැලේට පන්නා දමන ක්‍රමවේදයක් ද අප සතු ය.

කෙසේ වෙතත් අලි මිනිස් ගැටුම ශ්‍රී ලංකාව මුහුණපා සිටින විශාල ගැටලුවක් වන අතර තවදුරටත් මේ සමඟින් ඉදිරියට යෑම තුළ ලංකාවේ කැලෑවල සිටින අලිඇතුන් හෝ ගම්මානවල ජීවත් වන මිනිසුන් අපට අහිමි වනු ඇත. එසේ හෙයින් මෙය වූකලී කඩිනම් විසඳුමක් අවැසි ගැටලුවකි. අලි ගම් වදින ස්ථාන සොයා බලා අලිවැටවල් යෙදීම පමණක් මෙකී ගැටලුවට සාර්ථක පිළියමක් නොවන බව අමුතුවෙන් කිව යුතු නැත. අලියා යනු බුද්ධි මට්ටමෙන් ඉහළ සත්ත්වයකු ලෙස දකින අප උත්සාහ කරනුයේ අලින්ගේ චර්යා පිළිබඳව ද නිරන්තරයෙන් අධ්‍යයනය කරමින් මෙම ගැටලුවට සාර්ථක විසඳුමක් සෙවීමට ය.

නව නිපැයුම්කරුවන්ගේ කොමිසම සමඟ සිටින නව නිර්මාණකරුවන් මෙම ව්‍යාපෘතිය පර්යේෂණ ඔස්සේ ඉදිරියට ගෙන යෑමට ඉදිරිපත් වී සිටීම විශේෂත්වයකි. එම සාමුහික ප්‍රයත්නය තුළ අලි මිනිස් ගැටුම් අවම කිරීමට වඩාත් නිවැරදි ක්‍රමවේදයක් සොයාගත හැකි වනු ඇත. ශ්‍රී ලංකාව තුළ අලිඇතුන් සම්බන්ධයෙන් නිර්මාණය වූ නව නිපැයුම් රැසක් ඇති අතර එමඟින් වඩා සුදුසු ක්‍රමවේදය තෝරාගැනීම මෙම පර්යේෂණයේ එක් අරමුණකි.

අලි වැට හා අගල් ඉදිකිරීම සම්බන්ධ ඇති කරන තිබෙන අමාත්‍යංශයෙන් ද මෙම ව්‍යාපෘතියට ලබාදෙන්නේ නොමඳ සහයෝගයකි. මෙම ව්‍යාපෘතිය ඉතාමත් සාධනීය ව්‍යාපෘතියක් වන බවට මේ වන විටත් පෙර ලකුණු පෙනෙන්නට තිබෙන බැවින් ඉතාමත් කෙටි කාලයකදී මේ ඔස්සේ ශ්‍රී ලංකාවේ පවතින අලි මිනිස් ගැටුමට පිළිතුරක් ලබාදිය හැකි බව අපගේ විශ්වාසය යි.

වෙනත් රටවල ද අලි මිනිස් ගැටුම් පවතින නමුත් ඒ සෑම රටක් ම අප තරම් දරුණුවට මේ ගැටලුවට මුහුණ පාන්නේ නැත. ශ්‍රී ලංකාවේ ඇති අලිමංකඩවල් ගැසට් කිරීම අනිවාර්යෙන් කළ යුතු නමුත් එය තව ම සපුරාගත නොහැකි ව ඇති අවශ්‍යතාවක් ලෙස දැක්විය යුතු ය. පළමුවෙන් එකී අවශ්‍යතාව සපුරාගත යුතු අතර ඉන් අනතුරුව අලින් නිරන්තරයෙන් ගමන් කරන්නා වූ ප්‍රදේශ අලින් වෙනුවෙන් නිරාවරණය කරදීමට සිදු වේ.

අලින්ගේ හා ගම් වැසියන්ගේ සීමා වෙන වෙන ම හඳුන්වා දෙමින් අලින් ගම් වැදීම නවතාලීමේදී අලින්ට ආහාර සහ ජලය සපයන ක්‍රමවේද සෙවීමේ අවශ්‍යතාව ද මතු වනු ඇති. එපමණක් නොව මෙහිදී ග්‍රාමීය ජනයාගේ මනස වෙනස් කළ හැකි ක්‍රමවේද සෙවීම ද අත්‍යවශ්‍ය කාරණාවක් ම ය. ගම්මානවල වැසියන් එක්රැස්කොට කණ්ඩායම් කිහිපයකට බෙදා, අලි මිනිස් ගැටුමට සාර්ථකව මුහුණ දෙන ආකාරය පිළිබඳ පුහුණුවක් ලබාදීමට ද ග්‍රාමීය නිෂ්පාදන ආර්ථිකයක් සමඟ ගම ආර්ථික වශයෙන් නඟාසිටුවීමට ද කටයුතු කළ හැකිය.

ව්‍යාපෘති ගණනාවක එකතුවක් වන මෙම වැඩපිළිවෙළ දැකිය හැක්කේ ඉතා සාර්ථක ව්‍යායාමයක් ලෙසිනි. කෙසේ වෙතත් අවම වශයෙන් සය මාසයක් මේ පිළිබඳ පර්යේෂණ සිදු කළ යුතු ය. අලි වැට කෙසේ විය යුතු ද? අලියාගේ ගමන් මාර්ගය, අලියා අලිවැට කඩාගෙන ගම්වැදුණහොත් මීළඟට ගත හැකි ක්‍රියාමාර්ග ආදිය පිළිබඳ තව දුරටත් පර්යේෂණ පැවැත්විය යුතු ය. මෙය පුහුණු කිරීම් මත පදනම් වන ව්‍යාපෘතියක් වන අතර මේ වෙනුවෙන් ලබාදිය හැකි නායකත්වය නව නිපැයුම්කරුවන්ගේ කොමිසම මඟින් ලබාදී තිබේ. මේ සඳහා අවශ්‍ය සහාය අදාළ සියලු පාර්ශ්වවලින් ලැබෙන්නේ නම් වසර ගණනාවක් මුළුල්ලේ උඩුදුවමින් පවතින අලි මිනිස් ගැටුමට නිසැක විසඳුමක් සෙවිය හැකි ය.

මෙම ව්‍යාපෘතියේ නියමු ව්‍යාපෘතිය ආරම්භ වන්නේ නිතර අලි කරදරයට මුහුණ පාන ගමක් වන කළුවරගස්වැවෙනි. නියමු ව්‍යාපෘතිය තුළ මෙම ගම වටා අක්කර දෙදහක වපසරියක් ආවරණය කිරීමට නියමිත ය. කළුවරගස්වැවෙන් පසු හැරෙන්නේ අම්පාරට ය.

ජාතික අවශ්‍යතාවක්

ව්‍යාපෘතිය තුළ අලින් ගම්වැදීම නවතාලීමට මෙන් ම ගම්වදින අලින් පලවා හැරීමට ද ක්‍රමවේද සෙවිය යුතු ය. එහිදී අලින් ගම්වැදීම නවතාලීමේ ක්‍රම අත්හදා බැලීම සහ අලින් පලවා හරින ක්‍රම අත්හදා බැලෙනුයේ වෙන වෙනම ගම්මානවල ය. ඉන්පසුව යොමු වන්නේ අලිඇතුන් දුම්රියේ ගැටීම වළකාලීම වෙනුවෙන් මෙරට නිර්මාණය කොට ඇති නව නිපැයුම් අත්හදා බැලීමට ය. අලින්ගෙන් නොනවතින මෙම ව්‍යාපෘතිය තුළ මීළඟ පියවර වන්නේ මොනරුන්, දඬුලේනුන් වැනි වගාවට හානි කරන වෙනත් සතුන් පලවා හරින ක්‍රමවේද ගම්මාන තුළ අත්හදා බැලීමට ය. මෙයාකාරයෙන් පියවර ගණනාවකින් මෙම ව්‍යාපෘතිය ඉදිරියට යනු ඇත.

නව නිපැයුම්කරුවන්ගේ අන්තර්ජාතික තරගාවලියක් ලෙස පැවැත්වූ “සහසක් නිපැයුම්” තරගාවලියේදී රටරටවල නව නිර්මාණකරුවන්, අප හා සම්බන්ධ වූ අතර එම නිර්මාණකරුවන්ගෙන් අය කරගත් මුදල සම්පූර්ණයෙන් ම මෙම ව්‍යාපෘතියට යෙදවීමට නියමිත ය. එසේ ම පෞද්ගලික අංශයෙන් ද අමාත්‍යංශ කිහිපයකින් ද මේ සඳහා මුල්‍යමය දායකත්වය ලබා දෙන බැවින් මෙය වූකලි ජාතික අවශ්‍යතාවක් ලෙස සලකමින් සියලු පාර්ශ්ව එක්ව දියත් කරන ව්‍යාපෘතියක් ලෙස පෙනෙන්නට තිබීම සුවිශේෂත්වයකි.

මේ සඳහා අවශ්‍ය කරන තාක්ෂණික ඥානය ශ්‍රී ලංකාවේ නව නිර්මාණකරුවන්ගෙන් ලැබෙන අතර සියලු සම්බන්ධීකරණ කටයුතු නව නිපැයුම්කරුවන්ගේ කොමිසම මඟින් සිදු වේ. අමුද්‍රව්‍ය ලබාදෙමින් සහයෝගය දැක්වීමට දෙස්විදෙස් පරිත්‍යාගශීලීන් අප හා අත්වැල් බැඳගෙන සිටීම ද සතුටට කරුණකි. මාධ්‍ය දායකත්වය තවත් අතෙකින් මෙම ව්‍යාපෘතිය ශක්තිමත් කරවයි. මේ සියල්ල එක්තැන් වූ කල නුදුරේදීම යහපත් ප්‍රතිඵල අපේක්ෂා කළ හැකි බව පෙනෙන්න තිබේ.

සටහන – කාංචනා සිරිවර්ධන

වර්තමාන වේගවත් ලෝකයේ ස්මාර්ට් ජංගම දුරකතනයක් (Smartphone) තිබීම අත්‍යවශ්‍ය කරුණක් බව අමුතුවෙන් කිව යුතු නැහැ. ඒ තරමට අපට ස්මාර්ට් ජංගම දුරකථනය සමීප වෙලා තිබෙනවා.

මෙහි ඇති තවත් වැදගත් කරුණක් තමයි සාමාන්‍ය ජංගම දුරකථනයකට වඩා ස්මාර්ට් ජංගම දුරකථනයක් ‘බහුවිධකරණය’ වීම. ඒ කියන්නේ ගණනය කළ නොහැකි තරම් සේවා ප‍්‍රමාණයක් අපට ඒ හරහා ලබා ගත හැකියි.

මේ තත්ත්වය තුළ ස්මාර්ට් ජංගම දුරකථනයක් මිලදී ගැනීමේදී ඔබ විසින් සලකා බැලිය යුතු ‘වැදගත්ම කරුණු 04ක්’ ගැන විශේෂඥ උපදෙස් ලබාදීමක් සිදුව තිබෙනවා. ඇතැම් විට ඔබ මේ කරුණු 04 ගැන අපටත් වඩා හොඳින් දන්නවා විය හැකියි. ඒත් බලන්න ඔබ දන්න කියන කරුණු නිවැරදිද කියා.

1. කැමරා – Camera 

සියලු අංග අතරින්, මෙය වඩාත් වැදගත් එකක් ලෙස පෙනේ. බොහෝ අය එහි කැමරාව සඳහා හොඳ ස්මාර්ට් ජංගම දුරකතනයක් මිලදී ගනී. මිනිසුන් ඩිජිටල් කැමරා සහ DSLRs භාවිතා කළ දින දැන් ගෙවී ගොස් ඇත. අද හොඳම තත්ත්වයේ පින්තූර සහ වීඩියෝ කිහිපයක් ස්මාර්ට් ෆෝන් වලින් ලබාගෙන ඇත. මේ අනුව, උසස් තත්ත්වයේ කැමරාවක් තිබීම අත්‍යවශ්‍ය අංගයක් වන අල්ට්‍රා-වයිඩ් කාච, පෝට්රේට් ප්‍රකාරය, ඩීඑස්එල්ආර් ගුණාත්මකභාවය සඳහා ප්‍රෝ-මාදිලිය (Ultra-wide lens, portrait mode, pro-mode for a DSLR quality) වැනි තවත් අංග කිහිපයක් තිබිය යුතුය. කැමරා කාච මෙගාපික්සල් වැඩි වන තරමට වඩා හොඳය.

1. බැටරි ආයු කාලය – Battery Life 

ඔබගේ දුරකථනයේ හොඳ බැටරි ආයු කාලයක් තිබීම අමරණීයත්වය සොයා ගැනීම හා සමානයි. අද, මිනිසුන් තම චාජරය රැගෙන යාම හෝ අතේ ගෙන යා හැකි සොකට් එකක් සොයමින් කරදර වීමට කැමති නැත. එය විශාල අපහසුතාවයක් වන අතර තරමක් අවංකව කාලය නාස්තියකි. එබැවින්, දිගුකාලීන බැටරි ආයු කාලයක් තිබීම අත්‍යවශ්‍ය වේ.

1. ගබඩා ඉඩකඩ – Storage Space 

ජංගම දුරකථන කේන්ද්‍රීය ගබඩා මධ්‍යස්ථානයක් බවට පත්ව ඇත. පින්තූර සහ වීඩියෝ සිය ගණනක සිට අදාළ ලේඛන සහ ලිපිගොනු දක්වා සෑම දෙයක්ම එක් උපාංගයක ගබඩා වේ. බොහෝ ස්මාර්ට්ෆෝන් වල විශේෂිත ගබඩා සීමාවක් දක්වා විහිදෙන අතිරේක මතක කාඩ්පතක් (Additional memory card) ඇත.

1. වේගය – Speed 

ස්මාර්ට් ජංගම දුරකතනයක් හිමි කර ගැනීමේ සමස්ත කාරණය වන්නේ විස්තාරණ තාක්‍ෂණය හා වේගය සහිත දුරකථනයක් තිබීමයි. සමස්ත දුරකථනයේ සමාලෝචනය අවසානයේ එහි භාවිතය හා වේගය දක්වා පහත වැටේ. හොඳ ආරම්භක ස්ථානයක් වන්නේ 2GB RAM, නමුත් සුමට බහු කාර්යයන් සඳහා 4GB යතුරු පුවරුව තෝරා ගන්න.

ෂාරුක් ඛාන් ගැන අප නොදන්න දෙයක් නැති තරම්. ඒ තරමට අපි ඔහු ගැන, ඔහුගේ සිනමාපට ගැන, පවුල ගැන පමණක් නොවෙයි රුචි අරුචිකම් ගැන පවා දන්නවා. ඒත් ප‍්‍රශ්නේ තියෙන්නේ ෂාරුක් ගැන මොනතරම් දේවල් ලිවුවත් ඒ ගැන කියවන්න රසිකයින් දක්වන්නේ පුදුමාකාර ආසාවක්. උනන්දුවක්.

ඉතිං අපිත් හිතුවා ෂාරුක් ගැන ඇතැම් විට ඔබ දන්නවා කියලා හිතෙන සුවිශේෂ තොරතුරක් ඔබ හමුවට ගෙන එන්න.

ෂාරුක්ම කියා ඇති ආකාරයට ඔහු මුම්බායි වෙත ආවේ හිස් අතින්. ඔහු ජීවිතය දිනා ගත්තේ බොහෝම දුෂ්කරතා මධ්‍යයේ. ඒත් අද ඔහු බොලිවුඩයේ පමණක් නොවෙයි ලෝකයේම බලවත්, ජනප‍්‍රිය චරිතයක්. මිලියන සංඛ්‍යාත රසිකයින් පිරිසක් සිටින අතිෂය ජනප‍්‍රිය නළුවෙක්.

ෂාරුක් සිනමාවෙන් සහ දැන්වීම්කරණයෙන් සොයා ගත් අති දැවැන්ත ධනය මනාව කියාපාන කැඩපතක් තමයි ෂාරුක්ගේ මාළිගාව වන මන්නට් මන්දිරය. එය පිහිටා ඇත්තේ මුම්බායිහි අතිෂය මිලාධික මුහුදු තීරයක.

මේ නිසාම අද වන විට මන්නට් මන්දිරය යනු ලක්ෂ සංඛ්‍යාත ෂාරුක් රසිකයින්ගේ ජනප‍්‍රිය සංචාරක ස්ථානයක් බවට පත්ව ඇති තැනක්. ඔවුන්ගේ ප්‍රියතම තාරකාව දැක බලා ගැනීම සඳහා දහස් සංඛ්‍යාත රසිකයන් මන්නට් අසලට පැමිණෙනවා. විශේෂයෙන් ඊද් සහ දීපවාලි සමයේ මන්නට් මන්දිරය අසලට ලක්ෂ සංඛ්‍යාත පිරිසක් පැමිණෙණවා.

විචාරකයින් කියන ආකාරයට මන්නට් මන්දිරයේ ගෘහ නිර්මාණ ශිල්පය ද අති විශිෂ්ඨ එකක්. ඒ බව තව තවත් වර්ධනය කරන්නේ මන්නට් සතු ආසන 42කින් යුත් අධි සුඛෝපභෝගී ‘ගෘහ සිනමා ශාලාව’ Home theatre යි. එය කිං ඛාන්ට චිත්‍රපට කෙරෙහි ඇති ආදරය පිළිබිඹු කරන බව නොරහසක්. මෙහි ආගිය අය කියන ආකාරයට රඟහලේ දොරටුවේ ෂෝලේ, මෝගල්-ඊ-අසාම් සහ රාම් මර ර් ශ්‍යාම් සහ චාලි චැප්ලින් චිත්‍රපටවල දැවැන්ත පෝස්ටර් ප‍්‍රදර්ශනයට තබා තිබෙනවා.

එපමණක් නොවෙයි. ෂාරුක්ගේ මේ මිනි සිනමා ශාලාවේ ඔහු රඟපෑ සෑම චිත්‍රපටයක්ම නැරඹීමට අවස්ථාව තිබෙනවා. එවැනි සුඛෝපභෝගී අත්දැකීම් අත්විඳීමට අපි නිසැකවම කැමතියි. ඔබගේ තත්ත්වය කුමක්ද ?

Text By – Filmfare.com –

චීනය සහ රුසියාව දේශීයව සංවර්ධනය කරන ලද එන්නත් එන්නත් කිරීම ආරම්භ කර තිබේ. ඒවා සියල්ලම තවමත් ලෝක සෞඛ්‍ය සංවිධානය විසින් සායනික අත්හදා බැලීම්වල ලැයිස්තුගත කර නැත.

අවසාන සායනික අත්හදා බැලීම් සඳහා සහභාගී වූ පුද්ගලයෙකුට තුළ ඇති වූ සංකූලතාවක් හේතුවෙන් ඇස්ට්‍රාසෙනෙකා සහ ඔක්ස්ෆර්ඩ් ( AstraZeneca and Oxford) විශ්ව විද්‍යාලය විසින් සිදුකරනු ලබන කොවිඞ්-19 වෛරස් එන්නත සංවර්ධන කටයුතු නතර කර තිබෙනවා.

ඇස්ට්‍රාසෙනෙකා එය විස්තර කළේ “පැහැදිලි කළ නොහැකි රෝගයක්” සඳහා එය “සාමාන්‍ය” විරාමයක් ලෙසය.

එන්නත් අත්හදා බැලීම්වල ප්‍රතිඵල ලොව පුරා සමීපව නිරීක්ෂණය කෙරේ.

ඇස්ට්‍රාසෙනෙකා-ඔක්ස්ෆර්ඩ් විශ්ව විද්‍යාලයේ එන්නත ගෝලීය වශයෙන් සංවර්ධනය වෙමින් පවතින දුසිම් ගණනක් අතර ප්‍රබල තරඟකරුවෙකු ලෙස සැලකේ.

අදියර 1 සහ 2 සාර්ථක අත්හදා බැලීම්වලින් පසුව එන්නත වෙළඳපොලට පැමිණි පළමු වැන්නෙන් එකක් විය හැකිය යන බලාපොරොත්තුව ඉහළ මට්ටමක පවතී.

මෑත සතිවල තුන්වන අදියර පරීක්ෂණයට එය ගෙනයාමට එක්සත් ජනපදයේ මෙන්ම එක්සත් රාජධානියේ, බ්‍රසීලයේ සහ දකුණු අප්‍රිකාවේ 30,000 ක් පමණ සහභාගී වී ඇත. තුන්වන අදියර එන්නත් වල බොහෝ විට දහස් ගණනක් සහභාගී වන අතර එය වසර කිහිපයක් පැවතිය හැකිය.

මෙම පුවත පළමුවෙන්ම වාර්තා කළ සෞඛ්‍ය වෙබ් අඩවිය වන ‘ස්ටැට් නිව්ස් Stat News’ පැවසුවේ එක්සත් රාජධානියේ සහභාගිවන්නාගේ අහිතකර ප්‍රතිචාරය පිළිබඳ තොරතුරු ක්ෂණිකව නොදන්නා නමුත් මූලාශ්‍රයක් උපුටා දක්වමින් ඔවුන් යථා තත්ත්වයට පත්වනු ඇතැයි අපේක්ෂා කරන බවයි.

සායනික අත්හදා බැලීම් නැවත ආරම්භ කිරීම පිළිබඳ තීරණය දින කිහිපයක් ගත විය හැකිය

විශ්ලේෂණය බීබීසී වෛද්‍ය කර්තෘ ෆර්ගස් වොල්ෂ් විසිනි

බැලූ බැල්මට මෙය තැතිගන්වන සුළු බවක් පෙනෙන්නට තිබේ. බරපතල අහිතකර ප්‍රතික්‍රියාවක් නිසා සැක කෙරේ. එහෙත් එවැනි සිදුවීම් අසා නැත. ඇත්ත වශයෙන්ම ඔක්ස්ෆර්ඩ් කණ්ඩායම එය “පුරුද්දක්” ලෙස විස්තර කරයි. ඕනෑම වේලාවක ස්වේච්ඡා සේවකයෙකු රෝහලට ඇතුළත් කළ පසු ඔවුන්ගේ අසනීපයට හේතුව ක්ෂණිකව නොපෙනේ.

මෙය ඇත්ත වශයෙන්ම ඔක්ස්ෆර්ඩ් විශ්ව විද්‍යාලය / ඇස්ට්‍රාසෙනෙකා කොරෝනා වයිරස් එන්නත අත්හදා බැලීම සමඟ සිදු වූ දෙවන අවස්ථාවයි. ඔක්ස්ෆර්ඩ් සරසවියේ ප්‍රකාශකයෙක් පැවසුවේ “විශාල අත්හදා බැලීම්වලදී, රෝගාබාධ අහම්බෙන් සිදුවනු ඇති නමුත් මෙය ප්‍රවේශමෙන් පරීක්ෂා කිරීම සඳහා ස්වාධීනව සමාලෝචනය කළ යුතු’ බවයි.

අත්හදා බැලීම් නැවත ආරම්භ කිරීම පිළිබඳ අවසන් තීරණයක් වෛද්‍ය නියාමකයා වන එම්එච්ආර්ඒ විසින් ගනු ලබන අතර එය දින කිහිපයක් පමණක් ගතවනු ඇත. නමුත් එතෙක් එක්සත් රාජධානියේ, බ්‍රසීලයේ, දකුණු අප්‍රිකාවේ සහ ඇමරිකා එක්සත් ජනපදයේ සියලුම ජාත්‍යන්තර එන්නත් ලබා ගැනීමේ ස්ථාන අත්හිටුවා ඇත.

ඔක්ස්ෆර්ඩ් සරසවි කණ්ඩායම විශ්වාස කරන්නේ මෙම ක්‍රියාවලිය මගින් ඔවුන්ගේ ස්වේච්ඡා සේවකයන්ගේ ආරක්ෂාව සහ ඔවුන්ගේ අධ්‍යයන කටයුතුවල ඉහළම ප්‍රමිතීන් සඳහා කැපවී සිටින බව මනාව වටහා ගත හැකි බවයි.

එන්නතක් සෙවීමේදී අප සිටින්නේ කොහිද?

එක්සත් ජනපද ජනාධිපති ඩොනල්ඩ් ට්‍රම්ප් පවසා ඇත්තේ නොවැම්බර් 3 වන දින මැතිවරණයට පෙර තමාට එක්සත් ජනපදයේ එන්නතක් ලබා ගත යුතු බවයි, නමුත් ඔහුගේ අදහස් මගින් එන්නතක් ලබා ගැනීමේ කඩිමුඩිය ආරක්ෂාව සම්බන්ධයෙන් දේශපාලනයට ප්‍රමුඛතාවය දිය හැකිය යන බිය මතු වී තිබේ.

අඟහරුවාදා (08) කොවිඩ් -19 එන්නත් සංවර්ධකයින් නව දෙනෙකුගෙන් යුත් කණ්ඩායමක් එන්නතක් සෙවීමේදී විද්‍යාත්මක හා සදාචාරාත්මක ප්‍රමිතීන් ආරක්ෂා කිරීම සඳහා ‘ඓතිහාසික ප‍්‍රතිඥාවක් historic pledge ’ ප්‍රකාශයට පත් කරමින් මහජනයාගේ බිය සැක දුරු කිරීමට උත්සාහ කළහ.

‘සායනික අධ්‍යයනයේ අදියර තුනක් හරහා එන්නත් ලබා ගැනීමෙන් පසුව නියාමන අනුමැතිය සඳහා පමණක් ඉල්ලුම් කරන බවට. වන ප‍්‍රතිඥාවට අත්සන් තැබූ සමාගම් නවය අතර ඇස්ට්‍රාසෙනෙකා ද සිටී.

කර්මාන්ත දැවැන්තයින් වන ජොන්සන් ඇන්ඩ් ජොන්සන්, බයෝ එන්ටෙක්, ග්ලැක්සෝ ස්මිත්ක්ලයින්, ෆයිසර්, මර්ක්, මෝඩර්නා, සනෝෆි සහ නොවාවාක්ස් යන සමාගම් ද ප‍්‍රතිඥාවට අත්සන් කර ඇත.

“සෑම විටම එන්නත ලබා දුන් පුද්ගලයින්ගේ ආරක්ෂාව සහ යහපැවැත්ම අපගේ ප්‍රමුඛතාවය බවට පත් කිරීමට” ඔවුන් ප‍්‍රතිඥා දුන්හ.

ලෝක සෞඛ්‍ය සංවිධානය (WHO) පවසන්නේ ලොව පුරා එන්නත් සංවර්ධකයින් 180කට ආසන්න සංඛ්‍යාවක් පරීක්ෂාවට ලක් කර ඇති නමුත් කිසිවෙකු තවමත් සායනික අත්හදා බැලීම් සම්පූර්ණ කර නොමැති බවයි.

සංවිධානයක් පවසා ඇත්තේ එන්නතක් එහි කාර්යක්ෂමතාව සහ ආරක්‍ෂිත මාර්ගෝපදේශ සපුරාලනු ඇතැයි අපේක්ෂා නොකරන බවත් ඒවා ආරක්ෂිතව පරීක්ෂා කිරීමට ගතවන කාලය බවත්ය.

ජාත්‍යන්තර ඖෂධ නිෂ්පාදකයින්ගේ සම්මේලනයේ අධ්‍යක්ෂ ජනරාල් තෝමස් කූනි (Thomas Cueni, director-general of the International Federation of Pharmaceutical Manufacturers) ද එවැනිම හැඟීම් බෙදාගෙන තිබේ. 

කර්මාන්ත මණ්ඩලය නියෝජනය කරන්නේ පොරොන්දුව අත්සන් කළ සමාගම් ය.

එසේ තිබියදීත්, චීනය සහ රුසියාව දේශීයව සංවර්ධනය කරන ලද එන්නත් එන්නත් කිරීම ආරම්භ කර තිබේ. ඒවා සියල්ලම තවමත් ලෝක සෞඛ්‍ය සංවිධානය විසින් සායනික අත්හදා බැලීම්වල ලැයිස්තුගත කර නැත.

මේ අතර, එක්සත් ජනපදයේ ජාතික නියාමකයා වන ආහාර හා ඖෂධ පරිපාලනය (FDA) යෝජනා කර ඇත්තේ සායනික අත්හදා බැලීම්වල තුන්වන අදියර සම්පූර්ණ කිරීමට පෙර කොරෝනා වයිරස් එන්නත් අනුමත කළ හැකි බවයි.

නොවැම්බර් 3 වන දින ජනාධිපතිවරණයට දින දෙකකට පෙර එනම් නොවැම්බර් 1 වන විට විභව එන්නතක් බෙදා හැරීමට සූදානම් වීම සඳහා යම් යම් අවශ්‍යතා අත්හැරීම පිළිබඳව සලකා බලන ලෙස එක්සත් ජනපදයේ රෝග පාලන හා වැළැක්වීමේ මධ්‍යස්ථාන රාජ්‍යයන්ගෙන් ඉල්ලා සිටි බව පසුගිය සතියේ ද අනාවරණය විය.

ජනාධිපති ට්‍රම්ප් මැතිවරණයට පෙර එන්නතක් ලබා ගත හැකි බවට ඉඟි කර තිබුණද, ඔහුගේ ඩිමොක්‍රටික් ප්‍රතිවාදියා වන ජෝ බිඩන්, ට්‍රම්ප් මහතා විද්‍යාඥයන්ට ඇහුම්කන් දී විනිවිද නොපෙනෙන ක්‍රියාවලියක් ක්‍රියාත්මක කරනු ඇති බවට සැක පහළ කර තිබේ.

2020 සැප්තැම්බර් 09 වැනි දින බී.බී.සී. වාර්තාවකි – සැකසුම – තීක්ෂණ වෙළෙන්එගොඩ